auto save

10/01.txt

@@ -0,0 +1 @@
+Yezu gə lyɛ gàà, n zɛ n vò Zhide təna y wa.Mwə èpá kɛ, lyì zhǎ bέ tú ń sono, ǹdə bə lùl epurí ń jù kùr ń nə ń cèrhè bə.Farɛzhɛɛba zɛ bə yí ń nyí ní, bə n'ê yǎl bə zhẽ mò, bə bwərh mò: nyǐ sɔmá gə ŋwέnέ bə, bal zhɛ ń kɛ.N lyárh bɛ: Muyiisi pɔ aba nyǐ bə byè? Bə wɔ: Muyiisi pɔ sɔmá bə bə kɛ zhɔ sέbέ, sə bə vùr mó.

10/05.txt

@@ -0,0 +1 @@
+Yezu zɛ, ń wɔ bɛ: wɔ á wu kùùlí rə ce Muyiisi kɛ nyí rəmyέ ń ába.Sə lũ w kùr ju yi ní, Yi wὲrhέ bal, ǹdə kɛ.

10/07.txt

@@ -0,0 +1 @@
+Wɔ rəmyέ yilə, bal ma ń yẽ ń da ǹdə ń ná nɛ n lyẽ dwã nɛ ǹdə n kɛ, Sə bəmyέ bəlyè jǐrh yɛlɛ rəd, Eta bə k'ê də lyì bəlyè yé, bə jǐrh yɛlɛ rədù sá. Bə númbyíní bəká pɔr kɔn dὲbέ Yi co dwã nɛ yé.

10/10.txt

@@ -0,0 +1 @@
+Bə gə yú kὲlέ wa,ń kwã-lyì bí k'é bwərh mò, zɔmὲ rέ rəmyέ mɔ.N zɛ n wɔ bέ:lò gə zhə ń kɛ,n vùr mò ń zɛ n jí n dõ, wɔ fwəl ń nə fwəl ńdə mɔ.

10/13.txt

@@ -0,0 +1 @@
+Bə zə bəsɔná námpɔlsέ bə bə ń sono, mùnì ga n dwərh bè. sə ń kwã lyì bí zɛ  bə n'ẽ jì lyì bí búlə.yezu gə nɔ  rəmyέ, ń wu zhìlì ń zɛ ń wɔ n kwã lyì bí ni: yẽnə bəsɔná bέ nɛ bə bə à sono. S'a bəká cər bə yé, bə Yi tənà y wɔ byὲbέ bə nyɛ ǹdə bəmyέ ta.

10/15.txt

@@ -0,0 +1 @@
+A n'â wəl ába zhənà,lò mɔbɔ ń yə Yi tənà y yò shὲnέ ńdə bəsɔbwὲlέ ta mɔ, tá ń la rə wẽ zú gaga yé.N kwè be ń jὲrh wa,n cĩ bwəl bə yó.

10/17.txt

@@ -0,0 +1 @@
+Yezu gə du n kwè sɔmá, lò mədù dùr n jòm ń nədwənə yó ń yé, n wɔ:Yó-cəbal nántwə,byè à mə s'à wὲrhέ mùnì a nə nyǔ mə tâ la zhɔ. Yezu zɛ ń wɔ:byè yil ń nə ń byè nè bə lyì-twě, wɔ Yi dúdú ń wɔ lyì-twě. N yě nyə né gə n'ê byili ní.Bəká fwəl yé,ǹ bəká gu lò yé,bəká ŋwɔ yé,bəká gõ kɔma ń ce ǹ dõ nyí ní yé,nyám ǹ da ǹdə ǹ ná.

