Sat Jun 17 2017 14:08:21 GMT+0530 (India Standard Time)

00/title.txt

@@ -0,0 +1 @@
+Mark

01/01.txt

@@ -0,0 +1 @@
+\v 1  ದೇವುಡು ಕುಮಾರುಡೈನ ಯೇಸು ಕ್ರಿಸ್ತುಡಿನ ವಿಷಯ್ಮಾಯ್ನ ಸುವಾರ್ತ್ಮು ಪ್ರಾರಂಭ್ಮು , \v 2 ಇಗೋ ನಾನು ನಾ ದೂತುಡ್ನಿ ನೀ ಮುಂದ್ರ ಅಂಪಿಸ್ತ \v 3 ,  ನುವ್ವ ಪಾಯೇ ದಾವ್ನಿ ವಾಡು ಸರಿಸೇಸ್ತಾಡನೆನೂ ಕರ್ತುಡು ದಾವ್ನಿ ಸಿದ್ಮುಸೇಯಂಡ್ರಿ , ವಾಡ್ ಹಾದಿಲ್ನಿ ನೆಟ್ಗ ಸೇಯಂಡ್ರಿ ಅನಿ ಅಡ್ವಿಲ ಕೂಸೋಡ್ ಶಭ್ದ್ಮು ವುಂಡಾದಿ ಅನಿ

01/04.txt

@@ -0,0 +1 @@
+\v 4 ಪ್ರವಾದುಡೈನ ಯೇಶಾಯುಡು ಗ್ರಂಥ್ಮುಲ ರಾಸುಂಡೆ ಪ್ರಕಾರ್ಮು ಯೋಹಾನುಡು ವಚ್ಚಿ ಜನಲ್ಕಿ - ಮೀರು ಪಾಪ್ಮು ಪರಿಹಾರ್ಮುಕಾಯಿ ದೇವುಡು ತೊಟ್ಗಿ ತಿರಿಕೋನಿ ದೀಕ್ಷಾಸ್ನಾನ್ಮು ಸೇಬಿಚ್ಕೊವಾಲನಿ ಸಾರಿಸೊಪ್ಪ್ತ ಅಡ್ವಿಲ ದೀಕ್ಷಾಸ್ನಾನ್ಮು ಸೇಸ್ತಾ ವುಂಡೆ . \v 5  ಅಪ್ಡು ಯೂದಾಯ್ಮು ಸೀಮೆ ಅಂತ ಯೆರೂಸಲೆಮೊಳoದ್ರು ವಾಡ್ ದೆಗ್ರುಕಿ ಪಾಯಿ ವಾಳ್ ವಾಳ್ ಪಾಪಲ್ನಿ ಸೊಪ್ಕೊನಿ ಯೋರ್ದೊನ್ ಏಟ್ಲಾ ವಾಡಿಂಚ ದೀಕ್ಷಾಸ್ನಾನ್ಮುಸೇಬಿಚ್ಕೊoಟವುಂಡ್ರಿ . \v 6 ಯೋಹಾನುಡು ಒಂಟ ಎಂಟುಕ್ಲಿನ ಹೊದಿಕೆನಿ ಏಸ್ಕೋನಿ ನಡುಮ್ಕಿ ತೊಗ್ಲಿನ ನಡ್ಮುಕಟ್ನಿ ಕಟ್ಕೊನುಂಡೆ , ವಾಡು ಮಿಡತೆನಿ ಕಾಡ್ ಜೇನ್ಲುನಿ ಅಹಾರ್ಮು ಸೇಸ್ತಾವುಂಡೆ .

01/07.txt

@@ -0,0 +1 @@
+\v 7  ವಾಡು - ನಾಕಿಂತ ಶಕ್ತುಡು ನಾ ಎನ್ಕ ವಸ್ತಾಡು , ವಾಡ್ ಸೊಪ್ಲು ಬಾರ್ಲುನಿ ಒಂಕೋನಿ ಇಪ್ಪೇಕಿ ನಾನು ಯೋಗ್ಯುಡು ಕಾದು . \v 8 ನಾನು ಮೀಕಿ ನೂಳಿನ ಸ್ನಾನ್ಮು ಸೇಬಿಸ್ತಿ , ವಾಡಾರೋ ಮೀಕಿ ಪವಿತ್ರಾತ್ಮು ಸ್ನಾನ್ಮು ಸೇಬಿಸ್ತಾಡು ಅನಿ ಸಾರಿ ಸೊಪ್ಪೇ.

01/09.txt

@@ -0,0 +1 @@
+\v 9 \v 10 \v 11  ಅಪ್ಡು ನುವ್ವ ಪ್ರಿಯುಡಾಯಿನ ನಾ ಕೊಡ್ಕು , ನಿನ್ನೀ ನಾನು ಮೆಚ್ನಾನು ಅನಿ ಅಕಾಶ್ಮುವಾಣಿ ಆಯೆ .

01/12.txt

@@ -0,0 +1 @@
+\v 12 \v 13 , ಅಪ್ಡೇ ಯೇಸು ದೇವುಡಾತ್ಮುಮು ಪ್ರೇರಿತ್ಮಾಯಿ ಅಡ್ವಿಕಿ ಪಾಯೇ . ವಾಡು ನಲ್ಪೈ ದಿವ್ಸ್ಮು ಅಡ್ವಿಲ ಮ್ರುಗಾಲ್ಲು ಜೊತ್ಲ ವುಂಡಿ ಸೈತಾನುಡಿಂಚ ಶೋಧಿಚ್ನೋಡಾಯೇ ಮಲಿ ದೇವುಡು ದೂತುಲು ವಾಡ್ಕಿ ಉಪ್ಚಾರ್ಮು ಸೇಸ್ರಿ .

01/14.txt

@@ -0,0 +1 @@
+\v 14 \v 15  ಯೋಹಾನುಡು ಸೆರೇಕಿ ಪಡಿನ್ಮಿಂದ ಯೇಸು ಗಲಿಲಾಯ್ಮು ಸೀಮೇಕಿ ವಚ್ಚಿ - ಕಾಲ್ಮು ಪರಿಪೂರ್ಣ್ಮು ಆಯೆ , ದೇವುಡು ರಾಜ್ಯುಮು ಸಮೀಪ್ಮಾಯೇ , ದೇವುಡು ತೊಟ್ಗಿ ತಿರಿಕೋನಿ ಸುವಾರ್ತ್ಮುನಿ ನಂಬಂಡ್ರಿ ಅನಿ ದೇವುಡು ಸುವಾರ್ತ್ಮುನಿ ಸಾರಿ ಸೊಪ್ಪಂಡ್ರಿ .

01/16.txt

@@ -0,0 +1 @@
+\v 16  ಇಟ್ಟುಂಡೆನಪ್ಡು ವಾಡು ಗಲಿಲಾಯ್ಮು ಸಮುದ್ರುಮು ದೆಗ್ರುಲ ಪಾಯೇನಪ್ಡು ಸೀಮೊನುಡು ಸೀಮೊನುಡು ತೊಂಬ್ಡಾಯಿನ ಅಂದ್ರೆಯುಡು ಸಮುದ್ರುಮುಲ ವಲಾ ಏಸೆದ್ನಿ ಕನೆ . \v 17 \v 18 ವಾಳು ಬೆಸ್ತುಲು . ಯೇಸು ವಾಳ್ಕಿ - ನಾ ಎನ್ಕ ರಾಂಡ್ರಿ , ಮನುಷ್ಯುಲ್ನಿ ಪಟ್ಕೊನೆ ಬೆಸ್ತುಲಾಯಿ ಮಿಮ್ಮುಲ್ನಿ ಸೇಸ್ತಾನು ಅನಿ ಸೊಪ್ತಾನೆ ವಾಳು ವಾಳ್ ವಲುಲ್ನಿ ಇಡ್ಸಿ ವಾಡ್ ಎನ್ಕ ಪಾಯ್ರಿ .

01/19.txt

@@ -0,0 +1 @@
+\v 19 ಇಂಕ ಕೊಂಚ್ಮು ಮುಂದ್ರ ಪಾಯಿ ಜೆಬೆದಾಯುಡು ಕೊಡ್ಕಾಯಿನ ಯಾಕೊಬುಡ್ನಿ ವಾಡ್ ತೊಂಬ್ಡಾಯಿನ ಯೋಹಾನುಡ್ನಿ ಕನೆ . \v 20 ವೂಳು ದೋಣಿಲ ವಾಳ್ ವಲುಲ್ನಿ ಸರಿಸೆಸ್ತ ವುಂಡ್ರಿ . ಕೂಡ್ಲನೆ ವೂಳ್ನಿ ಪಿಲ್ಚೆ . ವಾಳು ತಮ್ ತಂಡ್ರಿಯಾಯಿನ ಜೆಬೇದಾಯುಡ್ನಿ ಕೂಲಿಯಾಳುಲ ಸಂಗಡ್ಮು ದೋಣಿಲ ಇಡ್ಸಿ ವಾಡ್ ಎನ್ಕ ಪಾಯ್ರಿ .

01/21.txt

@@ -0,0 +1 @@
+\v 21  ಆಮಿಂದ ವಾಳು ಕೆಪೆರ್ನೋಮ್ ಅನೆ ಊರ್ಕಿ ಸೇರ್ರೀ . ಅಪ್ಡೆ ಸಬ್ಬತ್ ದಿನುಮ್ಲ ಯೇಸು ಸಭಾಮಂದಿರುಮ್ಕಿ ಪಾಯಿ ಉಪದೆಶ್ಮು ಸೇಸೆ . \v 22  ಜನಲು ವಾಡ್ ಉಪ್ದೆಶುಮ್ಕಿ ಅತ್ಯಾಶ್ಚರ್ಯುಮು ಪಡ್ರಿ , ಎಂದ್ಕಂಟೆ ವಾಡು ಶಾಶ್ತ್ರಿಲಾಕ ಉಪದೇಶ್ಮು ಸೇಕುನ್ನ ಅಧಿಕಾರ್ಮು ಉಂಡೋಡ್ಲಾಕ ವಾಳ್ಕಿ ಉಪದೆಶ್ಮು ಸೇಸ್ತಾವುಂಡೆ .

01/23.txt

@@ -0,0 +1 @@
+\v 23 23 ಅಪ್ಡು ವಾಳ್ ಸಭಾಮಂದಿರುಮ್ಲ ದೈಮು ಪಟ್ಟುoಡಿನ ಓಕ್ ಮನುಶ್ಯುಡುಂಡೆ . \v 24 24 ಆ ದೈಮು - ನಜರೇತಿನ ಯೇಸುವ , ಮಾ ಗೊಡವ ಮೀಕೆಂದ್ಗು ? ಮಮ್ಮುಲ್ನಿ ನಾಶ್ಮು ಸೇಸೇಕಿ ವಸ್ತ್ವಾ ? ನಿನ್ನೀ ತಿಲ್ಸ್ನಾಮು , ನುವ್ವ ದೇವುಡು ಪ್ರತಿಷ್ಟಿತುಡು ಅನಿ ಕೂಸಿ ಸೊಪ್ಪೇ . \v 25 \v 26 ಯೇಸು ದಾನ್ನಿ ಗದ್ರಿಚ್ಚಿ - ಊರ್ಕುಂಡು , ವೂಡ್ನಿ ಇಡ್ಸಿ ಪೋ ಅನ್ನಪ್ಡು ಆ ದೈಮು ವಾಡ್ನಿ ವದ್ದಾಡ್ಬಿಚ್ಚಿ ಅಬ್ಬರಿಚ್ಚಿ ಕೂಸಿ ಇಡ್ಸಿ ಪಾಯೇ .

01/27.txt

@@ -0,0 +1 @@
+\v 27 ಅಂದ್ರು ಬೆರ್ಗಾಯಿ - ಇದೆಮುಂಡಚ್ಚು ? ಇದಿ ಕೊತ್ ಉಪದೆಶ್ಮು . ವೂಡು ಅಧಿಕಾರ್ಮಿಂಚ ದೈಮ್ಲುಕು ಅಪ್ಪಣ್ಮು ಇಸ್ತಾಡು , ಅವಿ ವಾಡ್ ಮಾಟ್ಲುನಿ ಇಂಟಾವಿ ಅನಿ ವಾಳ್ ವಾಳ್ಳ ವಿಚಾರ್ಮು ಸೇಸ್ಕೊನ್ರಿ . \v 28  ಅಪ್ಡೇ ವಾಡ್ ಸುದ್ದಿ ಗಲಿಲಾಯ್ಮು ಸೀಮೇಲ ಯಾನ್ಯಾನನು ಹಬ್ಬೆ.

01/29.txt

@@ -0,0 +1 @@
+\v 29  ಆಮಿಂದ ವಾಳು ಸಭಾಮಂದಿರ್ಮಿಂಚ ಹೊರ್ಟಿ ಯಾಕೊಬುಡು ಯೋಹಾನುಡು ಸಂಗಡ್ಮು ಸೀಮೊನುಡು ಅಂದ್ರೆಯುಡು ಇಂಟ್ಕಿ ವಚ್ಚ್ರಿ . \v 30  ಆನ ಸೀಮೊನುಡು ಅತ್ತ ಜರ್ಮೊಚ್ಚಿ ಪೊಂಗೊನುಂಡಿನಪ್ಡು ವಾಳು ದಾನ್ ಸಂಗತಿನಿ ಯೇಸುಕಿ ತಿಲ್ಬಿಚ್ರಿ . \v 31  ಯೇಸು ದೆಗ್ರುಕಿ ವಚ್ಚಿ ದಾನ್ ಸೈನಿ ಪಟ್ಕೊನಿ ಲೇಪಿನಪ್ಡು ಜರ್ಮು ದಾನ್ನಿ ಇಡ್ಸಿ ಪಾಯೇ , ಆದಿ ವಾಳ್ಕಿ ಉಪ್ಚಾರ್ಮು ಸೇಸೆ .

01/32.txt

@@ -0,0 +1 @@
+\v 32  ರಾತ್ರಾಯಿ ಪದ್ದು ಮುಳ್ಗಿನ್ಮಿಂದ ಜನಲು ಪೈಲ ನೆಟ್ಗಲೇನೋಳoದ್ರುನಿ ದೈಮು ಪಟ್ನೋಲ್ನಿ ಯೇಸು ದೆಗ್ರುಕಿ ತೊಡ್ಕೊನೋಚ್ರಿ . \v 33  ಊರಂತ ವಾಕ್ಲಿ ಮುಂದ್ರ ಒಟ್ಟುಗೂಡುoಡೆ . \v 34  ಅಪ್ಡು ಯೇಸು ತರ್ತರ್ಮಾಯಿನ ರೋಗಲಿಂಚ ಪೈಲ ನೆಟ್ಗಲೇನಿನ ಬಹುಜನಲ್ನಿ ವಾಸಿ ಸೇಸಿ ಅನೇಕ್ಮು ದೈಮುಲ್ನಿ ಇಡ್ಬಿಚ್ಚೆ . ಮಲಿ ತಾನು ಇಟ್ಟೋಡನಿ ಅವ್ಕಿ ತಿಲ್ಸಿಂದಾನ್ನಿಂಚ ಯೇಸು ಅವುಲ್ನಿ ಮಾಟ್ಲಾಡೆಕಿ ಇಡಿಲೇ .

