Wed Jun 14 2017 17:03:38 GMT+0100 (W. Central Africa Standard Time)

01/01.txt

@@ -0,0 +1 @@
+\v 1 Bulus, Sila na Timoty i coci ki Tassalonicaucin i kun Kakasəku Afək na Məgəngyi Yeso Masihu. Herr na salam i kun.

01/02.txt

@@ -0,0 +1 @@
+\v 2 Fatawanke ja gode ta i Kakasəku gaɗa kun ka ki mi ja sana kun i Məgəngyi ta ja. \v 3 Ja tana kun fatawanke i kəma Səku wa na afək wa, na wana kun ki tuman be mi a kəma i kun Məgəngyi Yeso Masihu.

01/04.txt

@@ -0,0 +1 @@
+\v 4 Yaganaucin bi ntau Səku, jasgana daura mi da dlami kun, \v 5 ka ki mi yadda labar herr da ndew iri kun i təlam rugara bai, amman i kun kərmai, i Nənuwa Səku, kasən dari tatka. Kasən ke kwaz gana ja zada ndawa tawan ja wita kun kaɗa kun.

01/06.txt

@@ -0,0 +1 @@
+\v 6 Kwa dlam na kun nda gugza na ja na ki məgəngyi ka ki mi kwa gənu təlam gu i kun kabine na kuno darik Nənuwa Səku . \v 7 Gaɗa kasən, kwa dlam na kun bik gugza i ndawa wara a Makidoniya na Akaya wara bar na i man mak.

01/08.txt

@@ -0,0 +1 @@
+\v 8 Dari kun ne ramak Səku da zaji na rawanke, i Makadoniya  na Akaya rukshi bai. Cham kasau, na ntau rame kun be dama bai. \v 9 Akshi na aɗak shi a bar labar ni ja i ri kun. Akshi ramu ri zata garəm gaɗa Səku bar aro. \v 10 Akshi a ramau ma kwa zaga ni wən Səku da dəsku wara aci tla-tlau da mutu. A ci ne Yeso, wara ra wa da shitan mi aye ni.

02/01.txt

@@ -0,0 +1 @@
+\v 1 Gaɗa kun na aɗa  kun  kwaz gadu, yaganaucin, ni ja iri kun ki vatku bai. \v 2 Kwas gana yadda nda gizatu ja, kuru nda zhərwi ja i Filibi ka ki mi kwasgau. Ja na awayau gəzhi i kun Kakasəku gaɗa dlam rama labar herr ki Səku i kun ravan.

02/03.txt

@@ -0,0 +1 @@
+\v 3 Gaɗa  gabaɗ ja i kun ki gabshu bai, ko i kun rashi aibu bai, kuma ki babata gə nən bai. \v 4 Gaɗa sen, ka ki mi Suku yakintu ja, da barija aman ki labar herr gəri ja ramau kasən. Ja ramau gaɗa ja bərgeti ndawa bai amman gaɗa ja bərgeti Səku. Gaɗa aci ne a gwadata gəzha wa.

02/05.txt

@@ -0,0 +1 @@
+\v 5 Ngalte ja dlami kun miya karak bai, ko zəger gayi, ka ki yadda kwasgau, ko kwaɗayi da ɗəbsa, ka ki mi Səku ne saida ja. \v 6 Ja maki gətlap da ri kun ko ri ndawa dama bai. Da jan chin da ja morota kərmai ki mbasu mawanaucin Masihu.

02/07.txt

@@ -0,0 +1 @@
+\v 7 Amman, ja sa na aɗa ja a wita kun  ka ki mi mai a ntu kutli gara. \v 8 Gaɗa kasau ja na ntau kun. Rama labar herr ki Səku rugara bai ne ja kəmu karak dlamau kun bai. Amman har na barik aroja gada kun. Gaɗa kwa dlam na kun bik ntau i ja. \v 9 Atani na, yaganaucin, gaɗa wana wa na bəder wa. Dəviɗ na afa ja wana tlapar gaɗa ja jekta nən wambai. I lakwtu  ja dlame kun wagərma labar herr ki Kakasəku.

