Thu Feb 16 2017 21:50:39 GMT-0300 (Argentina Standard Time)

01/01.txt

@@ -0,0 +1,2 @@
+\v 1 Saul manombu, Dawid wẽmambu siclape chidja ẽkombu Amalec pua gobu pytamã miro krey
+\v 2 kowe krey'y mbrewipychãpe wẽmambu kbe'e Saul toãllagi noambyre puare tyru ochowegi to'õ krembo ywype kmarãma emi chã wycho roma

01/03.txt

@@ -0,0 +1,3 @@
+\v 3 Go Dawi pranduma idjape: mawe rekuaty dje ekõ? idja inama: Cho kandjãma Israel tãrã noãndy puare 
+\v 4 Go Dawid inama idjape: Buerõ wẽma kiupa gami chope, gogi inama: Israel irondy kajãmbama mondo tõmumbu buare tarã Israel pua manoma, Saul go te'y Jonatan emi.
+\v 5 Go Dawid pranduma kbuchuwepe manonga dje Kua Saul go te'y Jonatan mano buare?

01/06.txt

@@ -0,0 +1,2 @@
+\v 6 Go kbuchuwe djawuma: Cho ekõ tarãllãndy Gilboa kuãmbukupe, go wechãma, Saulpe kãwãmbyre go dja djãpẽ, emi go tarã mbepurã tõ mumbuatygi idja pyche rekuaty ekõ roma bu. 
+\v 7 Go wechãma pyche rekuaty go pukama, go cho ina: Kowepe cho ĩ.

01/08.txt

@@ -0,0 +1,3 @@
+\v 8 Go pranduma chope: Awa rõ dje, gobu cho inama: Cho rõ Amalec puagi, \v 9 
+Go kiuma chope: bro'o gami dje chope cho okryrallãma cho mano ru wyma.\v 10 
+Gobu cho broma idjape kuabu idja ekollãwerãbechema; gobuma pychyma tõdjiwa ãwã ïngi dja tõdji, emi djywa beta go ïngi dja djywadji, go cho eruma kowebu cho rekuatygipe.

01/11.txt

@@ -0,0 +1,2 @@
+\v 11 Gobu Dawid wiroma idja tyru, go nonga djapo emi go kbe'e idjadji ingi wywy. \v 12 Chĩnga tarãma wywy go ullãma bue'e wywy chãwã wychobu manowedjiwa Saul emi dja tey Jonatan, emi Apã Wachu tapy tarã puatygi, go Israel tapy pua qwywype pe'ẽ akua imbipe.\v 13 
+Go dawid djavuma kbuchuwepe: matywa rõ dje. Go idja djawu: Cho rõ duwe chupa puatygi etakrã Amalec puagi.

01/14.txt

@@ -0,0 +1 @@
+\v 14 Buerã dje krymbaeche dje ipo upiwã browã Apã Wachu prawowegipe. \v 15 Gobu Dawid puka etakrã kbe'e idjadjiwatygipe djawuwã idjape: O ga mondo bro'owã idjape. Gobu kbe'e pycho idjape manowã \v 16 Go David djawuma: dje pirã ĩwã dje tõ llabu. Dje djuru rupi dje djawuma: cho broma Apã Wachu prawowegipe.

01/17.txt

@@ -0,0 +1,4 @@
+\v 17 Go Dawid chingajeky Saul idja tey'y Jonatan manowedjiva, goware pre'ema idja chingabu go pre'e manowedjiwa 
+\v 18 Go djawu kowe kiuwerã Juda irõndy mbychepe ; go parawerã djã gatugi kuachia parapyrepe
+\v 19 Israel chapi mbuwema go kmabuku llabu. Mawenonga wa'a go chijaechegi 
+\v 20 Go kiueme Gatpe, go kiueme kowe bue'e Ascalon ape rupi, djapollãwã Filistea pua tey kudjã urygatueche gobu judiollãgi tey kudjã urygatupe djudjallãwã.

01/21.txt

@@ -0,0 +1,2 @@
+\v 21 Gilboa kuãmbuku llabu kowebu waeme chapy emi mbaky, go pendje ywype tarã mbatyeme bue ã'ã; gope djawã buchãngi krymbaechegi eche nonga emi Saul eche nonga piy nongallã roma mondo bue tapiagi
+\v 22 Jonatan wachĩ panellãgi, djywõma pychãdji gorãwe idja byllãndy krymbaechegipe go Saul pẽ'ẽ puku gorãwe idja byllãndygi pychoma

01/23.txt

@@ -0,0 +1,2 @@
+\v 23 Saul emi Jonatan, go rõ prawopyty emi reko gatupyty, edji gorãwẽ ĩndy emi edji wedjallãndy manopewe, gogi rõ wewe paillãwe torã wachudji emi chidjaichewe djukudji.
+\v 24 Israel radjy wywy, chinga ga mando Sauldji; go pypypa endawe pendjepe tyru pirãgatugidji go pẽndje tyrupe djonoma ita biribuchãgi

01/25.txt

@@ -0,0 +1,3 @@
+\v 25 Krymbaechegi wa nongagi tõmumbupe, go nonga Jonatan wama emi monoma kmabukupe
+\v 26 Cho djãwã chinga ruwy, djedji, cho pawe Jonatan, cho prawo gatugi. Praru gatu begatuve chope go kudjã wywy prawodji
+\v 27 Tu,u, tu,u, vama o go chijaichegi, kandjãmbama o dja tõmumbu bue wywy

02/01.txt

@@ -0,0 +1,2 @@
+\v 1 Gobu Dawid prãnduma Apã Wachupe: Cho owerã ko etakrã go Juda chupape gope ekõwã? Go Apã Wachu inama:  O gami. Gobu Dawid prãnduna idjape: Maty cho owerã? Go Apã Wachu inama: Hebronpe.
+\v 2 Gobu David djupima go idja mirõ brekodji Ahinoam, Jisreel puagi, emi Abigail, goro Nabal brekowe, Carmel puagi. \v 3 Gobu Dawid rama emi go kbe ĩngi idjadji, idja irondy wywydji. Gogi wywy rõ ĩmbama Hebrõnpe.

02/04.txt

@@ -0,0 +1 @@
+\v 4 Go Juda puagi wywy ekoma Hebrõnpe go prawowe David Juda ache irõndygi wywy ymachidjagirã.  Gobu djawuma reko Dawidpe: Jabes, go Galaad puagi, pechema Saulpe. \v 5 Gobu David rama djawu parapyre Jabespe, go Galaad puagi, kiuma reko idjape: Apã Wachu pendje kuwẽwera pendje prawo gatu buare idjape emi Saulpe djonoma kuarewe endawepe.

