Wed Feb 22 2017 11:02:41 GMT+0530 (India Standard Time)

00/title.txt

@@ -0,0 +1 @@
+Matthew

01/01.txt

@@ -0,0 +1 @@
+\v 1  ಯೇಸು ಕ್ರಿಸ್ತುಡಿನ ವಂಶ್ಮು.ವಾಡು ದಾವಿದುಡ ವಂಶ್ಮೊಡು.ದಾವಿದುಡು ಅಬ್ರಾಮುಡು ವಂಶ್ಮೋಡು. \v 2 ಅಬ್ರಾಮುಡು ಇಸಾಕುಡ್ನಿ ಪಡ್ಸ್ಕೊನೆ.ಇಸಾಕುಡು ಯಾಕೊಬುಡ್ನಿ ಪಡ್ಸ್ಕೊನೆ. ಯಾಕೊಬುಡು ಯೆಹೂದುಡ್ನಿ ವಾಡ್ ಅನ್ನ ದೊಮ್ಬುಡ್ನಿ ಪಡ್ಸ್ಕೊನೆ. \v 3 ಯೆಹೂದುಡು ತಾಮಾರ್ಲಾ ಪೆರಚುಡ್ನಿ ಜೆರಹುಡ್ನಿ ಪಡ್ಸ್ಕೊನೆ. ಪೆರೋಚುಡು ಹೆಚ್ಚ್ರೋಡುನಿ ಪಡ್ಸ್ಕೊನೆ.

01/04.txt

@@ -0,0 +1 @@
+\v 4 ಹೆಚ್ಚ್ರೋಹನು ಆರಾಮುಡ್ನಿ ಪಡ್ಸ್ಕೊನೆ. ಆರಾಮುಡು ಅಮ್ಮಿನಾದಬುಡ್ನಿ ಪಡ್ಸ್ಕೊನೆ. ಅಮ್ಮಿನಾದಾಬುಡು ನಹಶೋಮುಡ್ನಿ ಪಡ್ಸ್ಕೊನೆ. ನಹಶೋನುಡು ಸಲ್ಮೊನುಡ್ನಿ ಪಡ್ಸ್ಕೊನೆ. \v 5 ಸಲ್ಮೊನುಡು ರಾಹಾಬುಲಾ ಬೋವೊಜುಡ್ನಿ ಪಡ್ಸ್ಕೊನೆ .ಬೋವೊಜುಡು ರೂತಲ ಒಬೆದುಡ್ನಿ ಪಡ್ಸ್ಕೊನೆ. ಒಬೇದುಡು ಇಷಯುಡ್ನಿ ಪಡ್ಸ್ಕೊನೆ. \v 6 ಇಷಯುಡು ದಾವಿದುಡ್ನಿ ಪಡ್ಸ್ಕೊನೆ. ದಾವಿದುಡು ಊರಿಯುಡಿನ ಪೆನ್ಡ್ಲಾಂ ಅಯುಂಡೆದಾ೦ಟ್ಲ ಸೋಲೋಮುಡ್ನಿ ಪಡ್ಸ್ಕೊನೆ.

01/07.txt

@@ -0,0 +1 @@
+\v 7  ಸೋಲೋಮುಡು ರೆಹಾಬುಡ್ನಿ ಪಡ್ಸ್ಕೊನೆ. ರೆಹಾಬುಡು ಅಬೀಯುಡ್ನಿ ಪಡ್ಸ್ಕೊನೆ. ಅಬಿಯುಡು ಆಸನುಡ್ನಿ ಪಡ್ಸ್ಕೊನೆ. \v 8 ಆಸನು ಯೆಹೂಷ್ವಾಪಾಟನುಡ್ನಿ ಪಡ್ಸ್ಕೊನೆ.ಯೆಹೂಸ್ವಾಪಾಟುಡು ಯೆಹೊರಾಮುಡ್ನಿ ಪಡ್ಸ್ಕೊನೆ. ಯೇಹೊರಾಮುಡು ಉಜ್ಜೀಯುಡ್ನಿ ಪಡ್ಸ್ಕೊನೆ.

01/09.txt

@@ -0,0 +1 @@
+\v 9 ಉಜ್ಜೀಯುಡು ಯೋತಾಮುಡ್ನಿ ಪಡ್ಸ್ಕೊನೆ. ಯೋತಾಮುಡು ಅಹಾಜುಡ್ನಿ ಪಡ್ಸ್ಕೊನೆ. ಅಹಾಜುಡು ಹಿಜ್ಕೀಯುಡ್ನಿ ಪಡ್ಸ್ಕೊನೆ. \v 10 ಹಿಜ್ಕೀಯುಡು ಮನಸ್ಸೇಯುಡ್ನಿ ಪಡ್ಸ್ಕೊನೆ. ಮನಸ್ಸೇಯುಡು ಆಮೋನುಡ್ನಿ ಪಡ್ಸ್ಕೊನೆ. \v 11 ಆಮೋನುಡು ಯೋಷಿಯುಡ್ನಿ ಪಡ್ಸ್ಕೊನೆ. ಪ್ರಜುಲು ಬಾಬೇಲಿಕು ಸೆರಪಾಯಿನ ಸಮಯುಮ್ಲ ಯೋಷಿಯುಡು ಯೆಕೊನ್ಯನುಡ್ನಿ ವಾಡ್ ಅನ್ನ್ದಮ್ಮುಲ್ನಿ ಪಡ್ಸ್ಕೊನೆ.

01/12.txt

@@ -0,0 +1 @@
+\v 12 12 ಬಾಬೇಲಿಕಿ ಸೆರೆ ಪಾಯಿನ್ಮಿಂದ ಯೇಕೋನ್ಯುಡು ಶೆಯಲ್ತಿಯೇಲುಡ್ನಿ ಪಡ್ಸ್ಕೊನೆ. ಶೆಯಲ್ತಿಯೇಲುಡು ಜೆರುಬ್ಬಾಬೆಲುಡ್ನಿ ಪಡ್ಸ್ಕೊನೆ. \v 13 13 ಜೆರುಬ್ಬಾಬೆಲುಡು ಅಬಿಹೂದುಡ್ನಿ ಪಡ್ಸ್ಕೊನೆ. ಅಬಿಹೂದುಡು ಎಲ್ಕೀಮುಡ್ನಿ ಪಡ್ಸ್ಕೊನೆ. ಎಲ್ಕೀಮುಡು ಎಜೋರುಡ್ನಿ ಪಡ್ಸ್ಕೊನೆ. \v 14 14 ಅಜೋರುಡು ಸದೋಕುಡ್ನಿ ಪಡ್ಸ್ಕೊನೆ. ಸದೋಕುಡು ಅಖೀಮುಡ್ನಿ ಪಡ್ಸ್ಕೊನೆ. ಅಖೀಮುಡು ಎಲಿಹೂದುಡ್ನಿ ಪಡ್ಸ್ಕೊನೆ.

01/15.txt

@@ -0,0 +1 @@
+\v 15  ಎಲಿಹೂದುಡು ಎಲಿಯಾಜುರುಡ್ನಿ ಪಡ್ಸ್ಕೊನೆ. ಎಲಿಯಾಜುರುಡು ಮತ್ತಾನುಡ್ನಿ ಪಡ್ಸ್ಕೊನೆ. ಮತ್ತಾನುಡು ಯಾಕೊಬುಡ್ನಿ ಪಡ್ಸ್ಕೊನೆ. \v 16 ಯಾಕೊಬುಡು ಮರಿಯಳು ಮೊಗುಡಾಯಿನ ಯೋಸೆಫುಡ್ನಿ ಪಡ್ಸ್ಕೊನೆ. ಈ ಮರಿಯಳ್ಲ ಕ್ರಿಸ್ತುಡನೆ ಯೇಸು ಪುಟ್ಟೆ. \v 17 ಇಟ್ಟ ಅಬ್ರಾಮುಡಿಂಚ ದಾವಿದುಡು ಗಂಟ ಒಟ್ಟ್ಕು ಪದ್ನಾಲ್ಗು ತಲ್ಕಾಯ್ಲು. ದಾವಿದುಡು ಮೊದ್ಲುಕೊನಿ ಬಾಬೇಲಿಕಿ ಸೆರೆ ಪಾಯಿನ ಗಂಟ ಪದ್ನಾಲ್ಗು ತಲ್ಕಾಯ್ಲು. ಬಾಬೇಲ್ಕಿ ಸೆರೆ ಪಾಯ್ನಪ್ಡಿಂಚ ಕ್ರಿಸ್ತುಡ್ಗಂಟ ಪದ್ನಾಲ್ಗು ತಲ್ಕಾಯ್ಲು.

01/18.txt

@@ -0,0 +1 @@
+\v 18 ಯೇಸು ಕ್ರಿಸ್ತುಡಿನ ಜನನ್ಮು ಎಟ್ಟಆಯೆಅಂಟೆ ವಾಳ್ ತಲ್ಲಿಯಾಯಿನ ಮರಿಯಲ್ನಿ ಯೋಸೆಫುಡ್ಕಿ ನಿಶ್ಚಯ್ಮು ಸೆಸುಂಡಾಯಿ ವಾಳ್ ಇಚ್ಚೆಕಿಂತ ಮುಂದಾಯಿ ಅದಿ ಪವಿತ್ರಾಥ್ಮುಡಿ೦ಚಿ ನಿನ್ಮನ್ಸಾಯಿಂಡೆದಿ ತಿಲ್ಸ್ ವಚ್ಚೆ. \v 19 ಆಯ್ತೆ ದಾನ್ ಮೊಗ್ಡಾಯಿನ ಯೋಸೆಫುಡು ಸಜ್ಜುಡಾಯುಂಡಿ ದಾನ್ನಿ ಬೈಲ್ಕು ಎತ್ಕೊಚ್ಚೇಕಿ ಮನ್ಸ್ಲೇಕುನ್ನ, ಯೋಳ್ಕು ಗೊತ್ತಕುಣ್ಣ ದಾನ್ನಿ ಇಡ್ಸಿಡಲ ಅನ್ಕೊನುಂಡೆ.

01/20.txt

@@ -0,0 +1 @@
+\v 20 ವಾಡು ದಾನ್ನಿ ಯೋಚ್ನುಮ್ನಿ ಸೇಸ್ತಾವುನ್ನಪ್ದು ಕರ್ತುಡಿನ ದೂತುಡು ವಾಡ್ಕಿ ಕನ್ಸ್ಲಾ ಕನ್ಬಿಚ್ಚ್ಕೊನಿ ಯೋಸೇಫುಡ ದಾವಿದುಡು ವಂಶ್ಮೂಡ, ನೀ ಪೆನ್ಡ್ಲಾಮಾಯಿನ ಮರಿಯಳ್ನಿ ಸೇರ್ಸ್ಕೊನೆಕಿ ಅಂಜ್ಕೊವದ್ದು ಗರ್ಬ್ಮು ಪವಿತ್ರಾತ್ಮುಡಿನ್ಚನೆ ಆಯಿಂದ. \v 21 ಆದಿ ಒಕ್ಕ ಕೊಡ್ಕ್ನಿ ಪುಟ್ಟಿಸ್ತಾದಿ ನುವ್ವ ವಾಡ್ಕಿ ಯೇಸು ಅನಿ ಪೇರ್ ಪೆಟ್ಟಾಲ . ಎಂದ್ಕಂಟೆ ವಾಡೆ ಆ ಜನಲ್ನಿ ವಾಳ್ ಪಾಪಲ್ಮ್ಲಿಂಚ ಇಡ್ಬಿಚ್ಚಿ ಕಾಸೋಡು ಅನೆ.

01/22.txt

@@ -0,0 +1 @@
+\v 22 ಕರ್ತುಡು ಪ್ರವಾದುಡು ಮುಖಾಂತರ್ಮು ಸೊಪ್ಪಿನ ಮಾಟ ನೆರ್ವೆರಟ್ಗ ಇದಂತ ನಡ್ಸೆ. ಆ ಮಾಟ ಎಮಂಟೆ \v 23 ಇಗೋ ಒಕ್ಕ ಕನ್ನಿಕೆ ನಿನ್ಮನ್ಸಾಯಿ ಕೊಡ್ಕ್ನಿ ಪಡ್ಸ್ತಾಡಿ , ವಾಡ್ಕಿ ಇಮ್ಮಾನುವೇಲುಡು ಅನೆ ಪೇರ್ ಪೆಡ್ತಾರು ಅನೇದಿ. ದೇವುಡು ಮಾ ಜೊತ್ಲ ಉಂಡಾಡನಿ ಅರ್ತ್ಮು.

01/24.txt

@@ -0,0 +1 @@
+\v 24 ಅಪ್ಡು ಯೋಸೆಫುಡು ನಿದ್ರಿಂಚ ತಿಲ್ಸಿ ಲೇಸಿ ಕರ್ತುಡ ದೂತುಡು ಅಪ್ಪಣನಿ ಇಚ್ನಟ್ಗ ವಾಡ್ ಪೆನ್ಡ್ಲಾಮ್ನ್ನಿ ಸೇರ್ಸ್ಕೊನೆ. \v 25 ಆಯ್ತೆ ಆದಿ ಮೊಗ್ಸಿನೋಡ್ನಿ ಪಡ್ಸ್ಕೊನೆ ಗಂಟ ದಾನ್ನಿ ಅರ್ಸ್ಕೊಲೇ. ಸಿನೋಡ್ಕಿ ಯೇಸು ಅನಿ ಪೇರ್ ಪೆಟ್ಟೆ.

02/01.txt

@@ -0,0 +1 @@
+\v 1 \v 2 \v 3 1 ಅರಸುಡಾಯಿನ ಹೆರೋದುಡು ದಿನುಮ್ಲ ಯೂದಾಯ್ಮು ಸೀಮೆ ಬೆತ್ಲೆಹೇಮ್ ಅನೆ ಊರ್ಲಾ ಯೇಸು ಪುಟ್ನಪ್ಪ್ದು ಮೂಡಣ್ಮು ದೇಶ್ಮು ಜೋಯಿಸ್ಲು ಯೆರೂಸಲೆಮ್ಕಿ ವಚ್ಚಿ - 2 ಯೆಹೂದ್ಯುಲ ಅರಸುಡಾಯಿ ಪುಟ್ಟ್ನೋಡು ಯಾನುಂಡಾಡು? ವಾಡ್ನಿ ಸೂಚಿಂಚೆ ನಕ್ಷತ್ರುಮ್ನಿ ಮಾಮು ಮೂಡಣ್ಮು ದೇಶುಮ್ಲ ಕನಿ ವಾಡ್ಕಿ ಅಡ್ಡಂ ಪಡೇಕಿ ವಸ್ತ್ಮಿ ಅನ್ರಿ. 3 ದೀನ್ನಿ ಇನಿ ಅರಸುಡಾಯಿನ ಹೆರೋದುಡು ವಾಡ್ ಜೊತ್ಲೋ ಯೆರೂಸಲೆಮೊಳoದ್ರು ಕಳವಳ್ಮ್ ಪಡ್ರಿ.

02/04.txt

@@ -0,0 +1 @@
+\v 4 \v 5 \v 6 4 ವಾಡು ಯೆಹೂದ್ಯುಲ ಅನ್ನೀ ಮಹಾಯಾಜಕುಲ್ನಿ ಶಾಸ್ತ್ರಿಲ್ನಿ ಸೇರ್ಬಿಚ್ಚಿ ಕ್ರಿಸ್ತುಡು ಪುಟ್ಬೆಕಾಯಿಂಡೆದಿ ಯಾನ ಅನಿ ವಾಳ್ನಿ ಅಡ್ಗೆ. 5 ವಾಳು ವಾಡ್ಕಿ ಯೂದಾಯಿನ ಬೆತ್ಲೇ ಹೇಮ್ಲಾನೆ, ಎಂದ್ಕಂಟೆ- 6 ಯೆಹೂದ ಸೀಮಿನ ಬೆತ್ಲೆಹೇಮೆ, ಯೆಹೂದಿನ ಮುಕ್ಯುಂ ಪಟ್ಟಣಮ್ಲ ನುವ್ವ ಎಂತ ಮಾತ್ರುಮ್ಕಿ ಸನ್ಡಿಕಾದು. ಒಕ್ಡು ಅಧಿಪತುಡು ನೀನೋನಿಂಚಾನೆ ಪಾತಾಡು, ವಾಡು ನಾ ಪ್ರಜೆಯಾಯಿನ ಇಸ್ರಾಯೇಲುಲ್ನಿ ಆಳೋಡು. ಅನಿ ಪ್ರವಾದುಲು ಮುಖಾಂತರ್ಮು ರಾಸಿಂದಿ ಅನಿ ಸೋಪ್ರಿ.