01/35.txt

@@ -0,0 +1 @@
+\v 35  ಮುಂಜಾನ್ಮು ಇಂಕ ಮೊಬ್ಬುಣ್ಣಪ್ಡು ಯೇಸು ಲೇಸಿ ಪಾಯಿ ಅಡವಿಯ ಸ್ಥಳುಮ್ಕಿ ಪಾಯಿ ದೇವುಡ್ನಿ ಪ್ರಾರ್ಥಿಸ್ತ ವುಂಡೆ . \v 36  ಸೀಮೊನುಡು ವಾಡ್ ಜೊತ್ಲ ವುನ್ದ್ನೋಳು ವಾಡ್ನಿ ಎನ್ಕಪಡಿ ಕನಿ - ಅಂದ್ರು ನಿನ್ನೀ ಹುಡ್ಕ್ತಾವುಂಡಾರು ಅನಿ ಯೇಸು ವಾಳ್ಕಿ - \v 37  ಮಾಮು ಸಮೀಪುಮ್ಲ ವುಂಡೆ ಬೇರ ಊರ್ಲುಕಿ ಪದಾಮು , ಆನಾನು ನಾನು ಸುವಾರ್ತೆನಿ ಸಾರಲ , ದೀನ್ಕಾಯೇ ನಾನು ಹೊರ್ಟಿ ವಚ್ನಾನು ಅನಿ ಸೊಪ್ಪೇ.

01/38.txt

@@ -0,0 +1 @@
+\v 38  ದೀನ್ಕಾಯೇ ನಾನು ಹೊರ್ಟಿ ವಚ್ನಾನು ಅನಿ ಸೊಪ್ಪೇ. \v 39  ಆಮಿಂದ ಯೇಸು ಗಲಿಲಾಯ್ಮುಲ ಅಂತ ಪಾಯಿ ವಾಳ್ ಸಭಾಮಂದಿರ್ಮುಲ ಸುವಾರ್ತುಮುನಿ ಸಾರ್ತಾ ದೈಮ್ಲುನಿ ಇಡ್ಬಿಸ್ತ ವುಂಡೆ.

01/40.txt

@@ -0,0 +1 @@
+\v 40  ಒಕ್ಕ ಕುಷ್ಠರೋಗಿಡು ಯೇಸು ದೆಗ್ರುಕಿ ವಚ್ಚಿ ಯೇಸು ಮುಂದ್ರ ಮೊಣಕಾಲೂರಿಕೋನಿ - ನೀಕಿ ಮನ್ಸುಂಟೆ ನನ್ನೀ ಶುಧ್ಮು ಸೇಸ್ತಾವು ಅನಿ ಬೇಡ್ಕೊನೆಕಿ ಯೇಸು ಕನಿಕರ್ಮು ಪಟ್ಟಿ ಸೈನೀಡಿ ವಾಡ್ನಿ ಮುಟ್ಟಿ - \v 41  ನಾಕಿ ಮನ್ಸುಂಡಾದಿ , ಶುಧ್ಮಾವು ಅನೆ. \v 42  ಅಪ್ಡೇ ವಾಡ್ ಕುಷ್ಟ್ಮು ಪಾಯಿ , ವಾಡು ಶುಧ್ಮಾಯೇ .

01/43.txt

@@ -0,0 +1 @@
+\v 43 \v 44 ಪ್ಡು ಯೇಸು ವಾಡ್ಕಿ - ಯೋಳ್ಕು ಏಮಿ ಸೊಪ್ಪೋದ್ದು ಸೂಡಿ , ಆಯ್ತೆ ಪಾಯಿ ಯಾಜಕುಡ್ಕಿ ನೀ ಪೈ ಸೂಬಿಚ್ಚಿ ಮೋಶೇಡು ನೇಮಕ್ಮು ಸೇಸುಂಡೆದ್ನಿ ಅರ್ಪಿಚ್ಚಿ ನೀ ಶುಧ್ಧಾಚಾರುಮ್ನಿ ನೆರ್ವೆರಿಯ್ಯಿ ಆದಿ ಜನಲ್ಕಿ ಸಾಕ್ಷಿ ಆವ್ನಿ ಅನಿ ಕಂಡಿತ್ಮಾಯಿ ಸೊಪ್ಪಿ ವಾಡ್ನಿ ಅಂಪಿಡ್ಸೆ .

01/45.txt

@@ -0,0 +1 @@
+\v 45  ಆಯ್ತೆ ವಾಡು ಹೊರ್ಟಿಪಾಯಿ ಆ ಸಂಗತಿನಿ ಬಹಳ್ಮಾಯಿ ಸಾರಿ ಹಬ್ಬಿಚ್ಚಿದಾಂಕಿ ಯೇಸು ಬಹಿರಂಗ್ಮಾಯಿ ಇಂಕ ಯಾವ್ ಊರ್ಲೇಕು ಪೋಯೇಕಾಕುನ್ನ ಆಕ್ಟರ ಅಡ್ವಿ ಸ್ಥಳುಮ್ಲ ವುಂಡೆ . ಮಲಿ ಜನಲು ನಾಲ್ಗು ತೊಟ್ಟಿನ್ಚಾನು ವಾಡ್ ದೆಗ್ರುಕಿ ವಸ್ತವುಂಡ್ರಿ .

02/01.txt

@@ -0,0 +1 @@
+\v 1 ಕೊಂಚ್ಮು ದಿನ್ಮಾಯ್ಮಿಂದ ವಾಡು ಕೆಪೆರ್ನೌಮಿಕಿ ತಿರ್ಗಿ ವಚ್ಚೆ . ಇಂಟ್ಲಾವುoಡಾಡನೆ ವರ್ತ್ಮಾನ್ಮು ಹಬ್ನಪ್ಪ್ದು ಎಕ್ವಜನುಮ್ಲು ಸೇರ್ಕೊನಿ ವಚ್ಚಿನ್ದಾನಿಂಚ ವಾಕ್ಲ ಹತ್ರುಮ್ಲಾವ್ನಿ ಜಾಗ್ಮುಂಡ್ಲೆ . \v 2 ವಾಡು ವಾಳ್ಕಿ ದೇವುಡು ವಾಕ್ಯಾನಿ ಸೊಪ್ತಾವುಂಡೆ .

02/03.txt

@@ -0,0 +1 @@
+\v 3  ಅಂತ್ಪದ್ಗಿ ಕೆಲುವ್ಲು ಒಕ್ಡು ಪಾರ್ಶ್ವವಾಯ್ಮು ರೋಗ್ಮೊಡ್ನಿ ನಾಲ್ಗು ಮಂದಿಲಿಂಚ ಮೋಸ್ಕೊನಿ ಯೇಸು ದೆಗ್ರುಕಿ ಎತ್ಕೊಚ್ರಿ . \v 4  ಜನಲು ಗುಂಪಾಯುಂಡೆ ದಾನಿಂಚ ವಾಳು ಯೇಸು ದೆಗ್ರುಕಿ ಸೇರ್ಕುನ್ನ ವಾಡುಂಡಿನ ಇಂಟ್ ಪೈನ್ಚಾವ್ಣಿನಿ ಇಪ್ಪಿ ದ್ವಾರ್ಮು ಸೇಸಿ ಪಾರ್ಶ್ವವಾಯ್ಮು ರೋಗ್ಮೊಡು ಪೊಂಗೊನುಂಡಿನ ಹಾಸ್ಗ್ನಿ ದಿಂಪ್ರಿ .

02/05.txt

@@ -0,0 +1 @@
+\v 5  ಯೇಸು ವಾಳ್ ನಂಬುಕ್ಮುನಿ ಸೂಸಿ ಅ ಪಾರ್ಶ್ವವಾಯ್ಮು ರೋಗಿಕಿ - ಕೊಡ್ಕಾ, ನೀ ಪಾಪಲು ಕ್ಷಮಿಚ್ನಾವಿ ಅನಿ ಸೊಪ್ಪೇ. \v 6 ಶಾಶ್ತ್ರಿಲ್ಲ ಕೆಲುವ್ಲು ಆನ ಕುಚ್ಕೊನುಂಡಿ - \v 7 ಎಂದ್ಗೂ ಇಟ್ಟ ಮಾಟ್ಲಾಡ್ತಾಡು ? ಇದಿ ದೇವುಡು ದೂಷಣ್ಮು . ದೇವುಡೋಕ್ಡೆ ಹೊರ್ತು ಇಂಕ್ಯೋಳು ಪಾಪಲ್ನಿ ಕ್ಷಮಿಚ್ಚೋಳು? ಅನಿ ವಾಳ್ವಾಳ್ ಮನ್ಸ್ಲ ಅನ್ಕೊನ್ರಿ .

02/08.txt

@@ -0,0 +1 @@
+\v 8  ಇಟ್ಟ ಅನ್ಕೋನೆದಾನ್ನಿ ಅಪ್ಡೇ ಯೇಸು ತನ್ ಆತ್ಮುಲ ತಿಳ್ಚ್ಕೊನಿ ವಾಳ್ಕಿ- ಮೀರು ಮೀ ಮನ್ಸ್ಲ ಎಂದ್ಗೂ ಇಟ್ಟ ಅನ್ಕೊಂಟಾರು ? ಯಾವ್ಡಿ ಸುಲ್ಬ್ಮು ? \v 9  ನೀ ಪಾಪಾಲು ಕ್ಷಮಿಚ್ನಾವಿ ಅನೇದೋ? ಲೇಸಿ ನಿ ಹಾಸ್ಗ್ಮುನಿ ಸೀಸ್ಕೊನಿ ಪದ ಅನೇದೋ?

02/10.txt

@@ -0,0 +1 @@
+\v 10  ಆಯ್ತೆ ಪಾಪಲ್ನಿ ಕ್ಷಮಿಚ್ಚಿಇಡ್ಸೇಕಿ ಮನುಷ್ಯುಕುಮಾರುಡುಕಿ ಭೂಲೋಕ್ಮುಲ ಅಧಿಕಾರ್ಮು ವುoಡಾದನೇದಿ ಮೀಕಿ ತಿಲಿಯಾಲ ಅನಿ ಸೊಪ್ಪಿ ಪಾರ್ಶ್ವವಾಯು ರೋಗ್ಮೊಡ್ನಿ ಸೂಸಿ - \v 11  ಲೇಸಿ ನೀ ಹಾಸ್ಗ್ಮುನಿ ಎತ್ಕೋನಿ ಇಂಟ್ಕಿ ಪೋ ಅನಿ ಮೀಕಿ ಸೊಪ್ತಾನು ಅನೆ. \v 12  ವಾಡು ಲೇಸಿ ಅಪ್ಪ್ದೆ ವಾಡ್ ಹಾಸ್ಗ್ಮುನಿ ಸೀಸ್ಕೋನಿ ಅಂದ್ರು ಮುಂದ್ರ ಪಾಯೇ . ದಾನ್ಕಿ ಅಂದ್ರು ಬೆರ್ಗಾಯಿ ಇಂದಾಕ ಮಾಮು ಇಟ್ಟೆದ್ನಿ ಎಪ್ಡೂ ಸೂಡ್ನೆಲೇದು ಅನಿ ಸೊಪ್ಪ್ತಾ ದೇವುಡ್ನಿ ಕೊಂಡಾಡ್ರಿ.

02/13.txt

@@ -0,0 +1 @@
+\v 13  ಯೇಸು ಲೇಸಿ ತಿರ್ಗಿ ಸಮುದ್ರುಮು ದೆಗ್ರುಕಿ ಪಾಯೇ. ಜನಲು ಗುಂಪಂತ ದೆಗ್ರುಕಿ ವಚ್ನಪ್ಡು ವಾಡು ವಾಳ್ಕಿ ಉಪದೇಶ್ಮು ಸೇಸೆ . \v 14  ವಾಡು (ಆನಿಂಚ ) ಪಾಯೇನಪ್ಪ್ದು ಸುಂಕ್ಮುಕಿ ಕುಚ್ಚೋನುಂಡಿನ ಆಲ್ಫಾನುಡು ಕೊಡ್ಕಾಯಿನ ಲೇವಿಯುಡ್ನಿ ಸೂಸಿ - ನನ್ನೀ ಹಿಂಬಾಲಿಯ್ಯಿ ಅನಿ ವಾಡ್ನಿ ಪಿಲ್ಚೆಕಿ ವಾಡು ಲೇಸಿ ಯೇಸು ಎನ್ಕ ಪಾಯೇ.

02/15.txt

@@ -0,0 +1 @@
+\v 15 ಆಮಿಂದ ಯೇಸು ವಾಡ್ ಇoಟ್ನೋನ ಊಟುಮ್ಕಿ ಕುಚ್ಚೋನುನ್ಡ್ನಪ್ಪ್ದು , ಬಹು ಮಂದಿಲು ಸುಂಕ್ಮೊಳು ಪಾಪಿಲು ಯೇಸು ಮಲಿ ವಾಳ್ ಶಿಷ್ಯುಲ ಪಂಕ್ತಿಲಾನೆ ಕುಚ್ಚೊನ್ರಿ . \v 16  ಅಟ್ಟೋಳು ಬಹು ಮಂದಿಲು ವುಂಡ್ರಿ . ಪರಿಸಾಯುಲಾಯ್ನ ಶಾಸ್ತ್ರಿಲು ಯೇಸು ಎನ್ಕ ಪಾಯಿ ವಾಡು ಪಾಪಿಲು ಮಲಿ ಸುಂಕ್ಮೋಳ್ ಜೊತ್ಲ ಊಟ್ಮು ಸೇಸೇದ್ನಿ ಕನಿ ಶಿಷ್ಯುಲ್ಕಿ - ವೂಡು ಸುಂಕ್ಮೋಳ್ ಜೊತ್ಲ ಮಲಿ ಪಾಪಿಲು ಜೊತ್ಲ ಊಟ್ಮು ಸೇಸ್ತಾಡು ಸೂಡoಡ್ರಿ ಅನಿ ಸೊಪ್ಪೇ .

02/17.txt

@@ -0,0 +1 @@
+\v 17  ಯೇಸು ದಾನ್ನಿ ಇನಿ - ಕ್ಷೇಮುಲವುಂಡೋಳ್ಕಿ ವೈದ್ಯುಡು ಬೇಕಾವ್ಲೇ , ಕ್ಷೇಮುಮು ಲೇನೋಳ್ಕಿ ಕಾವಾಲ . ನಾನು ನೀತಿವಂತುಲ್ನಿ ಪಿಲ್ಚೆದಾನ್ಕು ವಚ್ನೋಡ್ಕಾದು , ಪಾಪಿಲ್ನಿ ಪಿಲ್ಚೇಕಿ ವಚ್ನೋಡು ಅನೆ.