02/06.txt

@@ -0,0 +1 @@
+\v 6 Apã Wachu ro pendje djawẽwã, go rõ  praru gatu pendje djãmpabu. Cho emi djapo gatuwerã pendjepe go pendje djapo gatu buare. \v 7 Kowebu chidja ga mondo pendje ipo krymba ga reko. Saul manowe djepe, Saul rõ pendje Apã.  Juda tapy puagi wywy chopẽ prawoma idja ymachidjagirã.

02/08.txt

@@ -0,0 +1,2 @@
+\v 8 Go Abner, Ner tey'y, Saul to allãngi wywy nõa reko ymachidja rama Isboset, Saul tey, owã Mahanaim rekuaty. \v 9 
+Go mima idjape go chupa ymachidjagirã Galaad llabu, Suri llabu, Jisreel llabu, Efrain llabu, Benhamin llabu, go Achẽ wywy kreywe rekuatywa Israel duwe Achẽ llabu.

02/10.txt

@@ -0,0 +1 @@
+\v 10 Isboset rekobu chengypychã tapa ruy'y ekõma Israel chupa ymachidjagirã, go kuwẽngatu reko mirõ ruy'y. Juda ache wywy rõ mudjãma Dawidpe. \v 11 David kuwẽ reko Juda irõndy wywype go wachapa ruy'y Hebronpe.

02/12.txt

@@ -0,0 +1 @@
+Abner, Ner tey'y, oma Mahanaimpe, Gabaon rekuaty. \v 13 Go Joab, Sarvia memby, go David tõ mumbuatygi oma emi. Doroma reko Gabaon y djawẽ. Joãb wapy gatuma y kua rekuatywa, Abner go y duwe rekuatywa.

02/14.txt

@@ -0,0 +1 @@
+\v 14 Gobu Abner inama Joãbpe: Puã kua kowebu, kbuchuwe wywy, tõ mumbu reko nandje chã ruwa! Joab inama emi: Puã ga mondo kowebu! \v 15 Gobu puãma go  etakrã mirõ  Benjamin pua, etakrã mirõ Isboset pua, Saul tey'y, go etakrã mirõ David buepyty puagi.

02/16.txt

@@ -0,0 +1 @@
+\v 16 Go etakrã etakrã pychy reko biri reko pychoma pe'e akua edji wywy gobu wapa go wywy. Go chupape rõ bykuawe Helcat Hazurim, go rõ Gabaon rekuaty. \v 17 Tõ mumbu buchãma reko go kreybu. David emi dja kuere mudjãndygi chidjama Abner emi Isarael puagi llabu.

02/18.txt

@@ -0,0 +1 @@
+\v 18 Dawid kbe bychepe ĩ brewipychã idja tey'y, gogi rõ Sarbia memby: go rõ Joab, Abisai emi Asael. \v 19 Go Asael mỹro chidja go wachu mỹrõ nonga.   Gobu Asael mỹrõma Abner kuere rupi, go upiallãma llu rekuaty llãchu rekuaty.

02/20.txt

@@ -0,0 +1 @@
+\v 21 Gobu Abner maĩ dja kuere rekuaty gobu inama: Dje ko Asael? Idja inama: Guei cho. \v 20  Gobu Abner idjape inama: Kapyry llu rekuaty gobu llachu rekuaty, gobu bro ga mondo duwe kbedji emi kawã ga mondo idja llapowedji. Go wedja djuellã go kuere rupi.

02/22.txt

@@ -0,0 +1 @@
+\v 22Go Abner djawu reko Asaelpe: Amaty kua! Mudjãeme cho kuere rupi! Bue ware cho djepe pychowerã emi ywype itypyrã?  Manonga ko cho ĩwerã cho pawe Joab chã ruwa cho djepe brobu? \v 23 Go Asael ollãwe, go buare Abner pychoma mondo wyra akua pukupe dja rukã ipo, go wyra puku akua wẽma mondo dja eche rekuaty.  Gobu wama mondo emi manoma. Kove endape rõ ache wywy wachabu, pytama gope echewe wechãwã.

02/24.txt

@@ -0,0 +1 @@
+\v 24 Joab go Abisai oma dja kuere rupi. Krey wychobu ekõma Amma kuambukupe, go rõ Gia ruwa Gabaon ape ka embeji. \v 25  Go Benjamin irondy wywy noãma reko edji. Abnerdji oma emi kuãmbuku endawepe.

02/26.txt

@@ -0,0 +1 @@
+\v 26 Gobu Abner pukama Joãbpe, go inama: Gorawẽ pembuku rupi dje pychowerã ko? Dje kuallã ko krampibu ĩwerã enda djã prãndjã? Djawu gami dje pawe wywype mudjãllãwã dja pawe wywy kuere rupi!  \v 27 Go Joab djawu emi Apã Wachu bykuapyredji:  Dje djavullã rawe kove krey wembu, go Israel puagi wywy mudjãllã rawema idja pawe wywype!

02/28.txt

@@ -0,0 +1 @@
+\v 28 Gobu Joab mimbyma mondo achĩpurã ãchĩ Juda kawãma, emi go Israel puagi pachollãma emi.  \v 29 Go Abner watama Arawa embe rupi go chabambu, ypurã Jordan wachama o gobu wema emi Mahanaimpe.

02/30.txt

@@ -0,0 +1 @@
+\v 30 Go Joab mudjãllãma Abnẽrpe. Nõama reko duve rekuatywa ĩwegi  wywype. Dawid kuere mudjãndygi bychepe ĩllãma etakrã tõ wachu kbe'e, gobu Asael. \v 31 Go Dawid kuere mudjãndygi broma mondo Benjamin puagi emi Abner irõndy bychewagi brewipychã wachapa tapa kbe'epe. \v 32    Gobu rama Asael echeve, pechema dja apã kuarewepe Belenpe.  Joab emi dja kuere mudjandygi watama o chawambu. Krey  wẽmbu wẽma Hebronpe.

03/01.txt

@@ -0,0 +1 @@
+\v 1 Saul tapy djawẽwa emi David tapy pua wywy oma tõ mumbuwã tarã edji wywy. David gobu chidja buchã roma djo. Saul tapy pua emi chidjabeche roma djo.

03/02.txt

@@ -0,0 +1,2 @@
+\v 2 Kowebu David ray opoma Hebrompe go dorogi Amnom gogi Ahinoam memby, go kudjã rõ Jezreel puagi.
+\v 3 go mirõngi rõ Quileab gogi Abigail memby. Nabal go Karme pua imewe, Go brewipychã rõ Absalon Maaka memby. Maaka rõ Talmai tey kudjã. Talmai rõ Gesur pua ymachidja wachu.

03/04.txt

@@ -0,0 +1 @@
+\v 4 go chengypychã rõ Adonias go hagit memby, ipo go Sefanias, gogi Abital memby. \v 5 Go wachãpa Itream, gogi egla memby. Egla rõ David brekowe. Kowegi wywy rõ David tey wywy opowe Hebrompe

03/06.txt

@@ -0,0 +1 @@
+Saul pua wywy tõ mumbu reboku David pua wywydji Abner chidjawe o roma djo Saul pua wywy bychepe. \v 7 Saaul rekowe etakrã kudjã duwetywa bykuapyre Rispa. Aja membywe. Go Isboset ina Abnerpe: buerã dje reko cho Apã brekowe?

