Fri Sep 08 2017 15:02:06 GMT+0100 (W. Central Africa Standard Time)

01/01.txt

@@ -0,0 +1 @@
+\v 1 Elo̱bun ke gbayie̱negbe lei re̱ haan ebai kpitan vbi emo̱n emi lake nwun se̱e̱ vbi usee mai. \v 2 Ebi yain nwun o̱ main vbi obo̱, ikhe le za vbi ibe̱re chie̱n ele ri e̱o siain miain bi ekhe̱n ayio̱uhumi isi o̱li eta. \v 3 Re̱ yi me̱n, o̱u bi o̱le̱sen, ebii fun e̱n egbere hoto̱ ebi elemi ishan re̱ za vbi ibe̱re vare, li re̱ vio̱in kue̱ kue̱ yie̱, Tiofilo̱s, ukutu o̱ia lokhua. \v 4 O̱de ina ure̱ e̱n ata vbi emi la vbi e̱e̱.

01/05.txt

@@ -0,0 +1 @@
+\v 5 Vbi ikpe̱de̱ isi ihe̱ro̱di, o̱ie si Ijudia, ohe̱in o̱so rivbaan lae cho̱i Izakaraia, lo̱ vbi e fo̱n isi Abija. O̱hai o̱ vbi o̱kpa vbi ivbia likposo isi Aaro̱ni, ae cho̱i Elizabe̱ti. \v 6 Yain eve va vbi elo̱ ulo̱se̱n vbi isao isi Oiselebua, yan re̱ o̱ vbi uhi ere̱me̱n bi ebi ai la yai remi shan ue̱e̱n isi o̱lo̱mo̱en. \v 7 Sokpe̱n ei mo̱n o̱mo̱n, erimidi khi agan ikhi Elizabe̱ti, yain eve va ke di edio̱n vbi ole̱ghe̱ na.

01/08.txt

@@ -0,0 +1 @@
+\v 8 O̱za o̱ se̱ khi Izakaraia o̱ ri vbi isao isi Oise̱le̱bua, o̱bi obia isi ohe̱in vbi eba ke̱n o̱ io̱n. \v 9 Elabi za vbi o̱ree zi ohe̱in eme lo̱ ya bia, ari oloo zi io̱in vbi o̱lo̱ lo̱ ya o̱ vbi Itempo isi Oise̱le̱bua, o̱too ituai. \v 10 Agbo̱n lebun yan li ero̱mo̱n vbi oee vbi awan la re̱ too ituia.

01/11.txt

@@ -0,0 +1 @@
+\v 11 E̱yan, angeli isi oli o̱mo̱e̱n re gbe vbie̱ o̱ o̱o̱ muzan vbi obo̱dio̱n isi ikpe̱e̱n isi ituai. \v 12 Izakaraia ke mio̱n, ọ nian, ofe̱n dekhuion. \v 13 Sokpe̱n o̱li angeli re̱ o̱i, "Eke lo̱fe̱n, Izakaraia, erimidi, a hin ero̱mo̱n se̱. O̱ha li Elizabe̱ti o̱lo̱ vbi o̱mo̱ mo̱he, ulo̱ echo̱i Ijo̱ni.

01/14.txt

@@ -0,0 +1 @@
+\v 14 Ulo̱ mo̱n egho̱ngho̱n bi eke̱n lo̱ e̱ghe̱n, eia lo̱bun lo̱ kpaye̱ gho̱ngho̱n sa vbi o̱lo̱mo̱n. \v 15 O̱lo̱ vbi o̱ia lo̱ khuae vbi isao isi o̱lo̱mo̱e̱n okha de egbe oli waini da eyo̱n lo̱ ohiai, o̱lo̱ vo̱n yi Etin lo̱fuan za vbi ekpo̱mo̱n si iriyo̱n vare.

01/16.txt

@@ -0,0 +1 @@
+\v 16 Eia lo̱bun vbi ekhe̱n Isreal lo̱ fii egbe dele buu o̱lo̱mo̱eṉ li Oise̱le̱bua siain. \v 17 O̱lo̱ ya shan vbi isao si e̱o isi o̱lo̱mo̱e̱n vbi etin bi utotomi si Elijah. O̱lo̱ ui o̱na lo̱i re̱ deli udu isi ekhe̱n era yi si iviain. li ele mo̱n akaeho̱n re̱ re̱ o̱vbi ukpode̱ isi e̱wain lo̱ diai la re̱ ehin oto̱ khe̱ o̱lo̱mo̱e̱n, eia niain e̱he̱gbe khe̱o̱i.

01/18.txt

@@ -0,0 +1 @@
+\v 18 Izakaraia re̱ o̱li angeli, "Ebi ilo̱ kei e̱n o̱na? O̱mo̱ho̱dio̱n liu, bi o̱ha me̱n ke zukpe di o̱dio̱n". \v 19 O̱li angeli za anyio̱n khi, "me̱me̱n i khi Igabrie̱li, lo̱ muzan vbi isao isi Oise̱le̱bua a ye me̱n li kpa ye̱ teta, li owin eta lo̱se̱n na yie̱. \v 20 Ulo̱ riee o̱vbo̱, ulo̱ voo unu, u ke me̱ti teta, se̱ vbi e̱ghe̱ li elemi na lo̱ re̱ dumun.Emo̱ze̱i i khi umie̱n eta me̱ ho̱n, la lo̱ nwun se̱e̱ vbi e̱ghe̱ lo̱ e o̱vbo̱"

01/21.txt

@@ -0,0 +1 @@
+\v 21 Eli eia o̱ke khe̱ Izakaraia. E yin unu aa khe ro̱ ke te̱e̱ gbe vbe̱ ke̱n itempo.\v 22  Sokpe̱n, o̱ke diainre, o̱i ke meti teta niain ho̱n. e e̱n khi o̱ mi eo ebo̱i ri vbi eke̱n itempo. \v 23 O̱ke za ghe e̱han ae̱n yi ain o̱chie odi. O̱ke se̱ khi ikpe̱de̱ isi obia so̱i si oto̱i o̱ yi oa so̱i.

01/24.txt

@@ -0,0 +1 @@
+\v 24 Ikpuokho isi eli kpe̱de̱ na, o̱hai li Elizabe̱ti o̱hanma, o̱ uwun egbo̱in hee vbe̱ ke̱n ukin iihie̱n. o̱re o̱i. \v 25 O̱na li o̱lo̱mo̱e̱n u ne̱ me̱n, e̱ghe̱ lo̱ re̱ ri oe isi e̱see gho me̱n, lo̱ re wun e̱kho̱ sho̱me̱n vbi egbe re vbi irao isi eia"

01/26.txt

@@ -0,0 +1 @@
+\v 26 Eke̱n ukin o̱zi e ehan, ayi o̱li abgeli gabrili zavbi isi Oise̱le̱bua lode̱ vbi okpe̱vbo vbi Igalili lae cho̱i Inazareti. \v 27 Re̱e̱ alake lo̱i se̱ e̱n emi, la hoo kha lo̱ re̱ni o̱mo̱he loa cho̱i Ijosefu. Eboo Idefidi lo̱ o̱u, emi isi o̱laleke  i khi Imeri. \v 28 O̱de o̱ egbe re, o̱re o̱i, " I rue̱e̱, wowe̱ la ue̱see lo̱ dai ni, o̱lo̱mo̱e̱n de baei". \v 29 Sokpe̱n o̱ien ebi o̱lo̱ ke ui, vbi ebo̱i teta, o̱za oo̱i, orue̱ emi ena ke̱ ui.

