Sat Jun 17 2017 14:10:15 GMT+0530 (India Standard Time)

00/title.txt

@@ -0,0 +1 @@
+Revelation

01/01.txt

@@ -0,0 +1 @@
+\v 1 ಕ್ರಿಸ್ತುಡು ಪ್ರಕಟನೆಮೂ . ಆತುಡು ಬೀರ್ನಾ ಸ೦ಭವನೀಚದಕ್ಕಿ ಸ೦ಗತಿಲ್ನೀ ತನ್ನ ದಾಸಲಕ್ಕಿ ಸುಬಿಚ್ಚೆದಾನ್ಕಿ ದೇವುಡ್ನಿಚ್ಚ ಈ ಪ್ರಕಟನೆ ಹೊ೦ದ್ಕೊನೆ ; ಇದೀ ಕಾಕು೦ಡ ಆತುಡು ತನ್ನ ದೂತುಡ್ನಿ ಅಪ್ಪಿಂಚಿ ವಾಡ್ ಮೂಲಕ್ಮೂ ಈ ಸ೦ಗತಿಲ್ನೀ ತನ್ನ ದಾಸುಡ್ ಯೋಹಾನುಡ್ಕಿ ಸೂಚಿ೦ಚ್ಚೆ . \v 2  ಯೊಹಾನುಡು ತಾನು ಸುಸಿದೆಲ್ಲಾ ತಿಳಿಚ್ಚೋಡ್ ಅಯ್ಯಿ ದೇವುಡ ವಾಕ್ಯಮೂ ವಿಷಯಮೈಯ್ಯಿ ಯೇಸು ಕ್ರಿಸ್ತುಡು ಸೋಪ್ನಾಟ್ಟ ಸಾಕ್ಷಿ ವಿಷಯಮೈಯ್ಯಿ ಸಾಕ್ಷಿ ಇಚ್ಚೆ . \v 3  ಈ ಪ್ರವಾದನಾ ವಾಕ್ಯಲ್ನೀ ಓದುಲೂ ಈನೋಳು ಈ ಪ್ರವಾದನಾನೀ ರಾಸೀನಾ ಮಟ್ಲನೀ ಕೈ ಕೊ೦ಡ್ಕಾನೀ ನಾಡ್ಸೋಳು ಧನ್ಯಲು .

01/04.txt

@@ -0,0 +1 @@
+\v 4  ಆಸ್ಯ ಸೀಮೆಲಾ ವುಂಡ ಸಭೆಯುಲ್ಕಿ ಯೋಹಾನುಡು ರಾಸೇದೀ ಹೆಮಂಟ್ಟೆ - \v 5 ವರ್ತಮನಮೂ ಭೂತಮೂ ಭವಿಷ್ಯತ್ಕಾಮ್ಲಾವುಂಡಆತುಡ್ನಿಚ್ಚ ಮಲ್ಲಿ ಆತಡು ಸಿ೦ಹಾಸನಮೂ ಮು೦ದ್ರ ವುಂಡ ಯೋಡು ಆತ್ಮಲ್ನಿಚ್ಚ ಮಲ್ಲಿ ನ೦ಬಮೈನಾ ಸಾಕ್ಷಿಮೂ ಸೇಚ್ಚಿಪೋನೋಳ್ನಿಚ್ಚ ಮೋದ್ಲೂ ಲೇಸೀ ವಚ್ನೋಡು ಭೂರಾಜಲು ಒಡೆಯುಡು ಐನಾ ಯೇಸು ಕ್ರಿಸ್ತು ನೀ೦ಚ ಮೀಕೀ ಕೃಪಮೂ ಶಾ೦ತಿಮೂ ಕಾನೀ . \v 6 ಮಾಮೂಲ್ನೀ ಪ್ರಿತಿ೦ಚ್ಚೋಳು ತನ್ ರಕ್ತ ಮೂಲಕಮೈಯ್ಯಿ ಮಾಮೂಲ್ನೀ ಪಾಪಮ್ನಿಚ್ಚ ಇಡಿಬಿಚ್ನೋಡು ಮಾಮೂಲ್ನೀ ರಾಜ್ಯಮೈಯ್ಯಿ ತನ್ನ ತ೦ಡ್ರಿ ಐನಾ ದೇವುಡುಕ್ಕಿ ಯಾಜಕುಲ್ ಅಯ್ಯಿ ಸೇಸೀ೦ದೀ ಐನ್ನಾಟ್ಟ ಆತುಡ್ಕಿ ಯುಗಯುಗಾ೦ತರಮ್ಲಾನು ಘನಮೂ ಮಹತ್ವಮೂ ಕಾನೀ . ಆಮೇನ್ .

01/07.txt

@@ -0,0 +1 @@
+\v 7 ಮೇಘಲೋಗ ವಾಸ್ತಾಡು ; ಅ೦ದ್ರೂ ಕಣ್ಲು ಆತಡ್ನಿ ಸೂಸ್ತಾವೀ ; ಆತಡುನೀ ಇರಿದವರು ಸಹ ಸುಸ್ತಾರು ; ಭೂಮಿಲಾ ವು೦ಡ ಎಲ್ಲಾ ಕುಲಲು ಆತಡ್ನಿ ಸೂಸೀ ಎದೆ ಕೊಟ್ಕ೦ಟಾರು . ಹೌನು , ಅಟ್ಟೆ ಐತಾದೀ .ಆಮೇನ್ . \v 8 ಆದಿಮೂ ಅ೦ತ್ಯಮೂ ವರ್ತಮಾನಮೂ ಭೂತಮೂ ಭವಿಷ್ಯತ್ಕಾಮ್ಲಾ ವುಂಡೋಡು ಸರ್ವಶಕ್ತಡು ಐನಾನೂ ಅನೀ ದೇವುಡು ಐನಾ ಕರ್ತಡು ಸೊಪ್ತಡು.

01/09.txt

@@ -0,0 +1 @@
+\v 9 ಮೀ ಸಹೋದುರುಡು ಯೇಸು ನಿಮಿತ್ತಮೂ ಹಿ೦ಸೇಲನೂ ರಾಜ್ಯಲಮ್ಲಾನು ತಾಳ್ಮೆಲನೂ ಮೀಜೋತ್ಲಾ ಪಾಲುಗಾರುಡು ಐನಾ ಯೊಹಾನುಡು ಅನೆ ನಾನು ಯೇಸು ವಿಷಯಮೈನಾ ಸಾಕ್ಷಿಕ್ಕೊಸ್ಕರಮೂ ಪತ್ಮೊಸ್ ದ್ವಿಪಮೂಲಾ ವು೦ಟೀ . \v 10 ನಾನು ಕರ್ತಡು ದಿನಲಾ ದೇವರಾತ್ಮಡಾ ವಶಮೈಯ್ಯಿ ನಾ ಯಾನ್ಕ ತುತೂರಿ ಶಬ್ದಮ್ ರೀತಿ ವುಂಡ ಮಹಾ ಶಬ್ಧನೀ ಈನ್ಟಿ . \v 11 ಅದೀ - ನುವಾ ಸುಸ್ಸೆದಾನ್ನಿ ಪುಸ್ತಕಮೂಲಾ ರಾಸ್ಸಿ ಎಫೆಸ , ಸ್ಮುರ್ನ , ಪೆರ್ಗಮ , ಥುವತೈರ , ಸಾರ್ದಿಸ್ , ಫಿಲದೆಲ್ಪಿಯ , ಲವೊದಿಕಿಯ ಅನೀ ಯೋಡು ಪಟ್ಟಣ ಸಭೆಲಕ್ಕಿ ಆಪಿ೦ಚಲಾನೀ ಅನೀ ನುಡ್ಸೆ .

01/12.txt

@@ -0,0 +1 @@
+\v 12  ನಾ ತೋಡು ಮಾಟ್ಲಾತ್ತ ವುಂಡ ಶಬ್ಧಮೂ ಯೋಲ್ದೀ ಅನೀ ಸುಸ್ಸೆಕಿ ಯನ್ಕುಕಿ ತಿರ್ಗ್ತಿ . \v 13 ತಿರ್ಗ್ನಾನಪ್ಡು ಯೋಡು ಚಿನ್ನಮೂ ದೀಪಸ೦ಭಲ್ನೀ ಆ ದೀಪಸ೦ಭಾಲ್ ಮಧ್ಯಲಾ ಮನುಷ್ಯ ಕೂಮಾರಡ್ ಲಕ ವುಂಡೆದಾನ್ನೀ ಸುಸ್ತಿ . ಆತಡು ನಿಲುವ೦ಗಿನೀ ತೊಟ್ಕನೀ ಚಿನ್ನಮೂ ಪಟ್ಟಿನೀ ಎದೆಕ್ಕಿ ಕಟ್ಕನೆ ವುಂಡೆ .

01/14.txt

@@ -0,0 +1 @@
+\v 14  ಆತಡು ತಲಕೈ ಕೂದ್ಲು ಬಿಳೀ ಉಣ್ಣೆ ರೀತಿ ಮಲ್ಲಿ ಹಿಮ ರೀತಿ ತ್ಯಲ್ಗ ವು೦ಡೆ . \v 15 ಆತಡು ಕಣ್ಲು ಆಗ್ಗಿ ಉರ್ಸಟ್ಗ ಆತಡು ಪಾದಲು ಕುಲುಮೆಲಾ ಕಾಸ್ನಾಟ್ಟ ತಾಮ್ರಮೂ ರೀತಿ ಆತಡು ಧನ್ವಿ ಜಲ ಪ್ರವಾಹದ ಘೋಷಮ್ ರೀತಿ ವು೦ಡೆ . \v 16  ಆತಡು ಬಲಗೈಲಾ ಯೋಡು ನಕ್ಷತ್ರಲು ವು೦ಡೆ ; ಆತಡು ನೋಟ್ಲಾ ಹದಮೈನಾ ಇಬ್ಬಾಯಿ ಕತ್ತಿ ವಸ್ತಾ ವು೦ಡೆ . ಆತಡು ಮಖಮೂ ಮಧ್ಯಾನಮ್ಲಾ ಪ್ರಕಾಶಿಚ್ಚೆ ಸೂರ್ಯಮೂ ರೀತಿ ವು೦ಡೆ .

01/17.txt

@@ -0,0 +1 @@
+\v 17 ನಾ ಆತಡುನೀ ಸುಸ್ನಾಪ್ಡು ಸೇಚ್ಚಿಪೈನ್ರೀತಿ ಆತಡು ಪಾದಲ ಮುದ್ರ ಪಡ್ತೀ . ಆತಡು ತನ್ನ ಬಲಗೈನೀ ನಾ ಮೀ೦ದ ಪೇಟ್ಟಿ ಹೆದರದೂ ನಾನು ನಾ ಮೊದಲೆನೋಡು ಕಡೆಯೋಡು ಸದಾ ಜೀವಿ೦ಚ್ಚೋಡು ಐನಾನು . \v 18  ಮಲ್ಲಿ ಇಗೋ ಯುಗಯುಗಾ೦ತರಮ್ಲಾನು ಬದುಕೋಡು ಐನಾನು ; ಮರಣಮೂ ಪಾತಾಳದೀ ಬೀಗ ದೇಸ್ಟುಲು ನಾಲಾ ವು೦ಡವೀ .

01/19.txt

@@ -0,0 +1 @@
+\v 19 ದಾನಿಚ್ಚ ನುವಾ ಸುಸ್೦ದಾನ್ನಿ ಇಪ್ಡು ನಡ್ಸೇಸ್ತಾ ವುಂಡೆ ದಾನ್ನಿ ಮುದ್ರಾ ಐಯ್ಯೇದಾನ್ನಿ ರಾಯೀ . \v 20 ನಾ ಬಲಗೈಲಾ ನುವಾ ಸುಸ್ನಾಟ್ಟ ಯೋಡು ನಕ್ಷತ್ರಲು ಮಲ್ಲಿ ಯೋಡು ಚಿನ್ನ ದೀಪಸ್ತ೦ಭಲು ಗೂಢರ್ಥಲು ವಿವರಿಸ್ತಾನು - ಆ ಯೋಡು ನಕ್ಷತ್ರಲು ಅಟ್ಟೆ ಆ ಯೂಡು ಸಭೆಲ ದೂತಲು ; ಆ ಯೂಡು ದೀಪಸ್ತ೦ಭಲು ಅಟ್ಟೆ ಆ ಯೂಡು ಸಭೆಲು .

02/01.txt

@@ -0,0 +1 @@
+\v 1 ಎಫೆಸಲಾ ವು೦ಡ್ದ ಸಭೆ ದೂತುಡ್ಕಿ ರಾಯಿ - ಯೋಡು ನಕ್ಷತ್ರಲ್ನಿ ಕುಡುಮ್ ಸೇತ್ಲಾ ಪುಟ್ಕೊನಿ , ಯೋಡು ಚಿನ್ನದ ದಿಪಸ್ತ೦ಭಲ ಮಧ್ಯಮುಲಾ ತಿರುಗಾಡ್ತಾ ವು೦ಡ್ದ ಆತುಡು ಸೋಪೆದ್ದಿ ಹೇಮಟ್ಟೆ - ನೀ ಕೃತ್ಯಲ್ನಿ, ಪ್ರಯಾಸನಿ , ತಾಳ್ಮೆನೀ ಬಲ್ಲೆನು ; \v 2 ದುಷ್ಟಲ್ನಿ ಸಹಿಚ್ಚೆ ಲೇದು ; ಅಪೋಸ್ತಲುಕಾಲ್ಲೆದ್ ಅಟ್ನೂ ವಳ್ನೆ ಅಪೋಸ್ತಲ್ ಅನಿ ಸೋಪ್ಕೊನೋಳ್ನಿ ನೂವ ಪರಿಕ್ಷಿಚ್ಚಿ ವಾಳು ಸುಳ್ಳುಗಾರಲೂ ಅನಿ ಕ೦ಡುಕೊಟ್ವಿ ;

02/03.txt

@@ -0,0 +1 @@
+\v 3 ನೂವ ತಾಳ್ಮೆವುಳ್ಳೋಡ್ ಅಯ್ಯಿ ನಾ ಪೇರ್ ನಿಮಿತ್ತಮು ಬಾಧೆನಿ ಸೈರಿಚ್ಕೊನಿ ಬೇಸರಮ್ ಗೊಳ್ ಲೇದು , ಇವೆಲ್ಲಾ ಗೊತ್ತು . \v 4  ಅಯ್ತೆ ಮೊದಲು ನಿಕುಡ್ದ ಪ್ರಿತಿನಿ ಇಸ್ಪೆಟ್ನಾವು ಅನಿ ನಾನು ನೀ ಮಿದ್ದ ತಪ್ಪನಿ ಎಬೇಕ್ಐತ್ತಾದ್ದಿ . \v 5 ದಾನಿಚ್ಚ ನೂವ ಯಾನ ಪೋಡ್ನಾವೋ ದಾನಿ ನೀ ನೆನಪಕ್ಕಿ ಎತ್ಕೊನೋಚ್ಚಿ ದೇವುಡ್ ತೋಟು ತಿರಿಕೋ . ನೂವ ಮೊದ್ಲು ಸೆಸ್ತಾವು೦ಡ ಕೃತ್ಯಲ್ನಿ ಸೇಯ್ಯಿ . ನೂವ ದೇವುಡ್ ತೋಟು ತೀರಿಕ ಲೇದು ಅಟ್ಟೆ ನಾನು ವಚ್ಚಿ ನೀ ದಿಪಸ್ತ೦ಭನೀ ಆ ಜಾಗಮ್ನಿಚ್ಚ ಸಿಸ್ಸೇಸ್ತಾನು .

02/06.txt

@@ -0,0 +1 @@
+\v 6  ಅಯ್ತೆ ನೀಲಾ ಮೊಚ್ಚಿದಿ ಒ೦ಕ್ಟಿ ವು೦ಡಾದೀ ಅದೆಮಟ್ಟೆ ನಾನು ದ್ವೇಷಮೂ ಸೇಸ್ನಾಟ್ಟ ನಿಕೊಲಾಯಿತರ ಕೃತ್ಯಲ್ನಿ ನೀವೂ ಕೂಡ ದ್ವೆಷಿಸ್ತಾವೂ . \v 7  ದೇವಾರಾತ್ಮಡು ಸಭೆಲ್ಕಿ ಸೋಪ್ಪೆದಾನಿ ಸೌಲ್ಲೂ ವು೦ಡೋಳೂ ಇನ್ನಿ .ಯೋವಡು ಜಯಂ ಹೊ೦ದ್ದುತಾಡೋ ವಾಡ್ಕಿ ದೇವುಡ ಪರದೈಸಿಲವು೦ಡ್ದ ಜೀವದಾಯಕ ವೃಕ್ಷದಿ ಪೋಡ್ನಿ ತಿನೆಕ್ಕಿ ಇಸ್ತಾನೂ .

02/08.txt

@@ -0,0 +1 @@
+\v 8  ಸ್ಮುರ್ನಲವು೦ಡ್ದ ಸಭೆಯ ದೂತುಡ್ಕಿ ರಾಯ್ಯಿ - ಸೇಚ್ಚಿಪೋಯ್ಯಿ ಜೀವ೦ತಮೈ ವಚ್ನಾಟ್ಟ ಆದ್ಯ೦ತುಡ್ಕಿ ಸೋಪ್ಪೆದ್ದಿ ಹೇಮಟ್ಟೆ - \v 9  ನಾನು ನೀ ಸ೦ಕಟನೀ ಮಲ್ಲಿ ನೀ ಬಡತನನೀ ಬಲ್ಲೆನೂ . ಐಯ್ತ್ನು ನೂವ ಐಶ್ವರ್ಯಡೆ . ಇದೂ ಕಾಕುಡ್ಡ ವಳ್ನೆ ಯೆಹುದ್ಯುಲ್ ಅನಿ ಸೋಪ್ಕೊನೋಳು ನೀ ವಿಷಯಮೈ ದೂಷಿಚ್ಚೆದಾನಿ ಬಲ್ಲೆನೂ . ವಾಳು ಯೆಹುದ್ಯೂಲು ಕಾದು ಸೈತಾನುಡ ಸಮಾಜಮೈನೋಳು .

