See in Reader
Mon Jun 29 2020 20:43:24 GMT+0630 (Myanmar Time)
This commit is contained in:
mehmboke
parent
9451fafd2b
commit
52c2c4d3b1
|
|
@ -0,0 +1 @@
|
|||
အရာဏံဝွံ ကျာ်ဗီုလဵုက္တဵုဗဒှ်လဝ်ဂှ် ဒှ်ကၠာအိုတ်ရ။ တိဇၞော်ကဵု အရာသီုဖအိုတ်တံဂှ် ညးက္တဵုပဒှ်လဝ်ပွိုၚ်တြဴတ္ၚဲရ။ ကျာ်ဝွံ က္တဵုပဒှ်တိဇၞော်တုဲ တိဇၞော်ဂှ်လေဝ် ဂၠုတုဲသၠးဒၟံၚ်ရ။ မူဟိုတ်ရောမ္ဂး အရာသီုဖအိုတ်ဂှ် မုညးဟွံဂွံပၠုပ်ဗီုဏီရ။ ဆမ္ဂး ဝိညာန်ကျာ်ဝွံ နွံမံၚ်တေံလ္တူဍာ်ဂှ်ရ။
|
||||
|
|
@ -0,0 +1 @@
|
|||
တုဲဂှ် ကျာ်ဟီုဂး “ဒှ်လျးစမ်” တုဲဂှ် ဒှ်ကၠုၚ်လျး ရ။ ကျာ်ဝွံ ညာတ်လျးဂှ် ခိုဟ်တုဲ ကော်ခဴ “တ္ၚဲ” ရ။ တ္ၚဲဂှ် ညးပိုၚ်ခြာလဝ်နူကဵုဒမၠုရ။ တေံဒမၠုဂှ် ညးကော်ခဴ “ဗ္တံ” ရ။ ကျာ်က္တဵုပဒှ်လဝ်လျးဂှ် ဒှ်တ္ၚဲပဌမရ။
|
||||
|
|
@ -0,0 +1 @@
|
|||
ကျာ်က္တဵုဗဒှ် ပ္ဍဲတ္ၚဲဒုတိယျဂှ် ကျာ်ဝွံ “လ္တူဍာ်ဂှ် ဒှ်ဂၠးစမ်” ဟီုတုဲ ဒှ်ကၠုၚ် ဂၠး ရ။ ကျာ်ကော်ခဴ ဂၠး ဂှ် “အကး” ရ။
|
||||
|
|
@ -0,0 +1 @@
|
|||
ပ္ဍဲတ္ၚဲတတိယျဂှ် ကျာ်ဟီုဂး “ဍာ်ဂှ် ပကောံမွဲဒၞာဲ တုဲ တိကဟ်ဂှ် မံက်ကၠုၚ်စမ်။” တိကဟ်ဂှ် ညးကော်ခဴ “ဂၠးတိ” တုဲ ဍာ်ဂှ် ညးကော်ခဴ “ၜဳ” ရ။ အရာက္တဵုဗဒှ်လဝ်တုဲဂှ် ကျာ်ညာတ်ခိုဟ်ဒၟံၚ်ရ။
|
||||
|
|
@ -0,0 +1 @@
|
|||
တုဲဂှ် ကျာ်ဟီု “ဇၟာပ်ဂကူတၞံဆုသီုဖအိုတ်တံနူဂၠးတိဂှ် ကၠုတ်တိုန်စမ်” တုဲဂှ် ဂကူတၞံတံ ကၠုတ်တိုန်ရ။အရာက္တဵုဗဒှ်လဝ်တုဲဂှ်ကျာ်ညာတ်ခိုဟ်ဒၟံၚ်ရ။
|
||||
|
|
@ -0,0 +1 @@
|
|||
ကျာ်က္တဵုပဒှ်လဝ်ပ္ဍဲတ္ၚဲစတုတ္ထဂှ် ကျာ်ဝွံ “လ္တူအကးဂှ် ဒှ်သ္ၚိလျးစမ်။” ဟီုတုဲ တ္ၚဲ၊ ဂိတုကဵု သၞံၚ်တံ မံက်တိုန်ကၠုၚ်ရ။ သ္ၚိလျးဝွံ ဂွံကဵုလျးပ္ဍဲဂၠးတိတုဲ ဂွံသမ္တီ၊ တ္ၚဲကဵုဗ္တံ၊သၞာံကဵု ဥတုရာသဳတံရ။ အရာက္တဵုဗဒှ်လဝ်တုဲဂှ် ကျာ်ညာတ်ခိုဟ်ဒၟံၚ်ရ။
|
||||
|
|
@ -0,0 +1 @@
|
|||
ပ္ဍဲတ္ၚဲပဉ္စမဂှ် ကျာ်ဝွံ “အရာဂျိုၚ်လမျီု ပ္ဍဲဍာ်ဂှ်ကဵုပေၚ်တုဲ ဂစေံတံလေဝ် ကဵုပဝ်လ္တူအကးစမ်” ဟီုဂးရ။ အရာသတ်ၜိၚ်မံၚ်ပ္ဍဲဍာ်သီုဖအိုတ်တံကဵု ဂစေံသီုဖအိုတ်တံဝွံ က္တဵုဗဒှ်လဝ် သာ်ဏံရ။ အရာက္တဵုဗဒှ်လဝ်တုဲဂှ် ကျာ်ညာတ်ခိုဟ်ဒၟံၚ်တုဲ ညးကဵုမ္ၚဵုမၚ်္ဂလကဵု သတ်တံရ။
|
||||
|
|
@ -0,0 +1 @@
|
|||
ကျာ်က္တဵုဗဒှ်လဝ်ပ္ဍဲတ္ၚဲဆဌမဂှ် ကျာ်ဝွံ “လ္တူတိဂှ် ဂကူသတ္တိရိစ္ဆာန်သီုဖအိုတ်တံ ဒှ်စမ်” ဟီုတုဲ ဒှ်ကၠုၚ်ရ။ လ္ၚဵုတံဂှ် ဒှ်သတ္တိရိစ္ဆာန် လွဳစ၊ လ္ၚဵုတံဂှ် ဒှ်သတ္တိရိစ္ဆာန် လောဝ်အာ လ္တူတိ တုဲ လ္ၚဵုတံဂှ် ဒှ်သတ္တိရိစ္ဆာန် အရိုၚ်အိုတ်ရ။ အရာက္တဵုဗဒှ်လဝ်တုဲဂှ် ကျာ်ညာတ်ခိုဟ်ဒၟံၚ်ရ။
|
||||
|
|
@ -0,0 +1 @@
|
|||
တုဲဂှ် ကျာ်ဟီု “မၞိဟ်ဗီုပြၚ်တုပ်ကဵုပိုဲဂှ် ပိုဲတံကၠောန်အိုတ်စိုအ်။ တေံမၞိဟ်ဂှ် အုပ်လဒံဂၠးတိဇၞော်ကဵု သတ္တိရိစ္ဆာန်ဂမၠိုၚ်တံရောၚ်။”
|
||||
|
|
@ -0,0 +1 @@
|
|||
သာ်ဂှ်ရ ကျာ်ကေတ်နၚ် တိတုဲ ပၠုပ်ဗီု မၞိဟ်တြုံမွဲတုဲ ဗ္ဂိုဟ်ပၠုပ်လမျီုပ္ဍဲမၞိဟ်ဂှ်ရ။ ယၟုမၞိဟ်တြုံဂှ် ဒှ် အာဍာံရ။ ဒၞာဲအာဍာံဂွံမံၚ်ဂှ်ကျာ်တဵုကဵုကၠအ်ဥဒျာန်ဇၞော်ဇၞော်မွဲတုဲ ကဵုအာဍာံမံၚ်ရ။ တုဲဂှ် ကဵုမၚ်မွဲကၠအ်ဂှ်ရ။
|
||||
|
|
@ -0,0 +1 @@
|
|||
ပ္ဍဲအဒေါဝ်ကၠအ်ဥဒျာန်ဂှ်ကျာ်တဵုလဝ် တၞံဆုတၟေၚ်ၜါတၞံရ၊ တၞံဆု(လမျီု)ကဵု တၞံဆု(တီခိုဟ်ဟွံခိုဟ်)ရ။ ကျာ်ဗ္ကန်လဝ်ကဵုအာဍာံ မ္ၚးနူတၞံဆု(တီခိုဟ်ဟွံခိုဟ်)ဂှ်တုဲ ဇၟာပ်တၞံဆု ပ္ဍဲကၠအ်ဥဒျာန်သီုဖအိုတ် စဂွံရ။ ယဝ်ရစဒးနူတၞံဆု(တီခိုဟ်ဟွံခိုဟ်)မ္ဂး ဒးချိုတ်ရောၚ်။
|
||||
|
|
@ -0,0 +1 @@
|
|||
တုဲဂှ် ကျာ်ဟီု “သွက်မၞိဟ်တြုံ နွံဒၟံၚ်မွဲဓဝ်ဂှ် ဟွံခိုဟ်ရ။” ဆမ္ဂး သွက်အာဍာံဂှ် သတ္တိရိစ္ဆာန်မွဲလေဝ် ဟွံဒှ်ထံက်ပၚ်ရ။
|
||||
|
|
@ -0,0 +1 @@
|
|||
