cor_2020_cua_clt_rom_book/rom/15.json

{
  "1": "Haay laa manih kaalh pheq pơq xok kaluh ravoch ku adro ravoch, ji leh ik dơơp hlah xuum haay.",
  "2": "Tôôy adro đom haay dayh dơơp hlah xuum khơl drơơy vii ka iq tamaq kaxaay, 'ngưq laa xôq ahmưưk nhăk oot.\n\n\\ts\\*",
  "3": "Vii hloay ka Lôôk Wơt Dêh kung leh dơơp hlah xuum kadraq, đaji e apok vlơk: \"Apok đnooy leh ra kajoq ku khơl adro đnooy ra ơơh Kadraq heq kahrôq hlê tol koot.\"",
  "4": "Bơyh kaluh varơuq jah vlơk hlê xing adroyq laa xôq pato dayq haay, xôq gamưh atuq xuum ji varơuq ahmưưk nhăk ku Rahlăăp Vah đơu haay e jah takôô gamưh kajưk dik.\n\n\\ts\\*",
  "5": "Apôôy vôôch Kơy Plêêk ku varơuq atuq xuum ji hmưưk nhăk kahniq ăm oh ay jah kung muuyq xuum biit dii mamuuyq, tyauq đaji Lôôk Wơt Dêh Jê-xu.",
  "6": "Apôôy vôôch Kadraq dơơp varơuq nưq xôq oh ay hnoq ik muuyq xuum biit, kung muuyq huuy kacheeu ayuuôt Kơy Plêêk, laa Vaq ku Lôôk Wơt Dêh Jê-xu haay.\n\\p",
  "7": "Anưq, oh ay dayh tiip nhonq mamuuyq, kung đaji Lôôk Wơt Dêh heq tiip nhonq oh ay, xôq vnê ayuuôt Kơy Plêêk\n\\ts\\*",
  "8": "Vii gô đnooy đaneq laa Lôôk Wơt Dêh heq vii kơq varơuq dik ku Kơy Plêêk truh hơu varơuq khơl chiuq goch kađuh, xôq xanưk hlê apok taveek heq kahniq ka khơl mo kơy,",
  "9": "ji xôq kaluh tamooi kadrơơy vnê Kơy Plêêk vii xuum biit angơuq ku Kadraq. Đaji e apok vlơk: \\q  “Bơyh 'ngưq, koot hnoq vnê ayuuôt Kadraq katuul khơl tamơơi kadrơơy\n\\q \nji kacheeu ayuuôt yal Kadraq.”\n\n\\ts\\*\n\\m",
  "10": "Wiih e apok vlơk: \\p “Wơơy khơl tamooi kadrơơy, dayh hlah hlaak dii koot xaau Lôôk.”\n\\p",
  "11": "Wiih đaneq: \\q “Dêq hloay khơl êêp laa tamooi kadrơơy, dayh ayuuôt laat Lôôk; \n\\q\ndêq daak tamooi dayh kacheeu ayuuôt Kadraq.”\n\n\\ts\\*\n\\m",
  "12": "Ê-saai kung đnooy: \\q “Rayah ku Je-sêê hnoq vlok tok, laa Kơy rama truh xôq dưk xanok khơl tamooi kadrơơy. Khơl tamooi kadrơơy hnoq takôô gamưh aduq Kadraq.”\n\n\\ts\\*\n\\p",
  "13": "Juneq, apôôy Kơy Plêêk ku takôô gamưh khienq oh ay glaay tôôy varơuq hlah hlaak ji hrok hrol vii oh ay tuuôq Kadraq, xôq gamưh da uuh ku Lôôk Phool Hiel takôô gamưh hnoq athêêp tok đom oh ay.\n\n\\ts\\*\n\\p",
  "14": "Wơơy oh ay, kadih xăk gô tuuôq đaneq kadih oh ay kung glaay xuum ranưh ranơơy, glơh glaay xa hok, wiih e xuum ahmưưk pato mamuuyq.\n\n\\ts\\*",
  "15": "Bơh gô kung athêêp xuum kôôk đơu vlơk ka oh ay toq leq varơuq, xôq nhăk oh ay vach, bơyh vanoong Kơy Plêêk kahniq ăm,",
  "16": "xôq gô dơơp xapok ku Lôôk Wơt Dêh Jê-xu truh dii khơl tamooi kadrơơy, xôq dưk dơơp varơuq tơk tưp ka hêêl kaxaay ku Kơy Plêêk. Gô pheq dơơp varơuq neq xôq tamooi kadrơơy vlôh jêêk kuah lêêh jah nhonq xok, ji jah Lôôk Yaak Plêêk hlăng tađôôi.\n\\ts\\*",
