See in Reader
31 lines
4.4 KiB
JSON
31 lines
4.4 KiB
JSON
{
|
|
"1": "Pa-thơu pơnõq adơi sơai, mưng tũq jơ sì tũq lơwah, pơnõq adơi sơai ôh chàc pơnõq hlãq wãq vrơi ga pơnõq adơi sơai. ",
|
|
"2": "Kơyua rùp phuỗt pơnõq adơi sơai thơu nĩ nũn gơnĩt viãq làiq harơi Yàc hũ ròq trôh yơu hlơi - yơu mơnuĩh tlẽq dơlãp dlài mơlãp. ",
|
|
"3": "Dơlãp tũq anàq mơnuĩh đơp, \"Dadu lơngai sì tơpãq lơngai,\" nữn kaya pa-lơhiãq dơvruh dơvrah ròq pơlẽq trỗt pãq dlòc pơnõq nhũ, drưh yơu kaya pơđìq pơđua jẽq đeh yơu mơnuĩh kamơi ãn mơtiàt sì pơnõq nhũ viãq ôh pleh tlah jỡc. ",
|
|
"4": "Nữn, pa-thơu pơnõq adơi sơai, pơnõq adơi sơai ôh dòq dơlãp kaya sồp kơnãm tồq vloh harơi nữn tơviãq trôh ga pơnõq adơi sơai dơvruh dơvrah yơu mơnuĩh tlẽq. ",
|
|
"5": "Kơyua pơnõq adơi sơai kung la anàq kaya sơdah sì anàq dlài harơi hũ. Pơnõq drơi ôh iỡuq la anàq dlài mơlãp hẽla kaya sồp kơnãm hũ, ",
|
|
"6": "yơu nữn, pơnõq drơi juơi pìq yơu mơnuĩh tơmo, pa-vlữq wỡq, pơnõq drơi iỡuq mơ-uãh chơkhãq sì sơdah mơta mơdưh. ",
|
|
"7": "Kơyua mơnuĩh pìq la pìq dơlãp dlài mơlãp, sì mơnuĩh mơvũq nữn mơvũq dơlãp dlài mơlãp. ",
|
|
"8": "Nữn kơyua pơnõq drơi pơweh gah dlài harơi, yơu nữn pơnõq drơi iỡuq sơdah mơta mơdưh, sì chồq tơma ao pasơi voh-tui sì kaya khiãng duman hũ, gãm sì kalơmũ pasơi - la ngãq kaya chơkhãq chàc dõc pơtlah. ",
|
|
"9": "Kơyua Yàc Pô Lơngĩq song ôh ngãq gơnĩt ga pơnõq drơi ãt kaya ơnõc mơvai prong, nữn pioh tồq kaya dõc pơ-tlah gơnang mưng Yàc pơnõq drơi, la Yàc Dõc Pơ-tlah Je-su, ",
|
|
"10": "Pitao song mơtai kơyua mưng pơnõq drơi, pioh pơnõq drơi bôh làiq mơdưh hẽla pìq, pơnõq drơi kung hadiuq sigỡuq sì Pitrai. ",
|
|
"11": "Kơyua nữn, iỡuq paluơ padờp gỡuq, mơnuĩh nĩ iỡuq padỡc tơgùq mơnuĩh dih, yơu pơnõq adơi sơai ãn ngãq mĩn. ",
|
|
"12": "Pa-thơu pơnõq adơi sơai, pơnõq hlãq lakơu pơnõq adơi sơai iỡuq thơu ỡn ngai dơgrữq mơnuĩh ãt dleh dlàr dơlãp pơnõq adơi sơai, dui-va pơnõq adơi sơai dơlãp Yàc, sì pơto pơđar pơnõq adơi sơai, ",
|
|
"13": "sì iỡuq sơnỡng trôh pơnõq nhũ savĩq sơ-uỗt mơyòp dơlãp kaya khiãng duman kơyua mưng vruãq ngãq pơnõq nhũ hũ. Iỡuq hadiuq salơnuãq sì gỡuq. ",
|
|
"14": "Pa-thơu pơnõq adơi sơai, pơnõq hlãq pơto pa-sơdor adơi sơai: iỡuq gơrloh pơkhè halơu mơnuĩh ôh hũ kaya ngãq gơnĩt, iỡuq paluơ padờp mơnuĩh tavlữq hatai, iỡuq yỡc tơgùq mơnuĩh lơduh lơmuỡn, sì iỡuq ãt-ỡl sigỡuq sì avih dơgrữq tãl aràc. ",
|
|
"15": "Iỡuq iãq mững, juơi luơi hũ mơnuĩh halơi mãq kaya mơsãc vơyar kaya mơsãc ga aràc halơi, pa-vlữq wỡq, iỡuq gãm pa-gui tui dơgrữq kaya hagĩq siàp mơkrờ pioh ga gỡuq sì ga dơgrữq tãl aràc. ",
|
|
"16": "Iỡuq gãm gãm uỗt sơh. ",
|
|
"17": "Iỡuq iơu lakơu ôh padưh. ",
|
|
"18": "Dơlãp avih dơgrữq kaya halơi, iỡuq ỡn ngai, kơyua nữn la hatai ưng Yàc Pô Lơngĩq hũ pơweh sì pơnõq adơi sơai dơlãp Yàc Dõc Pơ-tlah Je-su. ",
|
|
"19": "Juơi ngãq pơdãp Vơngãq Sơđah. ",
|
|
"20": "Juơi iãq ôh srãp pơnuaĩq gơnuar hwơr. ",
|
|
"21": "Iỡuq iãq pơwih dơgrữq kaya. Iỡuq rơmiãq jàc kaya hagĩq la ngãq siàp. ",
|
|
"22": "Iỡuq pleh atah tlah mưng dơgrữq kaya ngãq yơu iãh mơsãc. ",
|
|
"23": "Lakơu mĩn rùp phuỗt Yàc Pô Lơngĩq dadu lơngai ngãq ga adơi sơai jỡc sơđah sơchih wil tãl, sì lakơu avih vơngãq yuà, suàt vơngãq, sì rùp phàp pơnõq adơi sơai hũ rơmiãq jàc wil tãl sì ôh ngãq kaya halơi sỗq suẽl tũq Yàc pơnõq drơi, la Yàc Dõc Pơ-tlah Je-su, mai trôh. ",
|
|
"24": "Tui tơpãq viãq la Pitao iơu jàq pơnõq adơi sơai, kung la Pitao ròq ngãq tơviãq dơgrữq vruãq nữn. ",
|
|
"25": "Pa-thơu pơnõq adơi sơai, kung iơu lakơu ga pơnõq hlãq wỡq. ",
|
|
"26": "Lakơu tơnĩa rơwãc avih tãl aràc pơnõq adơi sơai mưng chơbuai chũm sơđah. ",
|
|
"27": "Hlãq mãq angãn Yàc pơđar ga pơnõq adơi sơai iỡuq pơpoh sơrãq pơyua nĩ ga avih dơgrữq pơnõq adơi sơai. ",
|
|
"28": "Lakơu kaya anĩt Yàc pơnõq drơi hũ, la Yàc Dõc Pơ-tlah Je-su, dòq sigỡuq sì pơnõq adơi sơai. "
|
|
}
|