03/08.txt

@@ -0,0 +1 @@
+Go Abner prandja buchã roma Isboset go nonga ina buare, gogi ina: Cho ko Juda pua begi? Cho kuwẽ kowe kreybu dje apã Saul tapy pua dja pawe wywy emi dja bygatutygi wywy, cho mellãwe pendjepe David ipope, kowebu dje itywerã ko cho llabu kudjã bue buchã djapowe.

03/09.txt

@@ -0,0 +1,2 @@
+\v 9 Apã Wachu chope pachowerã, cho, Abner, kuwëllãmbu kowe kreybu Davidpe. Cho djapowerã Davidji bue wywy Apã Wachu inawe nonga: \v 10 cho matãwerã Saul irondy wywy ymachidja endawedji, kowebu cho miwerã Davipe Israel emi Juda chupa ymachidjagirã: idja chidjape endarã Dan puare Beerseba pewe.
+go Isboset rekollãma djawuwã Abnerdji, idjadji krymballãdjiwa.

03/12.txt

@@ -0,0 +1 @@
+\v 12 gobu Abner buema mondo djawu rapyre David endape, inawã idjape: Awa llapo rõ kowe chupa? go inawe emi idjape: ekõ chodji etakrã djawupe. go cho ipo ïwerã dje djãwe Israel ekuandy puagi wywy rõ cho miwerã dje ipo wydji. \v 13 Gobu David inama idjape kbegatu nadje ïwerã etakrã djawupe. etakrã bue cho puka djepe: Ekõeme erullãmbu dje rupi Mical: Saul radjy.

03/14.txt

@@ -0,0 +1 @@
+\v 14 Kowe nongabu David buema mondo djawu parapyre Isboset go Saul ray endape go inawã idjape: memi cho breko Mikalpe cho udjawe idjadji etakrã tapa tapa fisteo pua tawapire mondopyredjiwa. \v 15 Gobu Isboset matãma Mikalpe idja imedjiware. \v 16 Gobu idja ime oma erupi chinga dja kuere rupi duwe chupa bykuapyre Baurimpewe, go Abner  ina idjape: djewy kua! gobu idja djewyma bu.

03/17.txt

@@ -0,0 +1 @@
+\v 17go Abner djawuma reko Israel pua chuepurã wywydji. go ina: Tarãma rõ pendje pukaty Davidpe ymachidjawã. \v 18 kowebu djapo ga mondo Apã Wachu inawe nonga. Cho buetygi David rupi cho kuwẽwerã chupa Israelpe Filitea pua ipo wydji emi duwe idja byllãndygi wywydji.

03/19.txt

@@ -0,0 +1 @@
+\v 19 Abner djawuma reko Benjami pua wywydji emi go rupiwe o roma Hebrompe kiuwã Davipe Israel go Benjami tapy pua wywy idja Davi djãwë. \v 20 Abner ekoma Davi endape Hebrompe go kbe'e wywydji Davi djapoma bakupyre wachu Abnerdji ekõwegi puarã.

03/21.txt

@@ -0,0 +1 @@
+emi Abner inama Davidpe: cho puãwerã cho owerã emi nuãwã ymachidjagi ïwã israel wywy puagipe emi: ury gatuwã emi edji etakrã djawupe ĩgatuwã dje ĩwa gogi wywy ymachidja wachugi mawe noga dje djawã djawu nonga. Emi David buema mondo Abnerpe emi okryra gatupema.

03/22.txt

@@ -0,0 +1 @@
+\v 22 Gobu David buetygi wywy djewyma Joabdji tõ mumbu buare eruma duwe wywy tãrãma bue matãmbyre dje byllandygi ipo puare go Abner wedjama mondo Davipe go Hebrompe: buema mondo emi, go djãwã ury gatupema djo.\v 23 gobu Joab ekõma emi dja djawëwaty tõallãngi wywydji; duwegi djowuma reko idjape: Abner tey kbe'e ekõma ymachidjagi endape, go emi buema mondo idjape, gobu okyra gatupema djo.

03/24.txt

@@ -0,0 +1 @@
+\v 24 Gobu Joab ekõma ymachidjagi endape djawuma edji: buerõ dje djapowe kowebu Abner ekoma dje endape, go buerõ dje wedjawe owã emi \v 25 dje kua gatu Aner tey'ype: go ekõ djepe ka inãwã, go kua djuewe dje djapotygi\v 26 gobu Joab oma emi David enda puere, buema mondo djawu ratygi kuere rupi, go eruma idjape Sira y upudjiwe, David rõ kuallã emi

03/27.txt

@@ -0,0 +1 @@
+Gobu Abner wëma o emi hebrompe. Joab rama emi idjape tapy djãwã wachupe djawu djemi nonga edji gope djukama idjape-pychoma kra'adji go pepyma dja pawe monowedjiwa dja pawe tywypurãgi Asael;

03/28.txt

@@ -0,0 +1,3 @@
+\v 28 David kuabu inama: cho djapo buchãllã Apã Wachu chã ruwa, cho ekuandy emi, Abner Ner tey pirãwedji.
+  \v 29 Joab tõ'õdji gobu, emi dja tapy puagi wywy llawu kreybu wywy go Joab irondy bychepe ĩ ga mondo achygi wywy pirã pytallãngi, eche keitagi, eche chopagi, emi manogi wyra puku akuagipe, emi llellangi wywy.
+ \v 30  Joab emi abisai djukama abnerpe; go broware dja pawe asaelpe; go dja pawe tywypurã; gogi wywy tõ mumbu rekobu Gabaompe

03/31.txt

@@ -0,0 +1,3 @@
+\v 31 Gobu David inama Joabpe emi edjãwe rekuatywa ekõmbapyregipe; doro mondo dje tyruwe. 
+pypy modo tyru bragi uryllãwãdjiwa pypy modo Abner manoware ymachidja David oma Abner echewe wykowã.
+  \v 32 Wykoma emi Abner hebrompe ymachidja chĩnga tarãma Abner wykopyre embedji chĩnga tãrã duwe chupa puagi emi

03/33.txt

@@ -0,0 +1,2 @@
+\v 33 Ymachidjagi djawuma o kryrallãpe Abnerdjiwa, djawuma: bueware Abner manowe, prãndjagi manowe nonga
+  \v 34 Dje ipo muchãllã emi dje pychã muchãllã chipo nongape, dje manowe go kbe'e pradjã duwe rekuatywa waty noga, go ekuandy puagi wywy chĩnga tarãma emi Abnerdji.

