cor_2020_cua_clt_rom_book/rom/8.json

{
  "1": "Vii nưq, juneq be e varơuq kajoq rôp kadrôp khơl manih măn đom Lôôk Wơt Dêh Jê-xu.",
  "2": "Vii gơnuun ku Yaak Plêêk varơuq riilh đom Lôôk Wơơt Dêh Jê-xu heq wơơt xaloot gô klơlh gơnuun ku kadrôp maroh ji varơuq kaxêêt.",
  "3": "Varơuq gơnuun leh dơơp ik jo biq xak xơmơơk  dơơp vlôh êuq loon yôôych Kơy Plêêk heq dơơp. Kadraq heq patăk ji Koot Kadraq truh pơơq xok xak xơmơơk dang đaji xak xơmơơk kadrôp maroh xôq dơơp ku lêêh wơơt kadrôp, ji Kadraq heq rôp xadrah kadrôp maroh đom xak xơmơơk.",
  "4": "Kadraq dơơp anưq xôq kaluh đooy vôôch ku gơnuun jah dơơp  yuuôl đom haay, adro leh tawaak tyauq xak xơmơơk, bơh tyauq Yaak Plêêk.",
  "5": "Adro riilh tyauq xak xơmơơk tabôông muut kaluh varơuq ku xak xơmơơk, bơh manih riilh tyauq Yaak Plêêk tabôông muut kaluh varơuq ku Yaak Plêêk.",
  "6": "Tabôông muut xak xơmơơk yôôych kaxêêt, măn tabôông muut Yaak Plêêk yôôych jah riilh  ji langưưp paat.",
  "7": "'Ngưq ji vii xuum biit tabôông 'ngưưng muut xak xơmơơk tachơơl hlê dii Kơy Plêêk, bơyh ni leh tameen tyauq gơnuun ku Kơy Plêêk, jo ni leh ik tameen tyauq ik.",
  "8": "Manih riilh tyauq xak xơmơơk hnoq leh ik dơơp maat xuum Kơy Plêêk.",
  "9": "Jin anưq, oh ay leh măn đom xak xơmơơk, đơu ji đom Yaak Plêêk, atoh dong dik Yaak Plêêk ku Kơy Plêêk riilh đom oh ay. Măn akơyq leh e Yaak Plêêk ku Lôôk Wơt Dêh, yôôych manih nưq leh aalq ku Kadraq.",
  "10": "Atoh Lôôk Wơt Dêh măn đom oh ay, yôôych xak xơmơơk kaxêêt đôôiq dii kadrôp maroh, bơh tââm liinh wuyh riilh đôôiq dii varơuq hyioh jăk.",
  "11": "Atoh Yaak Plêêl ku Plêêk heq khienq Lôôk Jê-xu riilh hlê xing aduq kaxêêt riilh đom oh ay, yôôych Plêêk heq khienq Lôôk Wơt Dêh Jê-xu riilh hlê xing aduq kaxêêt kung hnoq gơmưh Yaak Plêêk Kadraq riilh đom oh ay đơu kahniq varơuq riilh ka xak xơmơơk hnoq kaxêêt ku oh ay.",
  "12": "Nưq, 'wơơy oh ay, haay paq e lôôk xak xơmơơk xôq phayh riilh tyauq xak xơmơơk.",
  "13": "Vii atoh oh ay riilh tyauq xak xơmơơk, oh ay hnoq kaxêêt, măn atoh oh ay gơmưh Kơy Yaak dơơp kaxêêt kaluh varơuq ku xak xơmơơk yôôych oh ay hnoq riilh.",
  "14": "Khơl manih jah Kơy Yaak ku Kơy Plêêk pato jarooy ‘ngưq ji koot ku Kơy Plêêk.",
  "15": "Vii oh ay leh nhonq jah phool xapok ramaa xak xôq hlê phayh yôq varaar. đôôi muut đnư, oh ay heq nhonq jah Yaak Plêêk ku manih dơơp koot văch, gơmưh đnư haay tayh: \"A ba, Vaq!\"",
  "16": "‘Ngưq ji Kơy Yaak dơơp xanưk ka xuum phool  haay đaneq haay ji koot xaau Kơy Plêêk.",
  "17": "Atoh haay laa koot xauu, yôôych haay kung laa manih dưk katôôl, manih dưk katôôl Kơy Plêêk. Haay ji manih kung dưk katôôl dii Lôôk Wơt Dêh, atoh haay dong dik chiuq pơơl dii Kadraq, xôq kung jah tađnaah tađnaak dii Kadraq.",
  "18": "Vii gô biit đaneq kaluh jiq jiêh đom đơơy neq be đool tađoo dii tađnaah tađnaak hnoq jah kahnoq ka haay,",
  "19": "Kaluh araak <strong> keen pa uuk xuum</strong> takôô koot xauu Kơy Plêêk jah kahnoq vlôh.",
  "20": "Vii <strong>kaluh araak</strong> heq phayh chiuq tameen tyauq varơuq hưư hlơơp, be aalq vii tyauq xuum oot trôôch, bơh bơyh Plêêk păch oot phayh tameen tyauq, dii hy voong kajưk dik",