02/10.txt

@@ -0,0 +1 @@
+\v 10  ನೀಕಿ ಸ೦ಭವಿಚ್ಚಕೆ ವು೦ಡ್ದ ಬಾಧೆಲ್ಕಿ ಹೆದರೋದು . ಮೀಳು ದುಷ್ಪ್ರೆರಣೆಕಿ ಒಳಗೈಯೇಕ್ಕಿ ಸೈತಾನುಡು ಮಿಲಾ ಕೊಚ್ಚಮ್ ಜನಲ್ನಿ ಸೇರೆಮನೆಕ್ಕಿ ಹೆಸೆಕ್ಕಿ ವು೦ಡ್ದಡೂ . ಮಲ್ಲಿ ಪೋದ್ ದಿನಲ್ ತನಕ ಮೀಕಿ ಸಂಕಟಂ ವುಟ್ಟಾದಿ . ನೂವ ಸೇಚ್ಚಿ ಪೊಯ್ಬೆಕತ್ನೂ ನಂಬಿಗಸ್ತುಡ್ ಅಯ್ಯಿ ವುಡ್ದೂ . ನಾನು ನೀಕಿ ಜೀವಂ ಅನೆ ಜಯಮಾಲೆನಿ ಇಸ್ತಾನೂ . \v 11   ದೇವರಾತ್ಮುಡು ಸಭೆಲ್ಕಿ ಸೋಪ್ಪೆದಾನಿ ಸೌಲು ವುಡ್ದೊಳು ಇನ್ನಿ . ಜಯಮು ಹೋ೦ದೊಡ್ಕಿ ರೋಡ್ದನೆ ಮರಣಮ್ನಿಚ್ಚ ಕೇಡ್ ಅಯ್ಯೆಲೆದು .

02/12.txt

@@ -0,0 +1 @@
+\v 12  ಪೆರ್ಗಮೂಲಾ ವು೦ಡ್ದ ದೂತುಡ್ಕಿ ರಾಯ್ಯಿ - \v 13   ಹದಮೈನಾ ಇಬ್ಬಾಯಿ ಕತ್ತಿನಿ ಪುಟ್ಕಾವು೦ಡ್ಕ ವು೦ಡೋಡು ಸೋಪ್ಪೆದ್ ಹೇಮಟ್ಟೆ - ನೂವ ವಾಸಮ್ ಸೇಸ್ಸೇ ಸ್ಥಳ ಗೊತ್ತು. ಅದಿ ಸೈತಾನುಡಾ ಸಿಹಾ೦ಸನಮ್ ವು೦ಡ್ದ ಸ್ಥಳಮೈಯುಡ್ದದ್ದಿ . ನೂವ ನಾ ಪೆರ್ನಿ ಇಸ್ಪೆಡ್ದಾನೆ ಪುಟ್ಕನವೂ . ನೂವ ವು೦ಡ್ದ ಸೈತಾನುಡಾ ನಿವಸಮ್ಲಾ ನಾಕಿ ನ೦ಬಿಗಸ್ತುಡು , ಸಾಕ್ಷಿಯು ಐನಾಟ್ಟ ಅ೦ತಿಪ್ಪುಡು ಸೇಚ್ಚಿಪೋಯ್ನಾಟ್ಟ ದಿನಮ್ಲಾ ಕಾನಿ ನಾಲಾ ವು೦ಡ್ದ ನೂವ ಮರೆಸೆಯ್ಲೇ .

02/14.txt

@@ -0,0 +1 @@
+\v 14 ಅಯ್ತೆ ಕೊಂಚಮ್ ವಿಷಯಮ್ಲಾ ನಿಮಿದ್ದ ತಪ್ಪುನೀ ಮೊಪಾಬೇಕೈತಾದೀ ; ವಿಗ್ರಹಕ್ಕಿ ನೈವೇದ್ಯಮ್ ಸೇಸಿನ ಪದಾರ್ಥಲ್ನಿ ತಿನ್ನೆದಟ್ಲಾ , ಜಾರತ್ವಮ್ ಸೇಸೆದಟ್ಲಾನೂ , ಇಸ್ರಾಯೇಲ್ ಜನಲೂ ಮುಗ್ಗರಿಚ್ಚಿ ಪೋಡಲನೀ ಬಿಳಾಮುಡು ಬಾಲಾಕುಡ್ಕಿ ಸೊಪ್ಪಿನ ದುರ್ಬೋಧನೆನೀ ಅವಲ೦ಬಿಚ್ಚೊಳೂ ನೀ ಹತ್ರ ವು೦ಡಾಳು . \v 15  ಅಟ್ಟೆನೇ ನಿಕೊಲಾಯುತುಲಾ ಬೋಧನೆನೀ ಅವಲ೦ಬಿಚ್ಚೊಳೋ ಮಿಲಾ ವು೦ಡ್ದೋಳೂ .

02/16.txt

@@ -0,0 +1 @@
+\v 16  ಅದ್ಗೂ ದೆವುಡ್ತೋಟು ತಿರಿಕೊ ತಿರಿಕೋ ಲೇದಟ್ಟೆ ನಾನು ಬಿರ್ನ ನೀ ಹತ್ರಕ್ಕಿವಚ್ಚಿ ನಾ ನೋರು ಕತ್ತಿಯಿಚ್ಚ ವಾಳ್ ಮಿದ್ದ ಯುದ್ದಮ್ ಸೇಸ್ತಾನು . ದೇವರಾತ್ಮುಡು ಸಭೆಲ್ಕಿ ಸೋಪ್ಪೆದಾನಿ ಸೌಲು ವು೦ಡ್ದೋಳೂ ಇನ್ನಿ . \v 17 ಯೋವಡು ಜಯಮ್ ಹೋ೦ದ್ದುತಾಡೋ ವಾಡ್ಕಿ ಮೂಸಿ ಪೆಟ್ಟು೦ಡ್ಡ ಮನ್ನ ಅನೆ ಊಟಮ್ನಿ ಇಸ್ತಾನು . ಇದುಕಾಕುಡ್ದ ವಾಡ್ಕಿ ತ್ಯಲ್ ರಯ್ ಮಿದ್ದ ರಾಸ್ನಟ್ಟ ಕೊತ್ತ ಪೆರ್ನಿ ಇಸ್ತಾನು ; ಆ ಪೆರ್ನಿ ಹೊ೦ದಿಕೊನೋಡ್ಕಿ ಇಸ್ಪೆಟ್ಟಿ ಇಕ್ಕ ಯೋಳ್ಕು ಗೊತ್ತಯಲೇದು .

02/18.txt

@@ -0,0 +1 @@
+\v 18 ಥುವತೈರಲವು೦ಡ್ಡ ಸಭೆಯ ದೂತುಡ್ಕಿ ರಾಯ್ಯಿ . \v 19 ಅಗ್ಗಿಲಕ ಉರ್ಸ್ತವು೦ಡ್ಡ ಕಣ್ಲೂ , ತಾಮ್ರದ ರೀತಿ ವು೦ಡ್ಡ ಪಾದಲೂ , ವು೦ಡಟ್ಟ ದೇವಕುಮಾರುಡು ಸೋಪ್ಪೆದ್ದಿ ಹೇಮಟ್ಟೆ - ನೀ ಕೃತ್ಯಲ್ನಿ , ನೀ ಪ್ರೀತಿನಿ , ನ೦ಬಿಕೆನಿ , ಪರೋಪಕಾರನೀ , ತಾಳ್ಮೆನಿ ಬಲ್ಲೆನು . ಇದುಕಾಕುಡ್ದ ನೀ ಕಡೆ ಕೃತ್ಯಲೂ ನೀ ಮೊದಲ್ ಕೃತ್ಯಲ್ಕಿ೦ತ , ಜ್ಯಾಸ್ತಿ ಅಯಿದ್ದಿ ಅನಿ ಗೊತ್ತು .

02/20.txt

@@ -0,0 +1 @@
+\v 20 ನೀ ಮಿದ್ದ ಒ೦ಕ್ಕ ತಪ್ನಿ ಹೊರಿಬಿಚ್ ಬೇಕೈತಾದಿ ; ಅದೇಮ್ ಅಟ್ಟೆ ಯೆಜೆಬೇಲ್ ಅನಿ ಅಡ್ದಿ ತಾನು ಪ್ರವಾದಿ ಅನಿ ಸೋಪ್ಕನೀ ಜಾರತ್ವಮ್ ಸೇಯೋಚ್ ಅನಿ , ವಿಗ್ರಹಲ್ಕಿ ನೈವೇದ್ಯ ಸೇಸ್ನಾಟ್ಟ ದಾನೀ ತಿನ್ನೋಚ್ ಅನಿ ನಾ ದಾಸಲ್ಕಿ ಬೋಧಿಸ್ತಾ ವಾಳ್ನಿ ತಪ್ಪು ಮಾರ್ಗಕ್ಕಿ ಸೆರ್ಪ್ತವು೦ಟ್ಟೆ ನೂವ ದಾನೀ ತಡಿದನೆ ಇಸ್ಪೆಟ್ ವು೦ಡ್ಡದೇ . \v 21  ದೇವುಡ್ ತೋಟು ತಿರಕನಿಕ್ಕಿ ನಾನು ದಾನ್ಕಿ ಸಮಯಮ್ ಇಸ್ತೇ ; ಆಯ್ತೆ ದೇವುಡ್ ತೋಟು ತಿರಿಕನಿ ತನ್ ಜಾರತ್ವನೀ ಇಸ್ಪೇಟೆಕಿ ದಾಕಿ ಇಷ್ಟಂಲೇದು .

02/22.txt

@@ -0,0 +1 @@
+\v 22  ಇಗೋ ಅದೀ ಹಾಸಿಗೆಮಿದ್ದ ಪೋಡುಡ್ಡಾಲ ಅಟ್ಟ ಸೇಸ್ತಾನು , ಮಲ್ಲಿ ದನ್ಜೊತ್ಲ ವ್ಯಭಿಚಾರಾಮ್ ಸೇಸೋಳು ವಾಳ್ ಮನಸ್ನಿ ದೇವುಡ ತೋಟು ತಿರಿಗಿಬಿಚ್ಚಿ ದಾನ್ ಕೃತ್ಯಲ್ನಿ ಇಸ್ಪೆಟ್ಲೆದು ಅಟ್ಟೆ ಪೆದ್ದ ಸ೦ಕಟಕ್ಕಿ ಪೊಡೆ ರೀತಿ ಸೇಸ್ತಾನು . \v 23 ದಾನ್ ಬಿಡ್ಡುಲ್ನಿ ಸೆಪ್ಪೆ ಸೇಪ್ಪೆಸ್ತಾನು . ಅಪ್ಡು ನಾನು ಮನುಷ್ಯುಲ ಅ೦ತರಿ೦ದ್ರಿಯನೀ ಹೃದಯನೀ ಪರಿಕ್ಷೆ ಸೇಸೋಡ್ ಅನಿ ಎಲ್ಲಾ ಸಭೆಲ್ಕಿ ಗೊತ್ತಾಯ್ತದಿ . ಮೀಲಾ ಪ್ರತಿಯೋಕುಡ್ಕಿ ವಾಡ ಕೃತ್ಯಲ್ಕಿ ಸರಿ ಅಯ್ಯಿ ಪ್ರತಿಫಲ ಇಸ್ತಾನು .

02/24.txt

@@ -0,0 +1 @@
+\v 24 ಆಯ್ತೇ ಥುವತೈರ ಲಾ ಉಳಿಸುಡ್ದೋಳ್ಕಿ ಅಟ್ಟೆ ಅಗಾಧ ಬೋಧೆನಿ ಅನಿ ಸೊಪ್ಕವು೦ಡ್ಡ ಸೈತಾನುಡ್ನಿಚ್ಚ ಪ್ರೆರಿತಮೈನಾ ದುರ್ಬೋಧನೆನೀ ಮೀಲಾ ಯೋಳೊಳು ತಿಲಿದನೆ ಅವಲ೦ಬಿಸ್ದನೆ ವು೦ಟ್ಟಳೋ ವಾಳ್ಕಿ ಸೋಪ್ಪೆದ್ ಹೇಮಟ್ಟೆ - \v 25   ಮೀಕಿ ವು೦ಡ್ಡದಾನೀ ನಾನು ವಚ್ಚೆ ತನಕ ಬಿಗಿ ಅಯ್ಯಿ ಪುಟ್ಕೊವು೦ಡಲ ಅನೆ ಅಪ್ಪೆಣೆ ಇಸ್ಪೆಟ್ಟಿ ಬೇರೆ ಭಾರನೀ ಮೀ ಮಿ೦ದ್ದ ಹೇಸಲೇ ಅನೇದೇ .

02/26.txt

@@ -0,0 +1 @@
+\v 26  ಯೋವಡು ಜಯಶಾಲಿ ಅಯ್ಯಿ ನಾಕಿ ಮೆಚ್ಚಿಕೆ ಅಯ್ನಾ ಕೃತ್ಯಲ್ನಿ ಕೊನೆತನಕ ನಡಿಪಿಸ್ತಾಡೋ ವಾಡ್ಕಿ ನಾನು ನಾ ತ೦ಡ್ರಿಯಿಚ್ಚ ಹೊ೦ದ್ನಾಟ್ಟ ಅಧಿಕಾರಮ್ ರೀತಿ ಜನಾ೦ಗಗಳ್ ಮಿ೦ದ್ದ ಅಧಿಕಾರಮ್ನೀ ಇಸ್ತಾನು . \v 27  ವಾಡು ಕಬ್ಬಿಣಮ್ ಕೋಲಿನಿ೦ಚ್ಚ ವಾಳ್ನಿ ಆಳ್ತಾಡು ; ಮನ್ನು ಮಡಕಲು ಪೋಗಿಲಿಪೆಟ್ನಾಟಕ್ಕ ವಾಳ್ ಬಲಮು ಇರಿಸಿಪೋತು೦ದ್ದಿ . \v 28   ಇದುಕಾಕು೦ಡ್ದ ಉದಯಸೂಚಕನಕ್ಷತ್ರಲ್ನಿ ವಾಡ್ಕಿ ಇಸ್ತಾನು . \v 29   ದೇವರಾತ್ಮುಡು ಸಭೆಲ್ಕಿ ಸೋಪ್ಪೆದಾನಿ ಸೌವು೦ಡ್ದೋಡು ಇನ್ನಿ .

03/01.txt

@@ -0,0 +1 @@
+\v 1  ಸಾರ್ದಿಸ್ಲಾ ವುಂಡ ಸಭೆ ದೂತುಡ್ಕಿ ರಾಯ್ಯಿ - ದೇವುಡ ಯೋಡು ಆತ್ಮಲು ಯೋಡು ನಕ್ಷತ್ರಲು ವುಡ್ನಾಟ್ಟ ಆತುಡು ಸೋಪ್ಪೆದಿ ಹೆಮಂಟ್ಟೆ - ನೀ ಕೃತ್ಯಲ್ನಿ ಬಲ್ಲೇನು ; ಜೀವಿನ್ಚೋಡು ಅನೆ ಪೇರು ನಿಕ್ ವುಟ್ನೂ ಸೇಚ್ಚಿಪೈನೋಡ್ ಐನಾವು ಅನ್ನೇದಾನಿ ಬಲ್ಲೆನು . \v 2 ಎಚ್ಚರಮೈಯ್ಯಿ ವುಂಡು ಸೇಚ್ಚೆ ರೀತಿ ವುಂಡಟ್ಟ ಉಳಿಸುನ್ನೋಡೋಳ್ನಿ ದೃಢಪಡಿಚ್ಚು ನಾ ದೇವುಡ ಮುಂದ್ರ ನೀ ಕೃತ್ಯಲ್ಲಾ ಒಕ್ಟೈತ್ನೂ ಸಂಪೂರ್ಣಮೈನ್ದಿ ಅನಿ ನಾನು ಸುಡ್ಲೆದೂ .

03/03.txt

@@ -0,0 +1 @@
+\v 3 ದಾನಿಚ್ಚ ನೂವ ಹೊದ್ನಾಟ್ಟ ಉಪದೇಶನ್ನಿ ದಾನಿ ಇನ್ನಾಟ್ಟ ರೀತಿನೀ ನೇನಪ್ಕಿ ಸಿಸ್ಕೊನಿ ದಾನ್ನಿ ಕಾಪಾಡ್ಕೋ . ಮಲ್ಲಿ ದೇವುಡ್ ತೋಟು ತಿರಿಕೋ . ನೂವ ಎಚ್ಚರಮ್ಲೆದು ಅಂಟ್ಟೆ ದೊಂಗ ವಚ್ಚೆ ರೀತಿ ವಸ್ತಾನು . ನಾನು ಯಪ್ಡು ಯಾವ್ ಗಳಿಗೆಲಾ ನೀ ಮಿಂದ ವಸ್ತಾನೋ ಅದಿ ನೀಕಿ ಗೊತೈಯ್ಯೇ ಲೇದು . \v 4 ತಮ್ ವಸ್ತ್ರಲ್ನಿ ಮೈಲಿಗೆ ಸೇಸ್ಕಂದನೆ ವುಂಡ ಕೊಚ್ಚುಮ್ ಜನಲೂ ಸಾರ್ದಿಸ್ಲೋಗ ವುನ್ನಾರು ; ವಾಳು ಯೋಗ್ಯಲಯ್ಯಿ ವುಂಡೆದಾನಿಚ್ಚ ಶುಭಾವಸ್ತ್ರಲ್ನಿ ಧರಿಚ್ಕೊನೀ ನಾ ಜೋತ್ಲಾ ನಡಿಸ್ತಾರು . ಜಯಶಾಲಿಕಿ ಇಟ್ಟ ಶುಭಾವಸ್ತ್ರಲ್ನಿ ಹೊದಿಸ್ತಾರು .

03/05.txt

@@ -0,0 +1 @@
+\v 5  ಜೀವಾಬಾಧ್ಯ ಪಟ್ಟಿಯಿಂಚ ವಾಡ್ ಪೇರ್ನಿ ನಾನು ಅಳಿಸ್ದನೆ ವಾಡು ನಾವೋಡು ನಾ ತಂಡ್ರಿ ಮುಂದ್ರನೂ ಆತುಡ ದೂತುಲಾ ಮುಂದ್ರನೂ ಒಪ್ತಾನು . \v 6 ಸಭೆಲ್ಕಿ ಸೋಪ್ಪೆದಾನಿ ಸೌವು೦ಡೋಡು ಇನ್ನಿ .

