{
  "1": "Anưq thii, e kajoq iaq kua manih Jo Thaaiq ji kajoq? Long ik lơơyq  kua varơuq gưch kađuh ji  kajoq?",
  "2": "Thier 'ngưng truh tôôy panưh! Vii adrooyq dik, nưq ji  oot heq ik pahnăp kaluh apok xanoh kua Kơy Plêêk.",
  "3": "Xôq dơơp kajoq atoh muuyq sôôq adro leh e xuum tuuôq? Be aleq xuum leh tuôq kua oot hnoq dơơp ka varơuq jưư apok kua Kơy Plêêk vlôh jêêk hưư hlơơp?",
  "4": "Varơuq nưq leh xalih vlôh ik. Wiit hlê, dayh vanê Kơy Plêêk ji dong dik, măn tôôy dro ji adro pa ôôh lar. Đaji heq ik vlơk aneq:\" Xôq long luleq thii Kadraq hnoq heq ik kahnoq vlôh ji hyioh jăk đom kaluh apok đnooy  kua Kadraq, ji Kadraq hnoq jah jay tuôy Kadraq chiuq xưh xadrah.\"",
  "5": "Bơh atoh varơuq lưp hyioh jăk kua haay kahnoq vlôh varơuq hyioh jăk kua Kơy Plêêk, haay hnoq đnooy kajoq? Be aleq Kơy Plêêk leh hyioh jăk tuôy kanih đơơt tôq dayh kua Kadraq? ( Gô đong đnooy tyauq trôôk koot manih.)",
  "6": "Varơuq nưq leh xalih vlôh ik! Vii atoh đanưq  dơơp thii aleq Kơy Plêêk hnoq xưh xadrah dêh araak?",
  "7": "Măn atoh  varơuq dong dik kua Kơy Plêêk heq dơơp ka tađnah tađnaak Kadraq glơh athêêp iaq aduq varơuq pa ôôh lar ku gô,  vii aleq gô kung măn biq xưh xadrah đaji muuyq dro lôôp kadrôp?",
  "8": "Ji leh aalq ( dang đaji 'wot biq pahnhiq ji đaji taleq dro hôôk đnooy 'wot đnooy aneq) \" Haay kơơn duh dơơp varơuq xơk, xôq varơuq kaxaay hno ik xalih truh\"? - varơuq xadrah kua oot ji tamuut dik.",
  "9": "Anưq yôôch aleq? Haay e tơơl iaq be? Leh aalq. Bơơyh 'wot heq rôôp xadrah ka manih Jo Thaaiq long manih Hi Laap yôôch, dêq hloay phaay măn 'laalq lôôp maroh.",
  "10": "Đa heq ik vlơk aneq:\" Leh e kơyq hyioh jăk, pheq đnooy muuyq dro kung leh e.",
  "11": "Leh e kơyq hlolh xet. Lưp e kơyq axek akhiim Kơy Plêêk.",
  "12": "Dêq hloay heq hooy hyaak trôôk. Oot kung mamuuyq  vlôh jêêk leh yuôl aal. Leh e kơyq dơơp varơuq kaxaay, pheq đnooy leh e muuyq dro.\"",
  "13": "\" Ranong oot đaji laluk xanưng ik luh vlôh. Dii kapiet oot, oot kưq đnooy vlôh apok pa ôôh aluut. Nok đôk ku vơlh tuur măn 'laalq vel oot,\"",
  "14": "Huuy oot viik ngăk apok karoay axaap ji areh xuum.\" ",
  "15": "\"Plaa jôôk oot talăng jăk dơơp kahrôôq vahaap.",
  "16": "Varơuq phaa hrưp ji hlu jiq tol kaluh trôôk hooy ku oot.",
  "17": "Ji oot leh xet poop trôôk  tagu hlê.\"",
  "18": "\" Leh e varơuq kuul yôq Kơy Plêêk ka ngưưr  oot.\"",
  "19": "Mot kadrưy, haay xet aneq atoh kaluh kajoq đơơu ganuun pato dayh ji đnooy dii khơl leq măn đom ganuun, xôq ka tưng poop huuy biq  hnhêp, ji dêq dêh araak chiuq kadrôôp 'laalq varơuq xưh xadrah xing Kơy Plêêk,",
  "20": "bơơyh vii, kangưưr Kadraq, leh koot manih xăk xamơk leq ik đnooy hyioh jăk xing kaluh varơuq dơơp tyauq ganuun; vii varơuq nhonq xet kadrôp maroh ji gamưh ganuun.",
  "21": "Bơh juneq, varơuq hyioh jăk kua Kơy Plêêk heq ik kahnoq vlôh pi gôk ganuun, tuôy ik dơơp xanưk bơơyh ganuun ji khơl manih hlich,",
  "22": "đơơu varơuq hyioh jăk kua Kơy Plêêk thii gamưh xuum tuôq aduq Lôôk Wơơt Dêh Jê-xu,  jeng ka tôôy dro tuôq, vii lưp e varơuq  'yo aklah leq.",
  "23": "Vii tôôy dro heq lôôp kadrôp ji biq huut hlơơp tađnah tađnaak kua Kơy Plêêk,",
  "24": "đơơu leh duh bla jaq leq tuôy ik taayh ji hyioh jăk bơơyh vanong kaxaay kua Kadraq gamưh hlê varơuq wơơt xok đom Lôôk Wơơt Dêh Jê-xu,",
  "25": "Kơy đơơu Kơy Plêêk heq đinq adroyq đaji muuyq kua lêh wơơt kadrôp gamưh xuum tuôq aduq vahaap Kơy nưq, xôq ji bơơn xanưk truh varơuq hyioh jăk kua Kadraq, vii kơq varơuq ka'lăăk kaluh lôôp kadrôp heq e miah adrooyq neq",
  "26": "bơơyh xuum atuq  kua Kơy Plêêk, awih truh varơuq ăm hloq varơuq hyioh jăk kua Kadraq đom katuôy kawach juneq, xôq ka Kadraq ji hyioh jăk ji taayh hyioh jăk ka kơyq vlôh xing xuum tuôq aduq Lôôk Jê-xu.",
  "27": "Anưq thii, varơuq akwoe akwoak măn aduq leq? Ni heq biq ka'lăk. Bơơyh ganuun leq? Ganuun kua varơuq dơơp? Leh hmưq! Bơh ji bơơyh ganuun kua xuum tuuôq.",
  "28": "Vii haay 'yo hlê hloq muuyq dro jah xưng hyioh jăk bơơyh xuum tuuôq, leh bơơyh kaluh varơuq dơơp tyauq ganuun.",
  "29": "Long Kơy Plêêk vơơ ji kua manih Jo Thaaiq đơơu heq? Leh aalq kung ji kua tamooi daak kadrưy? Jơq, kung ji kua tamooi daak kadrưy,",
  "30": "vii dong dik vơơ  e muuyq Kơy Plêêk, ji Kơy hnoq xưng hyioh jăk manih chiuq gưch kađuh bơơyh xuum tuuôq, hloay manih leh gưch kađuh gamưh xuum tuuôq nưq.",
  "31": "yôôch anưq, haay  dơơp ka ganuun vlôh leh ik xung liq bơơn xuum tuuôq nưq? Varơuq nưq leh xalih vlôh ik. Wiit hlê, haay dơơp kajưk ganuun."
}