{
  "1": "Anưq ăm gô vôôch: Be aleq Kơy Plêêk heq ka'lăk vlôh tamooi Kadraq? Varơuq nưq leh xlih vlôh ik. Vii kadih xăk gô kung ji muuyq dro I-sơơ-raa-êên, xing adơơk Aap-raa-haam, ji adrơơk tamooi Bêên-jaa-miin.",
  "2": "Kơy Plêêk heq leh ka'lăk manih Kadraq, ji manih Kadraq heq xet adrooyq. Long oh ay leh xet Rahlăp Vah đnooy kajoq truh Ê-lii, tuôôy kơy apôôy dii Kơy Plêêk tachơơl hlê manih I-sơơ-raa-êên?",
  "3": "“Kuh Lôôk, oot heq păk kaxêêt khơl manih hlich Kadraq, oot heq phaa ka'lăk paraa hơu Kadraq, kung vơơ muuyq dro koot măn jah riirh, ji oot kung đong hooy akhiim  axek xăk riirh koot.”\n\n",
  "4": "Bơh Kơy Plêêk heq tơơl apok đnooy kung kơy ji kajoq? “Gô heq xôq jeng ka Gô pơơh ravơu khơl kanâu, ji khơl adro heq leh kuul takuul kangưưr Ba-aanh.”",
  "5": "Anưq kung tyauq trôôk nưq đom kawach juneq, kaleq nưq măn muuyq phoon sook hlê tyauq varơuq rơơlh xok kua vanong kaxaay.\n\n\\ts\\*",
  "6": "Bơh atoh bơơyh vanong kaxaay, thii leh aalq bơơyh varơuq dơơp đnooyq. Atoh be, vanong kaxaay paq aalq ji vanong kaxaay. ",
  "7": "Nưq ji đaleq? Varơuq đơơu manih I-sơơ-raa-êên axek akhiim, tamooi nưq heq leh vrơyh jah ni, đơơu dro leq jah rơơlh thii vrơyh ik, bơh sôôq măn hlê heq biq găk xuum.",
  "8": "đaji varơuq heq ik vlơk,: “Kơy Plêêk heq kahniq ka oot danưng kooy vlô dôôt, mot leh hloq, tôôr leh tek, ăm truh hloay hngơy neeng.”\n\n",
  "9": "Ji Đa-vik thii đnooy:  “Dayh xôq poop baan kua oot yuuôl jêêk lươyq, đook, kuk phơu xatơlh jôôk ji varơuq tiel dook jeng ka oot.\n",
  "10": "Dayh xôq mot oot biq apưl jaluk xôq leh hloq, \nji dayh dơơp krok oot kưq  kadônq hloay.”\n\n\n",
  "11": "Anưq, ăm gô vôôch: “Be aalq oot heq xatơlh gưlh xôq yôôch gưlh riêp?\" Varơuq nưq leh xlih vlôh ik. Tađôôi muut đnư, bơơyh varơuq  lôôp kadrôôp kua oot, varơuq wơơt xok truh dii tamooi kadrưy, xôq dơơp ka oot 'yarơ jaraq.",
  "12": "Mot kadrưy, atoh varơuq lôôp kadrôp kua oot varơuq kroh e kua dêh araak, ji varơuq tayuuh kua oot varơuq kroh e kua khơl daak kadrưy, varơuq xleep kua oot hnoq kang kroh e rah jôôt  iaq xet  taleq?\n\n",
  "13": "Măn juneq, ăm gô đnooy dii oh ay ji khơl tamooi daak kadrưy. Anưq, kang bơơyh vii kadih xăk gô ji khơl jah rơơlh ka khơl tamooi daak kadrưy, gô xok dơơp hlah hlaak truh varơuq dơơp kua gô,",
  "14": "xôq long bơơn trôôk leq nưq, gô hno ik dơơp ka tamooi tyauq phon xaak kua gô 'yarơ jaraq ji hno ik wơơt ik muuyq sôôq dro xing aduq oot.\n",
  "15": "Vii atoh varơuq biq ka'lăk vlôh kua oot varơuq tagu hlê kua dêh araak, varơuq oot 'yo nhonq hnoq đaleq atoh leh aalq ji varơuq riirh vlôh xing aduq kaxêêt?",
  "16": "Mot kadrưy, atoh phoon bôôt drooyq dik ji vah,  dêq palaah bôôt nưq kung đanưq. Ji atoh rayaah ji vah, kaluh đook kung anưq.\n\n",
  "17": "Bơh atoh muuyq sôôq đook heq biq gôh hlơơp, măn oh ay, tuôy ji đook ô-liiu gôk, heq ik tabôk muut đom aduq ni, ji heq vlôh jêêk khơl adro kung jah nhonq jưl riirh glơh glaay xing rayaah kua ưk ô-liiu nưq,",
  "18": " te  akwoe xăk  glơh iaq kaluh đook kadrưy. Bơh long oh ay akwoe akwoak, leh aalq kadih oh ay chiuq văch rayah ôôlh, đơơu ji rayah ôôlh oh ay.\n",