03/07.txt

@@ -0,0 +1 @@
+\v 7 ಫಿಲಿದೆಲ್ಪಿಯಲಾ ವುಂಡ ಸಭೆ ದೂತುಡ್ಕಿ ರಾಯ್ಯಿ - ಪರಿಶುದ್ದುಡೂ ಸತ್ಯವಂತೂಡು ದಾವೀದುಡ ಬಿಗ್ದೆಸ್ಟುಲ್ಲು ವುಂಡಟೋಡು ಯೋಳು ಮೂಸ್ ನಟ್ಗ ಸಿಸ್ಸೋಡು ಯೋಳು ಸಿಸ್ನಾಟ್ಗ ಮುಸೋಡು ಐನ್ನಾಟ್ಟ ಆತುಡು ಸೋಪ್ಪೆದಿ ಹೆಮಂಟ್ಟೆ - ನೀ ಕೃತ್ಯಲ್ನಿ ಬಲ್ಲೆನು . \v 8 ನೀಕುಂಡ ಶಕ್ತಿ ಕೊಂಚುಮ್ ಅಯ್ಯು೦ಟ್ನೂ ನೂವ ನಾಕಿ ಸೇರುನ್ಡೋಡ್ ಕಾದ್ ಸೊಪ್ದನೆ ನಾ ವಾಕ್ಯನ್ನಿ ಕಾಪಾಡುಂಡೆದಾನಿಚ್ಚ ಇಗೋ ನೀ ಎದುರ್ಲಾ ಒಕ್ಕ ವಾಕುಲ್ನಿ ತೇರ್ಸಿ ಪೆಟ್ನಾನೂ ; ದಾನ್ನಿ ಯೋಳು ಮೂಸ್ಸೆ ಲೇದು .

03/09.txt

@@ -0,0 +1 @@
+\v 9  ನಾನು ನೀಕಿ ಅನುಗ್ರಹಿಂಚ್ಚೆದ್ ಹೆಮಂಟ್ಟೆ ಮಾಮು ಯೆಹೂದ್ಯುಲ್ ಅನಿ ಸುಳ್ಳಾಯ್ಯಿ ಕೊಚ್ಕನೆ ಸೈತಾನ ಸಮಾಜಮ್ಲಾ ಕೊಚ್ಚುಮ್ ಜನಲ್ ವಚ್ಚಿ ನೀ ಪಾದಲ್ ಮುಂದ್ರ ಪೊಡೆ ರೀತಿ ನೀನ್ನಿ ನಾನು ಪ್ರೀತಿಚ್ಚೆದಾನ್ನಿ ತಿಳಿಚ್ಕೊನೆ ರೀತಿ ಸೇಸ್ತಾನು . \v 10  ನೂವ ನಾ ಸಹನ ವಾಕ್ಯಲ್ನಿ ಕಾಪಾಡುಂಡೆದಾನಿಚ್ಚ ಭೂನಿವಾಸಿಲ್ನಿ ಪರಿಕ್ಷೆಚ್ಚೆದಾನ್ಕಿ ಲೋಕ ಮಿಂದ್ ಎಲ್ಲಾ ವಚ್ಚೆಕೀ ವುಂಡ ಶೋಧನೆ ಸಮಯಮ್ಲಾ ನೀನ್ನಿ ತಪ್ಪಿಚ್ಚಿ ಕಾಪಾಡ್ತಾನು . \v 11  ಬಿರ್ನಾ ವಸ್ತಾನು ; ನೀಕಿ ವುಂಡೆದಾನ್ನಿ ಪುಟ್ಕಾನುಂಡು ; ನೀ ಜಯಮಾಲೆನ್ನಿ ಯೋಳು ಅಪಹರಿಚ್ಕುಡ್ದೂ .

03/12.txt

@@ -0,0 +1 @@
+\v 12  ಯೋವಡು ಜಯಮ್ ಹೊಂದ್ತಾಡೋ ವಾಡ್ನಿ ನಾ ದೇವುಡ್ ಆಲಯಮ್ಲಾ ಸ್ತಂಭಮೈಯ್ಯಿ ನಿಲ್ಪೆಟ್ತಾನೂ ; ವಾಡು ಇಕ್ಕ ಮು೦ದ್ರ ದಾನ್ ಲೋಗನಿಚ್ಚ ಪಯ್ಯೇದೆ ಲೇದು . ಇದುಕಾಕು೦ಡ ನಾ ದೇವುಡ್ ಪೆರ್ನೀ ನಾ ದೇವುಡ ಬಳಿಯಿಂಚ್ಚ ಪರಲೊಕಂಲೋಗನಿಚ್ಚ ದಿಗಿ ವಚ್ಚೆ ಕೊತ್ತ ಯೆರೂಸಲೆಮ್ ಪಟ್ಟಣಮ್ ಅನೆ ನಾ ದೇವುಡ ಪಟ್ಟಣಮ್ ಪೆರ್ನೀ ನಾ ಕೊತ್ತ ಪೇರ್ನೀ ವಾಡ್ ಮಿಂದ ರಾಸ್ತಾನು . \v 13  ದೇವರಾತ್ಮುಡು ಸಭೆಲ್ಕಿ ಸೋಪ್ಪೆದಾನಿ ಸೌವು೦ಡೋಡು ಇನ್ನಿ .

03/14.txt

@@ -0,0 +1 @@
+\v 14  ಲವೊದಿಕೆಲಾ ವುಂಡ ಸಭೆ ದೂತುಡ್ಕಿ ರಾಯ್ಯಿ - ಆಮೆನ್ ಎಂಬಾತುಡು ಅಂಟ್ಟೆ ನಂಬೆಕ್ಕಿ ಯೋಗ್ಯಮೈನಾಟ್ಟ ಸತ್ಯಸಾಕ್ಷಿ ದೇವುಡ ದೃಷ್ಟಿಕೀ ಮೂಲುಡು ಐನಾಟ್ಟ ಆತುಡು ಸೋಪ್ಪೆದಿ ಹೆಮಂಟ್ಟೆ - ನೀ ಕೃತ್ಯಲ್ನಿ ಬಲ್ಲೆನು . \v 15  ನೂವ ತಣ್ಗೂ ಲೇದು ಬೇಚ್ಗು ಲೇದು ನೂವ ತಣ್ಗಕಾನಿ ಬೇಚ್ಗಕಾನಿ ವುಂಡೆ ಮೊಂಚಿದೀ . \v 16 ನೂವ ಬೇಚ್ಗನೂ ಲೇನ್ದನೆ ತಣ್ಗೂ ಲೇನ್ದನೆ ಉಗುರು ಬೇಚ್ಗ ವುಂಡೆದಾನಿಚ್ಚ ನೀನ್ನಿ ನಾ ನೋರಿ೦ಚ್ಚ ಕಾರ್ತಾನೂ .

03/17.txt

@@ -0,0 +1 @@
+\v 17  ನೂವ ನೀ ವಿಷಯಮ್ಲಾ - ನಾನು ಐಶ್ವರ್ಯವಂತುಡು , ಸಂಪನ್ನುಡು , ಓಕ್ ದಾಟ್ಲಾನೂ ಕೊರತೆಲೇನೋಡು ಅನಿ ಸೋಪ್ಕಾಂಟಾವೂ ; ಅಯ್ತೆ ನೂವ ಕೇವಲ ದುರವಸ್ಥೆಲಾ ಪೊಡುಂಡೋಡು , ದೌರ್ಭಾಗ್ಯುಡು , ದರಿದ್ರುಡು , ಕುರುಡೂಡು , ಬಟ್ಲೂ ಲೇನೋಡು ಅಯ್ಯುಂಡೆ ದಾನ್ನಿ ತಿಳಿಚ್ಕೊಂದನೇ ವುಂಡಾವ್ . \v 18  ನೂವ ಐಶ್ವರ್ಯುಡು ಅಯ್ಯೇಕಿ ಅಗ್ಗಿಲಾ ಪುಟಂಕಿ ಹೇಸ್ನಾಟ್ಟ ಚಿನ್ನಮ್ನಿ , ಲಜ್ಜಾಸ್ಪದಮೈನಾ ನೀ ಬೆತ್ತಲೆ ತನನ್ನಿ ಕಮಡಿ ಗೂಡ್ ನಟ್ಗಾ ಹೊದ್ದುಕೊನೆಕೀ ತ್ಯಾಲ್ ವಸ್ತ್ರಲ್ನಿ ಕಣ್ಲೂ ಕಮಡಿಚ್ಚೆ ರೀತಿ ನೀ ಕಣ್ಲೂಕೀ ಹೇಸ್ಸೇಕಿ ಅಂಜನಾನ್ನಿ ನಾಯಿಂಚ್ಚ ಸಿಸ್ಕೊವಾಲನೀ ನೀಕಿ ಬುದ್ದಿ ಸೋಪ್ತಾನು .

03/19.txt

@@ -0,0 +1 @@
+\v 19   ನಾನು ಯೋಳ್ ಯೋಳ್ನಿ ಪ್ರೀತಿಸ್ತಾನೋ ವಾಳ್ನಿ ಗದರಿಸ್ತಾನು ಮಲ್ಲಿ ಶಿಕ್ಷಿಸ್ತಾನು . ದಾನಿಚ್ಚ ನೂವ ಆಸಕ್ತಮೈಯ್ಯಿ ವುಂಡು ; ದೇವುಡ್ ತೋಟು ತಿರಿಕ್ಕೋ . \v 20  ಇಗೋ ವಾಕ್ಕುಲ್ಲಾ ನಿಲಚ್ಕೊನೀ ತಟ್ತಾ ವುನ್ನಾನು ; ಯೋವಡೈತೋ ನಾ ಶಬ್ದನ್ನಿ ಇನಿ ವಾಕ್ಕಿಲ್ನಿ ಸಿಸ್ತೆ ನಾನು ಲೊಗ ವಚ್ಚಿ ವಾಡ್ ಜೊತ್ಲಾ ಊಟಮ್ನಿ ಸೇಸ್ತಾನು , ವಾಡು ನಾ ಜೊತ್ಲಾ ಊಟಮ್ ಸೇಸ್ತಾಡು .

03/21.txt

@@ -0,0 +1 @@
+\v 21 ನಾನು ಜಯಮ್ನಿ ಹೊಂದಿ ನಾ ತಂಡ್ರಿ ಜೊತ್ಲಾ ಸಿಂಹಾಸನಮ್ಲಾ ಕುಚ್ಚೊಂಟಿ ; ಅಟ್ಟೆ ಜಯಮ್ ಹೊಂದೊಡ್ನಿ ನಾ ಜೊತ್ಲಾ ಸಿಂಹಾಸನಮ್ಲಾ ಕುಚ್ಕೊನೆ ರೀತಿ ಸೇಸ್ತಾನು . \v 22  ದೇವರಾತ್ಮುಡು ಸಭೆಲ್ಕಿ ಸೋಪ್ಪೆದಾನಿ ಸೌವು೦ಡೋಡು ಇನ್ನಿ .

04/01.txt

@@ -0,0 +1 @@
+\v 1 ಇವುಗಳ ಅಮೆಕಿದ್ದ ನಾನು ಸುಸ್ನಾಪ್ದು ಪರಲೋಕಮ್ಲಾ ತೆರಿಸುಡ್ದ ವಾಕ್ಲಿ ಕಮಡಿಚ್ಚೆ ; ಮಲ್ಲಿ ನಾ ಜೊತ್ಲಾ ತುತೂರಿ ಮಟ್ಲಾಡ್ತದೋ ಅನೆ ರೀತಿ ನಾನು ಮೊದ್ಲು ಇನುಡ್ದ ಮಾಟ ಇನ್ಬಡಿಚ್ಚೆ . ಗೀಕಿ ಯಕ್ಕಿ ರಾ , ಮುದ್ರುಕ್ಕಿ ಆಬೆಕೈಯು೦ಡ್ಡ ದಾನೀ ನೀಕಿ ಸುಬಿಸ್ತಾನು ಅನಿ ಸೋಪ್ಪೆ . ತಕ್ಷಣಮೇ ದೇವರಾತ್ಮ ಪರವಶ ಅಯ್ತಿ . \v 2  ಅಪ್ಡು ಪರಲೋಕಂಲ ಒ೦ಕ್ಟಿ ಸಿ೦ಹಾಸನಮ್ ವು೦ಡೆ ; ಸಿ೦ಹಾಸನಮಿ೦ದ್ದ ಒಕ್ಕಡು ಕೂಚವು೦ಡೆ . ಕೂಚವು೦ಡೋಡ ಕಣ್ಲೂ ಸೂರ್ಯಕಾ೦ತ ಪದ್ಮರಾಗ ಮಣಿಲಕ ಕಮಡಿಸ್ತಾ ವು೦ಡೆ . \v 3  ಸುತ್ತ ಪಚ್ಚೆಲಕ ಕಮಡಿಸ್ತಾವು೦ಡ ಮುಗಿಲು ಬಿಲ್ಲು ವು೦ಡೆ .

04/04.txt

@@ -0,0 +1 @@
+\v 4  ಇದುಕಾಕು೦ಡ್ದ ಸಿ೦ಹಾಸನಮ್ ಸುತ್ತ ಇರವೈನಾಲ್ಗು ಸಿ೦ಹಾಸನಮ್ ವು೦ಡೆ ; ಆ ಸಿಹಾ೦ಸನಮಿ೦ದ್ದ ಪರಿಶುದ್ದ ವಸ್ತ್ರನೀ ಧರಿಚಿಕೊನು೦ಡ ಇರವೈನಾಲ್ಗು ಮ೦ದಿ ಹಿರಿಯುಲು ಕೂಚವು೦ಡ್ಲಿ ; ವಾಳ್ ತಲಕೈಮಿಂದ ಚಿನ್ನಮ್ದಿ ಕೀರಿಟಲು ವು೦ಡೆ . \v 5  ಸಿ೦ಹಾಸನಮ್ ಲೋಗನಿಚ್ಚ ಮಿ೦ಚುಲು , ವಾಣಿಲೂ , ಗುಡುಗು ಹೊರಡ್ತಾದಿ . ದಾನ್ ಮುದ್ರ ದೇವುಡ ಏಳು ಆತ್ಮಲೂ ಸೂಚಿಚ್ಚೆ ಏಳು ದೀಪಲೂ ಉರಿಸ್ತಾವು೦ಡೆ .

04/06.txt

@@ -0,0 +1 @@
+\v 6 ಇದುಕಾಕು೦ಡ ಸಿ೦ಹಾಸನಮ್ ಮುದ್ರ ಸ್ಪಟಿಕಕ್ಕಿ ಸಮಾನಮೈನಾ ಗಾಜಿನ ಸಮುದ್ರಲಕ ಕಮಡಿಚ್ಚೆ . ಸಿಹಾ೦ಸನಮ್ ಮಧ್ಯಮುಲಾ ದಾನ್ ನಾಲ್ಗು ಕಡೆಲಾ ನಾಲ್ಗು ಜೀವಿಲು ವು೦ಡೆ . ಅವುಟ್ಲಿಕಿ ಯಂಕ ಮುದ್ರ ಜ್ಯಾಸ್ತಿ ಕಣ್ಲೂ ವು೦ಡೆ .

04/07.txt

@@ -0,0 +1 @@
+\v 7 ಮೊದ್ಲ ಜೀವಿ ಸಿ೦ಹದ ರೀತಿ ವು೦ಡೆ ; ರೋಡ್ನೆ ಜೀವಿ ಹೋರಿಲಕ ವು೦ಡೆ ; ಮುಡ್ನೆ ಜೀವಿ ಮಖಮು ಮನುಷ್ಯುಡ್ ರೀತಿ ವು೦ಡೆ ; ನಾಲ್ಗನೆ ಜೀವಿ ಹಾರೆ ಗರುಡ ಪಕ್ಷಿಲಕ ವು೦ಡೆ . \v 8 ನಾಲ್ಗು ಜೀವಿಲು ಒಕೊಕ್ಕದಾಂಕಿ ಆರಾರು ರೆಕ್ಕೆಲೂ ವು೦ಡೆ ; ಆ ಜೀವಿಲ್ಕಿ ಸುತ್ಲೂ ಲೊಗನೂ ಜ್ಯಾಸ್ತಿ ಕಣ್ಲೂ ವು೦ಡೆ . ಆ ಜೀವಿಲೂ ಹಗಲಿರುಳು ವಿಶ್ರಮಿಸ್ದನೆ - ದೇವುಡ್ ಅಯ್ನಾ ಕರ್ತುಡು ಪರಿಶುದ್ದುಡು ಪರಿಶುದ್ದುಡು ಪರಿಶುದ್ದುಡು ; ಆತುಡು ಸರ್ವಶಕ್ತುಡು , ವರ್ತಮಾನ ಭೂತ ಭವಿಷ್ಯತ್ ಕಾಲಮ್ಲಾನು ವು೦ಡೋಡು ಅನಿ ಸೋಪ್ತಾವೀ .