02/07.txt

@@ -0,0 +1 @@
+\v 7 \v 8 7 ಅಪ್ಡು ಹೆರೋದುಡು ಯೋಳ್ಕು ತಿಲ್ಸಿನಟ್ಗ ಆ ಜೋಯಿಸುಲ್ನಿ ಪಿಲ್ಬಿಂಚಿ ಆ ನಕ್ಷತ್ರುಮು ಕನಿನ ಕಾಲುಮ್ನಿ ವಾಳ್ ತೊಟ್ಟಿಂಚ ಬಾಗ ತಿಸ್ಕೋನಿ - 8 ಮೀರು ಪಾಯಿ ಆ ಸಿನೋಡ್ ವಿಷಯುಮ್ಲ ಬಾಗ ವಿಚಾರಮ್ನಿ ಸೇಯಂಡ್ರಿ, ಆದಿ ಸಿಕ್ಮಿಂದ ನಾಕಿ ತಿಲ್ಬಿಯಂಡ್ರಿ, ನಾನು ವಚ್ಚಿ ದಾನ್ಕಿ ಅಡ್ಡಂ ಪಡಾಲ ಅನಿ ಸೊಪ್ಪಿ ವಾಳ್ನಿ ಬೆತ್ಲೆಹೇಮ್ಕು ಅಂಪಿನ್ಚೆ .

02/09.txt

@@ -0,0 +1 @@
+\v 9 \v 10 9 ವಾಳು ಅರಸುಡಿನ ಮಾಟ್ನಿ ಇನಿ ಪಾಯ್ನಪ್ಡು ಮೂಡಣ್ಮು ದೇಶುಮ್ಲ ಕನ್ನ ನಕ್ಷತ್ರುಮು ವಾಳ್ ಮುಂದ್ರ ಮುಂದ್ರ ನಡ್ಸಿ ಕೂಸುಂಡೆ ಜಾಗ್ಮಿಂದ ವಚ್ಚಿ ನಿಲ್ಪಡೆ. 10 ವಾಳು ನಕ್ಷತ್ರುಮ್ನಿ ಕನಿ ಜಾಸ್ತಿ ಸಂತೋಷ್ಮು ಪಡ್ರಿ.

02/11.txt

@@ -0,0 +1 @@
+\v 11 \v 12 11 ಮಲಿ ಆ ಇಂಟ್ಲೇಕಿ ಪಾಯಿ ಅ ಕೂಸ್ನಿ ದಾನ್ ತಲ್ಲಿಯಾಯಿನ ಮರಿಯಳು ಜೊತ್ಲೋ ಕನಿ ದಾನ್ಕಿ ಸಾಷ್ಟoಗ್ಮುನಮಸ್ಕಾರ್ಮು ಸೇಸಿ ವಾಳ್ ಗಂಟ್ಲುನಿ ಇಪ್ಪಿ ದಾನ್ಕಿ ಚಿನ್ಮು ದೂಪ್ಮು ರಕ್ತ್ಮುಭೋಳಲ್ನಿ ಕಾಣುಕ್ಮಾಯಿ ಇಚ್ರಿ. 12 ಆಮಿಂದ ದೇವುಡು ಕನುಸ್ಲ ವಾಲ್ಕಿ ಮೀರು ಹೆರೋದುಡು ಬಳಿಕಿ ತಿರಿಕೊನಿ ಪೋವ್ಕೂಡ್ದನಿ ಅಪ್ಪಣ್ಮ್ನಿ ಇಚ್ಚಿಂದಾನಿಂಚ ವಾಳು ಇಂಕೋಕ್ಟಿ ದಾವಿಂಚ ವಾಳ್ ದೇಶುಮ್ಕಿ ಪಾಯ್ರಿ.

02/13.txt

@@ -0,0 +1 @@
+\v 13 \v 14 \v 15 13 ವಾಳು ಪಾಯಿನ್ಮಿಂದ ಕರ್ತುಡ್ ದೂತುಡು ಯೋಸೆಫುಡ್ಕಿ ಕನ್ಸ್ಲಾ ಕನ್ಬಿಚ್ಕೋನಿ- ನುವ್ವ ಲೇಸಿ ಈ ಕೂಸ್ನಿ ದಾನ್ ತಲ್ಲಿನಿ ತೊಡ್ಕೋನಿ ಐಗುಪ್ತ ದೇಶ್ಮುಕಿ ಪಾರ್ಪಾಯಿ ನಾನು ಮೀಕು ಸೊಪ್ಪೆಗಂಟ ಅನ್ನೇ ವುಂಡು, ಹೆರೂದುಡು ಈ ಕೂಸ್ನಿ ಸೋಮ್ಪೆಯಲ ಅನಿ ದಾನ್ನಿ ಹುಡುಕ್ತಾ ವುನ್ಡಾಡು ಅನೆ. 14 ಅಪ್ಡು ವಾಡು ಲೇಸಿ ಕೂಸ್ನಿ ದಾನ್ ತಲ್ಲಿನಿ ರಾತ್ರಿವೇಳ್ಳ ತೊಡ್ಕೋನಿ ಐಗುಪ್ತ ದೇಶುಮ್ಕಿ ಪಾಯಿ ಹೆರೂದುಡು ಸಚ್ಚಿಪಾಯೇಗಂಟ ಆನೆ ವುಂಡೆ. 15 ದೀನಿಂಚಿ - ನಾ ಕೊಡುಕ್ನಿ ಐಗುಪ್ತ್ಮು ದೇಶ್ಮ್ನೋನಿಂಚ ಪಿಲ್ಚೆ ಅನಿ ಕರ್ತುಡು ಪ್ರವಾದಿಲು ಮುಖಾಂತ್ರುಮು ಸೊಪ್ಪಿನ ಮಾಟ ನೆರ್ವೇರೆ.

02/16.txt

@@ -0,0 +1 @@
+\v 16 16 ಅಪ್ಡು ಹೆರೋದುಡು ನಾಕಿ ಜೋಯಿಸ್ಲು ಮೊಸ್ಮ್ ಸೇಸ್ರಿ ಅನಿ ತಿಲ್ಸಿ ಕೋಪ್ಮಾಯಿ ಆಳ್ನಿ ಅಂಪಿಚ್ಚಿ ವಾಳು ಜೋಯಿಸುಳವಾಲಿಂಚ ತಿಲ್ಸ್ಕೊನುಂಡೆ ಕಾಲಮ್ಕಿ ಸರಿಯಾಯಿ ಬೆತ್ಲೆಹೇಮಿದಾನ್ಟ್ಲೋನು ದಾನಿನ ಅನ್ನಿ ನೆರೆಹೊರೆ ಹಳ್ಳಿಲ್ಲಾನು ರೊಂಡು ಯಾಡದಿನೋನಿನ ಮೊಗ್ಸೀನೋಳ್ನಿ ಅಂದ್ರುನ್ನಿ ಸೊಮ್ಪೇಬಿಚ್ಚೆ.

02/17.txt

@@ -0,0 +1 @@
+\v 17 \v 18 17 ಯೆರೆಮಿಯುಡು ಅನೆ ಪ್ರವಾದಿಡು ಸೊಪ್ಪಿನ ಮಾಟ ಆ ಕಾಲುಮ್ಲ ನೆರ್ವೇಸೆ. ಅದೇಮಂಟೆ- 18 ರಾಮಲ ಬೊಬ್ಬೇಲು ಇನೆ. ಆಳೇದಿ ಬಹುಲ ಗೋಳಾಟ್ಮು ಉಂಟಾಯೆ.ರಾಹೇಲುಲು ದಾನ್ ಬಿಡ್ಳುಕೊಸ್ಕರ್ಮು ಏಡ್ಸಿ ಏಡ್ಸಿ ವಾಳು ಲೇಕುನ್ನಪಾಯಿಂಡೆದಾಂಕಾಯಿ ಸಮಾದಾನ್ಮು ಸೇಸ್ಕೊನೆಕಿ ಆಯ್ಕುನ್ನ ವುಂಡೆ ಅನೇದಿ.

02/19.txt

@@ -0,0 +1 @@
+\v 19 \v 20 \v 21 19 ಹೆರೋದುಡು ಸಚ್ಚಿಪಾಯಿನ್ಮಿಂದ ಐಗುಪ್ತ ದೇಶುಮ್ಲ ಕರ್ತುಡಿನ ದೂತುಡು ಯೋಸೆಫುಡ್ಕಿ ಕನ್ಸ್ಲಾ ಕನ್ಬಿಚ್ಕೊನಿ - 20 ನುವ್ವ ಲೇಸಿ ಕೂಸ್ನಿ ದಾನ್ ತಲ್ಲಿನಿ ತೋಡ್ಕೋನಿ ಇಸ್ರಾಯೇಲ್ ದೇಶುಮ್ಕಿ ಪೋ, ಕೂಸಿನಿ ಪ್ರಾಣುಮ್ನಿ ಸಿಯಾಲ ಅನ್ಕೊನುಂಡೆವಾಳ್ಳು ಸಚ್ಚಿಪಾಯ್ರಿ ಅನಿ ಸೊಪ್ಪೇ. 21 ಅಪ್ಡು ಯೋಸೆಫುಡು ಲೇಸಿ ಕೂಸ್ನಿ ದಾನ್ ತಲ್ಲಿನಿ ತೊಡ್ಕೋನಿ ಇಸ್ರಾಯೇಲ್ ದೇಶುಮ್ಕಿ ವಚ್ಚೆ. ಆಯ್ತೆ ಅರ್ಖೇಲಾಯುಡು ವಾಳ್ ತಂದ್ರಿಯಾಯಿನ ಹೆರೋದುಡ್ಕಿ ಬದ್ಲಿಕಿ ಯೂದಾಯುಮ್ನಿ ಆಲ್ತಾಡನಿ ಅಡ್ಗಿ ಆನ್ಕು ಪಾಯೇಕಿ ಅಂಜ್ಕೊನೆ. ಅಪ್ಡು ವಾಡು ಕನ್ಸ್ಲೋ ದೇವುಡಿಲ ಅಪ್ಪಣೆನಿ ಹೊಂದ್ಕೊನಿ ಗಲಿಲಾಯ ಸೀಮೆಕಿ ಪಾಯೇ.

02/22.txt

@@ -0,0 +1 @@
+\v 22 \v 23 23 ಮಲಿ ನಜರೇತನೆ ಊರ್ಕಿ ವಚ್ಚಿ ಆನ ಇಲ್ಲು ಸೇಸ್ಕೊನಿ ವುಂಡೆ. ದೀನ್ನಿಂಚ ನಜರಾಯೇ ಅನೆ ಪೇರು ವಾಡ್ಕಿ ವಸ್ತಾದಿ ಅನಿ ಪ್ರವಾದಿಲಿಂಚ ಸೊಪ್ಪಿ೦ಚಿನ ಮಾಟ ನೆರ್ವೇರೆ.

03/01.txt

@@ -0,0 +1 @@
+\v 1 \v 2 \v 3 1 ಆ ದಿನುಮ್ಲ ಸ್ನಾನಿಕುಡೈನ ಯೋಹಾನುಡು - ಪರಲೋಕರಾಜ್ಯ್ಮು ಹತ್ರುಮಾಯೇ, 2 ದೇವುಡು ತೊಟ್ಗಿ ತಿರಿಕೊಂಡ್ರಿ ಅನಿ ಯೂದಾಯ್ಮಿನ ಅಡವಿಲೋ ಸಾರ್ಕೊನಿ ಸೋಪ್ಪ್ತಾವಚ್ಚೆ. 3 ಕರ್ತುಡು ದಾವ್ನಿ ಸಿದ್ಮು ಸೇಯನ್ದ್ರಿ, ವಾಡ್ ದಾವ್ನಿ ನೆಟ್ಗ ಸೇಯನ್ದ್ರಿ ಅನಿ ಅಡ್ವಿಲೋ ಕೂಸೋಡಿನ ಶಭ್ದ್ಮು ವುಂಡಾದಿ ಅನಿ ಪ್ರವಾದುಡಾಯಿನ ಯೇಶಾಯುಡಿಂಚ ಸೂಚಿತ್ಮಾಯ್ನೋಡು ವೂಡೆ.

03/04.txt

@@ -0,0 +1 @@
+\v 4 \v 5 \v 6 4 ಈ ಯೋಹಾನುಡ್ಕಿ ಒಂಟಿನ ಎಂಟುಕ್ಲಿನಿ ಹೊದುಕ್ಮಿನಿ ನಡುಮ್ಲ ತೊಗ್ಲಿನ ನಡ್ಮ್ಕಟ್ಟು ವುಂಡೆ. ವಾಡ್ಕಿ ಮಿಡ್ತೆಲು ಮಲ್ಲಿ ಕಾಡ್ಜೆನ್ಲು ಆಹಾರ್ಮಾಯಿಂಡೆ. 5 ಅಪ್ಡು ಯೆರೂಸಲೇಮುಮು ಅಂತ ಯೂದಾಯ್ಮು ಯೋರ್ದೊನ್ ಏರಿನ ಸುತ್ಲು ವುಂಡೆ ಅನ್ನಿ ಸೀಮ್ಲು ವಾಡ್ ಜೊತ್ಕಿ ಪಾಯಿ. 6 ವಾಳು ವಾಳ್ ವಾಳ್ ಪಾಪಲ್ನಿ ಸೊಪ್ಕೊನಿ ಯೋರ್ದೊನ್ ಏರ್ಲ ವಾಡಿಂಚ ದೀಕ್ಷಾಸ್ನಾನುಮ್ನಿ ಸೇಬಿಚ್ಕೊಂಟವುoಡ್ರಿ.

03/07.txt

@@ -0,0 +1 @@
+\v 7 \v 8 \v 9 7 ಆಯ್ತೆ ವಾಡು ಪರಿಸಾಯುರ್ಲಾ ಸದ್ದುಕಾಯುರ್ಲಾ ಅನೇಕ್ಲು ವಾಡಿಂಚ ಸ್ನಾನ್ಮು ಸೇಬಿಚ್ಕೊನೆಕಿ ವಚ್ಚೆದ್ನಿ ಕನಿ ವಾಳ್ಕಿ ಎಲೈ ಸರ್ಪ್ಮು ಜಾತೋಳ, ಮುಂದ್ರ ಕನೋಚ್ಚೆ ದೇವುಡು ಕೋಪ್ಮಿಂಚ ತಪ್ಪಿಚ್ಕೊನೆಕಿ ಮೀಕಿ ಉಪದೇಶ್ಮು ಸೇಸ್ನೋಲ್ಯೋಳು? 8 ಅಟ್ಟಾಯತೆ ಮೀ ಮನ್ಸು ದೇವುಡು ತೊಟ್ಗಿ ತಿರಿಕೋನೆ ಅನೆದ್ನಿ ತಕ್ಕ್ಮು ಪಲ್ಮಿಂಚ ಸೂಬಿಯಂಡ್ರಿ. 9 ಅಬ್ರಾಮುಡು ಮಾಕಿ ಮೂಲಪುರುಷುಡುಕದ ಅನೆ ಆಲೋಚುಮ್ನಿ ಇಡಿಯಂಡ್ರಿ. ದೇವುಡು ಅಬ್ರಾಮುಡ್ಕಿ ಈ ರಾಳ್ಳಿoಚಾನು ಬಿಡ್ಲುನಿ ಪುಟ್ಟಿಚೆಕಿಬಲ್ಲುಡನಿ ಮೀಕು ಸೊಪ್ತಾನು.

03/10.txt

@@ -0,0 +1 @@
+\v 10 \v 11 \v 12 10 ಇಪ್ಡೆ ಮಾನ್ಲು ಬೇರ್ಲುಕಿ ಕೊಡ್ಳಿ ಎಸಿಂದಿ, ಮಂಚ್ಚಿ ಪಲ್ಮನಿ ಈಕುನ್ನ ಪ್ರತಿಯೋಕ್ಟಿ ಮಾನ್ನಿ ನರ್ಕಿ ಆಗ್ಲೋ ಏಸ್ತಾರು. 11 ನಾನ್ಮಾತ್ರುಮು ಮೀ ಮನ್ಸು ತಿರಿಕೊವಾಲನಿ ಮೀಕಿ ನೂಳ್ಲೋ ಸ್ನಾನ್ಮು ಸೇಬಿಸ್ತಾನು. ಆಯ್ತೆ ನಾ ಎನ್ಕ ವಚ್ಚೋಡು ನಾಕಿಂತ ಶಕ್ತುಡು, ವಾಡ್ ಶೋಪ್ಪುಲ್ನಿ ಮೊಸೇಕು ನಾನು ಯೋಗ್ಯುಡು ಕಾದು , ವಾಡು ಪವಿತ್ರಾತ್ಮುಡಿನ್ಚಾನು ಅಗ್ಲಾನು ಮೀಕಿ ಸ್ನಾನ್ಮು ಸೇಬಿಸ್ತಾನು. 12 ವಾಡು ಮೊರಮ್ನಿ ಸೇತ್ಲಾನೆ ಪಟ್ಕೊನ್ನಾಡು, ಕಣoಲ ರಾಶಿನಿ ತೂರಿ ಹಸನ್ಮು ಸೇಸಿ ವಾಳ್ ಗೋದುಲ್ನಿ ಕಣ್ಜುಮ್ಲ ನಿಮ್ಪ್ಕೋನಿ ಹೊಟ್ನಿ ಆರ್ಕುನ್ನಾ ಅಗ್ಲೇಕಿ ಕಾಲ್ಚಿಡ್ಸ್ತಾಡು ಅನಿ ಸೊಪ್ಪೇ.

