cor_2020_cua_clt_rom_book/rom/1.json

{
  "1": "Phao-lôô, xapok ku Lôôk Wơt Dêh Jê-xu, jah tayh tajuup dơơp khơl jah rơơlh, di jah rơơlh đêh vii pahêêl kaxaay ku Kơy Plêêk",
  "2": "'Ngeq ji pahêêl kaxaay đơu Kadraq heq taveek xing hnu gơmưh khơl kơy hlit ku Kadraq đom rahlaap Kơy Plêêk",
  "3": "truh Koot Kadraq, kadraq vlôh xing roong nooy ku Đa-vik 'ngưq đnooy truh xak xamơk.",
  "4": "Gamưh Yaak phool hlăng vah, bơơyh varơuq riilh hlê xing aduq kaxêêt, Kadraq jah đnooy ji Koot Kơy Plêêk muuyq kach viik qwuyen da uuh, ‘ngưq ji Lôôk Wơt Dêh Jê-xu, Lôôk ku haay.",
  "5": "Gơmưh Kadraq, 'wot heq jah nhonq xok<strong>âân điênh </strong> di dơơp varơuq khơl jah rơơlh, xôq padooh taboon varơuq tameen apok bơơyh xuum tuuôq vlôh ka dêq hloay kaluh tamooi, vii kơq yal Kadraq.",
  "6": "Katuul khơl tamooi neq, oh ay kung heq jah tayh xôq ji ku Lôôk Wơt Dêh Jê-xu.",
  "7": "HlA jơyq neq atăq truh dêq hloay oh ay kaduq Rô-maa, khơl manih xung xiah ku Kơy Plêêk, jah tayh dơơp tamooi hlăng vah. Apôôy oh ay jah <strong>âân điênh</strong> di hrook hrool xing Kơy Plêêk, Vaq haay, di Lôôk Wơt Dêh Jê-xu.",
  "8": "Adroyq dik, bơơyh Lôôk Wơt Dêh Jê-xu, gô kuh   qwuay Kơy Plêêk gô truh dêq hloay oh ay. vii xuum tuuôq ku oh ay jah đnooy avlôh looch dêq dih dêh.",
  "9": "Vii Kơy Plêêk, ji Plêêk gô xok xuum klaak hơu varơuq gamưh varơuq kung bôq pahêêl kaxaay ku Koot Kadraq, dơơp xanưk đaneq hloay nhăk truh oh ay.",
  "10": "Đom apok apôôy gô hloay apôôy vôôch Kadraq, bơơyh iq xuum Kadraq, atoh e hnoq ik tuôôy leq nưq ăm gô jah truh ahlơq oh ay.",
  "11": "Vii gô aau ươk jah tavơh oh ay, xôq padooh taboon dii oh ay axiit 'ngưưng <strong>phool âân,</strong> xôq wăăk oh ay dưk kaalh paraat.",
  "12": "'ngưq ji gô trôôch jah ahluuk thêêp mamuuyq đong khơl oh ay, bơơyh xuum tuuôq ku mamuuyq, 'ngưq ji ku oh ay di hloay ku gô.",
  "13": "Wơơy oh ay, gô leh trôôch oh ay be xet kajoq truh iq đinq adroy neq ku gô ji truh ahlơq oh ay ( bơh truh tuôôy juneq gô kung măn tavơh pơơl hwơơl), xôq goch vlôôh plaay đom khơl oh ay, kung đaji đom khơl tamooi gôk kadrơy.",
  "14": "Gô tajinq lôôk dêq manih Hy-laap aluq khơl tamooi leh aalq ji Hy-laap, dêq manih <strong>khôôt xet </strong>aluq adro vlôô khưưlq.",
  "15": "Vii nưq, măn phoon gô, gô hloay e xuum kung bôq pahêêl kaxaay ka oh ay kaduq Rô-maa.",
  "16": "Vii gô leh kamưưl truh pahêêl kaxaay, bơơyh nưq ji qwuyen da uuh ku Kơy Plêêk xôq wơơt dêq adro tuuôq, adroyq ji manih Jo-Thaiq, yôôych truh manih Hy-laap.",
  "17": "Bơơyh đom pahlêêl kaxaay nưq e kahnoq vlôh varơuq hyioh jăk ku Kơy Plêêk, xing xuum tuuôq truh xuum tuuôq, đaji e vơlơk:\" Dik, manih hyioh jăk hnoq riilh bơơyh xuum tuuôq.\"  ",
