{
  "1": "Phao-lôô, xapok kua Lôôk Wơơt Dêh Jê-xu, muuyq khơl xatyauq  ik taayh tawooy, ik rơơlh đêh ka Hêêl Kaxaay kua Kơy Plêêk,",
  "2": "ji varơuq đơơu Kadraq heq tavek xing adrooyq gmưh khơl manih hlich kua Kadraq đom Rahlăp Vah,",
  "3": "truh Koot Kadraq - Kơy ik paiir vlôh xing adrơơk kua Đaa-vik tyauq phoon xăk xamơk,",
  "4": "Kơy ik đnooy taayh ji Koot Kơy Plêêk bơơyh da uuh hlê varơuq riirh hlê xing aduq kaxêêt tyauq tanưng kooy vah xarêh - Lôôk Wơơt Dêh Jê-xu, Lôôk haay,",
  "5": "Đơơu gamưh Kadraq, 'wot heq nhonq xok vanong kaxaay  ji khơl ik rơơlh wih truh varơuq tamăn tyauq kua xuum tuôq đom dêq hloay khơl manih daak kadrưy vii kơq yal Kadraq.",
  "6": "đom sôôq nưq oh ay kung ji khơl adro ik tawooy taayh ji kua Lôôk Wơơt Dêh Jê-xu.",
  "7": "Ataq truh dêq hloay khơl leq đong măn kaduq Rô-maa, khơl adro xung xiaq kua Kơy Plêêk, khơl vah ik tawooy taayh:  vanoong kaxaay truh dii oh ay kung varơuq hrok hrol xing Kơy Plêêk, Vaq haay, ji xing Lôôk, Lôôk Wơơt Dêh Jê-xu.",
  "8": "Adrooyq dik, gmưh Lôôk Wơơt Dêh Jê-xu, gô kuh kway Kơy Plêêk kua gô truh dêq hloay oh ay, vii xuum tuôq kua oh ay ik pahêêl vlôh lơch dêq dêh araak.",
  "9": "Vii Kơy Plêêk ji  manih dưk xnưk kua gô, Kơy đơơu gô hơu varơuq bơơn xuum phool gô đom Hêêl Kaxaay kua Koot Kadraq, gô leh padơy e varơuq ahmưk nhăk truh oh ay luleq,",
  "10": "tuôy hloay hloay apôôy vôôt đom apok apôôy kua gô atoh hno ik, xôq yôôch đom katuôy neq long katuôy kadrưy, gô hnoq e đơơt hooy tơơl dal bơơyh iq trôôch kua Kơy Plêêk xôq truh kung oh ay.",
  "11": "Vii gô thier trôôch jah tavơh oh ay, long ka gô hno ik padooh taboon dii oh ay vanong tanưng kooy  leq nưq, xôq oh ay ik dưk kaalh.",
  "12": "đơơu varơuq nưq ji  xôq gô kung ik ahmưk nhăk dii oh ay, gmưh varơuq măn đom tôôy dro, xuum tuôq kua dêq oh ay ji gô.",
  "13": "Wơơy oh ay, gô leh trôôch oh ay leh laayq xet aneq 'ngưng yưk gô heq e iq đingq truh kung oh ay ( đơơu gô heq biq klơl hlê ka truh tuôôy neq), long ka gô kung hno ik gơch pech raak play leq nưq đom oh ay, kung đaji katuul khơl manih daak kadrưy.",
  "14": "Gô ji adro pơq lôôkq dêq manih Hi-laap hloay adro thiuq văăn minh, hloay manih khôôt xet hloay adro vlô.",
  "15": " Vii nưq, đôôiq dii gô, dik ji vagul xuum xôq kung đnooy vlôh Hêêl Kaxaay ka oh ay, ji khơl manih aduq Rôô-maa.",
  "16": "Vii gô leh kamưưl truh Hêêl Kaxaay, bơơyh nưq ji da uuh kua Kơy Plêêk xôq varơuq wơơt xok jeng ka dêq hloay dro leq tuôq,  jeng adrooyq dik ka manih Jo-Thaaiq, hloay jeng ka manih Hi-Laap.",
  "17": "Bơơyh varơuq hyioh jăk kua Kơy Plêêk ik kahnoq vlôh đom Hêêl Kaxaay nưq, xing xuum tuôq truh xuum tuôq, đa heq ik vlơk aneq: \"Bơh adro hyioh jăk hnoq riirh bơơyh xuum tuôq.\"",