02/18.txt

@@ -0,0 +1 @@
+\v 18  ಇದ್ಕಾಕುನ್ನ ಯೋಹಾನುಡು ಶಿಷ್ಯುಲು ಪರಿಸಾಯುಲು ಉಪ್ವಾಸ್ಮು ವುಂಡ್ರಿ . ವಾಳು ಯೇಸು ದೆಗ್ರುಕಿ ವಚ್ಚಿ - ಯೋಹಾನುಡು ಶಿಷ್ಯುಲು ಪರಿಸಾಯುಲು ಶಿಷ್ಯುಲು ಉಪ್ವಾಸ್ಮು ಸೇಸ್ತಾರೆ ? ನೀ ಶಿಷ್ಯುಲು ಎಂದ್ಗೂ ಉಪ್ವಾಸ್ಮು ಸೇಸೇಟ್ಲೆ ? \v 19  ಅನಿ ಅಡ್ಗೆಕಿ ಯೇಸು ವಾಳ್ಕಿ - ಜನಲು ವಾಳ್ ಜೊತ್ಲ ಮದಲಿಂಗುಡು ವುನ್ಡ್ನಪ್ಡು ಉಪ್ವಾಸ್ಮು ವುಂಡೆದಿ ಉಂಟಾ? ಮದಲಿಂಗುಡು ವಾಳ್ ಜೊತ್ಲ ವುಂಡೆಗಂಟ ವಾಳು ಉಪ್ವಾಸ್ಮು ಸೇಸೆಕಾಯೇಟ್ಲೆ .

02/20.txt

@@ -0,0 +1 @@
+\v 20  ಆಯ್ತೆ ಮದಲಿಂಗುಡ್ನಿ ವಾಡ್ ದೆಗ್ರಿಂಚ ಸೀಸ್ಕೋನಿ ಪಾಯೇ ಕಾಲ್ಮು ವಸ್ತಾದಿ , ಆ ಕಾಲುಮ್ಲಾನೆ ಉಪ್ವಾಸ್ಮು ಸೇಸ್ತಾರು. \v 21  ಯೋಳು ಕೊತ್ ಬಟ್ಳು ತುಂಡ್ನಿ ಪಾತ್ ಬಟ್ಳುಕಿ ತ್ಯಾಪ ಏಸೇಟ್ಲೆ , ಏಸ್ತೆ ಆ ಕೊತ್ ತ್ಯಾಪ ಬಟ್ಳುನಿ ಹಿಂಜೆದಾನ್ನಿಂಚ ಸಿಂಪಾತದಿ

02/22.txt

@@ -0,0 +1 @@
+\v 22  ಮಲಿ ಪಾತ್ ಬುದ್ದಲಿಲ ಕೊತ್ ದ್ರಾಕ್ಷಾರಸುಮ್ನಿ ಯೋಳು ಏಸ್ಪೆಟ್ಟೆಟ್ಲೆ , ಪೆಡ್ತೆ ಆ ದ್ರಾಕ್ಷಾರಸ್ಮು ಬುದ್ದಲಿನಿ ಪೊಗ್ಲಿ ದ್ರಾಕ್ಷರಸ್ಮು ಬುದ್ದಲಿಲು ರೊಂಡು ಶೆಡ್ಪಾತಾವಿ . ಆಯ್ತೆ ಕೊತ್ ದ್ರಾಕ್ಷರಸ್ಮುನಿ ಕೊತ್ ಬುದ್ದ್ಲಿಲ (ಏಸ್ಪೆಟ್ಟೆದಿ) ಅನಿ ಸೊಪ್ಪ್ರಿ.

02/23.txt

@@ -0,0 +1 @@
+\v 23 23 ಯೇಸು ಸಬ್ಬತ್ ದಿನುಮ್ಲ ಪೈರ್ಲು ಸೇನ್ಲು ಮಿಂದ ಪಾಯೇನಪ್ಪ್ದು, ಯೇಸು ಶಿಷ್ಯುಲು ನಡ್ಸ್ತಾ ತೆನೆಲ್ನಿ ಇರ್ಸ್ಕೊನ್ರಿ . \v 24 24 ಪರಿಸಾಯುಲು ವಾಡ್ನಿ - ಸೂಡಿ ವೂಳು ಸಬ್ಬತ್ ದಿನ್ಮ್ಲ ಸೈಬಾರ್ದ್ ಕೆಲ್ಸುಮ್ನಿ ಎಂದ್ಗೂ ಸೇಸ್ತಾರು ಅನಿ ಅಡ್ಗ್ರಿ .

02/25.txt

@@ -0,0 +1 @@
+\v 25  ವಾಡು ವಾಳ್ಕಿ - ದಾವಿದುಡು ತಾನು ವಾಳ್ ಜೊತ್ಲ ವುಂಡೋಳು ಕೊರ್ತ್ಮುವುನ್ಡೋಳಾಯಿ ಆಕ್ಲಾಯಿ ಏಮಿ ಸೇಸ್ತಡನೆದ್ನಿ ಮೀರು ಎಪ್ಡಾರ ಓದ್ಲೆದ? \v 26  ವಾಡು ಮಹಾಯಾಜಕುಡೈನ ಅಬಿಯಾತರುಡಿನ ಕಾಲುಮ್ಲ ಮಂದಿರ್ಮುನೊಂಕಿ ಪಾಯಿ ಯಾಜಕುಲು ಹೊರ್ತು ಇಂಕ್ಯೋಳು ತಿನ್ಗುಡ್ದು ನೈವೆದ್ಯುಮು ರೊಟ್ಟ್ಲುನಿ ತಾನು ತಿನಿ ವಾಳ್ ಜೊತ್ಲ ವುಂಡೋಳ್ಕು ಇಚ್ನಾಡೆ ? ಅನಿ ಸೊಪ್ಪೇ .

02/27.txt

@@ -0,0 +1 @@
+\v 27  ಮಲಿ ವಾಡು - ಸಬ್ಬತ್ ದಿನ್ಮು ಮನುಷ್ಯುಲು ಗೋಸ್ಕರ್ಮು ಉಂಟಾಯ್ನೆ ಹೊರ್ತು ಮನುಷ್ಯುಲು ಸಬ್ಬತ್ ದಿನ್ಮುಕೋಸ್ಕರ್ಮು ಉಂಟಾವ್ಲೆದು , \v 28  ಇಟ್ಟುಂಡೆದಾಯಿ ಮನುಷ್ಯ ಕುಮಾರುಡು ಸಬ್ಬತ್ ದಿನುಮ್ಕಿ ರಾಜುಡೈನಾಡು ಅನೆ.

03/01.txt

@@ -0,0 +1 @@
+\v 1 ಸಮಯುಮ್ಲ ಯೇಸು ಸಭಾ ಮಂದಿರುರ್ಮ್ಕಿ ಪಾಯ್ನಪ್ಪ್ಡುಆನ ಸೈ ಬತ್ಪಾಯಿನ ಒಕ್ಡುoಡೆ. \v 2  ವಾಳು ಯೇಸು ಮಿಂದ ತಪ್ಪೋರ್ಬೀಯಾಲನಿ ಯೋಚ್ನುಮು ಸೇಸಿ ಸಬ್ಬತ್ ದಿನುಮ್ಲ ವಾಡ್ನಿ ಸ್ವಸ್ಥ್ಮು ಸೇಸ್ತಾಡೋ ಏಮೋ ಅನಿ ಯೇಸುನಿ ವಂಚಿಚ್ಚಿ ಸೂಸ್ತ ವುಂಡ್ರಿ.

03/03.txt

@@ -0,0 +1 @@
+\v 3 ಯೇಸು ಸೈ ಬತ್ತ್ನೋಡ್ಕಿ - ಲೇಸಿ ಹತ್ರುಮ್ಕಿ ರಾ ಅನಿ ಸೊಪ್ಪಿ ವಾಳ್ಕಿ - \v 4 ಸಬ್ಬತ್ ದಿನುಮ್ಲ ಯಾವ್ದ್ನಿ ಸೇಸೇದಿ ನ್ಯಾಯ್ಮು ? ಪೈನಿನಿ ಸೇಸೆದೋ , ಕೇಡ್ನಿ ಸೇಸೆದೋ ? ಪ್ರಾಣುಮ್ನಿ ಉಳ್ಬಿಚ್ಚೇದೋ , ಸೀಸೇದೋ ? ಅನಿ ಸೋಪ್ನಪ್ಡು ವಾಳು ಊರ್ಕುಂಡ್ರಿ .

03/05.txt

@@ -0,0 +1 @@
+\v 5  ಅಪ್ಡು ಯೇಸು ವಾಳ್ ಮನ್ಸು ರಾಯಯುಂಡೆದ್ನಿ ಕನಿ ದುಕ್ಮುಪಡಿ ಕೋಪ್ಮಿಂಚ ಸುತ್ಲ ವಾಳ್ನಿ ಸೂಸಿ ಆ ಮನುಷ್ಯುಡ್ಕಿ - ನೀ ಸೈನಿ ನೀಡು ಅನಿ ಸೊಪ್ಪೇ . ವಾಡು ನೀಡೆ , ಸೈ ಗುಣ್ಮಾಯೆ . \v 6 ಪರಿಸಾಯುಲು ಆಕ್ಟರ್ಕಿ ಪಾಯಿ ಅಪ್ಡೇ ಹೆರೋದ್ಯುಲ್ನಿ ಕೂಡ್ಕೋನಿ ಯೇಸುನಿ ಯಾವ್ ಉಪಾಯ್ಮಿಂಚ ಸೊಂಪ್ದಾಮು ಅನಿ ಯೇಸುಕಿ ವಿರೋದ್ಮಾಯಿ ಯೋಚ್ನುಮು ಸೇಸ್ಕೊನ್ರಿ .

03/07.txt

@@ -0,0 +1 @@
+\v 7  ಯೇಸು ವಾಳ್ ಶಿಷ್ಯುಲು ಜೊತ್ಲ ಆ ಸ್ಥಳ್ಮ್ನಿ ಇಡ್ಸಿ ಸಮುದ್ರುಮು ಹತ್ರುಮ್ಕಿ ಪಾಯ್ರಿ. \v 8  ಗಲಿಲಾಯ್ಮಿಂಚ ಬಹುಜನ್ಮುಲು ಯೇಸು ಎನ್ಕ ಪಾಯ್ರಿ .ಇದ್ಕಾಕುನ್ನ ಯೇಸು ಇಟ್ಟಿಟ್ಟೆ ಕೆಲ್ಸುಮುಲ್ನಿ ಸೇಸ್ತಾಡನಿ ಇನಿ ಬಹುಜನ್ಮು ಯೂದಾಯ್ಮಿಂಚಾನು ಯೆರೂಸಲೆಮಿಂಚಾನು ಇದುಮಾಯ್ನಿಂಚಾನು ಯೋರ್ದೊನ್ ಸರ್ವುಮು ಆಕ್ಟರಿಂಚಾನು ತೂರ್ ಸೀದೋನ್ ಪಟ್ಟಣುಳ ಸುತ್ಮಿಂಚಾನು ಯೇಸು ದೆಗ್ರುಕಿ ವಚ್ರಿ .

03/09.txt

@@ -0,0 +1 @@
+\v 9  ಜನಲು ಗುಂಪಾಯುoಡೆದಾನ್ನಿಂಚ ಪೈಮಿಂದ ಪಡಿ ನೂಕಾರನಿ ಯೇಸು ತನ್ಕಿ ಒಕ್ಟಿ ದೋಣಿ ಸಿದ್ದ್ಮಾಯುಂಡ್ನಿ ಅನಿ ಶಿಷ್ಯುಲ್ಕಿ ಸೊಪ್ಪೇ \v 10 ಅನೇಕುಲ್ನಿ ಸ್ವಸ್ಥ್ಮು ಸೇಸಿಂದಾನ್ನಿoಚ ರೋಗ್ಮುಪೀಡಿತ್ಲ್ಯಾಯಿನ ಅಂದ್ರುನಿ ವಾಡ್ನಿ ಮುಟ್ಟಲನಿ ಪೈನೆ ಪಡ್ತಾವುನ್ದ್ರಿ .

03/11.txt

@@ -0,0 +1 @@
+\v 11 ಮಲಿ ದೈಮ್ಲು ಯೇಸುನಿ ಕನ್ನಪ್ಡಂತ ಯೇಸು ಪಾದುಮ್ಕಿ ಪಡಿ - ನುವ್ವ ದೇವುಡುಕುಮಾರುಡನಿ ಕೂಸ್ತವುಂಡೆ. \v 12 ಆಯ್ತೆ ಯೇಸು ಇಟ್ಟೆಡನಿ ಯೋಳ್ಕು ಪ್ರಕಟಿಯ್ಗುಡ್ದನಿ ವಾಳ್ಕಿ ಬಹು ನಿಜ್ಮಾಯಿ ಸೊಪ್ಪೇ .

03/13.txt

@@ -0,0 +1 @@
+\v 13  ಆಮಿಂದ ಯೇಸು ಬೆಟ್ಟುಮ್ನಿ ಎಕ್ಕಿ ತನ್ಕಿ ಬೇಕಾಯೋಳ್ನಿ ಹತ್ರುಮ್ಕಿ ಪಿಲ್ಚ್ನಪ್ಪ್ಡು ವಾಳು ಯೇಸು ದೆಗ್ರುಕಿ ವಚ್ಚ್ರಿ . \v 14 \v 15  ಯೇಸು ಪನ್ನೆಂಡು ಮಂದಿಲ್ನಿ ಆರ್ಪ್ಕೊನಿ ವಾಳು ತನ್ ದೆಗ್ರುಗ ವುಂಡಾಲನಿ ದೈಮುಲ್ನಿ ಇಡ್ಬಿಚ್ಚೆ ಅಧಿಕಾರ್ಮುವುಂಡೋಳಾಯಿ ಸುವಾರ್ತ್ಮುನಿ ಸಾರೇಕಿ ಯೇಸು ವಾಳ್ನಿ ಅಂಪಿಸ್ತಾಡನೇನು ಆ ಪನ್ನೆಂಡು ಮಂದಿಲ್ನಿ ಆರ್ಬಿಚ್ಚಿ ನೇಮಿಚ್ಚೆ . \v 16 ಪೇತೃಡನಿ ಪೇರ್ ಪೆಟ್ಟೆ .