03/35.txt

@@ -0,0 +1,3 @@
+\v 35 Gobu dja chupa puagi David edape ekõma pukama bukapyre uwã go krey krãpĩ nondje . 
+Gobu David djawu mema mondo duwegi wywype Apã Wachu pacho tãrãwẽrã chope cho ubu wikytã emi go duwe bue upyrã wywy go krey wa nodjemi.
+  \v 36 Gro chupa puagi wywy wendubu go ury gatu rõ ma ĩ go wywy; go ymachidjagi djapowe wywy kbegotu roma go ekuandy puawywype

03/37.txt

@@ -0,0 +1,3 @@
+\v 37 Go idja chupa puagi emi Israel kua gatuma go kreybu ymachidja djukallãwe Abner Ner teype.
+ \v 38  Go ymachidja inama dja buetygi wywype dje kuallã ku ymachidja wachu wapama o ko kreybu Israel ekuãdype.
+  \v 39 Cho praru kowe kreybu, chope prawopyrebu djepe ymachidjagirã, go kowe kbe'e wywy, go sarvia memby wywy, go rõ prandjã buchãngi cho chã ruwa emi Apã Wachu go pepywerã emi dja prandjãwedji.

04/01.txt

@@ -0,0 +1,5 @@
+\v 1 Isboset, Saul tey'y, kuabu Abner manoma Hebrompe, idja eche praruma. Go Israel pua wywy krymballãma.
+
+\v 2 Go Saul tey reko mirõ kbe'e, rõ allãngi ymachidjagi. Etakrã bykuapyre rõ Baana, go duwe rõ Recab. Go mirõngi rõ Rimon tey'y, Beerot pua, Benjamin irõndy wywydjiwa.
+
+\v 3 Kovegi Beerot wywy kandjãwe Gitainpe, emi gope ekõ wyche duwe rekuatywagi nonga kowe krey pewe.

04/04.txt

@@ -0,0 +1 @@
+Go Jonatan, Saul tey'y, idja tey etakrã pychã chapagi. Go ipo ruy'y tãrãbu wẽma djawu ratygi kiubu Saul emi Jonatan manowe. Go krumi warondygi upima idjape go kãndjã bitallãbuma go wa'a idjadji emi go krumi watallãma. Idja bykuapyregi rõ Mefiboset.

04/05.txt

@@ -0,0 +1,3 @@
+\v 5 Rimon tey wywy, Beerot puagi, Recab emi Baan, oma go krey'y aku rupiwe go ikẽ Isboset tapype, idja ikẽmbu kreywabu idja tapy djãwãpe.
+\v 6 Emi go kudjã warõndygi Isboset tapy djãwã ikẽ buchãma, go Recab emi Baana idja pawe ikẽ djemipe tapy djãwãpe.
+\v 7 Go ikembu go tapy djãwãpe, Isboset ikẽ llambatype, go tapy djãwape, broma idjape. Gobu idja tõ mondoma emi rama tõwe, go kandjãmbama chawã puku rupiwẽ go Araba ape rupi.

04/08.txt

@@ -0,0 +1,3 @@
+\v 8 Go erumami Isboset tõwe Dawidpe, Hebronpe, go idja kiuma ymachidja wachugipe: Kowepe ĩma Isboset tõwe, Saul djepe byllãndygi teywe. Idja rõ djepe djukadjuechegi. Apã Wachu kuwẽ reko ore rekoatygi ymachidjagipe, go pepyma Saul djapo buchãweji, emi go idja irõndy wywy djãwãdjiwa wywy.
+\v 9 Go David djawuma emi Recab go idja pawepe Baanape, Rimon Beerot puagi tey wywype, inama: Apã Wachu rõ djãwãdjiwẽ, idja emi matãma cho djawã pua okryrallãngi.
+ \v 10 Ekõmbu etakrã djawu ratygi go kiuma chope: Saul manoma. Go rõ kbeigatu kura eruma chope djawu gatu cho urywã, cho emi pychywe gogipe, emi cho mema djukawa Siclagpe, go djawu ratygi go nonga djawu eruwedjiwa.

04/11.txt

@@ -0,0 +1,2 @@
+\v 11 Kowenongabu cho djapowerã kowebu pendjedji emi, pendje bue buchã djapotydjiwa, pendje djuka buare etakrã kbe praru gatugi dja tapype, idja ikembu ikẽ llambatype. Go buare cho pukallãwerã ko go pirãwe pendje ipodji? Cho ko pendjepe matallãwerã ko kowe ywy llabudji?
+\v 12 Go buare David inama dja buetygi wywpe djukawã idjape wywy. Gobu inama mondowã idjape ipo mirõ, mondo emi idja pychã. Go peruma Hebron y ywa puku endaty apo djawẽ. Gobu rama Isboset tõ'õ go pechema Abner ywype, Hebrompe.

05/01.txt

@@ -0,0 +1,3 @@
+\v 1 Gobu duwe Israel ekuandype oma Hebrompe djawuwã, Dawidji djawuma reko edji. Inama idjape cho ĩ kowepe dje djãwẽ cho rõ dje ikãwe emi dje o'owe irõndyechegi.
+
+\v 2 Go krey wachawegi Saul ymachidja wychebu, djerõ rawe Israel chupa pua tõmumbuwã, dje eruwe kowepe emi. Kowebu roma Apã Wachu ina djepe: dje kuwẽwerã cho chupa Israeldji. Djerõ Israel ymachidjawerã kowebu.

05/03.txt

@@ -0,0 +1,5 @@
+\v 3 Go pua wywy Israel yma chuegi djawuma ymachidja wachugi go Hebrompe. Go ymachidja David ima etakrã djawudji edji wywy Hebrodji Apã Wachu chã ruwa: Gobu mima David ymachidjawã emi Israel wywy llabu.
+
+\v 4 David reko endawe brewipychã tapa ruy'y ĩ endawe ymachidja: go ymachidja reko endawe chengypychã tapa ruy'y. Tãrãma ymachidja ĩwẽ.
+
+\v 5 Hebron pua David machidjawe Juda wywydji djypetã ruy'y go buachapa  djachy manopewe: go Jerusalepe ymachidja brewipychã brewipychã ruy'y go Israel pua wywy, llabo, emi go Juda pua wywy llabu.

05/06.txt

@@ -0,0 +1,3 @@
+\v 6 Gobu ymachidja dja irõndy wywydji oma Jerusalen ekuandype ĩ wychebu go Jebu pua: Gogi wywy djawuma reko Dawidji go ina; dje ikẽmbechewerã go chupape: chãllãngi, go eche chapagi djepe djapiwerã go chupa puare:
+
+\v 7 David gobu mima Sion dja ipo wydji go nonga bykuama Dawid chupa.

