cor_2020_cua_clt_rom_book/rom/8.json

{
  "1": "đa nưq juu neq paq măn e varơuq xưư xadrah leq ka khơl adro măn đom Kơy Jê-xu Christ;",
  "2": "ji gơnuun ku Kơy Yaak varơuq riilh heq nhơơ Kơy Jê-xu Christ luuh ka’lăk gô  klơlh gơnuun ku varơuq kadrôp ji varơuq kaxêêt.",
  "3": "ji varơuq kajoq gơnuun be dơơp ik, ‘ngưq ji xak xơmơk dơơp ka gơnuun vlôh be kaal paraat, ưnq nưq Kơy Plêêk heq dơơp yôôych: Kadraq heq ji kơq kadrôp maroh patăk di Koot ku KaDraq xok xak xơmơk dang ji xak xơmơk kadrôp maroh di haay, ji heq xưư xadrah kadrôp maroh đom xak xơmơk,",
  "4": "xôq ka varơuq hyioh jăk đơu gơnuun păch phayh dơơp dong yôôych đom haay, ji adro be dơơp tyauq xak xơmơk, bơh dơơp tyauq Kơy Yaak.",
  "5": "dik đanưq, adro riilh tyauq xak xơmơk ji ‘yo akhiim kaluh varơuq ku xak xơmơk; măn adro riilh tyauq Kơy Yaak ji ‘yo akhiim kaluh varơuq ka Kơy Yaak.",
  "6": "nưq, ‘yo akhiim xak xơmơk ahleh vlôh varơuq kaxêêt, măn ‘yo akhiim Kơy Yaak ahleh vlôh varơuq riilh ji langưưp paat;",
  "7": "ji varơuq ‘yo akhiim ku xak xơmơk tachơơl di Kơy Plêêk, ji ni be tameen tyauq gơnuun ku Kơy Plêêk, bơh kung be ik tameen tyauq",
  "8": "nưq, khơl adro riilh tyauq xak xơmơk, hnoq be ik tamaq kaxaay xuum Kơy Plêêk.",
  "9": "măn phoon oh ay, atoh dik plaay Kơy Yaak Kơy Plêêk măn đom xak, hnoq be riilh tyauq xak xơmơk ‘leq, bơh tyauq Kơy Yaak; bơh atoh akơyq be e Kơy Yaak ku Kơy Christ, nưq manih nưq be aalq ji manih ku KaDraq.",
  "10": "nưq atoh Kơy Christ măn đom oh ay, đa nưq xak xơmơk kaxêêt nhơơ kơq kadrôp maroh, măn phool yaak riilh nhơơ kơq varơuq hyioh jăk.",
  "11": "ji atoh Kơy Yaak ku Kơy dơơp ka Kơy Lôôk Jê-xu riilh hlê xing aduq khơl kaxêêt măn đom oh ay, nưq Kơy dơơp ka Kơy Lôôk Jê-xu Christ riilh hlê xing aduq khơl kaxêêt kung hnoq nhơơ Kơy Yaak KaDraq măn đom oh ay đơu khien xak xơmơk trôôch kaxêêt ku oh ay riilh hlê. ",
  "12": "nưq, nee oh ay, haay paq e lôôk ka xak xơmơk ‘leq, xôq riilh tyauq xak xơmơk.",
  "13": "dik đanưq, atoh oh ay riilh tyauq xak xơmơk hnoq phayh kaxêêt; bơh atoh nhơơ Kơy Yaak, dơơp kaxêêt kaluh varơuq ku xak xơmơk, đanưq oh ay hnoq riilh.",
  "14": "ji dêq hloay adro leq jah Kơy Yaak ku Kơy Plêêk pato jarooy, ‘ngưq ji koot ku Kơy Plêêk.",
  "15": "dik oh ay be laaiq nhoonq xok phool yaak ku xapok xôq măn đom varơuq yôq varaar; bơh heq nhoonq xok phool yaak ku varơuq dơơp koot nuui,  ji nhơơ đnư haay taayh đa neq: A ba! Vaq!",
  "16": "‘ngưq ji Kơy Yaak dơơp xanưk ka xuum haay đa neq haay ji koot xauu ku Kơy Plêêk.",
  "17": "đa nưq atoh haay ji koot xauu, nưq kung ji adro dưk katôôl: Adro dưk katôôl Kơy Plêêk ji adro kung dưk katôôl di Kơy Christ, atoh haay chiuq jiq jiêh ji KaDraq, xôq kung jah tađnaah tađnaak di KaDraq.",
  "18": "nưq, gô biit đa neq kaluh varơuq jiq jiêh juu neq be đool tađo di varơuq tađnaah tađnaak xung truh, ji varơuq hnoq kahnoq vlôh đom haay,",
  "19": "dik đa nưq, dêq hloay <strong>muôn vật ao ước nóng nãy</strong> đơu takôô koot xauu Kơy Plêêk jah kahnoq vlôh.",
  "20": "ji <strong>muôn vật</strong> heq biq păch tameen tyauq varơuq hưư hlơơp, be aalq tyauq xuum oot, ‘ngưq ji kơq Kơy păch tameen tyauq.",