03/17.txt

@@ -0,0 +1 @@
+\v 17  ಜೆಬೆದಾಯುಡು ಕೊಡ್ಕಾಯಿನ ಯಾಕೊಬುಡ್ಕಿ ಯಾಕೊಬುಡು ತೊಂಬ್ಡಾಯಿನ ಯೋಹಾನುಡ್ಕಿ ಬೊವನೆರ್ಗೆಸ್ ಅಂಟೆ ಗುಡ್ಗಿನ ಮರಿಲು ಅನಿ ಪೇರ್ಪೆಟ್ಟೆ. \v 18  ಉಳ್ಸ್ನೋಳು ಯೋಳಂಟೆ , ಅಂದ್ರೆಯುಡು , ಫಿಲಿಪ್ಪುಡು , ಬಾರ್ತೊಲೋಮಾಯುಡು , ಮತ್ತಾಯುಡು , ತೋಮುಡು ,ಅಲ್ಫಾಯುಡು ಕೊಡ್ಕಾಯಿನ ಯಾಕೊಬುಡು , ತದ್ದಾಯುಡು , ಮತಾಭಿಮಾನುಡು ಅನೆ ಪೇರ್ಸೀಸ್ಕೊನಿನ ಸೀಮೊನುಡು , \v 19  ಯೇಸುನಿ ಪಟ್ಟಿಚ್ಚಿನ ಇಸ್ಕರಿಯೂತ ಯೂದುಡು , ವೂಳೇ .

03/20.txt

@@ -0,0 +1 @@
+\v 20  ಯೇಸು ಇಂಟ್ನೋನ್ಕಿ ವಚ್ನಪ್ಪ್ದು ಜನಲು ತಿರಿಕೋನಿ ನೆರ್ಸುಂಡೆದಾನ್ನಿಂಚ ಊಟುಮ್ಕಿ ಅವಕಾಶ್ಮಾವ್ಲೇದು . \v 21 ದೀನ್ನಿ ಇನಿ ವಾಡ್ ಬಂಧುಲು ವಾಡ್ಕಿ ತಿಕ್ ಪಟ್ಕೊನಿಂದಿ ಅನಿ ಸೊಪ್ಪಿ ಯೇಸುನಿ ಪಟ್ಟೆಕಿ ಪಾಯ್ರಿ . \v 22  ಇದ್ಕಾಕುನ್ನ ಯೆರೂಸಲೆಮಿಂಚ ವಚ್ಚುಂಡಿನ ಶಾಸ್ತ್ರಿಲು - ವೂಡ್ನಿ ಬೆಲ್ಜೆಬೂಲುಲು ಪಟ್ನಾರನಿ ವೂಡು ದೈಮುಲು ರಾಜುಡು ಸಹಾಯ್ಮಿಂಚ ದೈಮುಲ್ನಿ ಇಡ್ಬಿಸ್ತಾಡುಅನಿನು ಸೊಪ್ತಾವುಂಡ್ರಿ.

03/23.txt

@@ -0,0 +1 @@
+\v 23 ವಾಡು ವಾಳ್ನಿ ಹತ್ರುಮ್ಕಿ ಪಿಲ್ಚಿ ವಾಳ್ಕಿ ಸಾಮ್ಯರೂಪ್ಮಾಯಿ ಸೊಪ್ಪಿನ್ದೆಮಂಟೆ - ಸೈತಾನುಡು ಸೈತಾನುಡ್ನಿ ಇಡ್ಬಿಚ್ಚೆದೇಮೀ? \v 24 \v 25 ಓಕ್ ರಾಜ್ಯುಮ್ಲ ಭೇದ್ಮು ಪುಟ್ತೆ ಆ ರಾಜ್ಯುಮು ಉಳ್ಸೇಟ್ಲೆದು ,  ಓಕ್ ಇನ್ಟ್ಲ ಭೇದ್ಮು ಪುಟ್ತೆ ಆ ಇಂಟಾನು ನಿಲ್ಚೆಟ್ಲೆದು.

03/26.txt

@@ -0,0 +1 @@
+\v 26 ದಾನ್ಲಕ್ನೆ ಸೈತಾನುಡು ಯೇಸುಕಿ ವಿರೋದ್ಮಾಯಿ ಲೇಸಿ ತನ್ಲ ಭೇಧ್ಮು ಪುಟ್ಟಿಚ್ಕೊಂಟೆ ವಾಡು ನಿಲ್ಚ್ಕೊಕುನ್ನ ನಾಶ್ಮಾಯಿ ಪಾತಾಡು . \v 27  ಅದ್ಕಾಕುನ್ನ ಒಕ್ಡು ಮೊದ್ಲು ಬಲಿಷ್ಟುಡ್ನಿ ಕಟ್ ಏಯ್ಕುನ್ನ ಆ ಬಲಿಷ್ಟುಡು ಇಲ್ನಿ ಹೊಕ್ಕಿ ವಾಡ್ ಸೊತ್ನಿ ಸುಲ್ಕೊನೆಕಿ ಆಯೆಟ್ಲೆದು , ಕಟ್ ಏಸಿನ್ಮಿಂದ ವಾಡ್ ಇನ್ಟ್ನಿ ಸುಲ್ಕೊನೋಡು .

03/28.txt

@@ -0,0 +1 @@
+\v 28 \v 29 \v 30 ವಾಳು - ವೂಡ್ಕಿ ದೈಮು ಪಟ್ಟಿಂದಿ ಅನಿ ಸೊಪ್ಪಿನ್ದಾನ್ನಿಂಚ ಯೇಸು ವಾಳ್ಕಿ - ಮೀಕಿ ಸತ್ಯುಮಾಯಿಸೊಪ್ತಾನು , ಮನುಷ್ಯುಲು ಎಂತ ದೂಷಿಸ್ತೇನು ವಾಳು ಸೇಸೆ ಅನ್ನಿ ಪಾಪಲ್ಕಿ ದೂಷನೆಳ್ಕಿ ಕ್ಷಮಾಪಣೆ ಉಂಟಾಯ್ತಾವಿ , ಆಯ್ತೆ ಪವಿತ್ರಾತ್ಮುಡ್ನಿ ದೂಷಿಚ್ಚೋಳು ಎಪ್ಪ್ಡುಕಿ ಕ್ಷಮಾಪಣೆ ಹೊಂದೆಟ್ಲೆ , ವಾಡು ಶಾಶ್ವತ್ಮು ಪಾಪುಮ್ಲೇಕಿ ಸೇರ್ನೋಡಾಯೇ ಅನಿ ಸೊಪ್ಪೇ .

03/31.txt

@@ -0,0 +1 @@
+\v 31 ಜನಲು ಯೇಸು ಸುತ್ಲು ಕುಚ್ಚೋನುನ್ಡ್ನಪ್ಪ್ದು ಯೇಸು ತಲ್ಲಿನೂ ತೊಂಬ್ಡುಲು ವಚ್ಚಿ ಆಕ್ಟರ ನಿಂಪೋಡ್ಕೊನಿ ಯೇಸುನಿ ವಚ್ಚೆಕಿ ಅಂಪಿಚ್ಚ್ರಿ . \v 32  ಆ ಜನಲು ಯೇಸುಕಿ - ನೀ ತಲ್ಲಿನು ತೊಂಬ್ಡುನು ನಿನ್ನೀ ಹುಡ್ಕೊನಿ ವಚ್ಚಿ ಆಕ್ಟರ ನಿಲ್ಪಡ್ನಾರು ಸೂಡಿ ಅನಿ ಸೊಪ್ಪಿನ್ದಾನ್ಕಿ ಯೇಸು ವಾಳ್ಕಿ -

03/33.txt

@@ -0,0 +1 @@
+\v 33  ಯೇಸು ವಾಳ್ಕಿ - ನಾಕಿ ತಲ್ಲಿನು ತೊಮ್ಮುಳು ಯೋಳು ? ಅನಿ ಸೊಪ್ಪಿ ತನ್ ಸುತ್ಮು ಕುಚ್ಚೋನುಂಡೋಲ್ನಿ ಸೂಸಿ- \v 34  ಇಗೋ ನಾ ತಲ್ಲಿ , ನಾ ತೊಂಬುಳ್ಳು . \v 35 ದೇವುಡು ಚಿತ್ಮುಲಾಕ ನಡ್ಸೋಡೆ ನಾಕಿ ತೊಂಬ್ಡುನು ಶೆಲ್ಲನು ತಲ್ಲಿನು ಆವಾಲ ಅನೆ.

04/01.txt

@@ -0,0 +1 @@
+\v 1 ಯೇಸು ತಿರ್ಗಿ ಸಮುದ್ರುಮು ದಡುಮ್ಲ ಉಪದೇಶ್ಮು ಸೇಸ್ತವುಂಡೆ . ಬಹು ಜನಲು ಯೇಸು ದೆಗ್ರುಕಿ ವಚ್ಚಿoದಾನ್ನಿಂಚ ಯೇಸು ಸಮುದ್ರುಮುಲ ವುಂಡಿನ ದೋಣಿ ಎಕ್ಕಿ ಕುಚ್ಕೋನೆ , ಆ ಜನಲಂದ್ರು ಸಮುದ್ರುಮು ದೆಗ್ರ ನೆಲ್ಮಿಂದ ವುಂಡ್ರಿ . \v 2  ಅಪ್ಡು ಯೇಸು ವಾಳ್ಕಿ ಸಾಮ್ಯುಮು ರೂಪ್ಮಾಯಿ ಅನೇಕ್ಮು ಸಂಗತಿಲ್ನಿ ಉಪದೇಶ್ಮು ಸೇಸೆ . ಆ ಉಪದೆಶುಮ್ಲ ವಾಳ್ಕಿ ಸೊಪ್ಪಿಂದೆಮಂಟೆ -

04/03.txt

@@ -0,0 +1 @@
+\v 3 \v 4 ಬಿತ್ತೋಡು ಬಿತ್ತೆದಾನ್ಕಿ ಪಾಯೇ . ಬಿತ್ತೆನಪ್ಡು ಕೊಂಚ್ಮು ಇತ್ಲು ದಾವ ಮಗ್ಗುಲ್ಲಾ ಪಡೆ , \v 5 5 ಕೊಂಚ್ಮು ಇತ್ಲು ಹೆಕ್ವ ಮನ್ಲೇನಿನ ಬಂಡ ನೆಲ್ಮುಲ ಪಡೆ , ಆನ ಮನ್ನು ತೆಲ್ಗವುನ್ಡಿನ್ದಾನ್ನಿಂಚ ಅವಿ ಜಲ್ದಿ ಮೊಳ್ಸೆ , ಆಯ್ತೆ ಎಂಡ್ ವಚ್ನಪ್ಡು ಬಾಡಿ ಬೇರ್ಲೇನಿನ ಕಾರ್ಣುಮಿಂಚ ಎನ್ಡ್ಪಾಯೇ .

04/06.txt

@@ -0,0 +1 @@
+\v 6  ಮಲಿ ಕೊಂಚ್ಮು ಇತ್ಲು ಮುಂಡ್ಲು ಶೆಟ್ಲುಲ ಪಡೆ , \v 7 ಶೆಟ್ಳು ಪೆರ್ಗಿ ಅವ್ಟ್ಲುನಿ ಅಡ್ಗಿಚ್ಚಿಡ್ಸೆ .

04/08.txt

@@ -0,0 +1 @@
+\v 8 ಇಂಕ ಕೊಂಚ್ಮು ಮಂಚಿ ನೆಲ್ಮುಲ ಪಡಿ ಒಕ್ಟಿ ನೂರಂತ , ಒಕ್ಟಿ ಅರವತಂತ , ಒಕ್ಟಿ ಮೊಪೈಅಂತ ಪಲ್ಮುನಿ ಇಚ್ಚೆ . \v 9 ಶವ್ಲುವುಂಡೋಡು ಇನ್ನಿ ಅನೆ .

04/10.txt

@@ -0,0 +1 @@
+\v 10  ವಾಡು ಒಕ್ಡೆ ವುನ್ನಪ್ಡು ವಾಡ್ ದೆಗ್ರ ವುಂಡ್ನೋಳು ಪನ್ನೆಂಡು ಮಂದಿ ಶಿಷ್ಯುಲು ಜೊತ್ಲ ಆ ಸಾಮ್ಯುಲ ವಿಷಯುಮ್ಲ ವಾಡ್ನಿ ಅಡುಗ್ರಿ . \v 11  ವಾಡು ವಾಳ್ಕಿ - ದೇವುಡು ರಾಜ್ಯುಮಿನ ಗುಟ್ಟು ಮೀಕಿ ಇಚ್ಚಿಂದಿ , ಆಕ್ಟರೋಳ್ಕಿ ಅಂತಾನು ಸಾಮ್ಯುಮಿನ ಮರೇಲವುಂಡಾವಿ . \v 12  ವಾಳು ಕನ್ಲುಂಡಿ ಸೂಸ್ತೆನು ಕನ್ಗುಡ್ದು , ಶವ್ಲುಂಡಿ ಇಂಟೇನು ತಿಚ್ಕೊಗುಡ್ದು . ಅಟ್ಟೆ ಕನಿ ತಿಲ್ಚ್ಕೊಂಟೆ ವಾಳು ದೇವುಡು ತೊಟ್ಗಿ ತಿರಿಕೋನಿ ಪಾಪ್ಮು ಕ್ಷಮೇನಿ ಹೊಂದೋಳು ಅನೆ ಮೂಸಿಪೆಟ್ಟಿoದಿ .

04/13.txt

@@ -0,0 +1 @@
+\v 13  ಆಮಿಂದ ಯೇಸು ವಾಳ್ಕಿ ಸೊಪ್ಪಿಂದೆಮಂಟೆ - ಈ ಸಾಮ್ಯುಮು ಅರ್ಥ್ಮು ಮೀಕಿ ಗೊತ್ತಾವ್ಲೇದೋ ? ಅಟ್ಟಾಯ್ತೆ ನಾ ಅಂತ ಸಾಮ್ಯುಮುಲ್ನಿ ಎಟ್ಟ ತಿಲ್ಚ್ಕೊಂಟ್ರೀ? ಆ ಬಿತ್ತೋಡು ವಾಕ್ಯುಮನೆ ಇತ್ನಿ ಬಿತ್ತುತಾಡು . \v 14 \v 15  ಕೆಲುವ್ಲು ವಾಕ್ಯುಮ್ನಿ ಇನಿನ ತಕ್ಷಣ್ಮೆ ಸೈತಾನುಡು ವಚ್ಚಿ ವಾಳ್ಳಾ ಬಿತ್ತಿನ ವಾಕ್ಯುಮ್ನಿ ಸೀಸಿಇಡ್ಸ್ತಾಡು . ವೂಳೇ ವಾಕ್ಯುಮು ಬಿತ್ತಿನ ದಾವ್ ಮಗ್ಗುಲ್ಲಾಯಿನಾರು .

04/16.txt

@@ -0,0 +1 @@
+\v 16 \v 17  ಅದೇ ಪ್ರಕಾರ್ಮು ಕೆಲುವ್ಲು ವಾಕ್ಯುಮ್ನಿ ಇನಿನ ತಕ್ಷಣ್ಮೆ ಸಂತೋಷ್ಮಿಂಚ ದಾನ್ನಿ ಸ್ವಿಕರಿಸ್ತಾರು , ವಾಳ್ಕಿ ಬೇರ್ಲೇನಿನ ಕಾರ್ಣ್ಮಿಂಚ ವೂಳು ಕೊಂಚ್ಮು ಕಾಲ್ಮು ಮಾತ್ರುಮೆ ವುಂಡಿ ಆಮಿಂಕ ಆ ವಾಕ್ಯುಮಿನ ನಿಮಿತ್ಮಾಯಿ ಸಂಕಟ್ಮಾವ್ನಿ ಹಿoಸ್ಮಾವ್ನಿ ವಸ್ತೆ ಜಲ್ದಿ ಎಡ್ಗಿ ಪಡ್ತಾರು , ವೂಳೇ ಇತ್ತ ಪಡಿನ ಬಂಡ ನೆಲ್ಮಾಯಿನಾರು .

