See in Reader
26 lines
3.6 KiB
JSON
26 lines
3.6 KiB
JSON
{
|
||
"1": "Dayh tiip nhonq adro axiit xuum tuuôq, te xưh xadrah truh kaluh varơuq dơơp takaai tayaat.",
|
||
"2": "E khơl tuuôq laa xa ik dêq valong kajoq bơh manih ravoch vơơ xa kaxeq heq.\n\n\\ts\\*",
|
||
"3": "Khơl xa ik dêq kaluh kajoq te khiin liq adro leh xa. Đơu adro leh xa ik kaluh kajoq kung te xưh xadrah adro xa. Vii Kơy Plêêk heq tiip nhonq ay nưq.",
|
||
"4": "Ay laa akơyq đơu hôôk xưh xadrah xapok ku khơl drơơy? Ay nưq dưk long gưưlh raay măn kangưưr kôôch ni. Bơh ay nưq hnoq dưk, vii Lôôk hnoq ik khienq ay nưq dưk.\n\\ts\\*",
|
||
"5": "E adro 'yo hngơy neen kôt glơơh iaq hngơy hơơq. Bơh khơl drơơy yôôych 'yo tôôy hngơy raay lunưq dêq. Tôôy adro dayh tuuôq kajưk đom akoq biit haay.",
|
||
"6": "Manih jưư hngơy laa jưư vii Lôôk. Manih xa laa xa vii Lôôk, vii manih nưq kuh kwaay Kơy Plêêk. Khơl leh xa kung leh xa vii kơq Lôôk, kung kuh kwaay Kơy Plêêk.\n\n\\ts\\*",
|
||
"7": "Leh ekơyq đom haay riilh ka kadih haay, kung be ekơyq kaxêêt vii haay.",
|
||
"8": "Vii atoh haay riilh, laa riilh ka Lôôk, ji atoh haay kaxêêt, laa kaxêêt ka Lôôk. Nưq, long haay riilh jơu kaxêêt, yôôych haay raay laa manih ku Lôôk.",
|
||
"9": "'Ngưq laa ka iq neq đơu Lôôk Wơt Dêh heq kaxêêt ji riilh hlê, xôq Kadraq dơơp Lôôk ku tôôy adro kaxêêt ji adro riilh.\n\n\\ts\\*",
|
||
"10": "Bơh ay hơq, aleq ay wiih xưh xadrah oh ay haay? Măn ay, aleq wiih 'yo paq ra kajoq oh ay haay? Vii dêq hloay haay hnoq dưk kangưưr ngaai xưh xadrah ku Kơy Plêêk.",
|
||
"11": "Đaji e apok vlơk: \\q\n “Lôôk xanoh: ‘ Đaji Gô hloay riilh, tôôy takuul hnoq kuul apôôt kangưưr Gô, \n\\q \nji tôôy kapiek hnoq xưưng nhonq kadrôp dii Kơy Plêêk.’”\n\n\\ts\\*\n\\m",
|
||
"12": "Nưq, tôôy adro đom haay hnoq đnooy tauq avlôh truh haay ka Kơy Plêêk.\n\\p",
|
||
"13": "Nưq, haay te xưh xadrah mamuuyq đnoyq, bơh tađôôi vii nưq, dayh qweet đinq leh xôq kuk phơu xatôôl jôôk long dăk rayuulh ka oh ay haay.\n\n\\ts\\*",
|
||
"14": "Gô xet ji tuuôq kajưk đom Lôôk Jê-xu, đaneq leh e valong kajoq kadih ni laa a'mooh nhơơy. Vơơ adro leq 'yo varơuq kajoq laa a'mooh nhơơy, yôôych ni laa a'mooh nhơơy đôôiq dii adro nưq heq.",
|
||
"15": "Atoh vii tuôông xa đơu dơơp ka oh ay haay biq jiq xuum, yôôych oh ay paq măn tawaak hooy đom xuum xung xiaq đnoyq. Te xok tuôông xa păk kaxêêt manih đơu Lôôk Wơt Dêh heq kaxêêt thêq.\n\\ts\\*",
|
||
"16": "Nưq te xôq varơuq oh ay 'yo laa kaxaay tamaq biq đnooy laa xơơk.",
|
||
"17": "Vii daak dêh ku Kơy Plêêk leh aalq laa truh varơuq tuôông xa, tuôông hôôch, đơu laa truh varơuq hyioh jăk, hrok hrol, ji hlah hlaak đom Lôôk Phool Hiel.\n\n\\ts\\*",
|
||
"18": "Vii akơyq hơu varơuq Lôôk Wơt Dêh tyauq trôôk neq yôôych jah Kơy Plêêk hlah xuum ji jah koot manih vado.",
|
||
"19": "Nưq, haay dayh chrơơk tyauq varơuq tawaay hlê taguu ji wăk ahmưưk nhăk mamuuyq.\n\\ts\\*",
|
||
"20": "Te vii varơuq tuôông xa đơu phaq ka'lăk varơuq ku Kơy Plêêk. dik, tôôy tuôông raay vah xarêh, bơh manih leq xa xôq yôôych dơơp gưưlh lôôp yôôych xơơk dik.",
|
||
"21": "Toolh iaq te xa ôq, hôôch lok long dơơp paq kêê varơuq kajoq dơơp oh ay haay xatôôl gưưlh, lôôp kadrôp, long vlôh ravoch.\n\n\\ts\\*",
|
||
"22": "Xuum tuôôq oh ay e jah yôôych kưq jưư xok ka xăk kangưưr Kơy Plêêk. Vanong ka adro leh kadih rôp kadrôp ni bơyh varơuq ni 'yo laa jơq.",
|
||
"23": "Akơyq biit ravơq đơu kung xa yôôych biq atok xadrah, vii varơuq nưq leh truh xing xuum tuuôq. Varơuq kajoq leh aalq xing xuum tuuôq raay laa kadrôp.\n\\ts\\*"
|
||
}
|