သာ်ဂှ်ရ ကျာ်ကဵုအာဍာံသ္တိက်လှိၚ်ဇၞော်ဇၞော်ရ။ တုဲဂှ် ကျာ်ကေတ်ဇုတ်ဒကဲအာဍာံမွဲတၞုၚ်တုဲ ကၠောန်ဗဒှ်မၞိဟ်ဗြဴမွဲရ။ တုဲပၠန် တေံမၞိဟ်ဗြဴဂှ် ကေတ်နၚ်ကဵု ညးတေံရ။
|
||||
|
|
@ -0,0 +1 @@
|
|||
အခိၚ်အာဍာံ ညာတ်တေံဗြဴဂှ်တုဲ ညးတေံဟီုဂး “ဣဏံမွဲဂှ် တုပ်ကဵုအဲကွေံ။ နူမၞိဟ်တြုံဂှ်ကၠောန်ဗဒှ်လဝ်ဗြဴတုဲ ကော်စ မၞိဟ်ဗြဴရ။” မၞိဟ်တြုံဝွံ တိတ်အာ နူမိကဵုအပါညးတေံတုဲ ဒှ်ကၠုၚ်ကဵုတၠဒယိုၚ်မွဲဇကုဂှ် ဟိုတ်နူအရာဏံရ။
|
||||
|
|
@ -0,0 +1 @@
|
|||
ကျာ်က္တဵုဗဒှ်လဝ်မၞိဟ်တြုံကဵုမၞိဟ်ဗြဴဂှ် ညံၚ်ရဴရုပ်သာ်ညးရ။ ညးကဵုမ္ၚဵုမၚ်္ဂလကဵု မၞိဟ်တံတုဲ ကျာ်ဟီုကဵုညးတံ “ၜံၚ်ကောန်၊ ကောန်စဴဂၠိုၚ်ဂၠိုၚ် တုဲ ဗပေၚ်လ္တူတိဇၞော်ဂှ်ညိ။” ဆက်တုဲကျာ်ညာတ်အရာက္တဵုဗဒှ်လဝ်သီုဖအိုတ် ဂှ် ခိုဟ်လောန်ကွေံတုဲ ညးမိပ်စိုပ်သီုကဵု အရာက္တဵုဗဒှ်လဝ်သီုဖအိုတ်ဂှ်ရ။ ပ္ဍဲတ္ၚဲဆဌမဂှ် အရာဏံသီုဖအိုတ် က္တဵုဒှ်ကၠုၚ်ရ။
|
||||
|
|
@ -0,0 +1 @@
|
|||
စိုပ်ကၠုၚ်အခိၚ် တ္ၚဲသတ္တမဂှ်၊ ကျာ်ဝွံ အရာညးကၠောန်ဗဒှ်လဝ်သီုဖအိုတ်တံဂှ် ဒတုဲကမၠောန်အိုတ်ရ။ ညးကဵုမ္ၚဵုမၚ်္ဂလတ္ၚဲသတ္တမဂှ်တုဲ ကဵုသ္အးဇ္ၚးရ။ မူဟိုတ်ရောမ္ဂး အရာ က္တဵုဗဒှ်လဝ်ဂှ် ညးဒေါံထောံတ္ၚဲဂှ်ရ။ အရာဏံဂှ် ဗီုလဵုကျာ်က္တဵုဗဒှ်လဝ် တိသုန္ဓရဳကဵုအရာသီုဖအိုတ်တံဂှ်ရ။
|
||||
|
|
@ -0,0 +1 @@
|
|||
ပုံသၠပတ်သမ္မာ: သၠပတ်ပထမကဝ် ၁-၂
|
||||
|
|
@ -0,0 +1 @@
|
|||
၁။ အရာက္တဵုဗဒှ်
|
||||
|
|
@ -0,0 +1 @@
|
|||
အာဍာံကဵု ဗြဴညးဝွံ ပ္ဍဲကဵုကၠအ်ဥဒျာန်ကျေဝ်ဂေါဝ်ကျာ်က္တဵုဗဒှ်လဝ်သွက်ညးတံဂှ် မံၚ်ဒၟံၚ်မိပ်ပ်ဇြိပ်ပ်ရ။ ညးတံဝွံ ဟွံလတက်လဝ်ဘဝိုက်လတက်ရ။ ၜိုန်ဂှ်လေဝ် ညးမွဲကဵုညးမွဲ ဟွံဂွညးသ္ကအ်ပုဟ်။ မူဟိုတ်ရောမ္ဂး ပ္ဍဲလောကဏံ ဒုဟ်ဟွံမွဲဏီရ။ ညးတံဝွံ ဟွံလအ်ဟွံလအ် ကွာ်ဝေၚ်ပ္ဍဲကၠအ်ဥဒျာန်တုဲ ဟီုဒၟံၚ်အရေဝ်ကဵုကျာ်ရ။
|
||||
|
|
@ -0,0 +1 @@
|
|||
ဆမ္ဂး ပ္ဍဲဥဒျာန်ဂှ် ဇြုံနွံဒၟံၚ်မွဲရ။ ဇြုံဂှ် ပရိယာဂၠိုၚ်ကွေံရ။ ဇြုံသၟာန်မၞိဟ်ဗြဴဂှ် “ကျာ်ဗ္ကန်လဝ်ကဵုဗှ်ေ ဇၟာပ်ပ်သတ်ဆုနူတၞံဆု ပ္ဍဲဥဒျာန်ဏံဂှ်လ္ပစညိ၊ဂှ်ကွေံရဟာ” သၟာန်ရ။
|
||||
|
|
@ -0,0 +1 @@
|
|||
မၞိဟ်ဗြဴဂှ် ကလေၚ်ဟီု “ကျာ်ဟီုလဝ်ကဵုပိုဲဂှ် မ္ၚးနူသတ်တၞံဆု(တီခိုဟ်ဟွံခိုဟ်)ဂှ်တုဲ သတ်ဆုသေဟ်ဒၟံၚ်သီုဖအိုတ်ဂှ် အခေါၚ်ဂွံစနွံဒၟံၚ်ရ။ ယဝ်ရ စသတ်ဆု(တီခိုဟ်ဟွံခိုဟ်) ဂှ်(သာ်ဂှ်ဟွံသေၚ်) ၜိုန်ရလုက်ဒးသတ်ဆုဂှ်မ္ဂး ဗှ်ေဒးချိုတ်ရောၚ်။”
|
||||
|
|
@ -0,0 +1 @@
|
|||
ဇြုံကလေၚ်ဟီုကဵုမၞိဟ်ဗြဴဂှ် “ကျာ်ဟီုလဝ်ဂှ် ဟွံဍာံပုဟ် ဗှ်ေဟွံချိုတ်ပုဟ်။ ယဝ်စသတ်တုဲဂှ် ခြာဟွံလအ်ဗှ်ေတီခိုဟ်ဟွံခိုဟ်ညံၚ်ရဴကျာ်ရောၚ်ဂှ်ညးတီမံၚ်ရ။”
|
||||
|
|
@ -0,0 +1 @@
|
|||
မၞိဟ်ဗြဴဝွံ ကူချပ်ဒၟံၚ် သတ်ဆုဏံကျေဝ်ဂေါဝ်တုဲ တုပ်ညံၚ်ကဵုရဟ်နွံဒၟံၚ်ရောၚ်။ မၞိဟ်ဗြဴဂှ်လေ မိက်ဂွံဍိုက်ပေၚ်ကဵုလညာတ်ပညာ ဂှ်ဒှ်တုဲ ၜဟ်ကေတ်သတ်ဆုမ္ဂး စရ။ တုဲဂှ် ကဵုစတြုံဂှ်ကီုရ။
|
||||
|
|
@ -0,0 +1 @@
|
|||
မွဲလစုတ်ဓဝ်၊ မတ်ညးတံ ပံက်မၠာ်တုဲ ဇကုညးတံမုလေဝ်ဟွံလတက်လဝ်ဂှ် တီကၠိုဟ်အာရ။ ညးတံလေဝ် နကဵုတၞးဆုဂှ် ဇိၚ်ကၠောန်ဂၠိက်ယာတ်တုဲ ဒစာန်ဂြောပ်ဇကုညးတံရ။
|
||||
|
|
@ -0,0 +1 @@
|
|||
တုဲဂှ် မၞိဟ်တြုံကဵု ဗြဴညးတေံ မိၚ်ရမျှာၚ်ကျာ်ကွာ်ကၠုၚ် ပ္ဍဲဥဒျာန်ဂှ်ရ။ ညးတံသီုၜါ အောပ်ဒၟံၚ်ကျာ်ရ။ တုဲဂှ်ကျာ်ကော်မၞိဟ်တြုံဂှ် “အလဵုဗှ်ေနွံရော။” အာဍာံကလေၚ်ဟီု “မၞးကွာ်ကၠုၚ်မံၚ်ပ္ဍဲဥဒျာန်ဂှ် အဲမိၚ်ဒၟံၚ်ရ၊ အဲဖေက်ဂွဒၟံၚ်ကွေံရ၊ မူဟိုတ်ရောမ္ဂး ဇကုအဲဟွံမွဲကဵုဂၠိက်ယာတ်တုဲ အဲအောပ်ဒၟံၚ်ရ။”
|
||||
|
|
@ -0,0 +1 @@
|
|||
တုဲဂှ် ကျာ်သၟာန် “ညးဂှ်ဟီု မၞးဂၠိက်ယာတ်ဟွံမွဲရော။ သတ်ဆုအဲဟွံကဵုမၞးစဂှ် မၞးစလဝ်တုဲယျဟာ။” မၞိဟ်တြုံဂှ် ကလေၚ်ဟီု “မၞိဟ်ဗြဴက္တဵုဗဒှ်လဝ်သွက်အဲဂှ် ကဵုစ အဲသတ်ဂှ်ရ။” တုဲဂှ်ကျာ်သၟာန် ဗြဴဂှ် “မူမၞးကၠောန်လဝ်ရော။” မၞိဟ်ဗြဴဂှ် ကလေၚ်ဟီု “ဇြုံဂှ် လှေံလှန်လီလာံစအဲရ။”