04/18.txt

@@ -0,0 +1 @@
+\v 18 \v 19  ಇಂಕ ಕೆಲುವ್ಲು ವಾಕ್ಯುಮ್ನಿ ಇನುನ್ಟೇನು ಪ್ರಪಂಚ್ಮು ಚಿಂತೆಲು ಐಶ್ವರ್ಯುಮಿಂಚ ಆಯೆ ಮೋಸ್ಮು ಇಂಕ ಕೆಲ್ವು ವಿಷಯಲು ಪೈನಿನ ಆಶೆಲು ನೋನ್ಕಿ ಸೇರಿ ಆ ವಾಕ್ಯುಮ್ನಿ ಅಡ್ಗಿಚ್ಚಿ ಇಡ್ಸೆದಾನ್ನಿಂಚ ಪಲ್ಮುನಿ ಇಯ್ಕುಣ್ಣಾ ವುಂಟಾರು , ವೂಳೇ ಮುಲ್ಲುಶೆಟ್ಲುಲ ಇತ್ತ ಪಡಿನ ನೆಲ್ಮಾಯಿನಾರು . \v 20 ಮಲ್ಲಿ ಕೆಲುವ್ಲು ವಾಕ್ಯುಮ್ನಿ ಇನಿ ನಡ್ಸ್ಕೋನಿ ಮುಪೈಅಂತಾವ್ನಿ ಅರವೈಅಂತಾವ್ನಿ ನೂರಂತಾವ್ನಿ ಪಲ್ಮುನಿ ಇಸ್ತಾರು ವೂಳೇ ಇತ್ತ ಪಡಿನ ಮಂಚಿ ನೆಲ್ಮಾಯಿನಾರು ಅನೆ .

04/21.txt

@@ -0,0 +1 @@
+\v 21  ಇದ್ಕಾಕುನ್ನ ಯೇಸು ವಾಳ್ಕಿ - ದೀಪುಮ್ನಿ ಎತ್ಕೊಚ್ಚಿ ಕೊಳ್ಗುಮ್ಲ ಆವ್ನಿ ಮಂಚ್ಮು ದುಗುನಾವ್ನಿ ಪೆಡ್ತಾರಾ ? ದೀಪ್ಮು ಸ್ಥಂಭುಮಿಂದ ಪೆಡ್ತಾರೆ ? \v 22  ಯಾವ್ದಾವ್ನಿ ಪ್ರಕಾಶಂಕಿ ರಾವಲ್ನೆ ಹೊರ್ತು ರಹಸ್ಯುಮು ಆಯುಂಡೆಟ್ಲೆ , ಯಾವ್ದಾವ್ನಿ ಬೈಲಿಕಿ ರಾವಾಲ್ನೆ ಹೊರ್ತು ಗುಟ್ಟಾಯುಂಡೆಟ್ಲೆದು . \v 23  ಇನೆದಾನ್ಕಿ ಶೆವ್ವುನ್ಡೋಡು ಇನ್ನಿ ಅನಿ ಸೊಪ್ಪೆ .

04/24.txt

@@ -0,0 +1 @@
+\v 24 ಮಲಿ ವಾಡು ವಾಳ್ಕಿ - ಮೀರು ಶೆವ್ವಿಚ್ಚೆ ವಿಷಯುಮ್ಲ ಎಚ್ರುಕ್ಮು . ಮೀರು ಅಳ್ಸೆ ಅಳ್ತೆ ಇಂಚಾನೆ ಮೀಕು ಅಳ್ಸ್ತಾರು , ಇಂಕ ಕೂಡಿಚ್ಚಿ ಇಸ್ತಾರು . \v 25  ವುಂಡೋಡ್ಕಿ ಇಸ್ತಾದಿ , ಲೇನೋಡ್ ತೊಟ್ಟಿಂಚ ವುಂಡೆದಿ ಸೀಸ್ತಾದಿ ಅನಿ ಸೊಪ್ಪೆ .

04/26.txt

@@ -0,0 +1 @@
+\v 26 \v 27 ಇಂಕ ವಾಡು ವಾಳ್ಕಿ ಸೊಪ್ಪಿಂದಿ - ಒಕ್ಡು ಭೂಮಿಲ ಇತ್ನಿ ಏಸಿ ರಾತ್ರಿ ಪೊಂಗೊಂಟ ಪೊದ್ನ ಲೇಸ್ತ ವುಂಡೆಕಿ ವಾಡ್ಕಿ ತಿಲಿಲೇನಿನ ರೀತಿಲ ಆ ಇತ್ತ ಪುಟ್ಟಿ ಪೆರ್ಗ್ತಾದಿ . ದೀನ್ಲಾಕ್ನೆ ದೇವುಡು ರಾಜ್ಯುಮು . \v 28  ಭೂಮಿ ಮೊದ್ಲು ಗರ್ಲುನಿ , ಆಮಿಂದ ಹೊಡೆನಿ , ಆಮಿಂದ ತೆನೇಲ ಹೆಕ್ವ ಗಿಂದ್ಲುನಿ ಅದಟ್ಗೆ ಅದೇ ಪುಟ್ತಾದಿ . \v 29  ಆಯ್ತೆ ಪಲ್ಮು ಮಾಗಿನ್ಮಿಂದ ವಾಡು ಸುಗ್ಗಿ ಕಾಲ್ಮು ವಚ್ಚೆ ಅನಿ ಕೋಬಿಸ್ತಾಡು ಅನೆ .

04/30.txt

@@ -0,0 +1 @@
+\v 30  ಇಂಕ ವಾಡು ಸೊಪ್ಪಿಂದಿ - ದೇವುಡು ರಾಜ್ಯುಮ್ನಿ ಯಾವ್ದಾನ್ಕಿ ಹೋಲ್ಬಿತ್ತಾಮು ? ಯಾವ್ ಸಾಮ್ಯುಮಿಂಚ ದಾನ್ನಿ ಸೂಪಿತ್ತಾಮು ? ಆದಿ ಸಾಸ್ವು ಗಿಂಜುಲ್ಲಾಕ ವುಂಟಾದಿ . \v 31 ಭೂಮಿಲ ಬಿತ್ತೆನಪ್ಡು ಆದಿ ಭೂಮಿಲವುಂಡೆ ಅನ್ನಿ ಇತ್ಲುಕಿಂತಾನು ಸನ್ದಾಯಿಂದಿ . \v 32  ಬಿತ್ತಿನ್ಮಿಂದ ಆದಿ ಪೆರ್ಗಿ ಅನ್ನಿ ಕಾಯಿಪಲ್ಯುಮಿನ ಶೆಟ್ಳುಕಿಂತ ಪೆದ್ದುದಾಯಿ ಪೆದ್ದ ಪೆದ್ದ ಕೊಂಬೇಲ್ನಿ ಇಡ್ಸೆದಾನ್ನಿಂಚ ಆಕಾಶುಮ್ಲ ಪಾರಾಡೆ ಪಕ್ಷಿಲು ದಾನ್ ನೀಡ್ಲಾ ವಾಸ್ಮುಸೆಸೆದಾನ್ಕಿಆಯ್ತಾದಿ ಅನೆ .

04/33.txt

@@ -0,0 +1 @@
+\v 33  ಯೇಸು ಇಟ್ಟೆ ಅನೇಕ್ಮು ಸಾಮ್ಯುಲಿಂಚ ಜನಲು ಗ್ರಹಿಕೆಕಿ ತಕ್ಮಾಯಿ ದೇವುಡು ವಾಕ್ಯುಮ್ನಿ ಸೊಪ್ತವುಂಡೆ . \v 34  ಸಾಮ್ಯುಮುಲೇಕುನ್ನಾ ವಾಳ್ಕಿ ಸೊಪ್ಲೇದು . ಆಯ್ತೆ ಪ್ರತ್ಯೆಕ್ಮಾಯಿ ಯೇಸು ವಾಳ್ ಆಪ್ತ ಶಿಷ್ಯುಲ್ಕಿ ಅಂತಾನು ಇಪ್ಪಿ ಸೊಪ್ಪೇ .

04/35.txt

@@ -0,0 +1 @@
+\v 35 \v 36 ಆ ಪೊದ್ದು ಮಾಟಾಲಾಯಿನಪ್ಡು ಯೇಸು ವಾಳ್ಕಿ - ಅಕ್ಡ ದಡುಮ್ಕಿ ಪದಾಮು ಅನಿ ಸೊಪ್ಪೆ ವಾಳು ಆ ಜನಲು ಗುಂಪ್ನಿ ಇಡ್ಸಿ ಯೇಸುನಿ ಅದೇ ದೋಣಿಲ ಅಟ್ಟೆ ತೊಡ್ಕೋನಿ ಪಾಯ್ರಿ . \v 37 ದೋಣಿಲು ಯೇಸು ಜೊತ್ಲ ವುಂಡೆ . ಆಮಿಂದ ಪೆದ್ದ ಬಿರ್ಗಾಲಿ ಲೇಸಿ ತೆರೆಲು ಆ ದೋಣಿಕಿ ಕೊಟ್ಟಿ ನೋನ್ಕಿ ನುಗ್ಗಿಂದಾನಿಂಚ ಆ ದೋಣಿ ಅಪ್ಡೇ ನಿoಡೆದಾನ್ಕಿ ವಚ್ಚುಂಡೆ .

04/38.txt

@@ -0,0 +1 @@
+\v 38 \v 39  ಯೇಸು ಎನ್ಕ ತಲ್ಕೈ ದಿಂಬ್ನಿ ಒರ್ಗಿ ನಿದ್ರ ಸೇಸ್ತವುಂಡೆ. ವಾಳು ಯೇಸುನಿ ಲೇಪಿ - ಗುರುವಾ , ಮಾಮು ಮುಳ್ಗಿಪಾಯೇದಾಂಟ್ಲ ನೀಕಿ ಚಿಂತಲೇದಾ ಅನಿ ಅಡ್ಗೇಕಿ ಯೇಸು ಲೇಸಿ ಗಾಲಿನಿ ಗದ್ರಿಚ್ಚಿ ಸಮುದ್ರುಮ್ಕಿ - ಊರ್ಕುಂಡು , ಮೊರೆಯೊದ್ದು ಅನಿ ಅಪ್ಪಣ್ಮು ಇಚ್ಚೆ .

04/40.txt

@@ -0,0 +1 @@
+\v 40  ಇಚ್ನಟ್ಗೆ ಗಾಲಿ ನಿಲ್ಚ್ಪಾಯಿ ಅಂತ ಶಾಂತ್ಮಾಯೇ . ಆಮಿಂದ ಯೇಸು ವಾಳ್ನಿ ಎಂದ್ಗೂ ದೈರ್ಯುಮುಶೆಡ್ತಾರು ? ಇಂಕ ಮೀಕಿ ನಂಬುಕ್ಮುಲೇದಾ ಅನಿ ಅಡ್ಗೇಕಿ ವಾಳು ಬಯ್ಮು ಪಡಿ - ವೂಡು ಯೋಳುನ್ಡೊಚ್ಚು ? \v 41 ಸಮುದ್ರುಮುನು ಸಹ್ಮು ವೂಡ್ ಸೊಪ್ಪಿನಟ್ಗ ಇಂಟಾವೆ ಅನಿ ವಾಳ್ ವಾಳ್ನೋನ ಮಾಟ್ಲಾಡ್ಕೊನ್ರಿ .

05/01.txt

@@ -0,0 +1 @@
+\v 1  ಆಮಿಂದ ವಾಳು ಏಟ್ ಅಕ್ಡ ದಡುಮ್ಕಿ ಗೆರಸೇನುಲು ಸೀಮೇಕಿ ಮುಟ್ರಿ . \v 2  ಯೇಸು ದೋಣಿ ಇಂಚ ದಿಗಿ ವಚ್ಚಿನಾಕ್ಷಣ್ಮೆ ದೈಮು ಪಟ್ನೋಡ್ ಒಕ್ಡು ಸಮಾದಿ ಗವಿಲ್ನೋನಿoಚ ವಾಡ್ ಎದ್ರುಗೆ ವಚ್ಚೆ .

05/03.txt

@@ -0,0 +1 @@
+\v 3 \v 4  ವಾಡ್ಕಿ ಸಮಾದಿ ಗವಿಲೇ ವಾಸ್ಮುಸ್ಥಲ್ಮಾಯುಂಡೆ . ವಾಡ್ನಿ ಅನೇಕ್ಮು ಸಾರಿ ಬೇಡಿಲಿಂಚಾನು ಸರ್ಪ್ನಿಲಿಂಚಾನು ಕಟ್ಟುಂಡ್ರಿ ವಾಡು ಸರ್ಪ್ನಿಲ್ನಿ ಪೆರ್ಕಿ ಬೇಡಿಲ್ನಿ ಇರ್ಸಿಏಸುಂಡೆ , ವಾಡ್ನಿ ಇಂಕ ಯೋಳು ಸರ್ಪ್ನಿಲಾನು ಕಟ್ಟಕಾಕುನ್ನ ಪಾಯ್ರಿ , ವಾಡ್ನಿ ಹತೋಟಿಕಿ ಎತ್ಕೊಚ್ಚೇಕಿ ಯೋಳಿಂಚಾನು ಆವ್ಲೇದು .

05/05.txt

@@ -0,0 +1 @@
+\v 5 ವಾಡು ನಿತ್ಯುಮು ಮಾಟಾಲ ಪದ್ನ ಸಮಾದಿ ಗವಿಲ್ಲಾನು ಗುಡ್ದುಲ್ಲಾನು ಆರ್ಭಟಿಸ್ತ ರಾಯ್ಲಿಂಚ ವಾಡ್ನಿ ನರ್ಕೊಂಟ ವುಂಡೆ . \v 6 ವಾಡು ಯೇಸುನಿ ದೂರ್ಮಿಂಚ ಕನಿ ಪರ್ರೊಚ್ಚಿ ಯೇಸುಕಿ ಅಡ್ಮು ಪಡಿ ಪೆದ್ದ ಶಭ್ದುಮಿಂಚ ಆರ್ಭಟಿಚ್ಚಿ -

05/07.txt

@@ -0,0 +1 @@
+\v 7 ಯೇಸುವಾ , ಪರಾತ್ಪುಡೈನ ದೇವುಡು ಕೊಡ್ಕಾ , ನಾ ಗೊಡ್ವ ನಿಕೇoದ್ಗು ? ದೇವುಡಾಣ , ನನ್ನೀ ಕಾಡೋದ್ದು ಅನಿ ಸೊಪ್ಪೆ . \v 8  ಎಂದ್ಕಂಟೆ - ಎಲಾ ದೈಮ , ವೂಡ್ನಿ ಇಡ್ಸಿಪೋ ಅನಿ ಯೇಸು ಸೊಪ್ಪೆ .