05/08.txt

@@ -0,0 +1,5 @@
+\v 8 Go David inama kowebu awa rõ djopiwerã y krorõ ita djawã wachu rupi browã Jebu pua chapagi emi chãllãngi. Gogi rõ byllãeche chodji. Godjiwa rõ challãngi go eche chapagi go ikellãwerã go chupape.
+
+\v 9 Go David ĩma ekõwa Sion pua (Jerusalenpua) go mama gatuma go ekuandy chupa. Godjiwa bykuama David ekuandy go mi gatu roma emi dja ruwa emi Milo djãwã ruwawe.
+
+\v 10 Go David chidjama emi chidjachema djo go ymachidjawe roma emi. Apã Wachu ywadjiwa chidjaechegi ĩma edji.

05/11.txt

@@ -0,0 +1,3 @@
+\v 11 Hiram, Tiro chupa ymachidja, buema idjape duwe wywy Dawid endape, tyrõãndy chidja go wyra emi itadji djapowã David endaty. Go emi eruma wyra chepe chinkykachĩ.
+
+\v 12 Go David kua gatuechema Apã Wachu mema chidja idjape Israel chupa ymachidja wapy endatydji emi kuwẽ gatuma edji ymachidja rekobu, Israel naina wachu roma dja chupa Israel prawo buare

05/13.txt

@@ -0,0 +1,4 @@
+\v 13 Go David duwe rekuaty Hebron, puare oma Jerusalempe udjawã emi duwe kudjã wywydji go duwe dja prawotygi. Gobu opoma dja tey'y kbe'e emi tey'y kudjã wywy.
+\v 14 Kowe krumi opoma idja puarã Samua, Sobab, Natan, Salomon.
+\v 15 Ibhar, Elisua, Nefeg, Jafia,
+\v 16 Elisama, Eliada, emi Elifelet,

05/17.txt

@@ -0,0 +1,2 @@
+\v 17 Filisteo pua wywy wendubu prawopyrema Dawipe ymachidja wachugirã ïmbawã Israel irondy  wywy llabu, go Filisteo wywy nuãma reko ytypãwã Dawid llabu. Gogi wendu buare wedjyma djo dja tapy pechepyregidji.
+\v 18  Go Filisteo pua wywy wema migatuwã Refain ywy allãpe djorã wachupe.

05/19.txt

@@ -0,0 +1,3 @@
+\v 19 Gobu Dawid pranduma reko Apã Wachupe; inama: Cho itywerã ko Filisteo pua wywy llabu dje miwerã ko idja wywy cho ipope. Go Apã Wachu, inama Dawidpe: puã kuã, cho ina gatu, cho miwerã Filisteo pua wywy dje ipope.
+\v 20 Go Dawqid ekõ Baalperazimpe gope David chidja reko go wywydji go ina: y prãndja nonga Apã Wachu rama chodji byllãngipe cho chã ruwa, go buare bykuama go chupa gope Baal-Perazim.
+\v 21Filiteo wywy wedjama idja by gatugi chã'ã nonga, go Dawid dja irõndy wywydji tatape mendypama.

05/22.txt

@@ -0,0 +1,2 @@
+\v 22 Filisteo pua wywy ekõmbama emi, go kruru reko Refain ywy allãpe.\v 23 
+Gobu Dawid pranduma emi Apã Wachupe gobu inama idjape djopieme idja chã ruwa djere kua go wakua go wywy llabu dja etuawe rekuaty.

05/24.txt

@@ -0,0 +1,2 @@
+\v 24 gogi wywy wendubu go watama o pychã pãmbu wachu go mirõ wyra akãdjiwa gobu wa kua go wywy llabu pendje Apã owera pendje chã ruwa bropawerã Filisteo pua wywype.\v 25 
+Gobu Dawid djapo roma Apã Wachu inawe nonga idjape go djuka reko Filisteo pua wywype Gebadjiwe wëpewe Gezer krãpipewe.

06/01.txt

@@ -0,0 +1,3 @@
+\v 1 David prawoma 30.000 kbe'e tarãpe.
+
+\v 2 Gobu David puãma o Juda Baala puare go dja djãwêwangi wywy erupiwatygidji, go rawã Apã Wachu arka byradji djapopyre, go rupi pukapyty Apã Wachu chidjaechegi bykuapyredji go ï llambatygi dja buetygi wywydji

06/03.txt

@@ -0,0 +1,5 @@
+\v 3 Gobu Apã Wachu arka wyradji djapopyre mima etakrã wyra wataty pougipe gobu rama Abinadab tapype, go ingi kuambuku llabu. Gobu Uza gobu emi Ahio, Abinadab tey wywy wata roma ra wyrawatata pou.
+
+\v 4 Gobu rabu Apã Wachu arka Abinadab tapy puare, go ïngi kuambuku llabu, Ahio oma Apã Wachu arka wyradji djapopyre chã ruwachidja.
+
+\v 5 Gobu David dja irõndy Israel puagi ury reko pychã pambu reko Apã Wachu chã ruwa bue prewãngi wywype wyradji djapopyre, go arpa, go mymby gatu, go bue parãndygi wywydji,

06/06.txt

@@ -0,0 +1,3 @@
+\v 6 Gobu wëmbu Nacon idja bapu edaty djãwẽ uza dja ipo upi ywadji Apã Wachu arka wyradji djapopyre kawãwãngi Achipurã wata wa urygi.
+
+\v 7 Gobu Apã Wachu prandjã buchã roma Uzadji,  gobu achy buchã roma djo gobu wama o mano djo Apã Wachu arka wyradji djapopyre chã  ruwa, pokoware Apã Wachu arkadji, Pa'i wywy etakrã rõ pokoaty.

06/08.txt

@@ -0,0 +1,3 @@
+\v 8 Gobu David djã'ã achy buchã roma dja pychoware Uzape, gobu bykuama ywy ichakrã perez-Uza djawupyty pacho endaty.
+
+\v 9 Gobu David kryballã bucha djo Apã Wachudji, inama: Mawe nonga cho eruwerã Apã Wachu arka  Jerusalempe?

06/10.txt

@@ -0,0 +1,3 @@
+\v 10 Gobu David eru djuellãma Apã Wachu chidja llabaty ija Apã jobu rama obed. Edon tapype jorõ Gat faty
+
+\v 11 Gobu pypyma Apã Wachu arka idja edarãpe Obed edon etakra Gat pua tapype brewipychã djachy manopewe, gobu Apã Wachu djepy reko obed-edonpe emi dja tapy pua wywype.

06/12.txt

@@ -0,0 +1,3 @@
+\v 12 Kiu reko ymachidja Davidpe, inama: Apã Wachu djepy reko obed-edompe emi dja  tapy pua wywype  emi dja bue gatu wywy go rekodjiwa dja tapype Apã Wachu arka. Gobu David oma eruma urygatupe Apã Wachu arka wyradji djapopyre obed-edon tapy puare David ekuandype.
+
+\v 13 Gobu Apã Wachu arka ratygi watabu  Buachapa minibu, go mema achipurã emi etakrã wachupurã chuegi kyra gatugi keimbyrã  Apã Wachupe.

