kimhorn_km_2ch_text_ulb/13/16.txt

\v 16 ប្រជាជនអ៊ីស្រាអែលរត់ភៀសខ្លួនពីមុខកងទ័ពយូដាហើយព្រះជាម្ចាស់បានប្រគល់ពួកគេទៅក្នុងកណ្តាប់ដៃរបស់ពួកកងទ័ពយូដា។  \v 17 ព្រះបាទអប៊ីយ៉ានិងកងទ័ពបានសម្លាប់ពួកគេដោយមុខដាវ ហើយមានកងទ័ពអ៊ីស្រាអែលដែលបានជ្រើសរើសចំនួនប្រាំសែននាក់បានស្លាប់។ \v 18 នៅគ្រានោះជនជាតិអ៊ីស្រាអែលត្រូវរងអាម៉ាស់យ៉ាងខ្លាំង រីឯប្រជាជនយូដាទទួលជ័យជំនះដោយសារពួកគេពឹងផ្អែកលើព្រះអម្ចាស់ជាព្រះនៃបុព្វបុរសរបស់ពួកគេ។ \v 19 ព្រះបាទអប៊ីយ៉ាដេញតាមព្រះបាទយេរ៉ូបោមហើយដណ្ដើមយកបានក្រុងខ្លះមកវិញគឺក្រុងបេតអែលជាមួយភូមិជុំវិញ ក្រុងយេសាណានិងភូមិជុំវិញ ក្រុងអេប្រាននិងភូមិជុំវិញ។ \v 20 នៅជំនាន់ព្រះបាទអប៊ីយ៉ា ស្តេចយេរូបោមមិនអាចពង្រឹងអំណាចឡើងវិញឡើយ ហើយព្រះអម្ចាស់បានប្រហារស្តេចឲ្យសោយទិវង្គត់ទៅ។ \v 21 ប៉ុន្តែព្រះ‌បាទ​អប៊ី‌យ៉ាវិញបាន​ពង្រឹង​អំណាច​យ៉ាង​រឹង‌មាំ។ ស្ដេច​មាន​មហេសី​ដប់‌បួន​អង្គ មាន​បុត្រា​ម្ភៃ​ពីរ​អង្គ និង​បុត្រី​ដប់​ប្រាំ​មួយ​អង្គ។ \v 22 រាជ‌កិច្ច​ផ្សេងៗ​ទៀត​របស់​ព្រះ‌បាទ​អប៊ី‌យ៉ា គឺ​អ្វីៗ​ដែល​ស្ដេច​បាន​ធ្វើ និង​រាជ‌ឱង្ការ​ដែល​ស្ដេច​បាន​ថ្លែង សុទ្ធ​តែ​មាន​កត់‌ត្រា​ទុក​ក្នុង​សៀវភៅ​អត្ថា‌ធិប្បាយ​របស់​ព្យាការី​អ៊ីដោ។