See in Reader
26 lines
4.1 KiB
JSON
26 lines
4.1 KiB
JSON
{
|
||
"1": "Nưq haay hnoq đnooy đaleq? Jơq be haay kưq ratuuôt măn đom kadrôp xôq ân điêêh jah glơh glaay?",
|
||
"2": "Be dong leq e varơuq nưq. Haay heq kaxêêt ka dii kadrôp maroh, yôôych dơơp aleq hnoq ik kưq riilh đom kadrôp ik?",
|
||
"3": "Long jơq be oh ay leh xet đaneq akơyq heq chiuq ‘nha-ruuk đom Kơy Jê-xu Christ, ‘ngưq laa heq jah ‘nha-ruuk đom varơuq kaxêêt ku Kadraq?",
|
||
"4": "Đa nưq haay heq jah achung uup dii Kadraq bơyh pheep 'nhaa-ruuk muut đom varơuq kaxêêt ku Kadraq. Varơuq xalih vlôh đa nưq xôq Lôôk 'Wơt Dêh gơmưh tađnaah tađnaak ku Vaq jah xing aduq kaxêêt riilh hlê đa leq, yôôych haay kung jah tawaak muut varơuq riilh đơơu đa nưq.",
|
||
"5": "Vii atoh haay heq jah anguuk muuyq dii Kadraq đom varơuq kaxêêt dang varơuq kaxêêt ku Kadraq, yôôych haay kung hnoq jah anguuk muuyq dii varơuq riilh hlê ku Kadraq.",
|
||
"6": "Haay xet đaneq koot manih duut ku haay heq biq đonq điin dii Kadraq, xôq xak xơmơơk kadrôp maroh biq kaxêêt hlơơp. Varơuq xalih vlôh đanưq xôq haay leh măn biq kadrôp maroh rôp dơơp jôôk tii đnoyq.",
|
||
"7": "Vii kơyq heq kaxêêt yôôych jah đnooy 'yo laa hyioh jăk đôôiq dii kadrôp maroh.",
|
||
"8": "Atoh haay heq achung kaxêêt dii Kơy Christ, yôôych haay tuuôq đaneq haay kung hnoq achung riilh dii Kadraq.",
|
||
"9": "Haay xet Lôôk 'Wơt Dêh heq riilh hlê xing aduq kaxêêt, đanưq Kadraq leh kaxêêt đnoyq. Varơuq Kaxêêt paq măn e qwuyen kajoq tol Kadraq.",
|
||
"10": "Vii Kadraq kaxêêt laa kaxêêt đôôiq dii kadrôp maroh, vơơ muuyq 'yưk heq, ji Kadraq riilh laa riilh ka Kơy Plêêk.",
|
||
"11": "Kung anưq, oh ay phayh ‘yo đaji xak heq kaxêêt đôôiq dii kadrôp maroh, bơh riilh ka Kơy Plêêk đom Kơy Jê-xu Christ.",
|
||
"12": "Nưq, te xôq kadrôp maroh dưk xakaq đom xak xamơơk ku oh ay xôq yôôych tameen tyauq kaluh haam trôôch ku ni.",
|
||
"13": "Te noop xak xamơk haay ka kadrôp maroh xôq dơơp jôôk tii hơu varơuq leh hyioh jăk, bơh dayh tơk tưp xak ka Kơy Plêêk, đaji manih kaxêêt jah riilh hlê, ji tưp xak xơmơơk haay ka Kadraq xôq hơu varơuq hyioh jăk.",
|
||
"14": "Te xôq kadrôp maroh dưk xakaq tol ah ay, vii oh ay leh măn 'laarq gơnuun, bơh măn 'laarq âân điêêh.",
|
||
"15": "Đa nưq laa aleq? Jơq be vii leh măn 'lălq gơnuun, đơu măn 'lălq âân điêêh, đanưq haay hnoq kưq dơơp kadrôp? leh dong leq e varơuq nưq.",
|
||
"16": "Oh ay leh xet laa tuôôy noop xak dơơp jôôk tii xôq tameen tyauq akơyq, yôôych oh ay laa jôôk tii ku manih haay tameen tyauq ih? Varơuq neq jơq, long ăm oh ay dơơp jôôk tii ka kadrôp maroh, jarooy truh varơuq kaxêêt, long dơơp jôôk tii ka varơuq tameen tyauq, jarooy truh varơuq hyioh jăk.",
|
||
"17": "Bơh kuh kwuay Kơy Plêêk! Vii oh ay 'miêh dơơp jôôk tii ka kadrôp maroh, bơh oh ay heq dik xuum tameen tyauq long lơuq ku pato dayq đơu haay jah pato ăm.",
|
||
"18": "Oh ay heq jah 'wơt xaloot klơlh kadrôp maroh, ji heq jêêk vlôh jôôk tii ku varơuq hyioh jăk.",
|
||
"19": "Gô đnooy tyauq trôôk koot manih vii xak xơmơơk ku oh ay leh kaalh paraat. vii đaji oh ay heq noop xak xơmơơk êêp dơơp jôôk tii ka varơuq amoh nhơơy ji juneq hngơy kơn dơơp bơơyq gơnuun đaleq, yôôych juneq oh ay kung dayh tưp xak xơmơơk êêp dơơp jôôk tii ka varơuq hyioh jăk xôq jah jêêk hlăng vah đanưq.",
|
||
"20": "Vii tuôôy oh ay măn laa jôôk tii ku kadrôp maroh, oh ay jah luh hwoen đôôiq dii varơuq hyioh jăk.",
|
||
"21": "Nưq, tuôôy nưq, oh ay heq jah vlôôh plaay kajoq xing kaluh varơuq đơu juneq oh ay hloq kamưưl? vii varơuq xalih truh ku kaluh varơuq nưq laa varơuq kaxêêt.",
|
||
"22": "Bơh juneq oh ay heq jah 'wơt xaloot klơlh kadrôp maroh ji jêêk vlôh jôôk tii ku Kơy Plêêk, yôôych oh ay jah raak plaay yuuôl hlăng vah, ji vlôh plaay laa varơuq riilh hloay hloay.",
|
||
"23": "Vii jêêt hngơy ku kadrôp maroh laa varơuq kaxêêt, bơh varơuq kahniq ăm ku Kơy Plêêk laa varơuq riilh hloay hloay đom Kơy Jê-xu Christ, Lôôk haay."
|
||
}
|