pungs6th16_sif_luk_text_reg/11/33.txt

\v 33 Yesu k'àni tɛlî wú dé: «Gbò ri niyɛ́ɛl brémɔ́n mɔ nyɛ bréen yáa ɔ? Fù nì kwoa bo k'à tohlú kéne ɔ? À r'à niyɛ́ɛl brémɔ́nî dendéeln díkî gbɛ́ɛ to, nɔkɔ́ŋl ki woyɛ́ɛl búr lɔ́ mɔ dɛ́tê se.  \v 34 Ɲábin ki jimin se niyɛ́ɛl brémɔ́n ɔ, jimin ɲábin n'á ɲɔn ɔ, à gbɛ́ɛ nɔ̀nkurn bréen woyɛ́ɛl to. Kɛ̀, jimin ɲábinî w'á ɲɔn ɔ bo, à gbɛ́ɛɛ̂ nɔ̀nkurn tɛɛ̀ŋn butúun mɔ. \v 35 Fù wono, á byéen tɛ́ŋlɛ́n, á wono gbíjîrɲɛ̀nî be tɛŋn butúun bo. \v 36 À la máno tɛ̀ŋn híin, á gbɛ́ɛɛ̂ nɔ̀nkurn nì búrè woyɛ́ɛl to, á bén dó wo tɛ̀ŋnɛ̀n ká butúun mɔ bo híin, á gbɛ́ɛɛ̂ nɔ̀nkurn bè búra woyɛ́ɛl to á n'à ŋmɔ́n árí niyɛ́ɛl brémɔ́n fáâ mun to ákún bén kúur nɔ̀nkurn bréen woyɛ́ɛl to á niyɛ́ɛlî ɔ.»