05/09.txt

@@ -0,0 +1 @@
+\v 9 ಮಲಿ - ನೀ ಪೇರೇಮಿ ಅನಿ ವಾಡ್ನಿ ಅಡ್ಗಿನ್ದಾಂಕಿ ವಾಡು - ನಾ ಪೇರು ದಂಡು , ಎಂದ್ಕಂಟೆ ಮಾಮು ಬಹು ಮಂದಿಲು ವುಂಡಾಮು ಅನಿ ಸೊಪ್ಪಿ - \v 10  ಮಮ್ಮುಲ್ನಿ ಈ ಸೀಮೆಯಿಂಚ ಅಂಪಿಯೊದ್ದು ಅನಿ ಯೇಸುನಿ ಹೆಕ್ವಾಯಿ ಬೇಡ್ಕೊನೆ .

05/11.txt

@@ -0,0 +1 @@
+\v 11  ಆನಿನ ಗುಡ್ಡುಮ್ಲ ಪಂದ್ಲಿನ ಪೆದ್ದ ಹಿಂಡು ಮೇಸ್ತವುಂಡೆ . \v 12  ಆ ದೈಮ್ಲು - ಆ ಪಂದ್ಲುನೋನ ಸೇರೆದಾನ್ಕು ಮಮ್ಮುಲ್ನಿ ಅಂಪಿಯ್ಯಿ ಅನಿ ಬೇಡ್ಕೊನೆ . \v 13  ಯೇಸು - ಆವ್ನಿ ಅನಿ ಅವುಟ್ಳುಕಿ ಅಪ್ಪುಣ್ಮು ಇಚ್ಚೇಕಿ ಆ ದೈಮ್ಲು ಆಕ್ಟರ್ಕಿ ವಚ್ಚಿ ಪಂದ್ಲುನೋನ್ಕಿ ಪಾಯೇ , ಆ ಪಾರಿ ಕಡಿದಾಯಿನ ಸ್ಥಲ್ಮಿಂಚ ಏಟ್ನೋನ್ಕಿ ಪಡಿ ಆನ ಉಸ್ರುಕಟ್ಟಿ ಸಚ್ಚೆ . ಹೆಕ್ವ-ತಕ್ವ ರೊಂಡು ಸಾವ್ರಾಲು ಪಂದ್ಲುಂಡೆ .

05/14.txt

@@ -0,0 +1 @@
+\v 14  ಅವ್ಟ್ಲುನಿ ಮೇಸೋಳು ಪರ್ಪಾಯಿ ಆ ಊರ್ಲಾನು ಹಳ್ಳಿಲ್ಲಾನು ತಿಲ್ಬಿಚ್ಚೇಕಿ ಜನಲು ನಡ್ಸಿನ ಸಂಗತಿ ಏಮಿ ಅನಿ ಸೂಸೆದಾನ್ಕಿ ಪಾಯಿ ಯೇಸು ವುಂಡೆದಾನ್ಕಿ ವಚ್ಚಿ ಆ ದೈಮು ಪಟ್ಟುoಡ್ನೋಡು , \v 15  ಅಂಟೆ ದೈಮ್ಲು ದಂಡಿಂಚ ಪಟ್ಟಿನ್ಡುನೋಡಾಯಿಂಡೋಡು , ಬಟ್ಳುನಿ ಏಸ್ಕೋನಿ ಸ್ವಸ್ಥ್ಮುಬುದ್ದಿಯಿಂಚ ಕುಚ್ಚೋನುಂಡೆದ್ನಿ ಸೂಸಿ ಹೆದ್ರುರ್ರಿ .

05/16.txt

@@ -0,0 +1 @@
+\v 16 \v 17 ನಡ್ಸಿನ ಸಂಗತಿನಿ ಸೂಸುಂಡ್ನೋಳು ಆ ದೈಮು ಪಟ್ನೋಡ್ಕಿ ಇಟ್ಟ ಇಟ್ಟಾಯೆ ಅನೇದ್ನಿ ಪಂದ್ಲು ವಿಷಯುಮ್ನಿ ವಾಳ್ಕಿ ವಿವರಿಚ್ಚೇಕಿ ವಾಳು ವಾಳ್ ಸೀಮೇನಿ ಇಡ್ಸಿ ಪೋವಾಲನಿ ಯೇಸುನಿ ಬೇಡ್ಕೊನ್ರಿ .

05/18.txt

@@ -0,0 +1 @@
+\v 18  ಯೇಸು ದೋಣಿನಿ ಎಕ್ಕೆನಪ್ಡು ಆ ಪಟ್ಟುಣ್ನೋಡು - ನಾನು ನೀ ದೆಗ್ರನೆ ವುಂಟಾನನಿ ಯೇಸುನಿ ಬೇಡೇಕಿಪಟ್ಕೊನೆ . \v 19  ಆಯ್ತೆ ವಾಡು ವಾಡ್ನಿ ವುನ್ದ್ಬಿಯ್ಕುನ್ನ ವಾಡ್ಕಿ - ನುವ್ವ ನೀ ಇಂಟ್ಕು ನೀ ಜನಲು ದೆಗ್ರುಕು ಪಾಯಿ ಸ್ವಾಮೀ ಮೀಲಾ ಕರುಣ್ಮು ಪೆಟ್ಟಿ ನೀಕಿ ಎಟ್ಟೆಟ್ಟೆ ಉಪಕಾರ್ಲುನಿ ಸೇಸ್ನಾಡೋ ದಾನ್ನಿ ಸೊಪ್ಪು ಅನೆ . \v 20  ವಾಡು ಪಾಯಿ ಯೇಸು ವಾಡ್ಕಿ ಸೇಸಿನ ಉಪಕಾರ್ಲುನಿ ದೆಕಪೋಲಿ ಅನೆ ಸೀಮೇಲ ಸಾರೆದಾನ್ಕಿ ಪ್ರಾರಂಭಿಚ್ಚೆ , ಅಂದ್ರು ಆಶ್ಚರ್ಯುಮುಪಡ್ರಿ .

05/21.txt

@@ -0,0 +1 @@
+\v 21  ಯೇಸು ತಿರ್ಗಿ ದೋಣಿಲ ಅಕ್ಡ ದಡುಮ್ಕಿ ವಚ್ನಪ್ಡು ಜನಲು ಬಹು ಪೆದ್ದ ಗುಂಪಾಯಿ ಯೇಸು ದೆಗ್ರುಕಿ ವಚ್ರಿ , ಯೇಸು ಏಟು ದಡುಮ್ಲ ವುಂಡೆ . \v 22  ಅಪ್ಡು ಸಭಾಮಂದಿರ್ಮು ಅಧಿಕಾರ್ಲುಲ ಒಕ್ಡಾಯಿನ ಯಾಯೀರುಡನೋಡು ವಚ್ಚಿ ಯೇಸುನಿ ಕನಿ ಪಾದಲ್ಕಿ ಪಡಿ - \v 23  ನಾ ಸಿನ್ ಬಿಡ್ಡ ಇಪ್ಡು ಸಸ್ತಾದಿ , ಆದಿ ವಾಸಿಯಾಯಿ ಬದ್ಕೊನೆಅಟ್ಗ ನುವ್ವ ವಚ್ಚಿ ದಾನ್ ಮಿಂದ ಸೈ ಪೆಟ್ಟಾಲ ಅನಿ ಯೇಸುನಿ ಹೆಕ್ವಾಯಿ ಬೇಡ್ಕೊನೆ . \v 24  ಯೇಸು ವಾಡ್ ಜೊತ್ಲ ಪಾಯೇ , ಮಲಿ ಬಹುಜನಲು ವಾಡ್ನಿ ನೂಕೋನಿ ಎನ್ಕ ಪಾಯ್ರಿ .

05/25.txt

@@ -0,0 +1 @@
+\v 25  ಅಪ್ಡು ಪನ್ನೆಂಡು ಯಾಡ್ದಿಲಿಂಚ ರಕ್ತುಮು ಕುಸುಮುಮು ರೋಗ್ಮುವುಂಡಿನ ಓಕ್ ಆಡ್ದಿ ವಚ್ಚೆ . \v 26  ಆದಿ ಅನೇಕ್ಲು ವೈದ್ಯುಲಿಂಚ ಬಹು ಕಷ್ಟುಮ್ನಿ ಅನುಭವಿಚ್ಚಿ ಸೇತ್ಲ ವುನ್ಡಿoದಾನ್ನಿಅಂತ ಕಲ್ಸ್ಕೊಂಟೇನು ರೋಗ್ಮು ಹೆಕ್ವಾಯ್ತ ವಚ್ಚಿಂದೆ ಹೊರ್ತು ಮಲೇಮಿ ಪ್ರಯೋಜ್ನುಮ್ನಿ ಹೊಂದುಂಡ್ಲೆದು . \v 27  ಆ ಆಡ್ದಿ ಯೇಸು ಸಮಾಚಾರ್ಮುನಿ ಇನಿ -

05/28.txt

@@ -0,0 +1 @@
+\v 28 \v 29 ನಾನು ವಾಡ್ ಬಟ್ಳುನಿ ಮುಟ್ತೆ ಸಾಲು , ನೆಟ್ಗಾಯ್ತಾನು ಅನಿ ಆಲೋಚ್ನುಮು ಸೇಸಿ ಗುಂಪ್ಲ ಎನ್ಕಿಂಚ ವಚ್ಚಿ ಯೇಸು ಬಟ್ಳುನಿ ಮುಟ್ಟೆ . ಮುಟ್ಟಿನ್ ತಕ್ಷಣ್ಮೆ ದಾನ್ಕಿ ರಕ್ತುಮು ಹರ್ಸೇದಿ ನಿಲ್ಚ್ಪಾಯಿಂದಾನ್ನಿಂಚ ಆದಿ ನನ್ನೀ ಕಾಡಿನ ರೋಗ್ಮು ಪಾಯಿ ನಾಕಿ ಗುಣ್ಮಾಯೇ ಅನಿ ದಾನ್ ನೋನೆ ತಿಚ್ಕೋನೆ .

05/30.txt

@@ -0,0 +1 @@
+\v 30 ಆ ಕ್ಷಣ್ಮೆ ಯೇಸು ನಾಯಿಂಚ ಶಕ್ತಿ ಪಾಯೇ ಅನಿ ವಾಳ್ಳಾ ತಿಲ್ಚ್ಕೋನಿ ಗುಂಪ್ಲ ಎನ್ಕ್ ತಿರ್ಗಿ - ನಾ ಬಟ್ಳುನಿ ಯೋಳು ಮುಟ್ಟ್ರಿ ? ಅನಿ ಅಡ್ಗೇಕಿ ಯೇಸು ಶಿಷ್ಯುಲು ವಾಡ್ಕಿ - \v 31 ಜನಲು ನಿನ್ನಿ ನೂಕೆದ್ನಿ ಕನಿ ಕನಿ ನನ್ನೀ ಯೋಳು ಮುಟ್ರಿ ಅನಿ ಅಡ್ಗ್ತಾವೆ ಅನಿ ಸೊಪ್ರಿ . \v 32  ಆಯ್ತೆ ಯೇಸು ಈ ಕೆಲ್ಸ್ಮು ಸೇಸಿನ್ದಾನ್ನಿ ಕನಾಲನಿ ಸುತ್ಲು ಸೂಸ್ತ ವುಂಡೋಲಾಯಿ

05/33.txt

@@ -0,0 +1 @@
+\v 33  ಆ ಆಡ್ದಿ ದಾನ್ಕಾಯಿಂದಾನ್ನಿ ತಿಲ್ಸ್ಕೋನಿ ಅಂಜಿ ನಡ್ಗ್ತಾ ವಚ್ಚಿ ಯೇಸುಕಿ ಅಡ್ಮು ಪಡಿ ವುಂಡಿನ ಸಂಗತಿನಿ ಅಂತ ಸೊಪ್ಪೆ . \v 34  ಯೇಸು ದಾನ್ಕಿ - ಬಿಡ್ಡಾ , ನೀ ನಂಬುಕ್ಮೆ ನಿನ್ನೀ ಸ್ವಸ್ಥ್ಮು ಸೇಸೆ , ಸಮಧಾನ್ಮಿಂಚ ಪೋ , ನಿನ್ನೀ ಕಾಡಿನ ರೋಗ್ಮು ಪಾಯಿ ನೀಕಿ ಗುಣ್ಮಾವ್ನಿ ಅನಿ ಸೊಪ್ಪೆ .

05/35.txt

@@ -0,0 +1 @@
+\v 35  ಯೇಸು ಇಂಕ ಮಾಟ್ಲಾಡ್ತಾವುಂಡ್ನಪ್ಡು ಸಭಾಮಂದಿರ್ಮು ಅಧಿಕಾರಿಲು ತೊಟ್ಟೋಳು ವಚ್ಚಿ - ನೀ ಬಿಡ್ದ ಸಚ್ಪಾಯೇ , ಇಂಕೆದ್ಗು ಗುರುಕಿ ತೊಂದ್ರ ಇಚ್ಚೇದಿ ? ಅನ್ರಿ .

05/36.txt

@@ -0,0 +1 @@
+\v 36  ವಾಳು ಆಡಿನ ಮಾಟ್ನಿ ಯೇಸು ಲಕ್ಷ್ಯುಮು ಸೇಯ್ಕುನ್ನಾ ಸಭಾಮಂದಿರ್ಮು ಅಧಿಕಾರಿಕಿ - ಅಂಜೋದ್ದು , ನಂಬುಕ್ಮು ಮಾತ್ರುಮು ವುನ್ಡ್ನಿ ಅನಿ ಸೊಪ್ಪೆ . \v 37 ಮಲಿ ವಾಡು ಪೇತ್ರುಡು , ಯಾಕೋಬುಡು , ಯಾಕೋಬುಡು ತೊಂಬ್ಡಾಯಿನ ಯೋಹಾನುಡು ವೂಳ್ನೆ ಹೊರ್ತು ಬೇರೆ ಯೋಳ್ನು ವಾಳ್ಜೊತ್ಲ ವಚ್ಚೆಕಿಡಿಲೇದು . \v 38  ವಾಳು ಆ ಸಭಾಮಂದಿರ್ಮು ಅಧಿಕಾರಿಲು ಇಂಟ್ಕಿ ವಚ್ನಪ್ಡು ವಾಡು ಗದ್ದಲ್ಮುನಿ ಕೆಲುವ್ಲು ಹೆಕ್ವಾಯಿ ಏಡ್ಸೆದಾನ್ನಿ ಗೋಳಾಡೆದಾನ್ನಿ ಕನೆ .