03/13.txt

@@ -0,0 +1 @@
+\v 13 \v 14 \v 15 13 ಆ ಕಾಲುಮ್ಲ ಯೇಸು ಯೋಹಾನುಡಿಂಚ ಸ್ನಾನ್ಮು ಸೇಬಿಚ್ಕೊವಾಲನಿ ಗಲಿಲಾಯ್ಮಿಂಚ ಯೋರ್ದೊನ್ ಏರ್ಕಿ ವಚ್ಚೆ. 14 ಅಪ್ಡು ಯೋಹಾನುಡು ನಾನು ನೀಯಿಂಚ ಸ್ನಾನ್ಮು ಸೇಬಿಚ್ಕೊನೆಕಿ ತಕ್ಕೊಡಾಯಿಂಡೋಡಾಯಿ ನುವ್ವ ನಾ ಜೊತ್ಕಿ ವಚ್ಚೆದೇಮಿ ಅನಿ ಸೊಪ್ಪಿ ವಾಡ್ನಿ ತಡ್ಸ್ತಾ ವುಂಡೆ. 15 ಆಯ್ತೆ ಯೇಸು ವಾಡ್ಕಿ ಸದ್ಯಿಕಿ ಒಪ್ಕೋ, ಇಟ್ಟೆ ಮಾಮು ಅನ್ನಿ ದರ್ಮುಲ್ನಿ ನೆರ್ವೆಸೆ ತಕ್ಕ್ದಿಆಯಿಂದಿ ಅನಿ ಸೊಪ್ನಪ್ದು ವಾಡು ಒಪ್ಕೋನೆ.

03/16.txt

@@ -0,0 +1 @@
+\v 16 \v 17 16 ಯೇಸು ಸ್ನಾನ್ಮು ಸೇಬಿಚ್ಕೊನಪ್ದೆ ನೂಳಿಂಚ ಪೈನ್ಕಿ ವಚ್ಚಿ ಇಗೋ ವಾಡ್ಕಿ ಆಕಾಶ್ಮು ತೆರ್ಸೆ ಮಲ್ಲಿ ದೇವುಡು ಆತ್ಮುಮು ಪಾರಿವಾಳ್ಳಾಕ ದಿಗಿ ವಾಡ್ಮಿಂದ ವಚ್ಚೆದ್ನಿ ಕನೆ. 17 ಅಪ್ಡು ವೂಡು ಪ್ರಿಯುಡೈನ ನಾ ಕೊಡ್ಕು, ವೂಡ್ನಿ ನಾನು ಮೆಚ್ಚ್ನ ಅನಿ ಆಕಾಶ್ಮುವಾಣಿ ಆಯೆ.

04/01.txt

@@ -0,0 +1 @@
+\v 1 \v 2 \v 3 \v 4 1 ಅಪ್ಡು ಯೇಸು ಸೈತಾನುಡಿಂಚ ಶೋದ್ಬಿಚ್ಕೊನೆಕಾಯಿ ಆತ್ಮುಡು ವಾಡ್ನಿ ಅಡ್ವಿಕಿ ತೊಡ್ಕೊಪಾಯೇ. 2 ವಾಡು ನಲಪೈ ದಿವಸ್ಮು ಉಪಾವಾಸ್ಮುಂಡೆ ಆಮಿಂದ ವಾಡ್ಕಿ ಆಕ್ಲಾಯೆ. 3 ಅಪ್ಡು ಆ ಶೋದಕುಡು ವಾಡ್ ಜೊತ್ಕಿ ವಚ್ಚಿ ನುವ್ವ ದೇವುಡು ಕೊಡ್ಕಾಯಿಂಟೆ ಆ ರಾಳ್ಳು ರೊಟ್ಟಾಯಟ್ಗ ಅಪ್ಪ್ಣೆನಿ ಇಯ್ಯಿ ಅನಿ ಸೊಪ್ಪಿ ವಾಡು - 4 ಮನುಷ್ಯುಡು ರೂಟ್ತ್ನಿ ತಿನಿ ಮಾತ್ರುಮಿಂಚ ಬದ್ಕೆಟ್ಲೆದು ,ದೇವುಡು ನೋಟಿಂಚ ವಚ್ಚೆ ಪ್ರತಿಯೋಕ್ಟಿ ಮಾಟ್ಲಿಂಚಾನು ಬದ್ಕ್ತಾಡು ಅನಿ ರಾಸಿಂದಿ ಅನೆ.

04/05.txt

@@ -0,0 +1 @@
+\v 5 \v 6 5 ಅಪ್ಡು ಸೈತಾನುಡು ವಾಡ್ನಿ ಪರಿಶುದ್ಮು ಪಟ್ನುಮ್ಕಿ ತೊಡ್ಕೋನಿ ಪಾಯಿ ದೇವಾಲಯ್ಮು ಶಿಕರಮಿಂದ ನಿಲ್ಪಡಿ ವಾಡ್ಕಿ - 6 ನುವ್ವ ದೇವುಡು ಕೊಡ್ಕಾಯಿಂಟೆ ದುಗುಂಕಿ ದುಮ್ಕು, ವಾಡು ನೀ ವಿಷಯುಮ್ಲ ನಾ ದೂತುಲ್ಕಿ ಅಪ್ಪ್ನೆನಿ ಇಸ್ತಾನು, ನೀ ಕಾಲು ರಾಯ್ಕಿ ತಗ್ಲೇ ಅನಿ ವಾಳು ನಿನ್ನಿ ಸೇತ್ಲಾ ಎತ್ಕೊಂಟಾರು ಅನಿ ರಾಸಿಂದಿಕದ ಅನಿ ಸೊಪ್ಪೇ.

04/07.txt

@@ -0,0 +1 @@
+\v 7 \v 8 \v 9 7 ದಾನ್ಕಿ ಯೇಸು ನೀ ದೇವುಡಾಯಿನ ಕರ್ತುಡಿನಿ ಪರಿಕ್ಷೀಯ್ಗುಡ್ದು ಅನಿ ಸಹ್ಮು ರಾಸಿಂದಿ ಅನೆ. 8 ಬಳಿಕ್ಮು ಸೈತಾನುಡು ಯೇಸುನಿ ಬಹಳ್ಮು ಎತ್ಹೃಮಾಯಿಂಡೆ ಬೆಟ್ಟ್ಮುಕಿ ತೋಡ್ಕೊಪಾಯಿ ಪ್ರಪಂಚ್ಮಿನ ಅನ್ನಿ ರಾಜ್ಯಲ್ನಿ ಅವ್ಟ್ಲು ವೈಭವಲ್ನಿ ಯೇಸುಕಿ ಸೂಬಿಚ್ಚಿ - 9 ನುವ್ವ ನಾಕಿ ಸಾಷ್ಟಾoಗ್ಮುನಮಸ್ಕಾರ್ಮ್ನಿ ಸೇಸ್ತೆ ಇವಟ್ಲ್ನೆಲ್ಲ ನೀಕೆ ಇಸ್ತಾನು ಅನೆ.

04/10.txt

@@ -0,0 +1 @@
+\v 10 \v 11 10 ಯೇಸು ವಾಡ್ಕಿ - ಸೈತಾನುಡಾ , ನುವ್ವ ತೊಲ್ಗ್ ಪೋ . ನೀ ದೆವ್ಡಾಯಿನ ಕರ್ತುಡ್ಕಿ ಅಡ್ಡ್ಮು ಪಡಿ ವಾಡೋಕ್ಕುಡ್ನೆ ಆರಾದಿಯಾಲ ಅನಿ ರಾಸಿಂದಿ ಅನಿ ಸೊಪ್ಪೇ. 11 ಅಪ್ಡು ಸೈತಾನುಡು ವಾಡ್ನಿ ಇಡ್ಸಿಡ್ಸೆ. ಮಲ್ಲಿ ದೇವಡು ದೂತ್ಲು ವಚ್ಚಿ ವಾಡ್ಕಿ ಉಪಚಾರ್ಮು ಸೇಸೆ .

04/12.txt

@@ -0,0 +1 @@
+\v 12 \v 13 12 ಯೋಹಾನುಡು ಸೆರೇಕಿ ಪಡೆ ಅನಿ ಯೇಸು ಇನಿ ಆ ಸ್ತಳುಮ್ನಿ ಇಡ್ಸಿ ಗಲಿಲಾಯಮು ಸೀಮೇಕಿ ಪಾಯೇ. 13 ಬಳಿಕ್ಮು ನಜರೇತ್ ಅನೆ ಊರ್ನಿ ಇಡ್ಸಿ ಜೆಬುಲೋನ್ ನೆಫ್ತಲಿಮ್ ಅನೆ ನಾಡ್ಲುಕಿ ವಚ್ಚಿ ಸಮುದ್ರುಮು ಹತ್ರುಮ್ಲ ವುಂಡೆ ಕೆಪೆರ್ನೌಮ್ ಅನೆ ಊರ್ಲ ಇಲ್ಲ್ಸೆಸ್ಕೋನಿ ವುಂಡೆ.

04/14.txt

@@ -0,0 +1 @@
+\v 14 \v 15 \v 16 14 ದೀನ್ನಿಂಚ ಯೆಶಾಯುಡನೆ ಪ್ರವಾದುಡು ಮುಖಾಂತ್ರುಮು ಸೊಪ್ಪಿಂಚಿನ ಮಾಟ ನೆರ್ವೆರ್ಸೆ, ಆ ಮಾಟ ಎಮಂಟೆ - 15 ಜೆಬುಲೋನ್ ಸೀಮೆ ಮಲ್ಲಿ ನೆಫ್ತಲೀಮ್ ಸೀಮೆ , ಯೋರ್ದೊನ್ಇಂಚ ಆಕ್ಟರ , ಸಮುದ್ರಮು ತೊಟ್ಗೆ ವುಂಡೆ ಸೀಮೆ ಅನ್ಯಜನಲುಂಡೆ ಗಲಿಲಾಯ್ಮು ಸೀಮೆ, 16 ಸೀಕ್ಟಿಲ ವಾಸ್ಮು ಸೇಸಿನ ಈ ಸೀಮೇಲ ಜನಲ್ಕಿ ಪೆದ್ದ ಎಲ್ಗು ಕನ್ಬಿಚ್ಚೆ, ನಿರಂತರ್ಮು ಸೀಕ್ಟಿಆಯಿನ ದೇಶುಮ್ಲ ವುನ್ಡೋಲ್ಕಿ ಸೂರ್ಯೋದಯ್ಮಾಯೇ ಅನೇದಿ.

04/17.txt

@@ -0,0 +1 @@
+\v 17 17 ಅಪ್ಡಿಂಚ ಯೇಸು ಪರಲೋಕ್ಮು ರಾಜ್ಯುಮು ಸಮೀಪ್ಮಾಯ್ಯೇ, ದೇವುಡು ತೊಟ್ಗಿ ತಿರಿಕೊಂಡ್ರಿ ಅನಿ ಸಾರಿ ಸೋಪ್ಪೆಕಿ ಪ್ರಾರಂಬಿನ್ಚೆ.

04/18.txt

@@ -0,0 +1 @@
+\v 18 \v 19 \v 20 18 ಇಟ್ಟುoಡೆನಪ್ಡು ಯೇಸು ಗಲಿಲಾಯ್ಮು ಸಮುದ್ರಮು ಹತ್ರುಮ್ಲ ತಿರ್ಗಾಡೆನಪ್ಡು ಅನ್ನ ದೊಂಬುಳ್ಳು ಇದ್ರೂ ವಲ ಎಸೆದ್ನಿ ಕನೆ . ವಾಳು ಪೇತ್ರುಡು ಅನ್ಬಿಚ್ಕೋನೆ ಸೀಮೊನುಡು ಮಲ್ಲಿ ವಾಡ್ ತೊಂಬ್ದಾಯಿನ ಅಂದ್ರೆಯುಡು. ವಾಳು ಬೆಸ್ತ್ಲು , ಸಮುದ್ರುಮ್ಲ ವಲೇ ಎಸ್ತವುಂಡ್ರಿ. ವಾಳ್ಕಿ ಯೇಸು - 19 ನಾ ಎನ್ಕ ರಾಂಡ್ರಿ, 20 ಮನುಷ್ಯುಲ್ನಿ ಪಟ್ಟೆ ಬೆಸ್ತುರ್ಲಾಯಿ ಮಿಮ್ಮಲ್ನಿ ಸೇಸ್ತಾನು ಅನಿ ಸೋಪ್ನಪ್ದೆ ವಾಳು ವಾಳ್ ವಲುಲ್ನಿ ಇಡ್ಸಿ ವಾಡ್ ಎನ್ಕ ಪಾಯ್ರಿ. 21 ಯೇಸು ಆನಿಂಚ ಮುಂದ್ರ ಪಾಯಿ ಇಂಕ್ಕಿದ್ರು ಅನ್ನ-ದೊಂಬುಲ್ನಿ ಅಂಟೆ ಜೆಬೇದಾಯುಡಿನ ಕೊಡ್ಕಾಯಿನ ಯಾಕೊಬುಡ್ನಿ ವಾಡ್ ತೊಮ್ಡಾಯಿನ ಯೋಹಾನುಡ್ನಿ ಕನೆ. ವೂಳು ವಾಳ್ ತಂಡ್ರಿಯಾಯಿನ ಜೆಬೇದಾಯುಡು ಜೊತ್ಲೋ ದೋಣಿಲ ವಾಳ್ ವಲುಲ್ನಿ ಸರಿಸೆಸ್ತಾವುನ್ದ್ರಿ. ಯೇಸು ವೂಳ್ನಿ ಪಿಲ್ಚೆ.

04/21.txt

@@ -0,0 +1 @@
+\v 21 \v 22 22 ಕೂಡ್ಲನೆ ವಾಳು ದೋಣಿಲ್ನಿ ವಾಳ್ ತಂಡ್ರಿನಿ ಇಡ್ಸಿ ಯೇಸುನಿ ಇಂಬಾಲಿನ್ಚ್ರಿ .

04/23.txt

@@ -0,0 +1 @@
+\v 23 \v 24 \v 25 23 ಬಳಿಕ್ಮು ಯೇಸು ಗಲಿಲಾಯ್ಮ್ಲಂತ ತಿರ್ಗಾಡಿ ಆನೋಳಿನ ಸಭಾ ಮಂದಿರಮುಲ ಉಪದೆಶ್ಮು ಸೇಸ್ತಾ , ಪರಲೋಕ್ಮು ಸುವಾರ್ತೆಲ್ನಿ ಸಾರಿ ಸೋಪ್ಪ್ತ ಜನಲ್ನಿ ಅನ್ನೀ ತರ್ಮು ರೋಗುಮ್ಲಿನಿ ಅನ್ನಿ ತರ್ಮು ಬೇನೆಲ್ನಿ ವಾಸಿ ಸೇಸ್ತಾ ವಚ್ಚೆ. 24 ಯೇಸು ಸುದ್ದ್ಮು ಸಿರಿಯಾ ದೆಶುಮ್ಲಾ ಅಂತ ಹಬ್ಬಿದಾನ್ನಿಂಚ ಪೈಲೋ ನೆಟ್ಗಲೇನೋಳ್ ಅಂದ್ರುನಿ ಅಂಟೆ ತರಂ ತರಂ ರೋಗ್ಮುಬಾದೆಲಿಂಚ ಕಸ್ಟ್ಮು ಪಡ್ತವುoಡೋಳ್ನಿ ದೈಮ್ ಪಟ್ಟುoಡೆವಾಳ್ನಿ ಮೂರ್ಚೆರೋಗ್ಮೊಳ್ನಿ ಪಾರ್ಶ್ವವಾಯುಮೊಳ್ನಿ ಯೇಸು ಹತ್ರುಮ್ಕಿ ತೋಡ್ಕೊವಚ್ಚ್ರಿ, ಯೇಸು ವಾಳ್ನಿ ಸ್ವಸ್ತ್ಮು ಸೇಸೆ . 25 ಮಲ್ಲಿ ಗಲಿಲಾಯ್ಮು ದೆಕಪೋಲಿಮು ಯೆರೂಸಲೆಮುಮು ಯೂದಾಯ್ಮು ಅನೆ ಸ್ತಳ್ಮಿಂಚನು ಯೋರ್ದೊಂಮ್ ಏಟಿನ ಆಕ್ಟಿನ್ಚಾನು ಜನಲು ಗಂಪ್ ಗುಂಪಾಯಿ ಯೇಸು ಎನ್ಕ ಪಾಯ್ರಿ.

