See in Reader
23 lines
4.5 KiB
JSON
23 lines
4.5 KiB
JSON
{
|
|
"1": "Tũq hũ sa aràc mơnuĩh dơlãp adơi sơai hũ pơnuãiq ôh hũ sa lơnuãq sì mơnuĩh tơmo, hayơu mơnuĩh nữn khĩn yãq di anãq dơgrữq mơnuĩh ôh tơpãq dãng, sì ôh iỡuq va trôh pãq anãq dơgrữq mơnuĩh sơđah sơchih? ",
|
|
"2": "Hẽla adơi sơai ôh thơu dơgrữq mơnuĩh sơđah sơchih ròq chahrơnã dun kayua ôh yơh? Sì mơyah làiq dun kayua ròq kađòc chahrơnã adơi sơai, nữn adơi sơai ôh tãl gơnuar pioh chahrơnã dơgrữq vruãq tìt tiu nĩ yơh? ",
|
|
"3": "Adơi sơai ôh thơu làiq pơnõq drơi ròq chahrơnã dơgrữq mơnuĩh gơnrơh yơh? Adah làiq dơgrữq vruãq rài nĩ? ",
|
|
"4": "Yơu nữn, tũq adơi sơai hũ dơgrữq kaya gơrlah pơnuaĩq voh-va dơgrữq vruãq rài nĩ, yơu hayơu adơi sơai vloh pơđar dơgrữq mơnuĩh ôh jỡc chãq hagĩq dơlãp sàc Pơjũm Sơđah ngãq mơnuĩh chahrơnã lơĩq? ",
|
|
"5": "Hlãq đơp yơu nữn tồq adơi sơai thơu mơlơu. Hayơu viãq làiq ôh hũ mơnuĩh halơi dơlãp adơi sơai tãl kaya jãc rgơi pơlih hũ chahrơnã vruãq ôh siàp sigỡuq dơlãp pơnõq adơi sơai drơi ôh yơh? ",
|
|
"6": "Nữn pơnõq adơi sơai vloh yãq adơi sơai drơi, vloh va pãq anãq mơnuĩh ôh pãc tui! ",
|
|
"7": "Viãq, hũ kaya yãq gỡuq pãq khrah adơi sơai drơi nữn la adơi sơai song ãt alah sì dlàiq prõc vloh. Hayơu pơnõq adơi sơai vloh ôh ãt kaya sỗq suẽl? Hayơu pơnõq adơi sơai vloh ôh tồq mãq ga drơi kađòc pa-gơla? ",
|
|
"8": "Nữn pa-vlữq wỡq, mĩn rùp phuỗt adơi sơai la mơnuĩh ngãq dơgrữq kaya ôh iỡuq sì vlữq lor, nữn vloh ngãq vruãq yơu nữn sì pơnõq adơi sơai drơi! ",
|
|
"9": "Hẽla adơi sơai bôh thơu dơgrữq mơnuĩh ôh tơpãq dãng ròq ôh hũ tơma lơgar Yàc Pô Lơngĩq? Juơi luơi drơi ãt pa-gơla; dơgrữq mơnuĩh drì drõc, dơgrữq mơnuĩh kakôh rùp rãp, mơnuĩh ngãq drì drõc, mơnuĩh lakơi pa-vlơi kaya ngãq drì drõc, mơnuĩh ngãq drì drõc dơ-dlãq lakơi sì lakơi, kamơi sì kamơi, ",
|
|
"10": "Mơnuĩh tlẽq vlữq, mơnuĩh ham guãm, mơnuĩh mơvũq mơvẽl mơnuĩh đơp pơ-bluãq mơnuĩh pa gơla, avih pơnõq nữn ôh hũ tơma palơi lơgar Yàc Pô Lơngĩq. ",
|
|
"11": "Sì tơkìq mơnuĩh dơlãp pơnõq adơi sơai song hũ mơnuĩh la yơu nữn. Nữn dơlãp angãn Yàc Dõc Pơtlah Je su, sì kơyua mưng Vơngãq Sơđah Yàc Pô Lơngĩq pơnõq drơi, pơnõq adơi sơai song hũ rao sơchih, jỡc pa-sơdua vơrhơu, hũ angãn la tơpãq dãng. ",
|
|
"12": "\"Avih dơgrữq kaya hlãq hũ gơnuar ngãq,\" yơu nữn ôh iỡuq avih dơgrữq kaya la hũ kuơ màc. \"Avih dơgrữq kaya hlãq hũ gơnuar ngãq,\" yơu nữn ôh hũ kaya hagĩq rgơi apãt akõq hlãq. ",
|
|
"13": "\"Kaya bõc la kơyua mưng pruãiq vũc, sì pruãiq vũc la kơyua mưng kaya bõc,\" nữn Yàc Pô Lơngĩq ròq pa-lơhiãq kaya nĩ gãm sì kaya dih. Rùp phàp nữn ôh iỡuq mưng kaya drì drõc, nữn la kơyua mưng Yàc ,sì Yàc la kơyua rùp phàp pơnõq drơi. ",
|
|
"14": "Viãq, Yàc Pô Lơngĩq song ngãq ga Yàc hadiuq wỡq, sì mưng gơnuar chơnuãq Pitrai kung song ngãq ga pơnõq drơi hadiuq wỡq. ",
|
|
"15": "Adơi sơai ôh thơu làiq rùp phàp drơi hũ la vơnah dơlãp rùp phàp Yàc Dõc Pơtlah ôh yơh? Hlãq hũ rgơi mãq vơnah rùp phàp Yàc Dõc Pơtlah pioh ngãq jỡc dơlãp vơnah rùp phàp mơnuĩh drì drõc jỡc mĩn? ôh tũq halơi rgơi hũ vruãq nữn jỡc! ",
|
|
"16": "Hẽla adơi sơai ôh thơu làiq mơnuĩh halơi hũ hatai salơnuãq sì mơnuĩh drì drõc nữn ròq tơviãq jỡc sa rơlo sigỡuq sì pơnõq nhũ? Kơyua hũ pơnuãiq wãq làiq: \"Dua aràc ròq tơviãq jỡc sa rơlo.\" ",
|
|
"17": "Nữn mơnuĩh halơi ngãq salơnuãq sì Yàc nữn ròq tơviãq jỡc sa vơngãq hatai sì Pitrai. ",
|
|
"18": "Iỡuq tơviãq tlah vẽq mưng kaya arĩh athãm! Dơgrữq dlàiq tơmo nữn anàq mơnuĩh sơnẽq sỗq la dòq lơniãu rùp phàp, dòq mơnuĩh ngãq arĩh athãm là sỗq dlàiq tơrãq sì dơlãp rùp phàp drơi. ",
|
|
"19": "Hẽla viãq adơi sơai ôh thơu làiq rùp phàp drơi la sàc talơvãt Yàc Vơngãq Sơđah, dòq dơlãp adơi sơai, Pitao nữn adơi sơai song tồq mãq kơyua mưng Yàc Pô Lơngĩq? Vơnah rùp phàp pơnõq adơi sơai ôh dòq pơweh sì rùp phuỗt drơi tơra, ",
|
|
"20": "kơyua pơnõq adơi sơai song hũ pa-sơdua vlơi mưng pơyòp dloòng viãq vloh. Kơyua yơu nữn, iỡuq ngãq gơhluh ga Yàc Pô Lơngĩq mưng rùp phuỗt drơi. "
|
|
}
|