cor_2020_cua_clt_rom_book/rom/15.json

{
  "1": "Bơh haay, laa manih kaalh praat, pheq pơq xok kaluh ravoch ku adro leh kaalh, ji be dơơp hlah xuum haay.",
  "2": "Tôôy adro đom haay dayh dơơp hlah xuum manih gah gih haay vii ka iq tamaq kaxaay, jarooy truh varơuq rôôk tơk dro nưq.\n\n\\ts\\*",
  "3": "Vii hloay ka Lôôk Wơt Dêh heq leh dơơp hlah xuum kadih kadraq. wih hlê, đaji varơuq heq jah vlơk:\" Kaluh apok đnooy be ra kajoq ku khơl adro đnooy ra ơơh Kadraq heq uuk hlê tol koot.\"",
  "4": "Tabơh xet dong leq varơuq heq jah vlơk pôôt adrooyq neq yôôych heq jah vlơk hlê vii varơuq pato dayq ka kadih haay, xôq ka gamưh varơuq atuq xuum ji gamưh varơuq ahmưk nhăk ku Rahlăăp Vah, haay jah e xuum takôô gamưh.\n\\ts\\*",
  "5": "Apôôy vôôch Kơy Plêêk ku varơuq atuq xuum ji hmưk nhăk kahniq vanong ka oh ay xôq e kung muuyq xuum biit dii mamuuyq, tyauq đaji Lôôk Wơt Dêh Jê-xu.",
  "6": "xôq ka oh ay hnoq ik kung muuyq xuum, xing muuyq huuy ayuuôt laat Kơy Plêêk, laa Vaq ku Lôôk haay, laa Lôôk Wơt Dêh Jê-xu.\n\\p",
  "7": "Anưq, dayh tiip nhonq mamuuyq, kung đaji Lôôk Wơt Dêh heq tiip nhonq oh ay, xôq jarooy truh varơuq tađnah tađnaak ku Kơy Plêêk\n\\ts\\*",
  "8": "Vii gô đnooy đaneq laa Lôôk Wơt Dêh heq jah khienq vlôh jêêk xapok ku tamooi chiuq goch kađuh vii kơq varơuq dik ku Kơy Plêêk, xôq 'yo nhonq apok taveek ku khơl mo kơy,",
  "9": "bơh laa xôq kaluh tamooi kadrơơy vnê ayuuôt Kơy Plêêk vii kơq xuum biit angơuq ku Kadraq. Dang đaji apok heq jah vlơk: \\q  “Bơyh nưq, koot hnoq xưng nhonq Kadraq katuul kaluh tamooi daak kadrơơy\n\\q \nji kacheeu ayuuôt yal Kadraq.”\n\n\\ts\\*\n\\m",
  "10": "Laay e xanoh đaneq: \\p “Kaluh tamooi daak kadrơơy, dayh hlah hlaak kung dii koot xaau Lôôk.”\n\\p",
  "11": "Ji laay đaneq: \\q “Dêq hloay kaluh tamooi daak kadrơơy, dayh ayuuôt laat Lôôk; \n\\q\ndêq hloay kaluh tamooi, dayh kacheeu ayuuôt Kadraq.”\n\n\\ts\\*\n\\m",
  "12": "Ji Ê-saai đnooy athêêp đnoyq: \\q “Rayah ku Je-sêê hnoq rama vlôh, laa Kơy jah panưk tok xôq dưk xanok kaluh tamooi daak kadrơơy: kaluh tamooi daak kadrơơy hnoq e xuum takôô gamưh aduq Kadraq.\"\n\n\\ts\\*\n\\p",
  "13": "Juneq, apôôy Kơy Plêêk ku takôô gamưh khienq oh ay glaay tôôy varơuq hlah hlaak ji hrok hrol vii oh ay tuuôq Kadraq, xôq gamưh da uuh ku Lôôk Phool Hiel takôô gamưh hnoq athêêp tok đom oh ay.\n\n\\ts\\*\n\\p",
  "14": "Wơơy oh ay, kadih xăk gô tuuôq đaneq kadih oh ay kung glaay xuum tamaq kaxaay, glơh glaay xa hok, wiih e xuum ahmưưk pato mamuuyq.\n\n\\ts\\*",
  "15": "Bơh gô kung athêêp kaalh praat đơu vlơk ka oh ay toq leq varơuq, xôq nhăk oh ay vach, bơyh vanoong Kơy Plêêk kahniq ăm,",
  "16": "xôq gô dơơp xapok ku Lôôk Wơt Dêh Jê-xu truh dii kaluh tamooi kadrơơy, xôq dưk dơơp varơuq tơk tưp ka hêêl kaxaay ku Kơy Plêêk. Gô pheq dơơp varơuq neq xôq tamooi kadrơơy vlôh jêêk kuah lêêh jah nhonq xok, ji jah Lôôk Phool Hiel paxa rêh.\n\\ts\\*",
