See in Reader
27 lines
4.1 KiB
JSON
27 lines
4.1 KiB
JSON
{
|
|
"1": "Mưng vruãq rìq jĩn dõc ga dơgrữq mơnuĩh gơnuar pơđar sơđah, pơnõq adơi sơai iỡuq ngãq tui yơu hlãq va ngãq ga dơgrữq Sàc Pơjũm Sơđah pãq Galati. ",
|
|
"2": "Tơma harơi chơmrờp dơlãp sa-tơjuh harơi, avih tãl aràc pơnõq adơi sơai iỡuq pioh krơi sì pơtõm pơgòp mưng vơnãh drơi ngãq hũ, tồq dơlãp tũq hlãq trôh ròq ôh chàc rìq pơgòp kaya hagĩq tơra. ",
|
|
"3": "Tũq halơi trôh, hlãq ròq pơđar nao dơgrữq mơnuĩh nữn pơnõq adơi sơai song duỡt ruãh va sơrãq pơyua sigỡuq sì kaya alĩn pơnõq adơi sơai hũ pioh va nao pãq Je-ru-sa-lem. ",
|
|
"4": "Sì mơyah làiq hlãq iỡuq chàc nao, nữn pơnõq nhũ ròq nao sigỡuq sì hlãq. ",
|
|
"5": "Hlãq ròq nao trôh rơwãc pơnõq adơi sơai hadơi sì tũq nao gãt lơgar Ma-xe-đoan. Sì hlãq ròq nao gãt tơpa lơgar Ma-xe-đoan. ",
|
|
"6": "Pơlih hlãq ròq dòq wỡq sì pơnõq adơi sơai, vloh kung dòq avih vơlàt mơrìt, tồq pơnõq adơi sơai va hlãq nao, bôh làiq nao tãl anĩh halơi. ",
|
|
"7": "Hlãq ôh ưng pãp pơnõq adơi sơai tũq nĩ pãq jơlàt nao, kơyua hlãq chơkhãq chàc ròq dòq wỡq sì pơnõq adơi sơai sa tũq lơwah, mơyah làiq Yàc vrơi gơnuar. ",
|
|
"8": "Nữn hlãq ròq dòq wỡq Ê-phê-sô tãl trôh pơjũm ơdãt Harơi Lơmã Plôh, ",
|
|
"9": "Kơyua hũ sa gah bãc song pơh lơnang sì tũq-lơwah ga hlãq, nữn kung hũ lũ mơnuĩh jơdrãq sì hlãq. ",
|
|
"10": "Mơyah làiq Ti-mô-thê trôh, iỡuq gơrhia tồq ga nhũ nữn dòq sigỡuq sì pơnõq adơi sơai ôh kơđa huãiq, kơyua nhũ nữn ãn ngãq vruãq Yàc, kung yơu hlãq mĩn. ",
|
|
"11": "Juơi aràc halơi iãq ôh sơrãp nhũ nữn. Iỡuq dõc iãq nhũ nao jơlàt savĩq dơdu lơngai, tồq ga nhũ sơmar trôh pãq anĩh hlãq, kơyua hlãq ãn chơkhãq khiãng nhũ nữn trôh sigỡuq sì dơgrữq pơnõq adơi sơai tơmo. ",
|
|
"12": "Dòq pơweh A-bô-lô, la adơi sơai pơnõq drơi hũ, hlãq song avih hatai ngãq padờp nhũ nữn sigỡuq sì tơkìq mơnuĩh adơi sơai trôh nao chuãq rơwãc pơnõq adơi sơai, nữn nhũ tũq nĩ ka-ôh ưng nao. Nhũ nữn ròq nao tũq halơi hũ tũq lơwah. ",
|
|
"13": "Iỡuq gơrhia iãq; iỡuq dỡc kơjãp dơlãp voh-tui; iỡuq chãc khĩn yơu mơnuĩh prong; sì iỡuq prãn khãc. ",
|
|
"14": "Adơi sơai iỡuq ngãq vẽq dơgrữq vruãq dơlãp kaya khiãng duman. ",
|
|
"15": "Pa-thơu pơnõq adơi sơai, adơi sơai thơu làiq sàc anĩh Sê-pha-na, pơnõq nhũ la voh akõq thũt pãq A-chai, sì pơnõq nhũ song avih hatai duh vruãq dơgrữq mơnuĩh gơnuar pơđar sơđah. Hlãq pơto pa-sơdor pơnõq adơi sơai ngãq yơu nữn, ",
|
|
"16": "Iỡuq duh huaĩq vẽq dơgrữq mơnuĩh yơu nữn, kung yơu duh huaĩq dơgrữq mơnuĩh ngãq vruãq sigỡuq sì ãt dleh dlàr sigỡuq dơlãp vruãq Yàc. ",
|
|
"17": "Hlãq uỗt sơh dơlãp tũq Sê-pha-na, Phôt-tu-na sì A-chai-cơ trôh; pơnõq nhũ song ngãq pa-wil tãl dơgrữq kaya hagĩq dòq siẽuq sier dơlãp pơnõq adơi sơai. ",
|
|
"18": "Kơyua pơnõq nhũ ngãq ga vơhrơu wỡq vơngãq hatai hlãq kung yơu pơnõq adơi sơai hũ. Yơu nữn, iỡuq ki ngãm vẽq dơgrữq mơnuĩh yơu nữn. ",
|
|
"19": "Dơgrữq Sàc PơJũm Sơđah pãq palơi prong A-si pơyua pơnuãiq chuãq rơwãc trôh ga pơnõq adơi sơai. A-qui-la sì Bê-rĩt-sin, sigỡuq sì Sàc Pơjũm Sơđah pơjũm pơtõm dơlãp sàc pơnõq nhũ hũ, avih hatai chuãq rơwãc adơi sơai dơlãp Yàc. ",
|
|
"20": "Avih tãl aràc adơi sơai nĩ lakơu chuãq rơwãc pơnõq adơi sơai. Iỡuq mãq kaya chuãq rơwãc sơchih sơdah nữn chuãq rơwãc gỡuq. ",
|
|
"21": "Pơnuãiq chuãq rơwãc nĩ la mưng tơngãn hlãq song wãq - Pol. ",
|
|
"22": "Mơyah làiq mơnuĩh halơi ôh khiãng duman Yàc, nữn mơnuĩh nữn đang mang kađòc sơtãp ơluãh! Talơvãt Yàc pơnõq anàq hũ, lakơu trôh vẽq! ",
|
|
"23": "Lakơu kaya anĩt Yàc Jesu hũ dòq sigỡuq sì pơnõq adơi sơai. ",
|
|
"24": "Lakơu kaya khiãng duman hlãq hũ dòq sì avih dơgrữq pơnõq adơi sơai dơlãp Yàc Dõc Pơtlah Je-su. A-men."
|
|
}
|