auto save

16/01.txt

@@ -0,0 +1 @@
+Ki bei matok Joshua, Israillaku kuɗangkok ɗaha bille Ndeyi kuɗangkok roka kine kan aniyaku ke kuɗangkok daha eni Ndeyi. Israilakui somme kubeshi dom goro kan'aniyakuei suba ek Ndeyi, Ndeyi yo yiya a ishe ei suba si.

16/02.txt

@@ -0,0 +1 @@
+Kika Israilaku kuɗangkok daha Ndeyi, si yara nzunik wusa ana gyahasu to geɗosu. Ana gyaha manyei shikrangkok karei Israillaku, yabtesutik kareisu, jo dudgitik sheisu. Ki bei mure ɗaha Ndeyi yo sani shei sangko maitok sarak ana kuɗansu, Isrslakui mano tubangko dom Ndeyi ɗoyahe nzuni.

16/03.txt

@@ -0,0 +1 @@
+Nami Ndeyi onsu  a woltu yo walta nzunik sarak ana gyahasu nanu moktitiku ɗeinok lalinya elis'e. Algi me jo montiik bille Ndeyi some kubeshik goro jo. Moishe Ndeyi ongko nzuni saak midiyaku, ana gyahasus nem, to geɗosu.

16/04.txt

@@ -0,0 +1 @@
+Midiyaku nditu wortik haisu yo sani babilo. Israilakui 'yansu zuba; bubungkangko tong gosho kada midiyaku moi nzuni bu. Tataka, 'yangko belek Ndeyi biske nzuni.

16/05.txt

@@ -0,0 +1 @@
+Hoti yo'oto, an ngoi israilai yo'oto suni Gidiyon a buishe haini tong bungko ta kada Midiyku shiriniti maleka Ndeyi ndino gem Gidiyon ani ta, "Ndeyi be'i modik koi, ma'i kesi. ndui ko waltonte Israilaku ki sarak Midiya ku."

16/06.txt

@@ -0,0 +1 @@
+Boti Gidiyon an bagdinni so za tek ka goro. Ndeyi angkok Gidiyon go laktitik bagdis'e. Gidiyon me a zubak algi, geso tintil beɗi. Laktak bagdis nanni dadathiti bibdatik sheke. Si salko bagdis hoyok Ndeyi nem ki be is bagdik goroi 'e nami e onom ki Ndeyi kanni.

16/07.txt

@@ -0,0 +1 @@
+Dakarak baɗi algi moyangko ngoi yo'oto laktitkok bagdis yar ɓitko, shafsu yaɓtangkok tili Ndangko ban Gidiyon ɗo dugini, boti Gidiyon me ta, "Kika miya ngu nadalangko zoha sarak ndeyitku ye? Na si ndenyi, erai si walfe kanni ba!" kibei si angko ka'ai, algiy dugyangko Gidiyon bu.

16/08.txt

@@ -0,0 +1 @@
+Midiyaki ndano jo ɗo'e shinik Israilaku. Kasu shei an ngoi man Sheisu bu. Gidiyon wunda Israilaku be'i moɗi do 'e washik nzuni. Gidiyon dolko Ndeyi tamni 'ya bolo a mante ta Ndeyi ina rutak si waltante Israilaku.

16/09.txt

@@ -0,0 +1 @@
+'Yak tanya yo tono. Gidiyon kai' ko ɗshik temshi eli anik Ndeyi ta eri ahinshin babaɗi ngetetu ka ɗishis modato wara saha eli. Ndeyi iko ka'a. Beɗiy yo'oto komo, si dolko ta eli shoɓito ɗishs me shoɓi bu. Ndeyi idgo ka'a jo. 'Yak tanya mayei bolo zofko gidiyon ani ta ndeyi ima rutak si walte Israilaku.

16/10.txt

@@ -0,0 +1 @@
+Ana kesi 32,000 Israilaku ndano  gem Gidiyon, Ndeyi me anita maye 'yansu shei. Nami Gidiyon matitik 22,000 ana zubak kesi. Ndeyi angkok Gidiyon matitkon biyaye sɦafsu bano musko ana kesi 300.