05/01.txt

@@ -0,0 +1 @@
+\v 1 \v 2 \v 3 \v 4 1 ಯೇಸು ಆ ಜನಾಲು ಗುಂಪುಲ್ನಿ ಕನಿ ಬೆಟ್ಟುಮ್ನಿ ಎಕ್ಕಿ ಕುಚ್ಕೋನ್ಮಿಂದ ಯೇಸುನ ಶಿಷ್ಯುಳು ಯೇಸುನ ಹತ್ತ್ರುಮ್ಕಿ ವಚ್ರಿ . 2 ಯೇಸು ವಾಳ್ಕಿ ಉಪದೇಶ್ಮು ಸೇಸಿ ಸೋಪ್ಪಿಂದೆಮಂಟೆ - 3 ಆತ್ಮುಲ ಬಡುವ್ಲಾಯಿಂಡೋಳು ದನ್ಯುಲು, ಪರಲೋಕ್ಮು ರಾಜ್ಯುಮು ವಾಳ್ದಿ. 4 ದುಖ್ಮು ಪಡ್ಸೋಳು ದನ್ಯುಲು, ವಾಳು ಸಮದಾನ್ಮು ಹೊಂದ್ತಾರು.

05/05.txt

@@ -0,0 +1 @@
+\v 5 \v 6 \v 7 \v 8 5 ಶಾಂತುಲು ದನ್ಯುಲು, ವಾಳು ಭೂಮಿಕಿ ಬಾದ್ಯಲಾಯ್ತಾಲು. 6 ನೀತಿಕಿ ಆಕ್ಲಾಯಿ ಬಾಯರ್ನೋಳು ದನ್ಯುಲು, ವಾಳ್ಕಿ ತ್ರುಪ್ತಿಯಾಯ್ತಾದಿ. 7 ಕರುಣ್ಮುವುಂಡೋಳು ದನ್ಯುಲು ವಾಳು ಕರುಣ್ಮ್ ಹೊಂದ್ತಾಳು. 8 ನಿರ್ಮಲ್ಮು ಮನ್ಸೋಳು ದನ್ಯುಲು, ವಾಳು ದೇವುಡ್ನಿ ಸೂಸ್ತಾರು.

05/09.txt

@@ -0,0 +1 @@
+\v 9 \v 10 9 ಸಮದಾನ್ಮು ಪಡ್ಬಿಚ್ಚೋಳು ದನ್ಯುಲು, ವಾಳು ದೇವುಡು ಬಿಡ್ಡ್ಳನ್ಬಿಚ್ಚ್ಕೊಂಟಾರು. 10 ನೀತ್ಮುನ ನಿಮಿತ್ಮಾಯಿ ಹಿಂಸ್ಮುನಿ ತಡ್ಸ್ಕೊನೋಳು ದನ್ಯುಲು, ಪರಲೋಕ್ಮುರಾಜ್ಯುಮು ವಾಳ್ದಿ.

05/11.txt

@@ -0,0 +1 @@
+\v 11 \v 12 11 ನಾ ನಿಮಿತ್ಮಾಯಿ ಜನಲು ಮಿಮ್ಮುಲ್ನಿ ನಿಂದಿಂಚಿ ಹಿಂಸ್ಮು ಪಡ್ಬಿಂಚಿ ಮೀ ಮಿಂದ ಶೆಡ್ ಶೆಡ್ ಮಾಟ್ಲ್ನಿ ಸುಳ್ಳಾಯಿ ಮೊಪ್ತೇ ಮೀರು ದನ್ಯುಲು. 12 ಸಂತೋಷ್ಮು ಪಡಂಡ್ರಿ, ಉಲ್ಲಾಸ್ಮು ಪಡಂಡ್ರಿ , ಪರಲೋಕ್ಮು ರಾಜ್ಯುಮ್ಲ ಮೀಕಿ ಬಹಳ್ಮು ಪಲ್ಮು ಸಿಕ್ತಾದಿ, ಮೀಕಿಂತ ಮುಂದ್ರ ವುಂಡೆ ಪ್ರವಾದುಲ್ನಿ ಇಟ್ಟೆ ಹಿಂಸ್ಮುಪಡ್ಬಿಚ್ಚುಂಡ್ರೆ.

05/13.txt

@@ -0,0 +1 @@
+\v 13 \v 14 13 ಮೀರು ಭೂಮಿಕಿ ಉಪ್ಪಾಯ್ನಾರು ಉಪ್ಪು ಸಪ್ಗಾಯ್ತೆ ದಾನ್ಕಿ ಇನ್ಕ್ಯಾವ್ದಾನಿಂಚ ಉಪ್ಪ್ಮು ರುಚಿ ವಸ್ತಾದಿ? ಜನುಲು ದಾನ್ನಿ ಆಕ್ಟರಿಕಿ ಏಸಿ ತೊಕ್ಕೆಕಿ ಆದಿ ಯೋಗ್ಯುಮು ವರ್ತು ಇಂಕ್ಯಾವ್ ಕೆಲ್ಸುಮ್ಕಿವಚ್ಚೆಟ್ಲೇ. 14 ಮೀರು ಲೋಕಂಕಿ ಎಲ್ಗಾಯ್ನಾರು. ಗುಡ್ದಮ್ಮಿಂದ ಕಟ್ಟುಂಡೆ ಊರು ಮರೆಯಾಯುನ್ದೆಟ್ಲೆ.

05/15.txt

@@ -0,0 +1 @@
+\v 15 \v 16 15 ಮಲ್ಲಿ ದೀಪ್ಮುನಿ ಅಂಟಿಚ್ಚಿ ಕೊಳಗ್ಮುನೋನ ಪೆಟ್ಟೆಟ್ಲೇ, ದೀಪ್ಮು ಸ್ತಂಬ್ಮು ಮಿಂದ ಪೆಡ್ತಾರಂತೆ. 16 ಅಪ್ಡು ಆದಿ ಇಂಟ್ಲವುಂಡೋಳ್ ಅಂದ್ರುಕಿಎಲ್ಗಿಸ್ತಾದಿ. ದಾನ್ಲಕ್ನೆ ಮೀ ಎಲ್ಗು ಜನಾಲು ಮುಂದ್ರ ಪ್ರಕಾಶ್ಮಿಯ್ನಿ. ಇಟ್ತಾಯ್ತೆ ವಾಳ್ ಮೀ ಮಂಚಿ ಕ್ರಿಯೇಲ್ನಿ ಸೂಸಿ ಪರಲೋಕ್ಮುಲ ವುಂಡೆ ಮೀ ತಂಡ್ರಿನಿ ಕೊಂಡಾಡ್ತಾರು.

05/17.txt

@@ -0,0 +1 @@
+\v 17 \v 18 17 ಮೋಶುಡಿನ ದರ್ಮಶಾಸ್ತ್ರುಮಾವ್ನಿ ಪ್ರವಾದಿಲು ವಚನಲ್ನಾಯಿನಿ ಸೀಸೇಸೆಕಿ ನಾನು ವಸ್ತಿ ಅನಿ ನೆನಿಯದಂಡ್ರಿ. ಸೀಸೇಸೆಕಿ ರಾಲೆ, ನೆರ್ವೆರ್ಸೇಕಿ ವಚ್ನ. 18 ಮೀಕಿ ಸತ್ಯುಮಾಯಿ ಸೊಪ್ತ - ಆಕಾಶ್ಮು ಭೂಮಿನು ಅಲ್ಸಿ ಪಾಯೇ ಗಂಟ ದರ್ಮಶಾಸ್ತ್ರುಮು ನೆರೆವೇರ್ತದಿ ಹೊರ್ತು ದಾನ್ನೋನಿಂಚ ಒಕ್ಕ್ ಸೊನ್ನಾಯಯ್ನಿ ಓಕ್ ಗುಡ್ಸಾವ್ನಿ ಅಲ್ಸಿಪಾಯೇಟ್ಲೆ.

05/19.txt

@@ -0,0 +1 @@
+\v 19 \v 20 19 ದಾನ್ನಿಂಚ ಈ ಸನ್ಮು ಸನ್ಮು ಆಜ್ನೆಲ್ನಿಯಾವ್ನಿ ಒಕ್ಟ್ನಿ ಮೀರ್ಸಿ ಜನಾಲ್ಕು ಅಟ್ಟೆ ಮೀರ್ಸೇಕಿ ಭೋದಿಚ್ಚೋಡು ಪರ್ಲೋಕ್ಮು ರಾಜ್ಯುಮ್ಲ ಬಹಳ್ಮು ಸನ್ನೋಡ್ ಅನ್ಬಿಚ್ಕೊಂಟಾಡು, ಆಯ್ತೆ ವಾಡೆ ಆ ಆಜ್ನುಲ್ಲಾಕ ನಡ್ಸ್ಕೋನಿ ಜನಲ್ಕು ಅಟ್ಟೆ ನಡ್ಯಾಲ ಅನಿ ಭೋದಿಚ್ಚೋಡು ಪರಲೋಕ್ಮು ರಾಜ್ಯುಮ್ಲ ಪೆದ್ದೊಡ್ ಅನ್ನ್ಬಿಚ್ಕೊಂಟಾಡು. 20 ಮೀ ನೀತ್ಮು ಶಾಸ್ತ್ರಿಲ ಮಲ್ಲಿ ಪರಿಸಾಯರುಲ ನೀತ್ಮ್ಕಿಂತಾನು ಜಾಸ್ತಿದಿಆಯ್ಕುನ್ನಪಾತೆ ಮೀರು ಪರಲೋಕ್ಮು ರಾಜ್ಯುಮ್ಕಿ ಸೇರೆಟ್ಲೆ ಅನಿ ಮೀಕು ಸೊಪ್ತಾನು.

05/21.txt

@@ -0,0 +1 @@
+\v 21 \v 22 21 ನರಹತ್ಯುಮು ಸೇಯ್ಗೂಡ್ದು, ನರಹತ್ಯುಮು ಸೇಸೋಡು ನ್ಯಾಯ್ಮು ವಿಚಾರಣ್ಮ್ಕಿ ಗುರಿಯಾಯ್ತಾಡನಿ ಹಿರಕ್ಲುಕಿ ಸೊಪ್ಪಿಂದಿ ಅನಿ ಇನ್ನಾರಂತೆ. 22 ಆಯ್ತೆ ನಾನು ಮೀಕು ಸೊಪ್ಪೇದೆಮಂಟೆ - ಮೀ ಸಹೋದುರುಡು ಮಿಂದ ಕೋಪ್ಮುಸೇಸ್ಕೋನೆ ಪ್ರತಿಯೋಕ್ಡು ಮನುಷ್ಯುಡು ನ್ಯಾಯ್ಮುವಿಚಾರ್ಮ್ಕಿ ಗುರಿಯಾಯ್ತಾಡು, ವಾಡ್ ಸಹೋದುರುಡ್ನಿ ಸೂಸಿ ಛೀ ನೀಚುಡ ಅನ್ನೋಡು ನ್ಯಾಯ್ಮುಸಭೆಲಿನ ವಿಚಾರನೋನ್ಕಿ ಪಡ್ತಾಡು. ಮೂರ್ಕುಡು ಅನ್ನೋಡು ಅಗ್ಗಿ ನರ್ಕ್ಮುಕಿ ಗುರಿಯಾಯ್ತಾಡು.

05/23.txt

@@ -0,0 +1 @@
+\v 23 \v 24 23 ದಾನ್ಕಾರ್ನ್ಮುಕಿ ನುವ್ವ ನೀ ಕಾಣಿಕ್ಮುನಿ ಯಜ್ನವೇದುಮು ಹತ್ರುಮ್ಕಿ ಎತ್ಕೊಚ್ನಪ್ಪ್ದು ನೀ ಸಹೋದರುಡು ಮನ್ಸ್ಲ ನೀ ಮಿಂದ ಏಮೋ ವಿರೋದ್ಮು ವುಂಡಾದಿ ಅನೇದಿ ನೀ ನೆನಪ್ಕಿ ವಸ್ತೆ, 24 ನೀ ಕಾಣಿಕ್ಮುನಿ ಆ ಯಜ್ಞ್ಮುವೇದಿಮು ಮುಂದ್ರ ಇಡ್ಸ್ಪಾಯಿ ಮೊದ್ಲು ನೀ ಸಹೋದರುಡು ಸಂಗಡ್ಮು ಒಕ್ಟಾಯಿ ಆಮಿಂದ ವಚ್ಚಿ ನೀ ಕಾಣಿಕ್ಮುನಿ ಇಯ್ಯಿ.

05/25.txt

@@ -0,0 +1 @@
+\v 25 \v 26 25 ನೀ ವಾದುಡು ಸಂಗಡ್ಮು ಇಂಕಾ ದಾವ್ಲವುನ್ನಪ್ದೆ ವಾಡ್ ಜೊತ್ಲೋ ಜಲ್ದಿ ಸಮದಾನ್ಮು ಸೇಸ್ಕೋ, ಲೇದಂಟೆ ಆ ವ್ಯಾದುಡು ನಿನ್ನಿ ನ್ಯಾಯದಿಪತಿಡ್ಕಿ ಒಪ್ಪಿಚೀನಿ, ನ್ಯಾಯಾದಿಪತಿಡು ನಿನ್ನಿ ಓಲೆಕಾರುಡು ಸೇತ್ಕಿ ಒಪ್ಪಿಂಚಿನಿ, ಅಪ್ಡು ನುವ್ವ ಸೇರೆಲ ಪಡ್ತಾವು. 26 ನುವ್ವ ಓಕ್ ದುಡ್ಲುನಾವ್ನಿ ನಿಲ್ಬಿಚ್ಕೊಕುನ್ನ ಅಂತಾ ಸಲ್ಲ್ಬಿಚ್ಕೊನೆ ಗಂಟ ಆನಿಂಚ ವಚ್ಚೇಕೆ ಲೇದು ಅನಿ ನೀಕಿ ಸತ್ಯುಮಾಯಿ ಸೊಪ್ತಾನು.

05/27.txt

@@ -0,0 +1 @@
+\v 27 \v 28 27 ವ್ಯಭಿಚಾರ್ಮು ಸೇಯ್ಗೂಡ್ದು ಅನಿ ಸೊಪ್ಪಿಂದಿ ಅನಿ ಮೀರು ಇನ್ನಾರು ಅಂತೆ , 28 ಆಯ್ತೆ ನಾನು ಮೀಕು ಸೊಪ್ಪೇದೆಮಂಟೆ- ಪರಾಡ್ದ್ನಿ ಸೂಸಿ ಮೊಯ್ಬಿಚ್ಚೆ ಪ್ರತೀ ಮನುಷ್ಯುಡು ಅಪ್ಡೆ ನೀ ಮನ್ಸ್ಲ ದಾನ್ ಜೊತ್ಲ ವ್ಯಭಿಚಾರ್ಮು ಸೇಸೋಡಾಯೆ.

05/29.txt

@@ -0,0 +1 @@
+\v 29 \v 30 29 ನೀ ಕುಡ್ಮು ಕನ್ನು ನಿನ್ನಿ ಪಾಪುಮ್ಕಿ ಸಿಕ್ಕೆಚ್ಚೆದಾಯ್ತೆ ದಾನ್ನಿ ಪೆರ್ಕಿ ಪಾಗೊಟ್ಟು, ನೀ ದೇಹ್ಮಂತ ನರ್ಕುಮ್ಲ ಪಡೆದಾನ್ಕಿಂತ ಅವಯಮ್ಲ ಒಕ್ಟಿ ಪಾಯೇದಿ ನೀಕಿ ಹಿತ್ಮುಕದ . 30 ನೀ ಕುಡ್ಮು ಸೈಯಿ ನಿನ್ನಿ ಪಾಪ್ಮುಕಿ ಸಿಕ್ಕಿಚ್ಚೆದಾಯ್ತೆ ದಾನ್ನಿ ನರ್ಕಿ ಪಾರೆಯ್ಯಿ, ನೀ ದೇಹ್ಮಂತ ನರ್ಕುಮ್ಲ ಪಡೆದಾನ್ಕಿಂತ ಅವಯಮ್ಲ ಒಕ್ಟಿ ಪಾಯೇದಿ ನೀಕಿ ಹಿತ್ಮುಕದ.

