See in Reader
28 lines
4.3 KiB
JSON
28 lines
4.3 KiB
JSON
{
|
|
"1": "Long, 'wơơy oh ay ( vii gô đnooy dii manih xet ganuun), oh ay leh xet đaneq ganuun vơơ ik duh đôôiq dii khơl drơơy tuôôy oot măn riilh ih?",
|
|
"2": "Vii manih khơl drê e kanơu vơơ biq ganuun veek jưư dii kanơu tuôôy kanơu măn riilh; bơh atoh kanơu kaxêêt, yôôych mưư paq măn biq veek jưư bơyh ganuun pajêêk đnoyq.",
|
|
"3": "Đa nưq đom tuôôy kanơu măn riilh, atoh mưư xa măn dii muuyq khơl kanơu kadrơơy, yôôych mưư hnoq biq tayh laa mưư kadrê apuq atrăăp. Bơh atoh kanơu kaxêêt, yôôych mưư jah rayơơh rayơơy đôôiq dii ganuun, ji mưư leh aalq laa kadrê apuq atrăăp atoh mưư riilh dii manih khơl kanơu kadrơơy.",
|
|
"4": "Nưq, 'wơơy oh ay, oh ay kung heq kaxêêt đôôiq dii ganuun gơmưh xak xơmơơk ku Lôôk 'Wơt Dêh. 'Ngưq laa xôôq oh ay hnoq ik jah anguuk muut dii khơl drơơy, 'ngưq laa dii Kơy heq riilh hlê xing aduq kaxêêt, xôq haay jah vlôh plaay ka Kơy Plêêk.",
|
|
"5": "Vii tuôôy haay đong măn đom xak xơmơơk, kaluh xuum trôôk kadrôp maroh bơyh ganuun ahluuk kah đom xak xơmơơk haay, dơơp vlôh varơuq jarooy truh varơuq kaxêêt.",
|
|
"6": "Bơh juneq haay heq jah wơt xaloot klơlh ganuun. Haay heq kaxêêt đôôiq dii varơuq heq veek jưư haay. 'Ngưq laa xôq haay dơơp varơuq tyauq trôôk đơơu ku Yaak Plêêk, lưưp aalq tyauq trôôk duut ku apok vlơk đnoyq.",
|
|
"7": "Nưq, haay hnoq đnooy kajoq neq? aalq be ganuun laa kadrôp maroh? Leh dong leq e varơuq nưq. Jin anưq, atoh leh e ganuun yôôych gô hnoq leh dong leq xet kadrôp. Vii gô hnoq be xet hmưưt laa kadrôp atoh ganuun leh pato đaneq: \"Xak te hmưưt.\"",
|
|
"8": "Bơh kadrôp maroh heq rôp xok kawah đom ganeeng đơu ahluk kah kaluh xuum trôôch đom gô. Vii atoh leh e ganuun yôôych kadrôp maroh kaxêêt.",
|
|
"9": "Adroyq neq, tuôôy koq lưưp e ganuun yôôych gô riilh, bơh tuôôy e ganeeng yôôych kadrôp maroh riilh hlê,",
|
|
"10": "măn gô wiih kaxêêt. Ganeeng xôq dơơp ăm riilh hlê jêêk vlôh varơuq kaxêêt ka gô.",
|
|
"11": "Vii gamưh ganeeng, kadrôp maroh heq rôp xok kawah aluut pa ôôh gô, ji kung gamưh đnư păk kaxêêt gô.",
|
|
"12": "Đa nưq, ganuun laa hlăng vah, ganeeng kung hlăng vah, hyioh jăk, ji tamaq kaxaay.",
|
|
"13": "Nưq, aalq be varơuq kaxaay wiih vlôh jêêk varơuq kaxêêt ka gô? leh dong leq e varơuq nưq. Jơq kadrôp maroh khienq gô kaxêêt, xôq yôôych kahnoq vlôh xak xơmơơk kadrôp maroh bơyh varơuq kaxaay. 'Ngưq laa xôq bơyh ganeeng, kadrôp maroh vlôh jêêk thier raa xơơk aak.",
|
|
"14": "Vii haay xet ganuun laa thuôk liinh, măn gô laa xak xơmơơk biq tek dơơp jôôk tii ka kadrôp maroh.",
|
|
"15": "Varơuq gô dơơp gô dong dik be hlolh ik. Vii varơuq gô trôôch yôôych gô be dơơp. bơh gô wiih dơơp varơuq gô yarơơ.",
|
|
"16": "Bơh atoh gô dơơp varơuq gô be trôôch, 'ngưq laa gô 'yo nhonq dii ganuun đaneq ganuun laa tamaq kaxaay.",
|
|
"17": "Juneq be aalq laa gô dơơp varơuq nưq đnoyq, đơu laa kadrôp maroh đom gô.",
|
|
"18": "Vii gô xet đaneq đom gô, 'ngưq laa đom xak xơmơơk gô, be e varơuq kajoq tamaq kaxaay. Vii gô măn trôôch dơơp varơuq kaxaay, bơh gô be ik dơơp ik.",
|
|
"19": "Vii gô leh dơơp varơuq kaxaay gô trôôch, bơh wiih dơơp varơuq xơơk gô leh trôôch.",
|
|
"20": "Ji atoh gô dơơp varơuq gô leh trôôch, yôôych leh aalq laa gô dơơp varơuq nưq đnoyq, bơh laa kadrôp maroh măn đom gô.",
|
|
"21": "Nưq, gô 'yo hloq vlôh ganuun neq đom gô, 'ngưq laa gô trôôch dơơp varơuq tamaq kaxaay, bơh varơuq dong dik e đom gô wiih laa varơuq xơơk. ",
|
|
"22": "Vii dii koot manih pi'lăăp ku gô, gô hlah hlaak trôôch truh ganuun ku Kơy Plêêk.",
|
|
"23": "Bơh gô hloq e muuyq ganuun kadrơơy đom kaluh xak xơmơơk gô, damưưq tachơơl dii ganuun đơơu đom xuum biit gô. Ni rôp dăt gô tyauq ganuun ku kadrôp maroh đong e đom kaluh xak xơmơơk gô.",
|
|
"24": "Gô dik laa manih đanq ra ơơh! Akơyq hnoq wơt gô klơlh xak xơmơơk kaxêêt neq?",
|
|
"25": "Bơh kuh kwaay Kơy Plêêk gamưh Lôôk Wơt Dêh Jê-xu, Lôôk haay! Nưq, kadih gô xok akoq biit gô hơu varơuq ganuun ku Kơy Plêêk. Jin anưq, gô wiih xok xak xơmơơk gô hơu varơuq ganuun ku kadrôp maroh."
|
|
}
|