06/14.txt

@@ -0,0 +1,3 @@
+\v 14 Gobu David ury gatu reko Apã Wachu chã ruwa. Pypyma tyru gatu pa'i cha'a pypytygi bykuapyre Efod.
+
+\v 15 Go nonga David rama idja  irõndy Israel wywydji Apã Wachu arka ury gatupe bue mymby gatupe.

06/16.txt

@@ -0,0 +1,3 @@
+\v 16 Gobu Apã Wachu arka wêma'o David chupape. Gobu Mical Saul radjy idja mei tapy djawã rupi, meïma chijape David mema ury gatu pychã pambubu Apã Wachu chã ruwa, gobu Mical uryllã idja djãpe go Dawi djapowedji.
+
+  \v 17 Gobu pypyma mondo Apã Wachu arka tapy djãwãpe, tyrudji djapopyre nonga David djapowe, gobu David mema we keïwã keï endatygipe emi mima bue membyre wywy okryrawãdjiwa go Apã Wachu chã ruwa.

06/18.txt

@@ -0,0 +1,2 @@
+\v 18 Gobu Davi membabu we keïmbyregi emi bue membyre okryrawãdjiwa, djawu gatu mema  dja ekuandy pua wywype go Apã Wachu chidjaechegi bykuapyrepe.
+  \v 19 Gobu mema dja irondype, emi Israel ekuandy pua wywype, mema kbe'e gobu kudjã wywype etakrã bikytã gobu we o  ichakrã gobu mema chipo  lla'adjiware torta, gobu go ekuandy puagi wywy oma dja tapype.

06/20.txt

@@ -0,0 +1 @@
+Gobu Dawid djewyma o tapy rekuaty gobu Mical myroma djo dawi endape, gobu inama: manonga cho ïma ymachidja chã ruwa, tyru bima dja irõndygi wywy buetygi kudjã chã ruwa kbe'e tõ buchã nonga!

06/21.txt

@@ -0,0 +1,3 @@
+\v 21 Gobu Dawi djawu reko Micalpe. Apã Wachu chã ruwa cho djapo reko. chope prawowe dje apãdji emi dja irõdy emi dja tey wywydji. Chope miwã ymachidja wachugirã go Apã Wachu ekuandy llabu, go Israel llabu, go buare cho urygatu mewerã Apã Wachupe.
+ \v 22  Go cho tõ buchã nongawerã wyche kowe krey nonga dje chã ruwa, go chodji djawu gatuwerã go buetygi kudjã wywy go dje gogi wywydji djawu buchandygi.
+  \v 23  Gobu Mical Saul radjy mebyllã roma djo gorãwe.

07/01.txt

@@ -0,0 +1,3 @@
+\v 1 Go ymachidjagi ekombu dja tapype, Apã Wachu mema djape bue djapollãwã dja byllãndygidji.
+
+ \v 2 Ymachidjagi djawuma Profeta Natandji. Mai gami, cho ekõ tapy gatu wyra gatu djapopyre cedro gatudjiwa. Apã wachu arca wyradji djapopyre go ĩ tapy tyru wachudji djapopyrepe.

07/03.txt

@@ -0,0 +1,5 @@
+\v 3 Go Natan djawuma ymachidjagipe: amayty kua, djapo gami dje djawã djawuwe nonga, Apã Wachu dje djãwẽwa.
+
+\v 4 Go chãwãmbu, Apã Wachu djawuma Natandji, djawuma idjape go nonga.
+
+\v 5 Oga mondo djawuwã cho buetygi David endape: Kowe nonga ina pendje Apãeche, dje ko djapo djue tapy cho ekõ endarã.

07/06.txt

@@ -0,0 +1,3 @@
+\v 6 Cho ekõllãndy tapy djãwãpe, cho nuebu djepe Israel irondy wywype Egipto chupa puare kowebu wyche emi, cho ekõ tyru wachu djapopyrepe arca wyradji djapopyre endatype.
+
+ \v 7 Cho ekõ bukubu djepe Israel irondy wywy bychepe, cho ina ko gogi wywype cho chupa pua yma chidjagipe: bue ware ko dje djapollã cho tapyrã cedro wyra gatudji.

07/08.txt

@@ -0,0 +1,3 @@
+\v 8 Kowebu, djawu gami cho buetygi Davidpe: kowe nonga ina pendje Apãeche: cho rõ djepe prawowe wachupurã warõandy byche puare, dje ekõwã Israel chupape ymachidjagi.
+
+\v 9 Cho dje djãwẽwaty go dje o rupi: dje chã ruwã cho bropawerã go djedji mbyllandygi cho djapowerã dje  bykuapyredji djawu gatuwã, emi duwe rekuatywa wywy krymballawã ymachidja wachueche nonga.

07/10.txt

@@ -0,0 +1,3 @@
+\v 10 Cho miwerã cho chupa Israel dja endarãpe dja ekowã dja llaporãechepe, wedjallãwerãma gope, go dja mbyllãndygi reko buchãllãwerãma idjape go dja ekõwe nonga nondjebu
+
+\v 11  Cho mi buare ymachidja djawu bowoaty cho chupa Israel llabu, djepe cho mewerã bue djapollãwã dje byllãndygidji, go buare cho kiu djepe, cho puã miwerã dje llaporã tapy.

07/12.txt

@@ -0,0 +1,5 @@
+\v 12 Go dje monowã krapï wëmbu djepe pechewerã dje apã djãwe. cho puãwerã etakrã dje irondydjiwa, wëwerã djedjiwa.
+
+\v 13 Idja puãwerã tapy cho bykuapyrepe etakrã tapy cho mi gatuwerã idjape gorãwe Israel ymachidja wapy endatype.
+
+\v 14 Cho rõ dja aparã, dja rõ cho teyrã, dja ekõ gatullãbu cho pachowerã idjape kbe'e wywy wyrã minipe kbe'e tey wywy pachoatype.

07/15.txt

@@ -0,0 +1,3 @@
+\v 15 cho chĩnga djeky matãllãwerã idjadji, cho matawe nonga Sauldji, go cho matãwe idjape, cho mima djepe dja endawepe.\v 16 
+Go dje tapy mi gatupyrã dje ekõwerã dje chupape ymachidja go rãwẽ matãbechewerã, gorawẽ endarã dje yma chidja rekowerã.\v 17 
+Kowe djawu dja wechãwe ikẽ pou nonga rupi, emi djape mewe nonga, go nongaiche Natan djawuma Davidpe.

07/18.txt

@@ -0,0 +1,2 @@
+\v 18 Gobu ymachadja David ikẽ roma go dja djawu endatype, go puãma Apã Wachu chã ruwa, dja inama: cho Apãeche cho rekuatygi, bueko cho, emi cho tapy puagi dje chope eruare kowepe.\v 19 
+Go nongabu djepe dje puarã ichakrãeche kowe wywy, go buare dje djawuma emi dje buetygi lluawã rekuaty emi go nonga dje praru gatu reko ywy llabuwa wywydji.\v 20 Buerõ David djawu mewerã wyche djepe dje kua gatu dje buetygipe cho rekuatygi.

