cor_2020_cua_clt_rom_book/rom/15.json

{
  "1": "Bơh haay, laa manih kaalh praat, pheq pơq xok kaluh ravoch ku adro leh kaalh, ji be dơơp hlah xuum haay.",
  "2": "Tôôy adro đom haay dayh dơơp hlah xuum manih gah gih haay vii ka iq tamaq kaxaay, jarooy truh varơuq rôôk tơk dro nưq.\n\n\\ts\\*",
  "3": "Vii hloay ka Lôôk Wơt Dêh heq leh dơơp hlah xuum kadih kadraq. wih hlê, đaji varơuq heq jah vlơk:\" Kaluh apok đnooy be ra kajoq ku khơl adro đnooy ra ơơh Kadraq heq uuk hlê tol koot.\"",
  "4": "Tabơh xet dong leq varơuq heq jah vlơk pôôt adrooyq neq yôôych heq jah vlơk hlê vii varơuq pato dayq ka kadih haay, xôq ka gamưh varơuq atuq xuum ji gamưh varơuq ahmưk nhăk ku Rahlăăp Vah, haay jah e xuum takôô gamưh.\n\\ts\\*",
  "5": "Apôôy vôôch Kơy Plêêk ku varơuq atuq xuum ji hmưk nhăk kahniq vanong ka oh ay xôq e kung muuyq xuum biit dii mamuuyq, tyauq đaji Lôôk Wơt Dêh Jê-xu.",
  "6": "xôq ka oh ay hnoq ik kung muuyq xuum, xing muuyq huuy ayuuôt laat Kơy Plêêk, laa Vaq ku Lôôk haay, laa Lôôk Wơt Dêh Jê-xu.\n\\p",
  "7": "Anưq, dayh tiip nhonq mamuuyq, kung đaji Lôôk Wơt Dêh heq tiip nhonq oh ay, xôq jarooy truh varơuq tađnah tađnaak ku Kơy Plêêk\n\\ts\\*",
  "8": "Vii gô đnooy đaneq laa Lôôk Wơt Dêh heq jah khienq vlôh jêêk xapok ku tamooi chiuq goch kađuh vii kơq varơuq dik ku Kơy Plêêk, xôq 'yo nhonq apok taveek ku khơl mo kơy,",
  "9": "bơh laa xôq kaluh tamooi kadrơơy vnê ayuuôt Kơy Plêêk vii kơq xuum biit angơuq ku Kadraq. Dang đaji apok heq jah vlơk: \\q  “Bơyh nưq, koot hnoq xưng nhonq Kadraq katuul kaluh tamooi daak kadrơơy\n\\q \nji kacheeu ayuuôt yal Kadraq.”\n\n\\ts\\*\n\\m",
  "10": "Laay e xanoh đaneq: \\p “Kaluh tamooi daak kadrơơy, dayh hlah hlaak kung dii koot xaau Lôôk.”\n\\p",
  "11": "Ji laay đaneq: \\q “Dêq hloay kaluh tamooi daak kadrơơy, dayh ayuuôt laat Lôôk; \n\\q\ndêq hloay kaluh tamooi, dayh kacheeu ayuuôt Kadraq.”\n\n\\ts\\*\n\\m",
  "12": "Ji Ê-saai đnooy athêêp đnoyq: \\q “Rayah ku Je-sêê hnoq rama vlôh, laa Kơy jah panưk tok xôq dưk xanok kaluh tamooi daak kadrơơy: kaluh tamooi daak kadrơơy hnoq e xuum takôô gamưh aduq Kadraq.\"\n\n\\ts\\*\n\\p",
  "13": "Apôôy Kơy Plêêk ku xuum takôô gamưh khienq oh ay glơh glaay tôôy varơuq hlah hlaak ji hrol hrol đom xuum tuuôq, xôq dơơp ka oh ay rah 'ngưưng đom xuum takôô gamưh taay yaak ku Kơy Plool Hiel\n\n\\ts\\*\n\\p",
  "14": "Mot kadrơơy, wơơy oh ay ku gô, kadih gô kung jah tuuôq truh oh ay đaneq kadih oh ay kung jah glơh glaay varơuq tamaq kaxaay, vii heq jah glôôp viik tôôy hok xet ji e praat xôq ahmưk nhăk mamuuyq.\n\n\\ts\\*",
  "15": "Bơh gô heq vlơk trôôk kaalh praat ka oh ay 'ngưưng iaq đom aduq neq aduq hơq đaji xôq hmưk nhăk oh ay, bơyh vanong kaxaay heq jah Kơy Plêêk kahniq ka gô,",
  "16": "xôq khienq gô laa muuyq xapok ku Lôôk Wơt Dêh Jê-xu ka kaluh tamooi kadrơơy, tuôôy dưk dơơp varơuq dơơp tơk tưp ka Hêêl Kaxaay ku Kơy Plêêk, xôq ka kuah lêêh ku kaluh tamooi kadrơơy hnoq ik hlah xuum đonq nhonq, xing tuôôy jah vah xarêh xing Kơy Phool Hiel.\n\\ts\\*",