  "17": "Vii nưq, đom Lôôk Wơt Dêh Jê-xu, gô e kơq xôq akwoe truh varơuq hơu varơuq Kơy Plêêk ku gô.",
  "18": "Vii gô hnoq leh hôôk đnooy truh paq kêê varơuq kajoq kadrơơy đêh vlôh kaluh varơuq đơu Lôôk Wơt Dêh heq dơơp yôôch gamưh gô, xôq jarooy tamooi kadrơơy truh varơuq tameen tyauq, bơơn apok đnooy aluq varơuq dơơp,",
  "19": "bơơn paraat kaalh ku kaluh hlêêl pakêh. pheep pakêh, ji bơơn daa uuh ku Yaak Plêêk Kơy Plêêk. 'Ngưq laa xôq gô hnoq ik dơơp payôôch varơuq dơơp padooh taboon hlêêl kaxaay ku Lôôk Wơt Dêh xing theng Jê-ru-xa-leem ji kaluh dêh gah gih dong truh aduq Y-ly-rii.\n\\ts\\*",
  "20": "Đanưq, xuum trôôch ku gô adroyq neq laa padooh taboon pahêêl kaxaay, bơh leh aalq ka aduq yal Lôôk Wơt Dêh heq jah tameen xet, xôq be huq xơơy tol kahniel ku khơl drơơy.",
  "21": "Bơh đaji e apok vlơk: \\q “Manih koq lưưp jah padooh taboon hêêl kaxaay truh Kadraq hnoq hloq Kadraq, \n\\q \nmanih koq lưưp jah tameen hnoq hlolh.”\n\n\\ts\\*\n\\p",
  "22": "Kung vii nưq đơu 'ngưưng yưk gô biq klơl hlê truh ahlơq oh ay.",
  "23": "Bơh juneq paq măn e aduq leq đom kaluh dêh neq ka gô đnoyq, đom tuôôy tuuôt 'ngưưng xanưm iq gô hloay ươk auu truh ahlơq oh ay.\n\n\\ts\\*\n\n",
  "24": "Dik gô hy vonq hnoq jah tavơh oh ay tol trôôk hooy Taay Baan Nhaa, ji jah oh ay wăk rơơy đom trôôk hooy truh đnư, atêq katuôôy hlah xuum măn dii oh ay đom leh xiik.",
  "25": "Măn juneq gô hnoq hooy Jê-ru-sa-leem xôq adrơk đôô wơt wăk ka khơl tuuôq Lôôk.\n\n\\ts\\*",
  "26": "Vii manih Ma-xêê-đoaan ji A-chaay heq hlah xuum tagoop wăk oh ay adrah pơơl đom khơl tuuôq Lôôk aduq theng Jê-ru-sa-leem.",
  "27": "Dik, oot hlah xuum dơơp varơuq neq vii oot pơq lôôk khơl manih nưq. Vii atoh tamooi kadrơơy jah achung nhonq kaluh vanoong thuôk linh, yôôych oot kung duh hơu varơuq khơl manih hơq truh gơruh anôôp.\n\n\\ts\\*",
  "28": "Nưq, tuôôy gô heq dơơp payôôch kaluh varơuq ji xet kajưk oot heq nhonq jah kaluh gơruh anôôp tagoop, tuôôy nưq gô hnoq hooy Taay Baan Nhaa ji hlê ahlơq oh ay tol trôôk hooy.",
  "29": "Gô xet đaneq tuuôy truh ahlơq oh ay, gô hnoq adrơk tyauq vanoong glơh glaay ku Lôôk Wơt Dêh.\n\n\\ts\\*\n\\p",
  "30": "Wơơy oh ay, bơyh Lôôk haay laa Lôôk Wơt Dêh Jê-xu, ji bơyh xung xiaq ku Yaak Plêêk, gô apôôy vôôch oh ay kung damưq dii gô bơơn trôôk apôôy Kơy Plêêk ka gô.",
  "31": "Oh ay vach apôôy xôq gô jah wơt klơlh khơl adro leh tameen tyauq aduq dêh Ju-đêê, kung đaji xôq varơuq dơơp ku gô aduq Jê-ru-sa-leem hnoq jah khơl tuuôq Lôôk hlah nhonq.",
  "32": "Oh ay vach apôôy xôq bơyh iq trôôch ku Kơy Plêêk, gô hnoq ik halh hlaak truh ahlơq oh ay, ji jah padơơy padoo kung dii oh ay.\n\\ts\\*",
  "33": "Apôôy vôôch Kơy Plêêk langưưp paat măn kung dêq hloay oh ay. A-meen.\n\n\\ts\\*"
}