02/10.txt

@@ -0,0 +1 @@
+\v 10 Kun saida, Səku ke kasən, ka ki mbasa ja mi go aibu, na ki adalta, na bik nyuwa bai i ri kun wara kwa dlam iman. \v 11 Kasən ke, kwas gana ka ki mi ja dlamau kun gabaɗ na dauzata ka ki afək na gutlai gəri, ja willa kun kuru ja dauzata na bari kun awayau, ja saidati, \v 12 gada kwa dlam rakan i dəvo bəlan ki Səku, wara dauri kun i garva gəri.

02/13.txt

@@ -0,0 +1 @@
+\v 13 Gaɗa kasən ne ja sanbarkata Səku fatawanke. Gaɗa kwa gənu saktu Səku darija, wara kwa kəmau kwa gəni rama Səku ka ki rama gə nən bai, amman kwa gə ni na jirewa  ka ki rama gə nən bai na jire, ka ki mi rama Səku. Təlam tuku a tune a wana i wita kun ndawa wara kasaktu.

02/14.txt

@@ -0,0 +1 @@
+\v 14 Gaɗa kun yaganaucin, kwa dlam nakun bi gugza i cochachin Səku wara a Yahudiya i kun Masihu Yeso gaɗa kwa sa bone zada ki ja dari ndak larda kun ka ki mi akshi ke sau i aikwak Yahudaucin. \v Yahudaucin gu ne təki Yeso Məgənyi na nabaucin. Yahudaucin gu ne raika ja a saksakta Səku bai. Amman akshi na hal ki kuri ndawa. \v 16 Kuma haramtidiwa rama na kərdadin gaɗa akshi daba rra bai. Gaɗa sən fatawanke akshi a kun aibu. Dakine-kine afuwayi aɗakshi i dama.

02/17.txt

@@ -0,0 +1 @@
+\v 17 Ja kuwa yaganaucin, nda bərnaja darik kun ke lakwtu rap, ki jirewa i gəzhi bai. Ja sa awayau ja na pərdi lawan jampel i ci. \v 18 Ja ntutu iri kun. I'u Bulus, zəker gayi bai, amman lispir daptina ja. \v 19 Wa pək ɗa i tam i kəma, ko pərdai, ko wa i arpuk pariya i kəma Yeso Məgəngyi gafa ni gəri? kun bi ko, na kakinai ndawa? \v 20 Gaɗa kun ne kərmai ja na pərdai ja.

03/01.txt

@@ -0,0 +1 @@
+\v 1 Gaɗa kasən, jadəma kəmarta bai se ja dlam kuraram ma kalkal jadi Atania dugo. \v 2 Se ja wani Timoty yagana ja, baci wana ja i wazik Masihu gaɗa dagwaita na jəba ammi kun i kun bar jirewa. \v 3 Ja dlam kasau gaɗa dagai da kuna kun dalalwa bai i kun bone tuku. Gaɗa kun na aɗa kun kwas gadu da ɗari ja gaɗa sən.

03/04.txt

@@ -0,0 +1 @@
+\v 4 Jirewa sartu ja ɗa gayi na kun, ja ran di kun ja dantau sa bone. Kasən dlamin gara ka ki mi kwasgau. \v 5 Gaɗa kasən na dəmu kəmarta bai se na wanai gaɗa na kəmi awayau kasakta kun i Səku. Nasgabai ko lispir yəwina kun, se da dlabin gara sa bone wa i vatku.

03/06.txt

@@ -0,0 +1 @@
+\v 6 Amman Timoty kateu da ri kun se dan di ja labar karak i aɗak kasakta kun na ntu kun. Ra mi ja ma kwa kuraram bəlan i aɗa ja, kuru kwa pərdai lawan ja ka ki me ja pərdai lawan kun. \v 7 Gaɗa kasau, yaganaucin, ja ba na dagwaita dari kun gaɗa bar jirewa kun, i kun duk awayu gəzhi na sa bone ja.

03/08.txt

@@ -0,0 +1 @@
+\v 8 Gusku wana aro, in wardi nawa bəlan i kun Məgənyi. \v 9 Wate zaɗa gətlab tawan ja bari i Səku gaɗa kun, gaɗa pərɗai wara jana atu i kəma Kakasəku gaɗa kun. \v 10 Dəvid na afa ja dlame kun magita tlapar gaɗa ja ki ɗa kun, ke ja jəbki kun be kwa buku i kun bari jirewa kun.

