See in Reader
14 lines
2.2 KiB
JSON
14 lines
2.2 KiB
JSON
{
|
|
"1": "Atêq kaluh varơuq nưq, gô 'yo ji hloq muuyq poop 'mok luh măn tol plêêk. Apok adroyq dik đơu gô heq tameen xanoh dii gô đaji ahlôôk keen, đaneq: \"Dayh tok đneen, yôôych Gô hnoq pato ăm koot hloq kaluh varơuq pheq xalih truh atêq kaluh varơuq hơq.\"",
|
|
"2": "Vơơ hloay, gô măn đom Yaak Plêêk, ji 'yo hơq, e muuyq ngaai jah xôq tol plêêk, ji kơyq nưq đong 'ngôôy tol ngaai.",
|
|
"3": "Plêêk 'ngôôy tol ngaai 'yo dang ngok theek aanh ji ngok maah naoh. E muuyq mo adreek măn rawiit ngaai 'yo đaji ngok luuk baoh.\n\\ts\\*",
|
|
"4": "Rawiit gah ngaai e vaar kưưl poot pop ngaai, 'ngôôy tol ngaai laa vaar kưưl poot khơl draq hlưưp auu koo, dii kađoat tađnah bơơn mưh tol akoq oot.",
|
|
"5": "Xing ngaai ahna vlôh xađneek tađnah, ahlôôk hnuum hnuum, kung ahlôôk kơy kata. Pơơh gaay đeen bơơn ôôlh đong jaq kangưưr ngaai, 'ngưq ji pơơh kơy yaak ku Kơy Plêêk.\n\n\\ts\\*",
|
|
"6": "Kangưưr ngaai e muuyq tahlii ramiil, dang đaji phaa lêê. Măn katuul ngaai ji rawii gah ngaai laa poot pop ôôq, xak viit mot, dêq adroyq hloay atêq.\n\n\\ts\\*",
|
|
"7": "Koot ôôq adroyq dik dang lii-on, koot ôôq nhưk vaar dang boo koot, koot ôôq nhưk pee e mot đaji mot manih, ji koot ôôq nhưk poot dang xêêpq kalaak kôt đong pool.",
|
|
"8": "Poot poop ôôq tôôy poop e drơơu panưưl, e viit mot pii atal ji pii 'lăălq. Hngơy hloay klôôy, oot kưq đnooy paq padơơy: \\q\n “Hlăng vah, hlăng vah,hlăng vah ji Lôôk, Kơy Plêêk Dêq Hloay Taay Yaak, \n\\q\nPlêêk heq e, đong e ji hnoq truh.”\n\n\\ts\\*\n\\m",
|
|
"9": "paq kêê tuôôy leh kaluh ôôq tưp tađnah tađnaak, varơuq vnê kôt, ji apok kuh kwaay ka Plêêk 'ngôôy tol ngaai, 'ngưq ji Plêêk riilh đơơy đơơy, hloay hloay,",
|
|
"10": "yôôych vaar kưưl poot khơl draq kanaap xak kangưưr Plêêk 'ngôôy tol ngaai, ji kuh ayuuôt Plêêk riilh đơơy đơơy, hloay hloay. Oot qweek kađoat tađnah oot kangưưr ngaai, ji đnooy:\n\\q",
|
|
"11": "“Kuh Lôôk ji Kơy Plêêk 'wot,\n\\q2\nLôôk đanq jah tađnaah tađnaak, varơuq vnê kôt, ji qwuyen da uuh,\n\\q\nvii Lôôk panưk pajêêk kaluh ôôq araak; \n\\q2\nbơyh iq xuum Kadraq đơu oot măn hlê ji jah panưk pajêêk.”\n\n\\ts\\*"
|
|
}
|