  "21": "đaneq<strong>oot</strong> hnoq \n jah wơt khơl xak dơơp xapok ka varơuq hưư hlơơp, ji jah hươnh varơuq <strong>luh hween</strong> đom tađnaah tađnaak ku koot xauu Kơy Plêêk.",
  "22": "Vii haay xet đaneq <strong>dêq hloay kaluh araak</strong> kung pa uuk ji pơơl hwơơl đom jiq jiêh truh hngơy juneq.",
  "23": "Leh Vơơ anưq, <strong>đơu hloay haay,</strong> adro e raak plaay adroyq dik ku Yaak Plêêk pheq đnooy laa haay kung alo ook đom xak, đong tuôôy takôô jah dơơp koot văch, 'ngưq ji varơuq wơt chuôk xak xamơơk haay.",
  "24": "Vii haay jah wơt đom xuum hy voonq kajưk neq. Hy voonq đơu hloq ik yôôych be aalq laa hy voonq. Vii akơq be laayq hooy hy voonq varơuq oot heq hloq?",
  "25": "Bơh atoh haay hy voonq kajưk dik truh varơuq haay bee hloq, ‘ngưq ji haay wêêt xuum takôô varơuq nưq.",
  "26": "Dang đanưq, Yaak Plêêk kung wăk đom varơuq leh kaalh ku haay, vii haay be xet phayh apôôy đaleq, bơh laa Kơy Yaak xok apok aloo ook be ik đnooy vlôh xarooy xôq apôôy thaay ka haay.",
  "27": "Plêêk ‘yo hloq xuum manih xet hlolh xuum biit ku Yaak Plêêk, vii Kadraq apôôy thaay ka khơl tuuôq kadraq tyauq iq trôôch ku Kơy Plêêk.",
  "28": "Haay xet đaneq Kơy Plêêk anguuk angoop kaluh varơuq hlê dii mamuuyq vii e ich ku adro xung xiaq Kadraq, ‘ngưq ji ăm khơl adro jah taayh tyauq iq trôôk ku Kadraq.",
  "29": "Vii adro Kadraq heq xet adroyq, yôôych Kadraq kung heq đinq ăm oot vlôh jêêk dang đaji long lơuq ku Koot Kadraq, xôq Koot nưq jêêk vlôh Koot ay katuul ‘ngưưng oh ay.",
  "30": "Ji adro Kadraq heq đinq ‘miêh, yôôych Kadraq kung heq taayh. Adro Kadraq heq taayh, yôôych Kadraq kung heq xưưng laa hyioh jăk. Ji adro Kadraq heq xưưng laa hyioh jăk, yôôych Kadraq kung heq dơơp ăm tađnaah tađnaak.",
  "31": "Nưq, haay hnoq đnooy đa leq truh kaluh varơuq neq? Atoh Kơy Plêêk wăk haay, yôôych măn akơyq tachơơl hlê haay?",
  "32": "Plêêk be tiêêk Koot ku Kadraq, bơh heq vii dêq hloay haay đơu kahniq Koot nưq, wuyh be kahniq dêq kaluh varơuq kung dii Koot nưq ka haay ih?",
  "33": "Akơyq hnoq kiênq kadrôp manih jah rơơlh ku Kơy Plêêk? Kơy Plêêk laa Plêêk xưưng hyioh jăk.",
  "34": "Akơyq laa manih hnoq rôp xadrah? Lôôk Wơt Dêh Jê-xu, Plêêk heq kaxêêt - ji iaq nưq đnoyq, heq riilh hlê, juneq kung đong 'ngôôy pi tii akoh Kơy Plêêk, apôôy thaay ka haay.",
  "35": "Akơy hnoq aklah vlôh haay klơlh xung xiaq ku Kơy Christ? E jơq be jiq jiêh, parêq parơh, rôôp toop, pangoot thaal, lalôôk, thiek gơơm, long xiah jaoq?",
  "36": "Đaji e apok vlơk: Vii kơq Kadraq đơu tuôôt hngơy 'wot koot biq păk kaxêêt. 'Wot koot biq 'yo đaji trưưu adrơk hooy  dơơp ôôq.\"",
  "37": "Ngươk hlê, đom kaluh varơuq xalih vlôh, haay rah paraat đăk thănq gơmưh Plêêk xiaq haay.",
  "38": "Vii gô tuuôq kajưk đaneq long atoh laa varơuq kaxêêt, varơuq riilh, Kơy Hơu, padrok dêh, kaluh varơuq juneq, kaluh varơuq hnoq truh, qwuyen lưk,",
  "39": "bê jơơt, bê jaruq, long bâk ky kaluh araak leq đnoyq, kung leh ik aklah vlôh haay klơlh xung xiaq ku Kơy Plêêk, 'miêh măn đom Lôôk Wơt Dêh Jê-xu, Lôôk haay."
}