See in Reader
24 lines
3.5 KiB
JSON
24 lines
3.5 KiB
JSON
{
|
|
"1": "Wơơy oh ay, xuum trôôch kajoq đom xuum gô ji apok apôôy vôôch ku gô dii Kơy Plêêk thêq ka oot laa xôq oot e varơuq wơơt blaa.",
|
|
"2": "Vii gô dơơp xanưk truh oot đaneq oot e xuum talăng jăk đôôiq dii Kơy Plêêk, bơh leh tyauq varơuq hlolh xet troq jơq.",
|
|
"3": "Kơq be 'yo xet varơuq hyioh jăk ku Kơy Plêêk, ji granq praat xôq dơơp vlôh varơuq hyioh jăk ku đêh oot. Lunưq oot heq leh chiuq tameen 'lăălq varơuq hyioh jăk ku Kơy Plêêk.\n\n\\ts\\*",
|
|
"4": "Vii Lôôk Wơt Dêh laa varơuq dơơp xleep iq đinq ku ganuun xôq jarooy truh varơuq hyioh jăk ka tôôy dro e xuum tuuôq.",
|
|
"5": "Vii Môôi-see vlơk truh varơuq hyioh jăk vlôh xing ganuun, đaneq: \"Adro leq heq dơơp tyauq kaluh varơuq neq, yôôych adro nưq gamưh đnư hnoq riilh.\"\n\n\\ts\\*",
|
|
"6": "Bơh varơuq hyioh jăk gamưh xuum tuuôq đnooy luneq: \"Te đnooy đom xuum haay đaneq: ' Kơyq hnoq tok truh plêêk?' (iq laa, xôq tawaay Lôôk Wơt Dêh pôôt).",
|
|
"7": "Long: ' Akơyq hnoq pôôt truh bưk jaruq?\"' ( iq laa, xôq tawaay Lôôk Wơt Dêh tok xing aduq kaxêêt.)\n\n\\ts\\*",
|
|
"8": "Wiit hlê, varơuq nưq đnooy luleq? \\q “Apok măn jeq koot, đom huuy koot ji đom xuum koot.”\\p Nưq laa apok xuum tuuôq đơu 'wot đnooy avlôh.",
|
|
"9": "Vii atoh oh ay xưng nhonq Jê-xu laa Lôôk bơơn huuy veel oh ay, ji oh ay tuuôq đom xuum oh ay đaneq Kơy Plêêk heq khienq Kadraq riilh hlê xing aduq kaxêêt, yôôych oh ay hnoq jah wơơt.",
|
|
"10": "Vii kơyq gamưh xuum tuuôq gamưh yôôych jarooy truh varơuq hyioh jăk, măn kơyq gamưh huuy xưng nhonq yôôych jarooy truh varơuq wơơt blaa.\n\\ts\\*",
|
|
"11": "Vii Rahlăăp Vah vlơk: \"Akơyq tuuôq Kadraq yôôych hnoq leh biq kamưưl.\"",
|
|
"12": "Bơyh be e varơuq kahraa katuul manih Jo Thaiq ji manih Hy Laap. Lôôk neq laa Lôôk ku dêq hloay tôôy dro ji Kadraq karoh e đôôiq dii tôôy dro taayh apôôy Kadraq.",
|
|
"13": "Akơyq taayh apôôy yal Lôôk hnoq jah wơơt.\n\\ts\\*",
|
|
"14": "Bơh dơơp aleq oot hnoq ik taayh apôôy Kơy đơu oot koq lưưp tuuôq? Dơơp aleq oot hnoq ik tuuôq Kơy đơu oot koq lưưp tameen? Dơơp aleq oot hnoq ik tameen atoh leh e manih padooh taboon?",
|
|
"15": "Ji padooh taboon đaleq atoh leh akơyq jah patăk hooy? - Đaji e vlơk đaneq, \"Plaa jôôk manih padooh taboon hêêl kaxaay dik tamaq kaxaay xet dong leq!\"\n\n\\ts\\*\n\\p",
|
|
"16": "Bơh be aalq kơyq kung tameen tyauq hêêl kaxaay. Vii Ê-saai e đnooy: \"Kuh Lôôk, kơyq heq tuuôq apok pato dayq ku 'wot?\"",
|
|
"17": "Nưq xuum tuuôq jah e laa gamưh tameen, đơu tameen laa gamưh e apok ku Lôôk Wơt Dêh.\n\n\\ts\\*",
|
|
"18": "Bơh, ăm gô vôôch: “Jơq be oot leh jah tameen?” Kajưk dik laa e tameen. \\q “Apok ku oot heq ahnaa vlôh loch vari, \\q ji apok oot dok truh kaluh aduq lôôch dik ku dih dêh.”\n\n\\ts\\*\n\\m",
|
|
"19": "Iaq đnoyq, ăm gô vôôch: “ Jơq be manih I-sơ-ra-el leh xet?” Adroyq dik, Môôi-see e đnooy: \\q “Gô hnoq khienq khơl êêp jaraq yarơơ dii adro leh aalq laa muuyq tamooi. \\q Gô hnoq dơơp khơl êêp tôq jaraq bơyh muuyq tamooi be e varơuq hlolh xet.”\n\n\\ts\\*\n\\m",
|
|
"20": "Yôôych Ê-saai kung kaalh xuum đnooy: \\q “Khơl adro be akhiim axek Gô wiih jah tavơh gô,\n\\q\nGô heq kahnoq xăk vlôh ka khơl adro be axek apôôy Gô.”\n\\m",
|
|
"21": "Bơh dii manih I-sơ-ra-el yôôych Lôôk xanooh: “Tuuôt ka hngơy Gô tơk tii vlôh wiih kơn muuyq tamooi leh chiuq tameen ji tachơơl hlê.”\n\n\\ts\\*"
|
|
}
|