01/30.txt

@@ -0,0 +1 @@
+\v 30 O̱li angeli re̱ o̱i, "Eke lo fe̱n, iImeri umii e̱see vbe si Oise̱le̱bua. \v 31 Lu mio̱in, ulo̱ hanma, ulo̱ vbii o̱mo̱ mo̱he. U lo̱ ya e chōi Jesu". \v 32 O̱lo chie̱n okpoogho, a lo̱ echo̱i ovbi o̱lo̱ kpokhumi le̱. O̱lo̱mo̱e̱n li Oise̱lēbua lo̱ nwin ekpelo̱ba isi uanmi si Idefidi nai. \v 33 O̱lo̱ uo̱ba vbi iwe isi Ijeko̱bu re̱le̱ re̱le̱, e̱ghe̱ o̱ba so̱i kha mo̱n ire̱so.

01/34.txt

@@ -0,0 +1 @@
+\v 34 Imeri re̱ o̱ li ange̱li, "ebi ena lo̱ ke̱ irun an ebi ise̱ i me̱he̱n kpe̱n o̱mo̱he o̱so o̱so". \v 35 O̱li ange̱li re̱ anye̱n, o̱re̱ o̱i, " Etin lo̱fun an lo̱ devo e̱, totomi isi o̱lo̱ kpoikhumi le̱ lo̱ de vo e̱ o̱li o̱la lo̱ vbia lofaun ain, a lo ya echo̱i ovbi Oise̱le̱bua.

01/36.txt

@@ -0,0 +1 @@
+\v 36 Ri iee o̱vbo̱ khi o̱mio̱n li Elzabeti o̱gbo hanmo̱ o̱mo̱mo̱he vbi egbo̱dio̱n so̱i. Ukinn o̱zehan o̱ke u nai, yo̱n lae cho̱i agan. \v 37  I mii emi lo̱ kha zi Oise̱le̱bua u". \v 38 Imeri re̱ o̱i, "Ghogho, ogbomodia lokposo isi o̱lo̱mo̱e̱n li u. Zo̱i de o̱ vbo yi me̱n, ebi ui tai". O̱li ange̱li za zo̱i obo̱.

01/39.txt

@@ -0,0 +1 @@
+\v 39 Imeri za sho̱re e̱ghe̱ ain, o̱ tua lode̱ vbi evbo isi o̱ko̱ shain di okpe̱ vbo vbi Ijudea. \v 40 O̱ ovbi iwe isi Izakaria, o̱rui Elizabeti. \v 41 O̱ke se̱ khi Elizabeti hin orue̱ isi Imeri, uvbio̱mo̱ lo̱ rio̱i vbi ekpo̱mo̱ vbo̱i, Eliozabeti za vo̱n yi etin lofun an.

01/42.txt

@@ -0,0 +1 @@
+\v 42 O̱za khue urun tai gboo, o̱re̱ o̱i" o̱la hianba lu u vbi usee isi ikposo, olahianba li khi o̱mo̱ lo̱ ri we vbi ekpo̱n mo̱n", \v 43 Ebo̱ ke i u re̱ yi me̱n khi uiyon o̱lo̱mo̱e̱n me̱n o̱ vare vbe ese̱ me̱n? \v 44  Oaa me̱n eho̱n, e̱ghe̱ li re̱ hin uroo si orue̱ se̱e̱ lo̱ de me̱n eho̱n re̱, uvbiomo lo̱ rime̱ vbe̱ kpo̱n o̱mo̱ vbo̱ yi okhumi vbi egho̱ngho̱n. \v 45 Ihianba o̱ yi o̱lo mieho̱n khi awun se̱e̱ lo̱ e vbo̱ isi emi la ta nai ho̱n za vbi isi o̱lo̱mo̱e̱n vare.

01/46.txt

@@ -0,0 +1 @@
+\v 46 Imeri re̱ o̱i "udu me̱n ree o̱lo̱mo̱e̱n. \v 47 Etin me̱n gho̱ngho̱n yi Oise̱le̱bua lo̱ faan me̱n.

01/48.txt

@@ -0,0 +1 @@
+\v 48 O̱ kaogho ue̱n isi ideagbere isi o̱gbo̱madia so̱i lo̱kposo. Kao gho o̱i re̱ za vbi eyan raale̱ uanmi ere̱me̱n la eche me̱n o̱la hianba. \v 49 O̱li o̱u kho̱ gbale̱, o̱ui emi lokhua ne̱ me̱n, eni so̱i i khi ofun an.

01/50.txt

@@ -0,0 +1 @@
+\v 50 Itue̱ke̱n so̱i o̱ evbi uanmi re̱ di uanmi re̱ yi elo̱ mo̱n ilofe̱n so̱i. \v 51 O̱ za vbi abo̱ ri uttotomi so̱i vbie̱; o̱ ya ghi eli ain mo̱n ikhuagbe yi okhumi vbi aoo isi udu siain, kua.

01/52.txt

@@ -0,0 +1 @@
+\v 52 O̱win elo̱ toto sho̱ vbi e̱kpetpoba siain di oto̱, okhua elo̱ degbere yiokhumi. \v 53 O̱ri emi lo̱sen kho̱n elo han mi o̱gbe. o̱ kjhi ele fee bi a hoo.

01/54.txt

@@ -0,0 +1 @@
+\v 54 Ori ikheo̱bo̱ ni Isreal li ogbomadia so̱i lo̱ i e re̱ re̱ ri itue̱ke̱n vbie̱. \v 55 (Ebo̱i ta li eramain ho̱n) Abrahami bi uanmi so̱i re̱le̱ re̱le̱".

01/56.txt

@@ -0,0 +1 @@
+\v 56 Imeri za dia kpe̱n Eliabe̱ti shan vbi ukin ea o̱kpe̱ yi oa so̱i. \v 57 O̱ke o̱se̱ vbi e̱ghe̱ li Elizabe̱ti lo̱ re̱ vbia, o̱za o̱ vi o̱mo̱ mo̱he. \v 58 Elian dia vbi ilagaa so̱i bi eboo o̱ ho̱in khi o̱lomo̱e̱n ri itue̱ke̱n lo̱gba vbie̱ vbi egbe so̱i, e za kpa yo̱i gho̱ngho̱n.

01/59.txt

@@ -0,0 +1 @@
+\v 59 Ukpe̱de̱ o̱zi e̱e̱n za o̱se̱ la lo̱ re̱ rue̱ oli o̱mo̱. ekhae cho̱i "Izakaraia" lo̱ vbi emi isi erai. \v 60 Sokpe̱n inyo̱in anyiain o̱re̱ i ain "o̱gho̱" Ijoni la lo̱ ya echo̱i". \v 61 Ere̱o̱i, "I mi o̱la se̱ echo̱i o̱li eniain vbi usee si eboe̱".