  "18": "Vii kơơn tôq dayh kua Kơy Plêêk xing plêêk ik kahnoq vlôh tachơơl dii dêq varơuq leh tuôq ji leh hyioh jăk kua khơl drưy,ji khơl adro ahnanh ahnuk varơuq dik đom varơuq leh hyioh jăk,",
  "19": "vii varơuq hno ik xet truh Kơy Plêêk thii roo raang đom katuul oot, bơơyh Kơy Plêêk heq kahnoq varơuq nưq ka oot.",
  "20": "Vii xing tuôy  panưk pajêêk dêh araak,  kaluh kajoq leh hloq ik kua Kadraq, ka da uuh hloay  yaak plêêk đơơi đơơi kua Kadraq, ik 'yo xet roo rang, tuôy ik hlolh xet hlê kaluh panưk pajêêk kua Kadraq, xôq ka oot leh e kajoq đnooy tagêh ik.",
  "21": "Nưq ji vii long nhonq xet Kơy Plêêk, oot heq leh vnê Kadraq ji Kơy Plêêk, kung leh kuh kway Kadraq. Xloah muut đnư, oot heq vlôh jêêk lưp yuôl aal đom kaluh xuum biit oot, ji xuum ta'ngơk khưlq kua oot heq biq varơuq kamưng jaluk klum katuh.",
  "22": "Tuôy  đnooy kadih ji khôôt xet, oot heq ăm hloq oot vlô apoop,",
  "23": "ji oot heq tađôôi tađnah tađnaak kua Kơy Plêêk leh kaxêêt hlơơp bơơn varơuq dang đaji long lơuq kua koot manih hưư hlơơp, kung đa kua kaluh xêêp, ôô gôk, ji pii ahnoot.",
  "24": "Vii anưq, Kơy Plêêk heq pahnăp oot muut kaluh xuum hmưch kua xuum oot wih truh varơuq lưp xarêh xaraat, xôq xăk xamơk oot biq dơơp klơl yêq katul đom bing oot,",
  "25": "nưq ji khơl adro heq tađôôi varơuq dik kua Kơy Plêêk bơơn varơuq pa ôôh lar, ji heq vnê kung hơu varơuq vâk pajêêk xloah vii Kơy Panưk Pajêêk, ji  Kơy xưnq ik vnê ayuôt dong truh đơơi đơơi. Ameen.",
  "26": "Bơơyh ka kơq nưq, Kơy Plêêk heq pahnăp oot ka kaluh hmưch trôôch apuq atrăp, vii khơl kadrê kua oot heq tađôôi trôôk xa vik e 'miah jiêk leh troq trôôk e 'miah,",
  "27": "kung anưq, bing khơl kanâu kung dang đanưq, atêq katuôy ka'lăk trôôk xa vik e 'miah dii khơl kadrê, thii  chiuq huu vuh đom xuum hmưch ku oot truh mamuuyq, tuôy khơl kanâu dii khơl kanâu dơơp varơuq bơyq baa, yôôch nhonq hlê tol xăk oot xadah dook, ji  varơuq taxưngq dii varơuq leh troq ku oot.",
  "28": "Kung tyauq kach đơơu oot heq leh 'yo hloq phaay e Kơy Plêêk đom nhonq xet oot ji kaxaay liap, Kơy Plêêk heq pahnăp oot ka xuum hlaak hưư hlơơp, xôq dơơp kaluh varơuq leh hyioh troq,",
  "29": "vii heq biq glôp viik tôôy varơuq leh hyioh jăk, xơk tauq, xuum hmưch, xuum xơk: viik ngăk  kaluh varơuq kua varơuq tagliah 'yarơ, păk kaxêêt, tayaat, aluut pa ôôh, xơk xuum; kaluh apok đnooy ramooy,",
  "30": " đnooy pahnhiq, xôq xuum 'yarơ Kơy Plêêk, lienq xaaoq, katơk glơh akwoe kwoak, 'ngưng varơuq dơơp xơk xơuq, leh tamăn tyauq miq vaq,",
  "31": "thiiuq hlolh xet, leh jư xuum, leh tabông, lưp e xuum biit angauq. ",
  "32": "Nưq ji khơl adro long heq nhonq xet xưh xadrah hyioh jăk kua Kơy Plêêk, aneq kơyq lôôp kaluh varơuq đa nưq ji xưngq kaxêêt, oot leh vơq lôôp kaluh varơuq nưq, đơơu  oot măn  ahluk ka khơl kadrưy dơơp tyauq.",
  "None": "<strong>Thơ ku Phao-lô</strong><strong>Atăq ka manih</strong><strong> Rô-maa</strong>"
}