Sun Aug 20 2023 22:39:57 GMT+0500 (Pakistan Standard Time)

40/04.txt

@@ -0,0 +1 @@
+ایسّائے دوێن کَشان یکّ یکّ دُزّے هَست‌اَت که سِپاهیگان یَکّێن وَهدا سَلیبئے سَرا درَتکنت. یَکّ دُزّێا ایسّا کَلاگ گپت، بَله دومیا گۆن آییا گوَشت: «تَرا هُدائے کِرّا نتُرسیت که تَرا سِزا بدَنت؟ ما مئیاربار اێن که ما بازێن رَدێن کار کُرتگ، بَله اے مرد بێمئیارے.» پَدا آییا گۆن ایسّایا گوَشت: «وهدے تئو وَتی بادشاهیا سَرَ بئے، منی هئیالا بکَپ.» ایسّایا گوَشت: «مَرۆچی تئو گۆن من بَهِشتا کائے.»

40/05.txt

@@ -0,0 +1 @@
+یَهودی رَهبَر و مُچّیئے اے دِگَه مردُمان ایسّا کَلاگ بَست و ملَنڈ کُرت. ایسّااِش گوَشت: «اَگَن تئو هُدائے چُکّ ائے، گُڑا چه سَلیبا اێر کَپ و وَتا برَکّێن. آ وهدی ما تئیی سَرا باوَرَ کَنێن.»

40/06.txt

@@ -0,0 +1 @@
+پَدا سَجَّهێن دَمَگا آسمان تَهار بوت، بِلّ تُرے وَهد نێمرۆچ اَت. هَما نێمرۆچئے وهدا پَه سئے ساهَتا تَهاریا مان شانت.

40/07.txt

@@ -0,0 +1 @@
+رندا ایسّایا کوکّار کُرت و گوَشت: او منی پِت! کار هَلاس بوت، من وَتی روها تئیی دَستا دئیان.» پَدا آییا وَتی سَر جَهل کُرت و ساهی دات. وهدے ایسّا مُرت زِمین‌چَنڈ بوت. مَزَنێن پَرستِشگاهئے دراجێن پَردَه که مردُمی چه هُدایا جِتا کُرتگ‌اتنت، بُرزا بگِر تان جَهلا دِرت و دو کَپّ بوت.

40/08.txt

@@ -0,0 +1 @@
+ایسّایا گۆن وَتی مرکا په مردُمان راه پَچ کُرت که هُدائے کِرّا بیاینت. سِپاهیگے که سلیبئے نزّیکّا اۆشتاتگ‌اَت و ایسّایا نِگَهپانی کَنگا اَت، سَجَّهێن سَرگوَستی دیست و گوَشتی: «دِلجَم آن که اے مرد بێمئیار اَت. هُدائے چُکّ اَت.»

40/09.txt

@@ -0,0 +1 @@
+یَهودی کئومئے دو رهبر که آیانی نام «ایسُّپ» و «نیکودیموس» اَت، پیلاتوسئے کِرّا آتکنت و دَزبَندی‌اِش کُرت که ایسّائے جۆنا مارا بدئے. آیان باوَر اَت که ایسّا مَسیه اِنت. ایسّائے جۆنِش گُدێا پَتات و تراشتگێن تَلارێئے تَها کَبر کُرت. پَدا کَبرئے سَرا مزَنێن سِنگے داتِش که کَبرئے دَپ بَند ببیت.

40/reference.txt

@@ -0,0 +1 @@
+چَه پاکێن کِتابا کِسَّهے که مَتّائے اِنجیل دَر ۲۷ بَند ۲۷ تان ۶۱آ؛ مَرکاسئے اِنجیل دَر ۱۵ بَند ۱۶ تان ۴۷آ؛ لوکائے اِنجیل دَر ۲۳ بَند ۲۶ تان ۵۶آ؛ یوهَنّائے اِنجیل دَر ۱۹ بَند ۱۷ تان ۴۲آ نِبیسگ بوتگ.

41/01.txt

@@ -0,0 +1 @@
+ایسّائے کَبر کَنگا رَند، یَهودی دینی پێشوایان گۆن پیلاتوسا گوَشت: «آ درۆگبَندێن ایسّایا گوَشتگ که من چه وَتی مرکا سئے رۆچا رَند زِندگَ بان. کَسے اَلَّم ایسّائے کَبرئے سَرا نِگَهپانی بکنت. چۆ مبیت که آییئے جۆنا مُرید بدُزّنت و ببَرنت. اَگَن ایسّائے جۆنا بدُزّنت، گُڑا گۆن مردُمانَ گوَشنت که ایسّایا چَه مرکا جاه جَتگ.

41/02.txt

@@ -0,0 +1 @@
+پیلاتوسا گوَشت: «سِپاهیگ بزورێت و کَبرئے نِگَهپانیا بکَنێت، هَمینچُک که توانێت.» گڑا کَبرئے دَپئے سِنگِش مۆمبَند کُرت و سِپاهیگِش نِگَهپان کُرتنت که ایسّائے جۆنا کَسّ مدُزّیت.

41/03.txt

@@ -0,0 +1 @@
+ایسّائے مرکئے دومی رۆچ شَبَّت اَت. شَبَّتئے رۆچ یَهودیانی آرام کَنگئے رۆچ اِنت. کَسّ ایسّائے کَبرئے سَرا نشُت. بَله شَبَّتئے دومی رۆچا سُهبا ماهَلَّه لَهتێن جَنێن تئیار بوت و ایسّائے کَبرئے سَرا شُتنت. آیان وَشبۆێن دارو گۆن اَت که ایسّائے جۆنا چَرپ بکَننت.

41/04.txt

@@ -0,0 +1 @@
+کَبرئے سَرا جَنێنانی رَسگا پێسَر، اۆدا مزَنێن زِمین‌چَنڈے بوت. پرێشتگے چه آسمانا آتک و ایسّائے کَبرئے دَپئے سِنگی دور کُرت و سِنگئے سَرا نِشت. پرێشتگ چۆ گرۆکا درَپشگا اَت. کَبرئے سَرئے سِپاهیگان پرێشتگ دیست. سِپاهیگان باز تُرسِت و مُردگانی پئیما زِمینئے سَرا کَپتنت.

41/05.txt

@@ -0,0 +1 @@
+وهدے جَنێن کَبرئے کِرّا آتکنت، پرێشتگا گۆن آیان گوَشت: «مَتُرسێت. ایسّا اِدا نه‌اِنت. آییا چه مرکا جاه جَتگ، هما پئیما که گوَشتگ‌اَتی. کَبرئے تَها بچارێت.» جَنێنان کَبرئے تۆکا چارِت که هَمۆدا ایسّائے جۆن اێر کَنگ بوتگ‌اَت، بَله نون آییئے جۆن اۆدا نه‌اَت.»

41/06.txt

@@ -0,0 +1 @@
+پَدا پرێشتگا گوَشت: «برئوێت و مُریدان بگوَشێت که ایسّایا چه مرکا جاه جَتگ و چه شُما پێسَر جَلیلا رئوت.»

41/title.txt

@@ -0,0 +1 @@
+۴۱. هُدا ایسّایا زِندگَ کنت

manifest.json

@@ -580,6 +580,20 @@
 		"40-title",
 		"40-01",
 		"40-02",
-		"40-03"
+		"40-03",
+		"40-04",
+		"40-05",
+		"40-06",
+		"40-07",
+		"40-08",
+		"40-09",
+		"40-reference",
+		"41-title",
+		"41-01",
+		"41-02",
+		"41-03",
+		"41-04",
+		"41-05",
+		"41-06"
 	]
 }