  "19": "Anưq thii, oh ay hnoq đnooy:\" Kaluh đook nưq heq biq gôh ka'lăăk, xôq kadih gô hno ik tabôk muut.\"",
  "20": "Jơq anưq! Oot heq biq gôh ka'lăk bơơyh varơuq leh tuôq, măn kadih oh ay thii dưk găk gamưh xuum tuuôq. Tee biit truh kaluh xuum biit katơk glơh, đơơu dayh varaal yôq!",
  "21": "Vii atoh Kơy Plêêk heq leh alaay kaluh đook tyauq trôôk e 'miêh hơq, Kadraq kung hnoq leh alaay oh ay.\n\n",
  "22": "Anưq, dayh 'yo xet xuum biit angơuq ji varơuq ngiim khăk kua Kơy Plêêk: tyauq varơuq ngiim khăk đôôiq dii khơl adro heq gưlh talaalh, bơh xuum biit angơuq kua Kơy Plêêk jeng ka oh ay, atoh oh ay kưq măn đom varơuq biit angơuq Kadraq. Bơơn leh, kadih oh ay kung hnoq biq gưch ka'lăăk.\n",
  "23": "Măn khơl adro hơq kung anưq, atoh oot leh miêt ratuôôt đom varơuq leh tuôq, oot hnoq \n ik tabôk muut. Bơơyh Kơy Plêêk e daa-uuh xôq tabôk oot muut hlê.",
  "24": "Vii atoh oh ay heq biq kơl klơlh muuyq ưưk ôôlh tyauq ưưk ji ưưk ô-liiu gôk, ji heq ik tabôk đêh dii trôôk e 'miêh muut ưưk ô-liiu kaxaay,  khơl adro nưq, nưq ji  khơl adro dơơp tyauq trôôk e 'miêh, hnoq kang ik tabôk muut ưưk ô-liiu kua kadih ni 'ngưng iaq xet taleq?\n\n",
  "25": "Vii oh ay lơơy, gô leh trôôch oh ay leh xet truh varơuq kadook neq, xôq oh ay leh e varơuq khôôt xet tyauq xăk xamơk oh ay, bơơyh varơuq găk xuum vlôh xing muuyq phoon manih karôôp I-sơơ-raa-êên heq xlih vlôh, ka truh tuôôy đuh sôôq kaluh manih daak kadrưy anguk  muut;\n\n",
  "26": "ji đanưq, dêq I-sơơ-raa-êên hnoq ik wơơt, đaji heq ik vlơk aneq:  “Kơy wơơt xok hnoq truh xing Si-ôôn; Kadraq hnoq ka'lăk vlôh kaluh varơuq leh tuuôq vlôh klơlh Ja-kôôp.\n",
  "27": "Ji nưq ji apok tavek xing aduq Gô jeng ka oot, tuôôy Gô hnoq tawaay ka'lăk lôôp kadrôp kua oot.”\n\n\n\n\n",
  "28": " Tuuy tyauq Hêêl Kaxaay, adro tachơơl vii kơq ik lơơyq  kua oh ay, bơh tyauq varơuq rơơlh xok, manih ik xung xiaq vii kơq khơl mo kơy kua oot",
  "29": "Kơq kaluh varơuq kahniq ăm ji varơuq taayh tawooy kua Kơy Plêêk ji kaluh varơuq leh ik tađôôi.\n\n",
  "30": "vii tabơh đaji kadih oh ay tuôy adrooyq heq leh tamăn Kơy Plêêk, đơơu neq heq jah biit angauq aduq varơuq leh tamăn kua khơl adro neq,",
  "31": "thii kung đanưq, khơl adro neq juneq heq leh tamăn aduq varơuq biit angauq oh ay, xôq juneq oot kung hno ik biit angauq.",
  "32": "Vii Kơy Plêêk heq karuk dêq manih đom varơuq leh tamăn, xôq Kadraq hno ik kahnoq xuum biit angauq tôôy dro.\n\n\n",
  "33": "Dik, tơơl dik bê jaruq truh varơuq kroh e ji varơuq khôôt xet kung varơuq hlolh xet kua Kơy Plêêk! Luleq kaluh xưh xadrah kua Kadraq leh ik 'yo xet, ji trôôk daak Kadraq leh hlolh xet ik!\n",
  "34": "“Vii kơyq heq xet xuum biit kua Lôôk? \nLong kơyq heq vlôh jêêk adro đnooy pato kua Kadraq?\n\n\n",
  "35": "Long kơyq heq ăm Kadraq adrooyq,\nyôôch hnoq ik Kadraq blaa hlê?”\n",
  "36": "Vii tôôy prooh vlôh xing Kadraq, gamưh muut Kadraq, ji awiih truh Kadraq. Tađnah tađnaak ji kua Kadraq ka truh đơơi đơơi. A-meen.\n"
}