34 lines
4.7 KiB
JSON
34 lines
4.7 KiB
JSON
{
|
||
"1": "Nưq yôôych manih Jo-Thaiq e kajoq glơh iaq? ji ka'leq laa e iit ku varơuq goch kađuh?",
|
||
"2": "E iit truh 'ngưưng panưh. Vii, adroyq dik, oot nhonq jah varơuq kahnoq tauq ku Kơy Plêêk.",
|
||
"3": "Bơh atoh e taleq dro manih Jo-Thaiq leh e <strong>xuum tuuôq</strong> yôôych aleq? Xuum <strong>leh tuuôq</strong> ku oot leh dơơp ka varơuq <strong>jưư apok </strong> ku Kơy Plêêk jêêk vlôh hưư hlơơp ih?",
|
||
"4": "Leh hmưq 'leq. Tađôôi vii nưq, apôôy akơyq kung hloq Kơy Plêêk laa jưư apok, tabơh dêq hloay koot manih raay laa adro đnooy pa ôôh lar. Đaji e vlơk: \"Apôôy Kadraq jah kahnoq vlôh laa hyioh jăk đom apok Kadraq đnooy xanooh, ji Kadraq jah jaah jaay tuôôy Kadraq xưưh xadrah.\"",
|
||
"5": "Bơh atoh varơuq leh hyioh jăk ku haay kahnoq vlôh varơuq hyioh jăk ku Kơy Plêêk, yôôych haay hnoq ik đnooy kajoq đnoyq? Kơy Plêêk leh hyioh jăk tuôôy Kadraq kahrii tôq jaraq be? (Gô đnooy tyauq trôôk athêêk tagêh ku koot manih.)",
|
||
"6": "Leh hmưq 'leq e varơuq nưq! Nưq, Kơy Plêêk hnoq xưưh xadrah dêh araak đa leq?",
|
||
"7": "Vii atoh hyioh jăk ku Kơy Plêêk bơyh varơuq đnooy pa ôôh ku gô dơơp Kadraq jah tađnah tađnaak athêêp 'ngưưnq, yôôych aleq gô wiih biq xưưh xadrah đaji muuyq adro e kadrôp?",
|
||
"8": "Aleq haay wiih leh đnooy: \"Dayh dơơp varơuq xơơk xôq jah varơuq kaxaay, \"đaji muuyq sôôq adro pahniq bơơyq ka 'wot ji hôôk đnooy 'wot đnooy đanưq? Varơuq hmơơt dook xôq ka oot laa jơq yôôych.",
|
||
"9": "Nưq iq laa aleq? Haay e kajoq glơơh iaq be? Dêq hloay leh e. Vii 'wot heq đnooy đaneq dêq manih Jo-Thaiq aluq manih Hy-Laap 'ngưq laa dêq koot manih - raay măn pi'lăălq qwuyen kadrôp maroh.",
|
||
"10": "Đaji e vlơk: \"Be e manih leq hyioh jăk, leh e kơyq.",
|
||
"11": "Leh e kơyq hlolh xet. Leh e kơyq akhiim axek Kơy Plêêk.",
|
||
"12": "Oot raay wiih katool hooy. Oot raay kung mamuuyq vlôh be ik xung liq. Be muuyq dro dơơp varơuq kaxaay, long muuyq dro kung leh e. ",
|
||
"13": "Ranong oot laa xanưưng luh. Kapiek oot pa ôôh lar. 'Lăălq veel oot laa nôôk voolh.",
|
||
"14": "Huuy oot viik varơuq karoay axaap ji jiq xuum. ",
|
||
"15": "Plaa jôôk oot talang jăk hooy tagaay kahrôôq vahaap.",
|
||
"16": "Tol trôôk oot hooy dalơh hlê laa varơuq kaxêêt hlơơp ji jiq xuum.",
|
||
"17": "Oot be xet trôôk hooy taguu. ",
|
||
"18": "Kangưưl mot oot be e varơuq 'yo yôq Kơy Plêêk.\"",
|
||
"19": "Haay xet kaluh kajoq ganuun pato laa pato ka manih măn pi’lăălq ganuun. 'Ngưq laa xôq huuy akơyq kung hnoq hôôp hnhep, ji dêq hloay manih araak raay pheq chiuq varơuq xưh xadrah kangưưl Kơy Plêêk.",
|
||
"20": "Jo đanưq laa vii, kangưưl Kơy Plêêk, be manih leq jah 'yo hyioh jăk xing varơuq dơơp tyauq ganuun. Vii gơmưh ganuun đơu khơl drơơy xet kadrôp. ",
|
||
"21": "Bơh juneq, varơuq hyioh jăk ku Kơy Plêêk, 'miêh jah dơơp xanưk gơmưh ganuun ji Khơl hlit, heq jah kahnoq vlôh pi gôk ganuun,",
|
||
"22": "‘ngưq laa varơuq hyioh jăk ku Kơy Plêêk, gơmưh xuum tuuôq aduq Lôôk Wơt Dêh Jê-xu, xôq ăm tôôy adro tuuôq. Be e varơuq 'yo aklah leq dêq.",
|
||
"23": "Vii tôôy dro raay heq lôôp kadrôp ji huut hlơơp tađnah tađnaak ku Kơy Plêêk,",
|
||
"24": "ji oot jah 'yo laa hyioh jăk gơmưh vanong kaxaay Kadraq đơu leh duh pheq blaa jêêt, gơmưh varơuq wơơt blaa đom Lôôk Wơt Dêh Jê-xu.",
|
||
"25": "Vii Kơy Plêêk heq kahniq ăm Lôôk Wơt Dêh Jê-xu dơơp kuah lêêh blaa kadrôp gơmưh xuum tuuôq aduq vahaap Kadraq. Kadraq kahniq Lôôk Wơt Dêh dơơp xanưk kơq truh varơuq hyioh jăk ku Kadraq, vii Kadraq heq ka’lăk dêq kadrôp maroh tuôôy adroyq,",
|
||
"26": "bơyh xuum nhinq nhuk Kadraq. 'Ngưq laa xôq kahnoq vlôôh varơuq hyioh jăk ku Kadraq đom tuuôy juneq, Kadraq laa hyioh jăk, ji xưng hyioh jăk manih e xuum tuuôq aduq Lôôk Jê-xu.",
|
||
"27": "Nưq, varơuq akwoe akwaak leq yôôych? Heq biq ka'lăk vlôôh. Tol kahneel talaat leq? Ku varơuq dơơp be? Leh aalq, đơu laa tol kahneel talaat xuum tuuôq.",
|
||
"28": "Nưq, haay riit hlê đaneq khơl drơy jah xưng hyioh jăk gơmưh xuum tuuôq đơu leh duh truh varơuq dơơp tyauq ganuun.",
|
||
"29": "Long jơq be Kơy Plêêk vơơ laa Kơy Plêêk ku manih Jo-Thaiq heq? Be aalq Kadraq kung laa Kơy Plêêk ku manih tamooi kadrơơy ih? Jơq, ku dêq manih tamooi kadrơơy đnoyq.",
|
||
"30": "Dik, atoh vơơ e muuyq Kơy Plêêk, yôôych Kadraq hnoq xưng hyioh jăk manih chiuq goch kađuh gơmưh xuum tuuôq, ji hloay manih leh goch kađuh kung gơmưh xuum tuuôq.",
|
||
"31": "Nưq, jơq be haay gơmưh xuum tuuôq đơu ka’lăk ganuun? Leh dong leq e varơuq nưq. aweek hlê, haay dơơp kajưưk khăk ganuun."
|
||
}
|