See in Reader
24 lines
3.5 KiB
JSON
24 lines
3.5 KiB
JSON
{
|
|
"1": "Anưq, wơơy oh ay, bơyh varơuq biit angơuq ku Kơy Plêêk, gô ahmơt nhăk oh ay tơk tưp ka Kơy Plêêk xăk xamơk oh ay đaji kuah lêêh riilh, vah xarêh, kaxaay xuum Kadraq, nưq laa varơuq ayuuôt laat 'yo jơq ku oh ay.",
|
|
"2": "Ji te chiuq dơơp tyauq đơơi neq, bơh dayh jah tađôôi bơơn varơuq tađôôi đơơu ku xuum biit, xôq oh ay kahraa ik varơuq leq laa iq trôôch kaxaay tamaq, kaxaay xuum, ji xleep ku Kơy Plêêk.\n\n\\ts\\*\n\\p",
|
|
"3": "Vii gamưh vanong kaxaay heq jah kahniq ka gô, ăm gô đnooy dii tôôy dro măn katuul đom oh ay te liq biit truh haay glơh iaq varơuq pheq biit, tađôôi muut đnư laa 'yo hlê xôq khôôt xet jưư xăk, tyauq đaji Kơy Plêêk heq kahniq ăm xatyauq xuum tuuôq ka tôôy dro.\n\\ts\\*",
|
|
"4": "Vii đaji haay e 'ngưưng chii xăk đom muuyq xăk, bơh leh aalq dêq hloay kaluh xăk xamơk raay e kung muuyq varơuq dơơp,",
|
|
"5": "yôôych tyauq trôôk dang đanưq, 'ngưưng dro haay laa muuyq xăk đom Lôôk Wơt Dêh, đơu tôôy dro muuyq laa xăk xamơk ku mamuuyq.\n\n\\ts\\*",
|
|
"6": "Bơh haay e kaluh kadrool vanong đêh raa xatyauq vanong kaxaay heq jah kahniq ka haay: kơyq e laa vanong đnooy hliit, yôôych dưk dơơp xatyauq đaji xuum tuuôq haay e;",
|
|
"7": "Akơyq e vanong hơu varơuq, yôôych dêq xuum đom varơuq hơu varơuq; kơyq e laa vanong pato dayq, yôôych dêq xuum đom varơuq pato dayq;",
|
|
"8": "kơyq e vanong ahmưk nhăk, yôôych dayh dêq xuum đom varơuq ahmưk nhăk; vanong kahniq ăm, yôôych dưk dơơp bơơn varơuq ranưh ranơơy; vanong dưk xanok, yôôych dưk dơơp bơơn varơuq rơơt rol; vanong kahnoq xuum biit angơuq, yôôych dayh dưk dơơp bơơn varơuq hlah hlaak.\n\\ts\\*\n\\p",
|
|
"9": "Xung xiaq pheq dong dik. Dayh ramêq varơuq xơơk; dêq xuum dii varơuq kaxaay.",
|
|
"10": "laa varơuq 'yo xung jeen ka mamuuyq đom xung xiaq oh ay; dơơp ramiil ka mamuuyq đom varơuq 'yo vado\n\\ts\\*",
|
|
"11": "laa leh takôô manưr manưl đom varơuq talang jăk; tôq jaq đom xuum klaak; hơu varơuq Lôôk;",
|
|
"12": "hlaah hlaak đom takôô gamưh; atuq xuum đom pơl dal; kajưk xuum đom varơuq apôôy.",
|
|
"13": "wăk tajuup kaluh varơuq duh ku khơl vah; axek 'ngưưng trôôk xôq kahnoq xuum xung ka tamooi.\n\n\\ts\\*",
|
|
"14": "Dayh apôôy vanong ka khơl adro rôôp toop oh ay; dayh apôôy vanong ji teliq kroay axaap.",
|
|
"15": "xôq hlah kung dii khơl adro hlah, xôq nhiim kung dii khơl adro nhiim.",
|
|
"16": "tuôôy e kung muuyq xuum biit jeen ka mamuuyq, leh e xuum biit katơk dalơh, bơh laa chiuq 'yo nhonq khơl adro axiit xet. Te liq vlôh jêêk khôôt xet gamưh tol kadih haay;\n\n\\ts\\*",
|
|
"17": "tuôôy leh blaa hlê varơuq xơơk bơơn varơuq xơơk ka adro leq dêq, lo axek kaluh varơuq kaxaay tamaq kangưưl tôôy dro;",
|
|
"18": "Atoh hnoq ik, aduq leq ji ku haay, yôôych jưư xôq varơuq taguu dii tôôy dro;\n\\ts\\*",
|
|
"19": "Wơơy oh ay xung xiaq, te kadih haay blaa xơơk, bơh dayh xôq aduq ka đơơt tôq jaraq ku Kơy Plêêk, vii varơuq heq jah vlơk: \"'Varơuq blaa dook laa jeen ka Gô; Gô hnoq blaa dook.' Lôôk xanoh anưq.\"\n\\q",
|
|
"20": "“Lunưq, atoh adro tachơơl oh ay e pangoot, dayh ăm ni xa. \n\\q \nAtoh dro nưq thaal, dayh ăm ni hôôch. \n\\q \nVii tuôôy dơơp anưq, oh ay hnoq đuum kheen ôôlh dôôp tol akoq ni.”\n\\m",
|
|
"21": "Te xôq haay biq tameen tyauq xing varơuq xơơk, bơh dayh jah jaay varơuq xơơk bơơn varơuq kaxaay.\n\n\\ts\\*"
|
|
}
|