See in Reader
24 lines
4.2 KiB
JSON
24 lines
4.2 KiB
JSON
{
|
|
"1": "Vii haay jah xưưng hyioh jăk bơyh xuum tuuôq , anưq haay jah <strong>paq huq</strong> dii Kơy Plêêk, gơmưh Lôôk 'Wơt Dêh Jê-xu haay.",
|
|
"2": "Gơmưh Kadraq. bơyh xuum tuuôq, haay kung jah tawak muut đom âân điênh neq, laa âân điênh haay đong heq jah xet, ji haay hlaah hlaak vii hy voonq kajưk dik truh tađnah tađnaak ku Kơy Plêêk.",
|
|
"3": "Be aalq hloh đanưq, haay măn hlaah hlaak đom pơơl hwơơl, vii xet đaneq pơơl hwơơl pa iir vlôh xuum niinq wêêt.",
|
|
"4": "Xuum niinq wêêt<strong>ahleh</strong ngii lưk,<strong>ngii lưk</strong>ahleh<strong>hy voonq</strong> kajưk dik.",
|
|
"5": "Hy voonq nưq leh dơơp thâk voonq, vii xung xiaq ku Kơy Plêêk heq jah kahrôôq muut xuum haay hlê Yaak Plêêk, Plêêk heq jah ăm ka haay.",
|
|
"6": "Vii đong tuôôy haay măn koq kaalh yôôych, truh klip hgơy wat, Lôôk 'Wơt Dêh heq kaxêêt thêq ka adro leh tuuôq.",
|
|
"7": "Hiêêmq katuôôy e akơyq chiuq kaxêêt vii manih hyioh jăk, e tuôôy hnoq e e adro hôôk kaxêêt vii manih hyioh jăk.",
|
|
"8": "Bơh Kơy Plêêk heq xanưk kahnoq xung xiaq ku Kadraq đôôiq dii haay, vii đong tuôôy haay măn laa manih e kadrôp, yôôych Kơy Christ kaxêêt thêq ka haay.",
|
|
"9": "Iaq nưq đnoyq, vii haay heq jah 'yo laa hyioh jăk bơyh vahaap Kadraq, đanưq haay hnoq jah \nwơt klơlh đơơt tôq jaraq ku Kadraq.",
|
|
"10": "Vii atoh đong tuôôy haay măn laa tachơơl đơu \nwuyh jah paq huq dii<strong>Kơy Plêêk</strong> gơmưh varơuq kaxêêt ku Koot Kadraq, yôôych juneq heq jah<strong>paq huq</strong> yôôych, haay hnoq wuyh jah wơt kơn iaq đnoyq bơyh varơuq riilh ku Koot nưq.",
|
|
"11": "leh vơơ anưq, haay kung hlaah hlaak đom Kơy Plêêk gơmưh Lôôk Wơt Dêh Jê-xu haay, gơmưh Kadraq haay jah varơuq <strong>paq huq neq.</strong>",
|
|
"12": "Nưq, bơyh muuyq dro đơu kadrôp maroh muut dêh araak, yôôych varơuq kaxêêt kung bơyh kadrôp maroh đơu muut dang đa nưq. Ji varơuq kaxêêt tabaa truh koot manih, vii dêq koot manih heq dơơp kadrôp. ",
|
|
"13": "Vii miek dong truh tuôôy e gơnuun, yôôych kadrôp maroh heq e 'miêh đom dêh araak yôôych, bơh kadrôp leh jah 'yo laa kadrôp tuôôy koq lưưp e gơnuun.",
|
|
"14": "Jin anưq, varơuq kaxêêt yôôych măn dưk xanưk xing đơơy A-đaam truh đơơy Môôi-xee, hloay tol adro leh dơơp kadrôp dang đaji kadrôp ku A-đaam, laa long lơuq ku Kơy phayh truh.",
|
|
"15": "bơh kuah ăm leh dang đaji varơuq dơơp kadrôp. Vii atoh bơyh varơuq dơơp kadrôp ku muuyq dro đơu 'ngưưng dro phayh kaxêêt, yôôych âân điênh ku Kơy Plêêk, ji kuah ăm bơyh âân điênh ku muuyq dro, 'ngưq Lôôk 'Wơt Dêh Jê-xu, wuyh măn glơơh glaay iaq xet dong leq ka 'ngưưng dro!",
|
|
"16": "Kuah ăm nưq leh dang đaji tavơh varơuq ku muuyq dro dơơp kadrôp. Vii, dik, vơ muuyq varơuq dơơp kadrôp dơơp khơl drơơy phayh chiuq xưư xadrah ji biq atok xadrah, đom tuôôy kuah ăm yôôych jah kahniq ăm atêq 'ngưưng dơơp kadrôp ji xôq hlê varơuq xưưng hyioh jăk.",
|
|
"17": "Atoh jo dơơp kadrôp ku muuyq dro, đơu hlê mainh nưq, varơuq kaxêêt heq dưk xakaq, yôôych adro nhonq jah âân điêêh glơơh glaay dii kuah ăm hyioh jăk hnoq gơmưh muuyq dro, 'ngưq laa Lôôk 'Wơt Dêh Jê-xu, đơu dưk xakaq đom varơuq riilh 'ngưưng iaq xet dong leq.",
|
|
"18": "Đa nưq, bơyh muuyq varơuq dơơp kadrôp đơu koot manih biq xưư kadrôp yôôych, kung anưq, bơyh muuyq varơuq dơơp hyioh jăk đơu koot manih jah xưưng hyioh jăk ji jah riilh.",
|
|
"19": "Vii đaji bơyh varơuq leh tameem ku muuyq dro đơu 'ngưưng manih vlôh jêêk manih kadrôp, yôôych kung anưq, bơyh varơuq tameen tyauq ku muuyq dro đơu 'ngưưng manih hnoq jah jêêk hyioh jăk.",
|
|
"20": "Gơnuun galiêh muut, khienq varơuq dơơp kadrôp athêêp 'ngưưng. Bơh aduq leq kadrôp maroh athêêp 'ngưưng yôôych âân điêêh wuyh kơn glơơh glaay iaq.",
|
|
"21": "Varơuq xalih vlôh anưq, đaji kadrôp maroh dưk xakaq jarooy truh varơuq kaxêêt đa leq, yôôych âân điêêh kung dưk xakaq bơyh varơuq hyioh jăk jarooy truh varơuq riilh hloay hloay đa nưq, gơmưh Lôôk 'Wơt Dêh Jê-xu, Lôôk haay."
|
|
}
|