05/31.txt

@@ -0,0 +1 @@
+\v 31 \v 32 31 ಇದ್ಕಾಕುನ್ನ ಪೆನ್ಡ್ಲಾಮ್ನಿ ಇಡ್ಸಿಡ್ಸೋಡು ದಾನ್ಕಿ ತ್ಯಾಗ್ಮು ಪತ್ರುಮ್ನಿ ಇಯಾಲನಿ ಸೊಪ್ಪಿಂದ್ದಂತೆ . 32 ಆಯ್ತೆ ನಾನು ಮೀಕಿ ಸೊಪ್ಪೆದೇಮಂಟೆ - ಹಾದ್ರುಮು ಕಾರ್ಣುಮುಕಾಕುಣ್ಣ ವಾಡ್ ಪೆನ್ಡ್ಲಾಮ್ನಿ ಇಡ್ಸಿಡ್ಸೋಡು ಆದಿ ವ್ಯಭಿಚಾರ್ಮು ಸೇಸೇಕಿ ಕಾರ್ಣ್ಮುಆಯ್ತಾಡು ಮಲ್ಲಿ ಮೊಗ್ದುನಿಡ್ಸುಂಡೆದ್ನಿ ಪೆನ್ಡ್ಲಿಸೇಸ್ಕೊನೋಡು ವ್ಯಭಿಚಾರ್ಮು ಸೇಸ್ಕೊನ್ನೋಡಾಯೇ.

05/33.txt

@@ -0,0 +1 @@
+\v 33 \v 34 \v 35 33 ಮಲ್ಲಿ ನುವ್ವ ಸುಳ್ಳಾಣಿನೆ ಪೆಟ್ಗುಡ್ದು, ನುವ್ವ ಪೆಟ್ಕೊನುಂಡೆ ಆಣುಲ್ನಿ ಕರ್ತುಡ್ಕಿ ಸಲ್ಲಿಯಾಲ ಅನಿ ಪೆದ್ದೊಳ್ಕಿ ಸೊಪ್ಪಿಂದಿ ಅನಿ ಇನ್ನಾರ್ ಅಂತೆ. 34 ಆಯ್ತೆ ನಾನು ಮೀಕಿ ಸೊಪ್ಪೆದೇಮಂಟೆ ಆಣೆಲ್ನೆ ಪೆಟ್ಗೂಡುದು, ಆಕಾಶ್ಮಿಂದ ಆಣೆ ಪೆಟ್ಟದ್ದು , ಆದಿ ದೇವುಡು ಸಿಂಹಾಸ್ನುಮು . 35 ಭೂಮಿಮಿಂದ ಆಣೆ ಪೆಟ್ಟೋದ್ದು ಅದಿ ದೇವುಡು ಪಾದಪೀಟ್ಮು . ಯೆರೂಸಲೆಮ್ಮಿಂದ ಆಣೆ ಪೆಟ್ಟೋದ್ದು ಆದಿ ಆ ಪೆದ್ದ ಅರಸ್ಮುಡ ಪಟ್ಟಣ್ಮಾಯಿಂದಿ.

05/36.txt

@@ -0,0 +1 @@
+\v 36 \v 37 36 ನೀ ತಲ್ಕಾಯ್ಮಿಂದನೂ ಆಣೆ ಪೆಟ್ಕೊವದ್ದು , ನುವ್ವ ಒಕ್ಟಿ ಎನ್ಟುಕ್ಲುನ್ನಿನು ತೆಲ್ಲುಗ ಮಲ್ಲಿ ನಲ್ಲುಗನು ಸೇಸೆಕಾಯೇಲೇ. 37 ಆಯ್ತೆ ನೀ ಮಾಟ ಹೌನಾಯಿಂಟೆ ಹೌನು ಕಾದು ಅಂಟೆ ಕಾದು ಅನಿ ವುನ್ದ್ಣಿ, ದೀನ್ಕಿಂತ ಜಾಸ್ತಿ ವಚ್ಚಿಂದಿ ಸೈತಾನುಡಿಂಚ ವಚ್ಚಿಂದಿ.

05/38.txt

@@ -0,0 +1 @@
+\v 38 \v 39 38 ಕನ್ಕಿ ಪ್ರತಿಯಾಯಿ ಕನ್ನು ಪಂಡ್ಲಿಕಿ ಪ್ರತಿಯಾಯಿ ಪಂಡ್ಲುನಿ ಸೀಬಿಯಂಡ್ರಿ ಅನಿ ಸೊಪ್ಪಿಂದಿ ಅನಿ ಇನ್ನಾರಂತೆ. 39 ಆಯ್ತೆ ನಾನು ಮೀಕು ಸೊಪ್ಪೆದೇಮಂಟೆ - ಕೆಡ್ಕುಡ್ನಿ ಎದ್ರುಬಿಯ್ಯೋದ್ದು . ಒಕ್ಡು ನೀ ಕುಡ್ಮ್ ಕೆನ್ನ್ಮಿಂದ ಕೊಟ್ತೆ ವಾಡ್ಕಿ ಇನ್ಕೊಕ್ಟಿ ಕೆನ್ನುನಿ ಇಯ್ಯಿ.

05/40.txt

@@ -0,0 +1 @@
+\v 40 \v 41 \v 42 40 ನೀ ಜೊತ್ಲ ವ್ಯಾಜುಮ್ನಿ ಆಡಿ ನೀ ನೋನಂಗಿನಿ ಸೀಸ್ಕೊವಲ ಅನೋಡ್ಕಿ ನೀ ಪೈನಂಗಿನಿ ಇಯ್ಯಿ. 41 ಒಕ್ಡು ಓಕ್ ಮೇಲ್ ದೂರ್ಮು ರಾ ಅನಿ ನಿನ್ನಿ ಪಟ್ಕೊಂಟೆ ವಾಡ್ ಜೊತ್ಲ ರೊಂಡ್ ಮೈಲಿಲು ಪೋ. 42 ನಿನ್ನಿ ಬೇಡೋಡ್ಕಿ ಇಯ್ಯಿ , ನೀಲಾ ಸಾಲ್ಮು ಇಚ್ಕೊವಾಲ ಅನಿ ವಚ್ಚ್ನೋಡ್ಕಿ ಮಕ್ಮು ತಿರ್ಗಿಚ್ಚ್ಕೊವದ್ದು .

05/43.txt

@@ -0,0 +1 @@
+\v 43 \v 44 \v 45 43 ನೀ ನೆರೆಯೋಡ್ನಿ ಪ್ರಿತಿಂಚಿ ನೀ ವೈರಿಲ್ನಿ ಹಗ್ಸೇಯಲ ಅನಿ ಇನ್ನಾರಂತೆ. 44 ಆಯ್ತೆ ನಾನು ಮೀಕು ಸೊಪ್ಪೆದೇಮಂಟೆ- ಮೀ ವೈರಿಲ್ನಿ ಪ್ರಿತಿಯಂಡ್ರಿ , ಮಿಮ್ಮುಲ್ನಿ ಹಿಂಸ್ಮು ಪಡ್ಬಿಚ್ಚೋಲ್ಕಾಯಿ ದೇವುಡ್ನಿ ಪ್ರಾರ್ಥ್ಮು ಸೇಯನ್ದ್ರಿ . 45 ಇಟ್ಟೆ ಸೇಸ್ತೆ , ಮೀರು ಪರಲೋಕ್ಮುಲ ವುಂಡೆ ಮೀ ತಂಡ್ರಿಕಿ ಬಿಡ್ಲಾಯ್ತಾರು . ಯೇಸು ಶೆಡ್ಡೋಳ್ ಮಿಂದಾನು ಮಂಚೋಳ್ ಮಿಂದಾನು ವಾಡ್ ಸೂರ್ಯುಡು ಮೂಡೆ ಅಟ್ಗ ಸೇಸ್ತಾಡು, ನೀತಿವಂತ್ಲು ಮಿಂದಾನು ಅನೀತಿವಂತ್ಲು ಮಿಂದಾನು ವಾನ್ ಕುರ್ಬಿಸ್ತಾಡು.

05/46.txt

@@ -0,0 +1 @@
+\v 46 \v 47 \v 48 46 ಮೀಕಿ ಪ್ರೀತೀನಿ ಸೂಬಿಚ್ಚೋಳ್ನೆ ಮೀರು ಪ್ರೀತಿಸ್ತೆ ಪಲ್ಮೇಮಿ? ಭ್ರಷ್ಟುಲು ಅಟ್ಟ ಸೇಸೇಟ್ಲೆದ . 47 ಮೀ ಸಹೋದುರುಲ್ಕಿ ಮಾತ್ರುಮು ಮೀರು ಮರ್ಯಾದೆನಿ ಇಸ್ತೆ ಏಮಿ ಜಾಸ್ತಿ ಸೆಸ್ನಟ್ಗ ಆಯೆ? ಅನ್ಯಜನುಲು ಅಟ್ಟೆ ಸೇಸೆಟ್ಲಾದ. 48 ದಾನಿಂಚ ಪರಲೋಕ್ಮುಲ ವುಂಡೆ ಮೀ ತಂಡ್ರಿ ಯಾವ್ ದೊಷ್ಮು ಲೇನೋಳ್ ಆಯುಂಡೆ ದಾನಿಂಚ ಮೀರು ದೋಷ್ಮುಲೆನೋಳ್ಆಯುಂಡನ್ದ್ರಿ.

06/01.txt

@@ -0,0 +1 @@
+\v 1 \v 2 1 ಜನಲು ಸೂಡ್ನಿ ಅನಿ ಮೀ ದರ್ಮುಮು ಕಾರ್ಯಲ್ನಿ ವಾಳ್ ಮುಂದ್ರ ಸೇಯ್ಗೂಡ್ದು , ಸೂಡoಡ್ರಿ, ಅಟ್ಟೆ ಸೇಸ್ತೆ ಪರಲೋಕ್ಮುಲ ವುಂಡೆ ಮೀ ತಂಡ್ರಿ ಹತ್ರುಮು ಮೀಕಿ ಪಲ್ಮು ದೊರ್ಸೆಟ್ಲೆ . 2 ದಾನಿಂಚ ನುವ್ವ ದರ್ಮುಮು ಇಚ್ಚೆನಪ್ದು ನೀ ಮುಂದ್ರ ಕೊಂಬೂದಿಯೋದ್ದು , ಜನಲಿಂಚ ಹೋಗ್ಳುಬಿಚ್ಚ್ಕೊವಾಲನಿ ಕಪಟಿಲೂ ಸಭಾ ಮಂದಿರ್ಮುಲಾನು ಬೀದ್ಲಾನು ಅಟ್ಟ ಸೇಸ್ತಾರು . ವಾಳುಕಿ ರಾಯ್ಬೇಕಾಯುಂಡೆ ತಕ್ಪಲುಮ್ನಿ ಹೊದ್ಕೊನಾಯೇ ಅನಿ ಮೀಕಿ ಸತ್ಯ್ಮು ಸೊಪ್ಪ್ತಾನು .

06/03.txt

@@ -0,0 +1 @@
+\v 3 \v 4 3 ನುವ್ವಾಯ್ತೆ ದರ್ಮುಮು ಇಚ್ಚೆನಪ್ದು ನುವ್ವ ದರ್ಮುಮು ಇಚ್ಚಿಂದಿ ಅಂತರಂಗ್ಮು ಆಯೆ ಅಟ್ಗ ನೀ ಕುಡ್ಮು ಸೈ ಸೇಸಿಂದಿ ಎಡ್ಮು ಸೇತ್ಮುಕು ಗೊತ್ತಾಕುನಟ್ಗ ವುಣ್ನಿ . 4 ಅಂತರಂಗುಮ್ಲ ನಡ್ಸೇದ್ನಿ ಸೂಸೆ ಮೀ ತಂಡ್ರಿ ನೀಕಿ ಪಲ್ಮಿಸ್ತಾಡು.

06/05.txt

@@ -0,0 +1 @@
+\v 5 \v 6 \v 7 5 ಮಲ್ಲಿ ಪ್ರಾತ್ನುಮು ಸೇಸೆನಪ್ದು ಕಪಟಿಲ್ಲಾಕ ಸೇಯದಂಡ್ರಿ ಜನಲು ಸೂಡಾಲನಿ ವಾಳು ಸಭಾ ಮಂದಿರ್ಮ್ಲನು ಬೀದಿಚೌಕುಮ್ಲಾನು ನಿಲ್ಪಡ್ಕೋನಿ ಪ್ರಾರ್ತ್ನುಮು ಸೇಸೇಕಿ ಇಸ್ಟಂ ಪಡ್ತಾರು . ವಾಳು ವಾಳ್ಕಿ ವಚ್ಚೆ ತಕ್ಮು ಪಲುಮ್ನಿ ಹೊಂದ್ಕೊನಾಯೇ ಅನಿ ಮೀಕು ನಿಜ್ಮು ಸೊಪ್ತಾನು . 6 ಆಯ್ತೆ ನುವ್ವ ಪ್ರಾರ್ತ್ನುಮು ಸೇಯ್ಬೇಕಾಯ್ತೆ ನೀ ಎಕಾಂತ್ಮುಮಾಯಿನ ಕೋನ್ಳೇಕಿ ಪಾಯಿ ವಾಕ್ಲೆಸ್ಕೊನಿ ಅಂತರಂಗುಮ್ಲ ವುಂಡೆ ನೀ ತಂಡ್ರಿಕಿ ಪ್ರಾರ್ತ್ನುಮು ಸೇಯ್ಯಿ , ಅಂತರಂಗ್ಮುಲ ನಡ್ಸೇದ್ನಿ ಸೂಸೆ ನೀ ತಂಡ್ರಿ ನೀಕಿ ಪಲ್ಮು ಇಸ್ತಾಡು . 7 ಆಯ್ತೆ ಪ್ರಾರ್ತ್ನುಮು ಸೇಸೆನಪ್ದು ಅಜ್ನಾನಿಲುಲಾಕ ಸೊಪ್ಪಿನ್ದ್ನೆ ಉರುರ್ಕೆ ಸೊಪ್ಪೋದ್ದು,ವಾಳು ಜಾಸ್ತಿ ಮಾಟ್ಲುನಿ ಆಡ್ತೆ ಮೀ ಪ್ರಾರ್ತ್ನುಮ್ನಿ ದೇವುಡು ಇಂಟಾಡನಿ ನೆನ್ಸ್ಕೊಂಟಾರು.

06/08.txt

@@ -0,0 +1 @@
+\v 8 \v 9 \v 10 8 ದಾನ್ನಿಂಚ ಮೀರು ವಾಳ್ ಲಾಕ ಆವ್ವದಂಡ್ರಿ. ಮೀರು ಮೀ ತಂಡ್ರಿನಿ ಬೇಡ್ಕೊನೆಕಿಂತ ಮುಂದ್ರನೆಮೀಕು ಎಮೇಮಿ ಅಗತ್ಯುಮನಿ ಯೇಸುಕಿ ತಿಲ್ಸಿಂದಿ. 9 ದಾನ್ನಿಂಚ ಮೀರು ಇಟ್ಟೆ ಪ್ರಾರ್ತ್ನುಮು ಸೇಯ್ಬೇಕಾಯುನ್ದೆದಿ- 10 ಪರಲೋಕ್ಮುಲ ವುಂಡೆ ಮಾ ತಂಡ್ರಿಡ, ನೀ ನಾಮುಮು ಪರಿಶುದ್ಮು ಅನಿ ಎಣಿಸಲ್ಪಡ್ನಿ. ಮೀ ರಾಜ್ಯುಮು ರಾನಿ. ನೀ ಚಿತ್ಮು ಪರಲೋಕ್ಮುಲ ನೆರ್ವೇರ್ಸೆನಟ್ಗ ಭೂಲೋಕ್ಮುಲಾನು ನೆರ್ವೆರ್ನಿ.

06/11.txt

@@ -0,0 +1 @@
+\v 11 \v 12 \v 13 11 ಮಾ ಅನುದಿನ್ಮು ಅಹಾರ್ಮುನಿ ಈ ಬೊದ್ದು ದಯಪಾಲಿಯಿ 12 ಮಾಕಿ ತಪ್ ಸೇಸೋಳ್ನಿ ಮಾಮು ಕ್ಷಮಿನ್ಚ್ನಟ್ಗ ಮಾ ತಪ್ಪುಲ್ನಿ ಕ್ಷಮಿಂಚು . 13 ಮಮ್ಮುಲ್ನಿ ಶೋದನ್ಮ್ನೊನ್ಕಿ ಸೇರ್ಬಿಯ್ಕುನ್ನ ಕೇಡಿಂಚ ನನ್ನೀ ತಪ್ಪಿಯ್ಯಿ .

06/14.txt

@@ -0,0 +1 @@
+\v 14 \v 15 14 ಮೀರು ಜನಲು ತಪ್ಪುಲ್ನಿ ಕ್ಷಮಿಸ್ತೆ ಪರಲೋಕ್ಮುಲ ವುಂಡೆ ಮೀ ತಂಡ್ರಿ ಮೀ ತಪ್ಪುಲ್ನಿ ಕ್ಷಮಿಸ್ತಾಡು. 15 ಆಯ್ತೆ ಮೀರು ಜನಲು ತಪ್ಪ್ನಿ ಕ್ಷಮಿಚ್ಪಾತೆ ಮೀ ತಂಡ್ರಿನು ಮೀ ತಪ್ಪುಲ್ನಿ ಕ್ಷಮಿಚ್ಚೆಟ್ಲೆದು .