  "17": "Kơq nưq, đom Lôôk Wơt Dêh Jê-xu, gô e varơuq akwoe xăk đôôiq dii kaluh varơuq dơơp thuôk xuq Kơy Plêêk.",
  "18": "Vii gô hnoq be hôôk đnooy paq kêê varơuq kajoq đơu varơuq nưq leh aalq Lôôk Wơt Dêh heq dưk dơơp ahlê gô, xôq jarooy truh varơuq tameen tyauq ku kaluh tamooi daak kadrơơy - bơyh apok đnooy hloay varơuq dơơp,",
  "19": "bơơn praat kaalh ku kaluh hlêêl akêh ji pheep akêh, bơơn daa uuh Kơy Phool Hiel ku Kơy Plêêk -  pheq đnooy gô heq padooh taboon Hêêl Kaxaay ku Lôôk Wơt Dêh đuh dêq xing Jê-ru-sa-leem ji rawiit dêq dong truh hloay I-li-rii;\n\\ts\\*",
  "20": "đơu tyauq trôôk nưq, kưq phânq đâuq dii hmưch trôôch padooh taboon Hêêl Kaxaay be aal ka aduq Lôôk Wơt Dêh heq jah apôôy tayh,  xôq ka gô be xơơy panưk gamưh tol kahnier  ku adro kadrơơy.",
  "21": "Lunưq, dang đaji varơuq heq jah vlơk:\" Khơl adro koq jah padooh taboon truh Kadraq yôôych hnoq hloq,\n\\q \nji khơl adro koq hmưq tameen yôôych hnoq hlolh.\"\n\n\\ts\\*\n\\p",
  "22": "Anưq, 'ngưưng yưk gô kung heq biq klơl jưư xôq truh dii oh ay.",
  "23": "Bơh juneq, vii leh măn e aduq đom kaluh dêh neq, đơu vii văch xôq đom xuum trôôch kajoq truh hlơq oh ay heq 'ngưưng xanưm,\n\\ts\\*\n\n",
  "24": "lunưq long tuôôy leq gô dưk hooy truh Taay-Baan-Nhaa, gô dik takôô gamưh, tuôôy hooy dalơh hlê, tavơh oh ay, ji jah oh ay wăk rơơy truh đnư, atoh droyq dik gô jah hlah xuum dii oh ay đom axiit kawah.",
  "25": "Măn juneq gô đong măn hooy truh Jê-ru-sa-leem wăk khơl vah.\n\\ts\\*",
  "26": "Vii manih Ma-xêê-đoaan ji A-chaay heq hlah xuum dưk dơơp muuyq đơơt tagoop nưq ka khơl  adrah pa ngoot katuul đom khơl vah aduq theng Jê-ru-sa-leem.",
  "27": "Bơyh oot heq hlah xuum ji oot laa khơl adro pơq lôôkq khơl adro nưq. Vii atoh kaluh tamooi daak kadrơơy jah kung nhonq kaluh vanong danưng kooy ku khơl adro nưq, yôôych oot kung e treek nhimq hơu varơuq khơl adro nưq truh phoon kôông kuah.\n\n\\ts\\*",
  "28": "Anưq, tuôôy heq pa yôôch varơuq neq ji hôôk kajưk kadrool tagoop neq truh dii oot, yôôych gô hnoq dưk hooy dalơh hlê oh ay xôq  truh Taay-Baan-Nhaa.",
  "29": "Đơu gô xet đaneq tuôôy truh dii oh ay, gô hnoq truh dii varơuq xaleep vanong ku Lôôk Wơt Dêh.\n\\ts\\*\n\\p",
  "30": "Mot kadrơơy, wơơy oh ay, bơyh Lôôk haay, laa Lôôk Wơt Dêh Jê-xu, ji bơyh xuum xung xiaq ku Kơy Phool Hiel, gô apôôy vôôch oh ay kung damưq dii gô bơơn kaluh apok apôôy thaay ka gô wih tok Kơy Plêêk,",
  "31": "xôq gô hnoq ik wơt klơlh khơl adro leh tameen tyauq aduq Ju-đê, ji xôq varơuq dơơp ku gô jeen ka Jê-ru-sa-leem hnoq ik hlah xuum đonq nhonq xing khơl vah;",
  "32": "xôq ka bơyh iq trôôch ku Kơy Plêêk, gô hnoq ik truh dii oh ay đom varơuq hlah hlaak, vii jah padơơy xa ơơy kung dii oh ay.\n\\ts\\*",
  "33": "Apôôy vôôch Kơy Plêêk hrok hrol măn kung dêq hloay oh ay. A-meen.\n\n\\ts\\*"
}