korama_kfa-x-korama_luk_text_reg/01/67.txt

67.ಆತ್ರ ಅವ ಅನಾ ಜಕರಿಯನ್ನು ಪವಿತ್ರಾತ್ಮಭರಿಸಲು ಪ್ರವಾದಿಸುತ್ತಾ 
68.ಇಸ್ರಾಯೇಲಿನ ದೊವ್ರು ಅನಾ ಕರ್ತನ ಸುತ್ತಿಹೆಂದೆಂಟು ಎತುಂಗು ಅಂದೇಕೆ ಅದು ಆತ್ರ ಮಂದಿಯನ್ನು ಸಂದಿಸಿ ಅಲ್ಯ ವಿಮೋಚಿಸುಸು.
69.ಅದು ಆತ್ರ ಸೇವಕ ಆನಾ ದಾವಿದನ ಉಟ್ಟುಗೊರು ನಬ್ಲುಕಾಯಿ ರಕ್ಷಣೆ ಕೊಂಬನ್ನು ಪೇಚಿದು.
70.ಲೋಕಾದಿಯಿಂಡು ಅದು ಆತ್ರ ಪರಿಶುದ್ದ ಪ್ರವಾದಿಗಳ ವಾಯಿಂಡು ವಾಸೇತುನ ಪ್ರಕಾರ.
71.ನಂಗ ನಗ್ಲ ಶತ್ರುಗಲಿಂಡು ನಂಗ್ಲುನ ಹಗೆ ಸೈರಲಿಂಡು ಕೈಯಿಂಡು ರಕ್ಷಣೆ ಪಡಜಂತೆ.
72.ನಗ್ಲ ಅವಗಿನ್ಕೂ ವಾಗ್ದಾನ ಸೇಂದ ಕರುಣೆ ಅನ್ನು ನೆರವೇಸ್ರಕ್ಕು ಆತ್ರ ಪರಿಶುದ್ದ ಒಡಂಬಡಿಕೆಯನ್ನು ನೆನಪ್ಗು ಅತ್ತೆಂದು.
73.ನಗ್ಲ ಪಿತೃ ಅನಾ ಅಬ್ರಹಾಮುಕು ಅನೆಂಲಟ್ಟು ಪ್ರಮಾಣ ಸೆಂದಂತೆ.
74.ನಂಗ ನಂಗಲ ಶತ್ರುಗಳ ಕೈಯಿಂಡು ಉದಿಪೋಚುಗೊಂಡು ಭಯಿಲ್ಲರ್ಕ್ಕಾನಿ.
75.ನಗ್ಲ ಜೀವಮಾನದ ಅದ್ದಿ ನಾಲ್ತ್ಗೊರು ಆತ್ರ ಮುನ್ನ್ಕು ಪರಿಶುದ್ದತೆಯಿಂಡು ನಿತಿಯಿಂಡು ಅತ್ತತೆಯ ಸೇವಿಸುವರಾಗ್ರುಕ್ಕು ಅದು ಅನುಗ್ರಹಿಸಾಕು.
76.ಇದ್ಲದ್ಯೆ ಮಕ್ಕಿಗೆ ನಿನಾನೆಕು ಮಹೊನ್ನತನ ಪ್ರವಾದಿ ಅಂಡು ಅಗಿಪಚ್ಗಾರ ಯಾತುಗು ಅಂದೇಕೆ ಕರ್ತನ ಹೇಗಿ ಸಿದ್ದ ಸೈರುಕು ಆತ್ರ ಮುನ್ಕು ಹೋಕ್ರ.
77.ಎನುಂಗು ಅಂದೇಕೆ ಆತ್ರ ಮಾದಿಕ್ಕು ಪಾಪಿಗಳ ಪರಿಹಾರದಿಂಡು ರಕ್ಷಣೆಯ ತಿಳುವಳಿಕೆ ಕುಡ್ಕಕೂ.
78.ನಗ್ಲ ದೊವ್ರು ಮಮತೆಯ ಕರುನೆಯಿಂಡು ಅದು ಆಗುರದು ಅಲ್ದೆ ಮೆನ್ಲಿಂಡು ಅರುನೋದಯವು ಉಂಟಾಯಿ ನಗ್ಲುನ ಸಂದಿಸುಸು.
79.ನೋಬುಕ್ಕೊರು ಮರಣದ ನೆರಳ್ಕ್ಕೊರು ಉಕೊಡಲ್ಕಿವಾಲ್ಕು ಕುಕ್ರಕ್ಕೂ ಸಮದಾನದ ಮಾರ್ಗತ್ಕೊರು ನಡುಸ್ರಕು ಅಕ್ಕದು ಅಂಡು ಸೋನ್ಸು.
80.ಆ ಬಾಲಕು ವಲ್ಜು ಆತ್ಮಕ್ಕೊರು ಬಳಗೊಂಡಸು ಅತ್ತತೆಯ ಕಟ್ಟಿಚುಗೃಕ್ಕು ನಾಲ್ತನಕ ಅರಣ್ಯಕೋರು ಇಂಚು.