05/39.txt

@@ -0,0 +1 @@
+\v 39  ಯೇಸು ನೋನ್ಲೇಕಿ ಪಾಯಿ - ಮೀರು ಗದ್ದಲ್ಮು ಸೇಸೇದಿ ಏಡ್ಸೇದಿ ಎಂದ್ಗೂ ? \v 40  ಪಿಲ್ಲ ಸಾಯ್ಲೇದು , ನಿದ್ರ ಸೇಸ್ತ ವುಂಡಾದಿ ಅನೇಕಿ ವಾಳು ಯೇಸುನಿ ಹಾಸ್ಯುಮು ಸೇಸ್ರಿ . ಆಯ್ತೆ ಯೇಸು ಅಂದ್ರುನಿ ಆಕ್ಟರ್ಕಿ ಅಂಪಿಚ್ಚಿ ಆ ಪಿಲ್ಲಿನ ತಲ್ಲಿ ತಂಡ್ರಿನಿ ವಾಳ್ ಜೊತ್ಲ ವುನ್ಡ್ನೋಳ್ನಿ ಪಿಲ್ಲ ವುಂಡಿನ್ ತಾಕಿ ತೋಡ್ಕೋನಿ ಪಾಯಿ ದಾನ್ ಸೈ ಪಟ್ಟಿ - ತಲ್ಲಿಥಾ ಕೂಮ್ ಅನೆ .

05/41.txt

@@ -0,0 +1 @@
+\v 41 ಆ ಮಾಟ್ಕಿ - ಅಮ್ಮಣ್ಣಿ , ಲೈಯಿಅoಟಾನು ಅನರ್ಥುಮು . \v 42 ತಕ್ಷಣ್ಮೆ ಆ ಪಿಲ್ಲ ಲೇಸಿ ನಡ್ಸಾಡೆ , ಆದಿ ಪನ್ನೆಂಡು ಎಂಡ್ಳು ಯಾಡ್ದಿದಿ . \v 43  ವಾಳು ಬಹಳ್ಮು ಆಶ್ಚರ್ಯುಮಿಂಚ ಬೆರ್ಗಾಯ್ರಿ . ಆಮಿಂದ ಯೇಸು ವಾಳ್ಕಿ - ಇದಿ ಯೋಳ್ಕು ತಿಳಿಗುಡ್ದು ಅನಿ ಬಹು ನಿಜಮೈಯಿ ಸೊಪ್ಪಿ ಆ ಪಿಲ್ಕಿ ಊಟ್ಮು ಸೇಬಿಯಂಡ್ರಿ ಅನೆ .

06/01.txt

@@ -0,0 +1 @@
+\v 1 ಯೇಸು ಆನಿಂಚ ಹೊರ್ಟಿ ವಾಳ್ ಊರ್ಕಿ ವಚ್ಚೆ , ಶಿಷ್ಯುಲು ಯೇಸು ಎನ್ಕೆ ವಚ್ರಿ . \v 2 ಸಬ್ಬತ್ ದಿನ್ಮು ವಚ್ನಪ್ಡು ವಾಡು ಸಭಾಮಂದಿರುಮ್ಕಿ ಪಾಯೇ ಉಪದೇಶ್ಮು ಸೇಸೆದಾನ್ಕಿ ಪ್ರಾರಂಭಿಚ್ಚೆ . ಅಂದ್ರು ಇನಿ ಅತ್ಯಾಶ್ಚರ್ಯುಮು ಪಡಿ - ವೂಡ್ಕಿ ಈ ಮಾಟ್ಳು ಯಾನಿಂಚ ವಚ್ನಾವಿ ? ವೂಡು ಪಡ್ಸುಂಡೆ ಆ ಜ್ಞಾನುಮು ಏಮಿ ? ವೂಡ್ ಸೈಯಿಂಚ ಇಟ್ಟೆ ಮಹತ್ಕಾರ್ಯಲು ಆಯೇದಿ ಏಮಿ ? ವೂಡು ಆ ಬದಗಿಡು ಕದಾ . \v 3  ವೂಡು ಮರಿಯಳು ಕೊಡ್ಕು ಕದಾ . ಯಾಕೋಬುಡು ಯೋಸೆಯಾಯಿನ ಸೀಮೊನುಡು ವೂಳ್ ಅನ್ನ ಕದಾ . ವೂಡ್ ಶೆಲ್ಗಾಳು ಈನ ಮಾಲ ವುಂಡಾರು ಕದಾ ಅನಿ ಮಾಟ್ಳಾಡ್ಕೋನಿ ಯೇಸು ವಿಷಯ್ಮಾಯಿ ಬೇಸರ್ಮುಸೇಸ್ಕೊನ್ರಿ .

06/04.txt

@@ -0,0 +1 @@
+\v 4 ಯೇಸು ವಾಳ್ಕಿ - ಪ್ರವಾದಿ ಬೇರೆ ಯಾನುಂಟೆನು ವಾಡ್ಕಿ ಮರ್ಯಾದೆ ವುಂಡಾದಿ , ಆಯ್ತೆ ಸ್ವದೇಶ್ಮುಲಾನು ಸ್ವಂತ ಜನುಮ್ಲಾನು ಸ್ವಂತ ಇನ್ಟ್ಲಾನು ಮಾತ್ರ ಮಾರ್ಯಾದೆ ಲೇದು ಅನಿ ಸೊಪ್ಪೆ . \v 5 ಯೇಸು ಆನ ಕೆಲುವ್ಲು ಮಂದಿ ರೋಗಿಲು ಮಿಂದ ಸೈಪೆಟ್ಟಿ ಸ್ವಸ್ಥುಮು ಸೇಸಿಂದೆ ಹೊರ್ತು ಬೇರೆ ಯಾವ್ ಮಹತ್ಕಾರ್ಯುಮ್ನಿ ಸೇಸೆದಾನ್ಕಾವ್ಲೇದು . \v 6 ವಾಳು ತನ್ನೀ ನಂಬ್ಕುಣ್ಣ ಪಾಯಿಂದಾನ್ಕಿ ವಾಡು ಆಶ್ಚರ್ಯುಮು ಪಡೆ .

06/07.txt

@@ -0,0 +1 @@
+\v 7 ಯೇಸು ಹಳ್ಳಿಪಳ್ಳಿಲ್ನಿ ಸುತ್ಕೋನಿ ಉಪದೇಶ್ಮು ಸೇಸ್ತಾ ವಚ್ಚೆ .ಮಲಿ ಪನ್ನೆಂಡು ಮಂದಿ ಶಿಷ್ಯುಲ್ನಿ ಹತ್ರುಮ್ಕಿ ಪಿಲ್ಚಿ ವಾಳ್ನಿ ಇದ್ರಿದ್ರಾಯಿ ಅಂಪಿಚ್ಚೆಕಿ ಆರಂಭಿಚ್ಚೆ . ಅಂಪಿಚ್ಚೆನಪ್ಡು ವಾಳ್ಕಿ ದೈಮ್ಲು ಮಿಂದ ಅಧಿಕಾರ್ಮು ಇಚ್ಚಿ - \v 8 ಕಟ್ಟ ಹೊರ್ತು ದಾವ್ಕಿ ಏಮಿ ಸೀಸ್ಕೋನಿ ಪೋವದಂಡ್ರಿ , ಬುತ್ತಿ , ಹಸಿಭ , ಹಮ್ಮಿಣಿಲ ದುಡ್ಲು ವದ್ದು , ಶೋಪ್ಪುಲ್ನಿ ಮೆಟ್ಕೋನಿ ಪೋವಚ್ಚು . \v 9  ರೊಂಡು ಅಂಗಿಲ್ನಿ ಏಸ್ಕೊವದಂಡ್ರಿ ಅನಿ ಅಪ್ಪಣ್ಮು ಇಚ್ಛೆ .

06/10.txt

@@ -0,0 +1 @@
+\v 10 ಇದ್ಕಾಕುನ್ನ ಯೇಸು ವಾಳ್ಕಿ - ಮೀರು ಯಾನಾರ ಓಕ್ ಇಂಟ್ಳ ದಿಕ್ಕೊನಪ್ಡು ಆ ಸ್ಥಳ್ಮಿಂಚ ಪಾಯೇಗಂಟ ಅನ್ನೇ ವುಂಡಂಡ್ರಿ . \v 11 ಮಲಿ ಯಾವ್ ಸ್ಥಳ್ಮೊಳಾಯ್ತೆನು ಮಿಮ್ಮುಲ್ನಿ ಸೇರ್ಬಿಚ್ಕೊಲೇಕ್ಪೋತೆನು ಮೀರು ಸೊಪ್ಪಿಂದಾನ್ನಿ ಇನ್ಕುನ್ನಪಾತೆನು ಆ ಸ್ಥಳುಮಿಂಚ ಪಾಯೇನಪ್ಡು ಕಾಲ್ಕಿ ಎಕ್ಕಿನ ದೂಳ್ನಿ ಒದ್ರಿಡಂಡ್ರಿ , ಆದಿ ವಾಳ್ಕಿ ಸಾಕ್ಷಿಯಾಯುಂಡ್ನೀ ಅನಿ ಸೊಪ್ಪೆ .

06/12.txt

@@ -0,0 +1 @@
+\v 12 \v 13  ವಾಳು ಪಾಯಿ ಜನಲಿಕಿ - ದೇವುಡು ತೊಟ್ಕಿ ತಿರಿಕೊವಾಲನಿ ಸಾರಿ ಅನೇಕ್ಮು ದೈಮ್ಲುನಿ ಇಡ್ಬಿಚ್ಚಿ ಅನೇಕ್ಮು ರೋಗಿಲ್ಕಿ ಅಂದ್ಮು ಏಸಿ ವಾಸಿಸೇಸ್ರಿ .

06/14.txt

@@ -0,0 +1 @@
+\v 14 ಮಲಿ ಅರ್ಸುಡಾಯಿನ ಹೆರೋದುಡು ಯೇಸು ಸುದ್ಧಿನಿ ಇನೆ . ಎಂದ್ಕಂಟೆ ವಾಡ್ ಪೇರು ಪ್ರಸಿದ್ಧಿಯಾಯೇ , ಮಲಿ ಜನಲು ವಾಡ್ ವಿಷಯುಮ್ಲ ಸ್ನಾನಿಕುಡೈನ ಯೋಹಾನುಡೇ ತಿರ್ಗಿ ಬದ್ಕಿವಚ್ನಾಡು , ದಾನ್ನಿಂಚ ಮಹತ್ಕಾರ್ಯಲ್ನಿ ನಡ್ಬಿಚ್ಚೆ ಶಕ್ತಿಲು ವಾಡ್ಲ ವುಂಡಾವಿ ಅನಿ ಸೊಪ್ತವುಂಡ್ರಿ . \v 15 ಕೆಲುವ್ಲು ವೂಡು ಎಲಿಯುಡು ಅನಿನು ಕೆಲುವ್ಲು - ವೂಡು ಎನ್ಕ ಪ್ರವಾದಿಲಾಕವುಂಡೆ ಓಕ್ ಪ್ರವಾದಿ ಅನಿನು ಸೊಪ್ರಿ .

06/16.txt

@@ -0,0 +1 @@
+\v 16 ಆಯ್ತೆ ಹೆರೋದುಡು ಯೇಸು ಸುದ್ದಿನಿ ಇನಿ - ನಾನು ತಲಕೈ ಹೊಸಿನ ಯೋಹಾನುಡೆ ತಿರ್ಗಿ ಬದ್ಕಿ ವಚ್ನಾಡು ಅನೆ . \v 17 ಹೆರೋದ್ಯುಡು ತಾನು ಪೆಟ್ಕೊನುಂಡಿನ ಹೆರೋದ್ಯಿದಿ ನಿಮಿತ್ಮು ಯೋಹಾನುಡ್ನಿ ಪಟ್ಟಿ ಚಪ್ಪಿಚ್ಚಿ ಸೆರೇಲ ಕಟ್ಟಿ ಏಬಿಚ್ಚೆ .ಆ ಹೆರೂದ್ಯಿದಿ ಹೆರೋದುಡು ಅನ್ನ ಆಯಿನ ಪಿಲಿಪ್ಪುಡು ಪೆಂಡ್ಳಾಮು .ಯೋಹಾನುಡು ಹೆರೋದುಡ್ಕಿ -

06/18.txt

@@ -0,0 +1 @@
+\v 18  ನೀ ಅನ್ನ ಪೆಂಡ್ಳಾಮ್ನಿ ಪೆಟ್ಕೊನುoಡೆದಿ ಧರ್ಮುಮು ಕಾದು ಅನಿ ಸಾಪ್ತಾವುಂಡೆ . \v 19 ದೀನ್ಕಿ ಹೆರೋದ್ಯಿದಿ ವಾಡ್ ಮಿಂದ ದ್ವೇಷ್ಮು ಪೆಟ್ಕೋನಿ ವಾಡ್ನಿ ಸೊಂಪಿಬಿಯಾಲನುಂಟೆನು ಆವ್ಕುಣ್ಣ ಪಾಯೇ . \v 20 ಹೆರೋದುಡು ಯೋಹಾನುಡ್ನಿ ನೀತಿವಂತುಡನಿ ದೇವುಡುಭಕ್ತುಡನಿ ತಿಳ್ಸಿ ಅಂಜ್ಕೋನಿ ವಾಡ್ಕಿ ಯಾವ್ ಅಪಾಯ್ಮು ರಾಕುಣಟ್ಗ ಪೆಟ್ಟುಂಡೆ . ಇದ್ಕಾಕುನ್ನ ಯೋಹಾನುಡು ಸೊಪ್ಪಿಂದಾನ್ನಿ ವಾಡು ಇನ್ನಪ್ಡು ಮನುಸ್ಲ ಬಹು ಗಲಿಬಿಲಿ ಪುಟ್ತೇನು ವಾಡ್ ಮಾಟ್ನಿ ಸಂತೋಷ್ಮಿಂಚ ಇಂಟ ವುಂಡೆ .

06/21.txt

@@ -0,0 +1 @@
+\v 21 \v 22  ಇಟ್ಟುoಡೆದಾಯಿ ದಾನ್ಕಿ ಅನುಕೂಲ್ಮಾಯಿನ ದಿನ್ಮು ವಚ್ಚೆ , ಎಟ್ಟಂಟೆ ಹೆರೋದುಡು ತಾನು ಪುಟ್ಟಿನ ನಾಡ್ಲ ಪ್ರಭುಲಿಕು ಸಹಸ್ರಾಧಿಪತಿಲ್ಕು ಗಲಿಲಾಯ್ಮು ಸೀಮೆ ಮುಖ್ಯಸ್ಥುಲ್ಕು ಔತಣ್ಮುನಿ ಸೇಬಿಚ್ನಪ್ಡು ಹೆರೋದ್ಯಿದಿ ಬಿಡ್ಡ ನೋನ್ಕಿ ವಚ್ಚಿ ನಾಟ್ಕ್ಮು ಸೇಸಿ ಹೆರೋದ್ಯುಡ್ನಿ ವಾಡ್ ಜೊತ್ಲ ಪಂಕ್ತಿಲ ಊಟುಮ್ಕಿ ಕುಚ್ಚೋನುಂಡೋಳ್ನಿ ಮೆಚ್ಚಿಚ್ಚೆ . ಅರ್ಸುಡು ಆ ಪಿಲ್ಕಿ - ಬೇಕಾಯುಂಡೇದ್ನಿ ಅಡಿಕೋ , ಇಸ್ತಾನು .

