See in Reader
28 lines
4.4 KiB
JSON
28 lines
4.4 KiB
JSON
{
|
||
"1": "Nưq, haay hnoq đnooy Ap-ra-haam, mo kơy ku haay tyauq trôôk xăk xơmơk, heq nhonq jah kajoq?",
|
||
"2": "Vii atoh Aap-ra-haam jah 'yo hyioh jăk gơmưh varơuq dơơp, yôôych kơy e kơq xôq akwoe, bơh leh aalq laa kangưưl Kơy Plêêk.",
|
||
"3": "Vii Rahlăăp Vah đnooy kajoq? \"Aap-ra-haam tuuôq gamưh Kơy Plêêk, ji varơuq nưq jah ‘yo laa hyioh jăk ka kơy.\"",
|
||
"4": "Mot kadrơơy đôôiq dii kơyq dơơp varơuq, yôôych jêêt hngơy dơơp leh jah 'yo đaji vanong, bơh laa đaji lôôkq.",
|
||
"5": "Măn đôôiq dii kơyq leh dơơp varơuq, đơu tuuôq aduq Kơy khienq adro leh tuuôq vlôh hyioh jăk, yôôych xuum tuuôq ku adro nưq jah 'yo laa hyioh jăk.",
|
||
"6": "Pheq đnooy đaji Đa-vik kung đnooy truh vanong kaxaay ku kơy đơu Kơy Plêêk ‘yo laa hyioh jăk be aalq varơuq dơơp:",
|
||
"7": "Vanong ka dro leq đơu kaluh varơuq xơk tauq ni jah ka'lăăk, ji <strong> kaluh kadrôp maroh ni heq jah katuh glôôp</strong>!",
|
||
"8": "Vanong ka adro đơu Lôôk kajưk dik heq leh jauq truh kadrôp maroh ku ni.\"",
|
||
"9": "Nưq yôôych vanong kaxaay neq jeen ka adro chiuq goch kađuh, long kung jeen ka adro leh goch kađuh? Bơyh haay đong đnooy:\" Xuum tuuôq nưq jah 'yo laa hyioh jăk ka Aap-ra-haam.\"",
|
||
"10": "Anưq, xuum tuuôq nưq heq jah ‘yo đaji luleq? Laa đom tuôôy heq goch kađuh long đom tuôôy koq lưưp goch kađuh? Leh aalq đom tuôôy heq goch kađuh, bơh laa đom tuôôy koq goch kađuh.",
|
||
"11": "Kơy heq nhonq hlêêl goch kađuh đaji hlêêl xanưk ku varơuq hyioh jăk gơmưh xuum tuuôq, nưq laa xuum tuuôq đom tuôôy koq goch kađuh, xôq ka kơy laa mo kơy ku dêq hloay dro leq e xuum tuuôq long koq goch kađuh, jarooy truh varơuq hyioh jăk jah 'yo ka khơl adro nưq;",
|
||
"12": "kung xôq ka kơy laa mo kơy ku adro chiuq goch kađuh đôôiq dii khơl leq leh vơơ vlôh xing pheep goch kađuh, đơu măn laa khơl adro dơơp tyauq dơuq jôôk xuum tuuôq ku Aap-ra-haam, mo kơy haay, đom tuôôy koq goch kađuh.",
|
||
"13": "Vii apok taveek jeen ka Aap-ra-haam long jeen ka koot xaau ku kơy, nưq laa xôq ka adro laa adro dưk hlê dih dêh, be aalq gơmưh ganuun bơh laa gơmưh varơuq hyioh jăk ku xuum tuuôq.",
|
||
"14": "Vii atoh khơl adro dưk hlê vlôh xing ganuun <strong> </strong>, yôôych xuum tuuôq biq paq ik xung liq, ji apok taveek biq ka'lăăk.",
|
||
"15": "Vii ganuun tawaay hlê đơơt tôq dayq, bơh aduq leq leh e ganuun yôôych kung leh e varơuq lôôp kadrôp.",
|
||
"16": "Vii kakơq nưq, lunưq khơl adro dưk hlê laa vlôh xing xuum tuuôq, xôq ka tyauq trôôk varơuq ku vanong kaxaay, xôq apok taveek laa kajưk dik ka tôôy koot xaau - leh ka adro vơơ vlôh xing ganuun đơu heq, bơh laa ka adro kung vlôh xing xuum tuuôq ku Aap-ra-haam, đơu kơy laa mo kơy ku dêq hloay haay,",
|
||
"17": "đaji heq jah vlơk đaneq:\" Gô heq panưk koot dơơp vaq ku 'ngưưng tamooi,\" măn kangưưl Kơy đơu kơy tuuôq gamưh, nưq laa Kơy Plêêk, Kơy khienq ka adro kaxêêt e varơuq riilh ji tayh kaluh varơuq leh e đaji đong e;",
|
||
"18": "đơu kơy laa adro heq <strong>tuuôq gamưh,</strong> tol xuum takôô gamưh <strong> glơh iaq ka varơuq takôô gamưh, </strong> xôq ka kơy jah vlôh jêêk vaq ku 'ngưưng tamooi, tyauq đaji varơuq heq jah xanoh:\" Koot xaau ku koot hnoq laa đaji anưq.\"",
|
||
"19": "ji long leh e hraap pôôt đom xuum tuuôq, kơy heq 'yo hloq xăk xamơơk kadih ni đaji biq kaxêêt yôôych ( vii jah đom kơh muuyq hreek xanưm), kung đom varơuq kateh yauq aduq klaak koot ku Sa-raa.",
|
||
"20": "Bơh awih truh apok taveek ku Kơy Plêêk, kơy heq be biq biit ravơq muut varơuq be tuuôq, wih hlê, kơy heq jah kaalh praat đom xuum tuuôq, tuôôy tưp tađnah tađnaak tok Kơy Plêêk,",
|
||
"21": "ji heq xaleep jah tuuôq kajưk đaneq varơuq kajoq Kadraq heq taveek, yôôych Kadraq kung e taay yaak xôq dưk dơơp.",
|
||
"22": "Lunưq \" xuum tuuôq nưq jah 'yo laa hyioh jăk ka kơy\".",
|
||
"23": "Mot kadrơơy, apok heq jah vlơk đaneq\" xuum tuuôq nưq jah 'yo laa hyioh jăk ka kơy\", be aalq vơơ vii kơy,",
|
||
"24": "đơu măn vii haay, laa ka khơl adro đơu xuum tuuôq nưq hnoq jah 'yo laa hyioh jăk, nưq laa ka khơl leq tuuôq aduq Kơy heq khienq Lôôk Jê-xu, Lôôk haay, riilh hlê xing aduq kaxêêt,",
|
||
"25": "đơu Kadraq heq biq noop vii varơuq lôôp kadrôp ku haay ji heq jah dơơp ăm riilh hlê vii varơuq xưng hyioh jăk ku haay."
|
||
}
|