See in Reader
32 lines
5.0 KiB
JSON
32 lines
5.0 KiB
JSON
{
|
|
"1": "Lunưq, nee dro hơq - paq kêê kơyq 'ngưưng đnooy xadrah - ay leh e kakơq kajoq xôq tagêêh hlê ik, vii đom varơuq kajoq đơu ay đnooy xadrah dro kadrơơy, yôôych ay kadih atok xadrah ay; bơyh ay, laa adro đnooy xadrah, kung lôôp kaluh varơuq nưq.",
|
|
"2": "Măn haay heq xet đaneq varơuq xưh xadrah ku Kơy Plêêk laa tamuut dii varơuq dik tachơơl hlê khơl adro lôôp kaluh varơuq đanưq.",
|
|
"3": "Bơh, nee dro hơq, laa dro đnooy xadrah khơl leq lôôp kaluh varơuq đanưq đơu kadih ni kung dơơp kaluh varơuq đanưq, e jơq ay biit truh varơuq neq, đaneq ay hnoq xaloch klơlh varơuq xưh xadrah ku Kơy Plêêk?",
|
|
"4": "Long laa ay 'yo leh ra kajoq varơuq karoh e ku xuum kaxaay tamaq ji xuum atuq kung varơuq chiuq wêêt ku Kadraq, vii leh xet đaneq xuum kaxaay tamaq ku Kơy Plêêk jarooy ay truh varơuq wiit xuum?",
|
|
"5": "Bơh 'yo tyauq varơuq găk xuum ku ay ji xuum klaak leh chiuq wiit xuum, ay đong kadih choch xôq varơuq tôq dayq ka ay đom hngơy tôq dayq ji kahnoq vlôh truh varơuq xưh xadrah hyioh jăk ku Kơy Plêêk,",
|
|
"6": "laa Kơy hnoq blaa ka tôôy dro xatyauq kaluh dơơp ku adro nưq:",
|
|
"7": "Muuyq panưh laa varơuq riilh đơơy đơơy jeen ka dro leq axek akhiim tađnah tađnaak ji kuul vado kung varơuq leh kaxêêt hlơơp tyauq varơuq kajưk xuum ku varơuq kaxaay,",
|
|
"8": "măn panưh hơq laa varơuq tôq dayq kung tôq jaraq rahưk jeen ka khơl adro bơyh xuum hmưch kalih ji leh tameen tyauq varơuq dik đơu biq aluut tyauq varơuq be hyioh jăk.",
|
|
"9": "Pơl dal ji pơl hwơl măn tol tôôy phool hiel ku manih dơơp varơuq xơk, ku manih Jo Thaiq adroyq dik, hloay ku manih Hi Laap.",
|
|
"10": "Bơh tađnah tađnaak ji kuul vado kung varơuq hrok hrol jeen ka tôôy dro dơơp varơuq kaxaay, ka manih Jo Thaiq adroyq dik, hloay ka manih Hi Laap.",
|
|
"11": "Vii leh e varơuq bing kơyq đom varơuq e mot ku Kơy Plêêk.",
|
|
"12": "Long adro leq heq lôôp kadrôp tyauq trôôk leh e ganuun, yôôych kung hnoq kaxêêt hlơơp tyauq trôôk leh e ganuun, ji long dro leq heq lôôp kadrôp katuul ganuun, yôôych hnoq biq xưh xadrah bơơn ganuun.",
|
|
"13": "Vii be aalq khơl adro tameen ganuun laa hyioh jăk kangưưl Kơy Plêêk, bơh khơl adro dơơp tyauq ganuun yôôych hnoq jah tayh hyioh jăk.",
|
|
"14": "Vii tuôôy kaluh tamooi kadrơơy, laa kaluh tamooi leh e ganuun, tyauq trôôk e 'miêh dơơp kaluh varơuq ku ganuun, yôôych long leh e ganuun, oot laa ganuun ka kadih oot,",
|
|
"15": "nưq laa khơl adro ăn hloq kaluh varơuq dơơp ku ganuun jah vlơk đom xuum oot, tuôôy xuum klaak oot dơơp xanưk, ji kaluh xuum biit rôôp xadrah long atoh tagêh kadook katuul kadih oot dii mamuuyq",
|
|
"16": "đom hngơy đơu Kơy Plêêk hnoq xưh xadrah kaluh varơuq padu kadook ku khơl drơơy dalơh hlê Lôôk Wơt Dêh Jê-xu, tyauq đaji Hêêl Kaxaay ku gô.",
|
|
"17": "Măn atoh ay xok yal laa manih Jo Thaiq, gamưh muut ganuun, akwoe akwoak đom Kơy Plêêk,",
|
|
"18": "hlolh xet iq trôôch Kadraq, xet 'yo kahraa kaluh varơuq đêh xatek glơh iaq jah pato dayq xing đom ganuun,",
|
|
"19": "kung anưq, ay kadih tuuôq kadih xăk laa manih jarooy trôôk khơl adro apuul, xaraal tađnah ka khơl leq măn đom kamưưng jaluuk,",
|
|
"20": "adro pato dayq bing vlôô apoop, thơy pato bing adro vlôô khưlq, vii jah e <strong> trôôk daak</strong> ku xahok ji ku varơuq dik đom ganuun,",
|
|
"21": "anưq yôôych, nee adro pato dayq adro kadrơơy hơq, ay be pato kadih ay ih? Nee adro padooh pato te xatôôk hơq, ay e xatôôk be?",
|
|
"22": "Nee adro đnooy leh ik katơq bơơyq hơq, ay e katơq bơơyq be? Nee adro 'yo ramêq kaluh<strong>vangưưl </strong> hơq, ay e atôôk valong đôô kaluh aduq hnhư đơơp be?. <strong></strong>!",
|
|
"23": "Ay akwoe xăk laa manih măn đom ganuun, ay e đnooy leh raa kajoq Kơy Plêêk bơơn varơuq gưưlh lôôp ganuun be?",
|
|
"24": "Bơyh \" yal Kơy Plêêk biq đnooy ra ơơh katuul kaluh tamooi daak kadrơơy vii kơq êêp,\" dang đaji apok heq jah vlơk.",
|
|
"25": "Dik, tyauq pheep goch kađuh tawaay truh e iit atoh ay hnoq ik dưk dơơp ganuun, bơh atoh ay laa adro gưưlh lôôp ganuun, yôôych varơuq goch kađuh ku ay heq vlôh jêêk be goch kađuh ",
|
|
"26": "Yôôych anưq, atoh muuyq dro koq goch kađuh tameen jưư kaluh băt dơơp ku ganuun, yôôych be aalq varơuq koq goch kađuh ku dro nưq hnoq jah 'yo đaji varơuq heq goch kađuh leh aalq?",
|
|
"27": "Ji tuôôy dơơp xaleep ganuun, dro koq goch kađuh aduq xăk xamơk hnoq xưh xadrah ay, nưq laa adro xing chưh vlơk ji pheep goch kađuh laa adro gưưlh lôôp ganuun.",
|
|
"28": "Vii be aal muuyq dro bơyh kaphook pi gôk laa manih Jo Thaiq, kung be aal thưq măn pi gô tol xăk xamơk laa pheep goch kađuh,",
|
|
"29": "tađôôi muut đnư, manih Jo Thaiq laa xuum klaak măn aduq kadook pii 'lăăp, ji pheep goch kađuh laa ku xuum klaak xing Kơy Phool Hiel, leh aal bơơn chưh vlơk; đơu varơuq xưnq vadoo ku dro nưq be aal xing koot manih bơh laa xing Kơy Plêêk."
|
|
}
|