cor_2020_cua_clt_rev_book/rev/3.json

{
  "1": "“Dayh vlơk ka Kơy Yaak ku tayuup vah aduq Saak-đee, đaneq:\\p\n‘ Kơy adrơk pơơh yaak phool ku Kơy Plêêk ji pơơh xlok xanooh luneq: \"Gô xet kaluh varơuq dơơp ku koot. Koot jah taayh laa riilh, bơh koot heq kaxêêt.",
  "2": "Dayh proor takôô ji dơơp dong kajưk kaluh kajoq măn hlê laa kaluh varơuq jeq kaxêêt, vii Gô koq hloq kaluh varơuq dơơp ku koot heq xaleep kangưưl Kơy Plêêk ku Gô.\n\n\\ts\\*",
  "3": "Nưq, dayh vach hlê kaluh varơuq koot heq nhonq ji heq tameen. Dayh tameen tyauq nưq đơu wiit xuum yơu. Atoh koot leh kadrach kah, Gô hnoq truh đaji adro atôôk, ji kajưk dik koot hnoq leh xet wat leq Gô truh tachơơl koot.",
  "4": "Bơh aduq Sak-đee koot e toq leq dro koq lưưp dơơp a'moh auu yơơt oot. Oot hnoq hlưưp auu koo hooy dii Gô, vii oot taxưnq.\n\n\\ts\\*",
  "5": "Manih leq jah jaay dang đaji oot hnoq jah hlưưp auu koo, ji Gô hnoq be dong leq chuui ơnơng manih nưq klơlh rahlaap varơuq riilh, Gô hnoq xưng ơnơng ku ni kangưưr Vaq Gô kung đaji kangưưr kaluh Kơy Hơu Kadraq.\"",
  "6": "Kơyq e tôôr, dayh tamen apok Yaak Plêêk xanooh kung kaluh tayuup hlăng vaah’.”\n\n\\ts\\*\n\\p",
  "7": "“Dayh vlơk ka Kơy Hơu ku tayuup hlăng vah aduq Phii-la-đeen-phii, đaneq: \\q ‘ Plêêk hlăng vah, Plêêk hyioh jăk, \n\\q2 \nPlêêk adrơk jưư gaay kaal ku Đaa-viik,\n\\q2 \nPlêêk luh yôôych be akơyq kađnoch,\n\\q3 \nji kađnoch yôôych be ekơyq luh, xanooh đa aneq:\n\\p",
  "8": "“Gô xet kaluh varơuq ku koot. 'yo hơq, Gô heq xôq muuyq 'mok ranưh luh kangưưr koot đơu be akơyq e paraat kađnoch ni ik. Long koot e axiit paraat, bơh koot heq tameen jưư apok Gô, ji be chôôiq yal Gô.\n\n\\ts\\*",
  "9": "'Yo nee, Gô hnoq khienq khơl adro măn tayuup ku Saa-taan, kadih nhonq laa manih Jo Thaiq bơh be aal, đơu vơơ laa biing đnooy pa ôôh - 'Yo hơq, Gô hnoq khienq oot truh kanaap xăk pôôt aduq jôôk koot, ji oot hnoq xet đaneq Gô xiaq koot.",
  "10": "Vii koot heq jưư apok xarooy wêêt xuum chiuq nhinq ku Gô, anưq Gô kung hnoq jưư koot klơlh wat dơơp atoh jeq xung truh tol loch dih dêh xôq atoh khơl manih tol varii.",
  "11": "Gô hnoq truh talaang daayh. Dayh jưư kajưk kaluh kajoq koot e xôq be akơyq hnoq ik xok hooy đooat tađnah ku koot.\n\n\\ts\\*",
  "12": "Manih leq jah jaay, Gô hnoq khienq manih nưq vlôh jêêk gok đom hnhư hơu ku Kơy Plêêk Gô. Manih nưq hnoq be dong leq vlôh klơlh nưq, ji Gô hnoq vlơk tok xăk yal ku Kơy Plêêk Gô, ơnơng theng ku Kơy Plêêk Gô ( 'ngưq ji Jêê-ruu-saa-leem đơơu xing Kơy Plêêk Gô măn tol plêêk pôôt), ji ơnơng đơơu ku Gô.\"",
  "13": "Akơyq e tôôr, dayh tamen apok Yaay Plêêk xanooh kung kaluh tayuup hlăng vaah'.\"\n\n\\ts\\*\n\\p",
  "14": "“Dayh vlơk ka Kơy Hơu ku tayuup hlăng vaah aduq Laao-đi-xêê, đaneq:\\p\n ‘ Plêêk AA-meen, Manih xanưk xưnq tuuôq ji hyioh jăk, xaroop dơơp varơuq panưk pajêêk ku Kơy Plêêk xanooh đaa neq:",
  "15": "“Gô xet kaluh varơuq dơơp ku koot, đaneq koot be jaleek, kung be tôq. Ưng kajoq koot jaleek hloay long tôq hloay dơơyh!",
  "16": "Nưq, vii koot hôôm hôôm - be tôq kung be jaleek - anưq gô jeq klaq koot vlôh khơlh huuy.\n\n\\ts\\*",
  "17": "Vii koot đnooy: ' Gô karoh yôôych, gô heq e 'ngưưng garuh anôôp hluôôt mưh yôôych, ji gô be thiuq kajoq dêq. ' Bơh koot be xet đaneq koot dik pơơl hwơơl, đanq tarôôy, adrah pangoot, vlok apuul ji xak vok lalôôk.",
  "18": "Gô nhăk koot root ku Gô mưh heq arieq đom ôôlh xôq koot jah karoh e, root qwuân auu koo ploat xôq koot hlưưp muut đơu be măn kahnoq vlôh varơuq kamưưl vii kahngơy lalôôk ku koot, ji root jarơơu katoh mot xôq koot hloq ik.\n\n\\ts\\*",
  "19": "Khơl adro đơu Gô xung xiaq yôôych Gô đnooy pato ji 'meq dook. Đanưq, dayh kaalh xuum ji wiit xuum yơu.",
  "20": "'Yo hơq, Gô dưk ka 'mok ji pah. Kơyq tek apok Gô ji luh 'mok, yôôych Gô hnoq muut kung adro nưq, xa waal dii xak, ji xak dii Gô.\n\\ts\\*",
  "21": "Manih leq jah jaay, Gô hnoq ăm manih nưq 'ngôôy dii Gô tol ngaai Gô, kung đaji Gô heq jah jaay ji 'ngôôy dii Vaq Gô tol ngaai Kadraq.",
  "22": "Kơyq e tôôr, dayh tamen apok Yaak Plêêk xanooh kung kaluh tayuup hlăng vaah.”’”\n\n\\ts\\*"
}