16/11.txt

@@ -0,0 +1 @@
+Ki beɗi Ndeyi angkok Gidiyon, "Nda gem Midiyaku na ngu kolano ei  nzuni anshe, ngu koldi zubasu bu." Ki beɗi wom, Gidiyon nduko be'i ɗeinosu bolko a kesi yo'oto a anshe 'ei moɗik zaf bunga ei iko suna ni. Zaf'i bungai ta, "Suna woi a tamsheta ana kesi Giditon tutik geɗok ana kesi Midiyaku!" Gidiyon ɗo kolko woi, si iko kubeshik Ndeyi.

16/12.txt

@@ -0,0 +1 @@
+Moishe gidiyon ma gem ana kesini ongko ɓluk lei ngoi yiya, gyati yendi, ki teya yesi. Kokrantangkok be'is ana kesi Midiyaku hawoto a monsom. Ana kesi Midiyaku hawoto a monsom. Ana kesi Gidiyon mayei 300 anan teya yesi tong gyabinsu midiyaku a jiwa moi hanok yesi bu.

16/13.txt

@@ -0,0 +1 @@
+Moishe ana kesi Gidiyon hobyangko gyabinsu bozehe, moishe hanok yesis heteno hena. Buyangko ɓalinsu 'yangkolula."Dirɓa so Ndeyi ki Gidiyon!"

16/14.txt

@@ -0,0 +1 @@
+Ndeyi wanglangtak ka midiyaku, some wawashik zehe a dudgya zehe. Naskobu, moishe wundano kine Israilakuk tong banosu ɗo nditu zofsu sara rok Midiyaku. Dudgyangko sheisu nami roktik kinensuk tong ehik Israilaku. Midiyaku 120,000 maftangko hotinni. Ndeyi waltiko IIsraila.

16/15.txt

@@ -0,0 +1 @@
+Biyaye ndalangko matitik Giidiyon ma'insu. Gidiyon me onsu bille'e bu, sime dolko nzuni ka kola yo dinar yo shafsu workanok gem ma midiyaku. Biya ye onangko oywi kolai sheiki Gidiyon.

16/16.txt

@@ -0,0 +1 @@
+Nami Gidiyon ante suɓai gera shida yo ana ruta ban Ndeyi ishe. Algi me some isheni kubeshi domni kit ''yak gro. Ndeyi jo ongko maitok Isrilaku kika a ishe kubeshik goro. Ndeyi wasko ana gyahasu to geɗo kasu. Nzuni ɗonshangko Ndeyi jo, nami  sarisu a waltui yo'oto.

16/17.txt

@@ -0,0 +1 @@
+Shida ei woi hala ka shei: Israilaku a ina zunhu, Ndeyi yara nzunuituta, Ndeyi ke sarshensu a waltu. So sani shei, Ndeyi sarno ana waltu ma waltangko Israilakuk sarak ana gyahasu.

16/18.txt

@@ -0,0 +1 @@
+Tatakato, algiy ɗonshangko Ndeyi we ma'i kit shida yo lei elis siya andi. Ndalangko ma'iy gera ke geɗo, ke jo a gitik moka nzuni bo kesi. Ndeyi nda ɗonshu woi bu, me si onsu ma'iy kit shida yo ɗonshangko.

16/reference.txt

@@ -0,0 +1 @@
+Somok Bebul ki bo ana Sherya 1-3, 6-8

16/title.txt

@@ -0,0 +1 @@
+ANA WALTU

36/01.txt

@@ -0,0 +1 @@
+Hoti yo'oto, Yeso work kunuk tong majirakuni, Bitrus, Yakubu ki Yahaya, (majiniy yo suni Yahayai yo iko Baptimak Teso bu.) Ndangko ɗasu ka gosho ɓaɓa ɗo'e ɗonshu.

36/02.txt

@@ -0,0 +1 @@
+Ɗo Yeso tong ɗonshu, huskanni ito hetre kit hoti kareini ke'yansu hetre kit talku, wallak lei miya tong dunyahetre.

36/03.txt

@@ -0,0 +1 @@
+Kaba a moishe Musa ki Nabi Elisha hatano. Biyai maye ɗeyangko so sani shei kabui kanso. A enik Yeso kamatonni, so a nasa bu a hele Urushalima.

36/04.txt

@@ -0,0 +1 @@
+Ɗo Musa ki Elisha tong enik Yeso. Bitrus angkok Yeso to, "Iko zina mu wonɗe. Erim'e sangaya kunu, moɗi yoko, moɗi yo Musa, ki moɗi yo Elisha. "bitrus man ei si anshe bu.

