auto save

05/01.txt

@@ -0,0 +1 @@
+\v 1 Bə gə yú mwəə y èpákὲ Gadara lyì bí tənà y wa.\v 2  Yezu shí bǔ-bwəl re n du, lò mədù nə-cúúlí y'à zhe mo já n shí lú-bɔlà bέ w n du n jəl mo.

05/03.txt

@@ -0,0 +1 @@
+\v 3 Ń yà ń nə ń zwὲ lú-bɔlà bέ yó. Lòlò yà ń wàr mɔ ń nə lyẽ ǹdə nyáná myɛ cìcì yé. \v 4 Twər nánzhəzhɔ bə y'a lyẽ ń nèsé ǹdə ń jὲsέ ǹdə nyáná ráá cὲbsɛ, n sə rə ga. Lò yà ń tὲnέ ń wɔ mɔ ń nə ń zal ń lyẽ nàná yé.

05/05.txt

@@ -0,0 +1 @@
+\v 5 Ń yà ń ŋwέnέ lú-bɔlà bέ ǹdə pyààrέ yó, ń nə wǔrh ń mə ń zə nə-kuulí ń mə ń cὲmὲ ń cìnə. \v 6 Ń gə nɔ Yezu ǹdə ń gwẽ ŋwέnέ yé né yé né, n dùr n jòm ń nədwənə yó n wùlì ń yé né.

05/07.txt

@@ -0,0 +1 @@
+\v 7 N wǔrh dέdέ n wɔ; Yezu, dὲέ cəbal byǐ, bəkɔn rə ŋwέnέ àmyέ ǹdə ǹmyέ cəcəl wə? À n'â lwəl mó, Yi yil ré yilə, ǹ bək'â wὲrhέ nɛ lwɛlɛ yé. \v 8 Bə Yezu yà ń nə ń ywəl wə, "du"

05/09.txt

@@ -0,0 +1 @@
+\v 9 Wɔ rəmyέ rəmyέ rə ce bal mɔ wɔ èta. N bwərh w n wɔ, ǹ yil byẽ? bal mɔ wɔ mɔ, "à yil nánjəjóló" bə nə já dέdέ. \v 10 N lwəl Yezu ni bə ń bəká n jì nəcúúlí rə du bə tənà y w yé.

05/11.txt

@@ -0,0 +1,2 @@
+\v 11 Kùkúr nánzhəzhɔ y'à zhǐ pyɔ nəbán nɛ gàà rə n'ê dɔm gɔ.\v 12  Nəcúúlí zὲ rə lwəl Yezu ni, bə ń yẽ rə vò rə zù kùkúúrí wẽ.\v 13  N zὲ n pə rɛ nyí, rə du rə zù kùkúúrí wẽ,
+Rə gakó j'â dùr rə cəcèlé pyɔ w rə ló mwəə wẽ, rə mɛ gàà rə cì.

05/14.txt

@@ -0,0 +1 @@
+\v 14 Byὲbέ bə y'à n'ê yìlì kùkúúri ni mú dùr bə vò cɔ w ǹdə cə-byǐsi wẽ bə byili kɔn dὲbέ rə wὲrhέ mɔ. \v 15 Bə du bə bə Yezu sono, bə nə mɔbɔ nəcúúlí y'à zhe mó,ń zù gàndὲ ń jě wárhgáá, surhə né gakó wɔ dwã yó, ywẽ nánfɔlɔ zə lyì zhǎ bέ gakó.

05/16.txt

@@ -0,0 +1 @@
+\v 16 Byὲbέ bə nɔ kɔn gə tó né bal mɔ mə n wárh mɔ, e súlí kùkúúrí gə tó né. \v 17 Bə zὲ bə n'ê lwəl Yezu ni bə ń du bə cɔ w wa.

05/18.txt

@@ -0,0 +1 @@
+\v 18 Yezu gə tú n bə ń nə ń zhǐr ń la zù bǔ-bwəl ré wə bal mɔ nəcúúlí y'à zhe mó zὲ ń nə ń lwəl bə ń yẽ n tó mo.\v 19  Sə Yezu yə shὲnέ yé, n wɔ mɔ k'á vò jè n dǒ sõ, ń byili ǹ lyì bí ni kɔn dὲbέ Yi wὲrhέ ǹ yilə, n mə n dùr ǹ nɔnɔ.\v 20  N já n zhǐr ń la ǹdə ń nə ń bwəl byili tənà y èmyέ cɛmɛ lyì bí ni kɔn dὲbέ Yi wὲrhέ yilə, kɔn jàr nə lyì bí gakó dέdέ.

05/21.txt

@@ -0,0 +1 @@
+\v 21 Yezu zù bǔ-bwəl ré n byɛrhɛ n vò mwəə y èpákὲ, lyì nánjəjóló yà tú bə zhǐ bə kəkέlέ mɔ bù-cùú yó.\v 22  Dwã-gùlú jì y yó-cəbal mədù, ń yà ń yil Zəyuuri bə n tu ń nədwənə yó Yezu yé né. \v 23 N lwəl mò ǹdə ń wu gakó n wɔ: bə nyǐ à bəkɔ bə jàn zhe ń nə yǎl n cì, bə cĩ jὲ ń yó, ń wárh mɔ, mùnì n yə nέ. \v 24 Yezu zhǐr ń la, lyì nánjəjòló y'à tó mo, bə y'à n'ê pyέnέ mɔ.

05/25.txt

@@ -0,0 +1 @@
+\v 25 E jà kɛ mədù tu yó, o wὲrhέ byinə shí ǹdə nəlyè ǹdə jal mɔ n'ê dwi. \v 26 Ń yà ń nwὲnὲ dέdέ lyì-twərə nánzhəzhɔ jɔwà, n kwè ń jὲ kɔn dὲbέ ń yà ń zhe mó gakó n mə shili ń cìnə, sə ń yə wárh yé, Címí gaga mɔ kwɛrhɛ è n'ê nyáásɛ. \v 27 Ń gə nyὲὲ Yezu yò, n zù lyì zhǎ bέ wẽ, ń nə ń pyà sə n tó ń kwã n dwərh ń kàməzwǐ y bɔrhá nέ nɛ.

05/28.txt

@@ -0,0 +1 @@
+\v 28 Bə ń yà ń zhe ń wẽ, bə báá à gə y'à ŋwὲnέ a dwərh ń kàməzwǐ y bɔrhá nɛ nəmyɛ cìcì, a y'à m'à wárh.\v 29  Rəmyέ yó cìcì, jal mɔ j'a kwi, n tó ń wẽ n lwar bə ń címí y zhὲ.

05/30.txt

@@ -0,0 +1 @@
+\v 30 Yezu já n lwar bə jàn shər ń yala nɛ. \v 31 N zὲ n bwərh n wɔ: mɔ ń dwərh à kàməzwǐ y ni? ń tùntúmə bé zὲ bə wɔ mɔ; Ǹ nə lyì-zhǎ bέ gə n'ê pyέnέ mɔ nέ, ń zὲ ǹ nə ǹ bwərh bə wɔ mɔ ń dwərh mó?. \v 32 N zὲ n pyìrhí ń nə ń nyǐ ń mə ń pyà mɔbɔ ń wὲrhέ èta mɔ.

