See in Reader
22 lines
4.5 KiB
JSON
22 lines
4.5 KiB
JSON
{
|
|
"1": "Yơu nữn, kơyua Yàc Dõc Pơ-tlah song ãt dleh dlàr dơlãp rơlo rùp, yơu nữn pơnõq adơi sơai kung iỡuq ãt pơkhrà krơi ga drơi sigỡuq sì kaya sơnơng ngãq gơnĩt nữn, kơyua mơnuĩh halơi song ãt dleh dlàr dơlãp rơlo rùp nữn song pleh tlàq sì dlàiq dơnũh, ",
|
|
"2": "pioh ga dơlãp dơgrữq harơi dòq wỡq dơlãp rơlo rùp, mơnuĩh nữn ôh dòq hadiuq kơyua mưng kaya ham khiãng anàq mơnuĩh hũ tơra, nữn pioh ga hatai ưng Yàc Pô Lơngĩq hũ. ",
|
|
"3": "Kơyua tũq jơ nao gãt song tãl vloh pioh tồq mãq hũ hatai ưng vual vơla lơniãu, dơlãp tũq hadiuq dơlãp kaya drì drõc, ham khiãng, mơvũq mơvẽl, bõc mơnhũm, pơyãq kaya bõc mơnhũm sì kaya duh talơvãt rùp ràc đang mang kir amir, ",
|
|
"4": "nữn dơlãp vruãq nĩ, pơnõq nhũ iãq krơi tơmo viãq tũq pơnõq adơi sơai ôh ngãq tui dơgrữq kaya ngãq nao bõc mơ-ĩn ling lang sigỡuq sì pơnõq nhũ, yơu nữn pơnõq nhũ đơp iãh pơnõq adơi sơai; ",
|
|
"5": "pơnõq nhũ ròq akhàt pa-tơviãq pãq anãq Pitao song rơchãc lơĩh pioh chahrơna mơnuĩh hadiuq gãm sì mơnuĩh mơtai. ",
|
|
"6": "Kơyua mưng kaya nữn, Pơnuaĩq Siàp kung song hũ ràc tơviãq ga dơgrữq mơnuĩh tũq nĩ mơtai vloh, tồq vloh bôh làiq pơnõq nhũ song ãt chahrơna tui yơu pơjẽh anàq mơnuĩh dơlãp rơlo rùp, nữn nĩ pơnõq nhũ pơlih hadiuq tui Yàc Pô Lơngĩq dơlãp suàt vơngãq. ",
|
|
"7": "Vơnãh tơmo, kaya luỗiq hadơi avih dơgrữq kaya hũ song trôh jẽq. Kơyua yơu nữn, iỡuq sơdah dlò sì mơdưh dơlãp kaya sơnơng pioh padỡc dơgrữq pơnuaĩq iơu lakơu; ",
|
|
"8": "halơu avih dơgrữq kaya iỡuq hũ hatai tluỡiq gơhuar khiãng duman ga gỡuq, kơyua kaya khiãng duman ròq vơvãc dơđỡuq lũ-là dlàiq dơnũh; ",
|
|
"9": "iỡuq hũ hatai chơrmãh chơrmai tồq ròq gỡuq nữn ôh đơp rơbòp sa asĩt halơi; ",
|
|
"10": "sì tui yơu dơgrữq tãl aràc song tồq mãq kaya anĩt, angui nhũ pioh duh vruãq ga gỡuq, ngãq yơu dơgrữq mơnuĩh tui tơpãq iãq jàc pơweh sì dơgrữq kaya anĩt Yàc Pô Lơngĩq hũ. ",
|
|
"11": "Mơyah làiq asơi pơto akhàt - nữn iỡuq đơp tơviãq pơnuaĩq Yàc Pô Lơngĩq hũ; mơyah làiq asơi duh vruãq - nữn iỡuq duh vruãq mưng prãn nữn Yàc Pô Lơngĩq alĩn vrơi, pioh dơlãp avih dơgrữq kaya Yàc Pô Lơngĩq ròq hũ sơ-uỗt mơyòp gơnang mưng Yàc Dõc Pơ-tlah Je-su, la Pitao đang mang hũ kaya gơhluh sì gơnuar chơnuãq tãl trôh gãm gãm ôh luỗiq. A-men. ",
|
|
"12": "Ơ dơgrữq adơi sơai anĩt duman, juơi iãq ka-ồq ka-ãn mưng vruãq kađòc lòc rơyiãq dơlãp apôi dòq di khrãh pơnõq adơi sơai, dơlãp tũq song tơviãq trôh pioh lòc pơnõq adơi sơai, ngãq yơu kaya krơi tơmo tơviãq trôh ga drơi, ",
|
|
"13": "pavlữq wỡq, tui yơu pơnõq adơi sơai kung hũ vơnãh hadùp dơlãp dơgrữq kaya pơđìq pơđua Yàc Dõc Pơtlah hũ, nữn iỡuq uỗt sơh du nữn, tồq ga dơlãp kaya ràc tơviãq kaya gơhluh Pitrai hũ, pơnõq adơi sơai hũ sơ-uỗt mơyòp, vãq srè kaya sơh sơr. ",
|
|
"14": "Mơyah làiq pơnõq adơi sơai kađòc siẽq siẽl kơyua mưng angãn Yàc Dõc Pơtlah, nữn pơnõq adơi sơai hũ lơngai viãq, kơyua kaya gơhluh sì Vơngãq Sơđah Yàc Pô Lơngĩq hũ, ãn dòq pãq dlòc pơnõq adơi sơai. ",
|
|
"15": "Nữn juơi hũ asơi dơlãp pơnõq adơi sơai ãt dleh dlàr yơu mơnuĩh pa-mơtai mơnuĩh, mơnuĩh tlẽq sơwah, mơnuĩh ngãq mơsãc, hẽla yơu mơnuĩh sròq mơvah tơma vruãq mơnuĩh tơmo. ",
|
|
"16": "nữn mơyah làiq mơnuĩh halơi ãt dleh dlar kơyua mưng Yàc Dõc Pơtlah, nữn mơnuĩh nữn juơi mơlơu ơlah, nữn dơlãp mưng angãn nữn iỡuq sơ-uỗt mơyòp Yàc Pô Lơngĩq. ",
|
|
"17": "Kơyua song trôh tũq pơdòq kaya chahrơna mưng sàc Yàc Pô Lơngĩq hũ; nữn mơyah làiq halơu viãq mưng pơnõq drơi, nữn kaya luỗiq hadơi ga dơgrữq mơnuĩh ôh duh huaĩq Pơnuaĩq Siàp Yàc Pô Lơngĩq hũ ròq yơu halơi? ",
|
|
"18": "Sì \"Mơyah làiq mơnuĩh tơpãq dãng dòq kãn hũ dõc pơtlah, nữn mơnuĩh ôh duh huaĩq sì mơnuĩh hũ dlàiq ròq tơviãq yơu hayơu?\" ",
|
|
"19": "Yơu nữn, dơgrữq asơi ãt dleh dlàr kơyua mưng hatai ưng Yàc Pô Lơngĩq hũ iỡuq pơjao vơngãq yuà drơi ga Pitao Chrơng Pajỡc tui tơpãq sì patui wỡq dơlãp vruãq ngãq kaya siàp. "
|
|
}
|