|
||||
|
|
@ -0,0 +1 @@
|
|||
ကျာ်ဟီုကဵုဇြုံဂှ် “ဗှ်ေဒးဒုၚ်ချဴလက်ရ၊ လ္တူတိဂှ် ဗှ်ေဒးလောဝ်အာကဵုဗုၚ်တုဲ ဒးစတိရောၚ်။ ဗှ်ေကဵု မၞိဟ်ဗြဴဂှ် ညးမွဲကဵုညးမွဲက္ဍုဟ်ရောၚ်။ ကောန်ဗှ်ေကဵု ကောန်မၞိဟ်ဗြဴဂှ်လေဝ် ညးမွဲကဵုညးမွဲ က္ဍုဟ်ကီုရောၚ်။ ကောန်ဇာတ်တၞောဝ်ဒတောဝ်မၞိဟ်ဗြဴဂှ် ပ္ဍဵုဗုတ်က္ဍိုပ်ဗှ်ေတုဲဗှ်ေလေဝ် ဂၞေဟ်ဇိုၚ်ညးဂှ် လိုန်ဓလေက်ရောၚ်။”
|
||||
|
|
@ -0,0 +1 @@
|
|||
တုဲဂှ်ကျာ်ဟီုကဵုမၞိဟ်ဗြဴဂှ် “အခိၚ်ဗှ်ေၜံၚ်ကောန်တှ်ေ ဒးဂိဗွဲမလောန်ရ။ ဗှ်ေဒးဗက်အလိုက်မၞိဟ်တြုံတုဲ တြုံဂှ် အုပ်လဒံလ္တူဗှ်ေဏောၚ်။”
|
||||
|
|
@ -0,0 +1 @@
|
|||
ကျာ်ဟီုကဵုမၞိဟ်တြုံဂှ် “မၞးကလၚ်အရေဝ်ဗြဴမၞးတုဲ အရေဝ်အဲမၞးဟွံကလၚ်ပုဟ်။သာ်ဂှ်ရ လၟုဟ် တိဇၞော်ဂှ် ဒးဒုၚ်ချဴလက်တုဲ သွက်စဏဂွံဇၞော်တိုန်ဂှ် မၞးဒးဂိုတ်ဂစာံကၠောန်ကမၠောန် ရောၚ်။ မၞးဒးချိုတ်ရောၚ်။ အခိၚ်မၞးချိုတ်တုဲဂှ် ခန္ဓမၞးလေဝ် ဒးကလေၚ်ဒှ်အာတိပၠန်ရောၚ်။” မၞိဟ်တြုံဝွံကော်ခဴစဗြဴညးတေံဂှ် “ဨဝ” ရ။ အဓိပ္ပါဲ ဨဝဝွံ “မၞိဟ်ကဵုလမျီု” မဂွံဒှ်ရ။ မုဒှ်ရောဟီုတှ်ေ မၞိဟ်ဗြဴဂှ် ဒှ်ကၠုၚ် မိ မၞိဟ်သီုဖအိုတ်ရောၚ်။ အာဍာံကဵုဨဝဂှ် ကျာ်ဂြောပ်ကဵုဂၠိက်ယာတ်သၞာံသတ္တိရိစ္ဆာန်ရ။
|
||||
|
|
@ -0,0 +1 @@
|
|||
တုဲဂှ် ကျာ်ဟီု “လၟုဟ် မၞိဟ်တံတုပ်ကၠုၚ်ဗီုပိုဲတံတုဲ တီခိုဟ်ဟွံခိုဟ်ကီုရ၊ ဂွံစသတ်ဆု နူတၞံဆုလမျီု ဂွံဂျိုၚ်လမျီုထာဝရဂှ်လေဝ် မၞိဟ်တံအခေါၚ်ဟွံမွဲရ။” သာ်ဂှ်ရ ကျာ် ပလံၚ်ပတိတ် အာဍာံကဵုဨဝ နူကဵုဥဒျာန်ဂှ်ရ။ ပ္ဍဲဥဒျာန် မၞိဟ်မွဲမွဲ ညံၚ်ဟွံဂွံစ သတ်ဆုလမျီုဂှ် ကျာ်ထာဝရဝွံ ပ္ဍဲပါၚ်လုပ်ဥဒျာန်ဂှ် စွံလဝ်ကလုတ်ကာသနွံကဵုဣဓိမွဲတုဲ ကဵုမၚ်မွဲလဝ်ရ။
|
||||
|
|
@ -0,0 +1 @@
|
|||
ပုံသၠပတ်သမ္မာ : သၠပတ်ပထမကဝ် ၃
|
||||
|
|
@ -0,0 +1 @@
|
|||
၂။ ဒုဟ်လုပ်ကၠုၚ် ပ္ဍဲလောက
|
||||
|
|
@ -0,0 +1 @@
|
|||
လောန်ကၠုၚ်အခိၚ်ဗွဲမဂၠိုၚ်တုဲ မၞိဟ်ဂမၠိုၚ်တံဝွံ မံၚ်ဒၟံၚ်ပ္ဍဲလောကဏံရ။ မၞိဟ်တံဝွံ ယုတ်မာတုဲကြံၚ်ကြတိုန်ကၠုၚ်ရ။ ဟိုတ်နူညးတံကၠောန်ဟွံခိုဟ်တုဲ နကဵုဍာ်ဇၞော်ဇၞော်မွဲ သွက်ဂွံပလီုပလာ်အလုံတိဇၞော်ဂှ် ကျာ်ဖျေံသ္ဂုတ်သွာတ်ရ။
|
||||
|
|
@ -0,0 +1 @@
|
|||
ဆမ္ဂး နဝ်ဨဝွံ ဂွံမုက်ဂတကျာ်ထာဝရရ။ ညးဝွံ ဒှ်မၞိဟ်တပ်တးတုဲ မံၚ်ဒၟံၚ်အကြာမၞိဟ်ယုတ်မာတံရ။ ညးကဵုဍာ်ဇၞော်ဏောၚ်ဂှ် ကျာ်ဟီုလဝ်ကဵုနဝ်ဨရ။ သာ်ဂှ်ရ၊ ညးကဵုနဝ်ဨ သိုၚ်က္ၜၚ်ဇၞော်ဇၞော်မွဲရ။
|
||||
|
|
@ -0,0 +1 @@
|
|||
ကျာ်ဟီုကဵုနဝ်ဨ၊ သွက်ဂွံသိုၚ်က္ၜၚ်ဂှ် ဇမၠိၚ် (ပိကၠံဟတ်)၊ အနာံ (မသုန်စှ်ောဟတ်)၊ သၠုၚ် (ပိစှ်ောဟတ်)မဒှ်ရ။ နဝ်ဨဝွံ နကဵုဆုဂှ် သိုၚ်လဝ်က္ၜၚ်ပိထပ်တုဲ ဒၞာဲဒၟံၚ်ဗွဲမဂၠိုၚ်၊ သီုကၟဳမွဲကဵု ဗ္တၚ်မွဲလေဝ်နွံကီုရ။ က္ၜၚ်ဏံဝွံ အဃောဍာ်ဇၞော်မ္ဂး သွက်ဂွံရီုဗၚ် နဝ်ဨကဵုသ္ၚိကၟိန်နဝ်ဨကေုာံ ဇၟာပ်ဂကူသတ္တိရိစ္ဆာန်သီုဖအိုတ်တံရ။
|
||||
|
|
@ -0,0 +1 @@
|
|||
နဝ်ဨဝွံ ကလၚ်ဒၟံၚ်အရေဝ်ကျာ်ရ။ ညးကဵုကောန်တြုံညးပိတံဝွံ အတိုၚ်ကျာ်ဟီုပၟိၚ်လဝ်ဂှ်သိုၚ်က္ၜၚ်ရ။ ဂွံသိုၚ်က္ၜၚ်ဂှ် ဒးကေတ်အခိၚ်ဂၠိုၚ်ကဵုသၞာံရ။ မူဟိုတ်ရောမ္ဂး က္ၜၚ်ဝွံ ဇၞော်လောန်ကွေံရ။ နဝ်ဨလေဝ် လဴထ္ၜးကဵုမၞိဟ်ဂမၠိုၚ်တံပရူ ဍာ်ဇၞော်တုဲမၞိဟ်တံဂွံကလေၚ်ကၠုၚ်ပ္ဍဲထာန်ကျာ်ပၠန်ဂှ် ကဵုသတိရ။ ဆမ္ဂး မၞိဟ်တံဟွံပ္တေဟ်နဝ်ဨရ။
|
||||
|
|
@ -0,0 +1 @@
|
|||
ကျာ်ဟီုပၟိၚ်ကဵုနဝ်ဨဂှ် "သွက်သ္ၚိကၟိန်နဝ်ဨကဵုသွက်သတ္တိရိစ္ဆာန်ဂမၠိုၚ်တံ ဂွံစစၞရုံရုံဂပ်ဂပ်ဂှ်ကဵုပကောံလဝ်စၞစညိ။” အခိၚ်သိုၚ်က္ၜၚ်တုဲအာအိုတ်ဂှ် နဝ်ဨ၊ ဗြဴနဝ်ဨ၊ ကောန်တြုံနဝ်ဨပိကဵုဗြဴကောန်နဝ်ဨ (သီုဖအိုတ်ဂှ်ဒစာံ)ဂှ်ကျာ်ကဵုလုပ်ပ္ဍဲက္ၜၚ်ရ။