05/33.txt

@@ -0,0 +1 @@
+\v 33 Ywẽ nánfɔlɔ j'a zə kɛ mɔ, n zὲ ń nə ń kəkə, ń gə lwar bə yò w du dὲ mɔ, n bə n tu ń nədwənə yó Yezu yé né, n byili mu zhən pamparɛɛ.\v 34  Yezu wɔ mɔ; à bəkɔ, ǹ gə zhí ni mú ce n nɔ ǹ cìnə, zhəl ǹdə yə-zùlə, bə ǹ címí y j'a zὲ èta

05/35.txt

@@ -0,0 +1 @@
+Ń gə yà ń gwẽ nə ń zɔm yi ni, lyì shí dwã-gùlú jì y yó-cəbal mɔ sõ bə bə, bə wɔ mɔ; ǹ bəkɔ mɔ tὲnέ yé, ǹ m'ǎ kə lyὲὲ yó-cəbal mɔ?

05/36.txt

@@ -0,0 +1 @@
+\v 36 Yezu gə nyὲὲ rəmyέ, ǹ wɔ dwã-gùlú jì y yó-cəbal mɔ nɛ, ǹ bək'á dùr ywẽ yé, ǹmyέ wúrí ń zhí ni. \v 37 Yezu shὲnέ lò dõ tó mó, è gə də Pyɛɛrɛ ǹdə Zhakɛ ǹdə Zhã, Zhakɛ da-byǐ mú dúdú yé. \v 38 Bə gə yú dwã-gùlú jì y yó-cəbal mɔ sõ, Yezu púrí lyì nánzhəzhɔ sú kὲlέ y bə n'ê kúrh bə tətɛtɛrɛ tέ bə ce sɔ.

05/39.txt

@@ -0,0 +1 @@
+\v 39 N zὲ n wɔ: byè yil á n'á kúrh a m'á ce sɔ dέdέ èta mɔ? bəsɔbwὲlέ yə cì yé, wɔ dέ è dὲέ. Bə zὲ bə bə n'ê mɔn mɔ. \v 40 N ce lyì bí gakó du pwèn nè, bə yẽ bəsɔbwὲlέ y da ǹdə è ná e súlí byὲbέ bə y'à tó mo. Bə zù bəsɔbwὲlέ y gə y'à pyě má mɔ.

05/41.txt

@@ -0,0 +1 @@
+\v 41 N zə jὲ nὲ, n wɔ mɔ: "Təlitəkumi" rə kùr wɔ; kɛ-byǐ, à n'â ywəl mo, zὲ dὲέ.\v 42  bəkɔ mɔ j'á n zὲ ń nə ń zhələ, bə ń yà ń yú byinə shí ǹdə nəlyè. \v 43 Kɔn jàr lyì bí dέdέ. Yezu zὲ n gwirhi ń yé,  n pə bɛ nyí bə bək'â shὲnέ bə yẽ lò lwa rɛ yé. Bə pə kùjú kɛ-byǐ y ni e jí.

06/01.txt

@@ -0,0 +1 @@
+\v 1 Yezu zhǐr gàà n vò ń da-dǒ wə, n kwã lyì bí zὲ bə tó mo.\v 2  Shìrhə dɛ rɛ yùwə, n zɛ n vò ń nə ń cèrhè kàrmɔ dwã-gùlú w jì y wə. Lyì nánzhəzhɔ cili ń còrhò mó, kɔn jàr bὲ. bə y'à zhe, yẽ ń nɔ lárma mɔ  nέ èta? etər màmyaarhέ n'ê tó ń jὲrh nə rə wὲrhέ? \v 3 È də də-shəlnà mo kɛ Marɛ byǐ mú nà, Zhakɛ, Zhoose, ǹdə Zhiidi e súlí Shəmɔ da-byǐ mú nà? Ń nəkwá bέ tə nə cəcəl wə?.

06/04.txt

@@ -0,0 +1 @@
+\v 4 Yezu wɔ bὲ: bə t'â zwẽ Yi nyì-zwennə ń da-dǒ w ráá ń dwí rí ǹdə ń kὲlέ lyì bí cəcəl w cὲnὲ yé. \v 5 Ń yə ŋwὲnέ n wὲrhέ màmyɔ òdù ga yé. wɔ nə-bwànà màngɛlέ yó ń cĩ ń jὲ nέ n mə n wárh bɛ. Kɔn jàr dέdέ bə wu kùùlí yilə. \v 6 Yezu yà ń nə byέlέ cə-bwǎlsɛ nɛ ń mə n cèrhè nə lyì bí.

06/07.txt

@@ -0,0 +1 @@
+\v 7 Yezu byẽ kwã lyì bí shí ǹdə bəlyè y n twĩ bi bəlyè bəlyè. N pə bɛ ŋwɔnɔ bə bə jǐ nə-cilsi. \v 8 N byili bi bə bək'á zə kaka bə sɔmá y kǒ yil yé, kùjú, lɔbɔ, wársɛ bə byẽ yé. \v 9 Sə bə ce nə-cìlə, bə bək'â zə kàməzǔrh səlyè yé.

06/10.txt

@@ -0,0 +1 @@
+\v 10 Kὲlέ kὲbέ á la è wẽ zul mó, s'á mɛ gàà kɔn m'e yí á zhǐr cɔ w òmyέ wẽ.\v 11  Sə lyì jàlà gə shὲnέ bə cili ába, bə yə ába zwẽ, s'á zhǐr gàà, á pyìrh á nèsé shó w myɛ á ló tέ cɔ w wa, rəmyέ b'a yə kɔna.

06/12.txt

@@ -0,0 +1 @@
+\v 12 Sə bə zhǐr bə vò bə byili lyì bí ni, bə bə pyìrhí bə wun ní. \v 13 Bə jì nə-cúúli, bə zə nǔrh bə tútǔ nəbwànà nánzhəzhɔ bə wárh bɛ.

06/14.txt

@@ -0,0 +1 @@
+\v 14 Pyɔ Erɔɔdɛ nyὲὲ bə y'à n'ê zɔm Yezu zɔmà. Ń yil ré y'à du dέdέ, n zὲ n wɔ; Zhã-batiisi ń bwìrhì n du cùùrì wẽ, è ce ń nə ń wὲrhέ màmyaarhέ tὲbέ ?\v 15  Jàlà y'à zhe bə wɔ Yi-nyìzwennə ǹdə bə dwã bέ ta.

06/16.txt

@@ -0,0 +1 @@
+\v 16 Sə Erɔɔdɛ gə nyɛὲ rəmuέ, n zὲ n wɔ; Zhã mɔ mɔbɔ àmyέ ce bə gõ ń yó w mó, ń ká n bwìrhì náa?\v 17  Erɔɔdɛ cìcì ń yà ń ce bə Zə Zhã bə lyẽ bə ce byənə jùwə, ń nyέ Shilipu kɛ Erɔjaadɛ ń yà ń zwẽ n jí, Zhã zὲ n ji mu búlə mú yilə.

