See in Reader
28 lines
4.0 KiB
JSON
28 lines
4.0 KiB
JSON
{
|
||
"1": "Nưq, haay hnoq đnooy Ap-ra-haam, mo kơy ku haay tyauq xak xơmơơk, nhonq jah kajoq?",
|
||
"2": "Vii atoh Ap-ra-haam jah 'yo hyioh jăk gơmưh varơuq dơơp, kơy hnoq e kơq xôq akwoe, bơh kangưưr Kơy Plêêk be aalq anưq.",
|
||
"3": "Vii rahlaap Kơy Plêêk đnooy kajoq?\" Ap-ra-haam tuuôq Kơy Plêêk, ji varơuq nưq jah ‘yo laa hyioh jăk ka kơy.\"",
|
||
"4": "Đôôiq dii akơyq dơơp varơuq, yôôych varơuq oot nhonq jah leh 'yo laa vanoong, đơu laa lôôk.",
|
||
"5": "Măn akơyq leh dơơp varơuq, đơu vơơ tuuôq aduq Plêêk 'yo adro leh tuuôq laa hyioh jăk, yôôych xuum tuuôq ku manih nưq jah ‘yo laa hyioh jăk.",
|
||
"6": "Đa-vik kung đnooy vlôh vanong ku kơy jah Kơy Plêêk ‘yo laa hyioh jăk be aalq varơuq dơơp,",
|
||
"7": "đaneq:\" Vanoong ka manih jah ka’lăk kaluh varơuq Kadrôp maroh ni, jah <strong>kadook hlơơp kadrôp maroh ni</strong>!",
|
||
"8": "Vanoong ka manih Lôôk leh 'yo laa e kadrôp.\"",
|
||
"9": "Nưq yôôych vanoong neq vơơ jah kahnoq vlôh ka khơl heq goch kađuh heq, long kung ka khơl koq lưưp goch kađuh đnoyq? Vii haay đnooy:\" Xuum tuuôq jah 'yo laa hyioh jăk ka Ap-ra-haam.\"",
|
||
"10": "Nưq, xuum tuuôq nưq jah ‘yo đaleq? Tuôôy Ap-ra-haam heq goch kađuh long koq lưưp goch kađuh? Leh aalq tuôôy heq goch kađuh, đơu laa tuôôy koq lưưp goch kađuh.",
|
||
"11": "Kơy heq nhonq hlêêl goch kađuh dơơp hlêêl xanưk ku varơuq hyioh jăk gơmưh xuum tuuôq đơu kơy e jah tuôôy koq lưưp goch kađuh, xôq yuuôl jêêk mo kơy ku khơl adro tuuôq, long atoh oot koq lưưp goch kađuh, Xôq oot kung hnoq jah 'yo laa hyioh jăk.",
|
||
"12": "Kơy kung yuuôl jêêk mo kơy varơuq goch kađuh đôôiq dii khơl adro leh vơơ goch kađuh heq, đơu măn dơơp xatyauq hlêêl xuum tuuôq ku mo kơy Ap-ra-haam haay adroyq katuôôy kơy jah goch kađuh.",
|
||
"13": "Vii be aalq gơmưh gơnuun đơu apok taveek laa manih dưk hlê dih dêh jah kahinq ăm Ap-ra-haam ji koot xauu kơy, đơu gơmưh varơuq hyioh jăk xing xuum tuuôq.",
|
||
"14": "Vii atoh adro riilh tyauq gơnuun laa manih<strong>dưk hlê</strong>, yôôych xuum tuuôq yuuôl vlôh leh ich kajoq ji apok taveek jêêk vlôh leh e ich kajoq.",
|
||
"15": "Vii ganuun jarooy truh tôq jaraq, ji aduq leq leh e gơnuun, yôôych aduq nưq kung leh e varơuq gưlh gơnuun.",
|
||
"16": "Đanưq, 'ngưq laa gơmưh xuum tuuôq, xôq apok taveek laa gơmưh âân điênh ji jah baoh đaamh ka dêq hloay koot xauu Aap-ra-haam, - leh vơơ ăm adro măn 'lăălq gơnuun đơu măn ka adro e kung xuum tuôôq đaji Aap-ra-haam. Kơy laa mo kơy ku dêq hloay khơl haay,\n",
|
||
"17": "đaji e vlơk: \" Gô heq khienq koot yuuôl vaq ku 'ngưưng khơl tamooi,\" kangưưr mot Kơy Plêêk đơu kơy tuuôq gơmưh, Plêêk kahniq varơuq riilh ka adro kaxêêt ji khienq kaluh varơuq leh e jêêk vlôh e.",
|
||
"18": "Kơy <strong>tuuôq dik,</strong> xuum glaay hy voonq <strong>tuôôy paq măn hy voonq, </strong> đaneq kơy hnoq vlôh jêêk vaq 'ngưưnq khơl tamooi, tyauq đaji apok heq taveek ka kơy, đaneq: \" adrơơk Koot hnoq đa nưq.\"",
|
||
"19": "Xuum tuuôq kơy leh hraap, long kơy 'yo xak xơmơơk kơy đaji heq kaxêêt ( vii kơy heq jah kơh hreek xanưm) - dii klaak koot heq kateh hrưưp ku Sa-raa.",
|
||
"20": "Bơh gơmưh apok taveek ku Kơy Plêêk, Aap-ra-haam leh manưưl đom varơuq leq tuuôq. tađôôi muut đnư kơy kơn kaalh tok đom xuum tuuôq ji ayuuôt kacheeu Kơy Plêêk.",
|
||
"21": "Kơy tuuôq kajưưk dêq hloay đaneq varơuq kajoq Kơy Plêêk heq taveek, yôôych Kadraq kung hnoq ik dơơp jêêk.",
|
||
"22": "Đa nưq xuum tuuôq nưq jah 'yo laa hyioh jăk ka kơy.",
|
||
"23": "Apok vlơk \" xuum tuuôq jah 'yo ka kơy\" 'ngưq leh vơơ jeen ka Aap-ra-haam,",
|
||
"24": "bơh kung jeen ka haay, adro jah 'yo laa hyioh jăk gơmưh tuuôq aduq Plêêk heq khienq Lôôk Jê-xu haay riilh hlê xing aduq kaxêêt.",
|
||
"25": "'Ngưq laa Plêêk heq biq noop vii varơuq gưưlh kadrôp ku haay bơh kung heq riilh hlê vii varơuq xưưng hyioh jăk haay. "
|
||
}
|