See in Reader
31 lines
4.3 KiB
JSON
31 lines
4.3 KiB
JSON
{
|
|
"1": "Pa-thơu pơnõq adơi sơai, mưng tũq jơ sì tũq lơwah, pơnõq adơi sơai ôh chàc pơnõq hlãq wãq vrơi ga pơnõq adơi sơai. ",
|
|
"2": "Kơyua rùp phuỗt pơnõq adơi sơai thơu nĩ nũn gơnĩt viãq làiq harơi Yàc hũ ròq trôh yơu hlơi - yơu mơnuĩh tlẽq dơlãp dlài mơlãp. ",
|
|
"3": "Dơlãp tũq anàq mơnuĩh đơp, \"Dadu lơngai sì tơpãq lơngai,\" nữn kaya pa-lơhiãq dơvruh dơvrah ròq pơlẽq trỗt pãq dlòc pơnõq nhũ, drưh yơu kaya pơđìq pơđua jẽq đeh yơu mơnuĩh kamơi hũ ãn mơtiàt sì pơnõq nhũ viãq ôh pleh tlah jỡc. ",
|
|
"4": "Nữn, pa-thơu pơnõq adơi sơai, pơnõq adơi sơai ôh dòq dơlãp kaya sồp kơnãm tồq vloh harơi nữn tơviãq trôh ga pơnõq adơi sơai dơvruh dơvrah yơu mơnuĩh tlẽq. ",
|
|
"5": "Kơyua pơnõq adơi sơai kung la anàq kaya sơdah sì anàq dlài harơi hũ. Pơnõq drơi ôh iỡuq la anàq dlài mơlãp hẽla kaya sồp kơnãm hũ, ",
|
|
"6": "yơu nữn, pơnõq drơi juơi pìq yơu mơnuĩh tơmo, pa-vlữq wỡq, pơnõq drơi iỡuq mơ-uãh chơkhãq sì sơdah mơta mơdưh. ",
|
|
"7": "Kơyua mơnuĩh pìq la pìq dơlãp dlài mơlãp, sì mơnuĩh mơvũq nữn mơvũq dơlãp dlài mơlãp. ",
|
|
"8": "Nữn kơyua pơnõq drơi pơweh gah dlài harơi, yơu nữn pơnõq drơi iỡuq sơdah mơta mơdưh sì chồq tơma voh-tui sigỡuq sì kaya khiãng duman ngãq ao pasơi, sì kaya chơkhãq chàc dõc pơ-tlah ngãq kalơmũ mơ-õm akõq. ",
|
|
"9": "Kơyua Yàc Pô Lơngĩq ôh ngãq gơnĩt ga pơnõq drơi ãt kaya ơnõc mơvai prong, nữn pioh tồq kaya dõc pơ-tlah kơyua mưng Yàc Dõc Pơ-tlah Je-su pơnõq drơi. ",
|
|
"10": "Rùp phuỗt Pitrai la Pitao song mơtai kơyua mưng pơnõq drơi pioh pơnõq drơi, bôh làiq mơdưh hẽla pìq, kung hũ hadiuq sì Pitrai. ",
|
|
"11": "Yơu nữn, iỡuq paluơ padờp gỡuq sì padỡc gỡuq tơgùq, yơu pơnõq adơi sơai miẽt ãn ngãq. ",
|
|
"12": "Pa-thơu pơnõq adơi sơai, pơnõq hlãq lakơu pơnõq adơi sơai iỡuq thơu ỡn ngai dơgrữq mơnuĩh ãt dleh dlàr dơlãp pơnõq adơi sơai, sigỡuq sì dơgrữq mơnuĩh dlãc-va pơnõq adơi sơai dơlãp Yàc sì pơto pơđar pơnõq adơi sơai. ",
|
|
"13": "Pơnõq hlãq kung lakơu pơnõq adơi sơai sơ-uỗt mơyòp pơnõq nhũ dơlãp kaya khiãng duman kơyua mưng vruãq ngãq pơnõq nhũ hũ. Iỡuq hadiuq salơnuãq sì gỡuq. ",
|
|
"14": "Pa-thơu pơnõq adơi sơai, pơnõq hlãq pơto pa-sơdor adơi sơai iỡuq đơp gơrhia halơu mơnuĩh ôh hũ kaya ngãq gơnĩt, paluơ padờp mơnuĩh tavlữq hatai, yỡc tơgùq mơnuĩh lơduh lơmuỡn, sì ãt-ỡl sigỡuq sì avih dơgrữq mơnuĩh. ",
|
|
"15": "Iỡuq iãq mững juơi luơi hũ mơnuĩh halơi mãq kaya mơsãc vơyar kaya mơsãc ga aràc halơi. Pa-vlữq wỡq, iỡuq gãm pa-gui tui dơgrữq kaya hagĩq siàp mơkrờ, gãm ga pơnõq adơi sơai drơi gãm sì ga dơgrữq mơnuĩh. ",
|
|
"16": "Iỡuq gãm uỗt sơh. ",
|
|
"17": "Iỡuq iơu lakơu ôh padưh. ",
|
|
"18": "Dơlãp dơgrữq vruãq iỡuq ỡn ngai. Kơyua nữn la hatai ưng Yàc Pô Lơngĩq hũ pơweh sì pơnõq adơi sơai dơlãp Yàc Dõc Pơ-tlah Je-su. ",
|
|
"19": "Juơi ngãq pơdãp Vơngãq Sơđah. ",
|
|
"20": "Juơi iãq ôh srãp pơnuaĩq gơnuar hwơr. ",
|
|
"21": "Iỡuq iãq pơwih dơgrữq kaya. Iỡuq rơmiãq jàc kaya hagĩq la ngãq siàp. ",
|
|
"22": "Iỡuq pleh atah dơgrữq kaya ngãq yơu iãh mơsãc. ",
|
|
"23": "Lakơu mĩn rùp phuỗt Yàc Pô Lơngĩq dadu lơngai ngãq ga adơi sơai jỡc sơđah sơchih wil tãl. Lakơu vơngãq hatai, suàt vơngãq, sì rùp phàp pơnõq adơi sơai hũ rơmiãq jàc wil tãl sì ôh ngãq kaya halơi sỗq suẽl tũq Yàc Dõc Pơ-tlah Je-su pơnõq drơi trôh. ",
|
|
"24": "Pitao iơu pơnõq adơi sơai la tui tơpãq, Pitao kung ròq ngãq tơviãq vruãq nữn. ",
|
|
"25": "Pa-thơu pơnõq adơi sơai, lakơu kung iơu lakơu ga pơnõq hlãq. ",
|
|
"26": "Lakơu iỡuq tơnĩa rơwãc avih tãl aràc pơnõq adơi sơai mưng chơbuai chũm sơđah. ",
|
|
"27": "Mãq angãn Yàc, hlãq lakơu sơrãq pơyua nĩ iỡuq hũ pơpoh ga avih tãl aràc pơnõq adơi sơai. ",
|
|
"28": "Lakơu kaya anĩt Yàc Dõc Pơ-tlah Je-su pơnõq drơi hũ dòq sigỡuq sì pơnõq adơi sơai. "
|
|
}
|