06/18.txt

@@ -0,0 +1 @@
+\v 18 Zhã wɔ mɔ; ǹ bə sɔmá zhe sə zwẽ ǹ nyέ mɔ kɛ mɔ jí yé. \v 19 Erɔjaadɛ lyim j'a zὲ rə n'ê yì Zhã ń nə ń pyà sə n ce bə gu mu, sə ń yà ń wàr yé. \v 20 Erɔɔdɛ jà ń yà ń kwàl Zhã yé, ń yà ń yě bə Zhã wɔ wu-cánga cí. ń só mo culu, ń gə cili mu ń kə yəl ń gə nə ń wὲrhέ nέ yé..bə ń zɔmà nέ y'à zhe shilə.

06/21.txt

@@ -0,0 +1 @@
+\v 21 Erɔɔdə yà ń tɛnɛ ń lul byin rí yò lyǐrh címci nánfɔlɔ, n byẽ ń dwã lyì-fwààlέ ǹdə ń shədέέsέ yó-cìnə, e súlí Galile tənà y lyì-fwààlέ púləpúlə címsi jàà wà. \v 22 Erɔjaadɛ bəkɔ mɔ sù címsí jì y wẽ n zhì lyì bí gakó yé né n sa, ń sɔ mɔ sú Erɔɔdɛ yírh, n wɔ bəkɔ mɔ nɛ, lwəl ne kɔn dὲbέ ǹ nə ǹ yàlá, à m'à pɔ rɛ.

06/23.txt

@@ -0,0 +1 @@
+\v 23 N zὲ n bwəl mo nyí, bə kɔn kɔn dὲbέ gakó ń gə lwəl mò, ń mà n pɔ rɛ, báá è gə wɔ tənà y kəkàlà myɛ.\v 24  bəkɔ mɔ du n wɔ ń ná nɛ, "bəkɔn à m'a lwəl"? n lyár mɔ; lwəl Zhã-batiisi yó wə.\v 25  N zὲ làlà n vò pyɔ mɔ sõ n wɔ mɔ; à n'â yǎl sə cĩ Zhã-batiisi yó w nə-zhĩ w ń pɛ lǎsέ lǎsέ.

06/26.txt

@@ -0,0 +1 @@
+\v 26 Pyɔ mɔ wu-zhìlì, sə ń gə bwəl mo nyí lyì-fwààlέ ǹdə byὲbέ gakó ń yà ń byẽ ga yírh w mo ce, ń wàr ń mà n cẽ yé. \v 27 N zὲ n twĩ ń yilnə mədù bə ń zhəl n zə Zhã-batiisi yó w làlà n mə bà. n zhǐr n vò byənə-jù w n gõ Zhã yó wə. \v 28 N cĩ w nə-zhǐ w n bə n pə bəkɔ mɔ nɛ, n kwè n pə ń ná nɛ. \v 29 Zhã kwã lyì bí gə nyὲὲ rəmyέ, bə vò bə kwè ń yala nέ bə vò e ce.

06/30.txt

@@ -0,0 +1 @@
+\v 30 Yezu tùntúnnə gakó k'â b'è zhì bə kəkέlέ mɔ, bə byili mu kɔn dὲbέ gakó bə cèrhè lyì bí ni mú. \v 31 Yezu wɔ bɛ; bànà nə kɔl nə vò kwã nέ námpɔlέ nə shǐrh, lyì bí gə n'ê twí bə k'â kwὲ mɔ yilə, mùnì ga bə ŋwὲnέ bə jí kùjú. \v 32 Bə zhǐ bə zù bwəl rədù w bə vò kwã nέ bə dúdú.

06/33.txt

@@ -0,0 +1 @@
+\v 33 Lyì nánzhəzhɔ nɔ bɛ ǹdə bə la, cɔ w gakó j'â du bə dǔr bə jὲrὲ bὲ jàà y kὲbέ bə la è wẽ mó wə. \v 34 Bə tú bə du bǔ-bwəl ré wə, Yezu nə lyì-zhǎ bέ dέdέ èta, bə nɔnɔ zə mɔ, bə bə nyὲέ ǹdə pyììsì shὲbέ sə bə kálna zhe ta. N zὲ n ji kùr ń nə ń cèrhè bè ywẽ nánzhəzhɔ.

06/35.txt

@@ -0,0 +1 @@
+\v 35 Cɛ y gə tú è n'ê yìì, ń kwã lyì bí yí ń nyí ni bə wɔ; nyɔnɔ wɔ gɔ-elũ kὲlέ j'à bə bwəl yé. \v 36 Ce bə k'â vò cə-bwǎlsέ w bə yè kùjú bə jí

06/37.txt

@@ -0,0 +1 @@
+\v 37 Yezu lyar bɛ n wɔ; á cìcì pana bɛ kùjú bə jí. Nə zhəl nə yè wár-kǔlsi zwã-àlyè kùjú nə b'ě pə bɛ bə jí? \v 38 N zὲ n wɔ bɛ; zhəlnə á nyǐ wɔ búúri màngal á zhe? bə lwar, bə wɔ mɔ; búúri rənu ǹdə émɔrh səlyè.

06/39.txt

@@ -0,0 +1 @@
+\v 39 N zὲ n ce bə jòm tέ gɔ w yó kùkùlə kùkùlə.\v 40  Bə jòm zɔm zɔm, jàlà jòm shí-ènu shí-ènu.\v 41  N zwẽ búúrí rənu w n ce Yi nəbáná, n kə w n pə ń kwã lyì bí ni bə zwẽ bə m'e tə lyì-zhǎ bέ, n pə bɛ émɔrh səlyè y myɛ bə m'e tə gakó.

06/42.txt

@@ -0,0 +1 @@
+\v 42 Bə gakó jí bə sú. \v 43 Bə pwà rə yəywaálέ rə dàl mɔ, bə sú jǐrhne shí ǹdə rəlyè. \v 44 Byὲbέ bə dɔm búrú w mú gakó y'à yú nunə mɔrhὲ rənu.

06/45.txt

@@ -0,0 +1 @@
+\v 45 Rəmyέ kwã nέ, Yezu ce ń kwã lyì bí zù bǔ-bwəl bə jὲrὲ mɔ bə byɛrhɛ bə la mwəə èpákὲ Bətəssəyiidi səta, ǹdə ń cìcì yà ń gwẽ nə ń pɛ sɔmá lyì-zhǎ bέ nɛ bək'â la jè. \v 46 Bə gə tú bə zhǐr bə zὲ, ń cìcì mú zhǐr n jì pyɔ òdù yó ń la Yi-co. \v 47 Dədὲnέ yi gə yúwə, bǔ-bwəl ré y'à yú nὲέ mɔ cəcəl wə, ǹdə Yezu gwẽ zhǐ bù-cùù w yó ń dúdú.

