See in Reader
24 lines
4.2 KiB
JSON
24 lines
4.2 KiB
JSON
{
|
|
"1": "Vii haay jah xưưng hyioh jăk gơmưh xuum tuuôq, anưq haay jah <strong>taguu hlê</strong> dii Kơy Plêêk, gơmưh Lôôk 'Wơt Dêh Jê-xu haay.",
|
|
"2": "Gơmưh Kadraq. bơyh xuum tuuôq, haay kung jah tawak muut đom vanong kaxaay neq, laa vanong kaxaay haay đong dưk kajưk, ji haay hlaah hlaak vii hy voonq kajưk dik truh tađnah tađnaak ku Kơy Plêêk.",
|
|
"3": "Be aalq hloh đanưq, haay măn hlaah hlaak đom pơơl hwơơl, vii xet đaneq pơơl hwơơl pa iir vlôh xuum wêêt.",
|
|
"4": "Xuum wêêt<strong>pa-iir</strong ngii lưk,<strong>ngii lưk</strong>pa-iir<strong>hy voonq</strong> kajưk kraat.",
|
|
"5": "Hy voonq nưq leh dơơp thâk voonq, vii xung xiaq ku Kơy Plêêk heq jah kahrôôq muut xuum haay gamưh Yaak Plêêk, Kơy heq jah ăm ka haay.",
|
|
"6": "Vii đong tuôôy haay măn iuq đuôyq yôôych, truh klip hngơy wat, Lôôk 'Wơt Dêh heq kaxêêt thêq ka adro be tuuôq.",
|
|
"7": "Leh hlơơu e akơyq chiuq kaxêêt vii manih hyioh jăk, e tuôôy kung hnoq e adro hôôk kaxêêt vii manih hyioh jăk.",
|
|
"8": "Bơh Kơy Plêêk heq xanưk kahnoq xung xiaq ku Kadraq đôôiq dii haay, vii đong tuôôy haay măn laa manih e kadrôp, yôôych Kơy Christ kaxêêt thêq ka haay.",
|
|
"9": "Iaq nưq đnoyq, vii haay heq jah 'yo laa hyioh jăk gamiưh vahaap Kadraq, đanưq haay hnoq jah wơt klơlh đơơt tôq jaraq ku Kadraq.",
|
|
"10": "Vii atoh đong tuôôy haay măn laa tachơơl đơu \nwiih jah taguu dii<strong>Kơy Plêêk</strong> gơmưh varơuq kaxêêt ku Koot Kadraq, yôôych juneq heq jah<strong>taguu</strong> yôôych, haay hnoq wiih jah wơt kơn iaq đnoyq gơmưh varơuq riilh ku Koot nưq.",
|
|
"11": "leh anưq heq, haay kung hlaah hlaak đom Kơy Plêêk gơmưh Lôôk Wơt Dêh Jê-xu haay, gơmưh Kadraq haay jah varơuq <strong>taguu neq.</strong>",
|
|
"12": "Anưq, bơyh muuyq dro đơu kadrôp maroh muut dêh araak, yôôych kadrôôk kaxêêt kung bơyh kadrôp maroh đơu muut dang đa nưq. Ji kadrôôk kaxêêt tabaa truh koot manih, vii dêq koot manih heq lôôp kadrôp. ",
|
|
"13": "Vii miek dong truh tuôôy e ganuun, yôôych kadrôp maroh heq e 'miêh đom dêh araak yôôych, bơh kadrôp leh jah 'yo laa kadrôp tuôôy koq lưưp e ganuun.",
|
|
"14": "Jin anưq, varơuq kaxêêt yôôych măn dưk xanok xing đơơy A-đaam truh đơơy Môôi-xee, hloay tol adro leh lôôp kadrôp dang đaji kadrôp ku A-đaam, laa kwuôn lơuq ku Kơy pheq truh.",
|
|
"15": "Bơh adrool leh dang đaji varơuq lôôp kadrôp. Vii atoh bơyh varơuq lôôp kadrôp ku muuyq dro đơu 'ngưưng dro pheq kaxêêt, yôôych vanong kaxaay ku Kơy Plêêk, ji adrool bơyh vanong kaxaay ku muuyq dro, 'ngưq ji Lôôk 'Wơt Dêh Jê-xu, wiih măn glơơh glaay iaq xet dong leq ka 'ngưưng dro!",
|
|
"16": "Adrool nưq leh dang đaji tavơh varơuq ku muuyq dro lôôp kadrôp. Vii, dik, vơơ muuyq varơuq lôôp kadrôp khienq khơl drơơy pheq chiuq xưư xadrah ji biq atok xadrah, đom tuôôy adrool yôôych jah kahniq ăm atêq 'ngưưng lôôp kadrôp ji jarooy truh varơuq xưưng hyioh jăk.",
|
|
"17": "Atoh jo lôôp kadrôp ku muuyq dro, đơu gamưh mainh nưq, varơuq kaxêêt heq dưk xanok, yôôych adro nhonq jah vanong kaxaay glơơh glaay kung adrool hyioh jăk hnoq gamưh muuyq dro, 'ngưq laa Lôôk 'Wơt Dêh Jê-xu, đơu dưk xanok đom varơuq riilh 'ngưưng iaq xet dong leq.",
|
|
"18": "Đa nưq, bơyh muuyq varơuq lôôp kadrôp đơu koot manih biq xưư kadrôp yôôych, kung anưq, bơyh muuyq varơuq dơơp hyioh jăk đơu koot manih jah xưưng hyioh jăk ji jah riilh.",
|
|
"19": "Vii đaji bơyh varơuq leh tameem ku muuyq dro đơu 'ngưưng manih vlôh jêêk manih kadrôp, yôôych kung anưq, bơyh varơuq tameen tyauq ku muuyq dro đơu 'ngưưng manih hnoq jah jêêk hyioh jăk.",
|
|
"20": "Ganuun galiêh muut, khienq varơuq lôôp kadrôp athêêp 'ngưưng. Bơh aduq leq kadrôp maroh athêêp 'ngưưng yôôych vanong kaxaay wiih kơn glơơh glaay iaq.",
|
|
"21": "Varơuq xalih vlôh anưq, đaji kadrôp maroh dưk xanok jarooy truh varơuq kaxêêt đa leq, yôôych vanong kaxaay kung dưk xanok gamưh varơuq hyioh jăk jarooy truh varơuq riilh hloay hloay đa nưq, gamưh Lôôk 'Wơt Dêh Jê-xu, Lôôk haay."
|
|
}
|