07/21.txt

@@ -0,0 +1,3 @@
+\v 21 Kowe bue gatueche dje djapoma dje djawu rupi, dje djãwã djawuwe nonga, dje kiuwe kowe dje buetygipe.\v 22 
+Go nonga dje, ore Apãeche dje naina wachu,ïllãeche dje nonga, ïllã emi Rekuaty kainallãgi dje nonga, go duwe rekuatygi wywy dje nongallã, go ore wenduwe nonga ore pycha rupi.\v 23 
+Awa ko dje chupa Israel nonga, chupa gatuechegi kowe ywy llabu. dje rõ ore Apãeche, dje prawoma Israel dje chupa dje mema dje bykuapyre dje djapowe bue wachu gogi wywy chã ruwã, go dje djapowe begatu kowe ywy wachu llabu, dje prawo gatudjiwa dje chupa puagi dje matãwe Egipto puare go dje llapo, go duwe chupa byche puare, go dja rekuaty wywy byche puare emi.

07/24.txt

@@ -0,0 +1,3 @@
+\v 24 Dje kuwẽ gatuma dje chupa pua Israelpe, dje llapo go chupa gorãwẽ ïwerã go dje cho rekuatygi, dje ekõ gogi wywy apã eche.\v 25 
+kowẽbu dje cho rekuatygi, djapo gami go dje djawu inawe nonga dje djawuwe nonga dje buetygi dje chupa pua wywype emi, dje djapowã dye inawe nonga.\v 26 
+Go dje bykuapyredji kua rekopyrã go rãwẽ, gogi wywy inawã:  ywadji nuabyre wachu rekuatygi ekõma Israel rekuatygi; go dje buetygi David tapy ekõwerã dje chã ruwa go rãwẽ.

07/27.txt

@@ -0,0 +1,3 @@
+\v 27 Dje rõ go ywachiwa nuabyre wachu rekuatygi go Israel rekuaty emi dje kiu gatuma dje buetygi pychape dje inama, cho puãwerã dje llapo tapy kowe djawu rupi dje buetygi krymba gatuma ra dja djãwãpe pukawã kowe bue dje chã ruwã.\v 28 
+dje rõ ore rekuatygi ore Apãiche, dje djapo gatuma dje djawu, djawu mebyre dje buetygipe\v 29 
+cho puka djepe kuwẽ gami dje tapy pua buetygi wywype go wywy ekowã dje echã ruwa gor ãwẽ dje inawe ore Apãiche, go dje kuwẽ gatu rupi dje buetygi tapy kuwẽ gatupyrã go rãwẽ.

08/01.txt

@@ -0,0 +1 @@
+\v 1 Kowe nonga emi Dawid chidjama filisteo pua wywydji, go nonga emi matãma mondo duwe rekuaty buaregi wywy chupa Meteg-ama go filisteo pua wywy ipodji.

08/02.txt

@@ -0,0 +1 @@
+\v 2 Go chidjama mondo Moab puagidji dja buawã puku wachu achĩpurã pirewedji djapopyredji, go mirõngi broma mondo, etakrã rõ kuwëbyregi, gobu Moab puaty manollãwegipe emi Dawid rekoma idja buetygi nonga goginrõ mema buta go buta matãndygi wywype Dawid puarã.

08/03.txt

@@ -0,0 +1,3 @@
+\v 3 Dawid chidjama emi hadad ezerdji emi, rehob teypurã, Soba ymachidja wachugi, gogi obu kawãwã dja chupa ekuandy wywy ĩngi go eufrate y embedji.
+
+\v 4   Go Dawid eruma idjadji buare (1700)  go mbepurã eche llabuwa, go (20.000) kbe'e ywy rupiwa wywy; go Dawid kichipama mondo wyra wata emi mbepurã pychã wywy, go kuwẽmbyre rõ mbepurã etakrã tapa tapa wyra wata puarã.

08/05.txt

@@ -0,0 +1,3 @@
+\v 5 Go Damasco pua ekõma Siria puatygi emi kuwëwã hadad-ezerpe, Soba ymachidja wachu, Dawid emi bro'oma Siria puatygidji (22.000) kbe'epe. 
+
+\v 6 Gobu Dawid mima tõallã wywype Damascope kuwëwã siria pua wywydji, gogi wywy siria pua ekõ Dawid buetygi nonga go Matãwã buta. Go Apã Wachu mema Dawipe chidja rekowã duwe rekuaty wywydji, obu duwe rekuaty emi.

08/07.txt

@@ -0,0 +1,3 @@
+\v 7 Go Dawid rama Jerusalempe go eche pecheaty, djapopyre ita biribuchãdji hadad-ezer buetygi rekowepyre wywy.
+
+\v 8 Gobu emi Beta go Berotai puagi go hadad-ezer ekõandynpuagi wywygi, David kawãma tãrã buchã bronce.

08/09.txt

@@ -0,0 +1,3 @@
+\v 9 Go burõ Toi, Hamat ymachidja wachugi, wendubu Dawid chidja rekowe hadad-ezer tõ mubu watygi wywydji.
+
+\v 10 Toi buema mondo teypurã Jorampe, Ymachidja wachugi David endape, djã okryrã gatupe mewã idjape go tõmumbu buare chidja buare Hadad-ezerdji go chidja buare gogidji wywy. go Toi rõ hadad-ezerdji  byllã endawe. Go Joram rama membyrã bue purupytygi itadjiware emi ita biribuchãdjiware emi broncedjiware.

08/11.txt

@@ -0,0 +1,3 @@
+\v 11 Kowegi rõ ymachidja wachugi prawoma me gatuwã Apã wachu puarã, go mimbawe  duwe bue wywydji butadjiwa emi ita birigi wywy duwe rekuaty buare go tõmumbupapyredjiware.
+
+\v 12  Siria puagi, Moab puagi, Aman puagi, Filiteo puagi Amalec puagidji emi go matãwegi Hadad-ezer Reho teypurã, Soba Ymachidja wachugidji.

08/13.txt

@@ -0,0 +1,3 @@
+\v 13 Dawid bykuapyre rõ wicha wachu roma o go djewy buaware Sirio tõmumbu puaregi kmabukudji ware, mudjãmbama mondo emi edom puagi wywype, bropama (18.000) kbe'e wywydjiwape emi, go ekuandy bykuapyre ita kyry irogipe.
+
+ \v 14 Go mima toallãngi wywy kuwëwagi ĩngi Edom ymachidja wachugidji gobu emi edom puagi wywy ekõma David buetygi nonga. Apã Wachu mema mondo Dawidpe chidjambawã, duwe rekuaty obu wywy emi.

