\v 24 ព្រះ‌បាទអហាសប្រមូលវត្ថុផ្សេងៗនៅក្នុងព្រះ‌ដំណាក់របស់ព្រះ‌ជាម្ចាស់ យកមកកម្ទេចចោល។ ស្ដេចបានបិទទ្វារព្រះ‌ដំណាក់របស់ព្រះ‌អម្ចាស់ រួចសង់អាសនៈនៅគ្រប់ច្រក‌ល្ហកក្នុងក្រុងយេរូ‌សាឡឹម។ \v 25 ស្ដេចក៏បានចាត់ចែងឲ្យមានកន្លែងសក្ការៈតាមទួលខ្ពស់ៗនៅក្រុងនីមួយៗក្នុងស្រុកយូដាដើម្បីដុតគ្រឿងក្រអូបឧទ្ទិសដល់ព្រះក្លែង‌ក្លាយដែលជាហេតុបណ្ដាលឲ្យព្រះ‌អម្ចាស់ជាព្រះនៃបុព្វបុរសរបស់ស្ដេច ទ្រង់ព្រះ‌ពិរោធ។