01/62.txt

@@ -0,0 +1 @@
+\v 62 Eza ri ae̱e̱n yi era, lai re̱e̱n eni lo̱ hoo. \v 63 Erai ro̱i lai nwin Isileli nio̱in, oza vin, "Eni so̱i li khi Ijo̱ni "Ona yin yiain ere̱me̱n unuan.

01/64.txt

@@ -0,0 +1 @@
+\v 64 Agala, unu so̱i khaye̱n a, oe̱ mi so̱i za chie̱n kho̱ reghe. O̱za teta, o̱gbo ree Oise̱le̱bua. \v 65 O fe̱n za ovbi udu seia li an dia vbi ilagaa siain. Eli enu na ere̱me̱n ia ho̱in vbi aikhan isi uhume̱ vbo isi o̱ko̱ vbi Ijudea. \v 66 Elo̱ ho̱n ere̱me̱n ri elemi o̱ vbi udu siain, ere̱ o̱i "Emi o̱lo̱mo̱na lo̱ ke chian?" Eri obo̱ si Oise̱le̱bua ri o̱i vbegbe.

01/67.txt

@@ -0,0 +1 @@
+\v 67 Izakaraia li erai vo̱n yi Etin lo̱funan o̱za te li atakpoto̱ na, o̱re̱ o̱i, \v 68 Iree o̱ yi oli o̱lo̱mo̱e̱n, Oise̱le̱bua isi Isreali , lo̱ re̱ vare lo̱i uikho̱bo̱, o̱ ui ade̱chiere li eai so̱i.

01/69.txt

@@ -0,0 +1 @@
+\v 69 O̱ nwin uke isi amiefan sho̱re na main vbi oa isi Idfidi li o̱gbo̱madia so̱i, \v 70 ebi o̱i tai shan vbi unu isi elo mie̱o so̱i le funain li e evbo̱ e̱ghe̱ li gheghe. \v 71 O̱lo̱ nwin amie fan re vbi obo̱ isi ighian main bi obo̱ isi eli yan kho̱ e̱ke̱in main.

01/72.txt

@@ -0,0 +1 @@
+\v 72 O̱lo̱ ui o̱na lo̱ re̱ ri itue̱ke̱n vbie̱ vbaa eramain, bi lo̱i re̱ eere atamasin lofuan re. \v 73 E̱o̱ lo̱ rame̱in yi Abraham li erain. \v 74 O̱ re̱o̱i khi yio̱in sume̱ mai  sho̱ vbi obo isi ighiain mai re̱. \v 75 Vbi eken o̱fuaan bi aenulo̱se̱ vbi isao siain vbi ikpe̱de̱ mai ere̱me̱n.

01/76.txt

@@ -0,0 +1 @@
+\v 76 i wowe̱, o̱mo̱, alo̱ ya echie̱ o̱mie̱o isi O̱LO̱KPOKHUMI Le̱, ulo̱ ukpao li o̱lo̱mo̱e̱n lu e̱hin ukpode̱ so̱i, lu e̱hin eia khe̱ u vare so̱i; \v 77 Lu nwin o̱e̱n isi amiefan yi eia so̱i la lo̱ re̱ rii o̱kho̱o̱ siain humi ain.

01/78.txt

@@ -0,0 +1 @@
+\v 78 O̱na lo̱ ruan erimidi si emitomevbegbe isi Oise̱le̱bua main, erimidi so̱i li o̱vo̱n lo me̱re̱ lo̱ ri vbi ebo̱dai lo̱ lo̱ re vare o̱ kpamaiobo̱. \v 79 Lo̱ i re̱ vbae win elo̱ dia vbi aso̱n bi elo̱ ri vbi odudu isi euu. O̱lo̱ ui o̱na lo̱ i re̱ re̱ main shan di ukpode̱ isi o̱fure".

01/80.txt

@@ -0,0 +1 @@
+O̱li o̱mo̱ za ohia re, o̱o̱ chie̱n o̱lo̱ mo̱n etin lototo, eke̱n o̱dagbe lo̱ dia titi ti se̱ vbi ukpe̱de̱ lo̱ yi egbe dianre gboo yi Isreali.

02/01.txt

@@ -0,0 +1 @@
+\v 1 O̱ke o̱se̱ vbi ede o̱kpa na, ose̱̱ isi Isiza Augustus dianre lo̱ re̱o̱ lai ko̱o̱ eai gbe le ri vbi o̱lagbo̱na. \v 2 O̱na i khi agbo̱n uko̱o̱ mi lo̱ kpao ebi Kuirius re̱ vi Igo̱vina vbi Isiria. \v 3 Eia ere̱me̱n lode̱ vbi okpe̱ vbo li ukoo mi.

02/04.txt

@@ -0,0 +1 @@
+\v 4 Ijose̱f gboi zi emi, o̱ za vbi Igalili za vbi okpe̱vbo lae cho̱i Inazareti yi Ijudia, di okpe̱vbo isi Idefidi lo̱ vbi Ibetehe̱mu, erimidi, oia si iwe bi eboo uvie̱mi isi Idefidi o̱. \v 5  O̱lo de lo̱i re̱ o̱ ri eni ovboto̱ yain bi Imeri, la kugbe khi yio̱in lo̱ lo̱ roo̱i, lo̱ hanma.

02/06.txt

@@ -0,0 +1 @@
+\v 6 Ebi ekei ri vbi evbo̱, e̱ghe̱ si uvbia so̱i ke se̱. \v 7 O̱ o̱vbi o̱mo̱ mo̱he̱, o̱mo̱ kpao so̱i, o̱ za ri ukpun lo̱ so̱o̱ woo gba li o̱lo̱mo̱ nwun me̱he̱n vbi ebi eami o̱za emae, erimidi ehee o̱i e vbo̱ ni ain vbi ebi ire o̱ vaan.

02/08.txt

@@ -0,0 +1 @@
+\v 8 Elo̱ kue̱ ighogho ri vbio ilagaa vbe ukata ebi za khe emiri siain si aso̱n re. \v 9 Ange̱li isi O̱lo̱mo̱e̱n za ri egbe vbie̱ vbie̱  ian, o̱fuan isi o̱khae isi o̱lo̱mo̱e̱n vbae win ain vbi o̱li ulagaa, o̱fe̱n gidi oi ain vbe gbe.

02/10.txt

@@ -0,0 +1 @@
+\v 10 O̱ke̱se̱ o̱li ange̱li re̱ o̱iain, 'vba e ke lofe̱n erimidi i nwin eta lo̱se̱n yi vba lo̱lo̱ nwin eghōngho̱n lo khua bi o̱fure yi eia ere̱me̱n. \v 11 E̱e̱ na, avbi o̱lo̱sumuan yi vba vbi okpe̱ vbo ii Idefidi. Yo̱in i khi Kristi o̱lo̱mo̱e̱n. \v 12 O̱na i khi ae̱e̱n la lo̱ re̱ ia vba vba mii uvbi o̱mo̱ la ri ukpun la so̱o̱ gbalo̱ la nwun o̱ vbi ebi eami o̱za emae,"

02/13.txt

@@ -0,0 +1 @@
+\v 13 Idumuka a ke mii ivbiokhoin lo̱ bu bun le zivbi okhueimi di oto̱ re bi o̱li ange̱li, li yan re̱ ree Oise̱le̱bua, e re̱ o̱i. \v 14 "O̱khae lo̱ dale̱ o̱ re̱ yi Oise̱le̱bua lai mii o̱fure vbi uhumoto̱ vbu se si eia li ekein so̱i e̱ghe̱n yi".

