cor_2020_cua_clt_rom_book/rom/9.json

{
  "1": "Gô đnooy varơuq dik đom Lôôk Wơt Dêh. Gô leh đnooy pa-ôôh - xuum klaak gô dơơp xanưk ka gô đom Lôôk Phool Hiel,",
  "2": "đaneq xuum gô thier hlu rơu ji jiq areh leh hlơơp.",
  "3": "Bơyh gô hnoq ik ươk gô biq karoay axaap ji aklah vlôh klơlh Lôôk Wơt Dêh vii kơq oh ay gô, laa oh ay gô tyauq xăk vahaap.",
  "4": "Oot laa manih I-sơ-ra-el. Oot jah dơơp koot Lôôk, jah varơuq tađnah tađnaak, e apok taveek, jah kahniq ăm ganuun, varơuq kacheeu ayuuôt Kơy Plêêk, kung kaluh apok taveek.",
  "5": "Vaq kơy ku oot laa mo kơy tyauq xăk xơmơk ku Lôôk Wơt Dêh - Kơy laa Kơy Plêêk kôt glơơh dêq. apôôy Kadraq jah kacheeu ayuuôt đơơy đơơy. A-men.",
  "6": "Bơh be aalq apok taveek ku Kơy Plêêk laa paq ik xung. Vii be aalq akơyq xing I-sơ-ra-el pa-iir vlôh dêq hloay laa manih I-sơ-ra-el.",
  "7": "Kung be aalq dêq hloay adrơơk ku Ap-raa-haam dêq hloay dik laa koot xauu ku Kơy, đơu \"bơyh I-xăk đơu pa-iir vlôh adrơơk jah taayh tyauq ơnơơng koot.\"",
  "8": "Iq laa, koot xauu tyauq xăk vahaap yôôych leh aalq laa koot ku Kơy Plêêk, đơu koot xauu bơyh apok taveek đơu jah ‘yo laa koot xauu.",
  "9": "Ji 'ngeq laa apok taveek: \"kung muut kawat hngơy neq, Gô hnoq truh, ji Saa-raa hnoq e muuyq koot kanơu.\"",
  "10": "Leh vơơ anưq, đơu atêq tuôôy Rêê-bêê-kaa e boonq bơyh mo kơy I-xăk ku haay - ",
  "11": "đom tuôôy baar koot koq jah pa-iir vlôh, kung koq dơơp varơuq kaxaay long varơuq xơơk leq, xôq ka iq đinq ku Kơy Plêêk tyauq varơuq rơơlh xok ku Kadraq jah dưk kajưk,",
  "12": "Leh aalq xing varơuq dơơp, đơu xing Kơy taayh tawoyh - yôôych mo heq jah ăm xet, đaneq: \"Adro kôt hnoq hơu varơuq adro de.\"",
  "13": "Đaji e vlơk đaneq: \"Gô xung xiaq Ja-kôp, bơh yarơơ Ê-xaau.\" ",
  "14": "Nưq haay hnoq đnooy kajoq neq? Jơq be Kơy Plêêk be hyioh jăk? Leh hmưq 'leq e varơuq nưq.",
  "15": "Vii Kadraq đnooy dii Môôi-se đaneq: \"Gô hnoq dơơp vanoong dii adro leq Gô dơơp vanoong, ji Gô hnoq biit angơuq adro leq Gô biit angơuq.\"",
  "16": "Đanưq be aalq bơyh khơl drơơy trôôch long chrơơk kađnen chrơơk kahơơ đơu jah, bơh xing Kơy Plêêk kahnoq xuum biit angơuq.",
  "17": "Vii Rahlăăp Vah e vlơk truh Pha-ra-ôôn: \" Jơq vii iq đinq neq Gô heq panưk xăk tok, xôq gamưh xăk Gô kahnoq vlôh daa uuh Gô, ji yal Gô hnoq jah padooh taboon loch vari.\"",
  "18": "Lu nưq, Kơy Plêêk dơơp vanoong đôôiq dii adro leq Kadraq trôôch, ji Kadraq dơơp găk xuum akơyq đơu Kadraq trôôch.",