06/48.txt

@@ -0,0 +1 @@
+\v 48 N púrí bə n'ê nwὲnὲ ǹdə bǔ-bwəl ré swǎl mɔ, bə zho w y'à zǎ bə yé. kɔn myɛrhɛ ecəswélé cəcəl wə, n zὲ ń zhəl nὲέ mɔ yó w ń la bə səta, ń yà ń nə ń yǎl lyɛ bɛ. \v 49 Bə gə nɔ mɔ ń nə zhəl nὲέ mɔ yó w mó, bə y'à n'ê bùl bə wɔ ywələ, bə zὲ bə wǔrh.\v 50  bə bə gakó nɔ mɔ, bə zὲ bə n'ê dùr ywẽ, rəmyέ yó Yezu zɔm ǹdə bɛ n wɔ; kámna á wun, bə wɔ àmyέ ywẽ bək'â zə ába yé.

06/51.txt

@@ -0,0 +1 @@
+\v 51 N zὲ n zù bǔ-bwəl ré tὲbέ bə ŋwέnέ rə wẽ mó wə, zho w j'a kwĩ. \v 52 Bə yó-kùùlí y'à ce bə yə búúrí kɔ mɔ kùr nyὲὲ yé.

06/53.txt

@@ -0,0 +1 @@
+\v 53 Bə gə byɛrhɛ mwəə y bə zὲ, bə yí bù-cùù w kɔbɔ ò wɔ Zhənəzarɛtɛ tənà y səta mɔ nɛ. \v 54 Bə gə shí bǔ bwəl w bə du, lyì bí lwar Yezu pár làlà. \v 55 Bə dùr bə vò cɔ w bə pwà nəbwànà ǹdə bə pyənde ga, bə zǎ bə gə nyὲὲ bə Yezu la nέ mɔ wa.

06/56.txt

@@ -0,0 +1 @@
+\v 56 Jàà kὲbέ gakó Yezu yú è wẽ, cə-fwààlὲ, cə-bwǎlsɛ wa, bə y'a zə nəbwànà bέ bə b'e cĩ dwã-gùúlí jààsέ w bə m'ê lwəl bə ń yẽ bə dwərh ń kàmə-zwǐ y bɔrhá nɛ cìcì. Byὲbέ gakó bə y'à n'ê ŋwὲnέ bə dwərh y mó y'à n'ê wárhá.

07/01.txt

@@ -0,0 +1 @@
+\v 1 Farɛzhɛɛbá ǹdə Muyiisi nyə né byilnə bé jàlà shí Zhərəzàlɛmɛ bəbə dwã yó Yezu sono.

07/02.txt

@@ -0,0 +1 @@
+\v 4 Bə nə ń kwã-lyì bí jàlà ǹdə n'ê jí kùjú ǹdə bə yə jὲsέ sàm yé. \v 3 Farɛzhɛɛbá ǹdə Zhwǐfubá y'à t'â jí kùjú ǹdə bə yə jὲrὲ bə sə bə jὲsέ ǹdə bə da-bá lùl-epúrí y gə n'ê byili ní yé. \v 2 Bə gə shí lyì-zhǎ w bə túwə, bə n'ê jὲrὲ bə zhέrhέ nὲέ bə yó w ǹdə bə gə myὲrhὲ nέ.

07/05.txt

@@ -0,0 +1 @@
+\v 5 Farɛzhɛɛbá ǹdə Muyiisi nyə né byilnə bé zὲ bə bwərh Yezu bə wɔ; wɔ byè yil ǹ kwã lyì bí t'â zwẽ lùl-epúrí y nyə né? bə t'â sàm bə jὲsέ bə m'ê jí kùjú ǹdə bə lù-epúrí y nyə né gə n'ê byili ní?

07/06.txt

@@ -0,0 +1 @@
+\v 6 Yezu zὲ n wɔ bέ; á wɔ myìnù cìnə, kɔn dὲbέ Yi nyì-zwennə Esayi zɔm á shò-kwã nέ mɔ wɔ zhənà. Ń yò wə; lyì bí byὲbέ èta mɔ wɔ nyú w dúdú bə cèrhé mo né sə bə wun ní nyɛ ǹdə nɛ. \v 7 Wɔ bə nyə né dúdú wẽ bə n'ê cèrhé ne né, bə còrhó j'à bə kùr zhe yé. Tὲbέ bə n'ê cèrhè lyì bí ni mú,wɔ numbyinsi nyə.

07/08.txt

@@ -0,0 +1 @@
+\v 8 Ámyὲέ y'ẽ Yi nyə ne, á zὲ á n'á tó numbyinsi nyə. \v 9 N kə wɔ; á n'á yẽ Yi nyə né ne, á zὲ á n'á tó á səpwà lul-epúrí y nyə né ne. \v 10 Muyiisi yò wə; nyám ǹ da ǹdə ǹ ná, n súlí n wɔ; lò gə bwəl lwɛlɛ n pə ń da ráá ń ná nɛ, bə mə sə bə gu mu.

07/11.txt

@@ -0,0 +1 @@
+\v 11 Sə ámyὲέ n'á ywələ; lò gə yò ń da ráá ń na nɛ, à zhe kɔn à n'â yǎl a pɔ, sə wɔ Yi ni a la rɛ pɔ.\v 12  Á k'á t'á ywẽ lò mó sɛ ń da ráá ń ná nɛ yé.  \v 13 Á tə á lùl- epúrí y èta mɔ yil á ce Yi zɔmὲ rέ jǐrh kɔn nánfò. Á n'á wὲrhέ wẽ dwã nánzhəzhɔ rəmyɛ wɔ èta.

07/14.txt

@@ -0,0 +1 @@
+\v 14 Yezu zὲ n byẽ lyì-zhǎ bέ bə bə ń sono, n zὲ n wɔ bɛ; á gakó cilinə s'á lwar: È də kɔn dὲbέ rə n'ê zwì numbyini y wẽ mó rə n'ê pɛ y jìndì yé.  \v 15 Wɔ tὲbέ rə n'ê shí numbyili y wẽ rə du è nyú w mú, rə n'ê pɛ y jìmdì.\v 16  Lò gə zhe zhǎ ǹ la culu, sə cili.

07/17.txt

@@ -0,0 +1 @@
+\v 17 Ń gə tú n yí kὲlέ w n yẽ lyì-zhǎ bέ nɛ, ń kwã lyì bí zὲ bə yí ń nyí ni bə n'ê bwərh səswalá kùrə.\v 18  N zὲ n wɔ bɛ; á surhə né gwẽ yə pul nà? á yəl b'è də kɔn dὲbέ rə n'ê shí pwẽn nè rə zwì numbyíní y wẽ mó rə n'ê pɛ y jìmdì nà?\v 19  bə rəmyέ t'â zwì wu w wẽ, wɔ sùlú wẽ rə n'ê zwì ní rə tárh rə zù yala nέ wa.

07/20.txt

@@ -0,0 +1 @@
+\v 20 Ń kə n wɔ; wɔ tὲbέ rə n'ê shí numbyí wẽ rə dwi mú rə n'ê pɛ y jìmdì. \v 21  Lwarna bə wɔ numbyíní wu w wẽ bùlə náməlwàálsɛ dwí gakó n'ê shí ni. Fwəl tumə, yàà yàà tùntwəə, ǹdə lyì-guuri n'ê shí ní. \v 22 ŋwɔlɛ, dõ kɔn yǎl, wu-kùlù, myùnù, wàr-cìn-ǹ-pyέnέ tùntwəə, nyǔ námməlwὲlέ, dwã zhɔ, cìn-dὲέ-zhõ, ǹdə nyənyààrɛ tumə. \v 23 Tumə né námməlwǎlsέ səmyέ gakó n'ê shí numbyini y wẽ rə pɛ y jìmdì.