04/09.txt

@@ -0,0 +1 @@
+\v 9 ಯುಗಯುಗಾ೦ತರಮ್ಲಾನು ಜೀವಿಚ್ಚೋಡ್ ಅಯ್ಯಿ ಸಿ೦ಹಾಸನಮಿ೦ದ್ದ ಕೂಚವು೦ಡಆತುಡ್ಕಿ ಆ ನಾಲ್ಗು ಜೀವಿಲು ಪ್ರಭಾವ ಮಾನಮ್ನಿ ಕೃತಜ್ಞತಸ್ತುತಿಲ್ನಿ \v 10 ಸಲ್ಲಿಚ್ಚೆ ರೀತಿ ಆ ಇರವೈನಾಲ್ಗು ಮ೦ದಿ ಹಿರಿಯುಲು ಸಿ೦ಹಾಸನಮಿ೦ದ್ದ ಕೂಚವು೦ಡ ಆತುಡ ಪಾದಕ್ಕಿ ಪೋಡಿ ವಾಳ್ ಕೀರಿಟಲ್ನಿ ಸಿ೦ಹಾಸನಮ್ ಮುದ್ರ ಹೆಸ್ಸಿ - \v 11   ಕರ್ತುಡ ಮಾ ದೇವುಡ ನೂವ ಪ್ರಭಾವ ಮಾನ ಬಲನಿ ಹೊ೦ದೆಕ್ಕಿ ಯೋಗ್ಯಡು ಅಯ್ನಾವು ; ಸಮಸ್ತನೀ ಸೃಷ್ಟಿಚ್ಚಿ೦ದ್ದಿ ನೂವೇ ; ಎಲ್ಲಾ ನೀ ಚಿತ್ತಮ್ನಿಚ್ಚನೆ ವು೦ಡೆ , ನೀ ಚಿತ್ತಮ್ನಿಚ್ಚನೆ ನಿರ್ಮಿತಮ್ ಅಯಾ ಅನಿ ಸೋಪ್ತಾ ಯುಗಯುಗಾ೦ತರಮ್ಲಾನು ಜೀವಿಚ್ಚೆ ಆತುಡ್ನಿ ಆರಾಧಿಸ್ತಾರು .

05/01.txt

@@ -0,0 +1 @@
+\v 1 ಸಿ೦ಹಾಸನಮಿ೦ದ್ದ ಕುಚ್ಚವುಡ್ದ ಆತುಡ ಕುಡುಮ್ ಸೇತ್ಲಾ ಒಕ್ಕ ಸುರಳಿನಿ ಸುಸ್ತಿ ; ದಾನ್ ರೊಂಡು ತೊಟ್ಲನು ರಾಸು೦ಡ್ದೆ ; ಅದಿ ಏಳು ಮುದ್ರೆಲಿಚ್ಚ ಮುದ್ರಿತಮ್ ಅಯ್ಯು೦ಡೆ . \v 2 ಇದುಕಾಕು೦ಡ ಬಲಿಷ್ಟಮೈನಾ ಒಕ್ಕ ದೇವದೂತುಡು - ಈ ಸುರಳಿನಿ ಇಪ್ಪೆಕ್ಕಿ , ದೀನ್ ಮುದ್ರೆಲ್ನೆ ಪೋಗಲ್ ಪೆಟ್ಟೆಕ್ಕು ಯೋವಡು ಯೋಗ್ಯುಡು ಅನಿ ಪೆದ್ದ ಶಬ್ದಮ್ನಿಚ್ಚ ಸಾರೆದಾನಿ ಸೂಸ್ತಿ .

05/03.txt

@@ -0,0 +1 @@
+\v 3 ಆ ಸುರಳಿನಿ ಇಪ್ಪೆಕಾನಿ ದಟ್ಲಾ ವು೦ಡೆದಾನೀ ಸುಸೆಕ್ಕಿ ಪರಲೊಕಮ್ಲಕಾನಿ ಭೂಮಿಲಾ ಕಾನಿ ಯೋವಡ್ಕು ಶಕ್ತಿ ವು೦ಡ್ಲೆದು . \v 4 ಅಪ್ಡು ಸುರಳಿನಿ ಇಪ್ಪೆಕಾನಿ ದಟ್ಲಾ ವು೦ಡೆದಾನೀ ಸುಸೆಕ್ಕಿ ಯೋಗ್ಯಮೈನೋಡು ಒಕ್ಕಡು ಸಿಕ್ಲೇನ್ದಾಕ್ಕಿ ನಾನು ಹೆಡಿಸ್ತವು೦ಡ ನಪ್ದು ಹಿರಿಯಲ ಒಕ್ಕಡು ನಾಕಿ ಹೆಡಿಯದ್ದು ; \v 5  ಅಗೋ ಯುದಾ ಕುಲಲ್ಮ ಜನಿಚ್ನಾಟ್ಟ ಸಿ೦ಹಮೂ ದಾವೀದ ಅ೦ಕುರುಡು ಅಯ್ನಾಟ್ಟ ಆತುಡು ಜಯಮ್ ಹೊ೦ದಿನಾಡು ; ಆತುಡು ಆ ಸುರಳಿನಿ ದಾನ್ ಏಳು ಮುದ್ರೆಲ್ನಿ ಇಪ್ತಾಡು ಅನಿ ಸೋಪ್ಪೆ .

05/06.txt

@@ -0,0 +1 @@
+\v 6  ಸಿ೦ಹಾಸನಮು ನಾಲ್ಗು ಜೀವಿಲು ವು೦ಡ ಸ್ಥಳನ್ಕು ಹಿರಿಯುಲು ವು೦ಡ ಸ್ಥಳನ್ಕು ಮಧ್ಯಮ್ಲಾ ಒಕ್ಕ ಗೊರ್ರ ಕೊಸುಡ್ದೆದಯ್ಯಿ ನಿಲಚ್ಕ ವು೦ಡೆದಾನಿ ಸುಸ್ತಿ . ದಾನ್ಕಿ ಯೋಡು ಕೊ೦ಬುಲು , ಯೋಡು ಕಣ್ಲೂ , ವು೦ಡೆ ; ಅವಿ ಹೇಮಟ್ಟೆ ಭೂಮಿ ಮಿ೦ದ್ದಯಲ್ಲಾ ಅಪ್ನಾಟ್ಟ ದೇವುಡ ಯೋಡು ಆತ್ಮಲು . \v 7 ಈತುಡು ಮುದ್ರ ವಚ್ಚಿ ಸಿಹಾ೦ಸನಮಿ೦ದ್ದ ಕೂಚವು೦ಡ ಕುಡಮುಸೇತ್ಲೋಗನಿಚ್ಚ ಆ ಸುರಳಿನಿ ಸಿಸ್ಕೊಟ್ಟಿ .

05/08.txt

@@ -0,0 +1 @@
+\v 8 ಸಿಸ್ಕೊನಪ್ಡು ಆ ನಾಲ್ಗು ಜೀವಿಲೂ , ಇರವೈನಾಲ್ಗು ಮ೦ದಿ ಹಿರಿಯುಲು ಯಜ್ಞ ಕುರಿಯಾತುಡ ಪಾದನ್ಕಿ ಪೋಡ್ಲಿ . ಹಿರಿಯಲ ಸೇತ್ಲಾ ವೀಣೆಲು , ದೇವುಡ ಜನಲ ಪ್ರಾರ್ಥನೆಅನೆ ಧೂಪಮ್ನಿಚ್ಚ ನಿಡ್ನಾಟ್ಟ ಚಿನ್ನಮ್ದಿ ಧೂಪರತಿಲೂ ವು೦ಡೆ .

05/09.txt

@@ -0,0 +1 @@
+\v 9      :ವಾಳು ಕೊತ್ತ ಕೊತ್ತ ಹಾಡ್ನಿ ಹಾಡ್ತಾ - ನೂವ ಸುರಳಿನಿ ಸಿಸ್ಕೊನಿ ದಾನ್ ಮುದ್ರೆಲ್ನಿ ಪೋಗಲ್ಪೆಟೆಕಿ ಯೋಗ್ಯುಡೆ ; ನೂವ ಯಜ್ಞಾರ್ಪಿತಮೈಯ್ಯಿ ನೀ ರಕ್ತಮ್ನಿಚ್ಚ ಸಕಲ ಕುಲ ಭಾಷೆ ಪ್ರಜೆ ಜನಾ೦ಗಮೊಳ್ನಿಚ್ಚ ಮನುಷ್ಯುಲ್ನಿ ದೆವುದಕೈಯ್ಯಿ ಸಿಸ್ಕೊಟ್ವಿ . \v 10   ವಾಳ್ನಿ ಮಾ ದೇವುಡ್ಕೊಸ್ಕರ೦ಗ ರಾಜ್ಯಮೈಯ್ಯಿ ಯಾಜಕುಲಯ್ಯಿ ಸೇಸ್ವಿ ; ವಾಳು ಭೂಮಿಮಿ೦ದ್ದ ಆಳ್ತಾರು ಅನಿ ಸೋಪ್ಲಿ .

05/11.txt

@@ -0,0 +1 @@
+\v 11  ಇದುಕಾಕು೦ಡ ಸಿ೦ಹಾಸನಮು , ಜೀವಿಲು , ಹಿರಿಯುಲು , ವುಳ್ ಸುತ್ತಲು ಅನೇಕ ದೇವದೂತಲ್ನಿ ಸುಸ್ತಿ ; ವಾಳ್ ಸ೦ಖ್ಯೆ ಕೋಟ್ಯಾನು ಕೋಟಿ ಅಯ್ಯು ಲಕ್ಷೊಪಲಕ್ಷಮೈಯ್ಯು ವು೦ಡೆ . \v 12 12 ವಾಳ್ ಸ್ವರಮು ನಾಕಿ ಇನ್ಬಡಿಚ್ಚೆ ; ವಾಳು ಪೆದ್ದ ಶಬ್ದಮ್ನಿಚ್ಚ - ವಧಿತಮೈನಾ ಕುರಿಯಾದಾತುಡು ಬಲ, ಐಶ್ವರ್ಯ, ಜ್ಞಾನ, ಸಾಮರ್ಥ್ಯ, ಮಾನ, ಪ್ರಭಾವ, ಸ್ತೋತ್ರಲ್ನಿ ಹೊ೦ದೆಕ್ಕಿ ಯೋಗ್ಯಡು ಅನಿ ಸೋಪ್ಲಿ .

05/13.txt

@@ -0,0 +1 @@
+\v 13  ಇದುಕಾಕು೦ಡ ಆಕಾಶಮ್ಲಾನು, ಭೂಮಿಮಿ೦ದ್ದನೂ ಭೂಮಿದುಗುನನೂ , ಸಮುದ್ರಮಿ೦ದ್ದನೂ ವು೦ಡ ಎಲ್ಲಾ ಸೃಷ್ಟಿಲೂ ಸಿ೦ಹಾಸನ ಆಸೀನನೀಕಿ ಯಜ್ಞದ ಕುರಿಯಾತುಡ್ಕಿ ಸ್ತೋತ್ರ , ಮಾನ , ಪ್ರಭಾವ , ಅಧಿಪತ್ಯಲೂ , ಯುಗಯುಗಾ೦ತರಮ್ಲಾನು ವು೦ಡ್ನಿ ; ಅನೆ ಸೋಪ್ಪೆದಾನಿ ಇನ್ಟಿ . \v 14  ಆ ನಾಲ್ಗು ಜೀವಿಲೂ ಆಮೆನ್ ಅನ್ನೇ ; ಮಲ್ಲಿ ಹಿರಿಯುಲು ಅಡ್ಡಪೋಡಿ ನಮಸ್ಕಾರಮ್ ಸೇಸ್ಲಿ .

06/01.txt

@@ -0,0 +1 @@
+\v 1 ಯಜ್ಞ ಕುರಿಯಾತುಡು ಆ ಏಳು ಮುದ್ರೆಲಾ ಒ೦ಕ್ಕ ಮುದ್ರೆನಿ ಪೋಗಲ್ ಪೆಟ್ಟೆದಾನಿ ನಾನು ಸೂಸ್ತಿ . ಮಲ್ಲಿ ಆ ನಾಲ್ಗು ಜೀವಿಲಾ ಒ೦ಕ್ಕ ಜೀವಿ - ರಾ ಅನೆ ಗುಡುಗುಲಕಾ ಸ್ವರಮ್ನಿಚ್ಚ ಸೋಪ್ಪೆದಾನಿ ಇನ್ಟಿ . \v 2 ತ್ಯಲೀದ್ದಿ ಕುದುರೆ ಕನಬಡಿಚ್ಚೆ ; ದಾನ್ಮಿದ್ದ ಕುಚೋವುಡೋಡ್ ಸೇತ್ಲಾ ಬಿಲ್ಲು ವು೦ಡೆ ; ವಾಡ್ಕಿ ಜಯಮಾಲೆ ಇಚ್ಚು೦ಡೆ ; ವಾಡು ಜಯಮ್ ಹೊದ್ದೆಕೊಸ್ಕರಂಮೂ ಪಾಯಾ .

06/03.txt

@@ -0,0 +1 @@
+\v 3 ಆತುಡು ರೋ೦ಡ್ದನೆ ಮುದ್ರೆನೀ ಪೋಗಲ್ ಪೆಟ್ಟೆ ನಪ್ಡು ರೊ೦ಡ್ಡನೇ ಜೀವಿ - ರಾ ಅನೇದಾನೀ ಇನ್ಟಿ . \v 4 ಇಕ್ಕೋಕ ಕುದುರೆ ವಚ್ಚೆ ; ಅದಿ ಯರ್ ಕುದುರೆ . ದಾಮಿದ್ದ ಕುಚವುಡೋಡ್ಕಿ ಭೂಮಿಲಾ ವು೦ಡ ಸಮಾಧಾನಮ್ನೀ ಸಿಸೆಸೇದಾನ್ಕೂ ಮನುಷ್ಯುಲು ಒ೦ಕ್ಕಲ್ನೋಕ್ಲೂ ಸೆ೦ಪೆಸ ರೀತಿ ಸೇಸ್ಸೇ ಅಧಿಕಾರಮು ಇಚ್ಚು೦ಡೆ ; ವಾಡ್ಕಿ ಪೆದ್ ಕತ್ತಿ ಇಚ್ಚು೦ಡೆ .

06/05.txt

@@ -0,0 +1 @@
+\v 5 ಆತುಡು ಮೂಡ್ನೆ ಮುದ್ರೆನೀ ಪೋಗಲ್ ಪೆಟ್ನಾನಪ್ದು ಮೂರನೆ ಜೀವಿ - ರಾ ಅನೆದಾನೀ ಇನ್ಟಿ . ಅಪ್ಡು ಕಪ್ಪು ಕುದುರೆ ಕಮಡಿಚ್ಚೆ . ದಾನ್ಮಿದ್ದ ಕೂಚವು೦ಡೋಡ್ ಸೇತ್ಲಾ ತ್ರಾಸು ವು೦ಡೆ . \v 6 ಆ ನಾಲ್ಗು ಜೀವಿಲ್ ಮಧ್ಯಮ್ನಿಚ್ಚ ಒ೦ಕ್ಕ ಧ್ವನಿ ವಚ್ಚಿದ್ದಿ ಇನ್ಟಿ . ಅದಿ - ರೂಪಾಯಿಕಿ ಒ೦ಕ್ಕ ಸೇರು ಗೋಧಿ ; ರೂಪಾಯಿಕಿ ಮೂರು ಸೇರು ಜವೆ ಗೋಧಿ ; ನೂನ್ನಿ , ದ್ರಾಕ್ಷರಸಮ್ನಿ ಸೇಡಪೋದು ಅನಿ ಸೋಪ್ಪೆ .

06/07.txt

@@ -0,0 +1 @@
+\v 7 ಆತುಡು ನಾಲ್ಗನೆ ಮುದ್ರೆನೀ ಪೋಗಲ್ ಪೆಟ್ನಾಪ್ದು ನಾಲ್ಗನೆ ಜೀವಿ - ರಾ ಅನೆ ಶಬ್ದಮ್ನಿ ಇನ್ಟಿ . \v 8 ಅಪ್ಡು ಬೂದಿ ಬಣ್ಣಮ್ದೀ ಕುದುರೆ ಕಮಡಿಚ್ಚೆ . ದಾನ್ಮಿದ ಕುಚವು೦ಡೋಡ್ ಪೇರು ಮೃತ್ಯು . ವಾಡ್ ಹೆನಕ್ಕ ಪಾತಾಳಅನೋಡು ವಚ್ಚೆ . ವಾಳ್ಕಿ ಭೂಮಿ ಕಾಲು ಭಾಗಮ್ಲಾ ಕತ್ತಿಯಿಚ್ಚನೂ , ಬರಮ್ನಿಚ್ಚನೂ , ಅ೦ಟುರೋಗಮ್ನಿಚ್ಚನೂ , ಕಾಡುಮೃಗಲ್ನಿಚ್ಚನೂ , ಸೇಮ್ ಪೆಸೆಕ್ಕಿ ಅಧಿಕಾರಮು ಇಚ್ಚು೦ಡೆ .

06/09.txt

@@ -0,0 +1 @@
+\v 9 ಆತುಡು ಐದನೇ ಮುದ್ರೆನೀ ಪೋಗಲ್ ಪೆಟ್ನಾಪ್ದು ದೇವುಡ ವಾಕ್ಯ ನಿಮಿತ್ತಮೈಯ್ಯಿ ವಾಳು ಸೋಪ್ನಾಟ್ಟ ಸಾಕ್ಷಿ ನಿಮಿತ್ತಮೈಯ್ಯಿ ಸೇಚ್ಚಿಪೋಯ್ನಟ್ಟ ಆತ್ಮಲೂ ಯಜ್ಞವೇದಿದುಗುನ ವು೦ಡೆದಾನ್ನಿ ಸೂಸ್ತಿ . \v 10  ವಾಳು - ಒಡೆಯುಡ , ಪರಿಶುದ್ದುಡು , ಸತ್ಯವ೦ತುಡು , ಐನಾಟ್ಟ ದೇವುಡ , ಭೂನಿವಾಸಿಲೂ ಮಮಲ್ನಿ ಸೇಪ್ಪೆಸಿನ್ದಾಂಕಿ ಯತ್ತ ಕಾಲಮ್ ತನಕ ನ್ಯಾಯವಿಚಾರಿಸ್ದನೆ , ಪ್ರತಿದ೦ಡನೆ , ಸೇಸ್ದಾನೆ ವು೦ಟಾವು ? ಅನಿ ಪೆದ್ದ ಶಬ್ದಮ್ನಿಚ್ಚ ಕೂಸ್ಲಿ . \v 11 ವಾಳ್ಲ ಒ೦ಕ್ಕೊಕುಡ್ಕಿ ಒ೦ಕ್ಕೊಕ್ಕ ತ್ಯಲ್ ನಿಲುವ೦ಗಿ ಇಚ್ಚೆ . ಇದುಕಾಕು೦ಡ ಮೀ ರೀತಿ ಕೊಲೆಯೈಬೇಕೈಯು೦ಡ ಮೀ ಸಹೋದುರುಲಾ ಸ೦ಖ್ಯೆ ಪೂರ್ಣಂಅಯ್ಯೇ ತನಕ ಮೀಳೂ ಇಕ್ಕ ಕೊ೦ಚ್ಚ ಕಾಲಮು ವಿಶ್ರಮಿಚ್ಕೊವಲನೀ ವಾಳ್ಕಿ ಉತ್ತರಮ್ನಿ ಇಚ್ಚೆ .

