See in Reader
36 lines
6.0 KiB
JSON
36 lines
6.0 KiB
JSON
{
|
|
"1": "Pathơu adơi sơai, hlãq ôh ưng pơnõq adơi sơai ôh thơu làiq ung kõq pơnõq drơi kung song dòq pãq ala pỗc huãl, sì avih dơgrữq tãl aràc song gãt tơpa ia tơsìq. ",
|
|
"2": "Avih tãl aràc pơnõq nhũ song ãt ngãq bãp-tem mưng Môi-se, dơlãp pỗc huãl sì pãq ala ia tơsìq, ",
|
|
"3": "Avih tãl aràc pơnõq nhũ song bõc sigỡuq sì sa kaya bõc gah suàt vơngãq. ",
|
|
"4": "Avih tãl aràc nữn mơnhũm sigỡuq sa kaya mơnhũm gah suàt vơngãq, kơyua pơnõq nhũ mơnhũm ia mưng sa kơblah patơu suàt vơngãq nao tui drơi, sì patơu nữn la Yàc Dõc Pơtlah. ",
|
|
"5": "Nữn Yàc Pô Lơngĩq ôh siàp hatai sì lũ katih dơlãp pơnõq nhũ nữn, sì rùp atơu pơnõq nhũ kađòc mơtai vãq dơgrữq anĩh dơlãp blàc chuah. ",
|
|
"6": "Kaya nĩ tơviãq jỡc rơgãm mơgrũ ga pơnõq drơi, tồq pơnõq drơi juơi hũ kaya hãm khiãng dơgrữq kaya iãh sàq yơu pơnõq nhũ hãm khiãng. ",
|
|
"7": "Juơi tơviãq jỡc mơnuĩh duh talơvãt rùp rãp yơu tơkìq mơnuĩh dơlãp tơpuôl nhũ song ngãq; yơu hũ pơnuãiq wãq, \"Vual vơla dòq guh pioh bõc mơnhũm, vloh tơgùq dỡc geh gỡuq.\" ",
|
|
"8": "Juơi sỗq dlàiq drì drõc yơu lũ mơnuĩh dơlãp katih pơnõq nhũ song sỗq dlàiq, tãl trôh mĩn dơlãp sa harơi, hũ dua plôh tlơu rơvơu aràc mơnuĩh lơvuh mơtai. ",
|
|
"9": "Juơi lòc Yàc Dõc Pơtlah yơu lũ mơnuĩh dơlãp pơnõq nhũ nữn song ngãq, sì kađòc ala kẽq mơtai. ",
|
|
"10": "Kung juơi đơp rơbòp yơu lũ mơnuĩh dơlãp pơnõq nhũ song đơp rơbòp sì kađòc aràc pa-lơhiãq pa-mơtai. ",
|
|
"11": "Dơgrữq vruãq dih tơviãq trôh ga pơnõq nhũ yơu dơgrữq rơgãm mơgrũ hũ wãq luơi wỡq pioh ngãq krơh vrơi thơu hlơu ga pơnõq drơi, la dơgrữq mơnuĩh ãn hadiuq dơlãp dơgrữq rài luỗiq hadơi nĩ. ",
|
|
"12": "Yơu nữn, asơi sơnỡng drơi dòq dỡc, iỡuq gơrhia vẽq tồq ôh lơvuh trỗt. ",
|
|
"13": "Ôh hũ kaya ơniãi halơi tơviãq trôh ga pơnõq adơi sơai la krơi tơmo pơweh sì anàq mơnuĩh. Yàc Pô Lơngĩq tơpãq viãq. Pitrai ròq ôh tũq halơi luơi adơi sơai kađòc ơniãi rlao sì kaya prãn drơi, nữn sigỡuq sì kaya ơniãi, Pitrai ròq pơh sa gơlòc tơviãq, tồq adơi sơai pơlih ãt ỡn jỡc. ",
|
|
"14": "Kơyua nữn, ơ pơnõq adơi sơai anĩt duman hlãq hũ, iỡuq pleh atah kaya duh talơvãt rùp-rãp. ",
|
|
"15": "Hlãq đơp sì pơnõq adơi sơai yơu dơgrữq mơnuĩh thơu pãc. Pơnõq adơi sơai iãq pơweh gơnĩt pơnuaĩq hlãq đơp. ",
|
|
"16": "Dơlãp tũq ưng ngai mưng chơwàt bõc sơdor Yàc, mưng chơwàt dơdu lơngãi, ôh iỡuq pơnõq drơi kung hũ vơnah sigỡuq dơlãp dơrah hũ Yàc Dõc Pơtlah yơh? Tũq pẽq bẽn, ôh iỡuq pơnõq drơi kung hũ vơnah sigỡuq dơlãp rùp-phàp Yàc Dõc Pơtlah yơh? ",
|
|