07/24.txt

@@ -0,0 +1 @@
+\v 24 Yezu zhǐr gàà n lyẽ ń la Tiiri ǹdə Sədɔm tənèsé wa. N yí n zù kὲlέ èdù wẽ, ń yà ń tá ń yǎl sə lò lwar ń nyí ni gàà yé, sə yə ŋwὲnέ n shèè yé. \v 25 Kɛ mədù nəcílí y'a zhe ń bəkɔ nyὲὲ bə n'ê zɔm Yezu yò, n zὲ n bə ń sono, n tu ń nədwənə yó, n wùlì ń yé né.\v 26  kɛ mɔ ńmyɛ yà ń wɔ gərɛkɛ, Siri tənà y lyì kɛ. N lwəl Yezu bə ń jǐ nəcílí y e du ń bəkɔ mɔ wẽ.

07/27.txt

@@ -0,0 +1 @@
+\v 27 Yezu zὲ n wɔ mɔ; yẽ bəsɔná bέ jὲrὲ bə jí bə sú. Kɔn bə mə mǎ bə bə kwě bəsɔná kùjú w bə pə kùlbwálsɛ nɛ yé.\v 28  Kɛ mɔ lyár mɔ n wɔ; rəmyέ wɔ zhən yó-cəbal, sə kùlbwálsέ myɛ y'à jí kùjú yəywaalɛ rə n'ê lwé tέ bəsɔná bέ kùr w mó.

07/29.txt

@@ -0,0 +1 @@
+\v 29 N wɔ kɛ mɔ nɛ, ǹ gə zhí ni mú ce, zhəl bə nəcílí y du ǹ bəkɔ mɔ wẽ e ywẽ mo. \v 30 Ń gə yú jè, n pwírí ń bəkɔ mɔ pyě pyònò wẽ, bə nəcílí y du e yẽ mo.

07/31.txt

@@ -0,0 +1 @@
+\v 31 Yezu zhǐr Tiiri tənà y w ń ká n vò Sədɔm, Galilee mwəə y vɔ nὲ, n lyẽ n tó Dəkapole cɔ w wa. \v 32 Bə zə səbɔrhɔ òdù bə bə ń sõ ò wàr ò n'ô zɔm yé. Bə zὲ bə lwəl mò bə ń cĩ jὲrh ò yó

07/33.txt

@@ -0,0 +1 @@
+\v 35 Yezu zə mɔ n kɔl n vò kwã nɛ, n yẽ lyì-zhǎ bέ nɛ, n zὲ n ce ń jəfɔlέ ò zhã nɛ wa, n zə ń tətàr n mə n dwərh ò məjòlò wə.\v 34  N zὲ n nyǐ dὲέ, n shǐrh fwàà. n wɔ; "Efɔrata" rə kùr wɔ, púr ǹ cìnə. \v 33 Rəmyέ yó cìcì, ń zhã nɛ j'a púr, ń məjòlò w bwèlé n zὲ ń nə ń zɔm wárhέ wárhέ,

07/36.txt

@@ -0,0 +1 @@
+\v 36 Yezu zὲ n wɔ bɛ; á bək'á zɔm ǹdə lòlò yé. Ń gə bwəl be nyí gakó, bə ŋwὲnέ bə pyέnέ yé, bə y'a bwəl w bə byili lyì bí gakó ne.\v 37  Kɔn jàr lyì bí gakó, bə zὲ bə n'ê ywələ; Ń tumə né gakó càn, ń nə ń ce səbwàarhὲ zhã nyὲὲ,nyì-bədããrɛ ŋwὲnέ rə n'ê zɔmà.

08/01.txt

@@ -0,0 +1 @@
+\v 1 dwã nέ nəmyέ wẽ, lyì nánzhəzhɔ k'ê bə bə mù dwã, bə y'à bə kùjú zhe bə la jú yé. \v 2 Yezu byẽ ń kwã lyì bí n wɔ bέ; Lyì-zhǎ bέ nɔnɔ zhe ne, bə gə ŋwέnέ à nyí ni mú zhe dwã nətɔ zà, e jà bə bə kaka zhe bə la jú yé. \v 3 Sə à gə k'â ce kwὲ ǹdə bə nɔrh bə bə zhəl jè, bə jàn b'à gə sɔmá yó, bə jàlà jààsέ j'à nyɛ. \v 4 Ń kw lyì bí lyá mɔ bə wɔ; yẽ nə nə m'ǎ nə búrú ni, nə pə bɛ bə dɔ bə sú, gɔ-elũ-èpòlò w kɔbɔ wẽ?

08/05.txt

@@ -0,0 +1 @@
+\v 5 Yezu bwərh bè; á nə zhe búúri màngala?  bə wɔ mɔ: tàlpyὲ. \v 6 N ce lyì lyí jòm tέ, n zwẽ búúrí tàlpyὲ y n ce Yi nəbáná, n zὲ n kə kə rɛ dwã w n pə ń kwã lyì bí ni bə bə zwẽ, bə m'e tə lyì bí. bə zwẽ re bə m'e tə lyì-zhǎ bɛ gakó.

08/07.txt

@@ -0,0 +1 @@
+\v 7 Bə y'à zhe émɔ-bwǎlsɛ màngɛlέ myɛ. Yezu co Yi nəbán səmyɛ yilə, n ce bə zə sɛ bə m'e tə lyì bí.\v 8  Bə jí bə sú, bə pwà rə yəywaalέ rə dal mɔ bə sú jǐrh ni nyàlpyὲ. \v 9 E jà bə gakó y'a yú ǹdə lyì mɔɔrhὲ rəna ta. rəmyέ kwã Yezu ce bə kwὲ.\v 10  Rəmyɛ kwã cìcì Yezu ǹdə ń kwã lyì bí já zhízhílí bə zù bǔ-bwəl re w bə k'â la Dəlmənutə tənà y wa.

08/11.txt

@@ -0,0 +1 @@
+\v 11 Farɛzhέὲbá shí tέ bə zὲ bə n'ê mà nyə-pǎr ǹdə Yezu. bə la m'e dwẽ mo, bə lwəl mò bə ń wὲrhέ màmyɔ ò shí dὲέ yi w bə nyìwé.\v 12  Yezu shǐrh fwàà n ló ń wẽ, n wɔ: byè yil lũ w kɔbɔ lyì bí n'ê yǎl b'à wὲrhέ mamyɔ? zhən zhən à n'â ywəl ába, lũ w kɔbɔ lyì bí t'â la màmyɔ nɔ yé. \v 13  N zhǐr n yẽ be n zù bǔ-bwəl ré n byɛrhɛ n vò bù-cùù w dõ mo ne.

08/14.txt

@@ -0,0 +1 @@
+\v 14 Ń kwã lyì bí y'à swě bə yə búúri zal yé, búrú òdù sásbəby'à m'e zù bǔ-bwəl ré wə. \v 15 Yezu pə bɛ nyí n wɔ; dὲnna á cìn ǹdə Farɛzhɛɛbá sàn-nəbyẽ né, ǹdə Erɔɔdɛ myɛ sàn-nəbyẽ né.