06/12.txt

@@ -0,0 +1 @@
+\v 12  ಆತುಡು ಆರನೆ ಮುದ್ರೆನೀ ಪೋಗಲ್ ಪೆಟ್ಟೆದಾನ್ನಿ ಸೂಸ್ತಿ . ಪೋಗಲ್ ಪೆಟ್ನಾಪ್ದು ಮಹಾಭೂಕ೦ಪಮ್ ಉ೦ಟಾಯ . ಸೂರ್ಯುಡು ಕರಿಕ೦ಬಳಿಲಕ ಕಪ್ಪಾಯ ; \v 13  ಪೂರ್ಣ ಚ೦ದ್ರುಡು ರಕ್ತಮ್ ರೀತಿ ಅಯಾ ; ಅತ್ತಿ ಮಾನು ಬಿರುಗಾಳಿನಿಚ್ಚ ಅಲ್ಲಾಡಿ ತನ್ ಕಾಯಿಲ್ನಿ ಉದರಿಚ್ಚೆ ಪ್ರಕಾರ೦ಗ ಆಕಾಶದ ನಕ್ಷತ್ರಲು ಭೂಮಿಕಿ ಪೊಡೆ . \v 14  ಆಕಾಶಮು ಸುರಳಿಲಕ ಸುತ್ತಿ ಪಗನಿ ಇಸ್ಪೆಟ್ಟೆ ; ಎಲ್ಲಾ ಬೆಟ್ಟಲು , ದ್ವಿಪಾಲು , ಅವುಟ್ಲೂ ಸ್ಥಳಮ್ನಿಚ್ಚ ಚಲಿಚ್ಚೆ .

06/15.txt

@@ -0,0 +1 @@
+\v 15  ಇದುಕಾಕು೦ಡ ಭೂರಾಜುಲು , ಪ್ರಭುಲೂ , ಸಹಸ್ರಾಧಿಪತಿಲೂ , ಐಶ್ವರ್ಯವ೦ತುಲೂ , ಪರಕ್ರಾಮಶಾಲಿಲೂ , ಎಲ್ಲಾ ದಾಸುಲೂ , ಸ್ವತ೦ತ್ರುಲೂ , ಬೆಟ್ಟದ ಗವಿಲ್ಕೂ , \v 16 ಬ೦ಡೆ ಸದುಲ್ಕಿ ಪಾರಿ ಪೋಯ್ಯಿ ವಾಳ್ನಿ ಮರೆಸೆಸ್ಕೊನೀ ಬೆಟ್ಟಲ್ಕಿ , ಬ೦ಡೆಲ್ಕಿ , ಮಾಮಿದ್ದ ಪೋಡಡ್ಡಿ , ಸಿ೦ಹಾಸ೦ಮ್ಮಿದ್ದ ಕೂಚವು೦ಡ ಆತುಡ ಮುಖಕ್ಕಿ , ಯಜ್ಞ ಕುರಿಯಾದಾತುಡ ಮುಖಕ್ಕಿ ಮಮಲ್ನಿ ಮರೆ ಸೇಯಾ೦ಡ್ಡಿ . \v 17  ವಾಳ್ ಕೊಪಮು ಕಮಡಿಚ್ಚ ದಿನಮು ವಚ್ಚಿ೦ದ್ದಿ . ದಾನ್ ಮುದ್ರ ನಿಲಿಚ್ಕೊನಕ್ಕಿ ಯೋಳು ಶಕ್ತುಲೂ ಅನಿ ಸೋಪ್ಲಿ .

07/01.txt

@@ -0,0 +1 @@
+\v 1  ಇದಿ ಅಮೆಕಿ೦ದ್ದ ನಾಲ್ಗು ಮ೦ದಿ ದೇವದೂತುಲು ಭೂಮಿ ನಾಲ್ಗು ದಿಕ್ಕುಲಾ ನಿಲಿಚ್ಕೊನಿ ಭೂಮಿಮಿ೦ದ್ದ ಕಾನಿ , ಸಮುದ್ರಮಿ೦ದ್ದ ಕಾನಿ , ಯಾವ ಮಾನ್ಮಿದ್ದನೂ ಗಾಲಿ ಬಿಸ್ನಟ್ಗ ಭೂಮಿ ಚುತುರ್ದಿಕ್ಕುಲ ಗಾಲಿನಿ ಪುಟ್ಕೊವು೦ಡೆದಾನ್ನಿ ಸೂಸ್ತಿ . \v 2 ಇಕ್ಕೊಕ್ಕ ದೇವದೂತುಡು ಜೀವಸ್ವರೂಪಮೈನಾ ದೇವುಡ ಮುದ್ರೆನೀ ಪುಟ್ಕೊನೀ ಮೂಡಣ ದಿಕ್ಕಿನಿಚ್ಚ ಏರಿವಸ್ತವು೦ಡ ದಾನ್ನೀ ಸೂಸ್ತಿ . ವಾಡು ಭೂಮಿನೀ , ಸಮುದ್ರನೀ , ಸೇಡೆಪೆಕ್ಕಿ ಅಧಿಕಾರಮ್ ಹೊದ್ದು೦ಡ ಆ ನಾಲ್ಗು ದೇವೆದೂತುಲ್ಕಿ - \v 3  ಮಾ ದೇವುಡ ದಾಸುಲ್ಕಿ ಹಣೆಮಿ೦ದ್ದ ಮುದ್ರೆ ಒತ್ತೆ ತನಕ ಭೂಮಿನಿ ಕಾನಿ , ಸಮುದ್ರಾನಿ ಕಾನಿ , ಮನ್ಲೆಕಾನಿ , ಸೆಡಪದಡ್ರೀ , ಅನೇ ಪೆದ್ದ ಶಬ್ದಮ್ನಿಚ್ಚ ಕೂಸಿ ಸೋಪ್ಪೆ .

07/04.txt

@@ -0,0 +1 @@
+\v 4  ಮುದ್ರೆನೀ ಒತ್ತಿಚ್ಕೊನೋಳ್ ಸ೦ಖ್ಯೆ ಪ್ರಸಿದ್ದಮೈನಾಪ್ಡು ನಾನು ಇನ್ಟಿ . ಇಸ್ರಾಯೇಲ್ಯುಲಾ ಪ್ರತಿಯೋಕ್ಕ ಕುಲನ್ಕಿ ಸೇರು೦ಡೋಳೂ ಒತ್ತಿಚ್ಕೊನ್ಲಿ . ವಾಳ್ ಸ೦ಖ್ಯೆ ಒ೦ಕ್ಕ ಲಕ್ಷದ ನಲಪೈ ನಾಲ್ಗು ಸಾವಿರ ಜನಲೂ . \v 5 ಕುಲಮ್ಲಾ ಮುದ್ರೆ ಹೇಬಿಚ್ಕೊನೋಳು ಪನ್ನೇ೦ಡು ಸಾವಿರ ಜನಲೂ , ರೂಬೇನ್ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , ಗಾದ್ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , \v 6 ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , ನೆಫ್ತಲೀ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , ಮನಾಸ್ಸೇ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ ,

07/07.txt

@@ -0,0 +1 @@
+\v 7 ಸಿಮೆಯೋನ್ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ ,ಲೇವಿ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , ಇಸ್ಸಕಾರ್ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , \v 8 ಜೆಬುಲೋನ್ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , ಯೋಸೆಫ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , ಬೆನ್ಯಾಮಿನ್ ಕುಲಮ್ಲಾ ಪನ್ನೇ೦ಡು ಸಾವಿರ ಜನಲೂ , ವು೦ಡ್ಲಿ .

07/09.txt

@@ -0,0 +1 @@
+\v 9  ಇವೀ ಅಮೆಕಿ೦ದ್ದ ಯೋಳ್ಯಿಚ್ಚನೂ ಎಣಿಸೆಕ್ಕಿ ಕಾನ೦ಟ್ಟ ಮಹಾ ಸಮೂಹಮು ಸಿಹಾ೦ಸನಮ್ ಮುದ್ರನೂ ಯಜ್ಞಕುರಿಯಾದಾತುಡ ಮುದ್ರನೂ ನಿಲಚ್ಕವು೦ಡೆದಾನ್ನಿ ಸೂಸ್ತಿ . ವಾಳು ಸಕಲ ಕುಲ ಪ್ರಜೆಲೂ , ಸಕಲ ಭಾಷೆಲ್ನಿಆಡೋಳ್ ಅಯ್ಯುಡ್ಲಿ . ವಾಳು ತ್ಯಲಿದೀ ನಿಲುವ೦ಗಿನೀ ಹೇಸ್ಕೊನೀ , ತಮ್ ಸೇತ್ಲಾ ಖರ್ಜೂರದಿ ಗರಿಲ್ನಿ ಪುಟ್ಕೋವು೦ಡ್ಲಿ . \v 10  ವಾಳು ಸಿ೦ಹಾಸನಮ್ಲಾ ಆಸೀನಮೈನಟ್ಟ ಮಾ ದೇವುಡ್ಕಿ ಯಜ್ಞಕುರಿಯಾದಾತುಡ್ಕೂ ಮಾಕು ರಕ್ಷಣೆ ಉ೦ಟಾಯದಾನ್ಕು ಸ್ತೋತ್ರಮು ಅನಿ ಪೆದ್ದ ಶಬ್ದಮ್ನಿಚ್ಚ ಕೂಸ್ಲಿ .

07/11.txt

@@ -0,0 +1 @@
+\v 11  ಅಂಚೋಪ್ಕಿ ದೇವದೂತುಲ್ ಅದ್ರೂ ಸಿ೦ಹಾಸನಮ್ಲಾ ವು೦ಡ ಹಿರಿಯುಲು ನಾಲ್ಗು ಜೀವಿಲೂ ಇವುಟ್ಲೂ ಸುತ್ತನೂ ನಿಲಚ್ಕವು೦ಡ್ಲಿ . ವಾಳು ಸಿ೦ಹಾಸನಮ್ ಮುದ್ರ ಅಡ್ಡಪೋಡಿ ಆಮೆನ್ ಅನ್ಲಿ . \v 12  ಸ್ತೋತ್ರಮು , ಪ್ರಭಾವಮು , ಜ್ಞಾನಮು , ಕೃತಜ್ಞತಾಸುತ್ತಿ , ಮಾನಮು , ಬಲಮೂ , ಶಕ್ತಿ , ಮಾ ದೇವುಡ್ಕಿ ಯುಗಯುಗಾ೦ತರಮ್ಲಾನು ವು೦ಡ್ನಿ , ಆಮೆನ್ ಅನಿ ಸೊಪ್ಪಿ ದೇವುಡ್ನಿ ಆರಾಧಿಚ್ಲಿ .

07/13.txt

@@ -0,0 +1 @@
+\v 13  ದೀನಿ ಸೂಸ್ಸಿ ಹಿರಿಯುಲಾ ಒ೦ಕ್ಕಡು ತ್ಯಲ್ದಿ ನಿಲುವ೦ಗಿನೀ ಹೇಸ್ಕೊನು೦ಡಟ್ಟ ವೂಳು ಯೋಳು ? ಯಾನಿಚ್ಚ ವಚ್ಲಿ ಅನಿ ನನ್ನೀ ಅಡಗ್ನಪ್ಡು - ಅಯ್ಯಾ ನೀಕೇ ಗೊತ್ತು ಅನಿ ಸೋಪ್ತಿ . \v 14  ವಾಡು ನಾಕಿ - ವೂಳು ಆ ಮಹಾ ಹಿ೦ಸೆನೀ ಅನುಭವಿಚ್ಚಿ ವಚ್ನೋಳು ; ಯಜ್ಞಕುರಿಯಾದಾತುಡ ರಕ್ತಮ್ಲಾ ತಮ್ ನಿಲುವ೦ಗಿಲ್ನಿ ಕಡಿಕೊನೀ ಶುದ್ದಮ್ ಸೇಸ್ನಾಳು .

07/15.txt

@@ -0,0 +1 @@
+\v 15 ಈ ಕಾರಣಮ್ನಿಚ್ಚ ವಾಳು ದೇವುಡ ಸಿಹಾ೦ಸನಮ್ ಮುದ್ರ ವು೦ಡ್ಕನೀ ಆತುಡು ಆಲಯಮ್ಲಾ ಹಗಲಿರುಳು ಆತುಡ ಸೇವೆನೀ ಸೇಸ್ತಾವುನ್ನಾರು ; ಸಿ೦ಹಾಸನಮ್ಲಾ ಕುಚ್ಚವು೦ಡ ಆತುಡು ಗುಡಾರಮ್ಲಕ ವಾಳ್ನಿ ಆವರಿಸ್ತಾಡು . \v 16    ಇ೦ಕ್ ಮಿದ್ದ ವಾಳ್ಕಿ ಆಕ್ಲೆ ಅನೇದೇ ಲೇದು , ದಾಹಮೆ ಲೇದು , ವಾಳ್ಕಿ ಯಡ್ಡ ಐತ್ನೂ ಯಾವದೇ ಝಳಮೈತ್ನೂ ವಾಳ್ನಿ ಮುಟ್ಟೆ ಲೇದು . \v 17 ಸಿ೦ಹಾಸನಮ್ಮಧ್ಯಲಾ ವು೦ಡ ಯಜ್ಞಕುರಿಯಾದಾತುಡು ವಾಳ್ಕಿ ಕುರುಬುಡ ರೀತಿ ವು೦ಡ್ಡಿ ಜೀವಜಲ ಒರೆತೆಲ್ ಹತ್ರಿಕ್ಕಿ ನಡಿಪಿಸ್ತಾಡು . ದೇವುಡು ವಾಳ್ ಕಣ್ಣೂಳ್ನೆಲ್ಲಾ ಒರಿಸ್ತಾಡು ಅನಿ ಸೋಪ್ಪೆ .

08/01.txt

@@ -0,0 +1 @@
+\v 1 ಯೋಡ್ನೆ ಮುದ್ರೆನೀ ಪೋಗಲ್ ಪೆಟ್ನಾಪ್ದು ಸುಮಾರು ಅರ್ಧಗ೦ಟೆ ಸಮಯಮ್ ತನಕ ಪರಲೋಕಮು ನಿಶ್ಯಬ್ದಮ್ ಆಯಾ . \v 2 ಅಪ್ಡು ದೇವುಡ ಸನ್ನಿಧಿಲಾ ನಿಲಚ್ಕವು೦ಡ ಯೋಡು ಮ೦ದಿ ದೇವದೂತುಲ್ನಿ ಸೂಸ್ತಿ ; ವಾಳ್ಕಿ ಯೋಡು ತುತೂರಿಲೂ ಇಚ್ಛೆ .

08/03.txt

@@ -0,0 +1 @@
+\v 3 ಅಮೆಕಿ೦ದ್ದ ಇಕ್ಕೊಕ್ಕ ದೇವದೂತುಡು ವಚ್ಚಿ ಯಜ್ಞವೇದಿ ಹತ್ರ ನಿಲಿಚ್ಕೊನೇ ; ವಾಡ್ ಸೇತ್ಲಾ ಚಿನ್ನದ ಧೂಪರಾತಿ ವು೦ಡ್ಡೆ . ಸಿಹಾ೦ಸನಮ್ ಮು೦ದಣ ಚಿನ್ನದ ಧೂಪರಾತಿ ಮಿ೦ದ್ದ ದೇವುಡ್ ಜನಲಾ ಪ್ರಾರ್ಥನೆಯೆಲ್ಲಾ ಜೊತ್ಲಾ ಸಮರ್ಪಿಚ್ಚೆಕ್ಕಿ ವಾಡ್ಕಿ ಜ್ಯಾಸ್ತಿ ಧೂಪಮು ಇಚ್ಚಲ್ ಪಡುಡ್ಡೆ . \v 4  ಅಪ್ಡು ಧೂಪದೀ ಪಗ ದೇವದೂತುಡ ಸೈಯಿ೦ಚ್ಚ ವಚ್ಚಿ ದೇವುಡ್ ಜನಲಾ ಪ್ರಾರ್ಥನೆ ಜೊತ್ಲಾ ಸೇರಿ ದೇವುಡ ಸನ್ನಿಧಿಕಿ ಏರಿಪಾಯ . \v 5 ಆ ದೇವದೂತುಡು ಧೂಪರಾತಿನಿ ಸಿಸ್ಕೊನೀ ಯಜ್ಞವೇದಿಮಿ೦ದ್ದ ವು೦ಡ್ಡ ಕೇ೦ಡಲ್ನಿಚ್ಚ ನಿಪ್ಪಿ ಭೂಮಿಕಿ ಪಾರೆಸೆ . ಅಪ್ಡು ಗುಡುಗು , ವಾಣಿಲೂ , ಮಿ೦ಚುಲೂ ಭೂಕ೦ಪಮೂ ಉ೦ಟಾಯ .

08/06.txt

@@ -0,0 +1 @@
+\v 6 ಯೋಡು ತುತೂರಿಲ್ನಿ ಪುಟ್ಕನು೦ಡಟ್ಟ ಯೋಡು ಮ೦ದಿ ದೇವದೂತುಲು ತುತೂರಿಲ್ನಿ ಊದೆಕೀ ಸಿದ್ದಮ್ ಸೇಸ್ಕೊನ್ಲಿ . \v 7  ಮೊದಲ್ನೇ ದೇವದೂತುಡು ತುತೂರಿನೀ ಉದನಾಪ್ಡು ರಕ್ತಮ್ಲಾ ಕಲಪ್ನಾಟ್ಟ ಆನೆಕಲ್ಲಿನ ವಾನ , ಅಗ್ಗಿ , ಭೂಮಿಕಿ ಸುರಿಬಿಚಲ್ಪಟ್ಟೆ ; ಭೂಮಿಲೊಗ ಮುಡ್ಲಾ ಒ೦ಕ್ಕ ಭಾಗಮು ಕಾಲ್ಚಪಾಯ ; ಮಾನ್ಲಾ ಮುಡ್ಲಾ ಒ೦ಕ್ಕ ಭಾಗಮು ಕಾಲ್ಚಪಾಯ ; ಪೋಸರ್ ಕೊಸವೆಲ್ಲಾ ಕಾಲ್ಚಪಾಯ .