02/15.txt

@@ -0,0 +1 @@
+\v 15 Oke ose khi ekhen angeli sho vbi ain re lode vbi okhumieimi, elo kue ighogho o za egbian, " Vba zi mai lode vbi Ibethlehem lai mi emi lo ruan, li oli olomoen, re vbie mai" \v 16 Edi evbo ejej eje, emi Imeri bi Ijosefu bi vbiomo lo mehen vbi ekein ebi aza ri emae li eami e.

02/17.txt

@@ -0,0 +1 @@
+\v 17 Eke mio̱in le, eke za tare, emi la ta ni ain ho̱n vbi o̱hio̱ isi o̱lo̱mo̱ na. \v 18 Eia ere̱me̱n le ho̱n yi unu a, vi emi li elo̱ kue̱, ighogho tani ain ho̱n. \v 19 Sokpe̱n, Imeri o̱ghe oe̱ke̱n vbo̱ si emi ere̱me̱n lo̱ ho̱n, o̱ za rian o̱ vbi udu so̱i.  \v 20 Elo̱ kue̱ ighogho za chie̱ lode̱ yan ree Oise̱le̱bua vbi emi ere̱me̱n li ain ho̱n bi o̱li emie̱n, eba ghe i ta niain ho̱n.

02/21.txt

@@ -0,0 +1 @@
+\v 21 O̱ke se̱ vbi ikpe̱de̱ ee̱n la rue̱ o̱, o̱ niwin Jesu nai, o̱li eni li ange̱li nwun nai akpe̱ hanmai.

02/22.txt

@@ -0,0 +1 @@
+\v 22 Ikpe̱de̱ isi ukho̱o̱fuan ke o̱ra re ebi o̱ iri vbi uhi ii Imosis, Ijose̱f bi Imeri nwoin oli Itempo re vbi Ijerusalemu lai re nwuoin ni o̱lo̱mo̱e̱n. \v 23 Ebai vio̱in o̱ vbi uhi isi o̱lo̱mo̱e̱n, "O̱mo̱o̱mo̱he lare̱ ra vbi aleke re, a vaan i a oboto̱ li o̱lio̱lo̱mo̱e̱n " \v 24 Eke za ui ivbabo elabi uhi isi o̱lo̱mo̱e̱n i ta. "ekuete eva da ivbi idelekuku eva".

02/25.txt

@@ -0,0 +1 @@
+\v 25 Aireieo̱vbo̱, o̱mo̱he ri vbi Ijeruslemu li eni so̱i vi Isimo̱ni, o̱lo̱ mo̱he vbi o̱li o̱ulolo̱se̱n lo̱ ri udu ga, o̱ khe̱ si ifun udu re isi Isreali, Etin Lofun an ri o̱i vbe ebe.  \v 26 Etin lofun an ro̱i vbi o̱i, khi o̱kha uu so̱i mii Kristi si o̱lo̱mo̱e̱n .

02/27.txt

@@ -0,0 +1 @@
+\v 27 Etin rii Isimo̱ni dii Itempo re. Eli evbi o̱mo̱ ke nwin Jesu o̱li o̱mo̱lo̱gbo̱n o re li ain re̱ ui emi lau ebi o̱iri vbi uhi nai, \v 28 O̱ za ri abo̱ eve va nwo̱in, o̱ ree Oise̱le̱bua, o̱ za ta, "E̱yan zi o̱gbo̱madia se̱e̱ rale̱ vbi o̱fure, o̱lo̱mo̱e̱n, elabi ui tai".

02/30.txt

@@ -0,0 +1 @@
+\v 30 E̱o me̱ ke mi amie fan se̱e̱,  \v 31 Lu e̱ he̱n, vbi irao isi eia ere̱me̱n. \v 32 Ilukpa isi cire̱vbie̱ re̱ yi ekhe̱n Eloimihon bi o̱khae re̱ yi eia se̱e̱ Isreali"

02/33.txt

@@ -0,0 +1 @@
+\v 33 Erabi inyo̱n isi olo̱mo̱e̱n za yi unu ao vbi emi la tai vbo̱ hio̱ so̱i. \v 34 Isimo̱ni za riihiamba niain, o̱re̱ Imeri li inyo̱in, "Riee o̱vbo̱, azi o̱lo̱mo̱ na lo̱i vbi udemi bi akhuae isi eia lebuin vbi Isreali bi lo̱i vbi ae̱e̱n li - asin. \v 35 itakobi lo̱ shan e̱ vbi udu se̱ lo̱ire̱ ri aoo isi udu si eia lebun vbie̱".

02/36.txt

@@ -0,0 +1 @@
+\v 36 O̱mie̱o lo̱kposo lae cho̱i Anna rivbaan. ovbi Faue̱l lo̱kposo o̱, eboo Asha o̱za vare, o̱ke zukpe di odio̱n. yain bi o̱dio̱n gba dia ikpe ihio̱n ebo̱ re̱ e̱n emi lee. \v 37 Ikpe̱ egbo̱ele ukpe eeleke o̱ lo̱ za vbi o̱ro̱n. O̱ya sho̱ vbi itempo re, ama o̱ri igbe̱ke̱n ohanmi bi ero̱mo̱n ga aso̱n bi odanmi. \v 38 Vbo̱ li awaah an, o̱za si ke̱ iain re o̱ za be̱ lo̱ re̱ khue̱mi Oise̱le̱bua o̱za teta vbi o̱hio̱ si o̱lo̱mo̱ li agbo̱n ho̱n, lo̱ ke te̱e̱ liain o̱re̱ khe̱ ade̱chie̱ re isi Ijerusalemu.

02/39.txt

@@ -0,0 +1 @@
+\v 39 Ebi yain ke re ui emi ere̱me̱n lo̱ e o̱vbo̱ le iu ebi uhi isi o̱lo̱mo̱e̱n i tai eza fiegbe de legbe yi Igalili, yi e̱vbo siain li Inazareti. \v 40 O̱lo̱mo̱e̱n ohia re, o̱chie̱n o̱lo̱ totoi, e̱se o̱he̱n isi Oise̱lēbua o̱rio̱ i vbi egbe.

02/41.txt

@@ -0,0 +1 @@
+\v 41 Ele vbi olomon o lo de vbi Ijerusalemu ukpu kpe le oi re vbu ukpe isi ashanrare. \v 42 Oke se vbi omo si ikpe igbeva, e gbo za wuemi lode, ebi eghe si olukpe re se. \v 43 Oke ose khe dia se vbi ikpede eka la ui oli ukpe, e za lode vbi oa. Ama Jesu li ovbe khomohe, dia vbu okho vbi Ijerusalemu, Ijosef bi Imeri ei en. \v 44 E oo kho ri vbi use si eli yan regba shiain, e o shin oshan isi ukpede okpa. yan ke za hoo, oi vbi usee isi imioi ain bi imo

02/45.txt

@@ -0,0 +1 @@
+\v 45 Ebi ei ke re̱ mio̱in, e za chie yi Ijerusalemu, e za be̱e̱ khi yan hooi vbe vbo̱. \v  46 Ukpe̱de̱ lo̱ze a, eke za o̱ mio̱in vbi ekhe̱n itempo, o̱dia vbi idami ese se̱ si ekhe̱n elo̱vbie̱, o̱daa iain eho̱n, o̱gbo miai ian eta. \v 47 Eia ere̱me̱n le hin eta so̱i yin unua, ebi emi o̱i nwuoin e̱okuere bi canye̱n lo̱ re̱ o̱ vbi eta.

