pungs6th16_sif_luk_text_reg/08/01.txt

\c 8 \v 1 Fù jìrɛ̂mun kwɔ́ɔn, Yesu ri dyɛ tíin tíinê nì dyɛ sɔ́ɔ sɔ́ɛ̀ mɔ kɛ́ɛln ín, à kɛɛln-bisháaŋn jir fú-níinî bè tɛ̀ŋnɛ̀n à wɔ́se. À bè jimiì kɛɛln, à bè Jɔnɔsɔ ǹ faŋbéê Twɔ́ɔŋn Nar Sɔ́ɔɔ̂ gbɔ lóon. \v 2 Tyɛ́ɛŋn ǹ mɔ dɛ̂mun mél máɛ̀ tɛ̀ŋnɛ̀n à wɔ́se ín, à ri mɛ̀mun kpɛ́lnjàɲɛ̀n, à bè máɛ̀ to láaŋ kɔ́ŋnɲɛ̀n. Mél jir byéen bè saaŋ tɛ̀ŋnɛ̀n mùmun ki Magidala Mariyamu ɔ, kôl mɔ́n kiin lɛ̀ mùmun mɔ, \v 3 fù nì Jani, mùmun ki Erɔdi ǹ denî ŋmel ta gbɔɛ̀ ɲámɔlɛtɔn Shusa lu ɔ. Fù nì Susani nì mél tyɛɛ́ŋ sɔ́ɔ máɛ̀. Fù méèlî Yesu n'án kɛɛln-bishɛ́ɛ̀ŋɛ̂ kyaŋ ín á kpɛŋmɔ́ɛ̀ ɔ.