10/20.txt

@@ -0,0 +1,2 @@
+N lyár mɔ n wɔ: yó-cəbal,à zwẽ nyə nəmyέ gakó, à bəswέnέ yi ní ga.Yezu zɛ n nyǐ mu, n
+swéné mo, ǹ zɛ n wɔ mɔ:Kɔn rədù mùrí mú, zhəl ń kwè kɔn dὲbέ gakó ǹ yè, ń pə rə wársέ nəmwa bέ nɛ, sə k'á kwὲ ń bə ń tó ne.N m'ǎ nə nəcàndɛ Yi tənà y wa.Zɔmὲ rέ rəmyέ zhìlì ń wu nì, bal mɔ ńmyὲ mɔ lyɛ ǹdə wu-zhùlù bə ń y'à ń wɔ nəcὲm-bal nánfɔlɔ.

10/23.txt

@@ -0,0 +1 @@
+Yəzu nyǐ n kəkέlέ n cìn ,n wɔ ń kwã lyì bí ni :kɔn mà yə zwini ǹdə byὲbέ bə gə zhə nəcàndὲ mɔ,mà m'ə zù Yi tənà y wa.Ń gə zɔm èta mɔ jàr ń kwã lyì bí, n kə wɔ :à bəsɔna kɔn wɔ zwini ǹdə lyì byὲbέ bə kwè bə cìn bə pə cɛ yó nəcàndέ nɛ, sə bə zù Yi tənà y wa. Rə wɔ nàná ǹdə yómó gə la məshǐm bɔl w tó o lyɛ,du nəcὲm-bal gə la Yi tənà y wẽ zú.

10/26.txt

@@ -0,0 +1 @@
+Kɔn jàr ń kwã lyì bí, bə zɛ bə n'ê bwərh dwã bə zhe :Wɔ mɔ lò ń nə wɔ n m'a nə ń cìn vwarh? Yezu nyǐ bí ń wɔ:Rəmyέ wɔ zúzúnú ǹdə nùmbyínə bə,sə ǹdə Yi kɔn wɔ nàná.Pyɛrɛ zɛ ń wɔ mɔ:Nə zhǐr nə yẽ kɔn gakó ne nə tó mó.

10/29.txt

@@ -0,0 +1 @@
+Yəzu wɔ mɔ: a n'â wəl ába,zhənà,lò gə yẽ ǹ kὲlέ y ǹ da byǎ bέ ǹdə ǹ nəkwá bέ, ǹdə ǹ ná ǹdə ǹ da,ǹdə ǹ bəsɔná ǹdə ǹ cɛ sέ nɛ,àmyέ yə-cɔnɔ nyí rí yilə ǹ m'à n nə rəmyέ gakó twər zɔm; ǹ kǎlsέ,ǹ da byǎ,ǹ nəkwá ǹ ná bá ǹ bəsɔná ǹdə ǹ cɛ sέ é súlí ǹ nɔnɔ w myɛ.Sə ǹ b'ǎ nə nyǔ mə t'â la zhɔ,lũ w kɔbɔ ò bàn mɔ wa.Lyì yəə nánzhəzhɔ m'a t'â kwã, nánkwã bá m'à yə náyəə bé.

10/32.txt

@@ -0,0 +1 @@
+Bə yà ŋwɛnɛ sɔmá nɛ,bə la Zhərəzalɛm, Yəzu y'à wɔ bə yé né .Ń kwã- lyì bí wun zhìlì ,bə tó mo ǹdə ywẽ.Yezu byẽ ń kwã-lyì bí shí ǹdə bəlyè y ga.N ji kùr ń nə ń byili tὲbέ rə la məyú mú.Nyǐ nə la zhərəzalɛm sə bə mà zə numbyíní byǐ bə pə vwì zwəlnə be ǹdə Muyiisi nyə né byiln bé ne bə kə ń bùrsì ǹdə cu. Bə co mo byὲbέ bə yəl Yi pár mɔ jɔ wa, bə fulsi,bə pùr tətàr ń yó,bə mà mɔ, bə gu mu. sə ń dwã nətɔ yù w ń bùrhì.