08/16.txt

@@ -0,0 +1 @@
+\v 16 Ń kwã lyì bí zὲ bə n'ê zɔm ǹdə dwã bə zhe; È nə zὲ è nə wɔ nəmyὲέ gə yə búúri zal mɔ è ce ń nə ń zɔm èta? \v 17 Yezu lwar kɔn dὲbέ bə bə n'ê zɔma nzὲ n wɔ bɛ: byè yil á n'á zɔm ámyὲέ gə yə búúri zal nə mɔ zɔmà? á gwẽ yəl nə kùrə? á bə nəkùrə myɛ nyὲέ? á wun kùl dέdέ èta?

08/18.txt

@@ -0,0 +1 @@
+\v 18 Á zhe yírhə nə j'à bə kaka nɛ? á zhe zhã nəmyɛ j'à bə kaka nyὲέ? á t'á lyǐrh myɛ? \v 19 À gə kɔ kɔ búúrí rənu y a m' tə lyì mɔɔrhὲ rənu w mú,á pwà yə yə ywaalέ rə sú cǐrhni màngala?Bə lyár bə wɔ:shí ǹdə nəlyè,

08/20.txt

@@ -0,0 +1 @@
+\v 20 Sə à nə gə kɔ kɔ búúrí rəna y dwã w a m'a tə lyì mɔɔrhέ rəna y mɔ, à pwà yəywaalέ rə sú cǐrhni màngala? \v 21 Bə lyár mɔ bə: tàlpyɛ.N zɛ n wɔ bɛ: A nə gwẽ bə kaka kùr nyɛ?

08/22.txt

@@ -0,0 +1 @@
+\v 22 Bə zhǐr bə vò Bətəsəyidi bə zə lyəlyǒ òdù bə m'e bə Yezu sono, bə lwəl mò bə ń dwərh wə. \v 23 N lyì-lyǒ w jὲ n mə n vò cɔ w vɔ nὲ, n zə ń tətàr n fwàl n mə n fwàl ń yírhə né ne, n zὲ n cĩ jὲrh ń yó, n bwərh mò ǹdə ń gə nə kɔna.

08/24.txt

@@ -0,0 +1 @@
+\v 24 N nyǐ n wɔ; à yírhə nə lyì bí, sə bə nyὲέ ǹdə cèmé ta, bə j'à n'ê zhələ. \v 25 Yezu kə n cĩ jὲ ń yírhə né yó, sə lyəlyǒ gə nyǐ mu shέshέ, n já n wárh, ń nə kɔn gakó pamparɛɛ.\v 26  Rəmyέ yó Yezu ká n kwὲ mɔ, bə ń zhəl jè, sə ń bəká n zù cɔ w wẽ yé.

08/27.txt

@@ -0,0 +1 @@
+\v 27 Yezu ǹdə ń kwã lyì bí lyɛ bə la Səzare, Shilipu cɛmɛ nέ wẽ. N bwərh be bwərhə sɔmá y yó n wɔ;  lyì bí n'ê bùl b'àmyέ wɔ mɔ?\v 28  Bə lyár mɔ bə wɔ; Zhã-batiisi, bə dwã myɛ wɔ, bə wɔ Élyi, bə jàlà wɔ, wɔ Yi-nyì zwẽnnə mədù.

08/29.txt

@@ -0,0 +1 @@
+\v 29 N bwərh be n wɔ; s'ámyὲ n'á bùl b'à wɔ mɔ? Pyɛɛrɛ lyár mɔ n wɔ; "Ǹ wɔ Kristə".\v 30  N p bɛ nyí bə bək'á zɔm yò w òmyέ lò nyὲὲ yé.

08/31.txt

@@ -0,0 +1 @@
+\v 31 Rəmyέ yó ń ju kùr ń nə ń byili bi, bə numbyíní mà n nwὲnὲ dέdέ, dwã-gùlú w yé né cìnə, ǹdə vwì-zwəlnə bé náncɛsέ, e súlí Muyiisi nyə né byilnə bé b'a zhὲ mɔ, bə mɔ bə gu, sə ń mà n ká n bwìrhì dwã nətɔ yùwə\v 32 . Ń yà ń nə ń byili ywẽ nəmyέ pamparɛɛ. Pyɛɛrɛ zə mɔ n mə n vò kwã nέ, ń nə ń ji mu búlə.

08/33.txt

@@ -0,0 +1 @@
+\v 33 Yezu zhízhílí ń yé n zǎ ń kwã lyì bí ń mə ń nyǐ bi, n ji Pyɛɛrɛ búlə n wɔ mɔ; kwὲ à kwã nέ Shətana, ǹ tá ǹ bù Yi nyὲnέ yé, wɔ numbyínsi tɔrɔ n zhe. \v 34 N byẽ lyì-zhǎ bɛ ǹdə ń kwã lyì bí n wɔ bέ; lò mɔbɔ ǹ nə ǹ yǎl ń tó àmyέ nɛ, sə zhὲ ǹ cìnə, ń zhĩ ǹ də-jɔrhɔ w n mə tó à kùrə.

08/35.txt

@@ -0,0 +1 @@
+\v 35 Lò mɔbɔ ǹ nə ǹ yǎl shili ǹ myəl ré, rə m'a sá, sə lò mɔbɔ ǹ shὲnέ ǹ myəl ré jər àmyέ ǹdə yò-ècɔnɔ nyí rí yilə ǹ m'ǎ k'á nə rɛ. \v 36 Numbyíni gə nɔ lũ w kɔn gakó, ń j'ǎ dwĩ ǹ cìnə, ǹ nərέ y zhe kùrə? \v 37 Wɔ bəkɔn numbyíní wɔ è m'à pə e m'e lyər è myəl ré?

08/38.txt

@@ -0,0 +1 @@
+\v 38 Numbyíní kὲbέ gakó è gə dùr àmyέ ǹdə à zɔmà nέ cə-zhìl zàzà lũ w kɔbɔ nəfwəəlé ǹdə ò yə-bəlwàálέ cìnə bé cəcəl wə. Numbyíní byǐ gə ká ń bàn ń da zùwə y wẽ, ǹdə ń màlέkabá náàcὲnà bέ yini, ńmyɛ ma n dùr cə-zhìl ǹdə ǹmyɛ.

09/01.txt

@@ -0,0 +1 @@
+\v 1 N kə n wɔ bέ kədò; zhənà, à n'â ywəl ába, lyì bí byὲbέ bə ŋwέnέ nyɔnɔ mɔ ga t'â la cu ǹdə bə yírhə yə Yi-pyὲlὲ rέ ŋwɔnɔ w nɛ yé. \v 2 Dwã nyədù kwã nέ, N zə Pyɛɛrɛ ǹdə Zhakɛ ǹdə Zhã, n mə jì pyɔ òdù yó bə dúdú. \v 3 N lyər bə yírhə né wə, jǐrh námpwè pɔrɔtata, kɔn y'à tə cɛ yó rə pwè ré yú ri yé.