03/11.txt

@@ -0,0 +1 @@
+\v 11 Kakasəku Afəwa na aɗa gəri, na Məgənyi Yeso, dan pi ja aɗak dəvo i nye i ri kun. \v 12 Məgənyi das kuna kun, ntau kun da dlam tlaparr i yaganaucin na ndawa mak, ka ki mi ja dlame kun. \v 13 Da dlama kasau gaɗa daskuni kun awayau gəzgha kun wara na bi nanga bai i ri Kakasəku Afawa. Lakwtu ni Yeso Məgəngyi na duk ndawa mi go aibu.

04/01.txt

@@ -0,0 +1 @@
+\v 1 I dama, yaganaucin, ja dagwaita kun na gabaɗ i kun Məgəngyi Yeso ka ki mi kwa gə ni yarji da ri ja i aɗak mi dolle kwa dlam rakan bəlan ki ntu Kakasəku, kuru iɗa dəvo tuku rakan kasən. \v 2 Gaɗa kwas gana yarji wara ja bari kun dari Məgəngyi Yeso.

04/03.txt

@@ -0,0 +1 @@
+\v 3 Sau dlama Səku: bira kun ma kwagapi damiya tapai na dababkin, \v 4 Maya tike dazigi jəba i kun rashi aibu na saksakta. \v 5 Ka tlame tu i kun ramak ntu bai ka ki kərdaucin me zəga Səku bai. \v 6 Nən wam da ta aman yagana gəri bai iɗak zaɗak sau. Məgəngyi ba ci rama i aɗak zadak lamar tuku, ka ki mi i akau ja gabɗi kun, kuru wa shaiditudu.

04/07.txt

@@ -0,0 +1 @@
+\v 7 Kakasəku dauri wa i be mi na aibu bai amman wa dlab be go aibu. \v 8 Gaɗa kasən, nən tawanke wara kuru sau kuru nən bai, amman kuru Kakasəku wara bar Nənwa gəri mi ko aibu i kun.

04/09.txt

@@ -0,0 +1 @@
+\v 9 A tiro i da ntau yaganaucin, kun na jəgtu dagai da tarni kun wam bai, kun na aɗa kun Kakasəku gusgudi kun ntau yaganaucin. \v 10 Tabbas, kwa dlama sau i yaganaucin mak wara akun Makidoniya chakchak. Amman ja dauzata kun yaganaucin, a dlama wana dəka kasau. \v 11 Zam wam ja gabaɗ yaganaucin, kwa dlam mbasu ki bəlan, ampa ankal i aɗak lamar kun, kwa dlam wana na aikwak kun ka ki wara ja dlami kun kashedi waci. \v 12 A dlama kasau gaɗa rakan kun da dlab bəlan iri ndawa wara dlam i man, gaɗa da dlabi go jəkta wam bai.

04/13.txt

@@ -0,0 +1 @@
+\v 13 Jan cu kwa buka sanuta bai yaganaucin i aɗak iman wara bakotu nakshi gaɗa dlab na dlimət aro bai ka ki ndawa wara na tabbas be wara a wakata i kəma bai. \v 14 Gaɗa in wa dlama iman na mutu na tlayi kasau ke aɗak gayi na Yeso Kakasəku a katayi na ndawa wara mutu i kun iman gəri. \v 15 A turo ja rame kun sau da ri rama Məgəngyi ma, wa wara na aro har ni Məgəngyi, tabbaswa wurma ndawa wara bakotu i kun iman bai.

04/16.txt

@@ -0,0 +1 @@
+\v 16 Gaɗa Məgəngyi na aɗa gəri a fuwayi da dəsku a ni na adər, marəm ki wura Maleka, na adər gazhi ki Kakasəku, se ndawa wara mutu ikun  iman Masihu da banji tlayi. \v 17 Se wa wara na aro, wara dabzhu i aɗa gayi, nda tlatlinakshi i nye dəsku, wa ta shi Məgəngyi i kun dəsku. Ka sən wa dlaɓa aɗa gayi. \v 18 Gaɗa kasən, adagwaitina aɗa kun na rama tuku.