08/08.txt

@@ -0,0 +1 @@
+\v 8 ರೊ೦ಡ್ಡನೇ ದೇವದೂತುಡು ತುತೂರಿನೀ ಉದನಾಪ್ಡು ಅಗ್ಗಿ ಕತ್ಕೊನಿ ಉರುಸ್ತಾವು೦ಡ ಪೆದ್ದಿದಿ ಬೆಟ್ಟಲಕ ವು೦ಡ ಒ೦ಕ್ಕ ವಸ್ತು ಸಮುದ್ರಾನ್ಕಿ ಪೊಡೆ . ಅಪ್ಡು ಸಮುದ್ರಲಾ ಮುಡ್ಲಾ ಒ೦ಕ್ಕ ಭಾಗಮು ರಕ್ತಮ್ ಅಯಾ . \v 9  ಜೀವಿಲಾ ಮುಡ್ಲಾ ಒ೦ಕ್ಕ ಭಾಗಮು ಸೇಚ್ಚಿಪಯಾ ; ಹಡಗುಲಾ ಮುಡ್ಲಾ ಒ೦ಕ್ಕ ಭಾಗಮು ನಾಶಮ್ ಅಯಾ .

08/10.txt

@@ -0,0 +1 @@
+\v 10 ಮುಡ್ನೆ ದೇವದೂತುಡು ತುತೂರಿ ಉದನಾಪ್ಡು ಪ೦ಜುಲಕ ಉರ್ಸೆ ಒ೦ಕ್ಕ ಪೆದ್ದ ನಕ್ಷತ್ರಮೂ ಆಕಾಶಮ್ನಿಚ್ಚ ಪೊಡೆ . ಅಪ್ಡು ನದಿಲೋಗ ಮುಡ್ಲಾ ಒ೦ಕ್ಕ ಭಾಗಮ್ಮಿದ್ದನೂ , ನೂಳು ಒರೆತಲ್ಮಿದ್ದನೂ ಪೊಡೆ . \v 11 ಆ ನಕ್ಷತ್ರನ್ಕಿ ಮಾಚಿಪತ್ರೆ ಅನೆ ಪೇರು . ನೂಳ್ಲೊಗ ಮುಡ್ಲಾ ಒ೦ಕ್ಕ ಭಾಗಮು ಮಾಚಿಪತ್ರೆಲಕ ಕಹಿಯಾಯ . ಆ ನೂಳು ವಿಷಮ್ ಅಯ್ಯಿಂದಾನ್ಕಿಮನುಷ್ಯುಲಾ ಅನೇಕ ಜನಲೂ ಸೇಚ್ಚಿಪಾಯ್ಲಿ .

08/12.txt

@@ -0,0 +1 @@
+\v 12 ನಾಲ್ಗನೆ ದೇವದೂತುಡು ತುತೂರಿನೀ ಉದನಾಪ್ಡು ಸೂರ್ಯ , ಚ೦ದ್ರ , ನಕ್ಷತ್ರಲ್ಲೊಗ ಮುಡ್ಲಾ ಒ೦ಕ್ಕ ಭಾಗಮು ಬಡಿಯಲ್ಪಟ್ಟಿ ಸಿಕ್ಟಿ ಅಯಾ . ದಾನಿಚ್ಚ ಎಲುಗುಲೋಗ ಮುಡ್ಲಾ ಒ೦ಕ್ಕ ಭಾಗಮು ಪ್ರಕಾಶಮುಲೇನ್ದನೆ ವು೦ಡೆ. ರಾತ್ರಿನೂ ಅಟ್ಟೆ ವು೦ಡೆ .

08/13.txt

@@ -0,0 +1 @@
+\v 13 ಅಮೆಕಿ೦ದ್ದ ನಾನು ಸುಸ್ನಾಪ್ಡು ಇಗೋ ಒ೦ಕ್ಕ ಗರುಡ ಪಕ್ಷಿ ಆಕಾಶ ಮಧ್ಯಮ್ಲಾ ಹಾರಾಡ್ತಾ ವು೦ಡೆ . ಅದಿ - ಅಯ್ಯೋ ಅಯ್ಯೋ ಅಯ್ಯೋ dಉದಬೆಕೈಯು೦ಡ ಮೂಡು ದೇವದೂತುಲ ತುತೂರಿ ಧ್ವನಿ ಉ೦ಟೈನಪ್ಡು ಭೂನಿವಾಸಿಲ್ಕಿ ಎ೦ಥಾ ವಿಪತ್ತುಲೂ ಸ೦ಭವಿಸ್ತಾವೀ ಅನಿ ಪೆದ್ದ ಶಬ್ದಮ್ನಿಚ್ಚ ಸೋಪ್ಪೆದಾನ್ನಿ ಇನ್ಟಿ .

09/01.txt

@@ -0,0 +1 @@
+\v 1 ಐದ್ನೆ ದೇವದೂತುಡು ತುತೂರಿನೀ ಉದಾನಪ್ಡು ಆಕಾಶಮ್ನಿಚ್ಚ ಭೂಮಿಕಿ ಪಡ್ನಟ್ಟ ಒ೦ಕ್ಕ ನಕ್ಷತ್ರಮ್ನೀ ಸೂಸ್ತಿ . ವಾಡ್ಕಿ ಅಧೋಲೋಕಕ್ಕಿ ಪೈಯೇ ಕೂಪದಿ ಬಿಗ್ದೆಷ್ಟುಲು ಇಚ್ಚಲ್ ಪಟ್ಟೆ . \v 2 ವಾಡು ಅಧೋಲೋಕದ ಕೂಪನಿ ಸಿಸ್ನಾಪ್ಡು ಕೂಪಮ್ನಿಚ್ಚ ವಚ್ನಾಟ್ಟ ಪಗ ಪೆದ್ದ ಕುಲುಮೆ ಪಗರೀತಿ ಏರೆ . ಕೂಪಮನ ಪಗನಿಚ್ಚ ಸೂರ್ಯುಡು ಆಕಾಶಮು ಸೀಕ್ಟಿ ಅಯಾ .

09/03.txt

@@ -0,0 +1 @@
+\v 3 ಪಗಲೋಗನಿಚ್ಚ ಮಿಡತೆಲು ಭೂಮಿಮಿ೦ದ್ದ ವಚ್ಚೆ . ಭೂಮಿಲಾವು೦ಡ ಚೆಳುಳ್ಕಿ ಸಾಮರ್ಥ್ಯವು೦ಡ ಪ್ರಕಾರ೦ಗ ಅವುಟ್ಲುಕಿ ಸಾಮರ್ಥ್ಯಮ್ ಇಚ್ಚಲ್ ಪಟ್ಟೆ . \v 4  ಭೂಮಿಮಿ೦ದ್ದ ವು೦ಡ ಕೊಸ್ವುಕಾನಿ ಯಾವ್ದೇ ಪಲ್ಯಂಕಾನಿ ಮನ್ಕಾನೀ , ಸೇಡಪ್ದನೆ ಹಣೆಮಿ೦ದ್ದ ದೇವುಡ ಮುದ್ರೆಲೇನಟ್ಟ ಮನುಷ್ಯುಲ್ನಿ ಮಾತ್ರ ಸೇಡಪೋಚ್ ಅನಿ ಅವುಟ್ಲಿಕಿ ಅಪ್ಪಣೆ ಅಯಾ .

09/05.txt

@@ -0,0 +1 @@
+\v 5 ವುಳ್ನಿ ಸೇಪ್ದನೆ ಐದ್ ತಿ೦ಗಳ್ ತನಕ ಪೀಡಿಚ್ಚೆಕಿ ಅಪ್ಪಣೆ ಅಯಾ .ವಾಳ್ಕಿ ಉ೦ಟೈಯೇ ಪೀಡೆ ಮಲ್ಲಿ ಚೇಳು ಮನುಷ್ಯುಡ್ನಿ ಕೊಟ್ಟೆದಾನಿಚ್ಚ ಉ೦ಟೈಯೇ ಪೀಡೆಕಿ ಸಮಾನಮ್ ಅಯ್ಯು೦ಡೆ . \v 6  ಆ ಕಾಲಮ್ಲಾ ಮನುಷ್ಯುಲು ಮರಣಾನೀ ಬಯಸ್ತಾರು , ಅಯ್ತೆ ಅದಿ ಪ್ರಾಪ್ತಮ್ ಅಯ್ಯೇಲೇ ; ಸೇಚ್ಚಿಪೋವಲನಿ ಇಷ್ಟಮ್ ಪಡ್ತಾರು , ಅಯ್ತೆ ಮೃತ್ಯು ವಾಳ್ ಬಳಿಯಿ೦ಚ್ಚ ಪಾರಿ ಪತಾದೀ .

09/07.txt

@@ -0,0 +1 @@
+\v 7 ಆ ಮಿಡತೆಲ ರೂಪಮು ಯುದ್ದನ್ಕಿ ಸಿದ್ದಮೈನಟ್ಟ ಕುದುರೆಲ್ತರ ವು೦ಡೆ . ಅವುಟ್ಲು ತಲ್ಕೆಮಿ೦ದ್ದ ಚಿನ್ನಮ್ದಿ ಕಿರೀಟಲಕ ಹೇಮೋ ವು೦ಡೆ . ಅವುಟ್ಲು ಮಖಮು ಮುನುಷ್ಯುಲ್ ಮಖಮ್ಲಕ ವು೦ಡೆ . \v 8  ಆಡೋಳ್ ಹೆ೦ಟುಕ್ಲುಲಕ ಹೆಂಟುಕ್ಲು ಅವುಟ್ಲುಕಿ ವು೦ಡೆ . ಅವುಟ್ಲು ಪೋ೦ಡ್ಲು ಸಿ೦ಹ ಪೋ೦ಡ್ಲುಲಕ ವು೦ಡೆ . \v 9  ಅವುಟ್ಲುಕಿ ಉಕ್ಕು ಕವಚಲ್ ರೀತಿ ಕವಚಲ್ಲು ವು೦ಡೆ . ಅವುಟ್ಲು ರೇಕಲ್ ಶಬ್ದಮು ಯುದ್ದನ್ಕಿ ಪರಪೈಯೇ ರಥಶ್ವಾಲ್ ಶಬ್ದಮ್ ರೀತಿ ವು೦ಡೆ .

09/10.txt

@@ -0,0 +1 @@
+\v 10 ಚೇಳುಲ್ಕಿ ಅವುಟ್ಲು ಬಾಲಲ ಕೊ೦ಡಿಲು ವು೦ಡವೀ , ಮನುಷ್ಯುಲ್ನಿ ಐದ್ ತಿ೦ಗಳ್ ತನಕ ಪೀಡಿಚ್ಚೆ ಸಾಮರ್ಥ್ಯಮು ಬಾಲಮ್ಲನೇ ವು೦ಟಾದಿ . \v 11 ಅಧೋಲೋಕ ಅಧಿಕಾರಿ ಅಯ್ನಾಟ್ಟ ದೂತುಡು ಅವುಟ್ಲುನೀ ಆಳೇ ಅರಸುಡು ; ವಾಡ್ಕಿ ಇಬ್ರಿಯ ಭಾಷೆಲಾ ಅಬದ್ದೊನ್ ಅನಿ ಗ್ರೀಕ್ ಭಾಷೆಲಾ ಅಪೋಲ್ಲುವೊನ ಅನೆ ಪೇರ್ ವು೦ಡದೀ . \v 12  ಮೊದಲ್ನೇ ವಿಪತ್ತು ಮುಗಿಸ್ಪಯಾ ; ಇಗೋ ಇ೦ಕ್ಕ ರೋ೦ಡ್ಡು ವಿಪತ್ತುಲು ರವಲಾ .

09/13.txt

@@ -0,0 +1 @@
+\v 13  ಆರನೇ ದೇವದೂತುಡು ತುತೂರಿನೀ ಉದನಾಪ್ಡು ದೇವುಡ ಸಮ್ಮುಖಲ ಚಿನ್ನವೇದಿ ಕೊ೦ಬುಲ್ನಿಚ್ಚ ವಚ್ನಾಟ್ಟ ಮಾಟ್ನಿ ಇನ್ಟಿ . \v 14 ಅದಿ ತುತೂರಿನೀ ಪುಟ್ಕನು೦ಡ ಆರನೇ ದೇವದೂತುಡ್ಕಿ - ಯೂಫ್ರೆಟೀಸ್ ಅನೆ ಪೆದ್ದ ನದಿ ಬಳಿಲಾ ಕಟ್ಟುಡ ನಾಲ್ಗು ಮ೦ದಿ ದೇವದೂತುಲ್ನಿ ಇಪ್ಪಿ ಇಸ್ಪೆಟ್ಟು ಅನಿ ಸೋಪ್ಪೆ . \v 15 ಮನುಷ್ಯುಲ್ಲೊಗ ಮುಡ್ಲಾ ಒ೦ಕ್ಕ ಭಾಗಮು ಜನಲ್ನಿ ಸ೦ಹಾರಮ್ ಸೇಸೆಕ್ಕೆ ಅದೇ ಯಾಡದಲ ಅದೇ ತಿ೦ಗಳ್ಲ ದಿನಮ್ ಪೋದ್ಕಿ ಸಿದ್ದಮೈನಟ್ಟ ಆ ನಾಲ್ಗು ಮ೦ದಿ ದೇವದೂತುಲ್ನಿ ಇಪ್ಪಿ ಇಸ್ಪೆಟ್ಲಿ .

09/16.txt

@@ -0,0 +1 @@
+\v 16  ಕುದ್ರೆ ದ೦ಡಿನೋಳ್ ಸ೦ಖ್ಯೆ ಇಪ್ಪತ್ತು ಕೋಟಿ ಅನಿ ನಾಕಿ ಇನ್ಬಡಿಚ್ಚೆ . \v 17  ನಾನು ದರ್ಶಮ್ಲಾ ಸೂಸ್ನಟ್ಟ ಕುದುರೆಲು ಮಲ್ಲಿ ಸವಾರುಲ ವಿವರಣೆ ಯಟ್ಟ ಅ೦ಟ್ಟೆ ಸವಾರುಲ ಕವಚ ಬಣ್ಣಮು ಅಗ್ಗಿ , ಪಗ , ಗ೦ಧಕಮ್ , ಇವುಟ್ಲು ಬಣ್ಣಮ್ಲಕ ವು೦ಡೆ . ಕುದುರೆಲ ತಲಕೈಲು ಸಿ೦ಹ ತಲಕೈಲಕ ವು೦ಡೆ . ಅವುಟ್ಲು ನೋರ್ನಿಚ್ಚ ಅಗ್ಗಿ , ಪಗ , ಗ೦ಧಕಮು ವಸ್ತವು೦ಡೆ .

09/18.txt

@@ -0,0 +1 @@
+\v 18  ಅವುಟ್ಲು ನೋರ್ನಿಚ್ಚ ವಚ್ನಟ್ಟ ಅಗ್ಗಿ , ಪಗ , ಗ೦ಧಕ ಅನೆ ಮೂಡು ಉಪದ್ರವನಿಚ್ಚ ಮನುಷ್ಯುಲ ಮುಡ್ನೆ ಭಾಗಮು ನಾಶಮಾಯ . \v 19 ಆ ಕುದುರೆಲ್ ಸಾಮರ್ಥ್ಯಮು ಅವುಟ್ಲು ನೋರ್ಲನು , ಬಾಲಮ್ಲಾನು , ವು೦ಡೆ . ಅವುಟ್ಲು ಬಾಲಲು ತಲಕೈಲಕವು೦ಡಿ ಸರ್ಪಲಕ ವು೦ಡೆ . ಅವಿ ಕೆಡ್ನಿ ಉ೦ಟು ಸೇಸ್ತಾವೀ .

09/20.txt

@@ -0,0 +1 @@
+\v 20  ಉಪದ್ರವಲಿಂಚ್ಚ ಸೇಚ್ಚಿ ಪೋನ್ದನೆ ಉಳಿಸ್ನಾಟ್ಟ ಜನಲು ವಾಳೆ ಸೆಸ್ಕಾನಟ್ಟ ವಿಗ್ರಹಲ್ನಿ ಇಸ್ಪೆಟ್ಟಿ ದೇವುಡ ಕಡೆಕಿ ತಿರಗ್ಲೇದು . ವಾಳು ದೈಮುಲ ಪೂಜೆನೀ ಬ೦ಗಾರಮು , ಬೆಳ್ಳಿ , ತಾಮ್ರಮು , ರಾಯಿ , ಮಾನು , ಇ೦ಕ್ಕ ಬೇರೇಯುವುಟ್ಲಿಚ್ಚ ಸೇಸ್ನಾಟ್ಟ ಸೂಸ್ದನೆ , ಇನ್ದನೇ , ನಡಿಸ್ದನೆ , ವು೦ಡ ವಿಗ್ರಹಲ ಪೂಜೆನೀ ಇಸ್ಪೆಟ್ಲೆದು . \v 21  ಇದುಕಾಕು೦ಡ ವಾಳು ಸೆಸ್ತಾವು೦ಡ ಕೊಲೆ , ಮಾಟಮು , ಜಾರತ್ವಮು , ದೊಂಗತನಮು ಇವುಟ್ಲ ಒ೦ಕ್ದನೀ ಕೂಡ ಇಸ್ಪೆಟ್ಟಿ ಮಾನಸಾ೦ತರಮ್ ಸೇಸ್ಕೊಲೇದು .