09/04.txt

@@ -0,0 +1 @@
+\v 4 Bə púrí Elyi ǹdə Muyiisi bə n'ê zɔm ǹdə mɔ. \v 5 Pyɛɛrɛ já n zɔm ǹdə Yezu n wɔ; "Rəbyi" kɔn mə bə nə mɛ nyɔnɔ, nə pu kwəərhe rətɔ, ǹmyέ òdù, Elyi òdù, nəmyɛ jí òdù. \v 6 Ń y'à ń yəl ń gə m'a zɔm nέ yé, bə ywẽ y'à zhe ńmyɛ ǹdə ń tó dwã bɛ dέdέ.

09/07.txt

@@ -0,0 +1 @@
+\v 7 Èbɔ bə o zhì bə yó w ò ywəl mó pyi bi,bə nyὲὲ cəl rə shí ébɔ w rə zɔm rə wɔ; mɔbɔ já ń wɔ à ywələ-byǐ; cilinə m. \v 8 Bə zὲ bə la nyǔ, bə púrí wɔ bəmyέ ǹdə Yezu dúdú bə zhǐ.

09/09.txt

@@ -0,0 +1 @@
+\v 9 Bə gə zhǐr bə n'ê swé pyɔ wá, Yezu zὲ n pə bɛ nyí n wɔ; á bək'á shὲnέ lòlò lwar tὲbέ á nɔ èta mɔ yé. kɔn la m'e yí nubyíní byǐ gə ká ń bwìrhì n zὲ n du cùùrì wẽ. \v 10 Bə cĩ zɔmὲ rέ bə wẽ, bə m'ê bwərh dwã bùrhù e du cùùrì  wẽ mɔ kùrə.

09/11.txt

@@ -0,0 +1 @@
+\v 11 Ń kwã-lyì bí bwərh mò; Bə wɔ byè yil Muyiisi nyə né byilnə bé byili bə wɔ nyɔɔ sə Elyi jὲrὲ bə mɔ? \v 12  N zὲ n wɔ bɛ; Elyi mà n tó yé n bə n kwɛrhɛ kɔn gakó. Sə è nə wɔ byè yil bə kɛ Yi zɔmὲ rέ wẽ, bə wɔ nyɔɔ sə bə nwὲnὲ numbyíní byǐ dέdέ bə fulsi mu? \v 13 À n'â ywəl ába, bə Elyi túwə, bə wὲrhέ mɔ ǹdə bə gə n'ê yǎl nέ ǹdə rə gə y'à kɛ nέ ń ɛhò kwã nέ.

09/14.txt

@@ -0,0 +1 @@
+\v 14 Bə gə k'á yí Ń kwã-lyì bí dwã bέ sono, bə nə lyì-zhǎ bέ ǹdə Muyiisi nyə né byilne bé jàlà bə kəkέlέ bɛ, bə n'ê mà nyə-pǎr ǹdə dwã. \v 15 Lyì-zhǎ bέ gə nɔ Yezu, kɔn jàr bὲ, bə dùr bə bə n'ê ce mo. \v 16 N bwərh bè n wɔ; bəkɔn nyə-pǎr á n'á mà ǹdə dwã?

09/17.txt

@@ -0,0 +1 @@
+\v 17 Lò mədù zhì lyì-zhǎ bέ wẽ, n wɔ; Yó-cəbal, zə à byǐ mú a bə ǹ sono. nə-cílí zhe mo, e ce ń kə ń wàr ń nə ń zɔm yé. \v 18 È gə kwè má má, è y'ǎ ji mu tέ ń tətə-pùnú du, ń nə ń dɔm ń yələ dwã nɛ, n cì sámm. à lwəl ǹ kwã lyì bí ni bə bə jǐ y, sə bə yὲ y ŋwὲnέ bə jì yé. Yezu zὲ n wɔ bɛ; ámyὲέ lũ w kɔbɔ lyì bí yə Yi ni zhí yé. \v 19 À gwẽ m'a yənέ ǹdə ába kɔn m'é yí dǒ? à m'à pyέnέ a yənέ ǹd'ába kɔn m'e yi dǒ? Zəna bəsɔbwὲlέ y á m'á bə nyɔnɔ.

09/20.txt

@@ -0,0 +1 @@
+\v 20 Bə zə bəsɔbwὲlέ y bə bà. Nə-cílí y gə nɔ mɔ, e j'á vúvǔ bəsɔbwὲlέ e ji tέ è n'ê byíbyílí, è tətar-pũnũ w n'ô dwi. \v 21 Yezu bwərh ń da mɔ n wɔ; dǒ yi ní kɔn ju kùr è zhe mo? N lyar mɔ, ń bəsɔnέ yi ni ga. \v 22 Dədὲέnɛ, nəcìlí y'a kwè mò e ji myǐn wə,è kwè mó e ji nὲέ wa, è n'ê yǎl e zhìlì ń yò. Sɛ nəba, ń dǔr nə nɔnɔ

09/23.txt

@@ -0,0 +1 @@
+\v 23 Yezu wɔ mɔ; kɔn wɔ nàná ǹdə lò mɔbɔ ǹ bùlə zhí ni.\v 24  Da mɔ,j'á n cǎrh n wɔ; à n'á zwẽ nyí , zwen ne à wu-kùlù w wẽ.\v 25  Yezu gə nɔ lyì-zhǎ bέ bə bànà, n bú nə-cílí n wɔ; ǹmyέ wɔ nə-cílí kὲbέ ǹ nə ǹ shĩ zhã e j'à è n'ê dɛ  lò nyí, à n'â pɛ mɔ nyí bə ǹ du ń yẽ mo.

09/26.txt

@@ -0,0 +1 @@
+\v 26 E zὲ e du, è m'ê càrhá e vɔvwa mɔ ǹdə jàn nánfɔlɔ.\v 27  Yesu sə ń jὲ nὲ n ce n zhì dὲέ.

09/28.txt

@@ -0,0 +1 @@
+\v 28 Yezu gə zù jùwə, ń kwã-lyì bí bwərh mo ǹdə bə wɔ bə dúdú; wɔ byè yil nə yə ŋwὲnέ nə jì nə-cílí yə? \v 29 N wɔ bɛ; kὲbέ dwí rí wàr è dwi, ǹdə è də Yi-co yé.

09/30.txt

@@ -0,0 +1 @@
+\v 30 Bə zhǐr gàà, bə tó Gəlilee bə lyẽ,ń yà ń tá ń yǎl bə bə lwar yé\v 31 . Ń yà ń nə ń cèrhè ń kwã-lyì bí, ń wɔ bɛ: numbyíní byǐ la zwini w zú. bə m'à zə mɔ bə gu, bə ce mo, sə dwã nətɔ kwã ń mà n ká n bwirhi. \v 32 Ń kwã-lyì bí y'à bə zɔmὲ rέ kùr nyὲέ yé, bə j'à kwàl sə bə bwərh mò yé.