05/00.txt

@@ -0,0 +1 @@
+\v 25 Yaganaucin a dlamina magita gaɗa ja. \v 26 An dima yaganaucin na ndak iman. \v 27 Na jaya kun gaɗa Məgənyi kwa karata sakwtu tuku i yaganaucin mak. \v 28 Herr Məgənyi wa Yeso Masihu da dlabi na kun.

05/01.txt

@@ -0,0 +1 @@
+\v 1 Amman rama ki sartu na zaman, yaganaucin, kun na jəktu da tarnyi kun be wan bai. \v 2 Kun na aɗa kun kwa zəgadu gafa ni Məgəngyi ka ki ni akər i dəvid. \v 3 Nda kun rama mbasu kalapiya na veji aro nin, se kwabeta da nai go tasena, a dlab ka ama maɗau aɗa kufu; na dəvo di aɗa bai.

05/04.txt

@@ -0,0 +1 @@
+\v 4 Amman kun yaganaucin ai kwa kun ayuwa aɗa bai har yuwan gu datase kun go zəgaya ka nik akər. \v 5 Gaɗa mak kun kutli bedla na kutli afa. Wa kutli dəvid bai ko ki lemakenim. \v 6 Gaɗa kasən wa dlam yuwan bai ka ki ndawa jəgab a dlamau. i sərin sən, wa dlama mbasu ki demai, na ke kanadi. \v 7 Ndak dlama yuwan a dlamau dəvid, ndak kuyo ke a dlamau kasən.

05/08.txt

@@ -0,0 +1 @@
+\v 8 Gaɗa wa ndak afa, aryi wambasu i da zəgaya, aryi wa ɗawi salke ki iman na ntau na tabbas jakuwak zha ke rra wa. \v 9 Gaɗa Kakasəku dawi wa i dəvo hagata bai, se dəvo bi rra Məgəngyi Yeso Masihu. \v 10 Aci ne wara mutu gaɗa wa, gaɗa ko wana aro ko wa gamtak, wa dlaba iɗa gayi na a ci. \v 11 Gaɗa kasən, a barina kanadi i gatukun, ka ki mi kwa dlamau.

05/12.txt

@@ -0,0 +1 @@
+\v 12 Ja taptla kun yaganaucin, a shalina na ndak wana Səku i wita kun na mərmamin i kun Məgəngyi wara ke a gabɗa kun. \v 13 Ja rame kun, a saksaktinakshi, kwa ntutakshi gaɗa za da wanakshi kwa dlab mbasu kalapiya i wita kun. \v 14 Ja dlame kun gabaɗ yaganaucin a yuwina aguɗ ndawa mi a kəmu rama bai, aɗa gwaitinakshi nda gəzhi gamtak, a banatina taskaucin kwa dlam mbasu kanadi na tike.

05/15.txt

@@ -0,0 +1 @@
+\v 15 A ankaltina nən wam danguma kəmangar na kəmangar bai, gaɗa kasən, ata kəma na dlama be bəlan i wita kun na tike mak. \v 16 A dlamina pərdai fatawanke. \v 17 A dlamina migita na pashi bai. \v 18 I be tawanke a godota. Gaɗa satku ne ntu Səku i kun Yeso Məgəngyi gaɗa kun.

05/19.txt

@@ -0,0 +1 @@
+\v 19 Kwa dapta wana Nənuwa Səku bai i wita kun. \v 20 Kwa muwa anabci bai. \v 21 A kaktla be tawanke; kwa jəb be wara kuna ntu bəlan. \v 22 A gwapina na kun i be wara genawa na kəmangar.

05/23.txt

@@ -0,0 +1 @@
+\v 23 Kakasəku baci salam da dlama na kun ndawa mi ko aibu. Nənuwa, na gəzha kun, na təka kun da dlabi bəlan, ko aibu, gaɗa ni Məgəngyi Yeso Masihu. \v 24 Baci daura kun baci jirewa, ke ba ci dlamau.