See in Reader
17 lines
2.5 KiB
JSON
17 lines
2.5 KiB
JSON
{
|
|
"1": "Tôôy adro pheq tameen tyauq kaluh qwuyen tol haay, vii be e qwuyen leq laa leh truh xing Kơy Plêêk. Kaluh qwuyen e juneq raay jo Kơy Plêêk dơơp avlôh.",
|
|
"2": "Vii anưq, akơyq tachơơl hlê qwuyen nưq 'ngưq laa tachơơl hlê apok xarooy ku Kơy Plêêk; ji adro leq dơơp đanưq hnoq kadih nhoonq xok varơuq hmơt dook ka ni.\n\n\\ts\\*",
|
|
"3": "Vii hnhư adrơk qwuyen leh aalq laa varơuq yôq vraal ku varơuq kaxaay tamaq, bơh ku varơuq xơơk. Oh ay trôôch leh duh yôq hnhư adrơk qwuyen be? Dayh dơơp varơuq kaxaay. yôôych oh ay hnoq jah vado padeeng.",
|
|
"4": "Vii oot laa xapok ku Kơy Plêêk hơu varơuq e iit ku oh ay. Bơh atoh oh ay dơơp varơuq xơơk, yôôych dayh yôq, vii oot be adrơk xieh đơu leh e kơq. Oot laa xapok ku Kơy Plêêk, laa manih dưk dơơp varơuq hmơơt dook tol adro dơơp xơơk.",
|
|
"5": "Đanưq oh ay pheq tameen tyauq, leh vơơ vii yôq biq hmoot dook, bơh kung vii kơq xuum klaak.\n\n\\ts\\*",
|
|
"6": "Kung vii nưq đơu oh ay pheq noop xơơu. vii hnhư adrơk qwuyen laa xapok ku Kơy Plêêk, hloay chiuq dưk dơơp kaluh varơuq neq.",
|
|
"7": "Dayh blaa ka khơl manih varơuq xak đong elôôk. noop xơơu ka khơl xak pheq noop; đonq phiq ka khơl xak pheq đonq; yôq ka khơl xak pheq yôq; 'yo kôt khơl xak pheq 'yo yôq.\n\n\\ts\\*\n\\p",
|
|
"8": "Te elôôk akơyq varơuq kajoq, leh jauq xuum xung xiaq đôôiq dii mamuuyq. Vii akơyq xiaq khơl drơơy 'ngưq heq dơơp jêêk ganuun.",
|
|
"9": "Dik, kaluh ganeeng, đaji: \"Koot te lôôp kadrôp apuq atrăăp, koot te păk kaxêêt manih, koot te atôôk, koot te hmưưt,\" ji atoh măn e varơuq leq kadrơơy, kung jah angoop hlê đom apok patăk neq: \"Koot dayh xiaq khơl drơơy đaji xak koot.\"",
|
|
"10": "Xuum xung xiaq leh dơơp jiq khơl drơơy. Nưq, xung xiaq laa dơơp jêêk ganuun.\n\n\\ts\\*\n\\p",
|
|
"11": "Dayh dơơp đanưq vii haay xet hngơy kawah; heq truh tuôôy haay xing vik xalaak kah. Bơyh juneq varơuq wơt xok haay heq jeq iaq tađo dii tuôôy haay đơơu tuuôq.",
|
|
"12": "Klôôy heq tuul mưưng, hngơy jeq truh. Nưq, haay dayh ka'lăk kaluh varơuq kamưưng jaluk, ji hlưưp xok auu jap tađnaah tađnaak.\n\\ts\\*",
|
|
"13": "Haay dayh tawak hooy dong taxưnq, đaji tuul ka hngơy, leh xa hôôch, vuul weel; leh riilh adrôp bơơyq, buôôn thah, kung te tagwoa, taglieh yarơơ.",
|
|
"14": "Bơh dayh hlưưp xok Lôôk Wơt Dêh Jê-xu; tee dơơp tyauq xak xơmơơk xôq dong đah kaluh xuum trôôch ku ni.\n\n\\ts\\*"
|
|
}
|