09/33.txt

@@ -0,0 +1 @@
+\v 33 Bə gə yú kapərnaɔm, bə zù jùwə,  Yezu bwərh bè; wɔ bəkɔn nyə-pǎr á y'ǎ n'á mà sɔmá y yó mó?\v 34  Sə bə j'á zhĩ bə nyə, bə wɔ bwərh bə y'à n'ê bwərh dwã bə la m'e lwar mɔ ń mà n yə bə yé né.\v 35  N zὲ n jòm tὲ, n byè ń kwã-lyì bí shí ǹdə bəlyè yə, n wɔ bέ; lò gə nə ń yǎl n yə nã-yéé, sə n yə nánkwãã á gakó wẽ.

09/36.txt

@@ -0,0 +1 @@
+\v 36 N zὲ n kwè bəsɔbwὲlέ námpɔlέ, n ce e zhì bə gakó cəcəl wə, n wɔ bɛ; Lò mɔbɔ ń zwẽ bəsɔbwὲlέ y èmyέ èdù zhəəle, wɔ àmyέ cìcì mú ǹ zwẽ.\v 37  sə lò mɔbɔ ǹ zwẽ àmyέ, è də àmyέ dúdú ǹ zwẽ yé, wɔ ǹdə lò mó mɔbɔ ń twĩ nì mú.

09/38.txt

@@ -0,0 +1 @@
+\v 38 Zhã zὲ n wɔ mɔ; Yó-cəl, nə nɔ lò mədù ń nə ń jì nə-cúúlí  ǹdə ǹmyέ yil ré, sə nə cər ń yé ne, ń gə tə ǹ kwã nέ mɔ yilə. \v 39 Yezu lyár bɛ n wɔ; á bək'á cər mò yé; lò tὲnέ ń la màmaarhέ wɔrhɔ ǹdə àmyέ yil ré, n zὲ ń nə ń bwí ǹdə nɛ yé.

09/40.txt

@@ -0,0 +1 @@
+\v 40 Lò mɔbɔ ń tã ń pyà nə yò zhùlù, wɔ nəmyέ lò.\v 41  Lò mɔbɔ ń pɔ ába nὲέ kǎ-zɔm á nyɔ, àmyέ yilə, b'ǎ wɔ àmyέ lyì, à n'â ywəl ába zhən zhənà, rəná-cí mà n nə kwὲέdɛ.

09/42.txt

@@ -0,0 +1 @@
+\v 42 Lò gə jìrh bəsɔbwὲlέ kὲbέ èdù n ji lwɛlɛ wẽ, kɔn y'à cɔ ńmyὲέ yilə, sə bə lyẽ nəmú byǐ ń byã nέ bə ji mu nə-fɔlɔ w wẽ. \v 43 Ǹ jὲ gə la mɔ lwɛlɛ wẽ co, sə gõ ya. bə kɔn mà yə cὲnὲ ǹmyέ yilə sə nə nyǔ ǹdə jὲ èdù. \v 44 Cɔ ǹ la zù myǐn mə t'â cì wẽ ǹdə jὲrh səlyè.

09/45.txt

@@ -0,0 +1 @@
+\v 45 Ǹ nà gə la ce ń twĩ lwɛlɛ, sə gõ y ń dwì, è càn ǹmyέ yil sə zù nyǔ wẽ ǹdə nà èdù. \v 46 Cɔ ǹ zhe nèrh səlyè ń mə zù myǐn mə t'â cì wẽ.

09/47.txt

@@ -0,0 +1 @@
+\v 47 Ǹ yírh gə la ce ń twì lwɛlɛ, sə jàrh ń dwì, kɔn càn ǹmyέ yil sə zù nyǔ wẽ ǹdə yírh rədù, sə zə yírhə nəlyè ń mə zù wẽ. \v 48 jàà kɛbέ zəzɔmέ nə t'â cì gaga, ǹdə myǐn mə t'â cì gaga wẽ.

09/49.txt

@@ -0,0 +1 @@
+\v 49 Bə m'à zə myǐn bə dwẽ lò gakó. \v 50 Nəkwə wɔ kɔn dὲbέ rə càn, s'è gə tárh, wɔ bəkɔn wẽ è k'ê nyὲ nέ? Zəna nəkwə á cìcì wẽ, s'á jòm ǹdə dwã ǹdə yə-zùlə.

manifest.json

@@ -1 +1 @@
-{"target_language":{"id":"lee","direction":"ltr","name":"Lyélé"},"project":{"id":"mrk","name":""},"translators":[""],"resource":{"id":"reg"},"finished_chunks":["01-01","01-04","01-07","01-09","01-12","01-14","01-16","01-19","01-21","01-23","01-27","01-29","01-32","01-35","01-38","01-40","01-43","01-45","02-01","02-03","02-05","02-08","02-10","02-13","02-15","02-17","02-18","02-20","02-22","02-23","02-25","02-27","03-01","03-03","03-05","03-07","03-09","03-11","03-13","03-17","03-20","03-23","03-26","03-28","03-31","03-33","10-01","10-05","10-07"],"generator":{"build":137,"name":"ts-android"},"format":"usfm","type":{"id":"text","name":"Text"},"source_translations":[{"resource_id":"ulb","language_id":"en","date_modified":20160504,"version":"5","checking_level":3}],"package_version":6}
+{"target_language":{"id":"lee","direction":"ltr","name":"Lyélé"},"project":{"id":"mrk","name":""},"translators":[""],"resource":{"id":"reg"},"finished_chunks":["01-01","01-04","01-07","01-09","01-12","01-14","01-16","01-19","01-21","01-23","01-27","01-29","01-32","01-35","01-38","01-40","01-43","01-45","02-01","02-03","02-05","02-08","02-10","02-13","02-15","02-17","02-18","02-20","02-22","02-23","02-25","02-27","03-01","03-03","03-05","03-07","03-09","03-11","03-13","03-17","03-20","03-23","03-26","03-28","03-31","03-33","10-01","10-05","10-07","05-01","05-03","05-05","05-07","05-09","05-11","05-14","05-16","05-18","05-21","05-25","05-28","05-30","05-33","05-35","05-36","05-39","05-41","06-01","06-04","06-07","06-10","06-12","06-14","06-16","06-18","06-21","06-23","06-26","06-30","06-33","06-35","06-37","06-39","06-42","06-45","06-48","06-51","06-53","06-56","07-01","07-02","07-05","07-06","07-08","07-11","07-14","07-17","07-20","07-24","07-27","07-29","07-31","07-33","07-36","08-01","08-05","08-07","08-11","08-14","08-16","08-18","08-20","08-22","08-24","08-27","08-29","08-31","08-33","08-35","08-38","09-01","09-04","09-07","09-09","09-11","09-14","09-17","09-20","09-23","09-26","09-28","09-30","09-33","09-36","09-38","09-40","09-42","09-45","09-47","09-49"],"generator":{"build":137,"name":"ts-android"},"format":"usfm","type":{"id":"text","name":"Text"},"source_translations":[{"resource_id":"ulb","language_id":"en","date_modified":20160504,"version":"5","checking_level":3},{"language_id":"en","resource_id":"ulb","date_modified":20160504,"checking_level":3,"version":"5"},{"language_id":"en","resource_id":"udb","date_modified":20160504,"checking_level":3,"version":"5"}],"package_version":6}