02/48.txt

@@ -0,0 +1 @@
+\v 48 Eke nuio̱n, egbe onwin ain. Inyo̱in re̱o̱i "Omo, emi uke ina wee yi main ni?" daeho̱n, era bii me̱n o̱ri iriae̱ ke̱ian hoo e̱". \v49 O̱ re̱ iain, "Emi vba ya hoo me̱n shan ni? vba i e̱n khi i lo̱ e vbi oa isi Erame̱n. \v 50 Ama, emi lo̱ ri ele ta an ita, o̱ win ain e̱o kuere.

02/51.txt

@@ -0,0 +1 @@
+\v 51 Oke se̱ o̱za re̱ khai ain yi Inazareti, eri o̱mo̱n idegbere yiain. Inyoin ri eli eta na o̱ vbi udu. \v 52 Ama, Jesu o ohiao̱ vbi ewain, o̱di odio̱n e̱vbo̱, o̱ri ikao̱ ghoo lo̱se̱n isi Oise̱le̱bua bi eia.

03/01.txt

@@ -0,0 +1 @@
+\v 1 Ukpe o̱zi igbeihie̱n li Itaubero̱s Isiza za vbo̱ o̱ba li Ipo̱ntuo̱s Ipilati re vbi Igovina vbi Ijudia, Iherodi li khi Itetraki vbi Igalili, omio̱n li Ifilipi, o̱vbi Itetraki vbi ilagaa si Ithuraea bi Itrakonatis, bi Lisanias o̱vbi Itetraki isi Abileni. \v 2 E̱gbe̱ li Annas bi Caiafasre̱ vbi eje ohein lo̱ dai, eta si Oise̱le̱bua di Ijo̱ni, ovbi Izakaraia egbere vbi o̱dagbe.

03/03.txt

@@ -0,0 +1 @@
+\v 3 O̱ shan vbi ekein ilagaa isi oto eremen lo ri vbi Ijodan, owewe ibaptizin si oo ekeideluen lai re mon arehume isi okhoo.

03/04.txt

@@ -0,0 +1 @@
+\v 4 A vio̱in vbi isi eta si Izaia li omie̱o, "unun isi o̱ia lo̱ khue diainre vbi eke̱n o̱dagbe, vba e̱hin ukpo̱de̱ isi o̱lo̱mo̱e̱n o̱vboto̱, vba zi ebashan dian".

03/05.txt

@@ -0,0 +1 @@
+\v 5 Alo̱ vo̱n udegbuu ere̱me̱n, bi alo̱ gbo̱o̱n o̱ko̱ bi ivbi o̱ko̱ ere̱me̱n soto̱, alo̱ dia ukpode̱ le go̱n , alo̱ri ebi o̱ido̱we̱ chie̱n ukpode̱. \v 6 Agbo̱n ere̱me̱n lo̱ mii amiefan isi Oise̱le̱bua.

03/07.txt

@@ -0,0 +1 @@
+\v 7 Ijo̱ni o̱re̱ obotu ni an vare o̱ ui baptizin vbe̱ so̱i "vba vba li ivbie̱ ye̱n, o̱ hiuke̱ke̱ lavba li vba lale̱ ni ikhueo lovbae̱o lo vade.

03/08.txt

@@ -0,0 +1 @@
+\v 8 O̱re̱ deina, vba min ikpera lo̱ eo̱vbi asekein delue̱n, vba eke ya dumu tai o̱ vbi eke̱n khi "Mai mo̱n Abrahamu vbi Era," i lo̱ ta li vba ho̱n khi Oise̱le̱bua lo̱ meti za vbi ele̱ ke̱rido na hua ivbia dian re li Abrahamu.

03/09.txt

@@ -0,0 +1 @@
+\v 9 Ebaiteta vbunu na, a nwun ughanma o̱vbi vi isi eli eran. eran ere̱me̱n lo̱i mii egbegbiikperan, alo̱ hiain gbe, ahuai kuo̱ vbi e̱ke̱n erain".

03/10.txt

@@ -0,0 +1 @@
+\v 10 Eia ogberee o̱ za miain, le re̱o̱i "ebi mai lo̱ ma keiu?". \v 11 O̱za anyiain, "khi o̱ia kha mo̱n e̱un eva yo̱in bi o̱lo̱imo̱e̱n igba ko̱in, o̱lo̱ gbo mo̱n emae i gbo vbi iyo̱.

03/12.txt

@@ -0,0 +1 @@
+\v 12 Elo̱ mie̱n egho isi uhumi gbo di ain re lai ui Ibatizin ni an, e za o̱ i, "o̱lo̱ vie̱ emi mai lo̱ u?" \v 13 O̱ re̱ ian, vba eke mie̱n egho le̱ eka lae vba ya mie̱n".

03/14.txt

@@ -0,0 +1 @@
+\v 14 Ekhe̱n ivbiokho̱in e gbo o̱ miain, ere̱o i "mami, emi mai lo̱ u? o̱re̱ i ain, "vba eke ri utotomi mie̱ agbo̱n egho, bi vba eya hian agbo̱n vbegbe, vba zi eka la hae vba se̱ vba."

03/15.txt

@@ -0,0 +1 @@
+\v 15 Ebi eli ei oke̱i totobo̱ mo̱n idea ho̱n isi Kristi vade, o̱do̱de o̱ ke mo̱n aoo vbi udu vbi emo̱i Ijo̱ni, si yo̱in li vba khi Kristi. \v 16 Ijo̱ni anyin ain lo̱ re̱ i yain ere̱me̱n khi, "Vbi ise̱me̱n, ame̱ ya re̱ ui baptizin lavbe, ama, o̱o̱ vbe vade, lo̱ to̱to le̱ me̱n, i e o̱vbi o̱lo̱ tiyin ukpi isi ibata so̱i a. Etin Lo̱fun an bi erain lo̱ lo̱ re ui baptizin lavba".

03/17.txt

@@ -0,0 +1 @@
+\v 17 Ate̱te̱ so̱i lo̱ re̱ ohemi ri o̱i vbi obo̱ lo̱ lo̱ re̱ oho to̱ la za bumi emi an lo̱se̱n, bi o̱lo̱ si ihuiti koko, hua o vbi aza. Ama, o̱lo̱ ri rain la kha fun no̱ kha fun no̱ an ghe ghe too iuhu kua".

03/18.txt

@@ -0,0 +1 @@
+\v 18 Ari emi lo̱ bun evbee wewe, o̱kpe gbo wewe eta lo̱se̱n ni eleia. \v 19 Eghe̱ la ke re̱ i Ihero̱du li tetrak kho̱ i e̱n u lo̱ re̱ roo o̱hiomioin li Ihe̱rodias, bi ue̱n lebe evbe li Iherodu u, \v 20 O̱ uo̱na baai, o̱ khu yi Ijo̱ni ze vbi ugbisighan.