36/05.txt

@@ -0,0 +1 @@
+Bitrus ɗo a tong eni, keɓoi hetre a talku wrno kokrinsu ɗolyak tong ɓaɓa ta, " Woi Lah no yon ndalo. Tilino kolshe zeini. Kola si." Mairakui kunui zuba ngahinsu moishe ngaktansu eli.

36/06.txt

@@ -0,0 +1 @@
+Moishe Yeso safko nzuni ani ta, "Ngu'e zuba bu. Hinɗai. "Ɗo moyangko be is, an yo'oto kaba Yeso.

36/07.txt

@@ -0,0 +1 @@
+Yeso ki majirakui kununi wranok ka gosho masu. Nami Yeso ansu, " Ɗongong an ei hala wonɗei ki ngo bu. A nasa bu ne matinno men hinɗinno. Ki bei wom, ngu gitik anshek biya.

36/reference.txt

@@ -0,0 +1 @@
+Somok Bebul ki bo Matta 17:1-7, Markus 9:2-8, Luka 9:28-36

36/title.txt

@@ -0,0 +1 @@
+Deshe Ɓaɓa

42/01.txt

@@ -0,0 +1 @@
+A tong hoti so Yeso hinda ki tong mato, majirakuni bolo a gosu gabanis nem. Zalanko marshe, a eni aka ei halak Yeso. Namanko ta si a wangu, me dugani. Sei monde ta si an zau har kaiso. Zuni mananko ei a ona jire kanni bu.

42/02.txt

@@ -0,0 +1 @@
+Yeso ino nem ki zuni a zal marshe ki zuni, me zuni gitanko mantata si bu. Si dolko aka ei zuni anshe, zuni anani shaf ki ei hala ka Yeso a sommoɗi shim yo geɗa. Zuni dibna aka zuni a eni ki ngerho Urshalima.

42/03.txt

@@ -0,0 +1 @@
+Yeso hoi su miya Ndeyi anko ka, a wangu. Si dibsu aka nabi ta a wangu sena maito me a dugini, me a hinɗa tong sommoɗi kunu. Jajim yoƒ uranko tong gybani yo biyai bolo dalanko eri, zoni itito.

42/04.txt

@@ -0,0 +1 @@
+Biyai bolo wondanko Yeso ɗo eri ki zuni, si yarditko. Jajim yo gosu tina wo, oto zoni, Yeso namko sinakir zobko barkak Ndeyi kanni, nami si dahi. Kit hena ido ki ehe, zuni mante ta si Teso. Ki beis wonɗi boinni ki idansu.

42/05.txt

@@ -0,0 +1 @@
+Biyaibboloi a anshek zehe, " Woi Yeso! Ei zohko tilimu bokshe muni ɗo ehemu hawok eni Ndeyi e. Kit hena ido ki ehe, mensu Urshalima. Do urano, anankok majiraku, "Yeso an zau! Mu moyan.

42/06.txt

@@ -0,0 +1 @@
+Majiraku a eni, Yeso tamko kanni tong ni ki zuni  si ta." Deinok lahiya deiyik nguni!" Majiraku  a dubna aka si kelu, me Yeso ta, "kika moya saranno ki shekeno. Kelu an zugo kit yo ne andibu." Ngu yarde ta si kelu bu, dolko ei a ting. Zuni onani kerwo nami si haɗi!

42/07.txt

@@ -0,0 +1 @@
+Yeso ta, "Ne ankotik lei miya tureno kanno a tong eni Ndeyi kabna ngamko," si aha kasu ɗo zuni mante eni Ndeyi. Si ta, "Tureno tunki marei ta a wangu sena maito, mati, me ahinɗinnik tong mato a tong sommoɗi kunu."

42/08.txt

@@ -0,0 +1 @@
+Shaf kika, a tureno tong eni Ndeyi ta majirakuno a tube ki ka ɗo biske yahu

42/reference.txt

@@ -0,0 +1 @@
+Somos Bebul tong lalauna so Matta 28:16-20, Markus 16: 12-20, Lukab24:13-53, Yahaya 20: 19-23, Ruta majiraku 1: 1-11.

42/title.txt

@@ -0,0 +1 @@
+Yeso Manni Baba