06/16.txt

@@ -0,0 +1 @@
+\v 16 \v 17 \v 18 16 ಇದ್ಕಾಕುನ್ನ ಮೀರು ಉಪ್ವಾಸ್ಮು ಸೇಸೇನಪ್ದು ಕಪಟಿಲ್ಲಾಕ ಮಕ್ಮುನಿ ಸಪ್ಗ ಸೇಸ್ಕೊವದಂಡ್ರಿ. ವಾಳು ತಾನು ಉಪ್ವಾಸಿಲನಿ ಸೂಬಿಚ್ಚೆದಾನ್ಕಿ ವಾಳ್ ಮಕ್ಮುನಿ ವಿಕಾರ್ಮು ಸೇಸ್ಕೊಂಟಾರು . ವಾಳು ವಾಳ್ಕಿ ವಚ್ಚೆ ತಕ್ಮು ಪಲುಮ್ನಿ ಹೊನ್ದ್ಕೊನಾಯೆಅನಿ ಮೀಕಿ ನಿಜ್ಮಾಯಿ ಸೊಪ್ತಾನು . 17 ಆಯ್ತೆ ನುವ್ವ ಉಪ್ವಾಸ್ಮು ಸೇಸೆನಪ್ದು ತಲ್ಕಾಯ್ಕಿ ಅಂದ್ಮು ಏಸ್ಕೋನಿ ಮಕುಮ್ನಿ ಕಡ್ಕೋ. 18 ಇಟ್ಟ ಸೇಸ್ತೆ ನುವ್ವ ಉಪ್ವಾಸ್ಮುದಿ ಅನಿ ಜನಲ್ಕಿ ಕಾನ್ಕುನ್ನಾಪಾಯಿನು ಅಂತರಂಗ್ಮುಲ ವುಂಡೆ ನೀ ತಂಡ್ರಿಕಿ ನುವ್ವ ಉಪ್ವಾಸ್ಮುದಿ ಅನಿ ಕನ್ಬಿಚ್ಚ್ಕೊಂಟಾವು. ಅಂತರಂಗ್ಮುಲ ನಡ್ಸೇದ್ನಿ ಸೂಸೆ ನೀ ತಂಡ್ರಿ ನೀಕಿ ಪಲಂ ಇಸ್ತಾಡು.

06/19.txt

@@ -0,0 +1 @@
+\v 19 \v 20 \v 21 19 ಭೂಲೋಕುಮ್ಲ ಗಂಟ್ಸೆಸ್ಕೊನಿ ಪೆಟ್ಕೊನದಂಡ್ರಿ , ಈನ ಅಂತು ಅದಿ ನುಸಿಪಟ್ಟಿ ಕಿಲ್ಬು ಎಕ್ಕಿ ಶೆಡಿ ಪಾತದಿ, ಈನ ದೊಂಗ್ಲು ಕನ್ನo ಕೊರ್ಸಿ ದೊಂಗ್ಲಿಸ್ತಾರು . 20 ಆಯ್ತೆ ಪರಲೋಕುಮ್ಲ ಗಂಟು ಸೇಸ್ಕೊನಿ ಪೆಟ್ಕೊಂಡ್ರಿ.ಆನ ಆದಿ ನುಸಿ ಪಟ್ಟಿ ಕಿಲ್ಬ್ಮು ಎಕ್ಕಿ ಶೆಡ್ಪಾಯೇಟ್ಲೆದು, ಆನ ದೊಂಗ್ಲು ಕನ್ನ್ಮು ಕೊರ್ಸೆಟ್ಲೆ , ದೊಂಗಿಚ್ಚೆಕು ಲೇದು . 21 ನೀ ಗಂಟು ಉಂಡಿತ್ತಾವೆ ನೀ ಮನ್ಸು ಉಂಟಾದಂತೆ.

06/22.txt

@@ -0,0 +1 @@
+\v 22 \v 23 \v 24 22 ಕನ್ನು ದೇಹುಮ್ಕಿ ದೀಪ್ಮಾಯಿಂದಿ , ಇಟ್ಟುoಡೆದಾನ್ಕು ನೀ ಕನ್ನು ನೆಟ್ಗುoಟೆ ನೀ ದೇಹ್ಮಂತ ಎಲ್ಗಾಯುಂಟಾದಿ. 23 ನೀ ಕನ್ನು ಶೆಡ್ದೆದಾಯುoಟೆ ನೀ ದೇಹ್ಮಂತ ಸೀಕ್ಟಾಯುಂಟಾದಿ . ಅಟ್ತಾಯ್ತೆ ನೀನೋನ್ಲ ವುಂಡೆ ಎಲ್ಗೆ ಸೀಕ್ಟಾಯ್ತೆ ಆ ಸೀಕ್ಟಿ ಎಂತನಚ್ಚು . 24 ಯೊವ್ದು ಇದ್ರೂ ಯಜ್ಮಾನ್ಲುಕಿ ಸೇವ್ಮುನಿ ಸೇಸೆಟ್ಲೆದು . ವಾಡು ಒಕ್ಡುನಿ ದ್ವೇಸಿಂಚಿ ಇನ್ಕೊಕುಡ್ನಿ ಪ್ರಿತಿಸ್ತಾಡು , ಲೇದು ಒಕುಡ್ನಿ ಹೊಂದ್ಕೊನಿ ಇನ್ಕೊಕುಡ್ನಿ ತಾತ್ಸ್ತಾರ್ಮು ಸೇಸ್ತಾಡು . ಮೀರು ದೇವುಡಿನ ಧನುಮ್ನಿ ಸೇವಿಚ್ಚೆಟ್ಲೆದು.

06/25.txt

@@ -0,0 +1 @@
+\v 25 \v 26 25 ಈ ಕಾರ್ಣುಮಿಂಚ ಮಾ ಜೂಡುಕಾಯಿ ಏಮಿ ಊಟ್ಮು ಸೇಯಾಲ , ಏಮಿ ತಾಗಾಲ, ಮಾ ದೇಹ್ಮು ರಕ್ಷಣುಮ್ಕಿ ಏಮಿ ಏಸ್ಕೊವಾಲ ಅನಿ ಚಿಂತ್ಮು ಸೇಯದಂಡ್ರಿ ಅನಿ ಮೀಕಿ ಸೊಪ್ತಾನು . ಊಟ್ಮಿಕಿಂತ ಪ್ರಾಣ್ಮು ಬಟ್ಲುಕಿಂತ ದೇಹ್ಮು ಪೈನಾಯಿಂದಿಕದ . 26 ಆಕಾಶ್ಮಿಂದ ಪಾರಾಡೆ ಗುವ್ವುಲ್ನಿ ಸೂಡoಡ್ರಿ, ಅವೀ ಬಿತ್ತೆಟ್ಲೆ ಕೊಸೇಟ್ಲೆ ಕಣ್ಜುಮ್ಲ ನಿಂಪಿ ಪೆಟ್ಕೊನೆಟ್ಲೆ ಅದಾವ್ನಿ ಪರಲೋಕ್ಮುಲ ವುಂಡೆ ಮೀ ತಂಡ್ರಿ ಅವುಲ್ನಿ ಸಾಕಿ ಸಲ್ವುತ್ತಾಡು, ಅವುಟ್ಲಿಕಿಂತ ಮೀರು ಹೆಚ್ಚ್ನೋಳುಕದ?

06/27.txt

@@ -0,0 +1 @@
+\v 27 \v 28 \v 29 27 ಚಿಂತ್ಮು ಸೇಸಿ ಸೇಸಿ ಓಕ್ ಮೊಳ್ಮು ಪೆರ್ಗೆದಿ ಮೀಲಾ ಯೋಳಿಂಚಾಯ್ತಾದಿ? 28 ಇದ್ಕಾಕುನ್ನ ಮೀರು ಬಟ್ಳು ವಿಷಯುಮ್ಲ ಚಿಂತ್ಮು ಸೇಸೆದೆನ್ದ್ಗಿ ? ಅಡವಿಲ ಪೂವ್ಲು ಪೆರ್ಗೆ ರೀತ್ಮುನಿ ಯೋಚ್ನುಮು ಸೇಸಿ ತಿಲಿಯಂಡ್ರಿ, ಅವಿ ದುಡ್ಸೆಟ್ಲೆ , ನೂಲೆಟ್ಲೆ 29 ಅದಾವ್ನಿ ಈ ಪೂವುಲ್ಲಾ ಒಕ್ಟ್ಕುವುಂಡೆಅಂತ ಅಲಾಂಕಾರಮು ಅರಸುಡೈನ ಸೊಲೋಮೊನುಡ್ಕಿನೂ ವಾಡು ವಾಡ್ ಸಕಲ್ಮು ವೈಭವ್ಮುವುನ್ನಪ್ಡುನು ವುಂಡ್ಲೆದನಿ ಮೀಕು ಸೊಪ್ತಾನು.

06/30.txt

@@ -0,0 +1 @@
+\v 30 \v 31 30 ಎಲಾ, ಅಲ್ಪ್ಮು ವಿಶ್ವಾಸಿಲ , ಈ ಪೊದ್ದು ವುಂಡಿ ಪದ್ನುಕಿ ಪೈಗುಂತ ಪಾಲಾಯೇ ಅಡ್ವಿಲ ಕೊಸ್ವುಕಿ ದೇವುಡು ಇಟ್ಟ ಕಟ್ಟಿಸ್ತೆ ದಾನ್ಕಿಂತ ಎಂತೋ ಹೆಚ್ಮಾಯಿ ಮೀಕಿ ಕಟ್ಟಿಚ್ಚಿ ಇಸ್ತಾಡುಕದ. 31 ಇಟ್ಟುoಡೇ ದಾನ್ನಿಂಚ - ಏಮಿ ಊಟ್ಮು ಸೇಯಾಲ ಏಮಿ ತಾಗಾಲ ಏಮಿ ಏಸ್ಕೊವಾಲ ಅನಿ ಚಿಂತ್ಸೆಯದಂಡ್ರಿ.

06/32.txt

@@ -0,0 +1 @@
+\v 32 \v 33 \v 34 32 ಇವನ್ನಿಟ್ಲಿಕಾಯಿ ಅಜ್ನಾನಿಳು ತವಕ್ಮು ಪಡ್ತಾರು . ಇದಂತ ಮೀಕಿ ಬೇಕಾಯಿಂದಿ ಅನಿ ಪರ್ಲೋಕ್ಮುಲ ವುಂಡೆ ಮೀ ತಂಡ್ರಿಕಿ ಗೊತ್ತುಂಡಾದಿ ಅಂತೆ. 33 ಇಟ್ಟುoಡೆದಾನ್ನಿಂಚ ಮೀರು ಮೊದ್ಲು ದೇವುಡು ರಾಜ್ಯುಮ್ಕಾಯಿ ನೀತಿಕಾಯಿ ತವಕ್ಮು ಪಡoಡ್ರಿ. ಇವಟ್ಲಿಂಚ ಅವನ್ನಿ ಮೀಕಿ ದೊರಕ್ತಾವಿ . 34 ದಾನಿಂಚ ಪೆದ್ನು ವಿಷಯುಮ್ಲ ಚಿಂತ ಸೇಯದಂಡ್ರಿ ಪೆದ್ನು ದಿನ್ಮು ದಾನಿದ್ನಿ ದಾನ್ನೇ ಚಿಂತ ಸೇಸ್ಕೊಂಟಾದಿ. ಆ ಬೊದ್ದಿನ ಕಾಟ್ಮು ಆ ಬೊದ್ಗೆ ಸಾಲು.

07/01.txt

@@ -0,0 +1 @@
+\v 1 \v 2 1 ತೀರ್ಪ್ಮು ಸೇಯದಂಡ್ರಿ , ಅಟ್ಟೆ ಮೀಕು ತೀರ್ಪಾಯೇಟ್ಲೇ. 2 ಮೀರು ಸೇಸೆ ತೀರ್ಪ್ಕಿ ಸರಿಯಾಯಿ ಮೀಕೂ ತೀರ್ಪಾಯ್ತಾದಿ, ಮೀರು ಅಲ್ಸೆ ಅಲ್ತೇಯಿಂಚಾನೆ ಮೀಕೂ ಅಲ್ಸ್ತಾರು. ನುವ್ವ ನೀ ಕನ್ಲ ವುಂಡೆ ತೊಲೆನಿ ಯೋಚ್ನುಮು ಸೇಕುನ್ನ ನೀ ಸಹೋದರುಡು ಕನ್ಲ ವುಂಡೆ ರವೇನಿ ಯೋಚ್ನುಮು ಸೇಸೇದಿ ಎಂದ್ಗೂ? ನುವ್ವ ನೀ ಸಹೋದರುಡುಕಿ ನೀ ಕನ್ಲನೋನಿಂಚ ರವೇನಿ ಸೀಸ್ತಾ ರಾ ಅನಿ ಸೊಪ್ಪೆದಿ ಎಟ್ಟ? ನೀ ಕನ್ಲ ತೊಲೆವುಂಡಾದಿ ಕದಾ.

07/03.txt

@@ -0,0 +1 @@
+\v 3 \v 4 \v 5 3 ನುವ್ವ ನೀ ಕನ್ಲ ವುಂಡೆ ತೊಲೆನಿ ಯೋಚ್ನುಮು ಸೇಕುನ್ನ ನೀ ಸಹೋದರುಡು ಕನ್ಲ ವುಂಡೆ ರವೇನಿ ಯೋಚ್ನುಮು ಸೇಸೇದಿ ಎಂದ್ಗೂ? 4 ನುವ್ವ ನೀ ಸಹೋದರುಡುಕಿ ನೀ ಕನ್ಲನೋನಿಂಚ ರವೇನಿ ಸೀಸ್ತಾ ರಾ ಅನಿ ಸೊಪ್ಪೆದಿ ಎಟ್ಟ? ನೀ ಕನ್ಲ ತೊಲೆವುಂಡಾದಿ ಕದಾ. 5 ಕಪಟಿಲ, ಮೊದ್ಲು ನೀ ಕನ್ಲ ನೋನಿಂಚ ತೊಲೇನಿ ಸಿಸೇಸ್ಕೋ . ಆಮಿಂಕ ನೀ ಸಹೋದುರುಡು ಕನ್ ನೋನಿಂಚ ರವೇನಿ ಸಿಸೇಕಿ ಬಾಗ ಕಂಟಾದಿ.

07/06.txt

@@ -0,0 +1 @@
+\v 6 6 ದೇವುಡು ವಸ್ತುಮ್ನಿ ಕುಕ್ಕುಲ್ಕಿ ಎಯ್ಯದಂಡ್ರಿ, ಮೀ ಮುತ್ತುಲ್ನಿ ಪಂದ್ಲು ಮುಂದ್ರ ಚೆಲ್ಲೋದಂಡ್ರಿ. ಚೆಲ್ತೆ ಮೀ ಕಾಲಿಂಚ ಅವುಟ್ಲುನಿ ತೊಕ್ಕಿ ಎನ್ಕುಕಿ ತಿರ್ಗಿ ವಚ್ಚಿ ಮಿಮ್ಮುಲ್ನಿ ಸೀಳೀ ಇಡ್ಸಿನಿ.

07/07.txt

@@ -0,0 +1 @@
+\v 7 \v 8 \v 9 \v 10 7 ಬೇಡ್ಕೊಂಡ್ರಿ ಮೀಕಿ ದೊರ್ಕ್ತಾದಿ , ಹುಡ್ಕಂಡ್ರಿ ಮೀಕಿ ಸಿಕ್ತಾದಿ, ತಟ್ಟoಡ್ರಿ ಮೀಕಿ ತೆರ್ಸ್ತಾದಿ , 8 ಎಂದ್ಕಂಟೆ, ಬೇಡ್ಕೊನೆ ಪ್ರತಿಯೋಕ್ಡು ಹೊಂದ್ಕೊಂಟಾಡು, ಹುಡ್ಕೊಡ್ಕಿ ಸಿಕ್ತಾದಿ, ತಟ್ಟೋಡ್ಕಿ ತೆರ್ಸ್ತಾದಿ. 9 ಮೀಲಾ ಯೋಳಾರ ರೊಟ್ಟ ಅಡ್ಗೆ ಕೊಡ್ಕುಕಿ ರಾಯ್ನಿ ಇಸ್ತಾಡ? 10 ಶಾಪನಿ ಅಡ್ಗ್ತೆ ಪಾಮ್ನಿ ಇಸ್ತಾಡ ?

