See in Reader
22 lines
4.0 KiB
JSON
22 lines
4.0 KiB
JSON
{
|
|
"1": "Yơu nữn, hadơi avih, pa-thơu pơnõq adơi sơai, pơnõq hlãq rãn lakơu sì paluơ padờp pơnõq adơi sơai dơlãp Yàc, la Yàc Je-su, drưh yơu pơnõq adơi sơai song tồq mãq mưng pơnõq hlãq yơu halơi la kaya iỡuq ngãq jỡc ga pơnõq adơi sơai pioh hadiuq sì ngãq siàp hatai Yàc Pô Lơngĩq, kung yơu kaya pơnõq adơi sơai ãn hadiuq, tồq pioh ga pơnõq adơi sơai pơlih brõq prãn tơgùq rlao wỡq. ",
|
|
"2": "Kơyua pơnõq adơi sơai thơu dơgrữq kaya pơto pơđar halơi pơnõq hlãq song akhàt ga pơnõq adơi sơai kơyua mưng Yàc Je-su. ",
|
|
"3": "Kơyua nĩ la hatai ưng Yàc Pô Lơngĩq hũ la kaya sơđah sơchih pơnõq adơi sơai hũ: iỡuq rơmiãq jàc rùp drơi pơleh atah kaya arĩh athãm; ",
|
|
"4": "dơgrữq tãl aràc dơlãp pơnõq adơi sơai iỡuq thơu rơmiãq jàc rùp phàp drơi dơlãp kaya sơđah sơchih sì ki ngãm, ",
|
|
"5": "ôh ngãq tui kaya ham khiãng ham ưng ( drưh yơu mơnuĩh vual vơla lơniãu la mơnuĩh ôh thơu Yàc Pô Lơngĩq); ",
|
|
"6": "juơi luơi ga mơnuĩh halơi ngãq sỗq sì ka-nơ pơnõq adơi sơai drơi dơlãp vruãq nĩ, kơyua mưng Yàc la Pitao yơr đồq tơngãn mưng dơgrữq kaya nữn, yơu pơnõq hlãq kung song đơp halơu sì gơrhia gơnĩt ga pơnõq adơi sơai. ",
|
|
"7": "Kơyua Yàc Pô Lơngĩq ôh iơu jàq pơnõq drơi trôh pãq kaya tơsỡuq nrãc, nữn tơma dơlãp kaya sơđah sơchih. ",
|
|
"8": "Yơu nữn, mơnuĩh halơi kơmlah luơi pơnuaĩq pơto pơđar nĩ ôh iỡuq la kơmlah luơi anàq mơnuĩh, nữn la kơmlah luơi Yàc Pô Lơngĩq, Pitao vrơi Yàc Vơngãq Sơđah Pitrai ga pơnõq adơi sơai. ",
|
|
"9": "Nữn mưng kaya khiãng duman pơnõq adơi sơai nữn ôh chàc pơnõq hlãq wãq vrơi ga pơnõq adơi sơai, kơyua rùp phuỗt pơnõq adơi sơai song hũ Yàc Pô Lơngĩq pơto iỡuq khiãng duman gỡuq. ",
|
|
"10": "Kơyua viãq, pơnõq adơi sơai hũ ngãq yơu nữn pơweh sì avih tãl aràc pơnõq adơi sơai dơlãp vãq avih char-palơi Ma-xe-đoan. Nữn pa-thơu pơnõq adơi sơai, pơnõq hlãq pơto pa-sơdor pơnõq adơi sơai iỡuq ngãq yơu nữn brõq rlao tơra, ",
|
|
"11": "sì iỡuq rãn hadiuq siàp lơngai, iãq rơchãc dơgrữq vruãq drơi hũ, sì mưng tơngãn drơi ngãq vruãq, yơu pơnõq hlãq song pơto pơđar pơnõq adơi sơai, ",
|
|
"12": "pioh pơnõq adơi sơai pơlih bõc dòq savĩq tơpãq siàp di anãq mơnuĩh lơniãu sì ôh kađòc siẽuq kaya hagĩq. ",
|
|
"13": "Nữn pa-thơu pơnõq adơi sơai, pơnõq hlãq ôh ưng pơnõq adơi sơai ôh thơu hagĩq mưng dơgrữq mơnuĩh song pìq, pioh pơnõq adơi sơai ôh ka-ồq ka-yãp yơu dơgrữq mơnuĩh tơmo la dơgrữq mơnuĩh ôh hũ kaya chơkhãq chàc. ",
|
|
"14": "Kơyua mơyah làiq pơnõq drơi pãc-tui làiq Yàc Je-su song mơtai sì song hadiuq wỡq, nữn Yàc Pô Lơngĩq kung ròq va dơgrữq mơnuĩh song pìq dơlãp Yàc Je-su trôh sigỡuq sì Pitrai. ",
|
|
"15": "Kơyua gơnang mưng pơnuaĩq Yàc hũ, pơnõq hlãq đơp kaya nĩ ga pơnõq adơi sơai thơu làiq pơnõq drơi, la dơgrữq mơnuĩh tũq nĩ ãn hadiuq, dơgrữq mơnuĩh dòq wỡq tãl trôh tũq Yàc mai wỡq, gơnĩt viãq ròq ôh nao halơu dơgrữq mơnuĩh song pìq. ",
|
|
"16": "Kơyua rùp phuỗt Yàc ròq mưng dlòc lơngĩq pa-trỗt sigỡuq sì sãp iơu prõng, gãm sãp mơnuĩh gơnrơh prõng hũ, sigỡuq sì sãp gơdèt Yàc Pô Lơngĩq hũ, vloh dơgrữq mơnuĩh song mơtai dơlãp Yàc Dõc Pơ-tlah ròq hadiuq wỡq halơu avih. ",
|
|
"17": "Patui nữn, pơnõq drơi, la dơgrữq mơnuĩh tũq nĩ ãn dòq hadiuq, dơgrữq mơnuĩh dòq wỡq, ròq hũ va đìq tơgùq sigỡuq sì pơnõq nhũ dơlãp pũc huãl pioh pãp Yàc pãq dlòc khrãh lơwah, sì yơu nữn, pơnõq drơi ròq hũ dòq si Yàc gãm gãm. ",
|
|
"18": "Kơyua yơu nữn, iỡuq angui dơgrữq pơnuaĩq nĩ paluơ padờp gỡuq. ",
|
|
"19": "Yơu nữn, adơi sơai iơuq angui pơnuaĩq nữn sì paluơ pơdơp gơuq."
|
|
}
|