|
||||
|
|
@ -0,0 +1 @@
|
|||
ဇၟာပ်သတ္တိရိစ္ဆာန်ၝောံမွဲကၟက်မွဲကဵုဂစေံၝောံမွဲကၟက်မွဲတံဂှ် ကျာ်ပလံၚ်နၚ်ကဵုနဝ်ဨရ။ ဟိုတ်ဂှ်ရ အဃောဍာ်ဇၞော်မ္ဂး သတ်တံ ဂွံဗၠးနူဘဲဍာ်ဂှ် လုပ်အာပ္ဍဲက္ၜၚ်အိုတ်ရ။ ကျာ်ဝွံသွက်ဂွံသုၚ်စောဲ ပူဇဴယတ်ဂှ်ဇၟာပ်ပ်ဂကူသတ္တိရိစ္ဆာန်၊ ၝောံထပှ်ကဵုကၟက်ထပှ်ဂှ်လေဝ်ပလံၚ်နၚ်ကဵုကီုရ။ အခိၚ်ညးတံလုပ်အာပ္ဍဲက္ၜၚ်သီုဖအိုတ်တုဲဂှ်၊ ကျာ်ကၟာတ်ထောံပြၚ်က္ၜၚ်ဂှ်ရ။
|
||||
|
|
@ -0,0 +1 @@
|
|||
တုဲဂှ် ဗြဲစဂူရ။ ဗြဲဂူ ပွိုၚ် ပန်စှ်ောတ္ၚဲ၊ ပန်စှ်ောဗ္တံ ဟွံဒေါံရ။ ဍာ်လေဝ်ဂစောတ်တိတ်ကၠုၚ်နူတိရ။ အရာနွံဒၟံၚ်ပ္ဍဲအလုံဂၠးတိသီုဖအိုတ် သီုကဵုဒဵုသၠုၚ်အိုတ်လေဝ် ဍာ်ဂြောပ်ဒလီုအာအိုတ်ရ။
|
||||
|
|
@ -0,0 +1 @@
|
|||
ပါဲနူမၞိဟ်ကဵုသတ္တိရိစ္ဆာန်နွံမံၚ်ပ္ဍဲက္ၜၚ်ဂှ်တုဲ အရာဂျိုၚ်ဒၟံၚ်လ္တူတိသီုဖအိုတ်တံ ချိုတ်အိုတ်ရ။ က္ၜၚ်ဂှ်လေ ဟဳမံၚ်လ္တူဍာ်တုဲ အရာသီုဖအိုတ်နွံမံၚ်ပ္ဍဲက္ၜၚ်ဂှ် ဂွံဗၠးဘဲဍာ်ဂှ်ရ။
|
||||
|
|
@ -0,0 +1 @@
|
|||
အခိၚ်ဗြဲဒေါံအာတုဲဂှ်၊ က္ၜၚ်လေဝ် ဆက်ဟဳဒၟံၚ် လ္တူဍာ် ပွိုၚ်မသုန်ဂိတုရ။ တုဲဂှ် အခိၚ်ဍာ်စေဟ်စိုပ်မွဲတ္ၚဲဂှ် က္ၜၚ်လေဝ် ဂၚ်မံၚ်လတူက္ဍိုပ်ဒဵုမွဲမရ။ ဆမ္ဂး လ္တူတိဇၞော်ဂှ် ဍာ်ပေၚ်ဒၟံၚ်ဏီရ။ လောန်အာပိဂိတုပြၚ်ပြၚ်တုဲဂွံညာတ်တိုန်က္ဍိုပ်ဒဵုဂှ်ရ။
|
||||
|
|
@ -0,0 +1 @@
|
|||
ပန်စှ်ောတ္ၚဲပြၚ်ပြၚ်လောန်အာတုဲပၠန်ဂှ် နဝ်ဨဝွံ ဂွံတီဍာ်ဇတ်ဂှ် ဗလးဏာဂစေံခ္ဍာ်မွဲရ။ ခဍာ်ဂှ် ပဝ်အာတုဲ ဂၠာဲဗဵုဒၞာဲတိသ္ကဟ်ကီုလေဝ် ဟွံဆဵုတုဲ ကလေၚ်ပဝ်စဴကၠုၚ်ပၠန်ရ။
|
||||
|
|
@ -0,0 +1 @@
|
|||
လက်ကြဴဂှ် နဝ်ဨ ဗၠးဏာဂစေံပူမွဲပၠန်ရ။ ဆမ္ဂး ပူဂှ်လေဝ် ဒၞာဲတိသ္ကဟ်ဂှ် ဂၠာဲဟွံဆဵုတုဲ ကလေၚ်ပဝ်စဴကၠုၚ် ပ္ဍဲနဝ်ဨပၠန်ရ။ လောန်ကၠုၚ်မွဲသတ္တဟတုဲပၠန် နဝ်ဨ ထပ်ဗၠးဏာပူမွဲပၠန်ရ။ ပူဂှ်လေဝ် နကဵုခၟဴဂှ်ခိုၚ်နၚ်တၞာၚ်ပလောန်မွဲတၞာၚ်တုဲကလေၚ်ပဝ်စဴကၠုၚ်ရ။ ဍာ်ဇတ်စှ်ေအာတုဲ တၞံဆုတံလေ ဇၞော်တိုန်ကၠုၚ်မွဲဝါပၠန်ရ။
|
||||
|
|
@ -0,0 +1 @@
|
|||
နဝ်ဨမၚ်မွဲသတ္တဟတုဲပၠန်ဂှ် ဗၠးဏာပူမွဲ အလန်တတိယရ။ အလန်ဏံ ပူဂှ် ဆဵုဒၞာဲဌာန်ဒၟံၚ်တုဲ ဟွံကလေၚ်စဴကၠုၚ်ရ။ ဍာ်လေဝ် ဇတ်သ္ကဟ်အာယျ၊
|
||||
|
|
@ -0,0 +1 @@
|
|||
လအ်အာၜါဂိတုတုဲ ကျာ်ဟီုကဵုနဝ်ဨ “အခိၚ်လၟုဟ် သ္ၚိကၟိန်မၞးကဵု သတ္တိရိစ္ဆာန်သီုဖအိုတ်တံတိတ်ကၠုၚ်နူက္ၜၚ်ဂှ်ညိ၊ ၜံၚ်ကောန်ဂၠိုၚ်ဂၠိုၚ်တုဲ ဗပေၚ်လ္တူတိဇၞော်ညိ” ဟိုတ်ဂှ်ရ နဝ်ဨ ကဵု သ္ၚိကၟိန်နဝ်ဨတံ တိတ်ကၠုၚ်နူက္ၜၚ်ဂှ်ရ။
|
||||
|
|
@ -0,0 +1 @@
|
|||
နဝ်ဨ တိတ်ကၠုၚ်မ္ၚးက္ၜၚ်ဂှ်တုဲ သွက်ဂွံပူဇဴ သတ္တိရိစ္ဆာန်လ္ၚဵုတံဂှ် ကၠောန်ပၞၚ်ယတ် ရ။ ကျာ်ဝွံ နကဵုပူဇဴလဝ်ယတ်ဂှ် မိပ်စိုတ်တုဲ ကဵုမ္ၚဵုမၚ်္ဂလ နဝ်ဨကဵုသ္ၚိထာန်နဝ်ဨရ။
|
||||
|
|
@ -0,0 +1 @@
|
|||
ကျာ်ဟီု “အဲကဵုဂတိ မွဲအလန်ပၠန်ဂှ် ဆလအ်မှ အဲဟွံချဴတိဇၞော်ဏံရပုဟ်။ ၜိုန်ရမၞိဟ်တံကၠောန်မံၚ်အရာပြေံဒုစရိုတ်ကီုလေဝ် နကဵုဍာ်ဇၞော်ဇၞော်ဂှ် အဲဟွံပလီုပလာ်တိဇၞော်ဏံရပုဟ်။ ကာလမၞိဟ်တံအဝဲနူဍောတ်ဂၠိုၚ်မံၚ်ကဵုဒုဟ်ကီုလေဝ် အဲဟွံပလီုပလာ်ရ။”
|
||||
|
|
@ -0,0 +1 @@
|
|||
တုဲဂှ် နကဵုလက်သန်ဂတိကျာ်ဂှ် ညးက္တဵုဗဒှ်ဓမၚ်သုၚ်ဍာ်ကၠာအိုတ်ရ။ ဇၟာပ်အခိၚ် ဓမၚ်သုၚ်ဍာ်မံက်တိုန်ကၠုၚ်နူအကးမ္ဂး ကျာ်ဗှ်သၞာဂတိ အရာညးကဵုလဝ်ကဵုမၞိဟ်တံဂှ်ရ။
|
||||
|
|
@ -0,0 +1 @@
|
|||
ပုံ သၠပတ်သမ္မာ : သၠပတ်ပထမကဝ် ၆-၈
|
||||
|
|
@ -0,0 +1 @@
|
|||
၃။ ဍာ်ဇၞော်
|
||||
|
|
@ -0,0 +1 @@
|
|||
ဍာ်ဇၞော်တုဲလအ်ကၠုၚ်သၞာံဗွဲမဂၠိုၚ်တုဲဂှ် မၞိဟ်ဂမၠိုၚ်တံပေၚ်ကၠုၚ်လ္တူဂၠးတိမွဲဝါပၠန်ရ။ မၞိဟ်တံကၠောန်ဒုဟ်စရိုတ်ပၠန်ရ။ ညးတံသီုဖအိုတ်တံဝွံ ဟိုတ်နူသုၚ်စောဲအရေဝ်ဘာသာတုပ်ဒၟံၚ်တုဲ စၞးကျာ်ဟီုပၟိၚ်လဝ် ဂွံမံၚ်ဗပေၚ်ဂၠးတိဂှ် မၞိဟ်တံပကောံညးသ္ကအ်တုဲ သိုၚ်ခၞံတိုန်ဍုၚ်ရ။