10/01.txt

@@ -0,0 +1 @@
+\v 1  ತರುವಾಯಮು ಬಲಿಷ್ಟಮೈನ ಇ೦ಕ್ಕೋಕ ದೇವದೂತುಡು ಪರಲೋಕಮ್ನಿಚ್ಚ ದಿಗಿ ವಚ್ಚೆದಾನಿ ಸೂಸ್ತಿ . ವಾಡು ಮೇಘನೀ ಧರಿಬಿಚ್ಕೊವು೦ಡೆ ; ವಾಡ್ ತಲಕೈಮಿಂದ್ದ ಮುಗಿಲು ಬಿಲ್ಲು ವು೦ಡೆ ; ವಾಡ್ ಮಖಮು ಸೂರ್ಯೋಪಾಧಿವು೦ಡೆ . \v 2  ವಾಡ್ ಪಾದಲು ಅಗ್ಗಿ ಕ೦ಬಲಕ ವುಂಡೆ ; ವಾಡ್ ಸೇತ್ಲಾ ಇಪ್ನಾಟ್ಟ ಒ೦ಕ್ಕ ಸನ್ನಿದಿ ಸುರುಳಿ ವುಂಡೆ ; ವಾಡು ಕುಡುಮ್ ಕಾಲ್ನಿ ಸಮುದ್ರಮ್ಮಿಂದ್ದನೂ ಹೇಡಮ್ ಕಾಲ್ನಿ ಭೂಮಿಮಿನ್ದನೂ , ಪೆಟ್ಟಿ ಸಿ೦ಹಮೂ ಗರ್ಜಿಚ್ಚೆ ಪ್ರಕಾರ೦ಗ ಪೆದ್ದ ಶಬ್ದಮ್ನಿಚ್ಚ ಕೂಸೆ .

10/03.txt

@@ -0,0 +1 @@
+\v 3  ಕೂಸ್ನಾಪ್ಡು ಯೋಡು ಗುಡುಗುಲು ಒಕ್ಕೋಕ್ ಟೈಯಿ ಮಾಟನಿ ಇಚ್ಚೆ . ಆ ಯೋಡು ಗುಡುಗುಲು ಮಟ್ಲಾಡ್ನಪ್ಡು ನಾನು ರಾತಮು ಅನ್ಕೊನ್ನುಟ್ಟಿ . ಅಯ್ತೆ - ಆ ಯೋಡು \v 4 ಗುಡುಗುಲು ಮಟ್ಲಾಡಿನ್ದಾನಿ ನೂವ ರಾಸ್ದನೆ ಗುಪ್ತಮೈಯ್ಯಿ ಪೆಟ್ಟು ಅನೆ ಸೋಪ್ಪ ಆಕಾಶ ವಾಣಿನೀ ಇನ್ಟಿ .

10/05.txt

@@ -0,0 +1 @@
+\v 5 ಅಮೆಕಿ೦ದ್ದ ಸಮುದ್ರಮಿನ್ದನೂ , ಭೂಮಿಮಿನ್ದನೂ , ನಿಲ್ಚಕನ್ ವು೦ಡೆ ರೀತಿ ನಾಕಿ ಕಮಡಿಚ್ಚಿನಾ ದೇವದೂತುಡು ವಾಡ್ ಕುಡಮ್ ಸೈ ಎತ್ತಿ ಪರಲೋಕಮ್ನೀ ದಾಟ್ಲವುಂಡ ಸಮಸ್ತನ್ನಿ , ಭೂಮಿಲಾವುಂಡ ಸಮಸ್ತನ್ನಿ , \v 6 ಸಮುದ್ರಮ್ಲಾವುಂಡ ಸಮಸ್ತನ್ನಿ ಸೃಷ್ಟಿಚ್ಚಿ ಯುಗಯುಗಾ೦ತರಮ್ಲಾನು ಜೀವಿಚ್ಚೆ ಆತುಡ ಮಿಂದ್ದ ಆಣೆ - ಪೆಟ್ಟಿ ಇಕ್ಕ ಅವಕಾಶಮು ವುಂಡೆಲೇದು . \v 7 ದೇವದೂತುಡು ಶಬ್ದಮ್ ಸೇಸ್ಸೇ ದಿನಮ್ಲಾ ಅಟ್ಟೆ ವಾಡು ತುತೂರಿನೀ ಊದೇ ಸಮಯಮ್ಲ ದೇವುಡು ಇನ್ನಿ ತನಕ ಗುಪ್ತಮೈ ಪೆಟ್ನಾಟ್ಟ ಸ೦ಕಲ್ಪನೀ ತನ್ ದಾಸುಲ್ ಐನಾ ಪ್ರವಾದಿಲ್ಕಿ ಶುಭವರ್ತಮೈಯ್ಯಿ ತಿಲಿಬಿಚ್ನಟ್ಟ ಪ್ರಕಾರ೦ಗ ನೇರೆವೇರಿಸ್ತಾಡು ಅನಿ ಸೊಪ್ನಾಡು .

10/08.txt

@@ -0,0 +1 @@
+\v 8  ಅಮೆಕಿ೦ದ್ದ ಪರಲೋಕಮ್ನಿಚ್ಚ ನಾಕಿ ಇನ್ಬಡಿಚ್ನಾಟ್ಟ ಶಬ್ದಮು ತಿರುಗಿ ನಾ ಜೊತ್ಲಾ ಮಾಟಾಡಿ ನೂವ ಪೈಯ್ಯಿ ಸಮುದ್ರಮಿನ್ದನೂ , ಭೂಮಿಮಿನ್ದನೂ ನಿಲಚ್ಕನ್ನುಂಡ ದೇವದೂತುಡ ಸೈಲಾ ವುಂಡ ಆ ಇಪ್ನಾಟ್ಟ ಸುರುಳಿನೀ ಸಿಸ್ಕೋ ಅನಿ ಸೋಪ್ಪೆ . \v 9  ನಾನು ದೇವದೂತುಡ ಹತ್ರನ್ಕಿ ಪೈಯ್ಯಿ ಆ ಸನ್ನ ಸುರುಳಿನೀ ನಾಕಿ ಇಯ್ಯಿ ಅನಿ ಅಡಗ್ನಪ್ಡು ವಾಡು ನಾಕಿ - ನೂವ ದಿನ್ ನೀ ಸಿಸ್ಕೊನೀ ತಿನೀಡಿ , ಇದಿ ನೀ ಕೊಡಪ್ನಿ ಕಹಿ ಅಯ್ಯೇ ರೀತಿ ಸೇಸ್ತಾದೀ ಅಯ್ತೆ ನೀ ನೋಟ್ಲ ಜೇನ್ಕಿಂತ ಸಿಹಿ ಅಯ್ಯಿ ವುಂಟಾದೀ ಅನಿ ಸೋಪ್ಪೆ .

10/10.txt

@@ -0,0 +1 @@
+\v 10  ಅಪ್ಡು ನಾನು ಆ ಸುರಳಿನೀ ಆ ದೇವದೂತುಡ ಸೈಯಿಚ್ಚ ಸಿಸ್ಕೊನಿ ತಿನಿಸ್ತಿ . ಅದಿ ನಾ ನೋಟ್ಲ ಜೇನ್ಲಕ ಸಿಹಿ ಅಯ್ಯುಂಡೆ ; ದಾನಿ ತಿನ್ ಅಮೆಕಿ೦ದ್ದ ನಾ ಕೊಡ್ಪು ಕಹಿ ಅಯಾ . \v 11 ಅಮೆಕಿ೦ದ್ದ ಇ೦ಕ್ಕ ನೂವ ಅನೇಕಮೈನಟ್ಟ ಪ್ರಜೆಲು , ಜನಮು , ಭಾಷೆ , ರಾಜುಲು , ವುಳ್ ವಿಷಯಮ್ಲ ಪ್ರವಾದನೇನೀ ಸೋಪ್ಪಾಲ್ ಅನಿ ನಾಕಿ ತಿಲ್ಬಿಚಲ್ ಪಟ್ಟೆ .

11/01.txt

@@ -0,0 +1 @@
+\v 1 ತರುವಾಯಮು ದಂಡಮ್ಲಕ ವುಂಡ ಒಕ್ಕ ಅಳತೆ ಕಟ್ಟಾ ನಾ ಸೇತ್ಕಿ ಇಚ್ಚಲ್ಪಟ್ಟೆ . ಮಲ್ಲಿ ಒಕ್ಕ ವಾಣಿ ಉಂಟಾಯ . ಅದಿ ನಾಕಿ ಸೋಪ್ಪಿದ್ ಹೆಮಂಟ್ಟೆ - ನೂವ ಲೇಸಿ ದೇವುಡ ಆಲಯಾನೀ ಯಜ್ಞವೇದಿನೀ ಅಳತೆ ಸೇಸಿ ಆಲಯಮ್ಲಾ ಆರಾಧನೆ ಸೇಸೋಳ್ನಿ ಲೇಕ್ಕಮ್ ಸೇಯ್ಯಿ . \v 2  ಆಲಯನ್ಕಿ ಅತಾರವುಂಡ ಅ೦ಗಳಾನೀ ಅಳತೆ ಸೇಸ್ದನೆ ಇಸ್ಪೆಟ್ಟು ; ಅದಿ ಅನ್ಯ ಜನಲಕೈಯ್ಯಿ ಇಸ್ಪೆಟ್ಟುಡಾದೀ ; ವಾಳು ಪರಿಶುದ್ದ ಪಟ್ಟಣಮ್ನಿ ನಲ್ಪೆರೊಂಡು ನೆಲ್ಲು ತೊಕ್ತಾರೂ .

11/03.txt

@@ -0,0 +1 @@
+\v 3 ನಾ ಇದ್ರೂ ಸಾಕ್ಷಿಲು ಗೊನ್ತಿತ್ನಿ ಕಟ್ಕೊನೀ ಸಾವಿರದ ಇನ್ನೂರ ಅರವೈ ದಿನಲ್ ತನಕ ಪ್ರವಾದಿಚ್ಚೆ ರೀತಿ ಸೇಸ್ತಾನೂ . \v 4 ಭೂಮಿ ಒಡೆಯುಡ್ ಮುದ್ರ ನಿಲ್ಚನುಂಡ ರೊಂಡು ಎಣ್ಣೆ ಮಾನ್ಲು ರೊಂಡು ದೀಪಸ್ತಂಭಲು ವೂಳೆ . \v 5 ವುಳ್ಕಿ ಯೋವಡ್ ಐತ್ನೂ ಕೆಡ್ನಿ ಉಂಟುಸೇಯಲಾ ಅನ್ಕನುಟ್ಟೆ ವುಳ್ ನೋಟ್ನಿಚ್ಚ ಅಗ್ಗಿ ವಚ್ಚಿ ವುಳ್ ಶತ್ರುಲ್ನಿ ದಹಿಸ್ತಾದೀ .

11/06.txt

@@ -0,0 +1 @@
+\v 6  ವುಳ್ಕಿ ಯೋವಡ್ ಐತ್ನೂ ಕೆಡ್ನಿ ಉಂಟುಸೇಯಲಾ ಅನ್ಕನುಟ್ಟೆ ವಾಡ್ಕಿ ಈ ರೀತಿಅಯ್ಯಿ ಕೊಲೆಕವಲಾ . ವಾಳು ಪ್ರವಾದಿಚ್ಚೆ ದಿನಮ್ಲಾ ವಾನ ರಾನ್ನಟ್ಗ ಆಕಾಶಮ್ನಿ ಮೂಸೆ ಅಧಿಕಾರಮು ವುಳ್ಕಿ ವುಂಡಾದೀ . ಇದುಕಾಕು೦ಡ ವುಳ್ಕಿ ಇಷ್ಟಮ್ ವಚ್ನಾಪ್ಡೆಲ್ಲಾ ನೂಳ್ನಿ ರಕ್ತಮ್ ಸೇಸೆಕ್ಕು ಅನೇಕ ಉಪದ್ರವಲ್ನಿಚ್ಚ ಭೂಮಿನೀ ಪಿಡಿಚ್ಚೆಕ್ಕೂ ಅಧಿಕಾರಮ್ ವುಂಡಾದೀ . \v 7 ವೂಳು ವುಳ್ ಸಾಕ್ಷಿನೀ ಸೊಪ್ಪಿ ಮುಗಿಚ್ ಅಮೆಕಿ೦ದ್ದ ಅಧೋಲೋಕಂನಿಚ್ಚ ವಚ್ಚೆ ಮೃಗಮು ವುಳ್ ಮಿಂದ್ದ ಯುದ್ದಮ್ ಸೇಸ್ಸಿ ವುಳ್ನಿ ಜಯಿಚ್ಚಿ ಸೇಪ್ತಾದೀ .

11/08.txt

@@ -0,0 +1 @@
+\v 8 ಸಾಕ್ಷಿಲಾ ಶವಲೂ ಪೆದ್ದ ಪಟ್ಟಣಮ್ ಬೀದಿಲಾ ಪೋಡುನ್ಟಾವಿ . ಆ ಪಟ್ಟಣಕ್ಕಿ ಗೂಡಾರ್ಥಮೈಯ್ಯಿ ಸೋದೊಮ್ ಅನಿ ಐಗುಪ್ತಮು ಅನಿ ಪೇರುಲು ವುನ್ನಾವೀ ; ವುಳ್ ಒಡೆಯುಡು ಕೂಡ ಶಿಲುಬೆಕಿ ಹೇಸ್ಸುಡ್ಲಿ . \v 9 ಸಕಲ ಪ್ರಜೆಲೂ ಕುಲಮು ಭಾಷೆ ಜನಾಂಗಲ್ಕಿ ಸೆರುನ್ಡೋಳು ಈ ಸಾಕ್ಷಿಲಾ ಶವಲ್ನಿ ಮೂಡು ನರ್ ದಿನಲ್ ತನಕ ಸೂಸ್ತಾ ವುಂಟಾಳು . ಅವುಟ್ಲುನೀ ಸಮಾಧಿಕಿ ಪೆಟ್ಟೆಕಿ ಇಸ್ಪೆಟಲೇದು .

11/10.txt

@@ -0,0 +1 @@
+\v 10 ಈ ಇದ್ರೂ ಪ್ರವಾದಿಲು ಭೂನಿವಾಸಿಲ್ನಿ ಪಿಡಿಚ್ಚೆದಾನ್ನಿಚ್ಚ ವುಳು ಸೇಚ್ಪೋಯಿನ್ದಾನ್ಕಿ ಭೂನಿವಾಸಿಲೂ ಸಂತೋಷಮ್ ಪಡಿ ಒಕ್ಕುಲ್ಕಿ ಒಕ್ಲು ಉಡುಗೋರೆಲ್ನಿ ಅಂಪಿಸ್ತಾರು . \v 11 ಮೂಡು ನರ್ ದಿನಲ್ ಅಮೆಕಿ೦ದ್ದ ದೇವುಡ್ನಿಚ್ಚ ಜೀವಾತ್ಮಮು ವಚ್ಚಿ ಆ ಶವಲ್ ಮಿಂದ್ದ ಪೈನಪ್ಡು ಅವಿ ಕಾಲೂರಿ ನಿಲಚ್ಕನೆ .ಅವುಟ್ಲುನೀ ಸುಸ್ನಟೋಳ್ಕಿ ಪೆದ್ದ ಭಯಮು ಪುಟ್ಕನೆ . \v 12  ಅಮೆಕಿ೦ದ್ದ ವಾಳ್ಕಿ - ಗೀಕಿ ಪೈನ್ಕಿ ರಾಂಡಿ ಅನೆ ಆಕಾಶ ವಾಣಿ ಅಯಾ . ದಾನಿ ವಾಳು ಇನಿ ಮೇಘ ವಿಮಾನಮ್ಲಾ ಪರಲೊಂಕಕ್ಕಿ ಏರಿ ಪಾಯ್ಲಿ . ವಾಳ್ ಶತ್ರುಲು ವುಳ್ನಿ ಸೂಸ್ತಾ ವು೦ಡ್ಲಿ .

11/13.txt

@@ -0,0 +1 @@
+\v 13  ಅದೇ ಸಮಯಮ್ಲಾ ಮಹಾಭೂಕ೦ಪಮ್ ಅಯ್ಯಿ ಆ ಪಟ್ಟಣಮ್ಲಾ ಪೋದ್ಲಾ ಒಕ್ಕ ಭಾಗಮು ಪೋಡಿ ಪಾಯ . ಆ ಭೂಕ೦ಪಮ್ನಿಚ್ಚ ಯೋಡು ಸಾವಿರ ಜನಲು ಸೇಚ್ಚಿಪಾಯ್ಲಿ . ಮಿಕ್ನೋಳು ಭಯಗ್ರಸ್ತುಲ್ ಅಯ್ಯಿ ಪರಲೋಕ ದೇವುಡ್ನಿ ಘನಪಡಿಚ್ಲಿ . \v 14 ರೊಂಡ್ನೆ ವಿಪತ್ತು ಮುಗಿಸ್ಪಾಯ ; ಇಗೋ ಮುಡ್ನೆ ವಿಪತ್ತು ಬಿರ್ನ ವಸ್ತಾದೀ

11/15.txt

@@ -0,0 +1 @@
+\v 15  ಯೋಡ್ನೆ ದೇವದೂತುಡು ತುತೂರಿನೀ ಉದಾನಪ್ಡು , ಅಪ್ಡು ಪರಲೋಕಮ್ಲಾ ಮಹಾ ಶಬ್ದಮ್ ಉಂಟೈಯಿ - ಲೋಕ ರಾಜ್ಯಧಿಕಾರಮು ಮಾ ಕರ್ತುಡ್ಕೂ ಆತುಡು ಅಭಿಷೆಕಿಚ್ನೋಡ್ಕು ಉಂಟಾಯ ; ಆತುಡು ಯುಗಯುಗಾ೦ತರಮ್ಲಾನು ರಾಜ್ಯನೀ ಆಳ್ತಾಡು ಅನಿ ಸೋಪ್ಪೆ .

11/16.txt

@@ -0,0 +1 @@
+\v 16  ತರುವಾಯಮು ದೇವುಡ ಸಮಕ್ಷಮಲಾ ವಾಳ್ ವಾಳ್ ಸಿ೦ಹಾಸನಮ್ ಮಿಂದ್ದ ಕುಚನುಂಡ ಇರವೈನಾಲ್ಗು ಮ೦ದಿ ಹಿರಿಯುಲು ಆತುಡ್ಕಿ ಅಡ್ಡಪೋಡಿ - \v 17 ಕರ್ತುಡೆ , ಸರ್ವಶಕ್ತಮೈನಟ್ಟ ದೇವುಡೆ , ಸದಾ ವುಂಡಆತುಡೆ , ನೂವ ನೀ ಮಹಾ ಅಧಿಕಾರನೀ ವಹಿಸ್ಕೊನೀ ಆಳಿನ್ದಾನ್ಕಿ ನೀಕಿ ಕೃತಜ್ಞತಾಸುತ್ತಿನೀ ಸಲ್ಲಿಬಿಸ್ತಾಮು . ಜನಾ೦ಗಲೂ ಕೊಪಿಚ್ಕೊನೆ , ನೀ ಕೊಪಮು ಪ್ರಕಟಮಾಯ .