10/35.txt

@@ -0,0 +1 @@
+Zebede byǎ bέ Zhakɛ ndə zhã, bwəlse Yəzu nyí ni bə wɔ: Yó-cəbal nə nə yǎl bə ǹ wὲrhέ kɔn dὲbέ nə la mɔ lwəl ń pə nəba. N wɔ bɛ, bəkɔn á n'â yǎl bà wὲrέ a pə ába? Bə wɔ mɔ pə nəba nyí bə nə jǒm ǹdə mɔ,mədù ǹ jəjĩ sõ ń dõ mó ǹ jəgwã sõ, ǹ gə mǎ yə ǹ da pyὲlὲ rέ wẽ yi ní .

10/38.txt

@@ -0,0 +1 @@
+Yezu lyár bέ, á yəl tɛ á ná lwəl yé, á wɔ á m'ǎ nyɔ kɔ-nyɔmà  mɔ à la nyɔ mɔ,ráá á zwẽ nɛ-shɔ mɔ mɔbɔ à la zɔm mó? bə wɔ: Nə b'ǎ ŋwὲnέ, Yəzu lyàr bέ ǹ wɔ: Rə wɔ zhənà á b'ǎ nyɔ kɔ-nyɔmà mɔ á la nyɔ mɔ, sə á zwẽ nɛ- shɔmɔ mɔ mɔbɔ à la zõ mó,sə gə wɔ à jəjĩ ráá à jəgwã nɛ jǒm rəmyέ t'à la àmyὲ sõ shú yé, bə m'à pə rɛ byὲbέ bə tɛnɛ rɛ bə yil mó nɛ.

10/41.txt

@@ -0,0 +1 @@
+Ń kwã-lyì bí shí y gə nyὲὲ rəmyέ, bə ji kùr bə n'ê wúwùní ǹdə zhakɛ ndə Zhã. Yəzu byẽ bə n wɔ: Á yě bə byὲbέ bə n'ê nyǐ ǹdə lũ w pyǎ ta mɔ, bə n'ê wὲrhέ bə jàn, sə wɔ náncɛsɛ bə la ŋwɔnɔ.

10/43.txt

@@ -0,0 +1 @@
+Rə bə èta yàl nə cəcəl w yé. Lò mɔbɔ ń gə nə ń yǎl n yə náncɛ á cəcəl wə,sə n yə á gakó tùntum. Sə lò gə nə ń yǎl n yə yé né cəbal á wẽ, sə n yə á gakó yóm-bal. Bə numbyíní byǐ gə tú mú è də bə la tũ bə pə mɔ yel yé, sə wɔ ńmyɛ ń la tũ n pə lyì bí ni, n súlí n pə ń myəl lyì nánzhəzhɔ yilə .

10/46.txt

@@ -0,0 +1 @@
+Bə yí zheriko, Yezu ǹdə ń kwã lyì gə zhər ǹdə lyì nánzhəzhɔ; Time byǐ Bartime  ń y'a wɔ lyìlyǒ y'à ń jě sɔmá y vɔ nɛ ǹ nə ǹ lwələ.N nyὲὲ bə wɔ Nazarɛtɛ lyì bal Yezu ń bànà ń zɛ ń búbwéé ń zhe: Davidi byǐ Yezu,dǔr à nɔnɔ .Lyì názhəzhɔ zɛ bə n'ê jí mú búlə,bə ń yě ń sɔ w nέ.N kwɛrhɛ ń búbwéé ǹ dwi ni shãã ga mɔ ń wɔ: Davidi byǐ Yezu dùrə à nɔnɔ.

10/49.txt

@@ -0,0 +1 @@
+Yəzu zhì n wɔ: Byẽ nə mo n bà. Bə zὲ bə byẽ lyìlyǒ wə,n wɔ mɔ kám ǹ wu,zὲ dɛ ń nə ń byẽ mó. Lyìlyǒ dul ò gɔnɔ w tέ,o zὲ o bə Yəzu sono. Yəzu bwər mò n wɔ: Bəkɔn ǹ n'ê yǎl bà wὲrhέ ǹ yilə? Lyìlyǒ w wɔ: Yó-cəbal à n'â yǎl bə à yírhə ne púr.