  "19": "Oh ay hnoq vôôch gô: \"Nưq, aleq Kadraq măn rôp Kadrôp? Vii akơyq tachơơl hlê iq Kadraq ik?\"",
  "20": "Bơh, ay hơơq, ay laa kơyq đơu hôôk tơơl blaa hlê Kơy Plêêk? Dơơp aleq kuah jah valiit yuôôr wiih đnooy dii manih heq valiit yuôôr ni: \"Aleq kơy wiih valiit yuôôr gô đanưq\" wơyh?",
  "21": "Jơq be manih dơơp huu vari be e qwuyen tol vari dik, xôq yôôych xing kung muuyq vari valiit yuôôr poop huu xôq dơơp varơuq kôt, ji muuyq poop kadrơơy xôq dơơp ka varơuq tôôy hngơy?",
  "22": "Atoh Kơy Plêêk, Kơy trôôch kahnoq vlôh đơơt tôôq daayh ku Kadraq ji khienq khơl drơơy xet truh qwuyen daa uuh Kadraq, karooh atuq xuum chiuq atuq kaluh poop huu xưnq chiuq đơơt tôq dayh xôq 'miêh ka varơuq kaxêêt hlơơp, yôôych aleq?",
  "23": "Atoh Kadraq dơơp anưq xôq kahnoq vlôh varơuq karooh e ku tađnah tađnaak Kadraq đôôiq dii kaluh huu xưnq biit angơuq đơu Kadraq heq ralauq xôq ka varơuq tađnah tađnaak, yôôych aleq?",
  "24": "Ji atoh Kadraq dơơp anưq ka haay, khơl adro Kadraq kung taayh tawooyh, leh vơơ xing khơl manih Jo-Thaiq, đơu hloay xing khơl tamooi kadrơơy đnoyq, yôôych aleq?",
  "25": "Đaji Kadraq kung xanooh đom rahlăăp Ô-xêê đaneq: \"Adro adrooyq neq leh aalq laa tamooi Gô, Gô hnoq taayh laa tamooi Gô, ji taayh adro be jah xung xiaq laa adro xung xiaq.",
  "26": "Ji măn ka aduq oot jah xanooh đaneq: ' Khơl êêp be aalq laa tamooi Gô, yôôych aduq nưq oot hnoq jah taayh laa ' koot ku Kơy Plêêk hloay riilh.\"'",
  "27": "Măn truh manih I-sơ-ra-el, yôôych Ê-saai heq taayh atok: \"Tabơh kasôôq koot xauu I-sơ-ra-el karôp đaji choah tahlii, yôôych kung vơơ muuyq phoon măn soot hlê hnoq jah wơt,",
  "28": "Vii Lôôk hnoq dơơp jêêk apok ku Kadraq tol vari muuyq trôôk xaleep ji leh manưưn ahnuuy,\"",
  "29": "Đaji Ê-saai heq đnooy adroyq nưq: \"Atoh Lôôk hwaan kuun leh xôq hlê ka haay khơl koot xauu, yôôych haay hnoq dang theng Sô-đôôm, ji jêêk vlôh đaji theng Gôô-mô-rơơ.",
  "30": "Anưq, haay hnoq đnooy kajoq neq? kaluh tamooi kadrơơy, 'miêh leh akhiim axek varơuq hyioh jăk, wiih e jah varơuq hyioh jăk, bơh hyioh jăk gamưh xuum tuuôq.",
  "31": "Măn manih I-sơ-ra-el, laa manih tyauq axek ganuun hyioh jăk, wiih leh jah đak truh varơuq hyioh jăk gamưh ganuun.",
  "32": "Vii aleq nưq? Vii oot leh akhiim axek varơuq hyioh jăk bơơn xuum tuuôq, bơh bơơn varơuq dơơp. Oot heq xatôôl xalôônq kuk phơu dơơp ăm talaalh gưưlh,",
  "33": "đaji e vlơk đaneq: \"Nee. gô xôq aduq Si-ôôn muuyq kuk phơu dơơp xatôôl jôôk, ji talaat phơu khienq xatôôl lôôp. Adro leq tuuôq kuk phơu nưq hnoq leh biq kamưưl.\" "
}