08/15.txt

@@ -0,0 +1,7 @@
+\v 15 Go Dawid ymachidja wachuma Israel irondy wywydji gogi rõ kuwë gatuma pepy gatuwã Israel ekõandype.
+
+\v 16 Joab, Sarvia memby, ekõ emi tõallãngi wywydji ymachidja wachu, gogi rõ Josafat, Ahilud teypurã tõ mumbu obu paratygi, 
+
+\v 17 Sadoc, Ahitub Teypurã, go Ahimelec, Abiatar teypurã wywy, ekõndy Pa'i nonga, seraia kuachia paratygi nonga.
+
+\v 18 Benaia, Joiada teypurã mima mondo ceret puagi go Pelet puatygi wywy llabu. Dawipe kuweãdygi, go Dawi teypurã wywy rõ ekõ ymachidjagi wywy.

09/01.txt

@@ -0,0 +1,3 @@
+\v 1 Gobu Dawi pranduma kbe'e etakrã ï ko Saul tey wywydjiware, chinga djeky mewã go Jonatãpe prawo gatudjiwa.
+
+\v 2 Saul tapy puagi  ï kbe'e dja buetygi etakrã idja bykuapyre Siba, gogipe pukama wëwã Dawi endape. Gobu ymachija Dawi pranduma idjape: Dje bykuapere ko siba. gobu idja inama: Guei cho.

09/03.txt

@@ -0,0 +1,3 @@
+\v 3 Gobu ymachija pranduma etakrã ï wyche ku Saul  tey wywydjiware, Apã Wachu chinga djeky mewã idjape? gobu Siba ina ymachidjagipe: Jonatan tey ï wyche go rõ watallãngi.
+
+   \v 4 Gobu ymachidjagi pranduma idjape: Maty enda? Gobu Siba djawu reko ymachidjagipe: ï go  Makir Amiel tey tapype Lodebar ekuandype.

09/05.txt

@@ -0,0 +1,3 @@
+\v 5 Gobu ymachija Dawi buema mondo eruwã Makirpe, Amiel tey tapy puare Lodebar tapy ekuandype.
+
+\v 6 Gobu wëma bu Mefiboset, go Jonatan tey Saul Teywe ekõma Dawi endape. Gobu Kmarã roma djo Dawi chã ruwa. Gobu Dawi inama: Mefiboset, gobu inama: Kowepe ïma dje buetygi.

09/07.txt

@@ -0,0 +1,3 @@
+\v 7 Gobu Dawi ina idjape: Krymballãeme, cho djepywerã djepe dje apã Jonatampe prawo gatudjiwa, cho membawerã djepe dje apã Saul ywywe, gobu dje ï gatuwerã emi dje uwerã bakupyre cho u'u endatype.
+
+ \v 8 Idja tõ wycho ina idjape: Awa rõ dje buetygi dje Meiwã chodji, cho rõ begi manowe nonga.

09/09.txt

@@ -0,0 +1,3 @@
+\v 9 Gobu ymachidja pukama Sibape, go Saul buetygipe, gobu imama: Go Saul emi dja tapy puagi idja llapowe cho membawerã dje apã teywepe.
+
+\v 10  Cho membawerã pendjepe ywy pendje tyrõwã, emi dje tey wywy emi dje buetygi wywy, dje kuwëwerã idja llapowegi go dje rekoatygi tey rekowã bue dja uwã, go Mefiboset rõ go dje rekuatygi  teywe gorãwë uwerã bakupyre cho u e ndatype. Go Siba reko 15 tey wywy,  20 buetygi wywy.

09/11.txt

@@ -0,0 +1,5 @@
+\v 11 Gobu Siba djawuma ymachidjape: go nongaeche dje inawe nonga dje buetygipe, go nonga cho djapowerã. Gobu ymachidja ina wyche: Mefiboset uwerã bakupyre cho u endatype ymachidja rayeche nonga.
+
+\v 12   Go Mefiboset rekowe tey krumingi go bykuapere Micaia. Go Siba tapy pua wywy go Mefiboset buetygima.
+
+\v 13 Go ekoma Mefiboset Jerusalempe,idja uma reko gorãwe bakupyre ymachija u endatype; idja rõ watallãechegi.

10/01.txt

@@ -0,0 +1 @@
+kowe nonga wẽ endawe, manombu Nahas, ymachidja wachu Amón tapy tãrã puatygi, go idja endawepe ĩma dja tey'y Hanun. \v 2 Go Dawid inama: cho chinga djeky rekowerã Hanundji, go Nahas teype, idja ãpa rõ go nonga chodji djapoty, go Dawid buema dja buepytygi wywype okryra gatu mewã idjape dja apã mano buaredjiwa. Go wëmbu Dawid buepawegi Amón irondy ekuandype. \v 3 Gobu Amon pua ymachidja tey wywy inama go tapy tãra pua ymachidja wachu Hanunpe: David buewe ku dje apã manowedji chingawã emi okryra mewã djepe. Dawid bue mirõrã dja buepytygi wywype dje endape, wechãmbawãngi emi kuapawãngi idja bropa djuedjiwa kowe tapy tãrã puagi wywype.

10/04.txt

@@ -0,0 +1 @@
+Gobu Hanun kawambama mondo David buepawegi wywype, gogi wywype buta mondoma byche radji, emi dja tyru puku mondoma bychepe, gobu buema mondo. \v 5 duwegi kiuma Dawipe kowe nonga wëdjiwa,go opawegi dja chã teyche buare ẽkõ djuellã dja endape, gobu inama ymachidja wachu gogi wywype: ĩrë Jerikope dje buta wachu pewe, gobu pendje ẽkõwerã wyche cho endape.

10/06.txt

@@ -0,0 +1 @@
+Go Amón irondy wywy kuabu David bybechema go puagi wywype, buema mondo kawambawã bue biri buchãdji go Siria irondydjiwa ingi Bet-rehob emi sobape, mirõ tapa wachu (20,000) tõ allãngi ywy rupi puatygi, go maaca ymachidja wachugi etakrã wachu (1,000) tõ allangi: gobu Is-tob puare etakrã mirõ wachu (12,000) kbe'e. \v 7 Dawid wendubu go nonga, buema Joabpe go idja tõ allãngi krymba gatugi wywype. \v 8 Gobu Amob puagi wywy dja tõ mumbuwã wemba roma bu, puãmba go tapy ikëlluandy djãwe, gobu Siria irondydjiwa ekowegi soba puaregi, Rehob puaregi, go Is-Tob gobu Maaca puaregi, gogi wywype mimbama djõrãpe.

10/09.txt

@@ -0,0 +1 @@
+Go Joab wechãmbu tõmumbuwãgidji dja chã rekuaty gobu tãpĩ rekuaty, prawopama mondo Israel pua tõ allãngi krymba gatugi wywype, gogi wywype mima tõ mumbuwã go Siria irondy djiwa ekombawegidji. \v 10 Go tõ mio wachu ollãwegi wywype mima dja pawe Abisai ipo wydji tõ mumbupawã Amo puagi wywype.