  "21": "<strong>muôn vật</strong> mong đa neq oot kung hnoq jah wơt klơlh dơơp xapok ku varơuq hưư naat, xôq jah jưq phoon đom varơuq <strong>tự do</strong> tađnaah tađnaak ku koot xauu Kơy Plêêk.",
  "22": "ji haay xet đa neq <strong>muôn vật</strong> dêq hloay heq pa eek ji chiuq plơơl hwơơl truh hngơy juu neq;",
  "23": "bee aalq <strong>muôn vật</strong> hloh ‘leq, măn haay đnoyq, ji adro e plaay adrooy dik ku Kơy Yaak, kung paa eek đom xuum, đong tuôôy takôô dơơp koot nuui, ‘ngưq ji varơuq wơt xok xak xơmơk haay đanưq.",
  "24": "ji haay jah wơt đom varơuq tuuôq takôô, bơh tuôôy khơl drơy heq hloq varơuq haay takôô yôôych, ‘ngưq bee aalq takôô đnoyq; haayy hloq yôôych, a’leq măn takôô dơơp ka joq?",
  "25": "yôôych atoh haay takôô varơuq haay bee hloq, ‘ngưq ji haay takôô varơuq nưq bee katơk daglơơh.",
  "26": "kung muuyq đa nưq, Kơy Yaak wăk ka varơuq be nôôiq ku haay, ji haay be xet varơuq haay vôôch đơu apôôy dong xưưnq; bơh di Kơy Yaak xok varơuq paa eek be đnooy vlôh ik đơu apôôy ka haay.",
  "27": "Kơy ‘yo hloq xuum manih xet hlolh xuum klaak ku Kơy Yaak ji đa leq, ji đa nưq di tyauq trôôk Kơy Plêêk đơu KaDraq apôôy thaay ka khơl tuuôq KaDraq đa nưq.",
  "28": "nưq, haay xet đa neq kaluh varơuq anguuk hlê dơơp ich ka adro xung xiaq Kơy Plêêk, ‘ngưq ji ăm ka adro jah taayh tyauq iq trôôk  KaDraq heq đnooy.",
  "29": "ji khơl adro KaDraq heq xet adroyq, KaDraq kung heq đinq ‘miêh xôq ji dang đa ji long lơuq Koot KaDraq, xôq ka Koot neq jah dơơp Koot ưnq ma ay măn katuul ‘ngưưnq oh ay;",
  "30": "măn khơl adro KaDraq heq đinq ‘miêh, KaDraq kung heq taayh, khơl adro KaDraq heq taayh, KaDraq kung heq xưưng ji hyioh jăk, ji khơl KaDraq heq xưưng ji hyioh jăk, KaDraq kung heq dơơp ăm tađnaah tađnaak.",
  "31": "đa nưq haay hnoq đnooy dơơp đa leq? Atoh Kơy Plêêk wăk haay, măne akơyq tachơơl di haay?",
  "32": "KaDraq heq be tiêêk Koot KaDraq, bơh ji haay dêq hloay đơu kahniq ăm Koot nưq, be aalq KaDraq kung kahniq ăm kaluh varơuq hloay di Koot nưq ăm ka haay be aalq?",
  "33": "akơyq hnoq kiênq khơl jah rơơlh ku Kơy Plêêk? Kơy Plêêk ji Plêêk xưưng hyioh jăk ka khơl adro nưq.",
  "34": "akơyq hnoq xưư xadrah oot uyh? Kơy Jê-xu Christ ji Kơy heq kaxêêt, ji kung heq riilh hlê đnoyq, KaDraq đong măn pi akoh Kơy Plêêk, apôôy thaay ka haay.",
  "35": "akơy hnoa aklah vlôh klơlh varơuq xung xiaq ku Kơy Christ? E jơq plơơl hwơơl, parêq paơh, rôôp toop, pangoot thaal, măn lalôôk, thiek gơơm, long ji xiah daoq be?",
  "36": "đa ji evlơk đa neq:Ji kơq KaDraq, wot biq păk kaxêêt tuôôy hngơy;Oot ‘yo wot đa ji trưưu xôq adrơk truh tabôôk dơơp ôôq. ",
  "37": "ngươk hlê, đom kaluh varơuq nưq, haay nhơơ Plêêk xung xiaq haay đơu hơơn glơh iaq đnoyq.",
  "38": "ji gô tuuôq kajưưk đa neq long kajoq varơuq kaxêêt, varơuq riilh, kaluh Kơy Hơu, khơl adro dưk xanưk qwuyên, varơuq juu neq, varơuq hnoq truh, qwuyên pheep,",
  "39": "bê jơơt, long bê jaruq, long muuyq ka joq, hnoq be ik aklah haay klơlh varơuq xung xiaq đơu Kơy Plêêk heq xanưk ka haay đom Kơy Jê-xu Christ, ji Lôôk ku haay."
}