|
||||
|
|
@ -0,0 +1 @@
|
|||
ညးတံဝွံ မာနသၠုၚ်ဒၟံၚ်တုဲ အရေဝ်ကျာ်ဟီုပၟိၚ်လဝ်ဂှ် ဟွံကလၚ်တုဲမံၚ်ဒၟံၚ်ရ။ ညးတံလေဝ် စၚ်စၟဳစဵုစိုပ်အာကာသသၠုၚ်သၠုၚ်မွဲဂှ် စဒက်ပ္တန်ရ။ ယဝ်ရ မၞိဟ်တံသီုဖအိုတ် ဆက်ကၠောန်မံၚ်အရာဟွံခိုဟ်မွဲစွံဏီမ္ဂး ဒုဟ်ဒုစရိုတ်ဂၠိုၚ်တိုန်ရောၚ်ဂှ် ကျာ်ညာတ်ဒၟံၚ်ရ။
|
||||
|
|
@ -0,0 +1 @@
|
|||
ဟိုတ်ဂှ်ရ နူအရေဝ်ဘာသာညးတံတုပ်ဒၟံၚ်ဂှ် ကျာ်ပါ်ခြာကေတ် အရေဝ်ဘာသာနာနာသာ်တုဲ ကဵုပြးချာဲတိတ်အာ အလုံဂၠးတိဇၞော်ရ။ကၟာၚ်ဍုၚ်ညးတံစဒက်ပ္တန်ဂှ်လေဝ် ကော်ခဴစ ဍုၚ်ၜါၜုလုၚ်ရ။ အဓိပ္ပါဲဂှ် “ထုဲနှဴ” မဒှ်ရ။
|
||||
|
|
@ -0,0 +1 @@
|
|||
လအ်ကၠုၚ်ကၠံသၞာံတုဲ ကျာ်ဟီုရေဝ်ကဵုမၞိဟ်မနွံယၟုအာဗြာမ်မွဲဂှ်ရ။ ကျာ်ဟီုပၟိၚ် “မၞးကဵုသ္ၚိကၟိန်မၞးတံ တိတ်အာနူဍုၚ်ဂှ်တုဲ ဒၞာဲတိဂွံအာဂှ်အဲထ္ၜးဂှ်မၞးရောၚ်။ အဲကဵုမ္ၚဵုမၚ်္ဂလကဵုမၞးတုဲ ကဵုဒှ်ဂကူဇၞော်ဇၞော်မွဲရောၚ်။ ယၟုမၞးဂှ်လေဝ် အဲကဵု ဒယှ်ရောၚ်။ မၞိဟ်ကဵုမ္ၚဵုမၚ်္ဂလကဵုမၞးဂှ် အဲကဵုမ္ၚဵုမၚ်္ဂလတုဲ မၞိဟ်ချဴမၞးဂှ်လေဝ် ဒးဒုၚ်ချဴကီုရောၚ်။ ဟိုတ်နူကဵုမၞးတုဲ သ္ၚိကၟိန် လ္တူတိဇၞော်သီုဖအိုတ်ဂှ် ဂွံဒုၚ်မ္ၚဵုမၚ်္ဂလအိုတ်ရောၚ်။”
|
||||
|
|
@ -0,0 +1 @@
|
|||
ဟိုတ်ဂှ်ရ အာဗြာမ် ကလၚ်အရေဝ်ကျာ်ရ။ အာဗြာမ်ဝွံ ကော်ဏာ ဗြဴညးတေံသာရာဲ၊ကောန်လိၚ်သီုဖအိုတ်ကဵု ပိုန်ဒြပ်ညးသီုဖအိုတ်ဂှ်တုဲ တိတ်ကၠုၚ်တိဍာ် ကျာ်ထ္ၜးလဝ်တိရးခါနာန်ဂှ်ရ။
|
||||
|
|
@ -0,0 +1 @@
|
|||
အခိၚ်အာဗြာမ်စိုပ်အာ ပ္ဍဲတိခါနာန်ဂှ် ကျာ်ဟီု " ဒိုဟ်နာနာသာ်ဂှ် ဗဵုညိ၊ တိဍာ်သီုဖအိုတ်ဏံဂှ် အဲကဵု မၞးရောၚ်။ကောန်စဴကောန်စေက်မၞးတံလေဝ် ဂွံပိုၚ်ပြဳတိဍာ်ဏံ လၟိုန်ကာလရောၚ်။” တုဲဂှ် အာဗြာမ်လေဝ် ဖျေံဒၞာဲပ္ဍဲဲတိဍာ်ဂှ်ရ။
|
||||
|
|
@ -0,0 +1 @@
|
|||
မၞိဟ်မနွံယၟုမေလခိဇေဍေက်ဝွံ ဒှ်ယတ်ပရောဟိတ်ဇၞော်မွဲရ။အာဗြာမ်ဝွံ ဗတိုက်ပၞာန်တုဲမွဲတ္ၚဲဂှ် ဆဵုဂဗးကဵုမေလခိဇေဍေက်ရ။ ညးဝွံ ကဵုမ္ၚဵုမၚ်္ဂလကဵုအာဗြာမ်တုဲ ဟီုဂး “ညးမပိုၚ်ပြဳအာကာသကဵုတိဇၞော်၊ကျာ်မသၠုၚ်ပြဲအိုတ်ဝွံ လ္တူအာဗြာမ်ဂှ် ကဵုမ္ၚဵုမၚ်္ဂညိ" တုဲဂှ် အာဗြာမ်ဝွံ အရာအိုတ်သီုညးပိုၚ်ပြဳလဝ်စှ်ဂအုံမွဲဂအုံဂှ် ကဵုမေလခိဇေဍေက်ရ။
|
||||
|
|
@ -0,0 +1 @@
|
|||
ၜိုန်ရလောန်ကၠုၚ်သၞာံဗွဲမဂၠိုၚ်ကီုလေဝ် အာဗြာမ်ကဵုသာရာဲဝွံ ဟွံဂွံကောန်ဏီရ။ ကျာ်ကဵုကတိကဵုအာဗြာမ်မွဲဝါပၠန်မ္ဂးဂှ် “ညးဝွံ ဂွံကောန်တြုံမွဲတုဲ ကောန်စဴကောန်စေက်တံလေဝ် ညံၚ်ရဴသၞံၚ်လ္တူအကးဂှ် ဂၠိုၚ်တဴရောၚ်။” အာဗြာမ်လေဝ် ပ္တေဟ်ဒၟံၚ်ဂတိကျာ်ရ။ ဟိုတ်နူအာဗြာမ် ပ္တေဟ်ဒၟံၚ်ဂတိကျာ်တုဲ ကျာ်ဝွံ လလောၚ်တြးပရိုၚ်အာဗြာမ် မဒှ်မၞိဟ်သ္တပ်လ္ဂူရ။
|
||||
|
|
@ -0,0 +1 @@
|
|||
တုဲဂှ်ကျာ်ကဵုအာဗြာမ်ဝွံ စွံကတ္တိကမွဲရ။ ကတ္တိကဟီုမ္ဂးဂှ် ဒှ်အရာမတုပ်စိုတ် အကြာမၞိဟ်ၜါလ္ပာ် ရ။ အဃောအာဗြာမ်တိတ်လှိၚ်ဒၟံၚ်ဗွဲမဇၞော်ဂှ် ကျာ်ကဵုလဝ်ဂတိဏံရ၊ ၜိုန်ဂှ်တိက်လှိၚ်မံၚ်ကီုလေဝ် ကျာ်ဟီုဒၟံၚ်ဂှ် ညးမိၚ်မံၚ်ရ။ ကျာ်ဟီု “နူကဵုခန္ဓဇကုမၞးဂှ် အဲကဵုကောန်တြုံမွဲရောၚ်။ တိခါနာန်ဂှ်လေဝ် အဲကဵုကောန်စဴကောန်စေက်မၞး ပၠန်ရောၚ်” ဆမ္ဂး အခိၚ်ဂှ် အာဗြာမ် ဟွံဂွံ ကောန်ဏီရ။
|
||||
|
|
@ -0,0 +1 @@
|
|||
ပုံ သၠပတ်သမ္မာ : သၠပတ်ပထမကဝ် ၁၁-၁၅
|
||||
|
|
@ -0,0 +1 @@
|
|||
၄။ ကတ္တိကကျာ်ကဵုအာဗြဟာမ်
|
||||
|
|
@ -0,0 +1 @@
|
|||
အာဗြာမ်ကဵုသာရာဲဝွံစိုပ်ကၠုၚ်ပ္ဍဲရးခါနာန်ဂှ် လအ်ဒၟံၚ်စှ်သၞာံကီုလေဝ် ညးတံဝွံ ကောန်မွဲလေဝ်ဟွံဂွံဏီဖိုအ်ရ။ ဟိုတ်ဂှ်ရ ဗြဴအာဗြာမ် သာရာဲဝွံ ဟီုကဵုအာဗြာမ် “အခိၚ်လၟုဟ်အဲဂွံဂွံကောန်ဂှ် ဗျုလောန်ကွေံတုဲ သွက်ဂွံၜံၚ်ကောန်ဂှ် ကျာ်ဟွံကဵုအဲ အခေါၚ်ရ။” ဣဏံ ကောန်လိၚ်အဲ 'ဟာဂါ'။ ကေတ်မၞိဟ်ဗြဴဏံညိ၊ ဗြဴဏံလေဝ် ၜံၚ်ကဵုကောန်မာန်ဒၟံၚ် သွက်ပိုဲရောၚ်။”