03/21.txt

@@ -0,0 +1 @@
+\v 21 O̱ke o̱se kha ui ibaptizin li eia ere̱me̱n le, agbo o̱ ui baptizin li Jesu. ebo̱ike i li ero̱mo̱n, okhuemieimi vuyuea. \v 22 Etin lo̱funan di otoi re, o̱ mai vbi uhumi bi egbe lo̱i bi ekuete, ukpurun re̱ za vbi okhuemieimi vare, lo̱o̱i "ewewe i khi ovbi me̱n lo̱mo̱he li hume̱nke̱n o̱n, i mo̱n o̱e̱ghe̱n men yie̱".

03/23.txt

@@ -0,0 +1 @@
+\v 23 Ikpe o̱gban ikhi Jesu e̱ghe̱ lo̱ re̱ be̱e̱ vbi obia soi, o̱vbi (ebai kho̱n kho̱n i) Ijosephu li ovbi iheli o̱. \v 24 Ovbi Imatat, lo̱ vbi Ile̱vi, lo̱ vbi Imekhi, lo̱vbi Ijanai, lo̱vbi Ijoseph.

03/25.txt

@@ -0,0 +1 @@
+\v 25 ijosephu ovbi Imathatias o, lovbi Amos, lovbi inahum, lovbi Esli, lovbi inagai, v 26 lovbi Imaati, lovbi imathaias, lovbi Ise̱me̱in, lovbi Ijose̱ki, lovbi Ijoda.

03/27.txt

@@ -0,0 +1 @@
+\v 27 ijoda, ovbi Ijona o̱n, lovbi Ire̱sa, lovbi Izerubabeli, lovbi Isalattieli, lovbi Ine̱ri, \v 28 Lovbi Imelki, lovbi Addi, lovbi Ikosam, lovbi Elmadamu, lovbi E̱e̱. \v 29 Lovbi Ijo̱shua, lovbi Elieaza, lovbi ijorimu, lovbi Imathati, lovbi Ilevi.

03/30.txt

@@ -0,0 +1 @@
+\v 30 Ilevi ovbi isimioni on lovbi Ijuda, lovbi Ijonamu, lovbi elikimu, \v 31 Lovbi Imelia, lovbi Imenn, lovbi Imahata, lovbi Inathan, lovbi Idefidi, \v 32 LovbiIjese, lovbi Obedi, lovbi Iboazi, lovbi isalmo̱ni, lovbi Inahoni.

03/33.txt

@@ -0,0 +1 @@
+\v 33 Inasho̱ni ovbi Amindabu o̱, lovbi Admini, lovbi aani, lovbi Ihezro̱n, lovbi Ipe̱re̱i, lovbi Ijuda, \v 34 Lovbi Ijecobu, lovbi Aiziki, lovbi abrahamu, lovbi itera, lovbi Inaho̱, \v 35 Lovbi Iserugu, lovbi Ipelegi, lovbi Eba, lovbi Ishe̱la.

03/36.txt

@@ -0,0 +1 @@
+\v 36 Ishe̱la ovbi Kaina o̱n, lovi afaxadi, lovbi Ishaemu, lovbi Inoa,lovbi Ilameki, \v 37 Lovbi Imetuse̱la, lovbi Enki, lovbi ijeredi, lovbi Imahalalii, lovbi Ikauana, \v 38 Lovbi Enos, lovbi Ise̱ti, lovbi Adamu, lovbi Oise̱le̱bua.

04/01.txt

@@ -0,0 +1 @@
+\v 1 ebi Jesu kei vo̱n yi etin Lofunan, o̱za vi e̱da si Ijo̱rdan vare, etin za ro̱i yi e̱dagbe. \v 2 ebi esun za damaigho vbe̱ kei ikpe̱de̱ egbe̱ eva. o̱i e emae vbi eti ikpe̱de̱ an, ikpuokho isi o̱le̱ghe̱ an, o̱hanmi o̱ke za gbo̱i.

04/03.txt

@@ -0,0 +1 @@
+\v 3 Esun roi "ukha vbi ovbi Oise̱le̱bua, wo̱ elido na chie̱n akka". \v 4 Jesu anyie̱n o̱n khi "Avio̱n o̱ia kha e vbi agbo̱n o̱hio̱ si o̱kaa uo̱kpa".

04/05.txt

@@ -0,0 +1 @@
+\v 5 Oli esun za ri Jesu lode vbi ebo̱ dai, o̱ za ro̱i vbie̱ e̱vbo isi ekhe̱n o̱ba ere̱me̱n vbi igbe̱o o̱kpa, \v 6 Esun re̱o̱i, "I lo̱ ri ase̱ ere̱me̱n na, bi o̱wun vbe̱o siain, erimidi me̱nme̱n a re̱ o̱ ni, i lo̱ ro̱i ni o̱lo̱kho̱n me̱n. \v 7 Ebo̱re̱ ri iyo̱, ukha de uhumi re re̱ ga me̱n, e chie̱n ise̱".

04/08.txt

@@ -0,0 +1 @@
+\v 8 Ama, Jesu anyie̱n o̱n, o̱re̱ o̱i, "A vio̱n, O̱lo̱mo̱e̱n li Oise̱le̱bua li ulo̱ de uhumi ni, yo̱in upo̱kpa li ulo̱ ga".

04/09.txt

@@ -0,0 +1 @@
+\v 9 Esun za ri Jesu lode̱ vbi Ijerusalemu ebo̱za uwun o̱n o̱vbi ukhumi ebo̱ dale̱ vi oa isi itempo o̱re̱ o̱i, " Akha i khi ovbi Oise̱le̱bua lu u, za vbi evbo̱ vbo̱ do to̱i re. \v 10 O̱hio̱ kha vio̱n, " o̱lo̱ i ekhe̱n angeli so̱i, vbo̱hio̱ se̱, lei ya khe̱e̱", \v 11 Bi, elo̱ ri abo̱ siain khuea yi okhumi, lu e o̱ uwun ae̱ se̱ gbe vbi udo".

04/12.txt

@@ -0,0 +1 @@
+\v 12 O̱ke ri eanye̱n ovbo̱, Jesu re̱ o̱i, "A tai, lu e o̱ dan mi o̱lo̱mo̱e̱n li Oise̱le̱bua se̱ gho". \v 13 Esun ke danmi Jesu gho le, o̱ran le̱, o̱ zo̱i obo̱ khe̱ e̱ghe̱ o̱vbe e.

04/14.txt

@@ -0,0 +1 @@
+\v 14 Jesu za chie yi Igalili vbi ekein utotomi isi etin, okeke soi shan vba i khan vbi ilagaa si eain ere̱me̱n. \v 15 O̱za be̱ kho̱ vbie̱ emi vbi Isinagogu siain, yain ere̱me̱n o̱reo̱i.

04/16.txt

@@ -0,0 +1 @@
+\v 16 O̱ di e̱ke̱in Inaze̱reti, eba za kue̱ o̱. Ebo̱i ri emi shan, o vbi e̱ke̱in Isinagogu vbi ukpe̱di Isreali o̱ za muzan lo̱i re̱ ko̱ emi dianre. \v 17 Aza nwin ebe isi Aizaia lo̱ mie̱o o̱i vbi obo, o̱ke tann o̱li ebe a, o̱za mii eba za vio̱n, khi.