06/23.txt

@@ -0,0 +1 @@
+\v 23 ನುವ್ವ ನನ್ನೀ ಏಮಿ ಅಡಿಕೊಂಟೇನು ಸರಿ , ನಾ ರಾಜ್ಯುಮ್ಲ ಅರ್ಧ್ಮು ರಾಜ್ಯುಮ್ನಿ ಅಡ್ಗ್ತೇನು , ನೀಕಿ ಇಸ್ತಾನು ಅನಿ ಆಣೆ ಪೆಟ್ಕೋನಿ ಸೊಪ್ಪೆ . \v 24 ಅಪ್ಡು ಆದಿ ಆಕ್ಟರ್ಕಿ ಪಾಯಿ - ನಾನು ಏಮಿ ಅಡ್ಕೊಂದ್ನು ? ಅನಿ ತನ್ ತಲ್ಲಿನಿ ಅಡ್ಗಿದಾನ್ಕಿ ಆದಿ - ಸ್ನಾನಿಕುಡೈನ ಯೋಹಾನುಡು ತಲ್ಕೈನಿ ಅಡಿಕೋ ಅನೆ . \v 25 ತಕ್ಷಣ್ಮೆ ಆದಿ ಅರಸುಡು ದೆಗ್ರುಕಿ ಅವಸೃಮಿಂಚ ವಚ್ಚಿ - ಈ ಕ್ಷಣ್ಮುಲಾನೇ ಸ್ನಾನಿಕುಡೈನ ಯೋಹಾನುಡು ತಲಕೈನಿ ಪರಾತಿಲಾ ನಾಕಿ ಚಪ್ಪಿಚ್ಚಿಯಾಲನೇ ನಾ ಕೋರಿಕ್ಮು ಅನಿ ಆರ್ಕೆ ಸೇಸ್ಕೋನೆ .

06/26.txt

@@ -0,0 +1 @@
+\v 26 \v 27 ಅಂದ್ಗೆ ಅರಸುಡು ಬಹುದುಖ್ಮು ಪಡ್ರೀ ತಾನು ಪೆಟ್ಕೊನಿನ ಆಣುಲು ನಿಮಿತ್ಮಾಯಿ ತನ್ ಪಂಕ್ತಿಲ ಕುಚ್ಚೊನುನ್ಡ್ನೋಳ ನಿಮಿತ್ಮಾಯಿ ದಾನ್ನಿ ಅಸಡ್ಡೆ ಸೇಸೆದಾನ್ಕಿ ಮನ್ಸ್ಲೇಕುಣ್ಣ ತಕ್ಷಣ್ಮೆ ತನ್ ಪೈಗಾವ್ಲಿನ ಸಿಪಾಯಿಲ್ಲಾ ಒಕ್ಕುಡ್ಕಿ - ನುವ್ವ ಪಾಯಿ ಯೋಹಾನುಡು ತಲಕೈನಿ ಎತ್ಕೊಚ್ಚಿಯ್ಯಿ ಅನಿ ಅಪ್ಪಣ್ಮು ಇಚ್ಚಿ ಅಂಪಿಚ್ಚೆ , \v 28 ವಾಡು ಪಾಯಿ ಸೆರಇಂಟ್ಲ ವಾಡ್ ತಲಕೈನಿ ಎತ್ಕೋನಿ ಪರಾತಿಲ ಎತ್ಕೊಚ್ಚಿ ಆ ಪಿಲ್ಕಿ ಇಚ್ಚೆ .ಆ ಪಿಲ್ಲ ದಾನ್ನಿ ದಾನ್ ತಲ್ಲಿಕಿ ಇಚ್ಚೆ . \v 29 ಯೋಹಾನುಡ ಶಿಷ್ಯುಲು ಈ ಸಂಗತಿನಿ ಅಡ್ಗ್ನಪ್ಡು ವಾಳು ವಚ್ಚಿ ವಾಡ್ ಶವಾನ್ನಿ ಮೋಸ್ಕೋನಿ ಪಾಯಿ ಸಮಾದಿಲ ಪೆಟ್ರಿ .

06/30.txt

@@ -0,0 +1 @@
+\v 30 ಇಕ್ಡಿಕಿ ಅಪೋಸ್ತಲುಲು ವಾಡ್ ದೆಗ್ರುಕಿ ವಚ್ಚಿ ವಾಳು ಸೇಸಿಂದಾನ್ನಿ ಉಪದೇಶ್ಮು ಸೇಸಿಂದಾನ್ನಿ ಅಂತ ವಾಡ್ಕಿ ತಿಳ್ಬಿಚ್ಚೇಕಿ ವಾಡು ವಾಳ್ಕಿ - \v 31 ಮೀರು ಮಾತ್ರುಮು ವಿಂಗಡ್ಮಾಯಿ ಅಡ್ವಿಕಿ ವಚ್ಚಿ ಕೊಂಚ್ಮು ಆಕ್ಲಾರ್ಬಿಚ್ಕೊಂಡ್ರಿ ಅನಿ ಸೊಪ್ಪೆ . ಎಂದ್ಕಂಟೆ ಬಹಳ್ಮು ಮಂದಿಲು ವಸ್ತಾ ಪಾತಾ ವುಂಡಿಂದಾನ್ನಿಂಚ ವಾಳ್ಕಿ ಊಟ್ಮು ಸೇಸೆದಾನ್ಕು ಅವಕಾಶ್ಮು ಸಿಕ್ಲೇದು . \v 32 ಅಪ್ಡು ವಾಳು ದೋಣಿಲಾ ಹೊರ್ಟಿ ವಿಂಗಡ್ಮಾಯಿ ಅಡ್ವಿಕಿ ಪಾಯ್ರಿ .

06/33.txt

@@ -0,0 +1 @@
+\v 33 ವಾಳು ಪಾಯೇದಾನ್ನಿ ಬಹು ಜನಲು ಕನಿ ವಾಳ್ ಗುರ್ತ್ನಿ ಪಟ್ಟಿ ಅನ್ನೀ ಊರ್ಲಿಂಚ ಕಾಲುನಡ್ಗೆ ಆಯಿ ಪಾರಿ ವಾಳ್ಕಿಂತ ಮುಂದ್ರ ಆನ ಸೇರ್ರೀ . \v 34 ವಾಡು ಆಕ್ಟರ್ಕಿ ವಚ್ಚಿ ಬಹು ಜನಲು ಗುಂಪ್ನಿ ಕನಿ ವೂಳು ಗೊರ್ರೋಡು ಲೇನಿನ ಗೊರ್ಲುಲಾಕ ವುಂಡಾರೆ ಅನಿ ಕನಿಕರ್ಮು ಪಡಿ ವಾಳ್ಕಿ ಬಹಳ್ಮು ಉಪದೇಶ್ಮು ಸೇಸ್ತವುಂಡೆ .

06/35.txt

@@ -0,0 +1 @@
+\v 35 \v 36 ಅಂತ್ಪದ್ಗಿ ಬಹಳ್ಮು ಪೊದ್ದಾಯಿಂದಾನ್ನಿಂಚ ವಾಡ್ ಶಿಷ್ಯುಲು ವಾಡ್ ದೆಗ್ರುಕಿ ವಚ್ಚಿ - ಇದಿ ಅಡ್ವಿ , ಇಪ್ಡು ಪೊದ್ದು ಹೆಕ್ವಾಯೇ , ಈ ಜನಲ್ಕಿ ಅಪ್ಪಣ್ಮು ಇಯ್ಯಿ , ವೂಳು ಸುತ್ಲು ವುಂಡೆ ಹಳ್ಳಿಪಳ್ಳಿಳ್ಕಿ ಪಾಯಿ ವಾಳ್ ಊಟುಮ್ಕಿ ಏಮಾರ ಕೊನ್ಕೊನ್ನಿ ಅನಿನ್ದಾನ್ಕು ಯೇಸು -

06/37.txt

@@ -0,0 +1 @@
+\v 37 \v 38 ಮೀರೇ ವಾಳ್ಕಿ ಊಟುಮ್ಕಿ ಇಯ್ಯಂಡ್ರಿ ಅನಿ ಉತ್ರುಮಿಚ್ಚೆ . ಅಂದ್ಗು ವಾಳು - ಮಾಮು ಪಾಯಿ ಇನ್ನೂರು ರುಪಾಯ್ಲಿಕಿ ರೊಟ್ನಿ ಕೊನ್ಕೋನಿ ವಾಳ್ಕಿ ಊಟುಮ್ಕಿ ಇಯ್ಯಾಲ್ನೋ ? ಅನಿ ಅಡ್ಗೇಕಿ ವಾಡು - ಮೀಲಾ ಎನ್ನೀ ರೊಟ್ಳುನ್ಡಾವಿ ? ಪಾಯಿ ಸೂಸ್ಕೋನಿ ರಾಂಡ್ರಿ ಅನೆ . ವಾಳು ತಿಲ್ಚ್ಕೋನಿ ವಚ್ಚಿ - ಐದು ರೊಟ್ಳು ರೊಂಡು ಶಾಪ್ಲು ಅನ್ರಿ .

06/39.txt

@@ -0,0 +1 @@
+\v 39 \v 40 ಯೇಸು ವಾಳ್ಕಿ - ಅಂದ್ರು ಪಸ್ರುಕೊಸ್ವುಮಿಂದ ಪಂಕ್ತಿ ಪಂಕ್ತಿಯಾಯಿ ಕುಚ್ಚೋನ್ನಿ ಅನಿ ಅಪ್ಪಣ್ಮು ಇಚ್ನಪ್ಡು ಜನಲು ಪಂಕ್ತಿಕಿ ನೂರ್ಲಾಕ ಯಾಬೈಲಾಕ ಸಾಲುಸಾಲಾಯಿ ಕುಚ್ಚೋನ್ರಿ . \v 41  ಆಮಿಂದ ಯೇಸು ಆ ಐದು ರೊಟ್ಳು ರೊಂಡು ಶಾಪ್ಲುನಿ ಸೀಸ್ಕೋನಿ ಆಕಾಶ್ಮು ತೊಟ್ಗಿ ಸೂಸಿ ದೇವುಡು ಸ್ತೋತ್ರುಮು ಸೇಸಿ ಆ ರೊಟ್ಳುನಿ ಇರ್ಸಿ - ಮೀರು ಜನಲ್ಕಿ ಪಂಚಂಡ್ರಿ ಅನಿ ಶಿಷ್ಯುಲು ಸೇತ್ಕಿ ಇಚ್ಚಿ ಆ ರೊಂಡು ಶಾಪ್ಲುನಿ ಅಂದ್ರುಕು ಪಂಚಿಚ್ಚೆ .

06/42.txt

@@ -0,0 +1 @@
+\v 42 \v 43  ವಾಳಂದ್ರು ಊಟ್ಮು ಸೇಸಿ ತ್ರುಪ್ತುಲಾಯ್ರಿ . ರೊಟ್ಳು ತುಂಡ್ಲುನಿ ಶಾಪ್ಲು ತುಂಡ್ಲುನಿ ಕೂಡಿಚ್ಚಿನ್ದಾಯಿ ಪನ್ನೆಂಡು ಪುಟ್ಟಿಲು ನಿಂಡೆ . \v 44  ಊಟ್ಮು ಸೇಸ್ನೋಳು ಐದು ಸಾವ್ರಾಲು ಮೊಗೋಳು .

06/45.txt

@@ -0,0 +1 @@
+\v 45 ಇದಾಯಿನ್ಮಿಂದ ಯೇಸು ತನ್ ಶಿಷ್ಯುಲ್ಕಿ - ನಾನು ಈ ಜನಲು ಗುಂಪ್ನಿ ಅಂಪಿಚ್ಚಿ ಇಡ್ಸೆ ಅಂತ್ಪದ್ಗಿ ಮೀರು ದೋಣಿನಿ ಎಕ್ಕಿ ಮುಂದ್ರಾಯಿ ಅಕ್ಡ ದಡುಮ್ಕಿ ಬೇತ್ಸಾಯಿದ್ಮುಕಿ ಪೋಂಡ್ರಿ ಅನಿ ಬಲ್ವಂತ್ಮು ಸೇಸೆ . \v 46 ಯೇಸು ಜನಲ್ಕಿ ಅಪ್ಪಣ್ಮು ಇಚ್ಚಿನ್ಮಿಂದ ಪ್ರಾರ್ಥ್ನುಮು ಸೇಸೆದಾನ್ಕಾಯಿ ಬೆಟ್ಟುಮ್ಕಿ ಪಾಯೇ . \v 47 ಪೊದ್ದು ಮುಳ್ಗಿನ್ಮಿಂದ ದೋಣಿ ಸಮುದ್ರುಮು ದೆಗ್ರ ವುಂಡೆ , ಯೇಸು ಒಕ್ಡೇ ದಡುಮ್ಲ ವುಂಡೆ .

06/48.txt

@@ -0,0 +1 @@
+\v 48  ಎದ್ರು ಗಾಲಿ ಬೀಸ್ತವುನ್ಡೀದಾನ್ನಿಂಚ ಶಿಷ್ಯುಲು ಪುಟ್ಟಿ ಏಸಿ ಏಸಿ ಒದ್ದಾಡೆದಾನ್ನಿ ಯೇಸು ಕನಿ ಹೆಕ್ವ ತಕ್ವ ರಾತ್ರಿ ನಾಲ್ಗ್ನೆ ಜಾವುಮ್ಲ ಸಮುದ್ರುಮು ಮಿಂದ ನಡ್ಸಿ ವಾಳ್ ತೊಟ್ಗಿ ವಚ್ಚಿ ವಾಳ್ನಿ ದಾಟಿ ಮುಂದ್ರುಕಿ ಪೋವಾಲನುಂಡೆ . \v 49  ಸಮುದ್ರುಮು ಮಿಂದ ನಡ್ಸೆ ಯೇಸುನಿ ಕನಿ ದೈಮು ಅನಿ ಭಾವಿಚ್ಚಿ ಅಬ್ಬರಿಚ್ಚಿ ಕೂಸೇ , ವಾಳಂದ್ರು ಯೇಸುನಿ ಸೂಸಿ ತತ್ತರಿಚ್ರಿ . \v 50 ಯೇಸು ತಕ್ಷಣ್ಮು ವಾಳ್ನಿ ಮಾಟ್ಲಾಡಿಚ್ಚಿ ವಾಳ್ಕಿ - ದೈರ್ಯುಮಾಯುಂಡನ್ಡ್ರಿ , ನಾನು , ಅಂಜೋದಂಡ್ರಿ ಅನಿ ಸೊಪ್ಪೆ .