|
||||
|
|
@ -0,0 +1 @@
|
|||
ဟိုတ်ဂှ်ရ အာဗြာမ်ဝွံ ထပ်တဲကဵု 'ဟာဂါ'ရ။ ဟာဂါဝွံ ၜံၚ်ဂွံကောန်တြုံမွဲတုဲ အာဗြာမ်လေဝ် တၚ်ယၟု 'ဣသှမေလ'ရ။သာရာဲဝွံ စိုတ်ၚံက်လ္တူ ဟာဂါရ။ အခိၚ် ဣသှမေလ ပေၚ်အယုက် စှ်ပိသၞာံဂှ် ကျာ်ဟီုအရေဝ်ကဵုအာဗြာမ်မွဲဝါပၠန်ရ။
|
||||
|
|
@ -0,0 +1 @@
|
|||
ကျာ်ဝွံ “အဲဒှ်တၠဣဓိအနန္တကျာ်ဂမျိုၚ်ရ။အဲ ကဵုဗှ်ေစွံကတ္တိကမွဲဏောၚ်။” ဟီုတုဲအာဗြာမ်လေဝ် အောပ်မာလ္တူတိဂှ်ရ။ ကျာ်လေဝ်ဟီုကဵုအာဗြာမ် “မၞးဂှ် ဒှ်အပါ ဂကူမၞိဟ်ဂမၠိုၚ်တံရောၚ်။ မၞးကဵုကောန်စဴကောန်စေက်မၞးတံဝွံ အဲကဵုပိုၚ်ပြဳတိခါနာန်ဂှ်တုဲ အဲဂှ်လေဝ် ဒှ်ကျာ်မၞးတံလၟိုန်ကာလရောၚ်။ဇၟာပ်မၞိဟ်တြုံ ပ္ဍဲဂကူကလောဝေါၚ်သမၞးတံလေဝ် ဒးရေက်တၞုၚ်သၞာံသီုဖအိုတ်ရောၚ်။”
|
||||
|
|
@ -0,0 +1 @@
|
|||
"ဗြဴမၞးသာရာဲဝွံ ဂွံကောန်တြုံမွဲရောၚ်။ ကောန်တြုံဂှ် ဒှ်ကောန်ဂတိရောၚ်။ ဒးတၚ်ယၟု ဣဇက်ရ။ကတ္တိကအဲဂှ် အဲကဵုဣဇက််တုဲ ညးဂှ် အဲကဵုဒှ်ကၠုၚ်ဂကူဇၞော်မွဲရောၚ်။ ဣသှမေလဂှ်လေဝ် အဲကဵုဒှ် ဂကူဇၞော်မွဲကီုရောၚ်။ ဆမ္ဂး ကတ္တိကအဲဂှ် ကဵုတန်ပ္ဍဲဣဇက်မွဲ ဟေၚ်ရ ။” တုဲဂှ် ယၟုအာဗြာမ်ဂှ် ကျာ်ပြံၚ်လှာဲ "အာဗြဟာမ်"ရ။ အဓိပ္ပါဲဂှ် ဒှ် “အပါမၞိဟ်ဂမၠိုၚ် "ရ။ ယၟုသာရာဲဂှ်လေဝ်ကျာ်ပြံၚ်လှာဲ “သာရာ"တုဲ အဓိပ္ပါဲသာရာဂှ် ဒှ် "ကောန်သၟိၚ်ဗြဴ"ရ။
|
||||
|
|
@ -0,0 +1 @@
|
|||
ပ္ဍဲတ္ၚဲဂှ်ရ အာဗြဟာမ်ဝွံ ပ္ဍဲသ္ၚိကၟိန်ဂကူဝေါၚ်သညးတေံမဒှ်ကောန်တြုံသီုဖအိုတ်ဂှ် ရေက်တၞုၚ်သၞာံရ။ လအ်ကၠုၚ်မွဲသၞာံတုဲ အာဗြဟာမ်ပေၚ်အယုက် ကၠံသၞာံတုဲ သာရာလေဝ် ပေၚ်အယုက်ဒစိတ်စှ်ောရ။ သာရာဝွံ သၠးဂွံကောန်တြုံမွဲ သွက်အာဗြဟာမ်ရ။ အတိုၚ်ကျာ်ဗ္ကန်လဝ်ဂှ် ညးတံတၚ်ကဵုယၟု "ဣဇက်"ရ။
|
||||
|
|
@ -0,0 +1 @@
|
|||
အခိၚ်ဣဇက် အယုက်ဍောတ်မံၚ်ဏီဂှ်၊ ကျာ်စံၜတ် စိုတ်ပ္တေဟ် အာဗြဟာမ်တုဲ ဟီု ဂး"ကောန်မၞးဣဇက်ဂှ်ကေတ်တုဲ သွက်အဲဂှ် ပူဇဴညိ။” အာဗြဟာမ်လေဝ် ကလၚ်အရေဝ်ကျာ်မွဲဝါပၠန်တုဲ သွက်ဂွံပူဇဴဣဇက်ဂှ် ပလေဝ်ပလေတ်လဝ်ရ။
|
||||
|
|
@ -0,0 +1 @@
|
|||
အာဗြဟာမ်ကဵုဣဇက်ဝွံ ဂွံပူဇဴယတ်ဂှ်တိတ်ကၠုၚ်တုဲ အဃောကွာ်ကၠုၚ်ဒၟံၚ်ဂှ် ဣဇက်သၟာန် “အပါ၊ သွက်ဂွံပူဇဴယတ်ဂှ် အောဟ်နွံရ၊ ဆဂးသဵုသၟတ်ဂှ် အလဵုရော?။” အာဗြဟာမ်လေဝ် “ ကောန်အဲ၊ သဵုသၟတ်သွက်ဂွံပူဇဴဂှ် ကျာ်ပလေဝ်ပလေတ်ကဵုရောၚ်။”
|
||||
|
|
@ -0,0 +1 @@
|
|||
အခိၚ်ညးတံစိုပ်ကၠုၚ် ဒၞာဲပူဇဴယတ်ဂှ်၊ အာဗြဟာမ် စန်ဒက်ဣဇက်တုဲ သတိက်လဝ်လ္တူ ပၞၚ်ယတ်ဂှ်ရ။ အဃောအာဗြဟာမ် ကြပ်ဂစိုတ်ကောန်ညးတေံဂှ် ကျာ်ဟီုပၟိၚ် “ဒေံါစမ်! လ္ပကဵုဒးကောန်ၚာ်ဂှ်ညိ! လၟုဟ်မၞးဖေက်အဲဂှ်အဲတီယျ၊ မူဟိုတ်ရောမ္ဂး သွက်အဲမ္ဂးကောန်မၞးနွံဒၟံၚ်ဆမွဲဂှ် မၞးဟွံဂိုၚ်စွံရ။”
|
||||
|
|
@ -0,0 +1 @@
|
|||
အာဗြဟာမ်ဝွံ သဵုခက်ဒၟံၚ်ပ္ဍဲအုပ်ခြုံ ဗ္ဒာဲဂှ်ညာတ်ရ။ စၞးဂွံပူဇဴဣဇက်ဂှ် ကျာ်ပြုပြေၚ်လဝ်ကဵု သဵုကၟက်ဂှ်ရ။ အာဗြဟာမ်ဝွံ ကေတ်သဵုကၟက်ဂှ်တုဲပူဇဴမိပ်ပ်ဇြိပ်ပ်ရ။
|
||||
|
|
@ -0,0 +1 @@
|
|||
တုဲပၠန် ကျာ်ဟီုကဵုအာဗြဟာမ် “ၜိုန်ရကောန်ဗှ်ေနွံဒၟံၚ်ဆမွဲကီုလေဝ် သွက်ဂွံကဵုအဲဂှ် စိုတ်ဆန္ဒဗှ်ေနွံမံၚ်ရ။ ဟိုတ်ဂှ်ရ သွက်ဂွံကဵုမ္ၚဵုမၚ်္ဂလကဵုဗှ်ေဂှ် အဲကဵုဂတိရောၚ်။ ကောန်စဴကောန်စေက်မၞးဝွံ ဂၠိုၚ်လောန်နူသၞံၚ်လ္တူအကးရောၚ်။ မူဟိုတ်ရောမ္ဂး မၞးဝွံကလၚ်အရေဝ်အဲတုဲ ကောန်ကၟိန်နွံဒၟံၚ်ပ္ဍဲလောကဏံသီုဖအိုတ်တံဝွံ နကဵုကောန်ကၟိန်မၞးဂှ်ဂွံဒုၚ်မ္ၚဵုမၚ်္ဂလအိုတ်ရောၚ်။”
|
||||
|
|
@ -0,0 +1 @@
|
|||
ပုံသၠပတ်သမ္မာ : သၠပတ်ပထမကဝ် ၁၆-၂၂
|
||||
|
|
@ -0,0 +1 @@
|
|||
၅။ ကောန်နူကတိ
|
||||
|
|
@ -0,0 +1 @@
|
|||