04/18.txt

@@ -0,0 +1 @@
+\v 18 Etin isi o̱lo̱mo̱e̱n ri me̱n vi egbe, erimidi kho̱ o̱ze̱ me̱n li re̱ wewe eta lo̱se̱n yi elo̱ mieso̱n, O̱ ye me̱n li re̱ wewi uanegbe yi ela nwuniain oghumi, li eli run e̱o ya chie mi uye, li eli are̱ o gberun mo̱n anifan. \v 19 Li wewi ukpe si e̱seo̱he̱n isi o̱lo̱mo̱e̱n".

04/20.txt

@@ -0,0 +1 @@
+\v 20 O̱ za shie o̱lebe, o̱ nwuo̱n ni ayio̱ uhunmi vbaiain, o̱ dia. E̱o si agbo̱n ere̱me̱n le ri vbi Isingogu rio̱ ive egbe. \v 21 O̱be̱e kho̱ ti eta ni ain ho̱n, o̱re̱ o̱i "E̱na o̱li ebe Lofun an a nwuo̱i se̱e̱ li vba re̱ ho̱n". \v 22 O̱i khi o̱ia vbaan ti eta so̱i lo̱se̱n eta si e̱seo̱ho̱n lo̱ ta za vbi unu so̱i diainre, yin yain ere̱me̱n unu an. yan ke mian sii "O̱na ivbi ovbi ijose̱fu?"

04/23.txt

@@ -0,0 +1 @@
+\v 23 O̱re̱ ti o̱na li yain ho̱n, "Vba ta, vba lo̱ kpo̱ li evbe na yi me̱n, o̱lo̱ghoemianmi, gho egbe se̱, Emi lu meti u vbi ikapanio̱mu ue li yo̱ vbi e̱vbo se̱". \v 24 Ama o̱ tai, "vba ta itai yi vba, ai mii o̱mie̱o la ga obo̱ mie̱n vbi e̱vbo so̱i.

04/25.txt

@@ -0,0 +1 @@
+\v 25 Vbi e̱ke̱n ata i ta khi o̱ro̱n bun vbi Isreali vbi e̱ghe̱ si Elija, la za khuhi o̱khumi vbi eke̱n ikpea bi ukin e chan, li o̱hanmi lo̱ gbai za vare vbi uhumoto̱ ere̱me̱n. \v 26 Ama, ai yi Elijah yi ain o̱so o̱so, lo̱i vbi Izarefati uo̱kpa vbi isido̱n, yi o̱ro̱n lo̱ dia vbaan. \v 27 Ikho̱nmite̱n le bun le ri vbi Isreali eghe si Elisha lo mie̱o, ai uwin ain o̱so egbe dan soo kpi Inaamani lai Isiria.

04/28.txt

@@ -0,0 +1 @@
+\v 28 Eia ere̱me̱n le ri vbi e̱ke̱in Isinagogu o̱ bio han go̱o̱n ebi yain o̱re̱ hin elemi na. \v 29 E sho̱re̱, eri utotomi khuo̱ sho vbi oee re di agbin o̱ko̱ li evboi siain ri li ain za vbe vbo̱ kpabo̱ ye̱ yo̱in fia. \v 30 Ama, o̱shin ain vbi ese se̱ rare lode̱ vbi ayo̱ vbee.

04/31.txt

@@ -0,0 +1 @@
+\v 31 Oza lode̱ vbi Ikapanumu, okpe̱ vbo vbi Igalili o̱ zabe̱e̱ kho̱ vbiēi i ain emi edi Isabati. \v 32 Emi lo̱vbie̱ yin ain unu an, erimidi, ase̱ lo̱re̱ teta..

04/33.txt

@@ -0,0 +1 @@
+\v 33 O̱mo̱he o̱kpa lo̱ mo̱n etin isi esun lo̱ifun an ri vbi e̱ke̱in Isinago̱gu, o̱ khue urun diare, \v 34 o̱re̱ o̱i "i yo̱ lo̱ yie̱n main yie̱e̱n, Jesu lai Inazareti u vare lu re̱ khue main o? i e̱n o̱lu u, o̱lo̱ fun ain isi Oise̱le̱bua".

04/35.txt

@@ -0,0 +1 @@
+\v 35 Jesu za khue o̱li etin isi esun, o̱re̱ o̱i, "vo u nu, uza vbi e̱ke̱in o̱in dianre" o̱li etin si esun ke fio̱i vboto̱, vbi esese̱ siain, o̱za za vbi e̱ke̱oin dianre, o̱i ma ri a egbea vba yio̱ so. \v 36 Eli eia ere̱me̱n zukpe yin unu an yan o̱ za gue li iye̱mo̱in li gbi ain ho̱n. Ere̱ o̱ o̱i "Eta emi khena? O̱ri ase bi utotomi teta ni etin lo̱i fun an ho̱n, e dianre" \v 37 Okeke so̱i ghe kini aikhan vbi ilagaa vbi o̱loto i ain.

04/38.txt

@@ -0,0 +1 @@
+\v 38 Jesu za shio̱ vbi Isinagogu re lode̱ vbi iwe isi Isaimo̱ni. O̱gbo̱gbo̱ nwin oruan i Isaimo̱ni ezo do abo̱ nai vbo̱ hio̱ so̱i. \v 39 O̱ o̱ muzan de ere o̱i vbi egbe, o̱za khue o̱li o̱gbo̱gbo̱, lo̱i re̱, zo̱i obo̱ vbe gbe. Agalagala o̱ sho̱re, o̱li uhumi li ain ye o̱.

04/40.txt

@@ -0,0 +1 @@
+\v 40 Oro̱n o̱ ke de o, eia o̱za hua eli emiami ededan o̱to bu Jesu re, o uwun obo̱ yain o̱do̱de vbi egbe, o̱ za nwin ain egbe daan. \v 41 Etin isi esun sho̱ vbi e̱ke̱in egbe isi elo̱bun dianre lian khue dainre, yan o̱i, "ovbi Oisle̱le̱bua lu u" Jesu o̱za khue eli etin isi esun, oi̱ke ziain teta, erimidi khi e e̱n khi yio̱i khi Kristi.

04/42.txt

@@ -0,0 +1 @@
+\v 42 E̱de̱ ke fun an, o̱ za shian dianre lode̱ vbi ebo̱ fi egbe a. obotu si eia o̱hoo o̱, se̱ vbo̱ khi edi ebo̱ri re. E o̱ dai ye̱n lo̱ eke sho̱ vbi esi ain re. \v 43 O̱ zai ain, " I lo̱ gbo wewi eta lo̱se̱n isi e̱ghe̱ o̱ba isi Oise̱le̱bua yi okpe̱ vbo lebun evbee, erimidi, o̱na ozei i lare̱ ye me̱n re̱. \v 44 O̱za ghe wewe vbi e̱ke̱in Isinago̱gu vbai khan vbi Ijudea.