"17": "Kơyua mĩn hũ sa tleh bẽn, nữn pơnõq drơi bôh làiq lũ kung mĩn la sa rùp phàp, kơyua avih dơgrữq tãl aràc pơnõq drơi kung hũ sa vơnah sigỡuq dơlãp sa tleh bẽn nữn. ",
|
|
"18": "Iỡuq iãq vual vơla Is-ra-el tui vơnah rơlo rùp. Ôh iỡuq dơgrữq mơnuĩh bõc kaya pioh padỡc nữn kung hũ vơnah dơlãp ban duh talơvãt yơh? ",
|
|
"19": "Yơu nữn, kaya hlãq sơnơng la hayơu? Kaya pioh kakôh rùp rãp hũ hagĩq mĩn? Rùp rãp nữn hũ hagĩq mĩn? ",
|
|
"20": "Iỡuq viãq, kaya sơnơng hlãq la dơgrữq kaya sì dơgrữq mơnuĩh lơniãu pioh kakôh la pioh kakôh ga kamlai ràc, ôh iỡuq la pioh padỡc ga Yàc Pô Lơngĩq. Hlãq ôh ưng pơnõq adơi sơai tơviãq jỡc mơnuĩh dòq dơlãp vơnah sì kamlai ràc! ",
|
|
"21": "Pơnõq adơi sơai ôh tũq halơi gãm mơnhũm chuàt Yàc hũ, gãm sì mơnhũm chuàt kamlai ràc jỡc. Pơnõq adơi sơai ôh tũq halơi gãm dòq tơma dơlãp bõc mơnhũm Yàc hũ, sì gãm dòq tơma dơlãp anĩh bõc mơnhũm pãq ban kamlai ràc. ",
|
|
"22": "Hẽla pơnõq drơi ngãq gơgãq pioh ga Yàc lơmùq mơvai yơh? Pơnõq drơi ôh hũ prãn khãc rơlao sì Yàc, iỡuq lơĩh? ",
|
|
"23": "\"Dơgrữq vruãq nũn hũ gơnuar ngãq,\" nữn ôh iỡuq dơgrữq vruãq nữn hũ kuơ. \"Dơgrữq vruãq nữn hũ gơnuar ngãq,\" nữn ôh iỡuq dơgrữq vruãq kung vỡq padỡc mơnuĩh tơmo jỡc. ",
|
|
"24": "Juơi asơi duah kaya kuơ màc krơi ga drơi, nữn iỡuq duah kaya kuơ màc ga mơnuĩh tơmo wỡq. ",
|
|
"25": "Pơnõq adơi sơai pơlih bõc dơgrữq kaya kãq pavlơi dơlãp dràq nữn ôh chàc pa-blah đơp kơyua mưng tũc hatai. ",
|
|
"26": "Kơyua \"Voh hlồq sigỡuq sì dơgrữq kaya dơlãp đỡn kung la kaya Yàc hũ.\" ",
|
|
"27": "Mơyah làiq sa aràc mơnuĩh ôh pãc tui jàq pơnõq adơi sơai angui sì bõc sì pơnõq adơi sơai ưng nao, nữn iỡuq bõc dơgrữq kaya bõc song pồq pơyãq vrơi ga drơi nữn juơi pa-blah đơp kaya hagĩq kơyua mưng tũc hatai. ",
|
|
"28": "Nữn mơyah làiq hũ mơnuĩh đơp sì pơnõq adơi sơai, \"Nĩ la kaya pioh kakôh,\" nữn juơi bõc, kơyua mưng mơnuĩh song vrơi ga pơnõq adơi sơai thơu vloh, sì kung kơyua mưng tũc hatai- ",
|
|
"29": "Hlãq ôh hũ tũc hatai sơnơng đơp mưng tũc hatai pơnõq adơi sơai hũ, nữn la tũc hatai mơnuĩh dih hũ. Kơyua, hayơu kaya lanơng lơnai hlãq hũ vloh kađòc tũc hatai mơnuĩh tơmo chahrơna? ",
|
|
"30": "Mơyah làiq hlãq angui bõc mưng hatai thơu ỡn ngai, nữn hayơu hlãq vloh kađòc siẽq sier kơyua kaya bõc nữn hlãq song ỡn ngai? ",
|
|
"31": "Kơyua yơu nữn, bôh làiq bõc, mơnhũm, hẽla ngãq dơgrữq vruãq hagĩq, iỡuq ngãq vẽq avih dơgrữq vruãq la Kơyua kaya gơhluh Yàc Pô Lơngĩq hũ. ",
|
|
"32": "Juơi ngãq kãn iãh ga mơnuĩh Ju-đa, mơnuĩh Gơ-rec, hẽla Sàc Pơjum Sơđah Yàc Pô lơngĩq hũ, ",
|
|
"33": "drưh yơu hlãq rãn ngãq siàp hatai tãl aràc dơlãp dơgrữq vruãq. Hlãq ôh duah kaya kuơ màc krơi ga drơi, nữn ga lũ mơnuĩh, pioh pơnõq nhũ hũ dõc pơtlah. "
|
|
}
|