အခိၚ်အာဗြဟာမ်ဗျုကွေံကွေံဂှ် ကောန်ဣဇက်လေဝ်ဇၞော်တိုန်ကၠုၚ်တုဲ ဒှ်မၞိဟ်ဇၞော်မွဲရ။ သာ်ဂှ်ရ အာဗြဟာမ်ဝွံ ပ္ဍဲတိဒၞာဲကလောဝေါၚ်သညးတေံမံၚ်ဂှ်ပလံၚ်ဏာကောန်လိၚ်မွဲ တုဲ ကဵုကေတ်နၚ်မၞိဟ်ဗြဴသွက်ကောန်ဣဇက်ရ။
|
||||
|
|
@ -0,0 +1 @@
|
|||
ပ္ဍဲတိဍာ်ဒၞာဲကလောဝေါၚ်သအာဗြဟာမ်တံမံၚ်ဂှ် ကောန်လိၚ်ဝွံ အာကၠုၚ်ဒၟံၚ်ဗွဲမလအ်တုဲ ကျာ်ထ္ၜးကဵုဂၠံၚ် ဂွံစိုပ်ဒၞာဲ"ရေၜေက” ရ။ “ရေၜေက” ဝွံ ဒှ်ကောန်စဴ ကောဂၠုအာဗြဟာမ်ရ။
|
||||
|
|
@ -0,0 +1 @@
|
|||
ရေၜေကဝွံ ကၠဟ်ထောံသ္ၚိကၟန်တုဲ ဂွံဗက်စဴအာကရောံကောန်လိၚ်ပ္ဍဲသ္ၚိဣဇက်ဂှ် တုပ်စိုတ်ရ။ ရေၜေကစိုပ်ကၠုၚ်ဂှ် ထပ်တဲကဵုဣဇက်ရ။
|
||||
|
|
@ -0,0 +1 @@
|
|||
လောန်ကၠုၚ်အခိၚ်ဗွဲမလအ်တုဲဂှ် အာဗြဟာမ်ချိုတ်အာရ။ ကျာ်ကဵုမ္ၚဵုမၚ်္ဂလကဵု ကောန်အာဗြဟာမ်၊ ဣဇက်ရ၊ မူဟိုတ်ရောမ္ဂး ကတ္တိကညးဂှ်စွံလဝ်ကဵုအာဗြဟာမ် တုဲရ။ တေံပ္ဍဲကတ္တိကကျာ်ကဵုလဝ်ဂတိမွဲဂှ် ကောန်စဴကောန်စေက်အာဗြဟာမ်တံဝွံ ပြာကတ်ဂၠိုၚ်ကၠုၚ်ရိုဟ်ဟွံမာန်ရောၚ်။ ဆမ္ဂး သမ္ဘာဣဇက် “ရေၜေက"ဝွံ ဟွံဂွံကောန်ဏီရ။
|
||||
|
|
@ -0,0 +1 @@
|
|||
ဣဇက်ဝွံ သွက်"ရေၜက"ဂှ် ရာဒနာမိက် တုဲ "ရေၜက"ဂွံပ္တိသန္ဓိကောန်ကၟာဂှ် ကျာ်ကဵုအခေါၚ်ရ။ အဃောနွံဒၟံၚ်ပ္ဍဲဗုၚ်ရေၜကဂှ်ကောန်ၚာ်ၜါတံ ညးမွဲကဵုညးမွဲ ရုန်ချဳဒၟံၚ်တုဲ မူဟိုတ်ရုန်ချဳဒၟံၚ်ရောဂှ် "ရေၜေက"သၟာန်ကျာ်ရ။
|
||||
|
|
@ -0,0 +1 @@
|
|||
ကျာ်ဟီုကဵု ရေၜေက” ဗှ်ေသၠးဂွံကောန်တြုံၜါရောၚ်။ ကောန်စဴကောန်စေက်ညးတံဂှ် တၞဟ်ခြာ ဒှ်ကၠုၚ်ၜါဂကူရောၚ်။ ညးတံဝွံ ညးမွဲကဵုညးမွဲ ပြိုၚ်ပ္ကာန်ညးသ္ကအ်တုဲ ဂကူကောန်မၞိဟ်ဇၞော်ဂှ် ဒးဒုၚ်ကလၚ်အရေဝ် ဂကူကောန်မၞိဟ်ဍောတ်တံဂှ်ရောၚ်။
|
||||
|
|
@ -0,0 +1 @@
|
|||
အခိၚ် ရေၜေက ၜံၚ်ကောန်ဂှ် ကောန်ၚာ်ဇၞော်ဝွံ နကဵုဇကုဗ္ကေတ်၊သော်တီုတီုဂှ်တိတ်ကၠုၚ်မ္ဂး တၚ်ယၟု "ဨသောဝ်"ရ။ လက်ကြဴဂှ် ကောန်ၚာ်ဍောတ်လေဝ် ရပ်ဂၞေဟ်ဇိုၚ် "ဨသောဝ်"တုဲ တိတ်ကၠုၚ်မ္ဂးတၚ်ယၟု"ယျာကောပ်"ရ။
|
||||
|
|
@ -0,0 +1 @@
|
|||
ပုံသၠပတ်သမ္မာ: သၠပတ်ပထမကဝ် ၂၄း၁-၂၅း၂၆
|
||||
|
|
@ -0,0 +1 @@
|
|||
၆။ ကျာ်ပလေဝ်ပလေတ်ကဵုဣဇက်
|
||||
|
|
@ -0,0 +1 @@
|
|||
ကောန်ၚာ်တံလေဝ် ဇၞော်တိုန်ကၠုၚ်ရ။ ယျာကောပ်ဝွံ မံၚ်ပ္ဍဲသ္ၚိဂှ် ဝါသနာနွံတုဲ ဨသောဝ် ဝွံ ဂၠာဲစသတ်ဂြိုပ်ဂှ် ဝါသနာနွံရ။ရေၜေကဝွံ ဆာန်"ယျာကောပ်"တုဲ ဣဇက်ဂှ် ဆာန် "ဨသောဝ်"ရ။
|
||||
|
|
@ -0,0 +1 @@
|
|||
မွဲတ္ၚဲဂှ်၊ အခိၚ်ဨသောဝ်ကလေၚ်စိုပ်ကၠုၚ်နူဂၠာဲသတ်ဂြိုပ်တုဲ ဗျဵုထၚ်ကွေံရ။ ဨသောဝ် ဟီုကဵုယျာကောပ် " စၞစဗှ်ေကၠောန်လဝ်မွဲမွဲသာ်ဂှ် ကဵုအဲစညိ။” ယျာကောပ်လေဝ် "ကၠာအိုတ်ကဵုအဲဂတိမွဲ! မူဟိုတ်ရောတှ်ေ ဗှ်ေဂှ် ဒှ်ကောန်ဂၠုတုဲ စၞးဒၞာဲကောန်ဂၠုဂှ် ဗှ်ေဒးကဵုအဲသီုဖအိုတ်ရောၚ်"ဟီုရ။ တုဲဂှ် ဨသောဝ်ဝွံ ကဵုဂတိကဵုယျာကောပ်တုဲ ယျာကောပ်လေဝ် ကဵုစၞစရ။
|
||||
|
|
@ -0,0 +1 @@
|
|||
ဣဇက်ဝွံ မိက်ဂွံကဵုဨသောဝ် မ္ၚဵုမၚ်္ဂလရ။ ဆမ္ဂး ကၠာညးဟွံဂွံကဵုမ္ၚဵုမၚ်္ဂလဏီဂှ် "ရေၜေက"တီတုဲ သွက်ဂွံသ္ပအဇာဒၞာဲဨသောဝ်ဂှ် "ရေၜေက"ကဵုယျာကောပ် လှေံလှန် ဣဇက်ရ။ ဣဇက်လေဝ်ဗျုတုဲ လညာတ်ဟွံကၠးရ။ သာ်ဂှ်တုဲ ယျာကောပ်ဝွံ ပ္ဍဲကအ်ကဵုတဲဂှ်ဂြောပ်သၞာံဗၜေံတုဲ တက်ဂၠိက်ယာတ်ဨသောဝ်ရ။
|
||||
|
|
@ -0,0 +1 @@
|
|||
ယျာကောပ်ဝွံ ကၠုၚ်ပ္ဍဲဣဇက်တုဲ " အဲဨသောဝ်စိုပ်ကၠုၚ်ယျ ကဵုအဲမ္ၚဵုမၚ်္ဂလညိ”အာတ်ကေတ်ရ။ အခိၚ်ဣဇက်ဂွံသၟူဗၜေံပ္ဍဲယာတ်ပလောံဂှ် ထေၚ်ဟယျ"ဨသောဝ်"တုဲကဵုမ္ၚဵုမၚ်္ဂလကဵုဣဇက်ရ။
|
||||
|
|
@ -0,0 +1 @@
|
|||
ဟိုတ်နူယျာကောပ် ကၠတ်ကေတ်ဒၞာဲကောန်ဂၠုကဵုမ္ၚဵုမၚ်္ဂလညးတေံတုဲ ဨသောဝ်က္ဍုဟ်မၠေံယျာကောပ်ရ။ သာ်ဂှ်ရ အခိၚ်အပါညးတံချိုတ်အာတုဲ ဂွံဂစိုတ်ယျာကောပ်ဂှ် ဨသောဝ်စဳဇန်လဝ်ရ။
|
||||
|
|
@ -0,0 +1 @@
|
|||
ဆမ္ဂး ရေၜေကဝွံ တီအာအစဳဇန်ဨသောဝ်ရ။ ဟိုတ်ဂှ်ရ ရေၜေကကဵုဣဇက်တံဝွံ ပလံၚ်ဏာယျာကောပ် ဒၞာဲမသ တံနွံဂှ်ရ။