05/01.txt

@@ -0,0 +1 @@
+\v 1 O̱ o̱ruan, ebi eia lebun isoga i Jesu liain o̱re̱ daeẖon si eta si Oise̱le̱bua, vbi elo̱ muzain vbi egbi e̱rai si Iginisare̱ti. \v 2 O̱mi oko eia la si diagbin ike isi o̱li e̱raire. E̱lo gbi ehe̱n le zavbi eke̱n o̱n dianre, yain kpi ihan siain an. \v 3 Jesu za o vbi o̱kpa vbi eloko̱, lo̱ vbi isi Isaimo̱ni, o̱re̱ o̱i lo̱ iche si shio̱ vbi egbi ki o vbi eke̱n ame̱n keree. O̱dia, o̱za za vbi eke̱n oko̱ vbie̱ elein emi.

05/04.txt

@@ -0,0 +1 @@
+\v 4 O̱ke teta lee, o̱re̱ Isamo̱ni "tuo̱ li oko̱ di ebi o̱dimin, lu fii ighan se̱ lu re̱ hua ehe̱n"  \v 5 Isamo̱ni re̱ o, " O̱lo̱ vbie̱, mai bia i e̱laso̱n ere̱me̱n, mai nwun emi o̱so̱, ama ebu kei ta ina, i lo̱ dee eli ighan re̱" \v 6 Eke ui yo̱ lee, e hua e hen lo̱ zukpe bun se vbo̱ ighansiain o̱ke fan no̱ an. \v 7 Eza ri obo̱ echie eli siain le ri vbi oko̱ no̱i, liain o̱ kpa i ain obo̱, Eza vare, eo̱ vo̱o̱n oko̱ eveva se̱ vbo̱ khi oko̱ o̱yi oto̱o̱ eda.

05/08.txt

@@ -0,0 +1 @@
+\v 8 Isamo̱ni Ipita ke mi o̱in, o̱ za de re di igua vbi igue̱n awe isi keu, o̱ re̱ o̱i "sho̱ vbi ebi ri re, o̱lo̱kho̱o̱ li u, o̱lo̱mo̱e̱n". \v 9 O̱ yan i unu an, bi eli yain re̱ gba rivbaan, vbi ehen lian huaa \v 10 Ijemisi bi Ijo̱ni, ivbi Izebedi, eri vbi usee vbaan, li ain bi Isaimo̱ni o̱gba bia. Li Jesu zai Isaimo̱ni, "eke lo fe̱n, erimidi khi re̱ za vbi ena raale̱ eia ula ke uwun no̱" \v 11 Eke tuo ko siain di oli vbi, ezi emi ere̱me̱n obo̱ ya re̱ khain uokho.

05/12.txt

@@ -0,0 +1 @@
+\v 12 O̱ o̱se̱ kho̱ mo̱n e̱gbe̱ lo̱ re̱ o vbi o̱kpa vbi eli o̱kpe̱vboo, ebi o̱mo̱he lo̱ kho̱n mite̱n ri. O̱ke mii Jesu, o̱ de se̱ o run vboto̱i, o̱ doabo̱ nain o̱ re̱ o̱i, o̱lo̱mo̱e̱n, ukha hoo, ulo̱ meti nwunme̱n fan an  \v 13 Jesu za niobo̱ so̱i a, o̱ za ro̱i suo̱i, o̱ re̱ o̱i :i hoo, ulo̱ funani" Agala o̱li ite̱n za sho̱i vbi egbe re̱.

05/14.txt

@@ -0,0 +1 @@
+\v 14 O̱za tanian ho̱n lo̱ e ta ni o̱so ho̱n, ama o̱re̱ o̱i "Ya shin ise̱, u o̱ ri egbe vbie̱, Ohie̱n u o̱ ui iuabo isi ufun an mi ebi Imosisi o̱i laya u, lo̱i chie̱ o̱se̱e̱ li ain".

05/15.txt

@@ -0,0 +1 @@
+\v 15 O̱keke so̱i totobo̱ di aikhan, agbo̱n le bun o̱ vare sikoko le ya re̱ ho̱n ebo̱i vbie̱ emi, bi lai gbo nwin ain egbe dan, vbi emi anmi siain. \v 16 Sokpe̱n, o̱ mo̱n e̱ghe̱ lo̱ re̱ shiain vbi usee re lode̱ vbi ebo fu egbeda, lo̱ ire̱ o̱ lie̱ro̱mo̱n.

05/17.txt

@@ -0,0 +1 @@
+\v 17 Ukpe̱de̱ o̱kpa ke se̱ kho̱ vbi e̱ emi, bi ekhe̱n Ifarisi, bi elo̱ vbie̱ uhi za ri vbi udia, le za vbi igue ededan vbi ilagaa si Igalili bi Ijudea, bi elo̱ za vbi Ijerusalmu vare, Utotomi isi O̱lo̱mo̱e̱n ri vbo̱ yo̱i lo̱lo̱ re̱ nwin ain egbe daan.

05/18.txt

@@ -0,0 +1 @@
+\v 18 Imo̱he eso o̱ vare, le ri ewua nwin o̱mo̱he lo̱ kuo̱gbo̱a, yan hoo ukpode̱ le lo̱ za uwuio̱in o̱ vbi ekein o̱n lei re̱ nwo̱in o̱nvbi isao o si Jesu. \v 19 Ei mi ukpode̱ le shan nwo̱in o vbo̱, erimidi si agbo̱n lebun, eke za he̱n okhumoa, ebe nuin o̱lo̱mo̱he bi ewua lare nuwo̱in shan vbi aruru legboa di oto̱i re vbi ese se̱ si agbo̱n dui, vbi isao si Jesu.

05/20.txt

@@ -0,0 +1 @@
+\v 20 O̱ke mii odudu an siain, Jesu re̱ o̱i, "O̱mo̱he ari o̱kho̱o̱ se̱ hu me̱e̱n". \v 21 Ekhe̱n ivinebe bi Ifarisi za be̱e̱ khi yan mian ela vbo̱, ere̱o̱ i, o̱i khi o̱na lo̱ li iblasfe̱mi" o̱lo̱ ri o̱kho̱o̱ humo̱ia lo̱i vbi Oise̱le̱bua uo̱kpa?"

05/22.txt

@@ -0,0 +1 @@
+\v 22 Ama, Jesu ke za o̱hoo imi yan oo, o̱ anyiain o̱ re̱ i ain, "Emi vba ke mian o̱na vbi udu va ni?" \v 23 Iyo̱ lo̱ okhia le̱ la lo̱ la, "Ari o̱kho̱o̱ se̱e̱ hume̱n da lai ta sho̱re u ya shan? \v 24 Ama li vba re̱ e̱n khi ovbio o̱ia mo̱n ase̱ vbo̱ li uhumoto̱ima lo̱ lo̱ re̱ ri o̱kho̱o̱ humo̱n o̱ia. I taa i yie̱, "sho̱re u nwin ewua se̱, u ya shan vbi iwe se̱i".

05/25.txt

@@ -0,0 +1 @@
+\v 25 Igala o̱za sho̱re vbi irao siain o̱za nwuin o̱li ewua lo̱ re̱ me̱he̱n sho̱ vbi oto̱i re̱ o̱ree Oise̱le̱bua. \v 26 Eia ere̱me̱n yin unu an, yain o̱za re̱ Oise̱le̱bua. Ofe̱n oi ain vbi udu, ya za ta khi, "main mii aimieghe ena".