{
  "1": "Đêh vlôh, gô atăq xôq ka oh ay mư Phê-bê, dro oh ay kua 'wot, kung ji adro hơu varơuq kua Tayuup Vah aduq Xen-kơ-rêê,",
  "2": "xôq oh ay hno ik tiip đonq mư đom Lôôk, tyauq trôôk dong xưnq dii khơl vah, ji truh pi wăk tajưp mư đom varơuq leq đơơu mư duh truh oh ay. Vii mư kung heq vlôh jiêk adro wăk tajưp ka 'ngưng dro, hloay ka kadih gô.",
  "3": "Vôôch hrok Bêê-rit-siin ji A-quui-laa, khơl 'wơyq kung varơuq dơơp kua gô đom Lôôk Wơơt Dêh Jê-xu,",
  "4": "nưq ji khơl adro heq hôôk kaxêêt xăk oot vii kơq xăk riirh kua gô, leh vơơ muuyq dro gô kamh ơơn oot, đơơu dêq hloay kaluh tayuup vah kua kaluh tamooi daak kadrưy đnooyq,",
  "5": "ji tayuup vah aduq hnhư oot. Vôôch hrok Ê-baai-nêêt, oh ay xung xiaq kua gô, đơơu ay nưq ji play drooyq dik kua dêh A-si ăm Lôôk Wơơt Dêh.\n",
  "6": "Vôôch hrok Ma-rii, adro heq dơơp varơuq thier  pơơl hwơơl vii oh ay.\n",
  "7": "Vôôch hrok An-trô-ni-kơ ji Ju-ni-aa, adro takuul takiel kua gô, ji 'wơyq karuk muyq aduq kua gô, vaar dro nưq ji khơl dro ra uk ra aar katuul đom khơl xapok, đơơu oot kung heq măn đom Lôôk Wơơt Dêh adrooyq gô.",
  "8": "Vôôch hrok Am-lii-aa, 'wơyq xung xiaq kua gô đom Lôôk.\n\n",
  "9": "Vôôch hrok U-rơ-baanh, 'wơyq achung varơuq kua 'wot đom Lôôk Wơơt Dêh, ji Êch-taa-chy, 'wơyq xung xiaq kua gô.",
  "10": "Vôôch hrok A-be-lơ, adro jah tiip nhonq đom Lôôk Wơơt Dêh. Dayh vôôch hrok khơl manih đom kôôt hnhư kua A-rich-tô-bu.",
  "11": " Vôôch hrok Hêê-rôô-đii-ôôn, adro takuul takiel kua gô. Vôôch hrok dro leq ji kôôt hnhư kua Naat-xiit, ji khơl adro măn đom Lôôk.\n\n",
  "12": "Vôôch hrok Tri-phe-nơ ji Tri-phô-sơ, khơl adro chiuq pơơl hwơơl đom Lôôk. Vôôch hrok Beet-xi-đơ xung xiaq, adro heq dơơp varơuq thier gleh glal đom Lôôk.",
  "13": "Vôôch hrok Ru-phu, adro jah rơơlh đom Lôôk, kung miq kua ay nưq ji kua gô.",
  "14": "Vôôch hrok A-sin-kơ-rich, Phơ-lêê-gôôn, Heet-me, Ba-trô-ba, Heet-ma, ji khơl oh ay măn dii oot.\n\n",
  "15": "Vôôch hrok Phi-lô-lô-gơ ji Ju-lii, Nêê-rêê ji ay kadrê ay nưq, kung Ô-liim ji dêq hloay khơl vah măn dii oot.",
  "16": "Dayh kahnoq xuum kuul vado mamuuyq bơơn kabiin hiip vah. Dêq hloay kaluh tayuup vah kua Lôôk Wơơt Dêh vôôch hlơq oh ay.\n\n",
  "17": "Mot kadrưy, wơơy oh ay, gô ahmưk nhăk oh ay rơơt rolh dii khơl adro dơơp vlôh varơuq aklah vlôh ji kơq gưlh lôôp, đêh dii trôôk pato dayh đơơu oh ay heq hok, ji dayh chuh xangưưy xing oot.",
  "18": "Vii khơl adro đanưq leh hơu varơuq Lôôk haay, ji Lôôk Wơơt Dêh, bơh ji poop klaak kua kadih oot, ji bơơyh apok langưưp xuum kung adôô, oot pa ôôh aluut pa dêq khơl xuum klaak klêq tuuôq.\n\n",
  "19": "Bơơyh xuum tamăn tyauq kua oh ay heq pahêêl vlôh truh tôôy dro. kơq nưq, gô hlah hlaak truh oh ay, bơh gô trôôch oh ay ik khôôt xet truh varơuq kaxaay, đơơu xarêh xaraat đôôiq dii varơuq xơk.",
  "20": "Kơy Plêêk ku varơuq hrok hrol hnoq joaq ranieq Saa-taan 'laalq jôôk oh ay talăng dayh.\nVanong kaxaay kua Lôôk haay, Lôôk Wơơt Dêh Jê-xu, măn dii oh ay.\n\n",
  "21": "Ti-mô-thê, 'wơyq kung dơơp varơuq kua gô, kung Lu-si-uut, Jaa-sôôn, ji Sô-xi-ba-tê, khơl adro takuul takiel kua gô, atăq apok vôôch hlơq oh ay.",
  "22": "Gô, Teek-tiu ,adro vlơk hla thưư neq, atăq apok vôôch hrok oh ay đom Lôôk.\n",
  "23": "Gaai-uut, adro heq tiip mơơy gô ji ka tayuup vah, atăq apok vôôch hrok oh ay. Ê-ra-tu, jưư baak jêêt kua theng kôt, kung dii dro oh ay Quua-tuu, atăq apok vôôch hlơq oh ay.",
  "24": "[Apôôy vanong kaxaay kua Lôôk haay, Lôôk Wơơt Dêh Jê-xu, măn kung dêq hloay oh ay. A-meen].",
  "25": " axuq ka Kơy hno ik khienq ka oh ay dưk kalh tyauq Hêêl Kaxaay kua gô ji varơuq pahêêl taboon Lôôk Wơơt Dêh Jê-xu, tyauq varơuq kahnoq vlôh truh varơuq kadook hmưq ik jưư paduu đom tuôôt kawach xêêk tuôôt 'ngưng đơơy xanưm,\n",
  "26": "Bơh juneq heq ik kahnoq vlôh, ji bơơyh kaluh rahlăp hlich, tyauq tanưưl kua Kơy Plêêk đơơy đơơy, heq jah đnooy vlôh ka dêq manih karôôp xôq jarooy truh varơuq tamăn tyauq kua xuum tuuôq,\n",
  "27": "tađnah tađnaak axuq ka Kadraq, Kơy Plêêk khôôt xet muuyq heq, gamưh Lôôk Wơơt Dêh Jê-xu, ka truh đơơy đơơy. A-meen."
}