07/11.txt

@@ -0,0 +1 @@
+\v 11 \v 12 11 ಅಟ್ಟಾಯ್ತೆ ಶೆಡ್ಡೋಲಾಯಿನ ಮೀರು ಮೀ ಬಿಡ್ಲುಕಿ ಮಂಚಿ ಪದಾರ್ಥಾಲ್ನಿ ಇಚ್ಚೋಲಾಯ್ತೆ ಪರಲೋಕುಮ್ಲ ವುಂಡೆ ಮೀ ತಂಡ್ರಿ ವಾಳ್ಳ ಬೇಡ್ಕೊನೆವಾಳ್ಕಿ ಎನ್ನೋ ಜಾಸ್ತಿ ಮಂಚಿ ವರಲ್ನಿ ಇಸ್ತಾಡು ಕದಾ. 12 ಅಂತು ಜನಲು ಮೀಕಿ ಎಮೇಮಿ ಸೇಯಾಲನಿ ಅಪೇಕ್ಷಿಸ್ತಾಲೋ ದಾನ್ನೇ ಮೀರು ವಾಳ್ಕಿ ಸೇಯಂಡ್ರಿ . ಅದೇ ದರ್ಮಶಾಸ್ತ್ರುಮಿನ ಮಲ್ಲಿ ಪ್ರವಾದಿಲ ತಾತ್ಪರ್ಯಮು.

07/13.txt

@@ -0,0 +1 @@
+\v 13 \v 14 13 ಇಕ್ಕಾಟ್ಟಾಯ್ನ ವಾಕ್ಲಿಂಚ ನೋನ್ಲೇಕಿ ಪೊಂಡ್ರಿ. ನಾಶುಮ್ಕಿ ಪಾಯೇ ವಾಕ್ಲಿ ಪೆದ್ದುದಿ, ದಾವ ಅಗ್ಲುಮು , ದಾಂಟ್ಲ ಪಾಯೋಳು ಬಹು ಜನ್ಮು. 14 ನಿತ್ಯುಮು ಜೂಡ್ಕಿ ಪಾಯೇ ವಾಕ್ಲಿ ಇಕ್ಕಟ್ದಿ, ದಾವ ಬಿಕ್ಕಟ್ಟು , ದಾನ್ನಿ ಕನ್ಪಟ್ಕೋನೋಳು ಕೊಂಚ್ಮು ಜನ್ಮು.

07/15.txt

@@ -0,0 +1 @@
+\v 15 \v 16 \v 17 15 ಸುಳ್ಳು ಪ್ರವಾದಿಲ ವಿಷಯುಮ್ಲ ಎಚ್ರುಮಾಯಿ ವುಂಡಡ್ರಿ. ವಾಳು ಗೋರ್ರಲು ವೇಷ್ಮು ಏಸ್ಕೋನಿ ಮೀ ಜೊತ್ಕಿ ವಸ್ತಾರು, ಆಯ್ತೆ ನೋನ್ಲಾ ಸೂಸ್ತೆ ವಾಳು ಪಟ್ಕೊನಿ ಪಾಯೇ ಎಂಟುವ್ಲೇ. 16 ವಾಳ್ ಪಲ್ಮುಲಿಂಚ ವಾಳ್ನಿ ತಿಲ್ಸ್ಕೊಂಟಾರು. ಮುಂಡ್ಲು ಶಟ್ಲುಲ ದ್ರಾಕ್ಷಿ ಪಂಡ್ಲುನಿ ಮಂದು ಗುನ್ಕು ಶಟ್ಲ ಅಂಜೂರುಮುಲ್ನಿ ಕೋಸೆಕಾಯ್ತಾದ ? 17 ಅಟ್ಟೆ ಮಂಚಿ ಮಾನ್ಲಂತ ಮಂಚಿ ಪಲ್ಮುನಿ ಇಸ್ತಾವಿ , ಹುಲ್ಕು ಮಾನು ಮಂಚಿ ಪಲ್ಮುನಿ ಇಚ್ಚೆಟ್ಲೆದು.

07/18.txt

@@ -0,0 +1 @@
+\v 18 \v 19 \v 20 18 ಮಂಚಿ ಮಾನು ಶೆಡ್ಡೆ ಪಲ್ಮುನಿ ಇಚ್ಚೆಟ್ಲೆ , ಹುಲ್ಕು ಮಾನು ಮಂಚಿ ಪಲ್ಮುನಿ ಇಚ್ಚೆಟ್ಲೆ . 19 ಮಂಚಿ ಪಲ್ಮುನಿ ಇಯ್ಲೇನ್ ಅನ್ನಿ ಮಾನ್ಲುನಿ ಇರ್ಸಿ ಅಗ್ಲ ಏಸ್ತಾರು . 20 ಇಟ್ಟುoಡೆದಾಯಿ ವಾಳ್ ಪಲಲಿಂಚ ವಾಳ್ನಿ ತಿಲ್ಸ್ಕೊoಟಾರು.

07/21.txt

@@ -0,0 +1 @@
+\v 21 \v 22 \v 23 21 ನನ್ನೀ ಸ್ವಾಮೀ ಸ್ವಾಮೀ ಅನ್ನೋಳಂದ್ರು ಪರ್ಲೋಕ್ಮುರಾಜ್ಯುಮ್ನಿ ಸೇರ್ತಾರನಿ ನೆನ್ಸ್ಕೊವದನ್ದ್ರಿ , ಪರ್ಲೋಕ್ಮುಲ ವುಂಡೆ ನಾ ತಂಡ್ರಿ ಚಿತ್ಮುಲಾಕ ನಡ್ಸೋಡೆ ಪರ್ಲೋಕ್ಮುರಾಜ್ಯುಮ್ಕಿ ಸೇರ್ತಾಡು. 22 ಸ್ವಾಮೀ ಸ್ವಾಮೀ ನೀ ಪೇರ್ಮಿಂದ ಮಾಮು ಭೋದ್ನೆನಿ ಸೊಪ್ಲೇದ ? ನೀ ಪೇರ್ಮಿಂದ ದೈಮುಲುನಿ ಇಡ್ಬಿಯ್ಲೇದ? ನೀ ಪೇರ್ಮಿಂದ ಅನೇಕ್ಮು ಮಹತ್ಕಾರ್ಯಾಲುನಿ ಸೇಯ್ಲೇದ ಅನಿ ಆ ದಿನ್ಮುಲ ಎನ್ನೋ ಜನ್ಮು ನಾಕಿ ಸೊಪ್ತಾರು . 23 ಅಪ್ಡು ನಾನು ವಾಳ್ಕಿ - ನಾನೆಪ್ಪ್ದು ಮೀ ಗುರ್ತ್ಮುನಿ ಕಣ್ಲೇ, ದರ್ಮುಮ್ನಿ ಮೀರಿ ನಡ್ಸೋಳಾ , ನಾಇಂಚ ತೊಲ್ಗ್ಪೊಂಡ್ರಿ ಅನಿ ಅಂದ್ರು ಮುಂದ್ರ ಸೋಪ್ಪಿಡ್ಸ್ತಾನು.

07/24.txt

@@ -0,0 +1 @@
+\v 24 \v 25 24 ದಾನ್ನಿಂಚ ಈ ನಾ ಮಾಟ್ಲುನಿ ಇನಿ ಅವ್ಟ್ಲುಲಾಕ ನಡ್ಸೋಡು ಬಂಡ್ಳು ಮಿಂದ ಇಲ್ನಿ ಕಟ್ಕೊನಿನ ಬುದ್ದಿವುಂಡೆ ಮನುಷ್ಯುಡ್ನಿ ಹೋಲ್ತಾದಿ . 25 ಕಟ್ಟಿನ್ಮಿಂದ ವಾನ ಕುರ್ಸೆ , ಒಂಕ್ಲು ವಚ್ಚೆ , ನಾಲ್ಗು ತೊಟ್ನಿಂಚ ಗಾಲಿ ಬೀಸಿ ಆ ಇಂಟ್ಕು ಕೊಟ್ಟೆ. ಅಟ್ಟಾಯಿ ದಾನ್ ಅಸ್ತಿವಾರ್ಮು ಬಂಡ್ಮಿಂದ ವುಂಡೆದಾನ್ನಿಂಚ ಆದಿ ಪಡ್ಲೇದು .

07/26.txt

@@ -0,0 +1 @@
+\v 26 \v 27 26 ಆಯ್ತೆ ಈ ನಾ ಮಾಟ್ಲುನಿ ಇನಿನು ಅವುಟ್ಲುಲಾಕ ನಡಿಲೇನಿನ ಪ್ರತಿಯೋಕ್ಡು ಉಸ್ಬುಮಿಂದ ಇಲ್ಲು ಕಟ್ಟಿಕೋನಿನ ಬುದ್ದಲೇನಿನ ಮನುಷ್ಯುಡ್ನಿ ಹೋಲ್ತಾಡು. 27 ಕಟ್ಟಿನ್ಮಿಂದ ವಾನ್ ಕುರ್ಸೆ , ಒಂಕ್ಲು ವಚ್ಚೆ , ನಾಲ್ಗು ತೊಟ್ಟಿಂಚ ಗಾಲಿ ಬೀಸಿ ಆ ಇನ್ಟ್ಕಿ ಕೊಟ್ಟೆ. ಅಪ್ಡು ಆದಿ ದಡ್ಮನಿ ಉರ್ಚ್ಕೊನಿ ಪಡೆ.

07/28.txt

@@ -0,0 +1 @@
+\v 28 \v 29 28 ಯೇಸು ಈ ಮಾಟ್ಲುನಿ ಸೊಪ್ಪಿ ಮುಗ್ಸಿನ್ಮಿಂದ ಆ ಜನಲು ಗುಂಪುಲು ಯೇಸು ಉಪದೇಶ್ಮುಕಿ ಅತ್ಯಾಶ್ಚರ್ಯುಮು ಪಡ್ರಿ. 29 ಎಂದ್ಕಂಟೆ ಯೇಸು ವಾಳ್ ಶಾಸ್ತ್ರಿಲ್ಲಾಕ ಉಪದೇಶ್ಮು ಸೇಯ್ಕುನ್ನ ಅಧಿಕಾರ್ಮುಂಡೋಡ್ಲಾಕ ವಾಳ್ಕಿ ಉಪದೇಶ್ಮು ಸೇಸ್ತಾವುಂಡೆ.

08/01.txt

@@ -0,0 +1 @@
+\v 1 \v 2 \v 3 1 ಯೇಸು ಬೆಟ್ಟ್ಮಿಂಚದಿಗಿ ವಚ್ಚೆನಪ್ದು ಜನಲು ಗುಂಪು ಗುಂಪಾಯಿ ಯೇಸು ಎನ್ಕ ಪಾಯ್ರಿ. 2 ಒಕ್ಡು ಕುಷ್ಟರೋಗಿಡು ಯೇಸುವಾಡ್ ಅತ್ರುಮ್ಕಿ ವಚ್ಚಿ ವಾಡ್ಕಿ ಅಡ್ಡ್ಮು ಪಡಿ - ಸ್ವಾಮೀ , ನೀಕಿ ಮನ್ಸುಂಟೆ ನನ್ನೀ ಶುಧ್ಮು ಸೇಸ್ತಾವು ಅನೆ. 3 ಯೇಸು ಸೈ ನೀಡಿ ವಾಡ್ನಿ ಮುಟ್ಟಿ - ನಾಕಿ ಮನ್ಸುಂಡಾದಿ , ಶುಧ್ಧ್ಮಾವು ಅನೆ. ಕೂಡ್ಲನೆ ವಾಡ್ ಕುಷ್ಟ್ಮು ವಾಸಿಯಾಯೇ.

08/05.txt

@@ -0,0 +1 @@
+\v 5 \v 6 \v 7 5 ವಾಡು ಕೆಪೆರ್ನೌಮಿಕಿ ವಚ್ಚ್ನಪ್ದು ದಂಡಿನ ಶತಾದಿಪತಿಡು ವಾಡ್ ಹತ್ರುಮ್ಕಿ ವಚ್ಚಿ 6 - ಪ್ರಭುವ ನಾ ಆಳು ಪಾರ್ಶ್ವಾವಾಯುವಿನಿಂಚ ಬಹಳ್ಮು ಕಸ್ಟ್ಮು ಪಡ್ತಾ ಇನ್ಟ್ಲ ಪಡ್ನಾಡು ಅನಿ ಸೊಪ್ಕೊನೆ. 7 ಯೇಸು ವಾಡ್ಕಿ - ನಾನು ವಚ್ಚಿ ವಾಡ್ನಿ ವಾಸಿ ಸೇಸ್ತಾ ಅನಿ ಸೊಪ್ಪಿನ್ದಾನ್ಕಿ ಆ ಶತಾದಿಪತಿಡು ,

08/08.txt

@@ -0,0 +1 @@
+\v 8 \v 9 \v 10 8 ಪ್ರಭುವಾ, ನುವ್ವ ನಾ ಇನ್ಟ್ಕಿ ವಚ್ಚೆ ಅಂತ ಯೋಗ್ಯತ್ಮು ನಾಲಲೇದು , ನುವ್ವ ಓಕ್ ಮಾಟ ಸೊಪ್ತೆ ಸಾಲು , ನಾ ಆಳ್ಕಿ ಗುಣ್ಮಾಯ್ತಾದಿ. 9 ನಾನುವೆ ಇಂಕೊಕ್ಳು ಸೈದುಗುನುಂಡೆವಾಡು , ನಾ ಸೈ ದುಗುನ ಸಿಪಾಯುಲುಂಡಾರು , ನಾನು ವಾಳ್ಳ ಒಕ್ಳುಕಿ ಪೋ ಅನಿ ಸೊಪ್ತೆ ಪಾತಾಡು , ಇಂಕೊಕ್ಡುಕಿ ರಾ ಅನಿ ಸೊಪ್ತೆ ವಸ್ತಾಡು , ನಾ ಆಳ್ಕು ಇಟ್ಟಿಟ್ಟೆದ್ನಿ ಸೆಯ್ಯಿ ಅನಿ ಸೊಪ್ತೆ ಸೇಸ್ತಾಡು ಅನೆ. 10 ಯೇಸು ದೀನ್ನಿ ಇನಿ ಆಶ್ಚರ್ಯಮು ಪಟ್ಟಿ, ವಾಳ್ ಎನ್ಕ ವಸ್ತ ವುಂಡೋಳ್ಕಿ - ನಾನು ಇಟ್ಟೆ ಪೆದ್ದ ನಂಬ್ಕುಮುನಿ ಇಸ್ರಾಯೇಲುಲು ಜನಮುಲಾನು ಕನ್ಲೇದೆ ಅನಿ ಮೀಕು ಸತ್ಯುಮಾಯಿ ಸೊಪ್ತಾನು.

08/11.txt

@@ -0,0 +1 @@
+\v 11 \v 12 \v 13 11 ಇದ್ಕಾಕುನ್ನ ಮೀಕಿ ಸೊಪ್ಪೇದೆಮಂಟೆ ಮೂಡಣ್ಮು ಪಡುವಣ್ಮುದಿಕ್ಲಿಂಚ ಬಹಳ್ಮು ಜನಾಲು ವಚ್ಚಿ ಪರಲೋಕ್ಮು ರಾಜ್ಯುಮುಲ ಅಬ್ರಹಾಮುಡು ಇಸಾಕುಡು ಯಾಕೊಬುಡು ಅನೋಳು ಜೊತ್ಲ ಊಟ್ಮುಕಿ ಕುಚ್ಚೊಂಟಾರು, 12 ಆಯ್ತೆ ಆ ರಾಜ್ಯುಮು ಭಾದ್ಯಾಸ್ಥುಲು ಆಕ್ಟಾರ ಸೀಕ್ಟ್ಕಿ ಎಸೋಳಾಯ್ತಾರು , ಆನ ಗೋಳಾಟ್ಮು ಕಟ ಕಟ್ಮು ಪಂಡ್ಳು ಕೊರ್ಕೆದಿ ವುಂಟಾದಿ ಅನಿ ಸೊಪ್ಪೇ. 13 ಬಳಿಕ್ಮು ಯೇಸು ಶತಾಧಿಪತುಡ್ಕಿ - ನುವ್ವ ನಬ್ನಟ್ಟೆ ನೀಕಾವ್ನಿ , ಪೋ ಅನಿ ಸೊಪ್ಪೇ . ಆ ಗಳ್ಗುಮ್ಲ ವಾಡ್ ಆಳ್ಕಿ ಗುಣ್ಮಾಯೆ.