11/18.txt

@@ -0,0 +1 @@
+\v 18 ಸೇಚ್ಚಿಪೋನೋಳು ತಿರ್ಪುನೀ ಹೊಂದೆ ಸಮಯಮು ವಚ್ಚಿಂದಿ . ನೂವ ನೀ ದಾಸಲೈನ ಪ್ರವಾದಿಲ್ಕೂ ದೇವುಡ್ ಜನಲ್ಕೂ ನೀ ನಾಮಕ್ಕಿ ಭಯಮ್ ಪೊಡೆ ಪೆದ್ದೊಳ್ಕೂ , ಸಂನೋಳ್ಕೂ ಪ್ರತಿಫಲನೀ ಇಚ್ಚಿ ಲೋಕ ನಾಶಕಲ್ನಿ ನಾಶಮ್ ಸೇಸ್ತಾವ್ ಅನಿ ಆತುಡ್ನಿ ಆರಾಧಿಚ್ಲಿ .

11/19.txt

@@ -0,0 +1 @@
+\v 19 ಅಪ್ಡು ಪರಲೋಕಮ್ಲಾ ವುಂಡ ದೇವುಡ್ ಆಲಯಮು ತೆರ್ಸೆ ; ಆತುಡು ಆಲಯಮ್ಲಾ ಆತುಡ ಒಡಂಬಡಿಕೆ ಮಂಜೂಷಮು ಕಮಡಿಚ್ಚೆ ; ಇದುಕಾಕು೦ಡ ಮಿಂಚುಲೂ , ವಾಣಿಲೂ , ಗುಡುಗುಲೂ , ಭೂಕಂಪಮ್ಮು , ಪೆದ್ದ ಆನೆಕಲ್ಲಿನ ವಾನನೂ ಉಂಟಾಯ .

12/01.txt

@@ -0,0 +1 @@
+\v 1 ಪರಲೋಕಮ್ಲಾ ಒ೦ಕ್ಕ ಮಹಾ ಲಕ್ಷ್ಮಣಮೂ ಕಮಡಿಚ್ಚೆ . ಅದೇಮ್ ಅಂಟ್ಟೆ ಸೂರ್ಯುಡ್ನಿ ಧರಿಚ್ಕನು೦ಡ ಒ೦ಕ್ಕ ಸ್ತ್ರೀ ವುಂಡೆ ; ದಾನ್ ಕಾಳ್ಳು ದುಗುನ ಚಂದ್ರುಡು ವುಂಡೆ . ದಾನ್ ತಲಕೈಮಿಂದ್ದ ಪನ್ನೆಂಡು ನಕ್ಷತ್ರಲ್ ವುಂಡ ಒ೦ಕ್ಕ ಕಿರೀಟಮೂ ವುಂಡೆ . \v 2  ಆ ಸ್ತ್ರೀ ಗರ್ಭಿಣಿ ಅಯ್ಯಿ ಪ್ರಸವವೇದನೆಯಿಂಚ ಸಂಕಟಮ್ನಿ ಪಡ್ತಾ ಕುಸ್ತಾವುಂಡೆ . ಪರಲೋಕಮ್ಲಾ ಇಕ್ಕೊಕ್ಕ ಲಕ್ಷ್ಮಣಮೂ ಕಮಡಿಚ್ಚೆ .

12/03.txt

@@ -0,0 +1 @@
+\v 3 ಅದೇಮ್ ಅಂಟ್ಟೆ ಯೆರ್ರಗೈನಟ್ಟ ಪೆದ್ದ ಘಟಸರ್ಪಮ್ ವುಂಡೆ ; ದಾನ್ಕಿ ಯೋಡು ತಲಕೈಲೂ ಪದಿ ಕೊಂಬ್ಲೂ ವುಂಡೆ ; ದಾನ್ ತಲಕೈಮಿಂದ್ದ ಯೋಡು ಮಕುಟಲು ವುಂಡೆ . \v 4 ದಾನ್ ತ್ವಕಾ ಆಕಾಶಮ್ಲಾ ವುಂಡ ನಕ್ಷತ್ರಲ್ಲೋಗ ಮುಡ್ಲಾ ಒಕ್ಕ ಭಾಗಮ್ನಿ ಎಳಸ್ಕೊನೀ ಭೂಮಿಕೀ ಹೇಸ್ಸೇ . ಹೇರ್ತಾ ವುಡ್ನಾಟ್ಟ ಆ ಸ್ತ್ರೀ ಹೆತ್ತ ತಕ್ಷಣಮೇ ಆಕೆಯ ಬಿಡ್ನಿ ನುಂಗಲನೀ ಆ ಘಟಸರ್ಪಮೂ ಗಾನೆ ಕಾಸ್ಕೊನ್ನುಂಡೆ .

12/05.txt

@@ -0,0 +1 @@
+\v 5  ಆಕೆ ಜನಾಂಗಲ್ನಿ ಕಬ್ಬಿಣ ಕಟ್ನಿಚ್ಚ ಆಳಬೇಕೈನಟ್ಟ ಒಕ್ಕ ಮೋಕ್ ಸುನೋಡ್ನಿ ಹೇತ್ತೆ . ಆ ಬಿಡ್ಡ ತಕ್ಷಣಮೇ ದೇವುಡ ಬಳಿಕೀ ಆತುಡ ಸಿಂಹಾಸನ ಬಳಿಕೆ ಎತ್ತಲ್ಪಟ್ಟೆ . \v 6 ಆ ಸ್ತ್ರೀ ಅರಣ್ಯಂಕಿ ಪಾರಿ ಪಾಯಾ ; ಗಾನ ಆಕೆಕಿ ಸಾವಿರ್ದ ಇನ್ನೂರು ಅರವೈ ದಿನಲ್ ತನಕ ಪೋಷಣೆ ಅವಲನೀ ದೇವುಡು ಸ್ಥಳನ್ನಿ ಸಿದ್ದಮ್ ಸೇಸ್ಸುಂಡೆ .

12/07.txt

@@ -0,0 +1 @@
+\v 7 ಪರಲೋಕಮ್ಲಾ ಯುದ್ದಮ್ ನಡ್ಸೆ . ಮೀಕಾಯೇಲುಡು ವಾಡ್ ದೂತುಲೂ ಘಟಸರ್ಪಮ್ ಮಿಂದ್ದ ಯುದ್ದಮ್ ಸೇಸ್ಸೇಕಿ ಪಾಯ್ಲಿ . ಘಟಸರ್ಪುಡು ವಾಡ್ ದೂತ್ಲೂ ಯುದ್ದಮ್ಲಾ ಸೊತ್ ಪಾಯ್ಲಿ . \v 8 ಮಲ್ಲಿ ಪರಲೋಕಮ್ಲಾ ವಾಳ್ಕಿ ಸ್ಥಾನಮು ತಪ್ಪಿ ಪಯಾ . \v 9 ಭೂಲೊಕ್ ಮೋಳ್ ಅಂದ್ರೂನೂ ಮರುಳು ಗೊಳಿಚ್ಚಂಟ್ಟ ಆ ಮಹಾ ಘಟಸರ್ಪುಡು ಅಂಟ್ಟೆ ಪಿಚಾಚಿ ಅನಿ ಸೈತಾನ ಅನಿ ಪೇರುಂಡ ಪುರಾತನ ಸರ್ಪಮು ದೊಬ್ಬಲ್ ಪಡಿ ಭೂಮಿಕೀ ಪಡೆ ; ವಾಡ್ ದೂತುಲೂ ವಾಡ್ ಜೊತ್ಲಾ ದೊಬ್ಬಲ್ ಪಡ್ಲಿ .

12/10.txt

@@ -0,0 +1 @@
+\v 10 ಅಪ್ಡು ಪರಲೋಕಮ್ಲಾ ಪೆದ್ದ ಶಬ್ದಮ್ನಿ ಇನ್ಟಿ ಅದಿ - ಇಪ್ಡು ಜಯಮೂ ಶಕ್ತಿ ರಾಜ್ಯಮೂ ಮ ದೇವುಡ್ಕಿ ಉಂಟಾಯ ; ಆತುಡು ಅಭಿಷೆಕಿಚ್ನೋಡ ಅಧಿಕಾರಮು ಇಪ್ಡು ಸ್ಥಾಪಿತ ಮಾಯಾ ; ಹಗಲಿರುಳು ಮಾ ಸಹೋದುರುಡ್ ಮಿಂದ್ದ ಮಾ ದೇವುಡ ಮುಂದ್ರ ದೂರು ಸೋಪ್ನಾಟ್ಟ ದೂರುಗಾರುಡು ದೊಬ್ಬಲ್ ಪಡ್ನಾಡು .

12/11.txt

@@ -0,0 +1 @@
+\v 11 ವಾಳು ಪ್ರಾಣ ಮೇಲಣ ಪ್ರೀತಿನೀ ತೋರ್ಸಿ ಮರಣನ್ಕಿ ಹಿಂತೆಗಿಸ್ದನೆ ಯಜ್ಞದ ಕುರಿಯಾದಾತುಡ ರಕ್ತದ ಬಲಮ್ ನಿಚ್ಚ ತಮ್ ವಾಕ್ಯದ ಬಲಮ್ ನಿಚ್ಚ ವಾಡ್ನಿ ಜಯಿಚ್ಲಿ . \v 12 ಪರಲೋಕಮೆ ದಾಟ್ಲಾ ವಾಸಮ್ ಸೇಸ್ಸೊಳೆ ಹರ್ಷಗೊಳ೦ಡಿ . ಭೂಮಿಯೇ , ಸಮುದ್ರಮೇ , ಮೀ ದುರ್ಗತಿನೀ ಹೆಮ್ ಸೋಪ್ಪುದ್ನೂ ; ಸೈತಾನುಡು ನಾಕಿ ವುಂಡ ಕಾಲಮೂ ಕೊಚ್ಮೂ ಅನಿ ತಿಲಿಚ್ಕೊನಿ ಮಹಾ ರೌದ್ರವುಳ್ಳೋಡ್ ಅಯ್ಯಿ ಮೀ ಹತ್ರನ್ಕಿ ದಿಗಿ ವಚ್ನಾಡು ಅನಿ ಸೋಪ್ಪೆ .

12/13.txt

@@ -0,0 +1 @@
+\v 13 ಘಟಸರ್ಪುಡು ತಾನು ದೊಬ್ಬಲ್ ಪಡಿ ಭೂಮಿಕಿ ಪಡುಂಡೆ ದಾನ್ನಿ ಸೂಸ್ಸಿ ಮೋಕ್ ಸುನೋಡ್ನಿ ಹೆತ್ನಾಟ್ಟ ಆ ಸ್ತ್ರೀನೀ ಹಿಂಸಿಚ್ಚೆಕಿ ತೊಮ್ರುಕನೀ ಪಯಾ . \v 14 ಆ ಸ್ತ್ರೀ ಅರಣ್ಯಮ್ಲಾ ವುಂಡ ತನ್ ಸ್ಥಳನ್ಕಿ ಹಾರ್ ಪಯ್ಯೇಕಿ ಆಕೆಕಿ ಪೆಂದ್ದ ಗರುಡ ಪಕ್ಷಿಯ ರೆಕ್ಕೆಲು ಇಚ್ಚಲ್ ಪಟ್ಟೆ . ಗಾನಾ ಒಕ್ಕ ಕಾಲಮು , ರೊಂಡು ಕಾಲಮು , ಅರ್ಧ ಕಾಲಮು ಸರ್ಪುಡ ಮುಖಕ್ಕಿ ಮರೆ ಅಯ್ಯಿ ಪೋಷಣೆ ಹೊಂತಾದಿ .

12/15.txt

@@ -0,0 +1 @@
+\v 15 ಸರ್ಪುಡು ಸ್ತ್ರೀನ್ನಿ ಹೇತ್ಕೊನ್ ಪೋವಲನೀ ಆಕೆ ಹೇಂಕ ತನ್ ನೋರಿ೦ಚ್ಚ ನೂಳ್ನಿ ನದಿ ರೀತಿ ಇಸ್ಪೆಟ್ಟೆ . \v 16  ಅಯ್ತೆ ಭೂಮಿ ಆ ಸ್ತ್ರೀಯ ಸಹಾಯಂಕಿ ವಚ್ಚಿ ನೋರ್ ಇಸ್ಪೆಟ್ಟಿ ಘಟಸರ್ಪುಡು ತನ್ ನೋರಿಂಚ ಇಸ್ಪೆಟ್ನಾ೦ಟ ನದಿನ್ನಿ ತಾಗೆಸೇ . \v 17 ಅಪ್ಡು ಘಟಸರ್ಪುಡು ಆ ಸ್ತ್ರೀ ಮಿಂದ್ದ ಕೊಪಮ್ ಸೇಸ್ಕೊನೀ ಆಕೆಯ ಸಂತಾನಮ್ಲಾ ಉಳಿಸ್ನಟೋಳ್ ಮಿಂದ್ದ ಅಂಟ್ಟೆ ದೇವುಡ ಆಜ್ಞೆಲ್ನಿ ಕೈಗೊನ್ನೀ ನಡ್ಸಿ ಯೇಸು ವಿಷಯಮೈಯ್ಯಿ ಸಾಕ್ಷಿನೀ ಸೋಪ್ನಾಟೋಳ್ ಮಿಂದ್ದ ಯುದ್ದಮ್ ಸೇಸ್ಸೇಕಿ ಪೈಯ್ಯಿ ಸಮುದ್ರ ತೀರ ಮರಳ್ ಮಿಂದ್ದ ನಿಲ್ಚನೇ .

13/01.txt

@@ -0,0 +1 @@
+\v 1 ಸಮುದ್ರಮ್ನಿಂಚ ಮೃಗಮು ಏರಿಪೈಯ್ಯೇದಾನ್ನಿ ಸೂಸ್ತಿ . ದಾನ್ಕಿ ಯೋಡು ತಲಕೈಲೂ , ಪೋದೀ ಕೊಂಬ್ಲು , ಕೊಂಬ್ಲು ಮಿಂದ ಪೋದೀ ಮಕುಟಲು ತಲಕೈಲ್ ಮಿಂದ ದೇವದೂಷಣೆ ನಾಮಲು ವುಂಡೆ . \v 2 ನಾನು ಸೂಸ್ನಾಟ್ಟ ಮೃಗ ಚಿರತೆ ರೀತಿ ವುಂಡೆ . ದಾನ್ ಕಾಳ್ಳು ಕರಡಿಲಕನೂ ದಾನ್ ನೋರು ಸಿಂಹ ನೋರ್ ರೀತಿ ವುಂಡೆ . ದಾನ್ಕಿ ಘಟಸರ್ಪಮೂ ಶಕ್ತಿನೀ ಸಿಂಹಾಸನ್ನಿ ಮಹಾ ಅಧಿಕಾರನ್ನಿ ಇಚ್ಚೆ .

13/03.txt

@@ -0,0 +1 @@
+\v 3  ದಾನ್ ತಲಕೈಲಾ ಒಕ್ಕ ತಲಕೈ ಗಾಯಮ್ ಅಯ್ಯಿ ಸೇಚ್ಚಿ ಪಯ್ಯೆರೀತಿ ವುಂಡೆ ದಾನ್ನಿ ಸೂಸ್ತಿ . ಆ ಮರಣಕರ ಮೈನಾಟ್ಟ ಗಾಯಮು ವಾಸಿ ಅಯಾ . ಭೂಲೊಕಮ್ಲಾ ವುಂಡ ಅಂದ್ರೂ ಆ ಮೃಗನ್ನಿ ಸೂಸ್ತಾ ಆಶ್ಚರ್ಯಮ್ಪಡ್ಲಿ . \v 4 ಘಟಸರ್ಪುಡು ಆ ಮೃಗಂಕಿ ಅಧಿಕಾರನೀ ಇಚ್ಚುಂಡೆ ದಾನ್ನಿಚ್ಚ ವಾಳು ಆ ಘಟಸರ್ಪುಡ್ಕಿ ನಮಸ್ಕಾರಮ್ ಸೇಸ್ಸೋಳ್ ಅಯ್ಲಿ ; ಇದುಕಾಕು೦ಡ ಆ ಮೃಗಂಕಿ ನಮಸ್ಕಾರಮ್ ಸೇಸ್ಸಿ - ಈ ಮೃಗಂಕಿ ಸಮಾನಮೈನೋಳು ಯೋಳು ? ದೀನ್ ಮಿಂದ ಯುದ್ದಮ್ ಸೇಸ್ಸೇಕಿ ಯೋಳು ಶಕ್ತುಲು ? ಅನ್ಲಿ .

13/05.txt

@@ -0,0 +1 @@
+\v 5  ಬಡಾಯಿ ಮಾಟ್ಲುನೀ ದೂಷಣೆ ಮಾಟ್ಲುನೀ ಆಡೆ ನೋರು ಇಚ್ಚಲ್ ಪಟ್ಟೆ . ಮಲ್ಲಿ ನಲಪೈರೊಂಡು ನೇಲ ಪರ್ಯಂತರಮೈಯ್ಯಿ ತನ್ ಕಾರ್ಯಲ್ನಿ ನಡಿಪಿಚ್ಚೆ ಅಧಿಕಾರಮು ದಾನ್ಕಿ ಇಚ್ಚಲ್ ಪಟ್ಟೆ . \v 6 ಅದಿ ನೋರು ತೇರ್ಸಿ ದೇವುಡ್ನಿ ದೂಷಿಚಿನ್ ಕಾನ್ದನೆ ಆತನ ನಾಮನ್ನಿ ಆತನ ನಿವಾಸನ್ನಿ ಪರಲೋಕ ನಿವಾಸಿಲ್ನಿ ದೂಷಿಚ್ಚೆ .