ludhiana_cdh_eph_text_reg/02/04.txt

\v 4 एह् म्हारे कम्मां रा नतिजा नी है कि म्हारे जो इस पर फक्कर हो। \v 5 किजोकि परमेश्वर ने म्हारी कारीगिरी कित्ती है। उस ने यीशु मसीह बिच म्हारे जो इधेरे तांई बणाया कि असी नेक कम्म करन जिन्हा जो परमेश्वर ने पैल्ले ई त्यार इधेरे तांई कित्तेया कि असी उन्हा जो करन। \v 6 इधेरे तांई याद रख्खो, जे अपणे सरीर बिच लोकाँ रे हत्थां का कित्ते गे खतने री वजह कने अपू जो “खतनेवाळे” बोलदे हिन, होरसी जाति रे रूप बिच जम्मे तुसी लोकां जो “बगेर खतना वाळे” बोलदे थिय्ये। \v 7 उस बेल्ले तुसी बगेर मसीह रे थिय्ये, तुसी इस्त्राएल री बरादरी का बाहर थिय्ये। परमेश्वर ने अपणे भक्तां जो जे वचन दित्ते थिय्ये उन्हा पर निर्भर वाचा का पखले थिय्ये।