08/14.txt

@@ -0,0 +1 @@
+\v 14 \v 15 14 ಆಮಿಂದ ಯೇಸು ಪೇತೃಡು ಇನ್ಟ್ಕಿ ವಚ್ಚಿ ವಾಡ್ ಅತ್ತ ಜರುಮ್ಲ ಪಡುoಡೆದ್ನಿ ಕನಿ ದಾನ್ ಸೈನಿ ಮುಟ್ಟೆ. 15 ಮುಟ್ನಪ್ದೆ ಜರ್ಮು ದಾನ್ನಿ ಇಡ್ಸಿ ಪಾಯೇ, ಅದಿ ಲೇಸಿ ಯೇಸುಕಿ ಉಪ್ಚಾರ್ಮು ಸೇಸೆ.

08/16.txt

@@ -0,0 +1 @@
+\v 16 \v 17 16 ರಾತ್ರಾಯೇನಪ್ದು ದೈಮು ಪಟ್ಟಿನ ಬಹಳ್ಮು ಜನಲ್ನಿ ಯೇಸು ಹತ್ರುಮ್ಕಿ ತೊಡ್ಕೊನೋಚ್ರಿ, ಯೇಸು ಮಾಟ ಮಾಟಿನ್ಚಾನೆ ದೈಮುಲ್ನಿ ಇಡ್ಬಿಚಿಂದಿ ಕಾಕುನ್ನ ಪೈಲ ನೆಟ್ಗೆಲೆನೋಳ್ಅಂದ್ರುನಿ ವಾಸಿ ಸೇಸೆ. 17 ದೀನ್ನಿಂಚ ಮಾ ನಪ್ಪಿಲ್ನಿ ಯೇಸುನೆ ಸೀಸ್ಕೊನಿ ಮಾ ರೋಗಲ್ನಿ ಮೋಸ್ಕೋನೆ ಅನಿ ಯೇಶಾಯುಡು ಅನೆ ಪ್ರವಾದಿಯಿಂಚ ಸೊಪ್ಪಿನ ಮಾಟ ನೆರ್ವೆರೆ.

08/18.txt

@@ -0,0 +1 @@
+\v 18 \v 19 \v 20 18 ಯೇಸು ವಾಡ್ ಸುತ್ಲು ವುಂಡಿನ ಬಹು ಜನಲಿನ ಪೆದ್ದ ಗುಂಪ್ನಿ ಕನಿ ಅಕ್ಡು ದಡುಮ್ಕಿ ಪೋವಾಲನಿ ಅಪ್ಪಣೆನಿ ಇಚ್ಚೆ. 19 ಅಪ್ಡು ಒಕ್ಡು ಶಾಸ್ತ್ರಿಡು ಹತ್ರುಮ್ಕಿ ವಚ್ಚಿ ಯೇಸುಕಿ - ಗುರುಲಾ, ಮೀರು ಯಾನ್ಕು ಪೋತೆನು ನಾನು ನೀ ಎನ್ಕೆ ವಸ್ತಾ ಅನಿ ಸೊಪ್ಪೇ ಯೇಸು ವಾಡ್ಕಿ - ನರಿಲುಂಡಾವಿ, ಗುದ್ದುಲುಂಡಾವಿ , 20 ಆಕಾಶುಮ್ಲ ಪಾರಾಡೆ ಗುವ್ವುಲ್ಕಿ ಗೂಡ್ಲುಂಡಾವಿ, ಆಯ್ತೆ ಮನುಷ್ಯಕುಮಾರುಡ್ಕಿ ತಲ್ಕೈ ಪೆಟ್ಟೆಅಂತ ಜಾಗ್ಮು ಲೇದು ಅನಿ ಸೊಪ್ಪೇ .

08/21.txt

@@ -0,0 +1 @@
+\v 21 \v 22 21 ಶಿಷ್ಯುಲ ಇಂಕೊಂಕ್ಡು- ಸ್ವಾಮೀ, ನಾನು ಮೊದ್ಲು ಪಾಯಿ ನಾ ತಂಡ್ರಿ ಉತ್ತ್ರುಮುಕ್ರೀಯೇನಿ ಸೇಸಿ ವಚ್ಚ್ನಟ್ಗ ನಾಕಿ ಅಪ್ಪಣ್ಮು ಆವಾಲ 22 ಅಟ್ಟನಿ ಯೇಸು ವಾಡ್ಕಿ - ನಾ ಎನ್ಕ ರಾ , ಸಚ್ನೋಳ ಮೀಲ ಸಚ್ಪಾಯ್ನೋಳ ಉತ್ರುಮುಕ್ರಿಯೇಲ್ನಿ ಸೇಯ್ನಿ ಅನಿ ಸೊಪ್ಪೇ.

08/23.txt

@@ -0,0 +1 @@
+\v 23 \v 24 \v 25 23 ಯೇಸು ದೋಣಿನಿ ಎಕ್ಕ್ನಪ್ಡು ವಾಡ್ ಶಿಷ್ಯುಲು ವಾಡ್ ಎನ್ಕ ಪಾಯ್ರಿ. 24 ವಾಳು ದೋಣಿ ಪಾಯೇನಪ್ಡು ಸಮುದ್ರುಮು ಅಲ್ಲೋಲ್ಮು ಕಲ್ಲೋಲ್ಮಾಯಿ ದೋಣಿಲು ತೆರೆಲಿಂಚ ಮೂಸ್ಪಾಯೆ, ಆಯ್ತೆ ವಾಡು ನಿದ್ರು ಎಕ್ಕಿ ಪೊಂಗೊನುಂಡೆ. 25 ವಾಳು ಹತ್ರುಮ್ಕಿ ವಚ್ಚಿ ಯೇಸುನಿ ಲೇಪಿ - ಸ್ವಾಮೀ , ಕಾಪಾಡು , ಸಚ್ಚ್ಪೋತಾಮು ಅನಿ ಯೇಸು ವಾಳ್ಕಿ-

08/26.txt

@@ -0,0 +1 @@
+\v 26 \v 27 26 ಅಲ್ಪ್ಮು ವಿಶ್ವಾಸಿಲ , ಎಂದ್ಗೂ ಧೈರ್ಮು ಶೆಡ್ತಾರು ಅನಿ ಸೊಪ್ಪಿ , ಲೇಸಿ ಗಾಳಿಲ್ನಿ ಸಮುದ್ರುಮ್ನಿ ಗದ್ರಿಚ್ಚೆ, ಅಪ್ಡು ಅನ್ನಿ ಶಾಂತ್ಮಾಯೇ . 27 ಆ ಜನಲು ಬೆರ್ಗಾಯಿ - ವೂಡ್ನಿ ಎಟ್ಟೋಡಾಯುoಡಾಲ| ಗಾಳಿನಿ ಸಮುದ್ರುಮುಮುವೆ ವೂಡು ಸೊಪ್ಪೇ ಅಟ್ಗಇಂಟಾವೆ ಅನ್ರಿ.

08/28.txt

@@ -0,0 +1 @@
+\v 28 \v 29 28 ಆಮಿಂದ ಯೇಸು ಅಕ್ಡ ದಡುಮ್ಕಿ ಗದರೇನುಲ ಸೀಮೇಕಿ ಮುಟ್ನಪ್ಡು ದೈಮು ಪಟ್ನೋಲಿದ್ರು ಸಮಾದಿ ಗವಿನೋನಿಂಚ ಲೇಸಿ ವಾಡ್ ಎದ್ರುಕೆ ವಚ್ಚ್ರಿ. ವಾಳು ಬಹಳ್ಮು ಉಗ್ರುಳುಆಯುಂಡೆದಾನ್ನಿಂಚ ಆ ದಾವ್ಲ ಯೋಳು ತಿರ್ಗಾಡ್ಕುನ್ನ ವುಂಡ್ರಿ. 29 ವಾಳು- ದೇವುಡು ಕೊಡ್ಕ, ಮಾ ಗೊಡವ ನೀಕೆನ್ದ್ಗು? ಕಾಲ್ಮು ವಚ್ಚೆಕಿಂತ ಮುಂದ್ರ ಮಮ್ಮುಲ್ನಿ ಕಾಡೇಕಿ ಈನ್ಕಿ ವಸ್ತ್ವಾ ಅನಿ ಕೂಸ್ರಿ.

08/30.txt

@@ -0,0 +1 @@
+\v 30 \v 31 \v 32 30 ಕೊಂಚ್ಮು ದೂರ್ಮುಲ ಜಾಸ್ತಿ ಪಂದ್ಲುಲ ಓಕ್ ಹಿಂಡೂ ಮೇಸ್ತಾವುಂಡೆ. 31 ಆ ದೈಮ್ಲು - ನುವ್ವ ಮಮ್ಮುಲ್ನಿ ವೂಳಿಂಚ ತೊಂಬ್ರೆದಾಯ್ತೆ ಆ ಪಂದ್ಲುಲು ಗುಂಪ್ನೋನ್ಕಿ ಅಂಪೀಯ್ಯಿ ಅನಿ ಬೇಡ್ಕೊನೆ. 32 ಯೇಸು - ಪೊಂಡ್ರಿ ಅನ್ನಪ್ಪ್ಡುಅವಿ ಆಕ್ಟರ್ಕಿ ವಚ್ಚಿ ಪಂದ್ಲುನೋನ್ಕಿ ಹೊಕ್ಕೋನೆ , ಆ ಕ್ಷಣ್ಮೆ ಆ ಗುಂಪನ್ನಿ ಪರ್ಪಾಯಿ ಆ ಜಾಗ್ಮಿಂಚ ಸಮುದ್ರುನೋನ್ಕಿ ಪಡಿ ನೂಳ್ಳ ಮುಳ್ಗಿ ಸಚ್ಪಾಯೇ .

08/33.txt

@@ -0,0 +1 @@
+\v 33 \v 34 33 ಮೇಸೋಳು ಊರ್ನೊನ್ಕಿ ಪರ್ಪಾಯಿ 34 ದೀನ್ನೆಲ್ಲಾ ದೈಮು ಪಟ್ಟಿನೋಳ ಸಂಗತೀಸಹೀತ್ಮಾಯಿ ತಿಲ್ಬಿಚ್ಚೆಕಿ ಊರ್ನೋಳoದ್ರು ಯೇಸು ಎದ್ರುಗ ವಚ್ಚಿ ಯೇಸುನಿ ಕನಿ ವಾಳ್ ಸೀಮೆನಿ ಇಡ್ಸಿಪೋವಾಲನಿ ಬೇಡ್ಕೊನ್ರಿ.

09/01.txt

@@ -0,0 +1 @@
+\v 1 \v 2 1 ವಾಡು ದೋಣಿನಿ ಎಕ್ಕಿ ಸಮುದ್ರುಮ್ನಿ ದಾಟಿ ವಾಳ್ ಊರ್ಕಿ ವಚ್ಚೆ. 2 ಆನ್ಕಿ ವಚ್ಚ್ನಪ್ಪಡು ಹಾಸ್ಗ್ಮಿಂದ ಪಡುಂಡಿನ ಓಕ್ ಪಾರ್ಶ್ವವಾಯು ರೋಗ್ಮುವುoಡೋಡ್ನಿ ಯೇಸು ದೆಗ್ರುಕಿ ಎತ್ಕೋನಿ ವಚ್ಚ್ರಿ. ಯೇಸು ವಾಳ್ ನಂಬ್ಕುಮ್ನಿ ಸೂಸಿ ಪಾಶ್ವವಾಯು ರೋಗಿಕಿ - ಕೊಡ್ಕ ಧೈರ್ಮಾಗುಂಡು , ನೀ ಪಾಪುಮ್ಲು ಕ್ಷಮಿಚ್ನಾವಿ ಅನಿ ಸೊಪ್ಪೇ.

09/03.txt

@@ -0,0 +1 @@
+\v 3 \v 4 \v 5 \v 6 3 ಆನುಂಡಿನ ಶಾಸ್ತ್ರೀಲ್ಲಾ ಕೆಲುವ್ಲು - ವೂಡು ದೇವುಡು ದೂಷಣ್ಮು ಸೇಸ್ತಾಡನಿ ವಾಳ್ವಾಳ್ಳಾ ಮಾಟ್ಲಾಡ್ಕೊನ್ರಿ . 4 ಯೇಸು ವಾಳ್ ಆಲೋಚುಮ್ನಿ ತಿಲ್ಸ್ಕೋನಿ - ಮೀರು ಎಂದ್ಗೂ ಮೀ ಮನ್ಸ್ಲ ಶೆಡ್ಡೆ ಆಲೋಚ್ಮುಲ್ನಿ ಸೇಸ್ತಾರು? 5 ಯಾವ್ಡಿ ಸುಲ್ಬ್ಮು ? ನೀ ಪಾಪಲು ಕ್ಷಮಿಚ್ನಾವಿ ಅನೇದೋ ? ಲೇಸಿ ಪದ ಅನೇದೋ ? 6 ಆಯ್ತೆ ಪಾಪಲ್ನಿ ಕ್ಷಮಿಚ್ಚೇಕಿ ಮನುಷ್ಯಕುಮಾರುಡ್ಕಿ ಭೂಲೋಕುಮ್ಲ ಅಧಿಕಾರ್ಮು ವುಂಡಾದನಿ ಮೀಕಿ ತಿಲಿಯಾಲ ಅನಿ ಸೊಪ್ಪಿ ಪಾರ್ಶ್ವವಾಯು ರೋಗಿಡ್ನಿ ಸೂಸಿ - ಲೇಸಿ ನೀ ಹಾಸ್ಕ್ನಿ ಎತ್ಕೋನಿ ಇಂಟ್ಕಿ ಪೋ ಅನೆ.

09/07.txt

@@ -0,0 +1 @@
+\v 7 \v 8 \v 9 7 ವಾಡು ಲೇಸಿ ಇಂಟ್ಕಿ ಪಾಯೇ. 8 ಜನಲು ದೀನ್ನಿ ಸೂಸಿ ಭಯ್ಮು ಪಟ್ಟಿ ದೇವುಡು ಮನುಷ್ಯುಲ್ಕಿ ಅಟ್ಟೆ ಅಧಿಕಾರುಮ್ನಿ ಇಚ್ಚಿಂದಾನ್ಕು ಯೇಸುನಿ ಕೊಂಡಾಡ್ರಿ. 9 ಯೇಸು ಆನಿಂಚ ಪಾಯೇನಪ್ಡು ಸುಂಕುಮ್ಕಿ ಕುಚ್ಕೊನುಂಡಿನ ಮತ್ತಾಯುಡನೆ ಓಕ್ ಮನುಷ್ಯುಡ್ನಿ ಸೂಸಿ - ನನ್ನೀ ಹಿಂಬಾಲಿಯ್ಯಿ ಅನಿ ವಾಡ್ನಿ ಪಿಲ್ಚಿ ವಾಡು ಲೇಸಿ ಯೇಸುನಿ ಹಿಂಬಾಲಿಂಚೆ.

09/10.txt

@@ -0,0 +1 @@
+\v 10 \v 11 10 ಆಮಿಂದ ವಾಡು ವಾಡ್ ಇಂಟ್ಲ ಊಟುಮ್ಕಿ ಕುಚೋನುಂಡ್ನಪ್ಪ್ದು ಬಹು ಮಂದೀಲು ಸುಂಕ್ಮೊಳು ಪಾಪಿಲು ವಚ್ಚಿ ಯೇಸುಲ ಮಲಿ ಯೇಸು ಶಿಷ್ಯುಲು ಪಂಕ್ತೀಲಾನೆ ಕುಚ್ಚೋನ್ರಿ . 11 ಪರಿಸಾಯ್ಲು ದಾನ್ನಿ ಸೂಸಿ ಯೇಸು ಶಿಷ್ಯುಲ್ನಿ - ಮೀ ಗುರುಡು ಸುಂಕೊಳ್ಳಾ ಮಲಿ ಪಾಪಿಲ್ಲು ಜೊತ್ಲ ಎಂದ್ಗೂ ಊಟ್ಮು ಸೇಸ್ತಾಡು ಅನಿ ಅಡುಗ್ರಿ.

09/12.txt

@@ -0,0 +1 @@
+\v 12 \v 13 12 ಯೇಸು ದಾನ್ನಿ ಇನಿ - ಕ್ಷೇಮುಲವುಂಡೋಳ್ಕಿ ವೈದ್ಯುಡು ಬೇಕಾವ್ಲೇ , ಕ್ಷೇಮುಮುಲೇನೋಳ್ಕಿ ಕಾವಾಲ. 13 ಮೀರು ಪೊಂಡ್ರಿ - ನಾಕಿ ಯಜ್ನುಮು ವದ್ದು, ಕರುಣ್ಮೆ ಕವಾಲ ಅನೆ ಮಾಟ್ ಅರ್ಥುಮ್ನಿ ನೆರ್ಸ್ಕೊಂಡ್ರಿ. ನಾನು ನೀತಿವಂತುಡ್ನಿ ಪಿಲ್ಚೇಕಿ ವಚ್ನೋಡ್ಕಾದು, ಪಾಪಿಲ್ನಿ ಪಿಲ್ಚೇಕಿ ವಚ್ನೋಡು ಅನೆ.