See in Reader
20 lines
4.2 KiB
JSON
20 lines
4.2 KiB
JSON
{
|
|
"1": "Pa-thơu pơnõq adơi sơai, mưng kaya Yàc pơnõq drơi ròq trôh, la Yàc Dõc Pơtlah Je-su, sì kaya pơjũm pơtõm pơnõq drơi sigỡuq sì Pitrai, pơnõq hlãq lakơu pơnõq adơi sơai, ",
|
|
"2": "làiq, pơnõq adơi sơai juơi sơmar kađòc tơtơh mơgơi hatai hẽla sawĩ sơwỡn dơlãp kaya sơnơng drơi hũ, kung juơi kơyua mưng sa vơngãq, hẽla kơyua mưng sa pơnuaĩq yàc, hẽla kơyua mưng sa vlah sơrãq pơyua halơi nữn ngãq yơu trôh mưng pơnõq hlãq wãq, tũq hũ gơtha đơp làiq harơi Yàc hũ song trôh vloh. ",
|
|
"3": "Lakơu juơi sa aràc asơi ngãq tui dơrgữq pơnẽq halơi pơlih pa-gơla pơgàt pơnõq adơi sơai, kơyua harơi nữn ôh trôh tãl trôh tũq kaya jơdrãq sì pơnuaĩq yàc tơviãq trôh halơu avih, sì anàq mơnuĩh mưng kaya ôh hũ voh-va hũ pa-bôh tơviãq, nữn la anàq mưng kaya pa-lơhiãq hũ, ",
|
|
"4": "la mơnuĩh jơdrãq wỡq sì pa-pồq krơi rùp drơi tơgùq ngãq jơdrãq sì dơgrữq kaya halơi hũ angãn la yàc hẽla hũ anàq mơnuĩh duh talơvãt. Kơyua yơu nữn, nhũ dòq guh dơlãp sàc duh talơvãt Yàc Pô Lơngĩq hũ, sì nhũ ràc tơviãq rùp nhũ yơu la Yàc Pô Lơngĩq. ",
|
|
"5": "Pơnõq adơi sơai ôh sơdor làiq, tũq dòq sigỡuq sì pơnõq adơi sơai, hlãq song gãm vrơi ga pơnõq adơi sơai thơu mưng dơgrữq vruãq nĩ vloh yơh? ",
|
|
"6": "Sì tũq nĩ pơnõq adơi sơai song thơu kaya hagĩq ãn mãq pakỡuq nhũ, pioh nhũ mĩn hũ pabôh tơviãq iỡuq tũq lơwah nhũ hũ. ",
|
|
"7": "Kơyua kaya dơlãp dơđỡuq wãc rơsì ôh hũ voh-va hũ ãn pơdòq ngãq vloh, mĩn hũ sa Pitao tũq nĩ miẽt ãn mãq pakỡuq nhũ tũq nĩ gãm dòq tãl trôh tũq Pitao nữn hũ tơviãq tlah di khrãh pơnõq drơi, ",
|
|
"8": "sì vloh mơnuĩh ôh hũ voh-va ròq pabôh tơviãq, la mơnuĩh nữn Yàc Je-su ròq pa-lơhiãq nhũ mưng yuà suãq mơvah Pitrai hũ, sì Yàc ròq ngãq ga nhũ tơviãq jỡc kaya lơhiãq soh kơyua mưng kaya gơhluh dơlãp kaya pa-bôh tơviãq Pitrai hũ, ",
|
|
"9": "nữn kaya pa-bôh tơviãq mơnuĩh ôh hũ voh-va dih la gơnang mưng vruãq ngãq Sa-tan gãm sì avih dơgrữq gơnuar chơnuãq sigỡuq sì nỡm krơi tơmo, kung yơu vruãq vlữq lor krơi tơmo, ",
|
|
"10": "sigỡuq sì dơgrữq kaya vlữg lor ôh tơpãq pioh ga dơgrữq mơnuĩh lơhiãq thĩt, nữn pơnõq nhũ lơhiãq thĩt la kơyua pơnõq nhũ song ôh tồq mãq kaya khiãng duman pơnuaĩq tơpãq ga drơi tồq hũ dõc tlah. ",
|
|
"11": "Sì kơyua kanoh gơtha nữn, Yàc Pô Lơngĩq ngãq ga pơnõq nhũ tơwãq kaya sỗq suẽl pioh pơnõq nhũ pãc-tui pơnuaĩq vlữq lor, ",
|
|
"12": "tồq ga avih dơgrữq tãl aràc pơnõq nhũ ròq kađòc chahrơna, nữn la dơgrữq mơnuĩh ôh pãc-tui pơnuaĩq tơpãq, nữn vloh hãm-sơh kaya ôh tơpãq. ",
|
|
"13": "Nữn, pa-thơu pơnõq adơi sơai, la dơgrữq mơnuĩh Yàc khiãng anĩt, pơnõq hlãq gãm gãm ỡn ngai Yàc Pô Lơngĩq mưng pơnõq adơi sơai. Kơyua Yàc Pô Lơngĩq song duỡt ruãh pơnõq adơi sơai yơu dơgrữq voh akõq thũt pioh tồq mãq kaya dõc pơtlah gơnang mưng kaya sơđah sơchih Vơngãq Sơđah hũ sì hatai pãc tui dơlãp pơnuaĩq tơpãq. ",
|
|
"14": "Kơyua pioh tồq mãq hũ kaya anĩt nữn, Pitrai song iơu jàq pơnõq adơi sơai mưng Pơnuaĩq Siàp nữn pơnõq hlãq ràc akhàt, trôh sì kaya tồq mãq kaya gơhluh Yàc pơnõq drơi hũ, la Yàc Dõc Pơ-tlah Je-su. ",
|
|
"15": "Kơyua yơu nữn, pa-thơu pơnõq adơi sơai, lakơu iỡuq dữc gơjãp sì rơmiãq jàc gơnĩt dơgrữq kaya mưng halơu thrơi nữn pơnõq adơi sơai song hũ pơto pơđar, bôh làiq mưng pơnuaĩq đơp hẽla mưng sơrãq pơyua pơnõq hlãq hũ. ",
|
|
"16": "Lakơu rùp phuỗt Yàc pơnõq drơi, la Yàc Dõc Pơ-tlah Je-su, sì Yàc Pô lơngĩq, Ama pơnõq drơi, Pitao khiãng duman pơnõq drơi sì song vrơi ga pơnõq drơi kaya paluơ padờp gãm gãm sigỡuq sì kaya chơkhãq chàc tơpãq siàp kơyua mưng kaya anĩt, ",
|
|
"17": "lakơu paluơ padờp sì ngãq ga hatai pơnõq adơi sơai hũ gơjãp khãc dơlãp dơgrữq vruãq sigỡuq sì pơnuaĩq đơp tơpãq siàp. "
|
|
}
|