|
||||
|
|
@ -0,0 +1 @@
|
|||
ယျာကောပ်ဝွံ မံၚ်ဒၟံၚ်ကရောံ မသ"ရေၜေက"ဂှ် ဂၠိုၚ်ကဵုသၞာံရ။ အခိၚ်ဂှ် ယျာကောပ်လေဝ်စှ်ေဒၞာဲဂှ်တုဲ ဂွံကောန်တြုံစှ်ၜါကဵုကောန်ဗြဴမွဲရ။ ပိုန်ဒြပ်ဗွဲမဂၠိုၚ်ဂှ်လေဝ် ကျာ်ကဵု ယျာကောပ်ရ။
|
||||
|
|
@ -0,0 +1 @@
|
|||
ယျာကောပ်သ္ၚောဲဒၟံၚ်ကဵုသ္ၚိပ္ဍဲဍုၚ်ခါနာန်ဂှ် လအ်ကၠုၚ်ၜါစှ်ောသၞာံတုဲ ယျာကောပ်ကလေၚ်စဴကၠုၚ်သ္ၚိပ္ဍဲဍုၚ်ခါနာန်ဂှ် သီုကဵုသ္ၚိကၟိန်ညးတေံ၊ သီုကဵုကောန်ရဲကဵုသတ္တိရိစ္ဆာန်လွဳလဝ်သီုဖအိုတ်ရ။
|
||||
|
|
@ -0,0 +1 @@
|
|||
ယျာကောပ်ဖေက်ဒၟံၚ်ရ။မူဟိုတ်ရောမ္ဂး ညးတေံထေၚ်ဟယျမံၚ်ဨသောဝ်ဂှ် မိက်ဂွံဂစိုတ်မံၚ်ညးတေံဏီရ။ သာ်ဂှ်ရ ယျာကောပ်ပလံၚ်ဏာသတ္တိရိစ္ဆာန်လွဳလဝ်ဗွဲမဂၠိုၚ် ကဵုဨသောဝ် နကဵုပြၚ်တဲရ။ကောန်လိၚ် ပလံၚ် သတ္တိရိစ္ဆာန်လေဝ် ဟီုကဵုဨသောဝ် “ ယျာကောပ် ကဵုနၚ်ပြၚ်တဲ သတ္တိရိစ္ဆာန်ဏံရ။ ခြာဟွံလအ် ညးကၠုၚ်ဏောၚ်။”
|
||||
|
|
@ -0,0 +1 @@
|
|||
ဆမ္ဂး ဨသောဝ်ဝွံ ဟွံမိက်သ္ပသၞကဵုယျာကောပ်ရ။ စၞးဂှ် ဂွံဆဵုယျာကောပ်မွဲဝါပၠန်ဂှ် ညးတေံမိပ်စိုတ်ဗွဲမလောန်ရ။ ယျာကောပ်လေဝ် ဂွံမံၚ်ပ္ဍဲဍုၚ်ခါနာန်ဂှ် ၜိုဟ်ဟ်သြိုဟ်ဟ်ရ။ ဣဇက်ချိုတ်အာတုဲ ယျာကောပ်ကဵုဨသောဝ်တိုပ်ထောံညးရ။ ကတ္တိက ဂတိကျာ်ကဵုလဝ်အာဗြဟာမ်ဂှ် လၟုဟ်ဝွံ နူလ္တူဣဇက်ဂှ်စိုပ်ကၠုၚ်လ္တူယျာကောပ်ရ။
|
||||
|
|
@ -0,0 +1 @@
|
|||
ပုံသၠပတ်သမ္မာ : သၠပတ်ပထမကဝ် ၂၅း၂၇-၃၅း၂၉
|
||||
|
|
@ -0,0 +1 @@
|
|||
၇။ ကျာ်ကဵုယျာကောပ်မ္ၚဵုမၚ်္ဂလ
|
||||
|
|
@ -0,0 +1 @@
|
|||
လောန်ကၠုၚ်သၞာံဗွဲမဂၠိုၚ်တုဲဂှ် ယျာကောပ်လေဝ် ဗျုရ။ ယျာကောပ်ဗလးဏာ ကောန်ဆာန်အိုတ်ယဝ်သေပ် ဒၞာဲကောဒေံညးတေံမၚ်လွဳဒၟံၚ်တိရစ္ဆာန်ဂှ်ရ။
|
||||
|
|
@ -0,0 +1 @@
|
|||
ကောဒေံယဝ်သေပ်ဝွံ က္ဍုဟ်မၠေံဒၟံၚ်ယဝ်သေပ်ရ။ဟိုတ်နူအပါညးတံဂှ် ဆာန်ယဝ်သေပ်ဂၠိုၚ်ရ။ မ္ၚးနူဂှ် ပ္ဍဲယဝ်သေပ်လ္ပအ်ညာတ် ဂှ် ညးတေံအုပ်လဒံလ္တူကောဒေံရ။ အခိၚ်ယဝ်သေပ်စိုပ်ကၠုၚ် ဒၞာဲမၚ်လွဳဒၟံၚ်တိရိစ္ဆာန်ဂှ် ကောဒေံညးတေံသ္ပသၞတုဲ သွံထောံကဵုရဲကူဍိက်လ္ၚဵုတံဂှ်ရ။
|
||||
|
|
@ -0,0 +1 @@
|
|||
ကောဒေံယဝ်သေပ်တံဝွံ ကၠာဟွံကလေၚ်စဴသ္ၚိဏီဂှ် ညးတံဂစာ်ပလောံယဝ်သေပ်တုဲ ဗလိုက်ထောံပ္ဍဲဆီဗၜေံရ။ တုဲဂှ် အပါညးတံ ညံၚ်ဂွံထေၚ်ဟယျ သတ္တိရိစ္ဆာန်အရိုၚ်တံ ဂစိုတ်ထောံယဝ်သေပ်ဂှ် ညးတံထ္ၜးကဵုယာတ်ပလောံယဝ်သေပ်ဂှ်ရ။ သာ်ဂှ်ရ ယျာကောပ်ဝွံ အောန်စိုတ်ဗွဲမလောန်ရ။
|
||||
|
|
@ -0,0 +1 @@
|
|||
ရဲကူဍိက်တံဝွံ ကော်ဏာယဝ်သေပ်ပ္ဍဲဍုၚ်အာဲဂုတ္တုရ။ ဍုၚ်အာဲဂုတ္တုဝွံ ဒှ်ဍုၚ်ဇၞော်ဇၞော်၊ ဒှ်ဍုၚ်မဇၞော်ကဵုဇြဟတ်မွဲတုဲ နွံဒၟံၚ်မွဲဒမြိပ်( Nile )ၜဳရ။ ရဲကူဍိက်တံဝွံ သွံထောံယဝ်သေပ်ကဵုမၞိဟ်ဇၞော်အာဲဂုတ္တု နကဵုဍိက်မွဲရ။ ယဝ်သေပ်လေဝ် ဂစာန်ကမၠောန်သွက်တၠညးတေံခိုဟ်ခိုဟ်ရ။ ကျာ်လေဝ်ကဵု မ္ၚဵုမၚ်္ဂလကဵုယဝ်သေပ်ရ။
|
||||
|
|
@ -0,0 +1 @@
|
|||
ဗြဴတၠအ္စာ ယဝ်သေပ်ဝွံ လှေံလှန်ဂွံတိက်ကဵုယဝ်သေပ်ရ။ ဆမ္ဂး ဂၠံၚ်ကျာ်ဟွံဒးစိုတ်ဂှ် ယဝ်သေပ်တီဒၟံၚ်တုဲ ပါဲထောံဗြဴဂှ်ရ။ ဗြဴဂှ်လေဝ် ထေဲတုဲ သ္ပဒုဟ်ကဵုယဝ်သေပ်ရ။ သာ်ဂှ်ရ ယဝ်သေပ်ဒးဒုၚ်ရပ်တုဲ ဒးပၠုပ်လဝ်ပ္ဍဲထံၚ်ရ။ ၜိုန်ရယဝ်သေပ်နွံဒၟံၚ််ပ္ဍဲထံၚ်ကီုလေ ပ္တေဟ်မံၚ်ကျာ်ဏီရ။ ကျာ်ကဵုဒၟံၚ်မ္ၚဵုမၚ်္ဂလညးတေံရ။
|
||||
|
|
@ -0,0 +1 @@
|
|||
ၜိုန်ရယဝ်သေပ်ဒုဟ်ဟွံမွဲကီုလေဝ် နွံဒၟံၚ်ပ္ဍဲထံၚ်ဂှ် လောန်ကၠုၚ်ၜါသၞာံတုဲရ။ မွဲဗ္တံဂှ် မဒှ်သၟိၚ်ကောန်ဍုၚ်အာဲဂုတ္တု၊ ဨကရာတ်ဖာရောဝ်ဝွံ လ္ပအ်ညာတ် လ္ပအ်ၜါသာ်တုဲ စိုတ်ယှုက်ထုဲဒၟံၚ်ရ။အဓိပ္ပါဲလ္ပအ်ဏံဂှ် အမာတ်မွဲလေဝ် တၟံက်ထ္ၜးကဵုဟွံမာန်ရ။
|
||||
Some files were not shown because too many files have changed in this diff Show More
Loading…
Reference in New Issue