  "18": "Vii kơn tôq jaraq ku Kơy Plêêk xing plêêk jah kahnoq vlôh tachơơl hlê dii kaluh varơuq <strong>vôô đaaoq</strong> di leh hyioh jăk ku khơl drơy, khơl adro xok varơuq leh hyioh jăk ahnaan joaq hyioh jăk.",
  "19": "'Ngưq ji vii varơuq kajoq xet truh Kơy Plêêk yôôych heq trơơ trơơ vlôh kangưưr oot, bơơyh Kơy Plêêk heq a'nhee tađnaah oot.",
  "20": "Vii kaluh varơuq <strong> e 'miêh đom xuum </strong> leh hloq ik ku Kadraq, 'ngưq ji qwuyen da uuh hloay hloay di yaak xuum Kadraq, yôôych xing tuôôy pajêêk panưk plêêk varii heq roh rang, hlolh ik gamưh kaluh vâk heq jah pajêêk panưk, đanưq oot leh e kơq xôq kadook.",
  "21": "'Ngưq ji vii long oot xet truh Kơy Plêêk, bơh oot leh ayuuôt laat Kadraq ji Kơy Plêêk, kung leh kuh qwuay Kadraq. tađôôi muut đnư, oot wuyh yuôôl vlôôh vlôô khưưlq đom iq biit oot, măn xuum adruuy ta'ngok ku oot yuuôl vlôôh mêê phoch.",
  "22": "Oot kadih ăm oot ji khôôt xet, bơh wuyh yuuôl vlôh khưưlq vlôô.",
  "23": "Oot tađôôi tađnaah tađnaak ku Kơy Plêêk leh hmưq hưư hlơơp yuuôl long lơuq ku koot manih dayh hưư hlơơp, kung đaji ku xêêp muung, ôq gôk, di kaluh vool kajêêp. ",
  "24": "Vii nưq, Kơy Plêêk phoq oot ka kaluh xuum trôôch amoh nhơơy ku xuum oot, xôq xak xamơk oot biq nhơơy nhuk đom khơl ji biin oot.",
  "25": "Ji oot ji khơl adro tađôôi hyioh jăk ku Kơy Plêêk  yuuôl varơuq pa ôôh laoq, kuh qwuay di hơu varơuq kaluh vâk jah panưk thaay vii Kơy Plêêk panưk tok, ji Plêêk jah ayuuôt laat hloay hloay. E-men.",
  "26": "Ji vii nưq, Kơy Plêêk heq phoq ka'lăk oot ka kaluh ha aak trôôch adrah dik, di pheq đnooy khơl drê măn tađôôi varơuq xa vik bơơyq e 'miêh yuuôl varơuq xa vik bơơyq tachơơl dii e 'miêh.",
  "27": "Di kung đanưq, khơl kanơu ka'lăk xa vik bơơyq e 'miêh dii khơl drê di ahluk vuh xuum trôôch dii mamuuyq. Oot ji khơl kanơu dơơp varơuq bơơyq baa dii khơl kanơu, di kadih chiuq nhonq xok hmoot dook taxưưnq dii varơuq dơơp bơơyq baa ku ni.",
  "28": "Vii oot leh chiuq nhonq xet Kơy Plêêk, đanưq Kơy Plêêk phoq ka'lăk oot ăm akoq biit jaluuk, xôq oot dơơp kaluh varơuq be aal kajoq.",
  "29": "Oot nheek xôq hlooh kaluh varơuq leh hyioh jăk, xơơk tauuq, haa aak, tôq jaraq. Oot glơơh glaay varơuq gliêh yarơơ, păk kaxêêk manih, ta qwoa takai, pa ôôh laoq di xơuq xuum. Oot 'ngưưng 'ngôôy xarook tameen athêêk bơơyq,",
  "30": "<strong> trôôch pa'hnhiq, thuu yarơơ Kơy Plêêk, pa ôôh xơơk, laa ook,</strong> akwoe, khôôt kheoq dơơp xơk tauuq, di leh tameen tyauq miq vaq.",
  "31": "Oot axiit xahok, leh chun thuuyh, leh e xuum, dơơp ra ơơh. ",
  "32": "Atoh oot xet gơnuun hyioh jăk ku Kơy Plêêk heq đnooy adro dơơp kadrôp kaluh varơuq đanưq ji xưnq kaxêêt, bơh oot leh vơơ dơơp kadrôp kaluh varơuq nưq, đơu măn ahluuk athêêp ka adro kadrơy e kadrôp rơơy.",
  "None": "<strong>Thơ ku Phao-lô</strong><strong>Atăq ka manih</strong><strong> Rô-maa</strong>"
}