  "17": "Vii nưq, đom Lôôk Wơt Dêh Jê-xu, gô e kơq xôq akwoe truh varơuq hơu varơuq Kơy Plêêk ku gô.",
  "18": "Vii gô hnoq leh hôôk đnooy truh paq kêê varơuq kajoq kadrơơy vơơ kaluh varơuq đơu Lôôk Wơt Dêh heq dơơp payôôch gamưh gô, xôq jarooy tamooi kadrơơy truh varơuq tameen tyauq, bơơn apok đnooy aluq varơuq dơơp,",
  "19": "bơơn praat kaalh ku kaluh hlêêl akêh. pheep akêh, ji bơơn daa uuh ku Kơy Phool Hiel Kơy Plêêk. 'Ngưq laa xôq gô hnoq ik dơơp payôôch varơuq dơơp padooh taboon hêêl kaxaay ku Lôôk Wơt Dêh xing theng Jê-ru-xa-leem ji kaluh dêh gah gih dong truh dêh Y-ly-rii.\n\\ts\\*",
  "20": "Đanưq, xuum trôôch ku gô adrooyq neq laa padooh taboon hêêl kaxaay, bơh leh aalq ka aduq yal Lôôk Wơt Dêh heq jah tameen xet, xôq be huq xơơy tol kahniel ku khơl drơơy.",
  "21": "Bơh đaji e apok vlơk: \\q “Adro koq lưưp jah padooh taboon hêêl kaxaay truh Kadraq hnoq hloq Kadraq, \n\\q \nadro koq lưưp jah tameen hnoq hlolh.”\n\n\\ts\\*\n\\p",
  "22": "Kung vii nưq đơu 'ngưưng yưk gô biq ponwaq truh hlơq oh ay.",
  "23": "Bơh juneq paq măn e aduq leq đom kaluh dêh neq ka gô đnoyq, đom tuôôy taleq xanưm vơơ yôôch gô hloay trôôch truh hlơq oh ay.\n\n\\ts\\*\n\n",
  "24": "Dik gô trôôch kajoq hnoq jah tavơh oh ay tol trôôk hooy Taay Baan Nhaa, ji jah oh ay wăk rơơy đom trôôk hooy truh đnư, atêq katuôôy hlah xuum măn dii oh ay đom muuyq xiit.",
  "25": "Măn juneq gô hnoq hooy Jê-ru-sa-leem xôq adrơk đôô wăk tajưp ka khơl tuuôq Lôôk.\n\n\\ts\\*",
  "26": "Vii manih Ma-xêê-đoaan ji A-chaay heq hlah xuum tagoop wăk oh ay adrah pơơl đom khơl tuuôq Lôôk aduq theng Jê-ru-sa-leem.",
  "27": "Dik, oot hlah xuum dơơp varơuq neq vii oot pơq lôôk khơl manih nưq. Vii atoh tamooi kadrơơy jah achung nhonq kaluh vanoong thuôk liil, yôôych oot kung duh e xuum hơu varơuq khơl manih hơq truh garuh anôôp.\n\n\\ts\\*",
  "28": "Nưq, tuôôy gô heq dơơp payôôch kaluh varơuq ji xet kajưk oot heq nhonq jah adrool tagoop, tuôôy nưq gô hnoq hooy Taay Baan Nhaa ji hooy hlơq oh ay tol trôôk hooy.",
  "29": "Gô xet đaneq tuuôy truh hlơq oh ay, gô hnoq adrơk tyauq vanoong xaleep ku Lôôk Wơt Dêh.\n\n\\ts\\*\n\\p",
  "30": "Wơơy oh ay, gamưh Lôôk haay laa Lôôk Wơt Dêh Jê-xu, ji gamưh xung xiaq ku Kơy Phool Hiel, gô apôôy vôôch oh ay kung damưq dii gô đom varơuq apôôy Kơy Plêêk ka gô.",
  "31": "Oh ay văch apôôy rơơy xôq gô jah wơt klơlh khơl adro leh tameen tyauq aduq dêh Ju-đêê, kung đaji xôq varơuq dơơp ku gô aduq Jê-ru-sa-leem hnoq jah khơl tuuôq Lôôk hlah nhonq.",
  "32": "Oh ay văch apôôy rơơy xôq bơyh iq trôôch ku Kơy Plêêk, gô hnoq ik halh hlaak truh hlơq oh ay, ji jah padơơy padoo kung dii oh ay.\n\\ts\\*",
  "33": "Apôôy vôôch Kơy Plêêk hrok hrol măn kung dêq hloay oh ay. A-meen.\n\n\\ts\\*"
}